رواية عهد مع الشيطان الفصل التاسع 9 - بقلم نسيمة حفصي
"الفصل التاسع"
"عهد مع الشيطان"
"و حتى ان كان عشقك سما قاتل فأنا راضية لكن عهد مني ان احتفظ بهذا العشق في قلبي حتى يكتب لنا الله لقاء تحت سقف واحد امام الله و عباده... حتى يتوج اسمي و اسمك معا في دفتر واحد."
•••••••
"و كأن الزمن توقف فجأة من حولها، صوت الرصاصة دوى في المكان يمزق سكون الليل... كانت تغمض عيناها بخوف تنتظر مصيرها المحتوم.. دقات قلبها تتسارع كقرع الطبول.
فتحت عيناها بتريث حينما هدأ الصوت... هل اخترقت الرصاصة جسدها ام ماذا، لكنها لم تشعر بأي الم.. وقع نظرها على ذالك المجرم الذي كان يوجه سلاحه عليها راقدا تحت اقدامها جثة هامدة غارق في دمائه، بينما رفيقه كان يرفع يداه بينما ينظر خلفها برعب.
ببطئ استدارت تنظر الى ما كان ينظر اليه تكذب احساسها بما لاح في افكارها تلك اللحظة... لكنها تصنمت عندما وجدته هو بذاته يقف امامها بصلابة.. بروده المرتسم على ملامحه لا يتخلص منه... بينما رجاله يحاوطونه بإنتباه شديد.
لم تعلم في تلك اللحظة ما هيا الكلمات التي يجب عليها النطق بها... فقط تنظر لها بسكون، عيناها تأبي تركه..لقد اصبح منقذها.. لم تتوقع انه سيلبي ندائها عندما تستغيث به،، لكنه خالف كل تواقعاتها و ما هو ذا يقف امامها.. انعقد لسانها عن الكلام فقط ترمقه بنظرات ممتنة شاكرة سعيدة دقاتها هذه المرة تقرع لكن ليس خوفا بل شيء اقسى من الخوف و احر من النار.
اخيرا قرر هو قطع السكون ليخرجها من دوامة افكارها حينما اردف بهدوء": انتي كويسة؟.
اعادت خصلة شعر متمردة خلف اذنها بتوتر ثم تحمحمت تردف بإمتنان": انا كويسة بفضلك .. لو ما وصلت بالوقت المناسب مكنتش عارفة ايه اللي هيحصل!.
كاد ان يتحدث لكن تجمدت الدماء في عروقه و هو يرى ذالك المجرم المصاب و الذي يبدو انه لم يمت حتى الآن يحاول توجيه مسدسه على نزال التي كانت توليه ظهرها غير منتبهة له.
بسرعة البرق جذبها له لتصطدم بصدره العريض ثم بحركة سريعة اعتادتها يده اخرج مسدسه يطلق طلقة واحدة لتستقر في جمجمة ذالك الرجل الذي مات مكانه جثة هامدة... عاش رخيصا و مات ارخص و تلك جزاة كل من يتبع طريق الشر و تعميه غشاوة الأموال... ولا يفكر في يوم ترجع فيه كل نفس الى خالقها.
كل شيء حدث كان سريعا و يبدو انها لم تستوعب ما حدث ولا رأية مشهد الدماء المنثورة في المكان خلال ثواني كانت تهوى فاقدة الوعي لتستقبلها ذراعاه قبل ان تلامس الأرض.
اقترب احد حرسه يردف بإحترام": تحب نحملها عنك يا باشا.
نظرة واحدة من الوحش كانت كفيلة بجعل ذالك المسكين يتشاهد على نفسه.. ليتراجع بسرعة الى الخلف مفسحا الطريق الى رحيم الذي حمل نزال و توجه الى السيارة... استقبله احد الحرس يفتح الباب الخلفي للسيارة ليضعها في المقعد الخلفي برفق ثم لف ليجلس خلف عجلة القيادة و ينطلق الى قصر الجارحي.
🦋🦋🦋🦋🦋🦋
تجلس امام التلفاز على يبدو انها تشاهد احد الأفلام الكرتونية، لكن عقلها لم يكن معها اطلاقا.. جلس هيثم امامها يردف بإستغراب": وهج هيا نزال مرجعتش؟.
نظر لها بإنتظار اجابتها و لكنه لم يتلقى منها سوى الصمت ليضع يده على كتفها يهزها برفق،، انتفضت من مكانها لتجد هيثم هو من يجلس معها لتردف بتفاجأ": هيثم؟.. انت جيت ايمتى!.
رمقها بإستغراب من حالة الشرود التي كانت بها ثم اردف بهدوء": من شوي بس... انتي مالك كنتي شاردة ليه... بتفكري في ايه.؟
نفت برأسها بينما تفرك يداها محاولة اخفاء توترها تردف بكذب": هاا لا مفيش بس انت عارف امتحاناتي قربت و بفكر فيهم بس.
ربت هيثم على يدها بحنان قائلا": متقلقيش يا حببتي انتي شطورة و هتتفوقي و تكوني من الأوائل زي عادتك.
ابتسمت بهدوء مردفة بتمني": ان شاء الله يارب يا هيثم... الا انت كنت عايز تقول اي.
بدت علامات القلق على ملامح هيثم حينما اردف بتذكر": اه صح انا كنت بقول ان الوقت اتأخر.. الساعة بقت تسعة و نزال لدلوقتي مجتش!.
رفعت نظرها الى الساعة الكبيرة التي تتوسط الحائط لتجد فعلا الساعة تتخطى التاسعة لتردف بقلق و حيرة": فعلا... هيا لو كان عندها شغل اضافي كانت رنت و علمتنا بده.. هرن عليها.
هيثم بقلة حيلة": انا كنت برن عليها بس بيديني مغلق و اللي قالقني ان هيا لما طلعت ما اخذتش الحرس معاها.
كادت ان ترد عليه وهج لكن قاطعهم صوت الجرس الخاص بالفيلا... نزلت الخادمة من الأعلى متجهة الى الباب لكن اوقفتها وهج بعلامة من يدها ثم اردفت": خلاص يا سلوى روحي انتي انا هفتح اكيد دي نزال.
انهت كلامها راكضة الى الباب بينما اتبعها هيثم بهدوء و ما ان فتحت الباب حتى وقفت متصنمة مكانها... علامات الخوف ارتسمت على وجهها.
جاء هيثم من خلفها يردف بإستغراب": في اي يا وهج مالك متسمرة في مكانك كدا ليه هو مين اللي على الباب... انهى حديثه تزامنا مع وصله الى حيث تقف وهج ليقع نظره على رحيم الذي كان يحمل نزال بين ذراعيه بينما خصلاتها تغطي ملامح وجهها.
سحب هيثم وهج سريعا يبعدها عن الباب يسمح لرحيم بالدخول و اردف بخوف": رحيم ايه اللي حصل هيا نزال مالها و ليه معاك.
وضع رحيم نزال على الأريكة بهدوء ثم اردف ": ممكن تجيبو كاسة مية الأول؟.
اومئ هيثم بينما وجه نظره الى وهح التي تراقب اخترها بنظرات خائفة ضائعة هواجس الخوف تطاردها،، تخشى انت تفقدها": وهج اهدي نزال كويسة... هاتي مية بسرعة.
امائت وهج بهدوء ثم اتجهت الى المطبخ و بعد قليل عادت تحمل كأس ماء ليستلمه منها رحيم ثم راح يرش بضع قطرات على وجه نزال.. ثواني و كانت ترمش عيناها دلالة على بداية استفاقتها.
اقتربت منها وهج سريعا تمسك يداها بحنان بينما ابتعد رحيم يفسح لها المجال ثم اقترب من هيثم يربت على كتفه": حضرة المحامية لما تفيق هتبقى تحكيلكم اللي حصل يا هيثم انا لازم امشي دلوقتي رحمة هتقلق لو اتأخرت أكثر من كدا.
شكره هيثم بهدوء ثم قال": تمام يا رحيم شكرا اوي على انك جبت نزال ممنون ليك.
رحيم ببتسامة صغيرة": خيرك سابق يا هيثم و انت عارف اني مهما عملت مش هوفيك حقك.
ابتسم هيثم على حديثه و راح يردف": انا معملتش غير واجبي كا دكتور يا رحيم بلاش تحسسني اني عملت فضل كبير.
" تنهد رحيم ببطئ يزفر هواء رئتيه ثم القى نظرة اخيرة على نزال التي كانت تستلقي على الأريكة بتعب بينما نظراها معلقة به... عيناها تحكي الف قصة، نظر لها نظرة غامضة لكن بين طياتها وجدت الأمان... وضع نظاراته على عيناه بهدوء ثم اتجه الى خارج الفيلا..
"بعد مغادرة رحيم اتجه هيثم يجلس امام نزال يمسد خصلات شعرها بحنان قبل ان يردف": ايه اللي حصل يا نزال.
" نزال بكذب حتى لا يقلق عليها كما انها لازالت لا تعلم هل ما حدث معها هو صدفة خطأ ام مخطط له لذا تنهدت بهدوء قبل ان تردف": مفيش يا هيثم كل الموضوع اني ما اكلتش طول اليوم بسبب الشغل و القضايا اللي كانت متراكمة عليا عشان كدا حسيت بهبوط و دخت.!
"رغم ان هيثم رمقها بنظرات شك اثر حديثها الا انه لم يعلق بينما وهج اكملت السؤال المهم": طب ازاي الأستاذ رحيم لقاكي او ايه اللي وصلكم لبعض.
للحظة تذكرت كيف خطر ببالها هو اول شخص بعد ان هاتفت هيثم و وجدت هاتفه مغلق،، كيف طلبت مساعدته ظانةً انه لن يلقي لها بالا لكن وجدته في لمح البصر امامها كدرع صلب يواجه المخاطر لأجلها تسارعت دقات قلبها معلنةً عن تمرد ذالك النابض بصدرها.
هزتها وهج بخفة عندما لم تجد منها اجابة لتقول بهدوء بعد ان تداركت شرودها": الأستاذ رحيم عرض عليا ان انا ابقى محامية الشركة بتاعه و انا وافقت و كنا في مقابلة عشان اوقع العقد و لما كنت في الطريق بنشر دولاب سيارتي و لما كنت بصلحها اغمى عليا فهو ساعدني بس كدا.
وهج بمرح و ابتسامة حالمة": الله ايه جو الروايات دا اوعدنا يا رب.
لكزتها نزال بخفة قائلة": ايه العبط ده يا بتاع الروايات انتي؟.
هبت وهج واقفة كمن لدغتها حية و هيا تمصمص فمها برفعة حاجب ثم اردفت و هيا تضع كلتا يداها على خصرها": و هيا الروايات مش عجباكي ليه يا ظنايا ده حتى الواحد كان بيقرأ حتة رواية قمر على حزن على اكتئاب ولا تميم ده القمر و المرمطة اللي عيشها للبت ميرا.
نزال برفعة حاجب": تميم و ميراا مين يا اخرة صبري انتي.!
"شهقة اصيلة خرجت من جوفها قبل ان تردف بتهكم": بقى مش عارفة تميم و ميرا بتاع رواية دموع شيطانية للكاتبة العسولة چنا ابراهيم ده انا كنت عايزة اقول منها لله عشان وقفت الرواية بس قلبي مطاوعنيش اصلي بحبها خالص.
لوت نزال شفتيها بتهكم واضح قبل ان تردف و هيا تهم بالنهوض": و لا عايزة اعرفها ولا اعرف ابعدي عني بلا قرف... انهت نزال حديثها و اتجهت الى الأعلى حتى تنعم بقسط من الراحة.
بينما وجهت وهج نظرها الى هيثم الذي يجلس يتابع ما كان يحدث بملل ثم اردفت ببتسامة مرحة": هاثومة حبيبي عارفة انت الوحيد اللي هتسمعلي و انا بحكيلك عن رواية چنا وو..
دفعها هيثم بعيدا عنه قبل ان يردف": ابعدي عني بلا چنا بلا قرف لو مطلعتيش دلوقتي على اوضتك و نمتي هعلقك على باب الفيلا.
رمقته وهج بغيظ ثم اتجهت الى غرفتها و هيا تدبدب الأرض بقدميها مثل الأطفال.
🦋🦋🦋🦋🦋🦋
" اسمع الكلمتين اللي هقولهملك كويس... عشان لما انهي حياتك و حياة اللي باعثك متبقاش تندب زي النسوان،، اسم رحيم الجارحي هنا او برا الكل بيعمله الف حساب و اي حد يحاول يقرب ناحية اللي يخصني بمحيه من على وش الأرض و بحسب الله ما خلقو...!
هكذا اردف رحيم و هو يقف داخل ذالك المخزن ام الرجل المربط على الكرسي.. كان احد الرجلين الذي كانو مكلفين بقتل نزال.
الرجل بخوف": انا عارف انت مين كويس يا بيه بس والله ما كنت اعرف ان البنت دي تخصك انا عبد مؤمور و بجري على لقمة عيش بس الطمع عمى عيوني.
رحيم بجفاء": انت لو عايز تطلع من هنا سليم هتتكلم و تقول مين وراك و ليه كنت عايز تقتلها.. صمت قليلا و هو يشير الى المكان من حوله ثم اكمل: "ولا ده هيكون قبرك و مش هتشوف النور تاني.
برق الرجل عيناه برعب من حديثه لذا اردف بتلجلج": انا هتكلم يا بيه... والله كل اللي اعرفه ان في واحدة ست رنت على المعلم حسني و ادته مبلغ محترم و طلبت منه يخلص على البنت دي و ده اللي بعرفه والله بحلفلك بحياة ولادي.
رحيم بغضب": مين المعلم حسني ده و الاقيه فين!
الرجل بخوف": نحنا يا بيه جينا من اسكندرية مش من هنا و المعلم حسني دلوقتي في اسكندرية و في الوقت زي ده بيكون في صالة القمار بتاعته و اسمها الصالة***.
رحيم ببرود": انا هسيبك تروح دلوقتي بس لو طلع كلامك كذب انا همحيك من الوجود و متفكرش ان صعب عليا اوصلك.!
الرجل بفرح": حاضر يا باشا انا والله ما كذبت و كل كلمة قلتها صح.
اشار رحيم الى رجاله ليفكو وثاقه و ما ان انتهو منه حتى هرع راكضا الى الخارج حامدا الله على نجاته و خروجه سليما.
أخرج رحيم هاتفه يعبث به للحظات ثم وضعه على اذنيه ينتظر الرد.
بعد دقيقة ثواني اتاه صوت ياسين الناعس يردف بغيظ": في حد يرن على حد الساعة 11 يا بني ادم.
رحيم ببرود": صحصح و اسمعني.
ياسين بغيظ": مصحصح يا خويا ارغي.
رحيم بحدة": هربيك على لسانك ده بعدين يا ياسين الكلب دلوقتي انا عايزك......
🦋🦋🦋🦋🦋🦋
للمرة الألف انتو اثبتو كفائتكم يا ابطال و ان مفيش فريق زيكم بيقدر ينجز مهمات بالصعوبة دي بنجاح مبهر عشان كدا الظابط لورينا البغدادي هيتم مكافأتها و ده بشهادة الرائد قصي المالكي... الف مبروك انتي بقيتي الرائد لورينا البغدادي... خرجت هذه الكلمات من ذالك الرجل الذي كان يقف بشموخ امام فريقه يهنئهم بفخر على نجاحهم في مهمتهم.
ابتسمت لورينا تؤدي تحيتها بإحترام تردف": شكرا سيادة العميد انا بعتز بشهادة الرائد قصي و بعترف ان كل ده بفضل سيادة المقدم اللي كان لينا قائد ممتاز و دربنا على اعلى مستوى و لولاه مكنتش وصلت لمكاني ده.
ابتسم قصي يردف بهدوء": الف مبروك يا سيادة الرائد بقينا زملاء الرتبة.
ضحكت لورينا ثم اردفت": طبعا يا باشا عشان تعرف مين هيا كشماء.
قصي بمرح متناسيا وجود العقيد": ايه التواضع ده يا ليلي.
اخرجهم صوت العقيد من حديثهم حينما اردف بتسائل": صحيح يا قصي هو قائدكم مش ناوي ينهي اجازته و يرجع ولا ايه.؟
قصي بإحترام و هدوء": انت عرف يا سيادة العقيد ان محدش يقدر يعرف سيادة المقدم بيفكر و بيخطط لإيه و في ايه بس الأكيد ان هو شغال على مهمة معينة يعني هو مش من النوع اللي بياخذ اجازات و انت عارف ده.
اماء العقيد يؤيد كلام قصي قائلا": معاك حق يا ذئب.. تقدرو تروحو على مكاتبكم.
اردف كل من الذئب و كشماء في صوت واحد": تحت امرك سيدي.. ثم ادو التحية العسكرية و انطلق كل منهم الى مكتبه.
🦋🦋🦋🦋🦋🦋🦋
اشرقت الشمس تمد نورها على انحاء الأرض تتوسط السماء بأشعتها الذهبية تعلن بداية يوم جديد و احداث جديدة تنتظر الجميع على الناحية الأخرى و في عروس البحر،، مدينة الإسكندرية.
كانت تستمع الى كلمات ذالك المدعو المعلم حسني و الذي كلفته بقتل نزال.. بغضب حارق و ملامح مبهمة اردفت": انت غبي ازاي واحدة تقدر تهرب من رجالك انت و رجالك مفيش اغبى منكم... خلي بالك يا حسني انا لو اتكشفت هحرقك.
اتاها صوت المدعو حسني خلف سماعة الهاتف يردف بصوت خشن": يا هانم اللي حصل مكنش متوقع ابدا انا رجالي اختفو و مصادري بتقول ان البنت سليمة و محصلهاش حاجة اديني فرصة و انا هخلص عليها بنفسي.
سلمى بغل": اخر فرصة ليك ولا هشوف واحد اكثر كفاءة منك يا حسني.
انهت كلامها و اغلقت الخط بينما على الجهة الأخرى يظهر لنا من يدعى حسني و هو شخص بشعر طويل و ملامح مقرفة و شريرة تغطي الوشوم ذراعه الأيسر كان يجلس على ذالك البار يحتسي كأس من المحرمات... فتح هاتفه ينظر الى صورتها ثم اردف بتوعد": المرة دي انا هتأكد من موتك بنفسي.
اتاه صوت هلاكه من خلفه يردف بنبرة قاسية و ملامح مظلة": مش لما تطلع من هنا عايش الأول.
ــــــــــــــــــــــيتبعــــــــــــــــــــــــ
&رأيكم يا حبايبي يهمني.... موقف رحيم تجاه نزال 🥺 اكيد خطف قلوبكم
&شخص هيظهر في حياة نزال هيغير القوانين و يبقى الذرع الحامي ليها.
&وهج على وشك انها تواجه وجع في حياتها... يا ترى اي هو.
لو متشوقين للفصول الجاية سيبولي فولو و كومنت❤
دمتم سالمين
- يتبع الفصل التالي اضغط على ( رواية عهد مع الشيطان) اسم الرواية