رواية بين يدي الغامض الفصل التاسع 9 - بقلم رقية
لاقيته رد ببرود _ ايوه هو فيه فروع تاني غيره!!!
= مستر جواد أنا مش هعرف أجي أنا اهلي مش موافقين علي موضوع سفري ده
_ ولما اهلك مش موافقين علي سفرك قدمتي ليه في الشركه
= هو حرام اشتغل ياعني، مافيه غيري كتير يقدروا يسافروا
_ أنا قولت اللي عندي حاولي مع أهلك لإنه اجتماع مهم جدآ، سلام
= طب هقعد قد اي
_ يومين
قفلت كلام معاه وأنا متضرره هو هيشتري ويبيع فيا!!
= مالك؟؟
_ مريم أنا هقدم استقالتي
ردت باستغراب= اي ده ليه كده
_ أنا تعبت م الراجل ده بجد هو فيه اي هو شاريني
= لي بس
_ عايزني اسافر تاني آخر الإسبوع
= طب اي المشكلة ماتسافري
_مانتي مش حاطه ايدك في النار شبهي ياختي
= يابت ده شغل طبيعي هتسافري هنا وهناك علشان تعلي من قيمه الشركه
_ مش عايزه يا مريم مش حابه ده
= مش عارفه اقولك اي اختاري راحتك برضه بس انتي لو قعدتي من الشغل مش هتخلصي من مشاكل اهلك، وهتدخلي في دوامه اكتئاب تاني
اتنهدت _ مش عارفه هشوف بس أنا لو قولت لبابا هسافر هيكرشني من البيت حرفياً
سكتنا دقايق
= أنا عندي فكره
_ اي؟؟
= انتي تقوليلهم انك عندك شغل كتير وممكن متروحيش لمده يومين هتبقي في الشركه تخلصي كل الشغل ده
_ ياسلام يا اذكي اخواتك ولو بعت حد يشوفني موجوده ولا لأ
= اممم، خلاص لقيتها
_ قولي بسرعه
= انتي تقوليله اني أنا تعبانه شويه وأهلي مسافرين ومش هينفع تسيبيني لوحدي وهتباتي يومين معايا كده كده امك هتوافق
_ممكن تصدقي بس لا لا ياستي علشان حرام اكدب ويحصل مشاكل
= صدقيني ده الحل الوحيد
_ نبقي نشوف ، استر يارب
كل يوم بيعدي وأنا خايفه من آخر الاسبوع لحد م جه اليوم المنتظر
= ها عرفتي هتقولي اي
_ ايوه خلاص
طلعت برا لاقيت ماما مزاجها رايق وبتتفرج علي التلفزيون
جلست بجانبها =ماما
_ اي ياحبيبتي
اتكلمت بتمثيل وخوف= مريم تعبانه أوي ومش قادره تتنفس وماحدش من أهلها معاها ممكن اروح اشوفها مالها
رطمت علي صدرها _ يالهوي ياعيني يابنتي، لا يابنتي لازم تروحي جمبها حرام مسابتكيش في عز تعبك
= ايوه يا ماما حرام
_خلاص ياحبيبتي روحي وباتي معاها الليلادي وأنا هكلم ابوكي متقلقيش وأبقى طمنيني عليها، طب خدي اختك معاكي برضه تبص عليها
ردديت بسرعه = لا لا خليها أنا هروح لوحدي مش مشكله
_ طيب يابنتي ابقي طمنيني بالله عليكي وأنا هبقي ازورها برضه
= اه اه يا ماما عن إذنك
اخدت هدومي ومشيت بسرعه عماله ادعي ربنا يسترني لحد م اليومين يخلصوا
بعد 5 ساعات كنا وصلنا
= أهلا نورتي
_ شكرآ مستر جواد
طلعت بسرعه الاوضه غيرت هدومي وقعدت علي السرير كلمت مريم اني وصلت
= أمك كلمتني يا زفته
_ وقولتلها اي
= عملت نفسي بكح وصوتي رايح وفضلت تقولي الف سلامه ودعاوي الامهات دي
_ أنا خايفه أوي يا مريم
= متقلقيش والله أنا هحل كل حاجه انتي بس خلصي شغلك وتعالي بسرعه وانا هكلمها تسيبك يومين عندي
_ ماشي أنا هشوف مستر جواد عايز اي واكلمك
سمعته بينادي عليا نزلت بسرعه
تكلم بخشونه= أهلك سمحولك ياعني
قلت متردده_ مش اللي هو برضه
ردد ببرود=المهم انك جيتي في الآخر، عمومآ علشان مش ناقص كلام كتير خدي الورق ده وخلصيه بسرعه لغايه بكره
سحبت من ايده الأوراق _عن إذنك علشان اخلصه
قعدت لنص الليل وأنا بعمل الورق اللي طلبه مني محسيتش بالوقت لاقيت النهار طلع وانا مكنتش اسه نمت
لبست روب خفيف وطلعت م الأوضه اشوف قيه حد من الخدم صاحي ولا لأ
= اي اللي مصحيكي بدري كده الساعه 6
بصيت للصوت لاقيته ورايا وبيقرب مني
بصيتله باشمئزاز من قربه = هو أنا نمت علشان أصحي
رد باستهزاء _ واي اللي مصحيكي كل ده بتحبي جديد
=وأنا ياعني لو بحب جديد هسهر كل ده، عموماً كنت بخلص الورق اللي ادتهولي إمبارح
قال وهو بيلف للسفره وياخد منها تفاحه ويقطمها
_ وياتري بقي خلصتيه
اتكلمت باستهزاء= لا لسه
بصلي _ ياعني سهرانه كل ده ومخلصتيهوش، يبقى أنا كنت صح ف كلامي بقي بتحبي جديد وبتسمعي تامر عاشور
بصيتله من فوق لتحت سيبته وروحت للمطبخ كلامنا كان هيزيد فقولت اقصر الحوار وامشي واسيبه
وقفني وهو بيقول
= ادخلي كملي نوم احسن
مارديتش عليه وسيبته ودخلت للمطبخ قعدت علي السفره ببص من شباك المطبخ علي الجنينه اللي برا والورود المزروعه جذبتني ورده حمرا جوري فروعها ممتده، جريت بسرعه لتحت علشان اشوفها من قرب
لمستها بصوابعي
” عارف إنها جميله، سيبيها بقي”
بصيت فوق لاقيته واقف في شباك اوضته
رديت بحرج علشان اطلع نفسي من الوضع ده _ على فكره مش مستاهله ياعني عادي زيها زي اي ورده
عارفه إني بكدب لاني نزلت بسرعه اشوفها من قرب علشان شكلها جذبني
مشيت وسيبتها
قعدت في جنينه القصر بتأمل السما والزرع والطبيعه
قولت جوايا*ماشاءالله اللي يشوف القصر من جوا ميشفهوش من برا سبحان الله ولا كإني في حلم *
بليل كنت قاعده في الأوضه علي حافه السرير
= مريم خليكي فاكره إني أهلي ميعرفوش إني هنا
_ عارفه والله علشان كده بقولك متطوليش
= حاضر والله بكره بس وخلاص
_ أنا خايفه أوي لو بابا عرف
= ان شاء الله مش هيعرف
قفلت المكالمه، سمعت صوت برا الأوضه طلعت اشوف الصوت ده منين ملقيتش حد
كنت قاعده في “البانيو” برخي اعصابي شويه
برا كانت مايا واقفه تسمع مكالمه مريم واسراء دخلت اوضه إسراء وهيا في الحمام اخدت منه رقم والدها من موبايلها بسهوله لانه مش موجود فيه باسورد وخرجت بسرعه قبل ما تشوفها
اخدت اللي هيا عايزاه وسابت الموبايل ودخلت اوضتها اتصلت علي والد إسراء دقايق ورد عليها
“أهلا استاذ معتز مع حضرتك استاذه مايا صاحبه شركات الهواري فرع كندا ”
“أهلا بحضرتك خير في حاجه”
“بنت حضرتك عامله مجهود رائع هنا في كندا”
” هيا مش شغاله في الفرع اللي في مصر، كندا اي”
“لا إسراء عظيمه وشغلها مكسر الدنيا النهارده في كندا”
“الو، الو ابو إسراء ” يالا واديني مستنيه اللي هيحصل علشان تعرفي أنا مين يااا إسراء
بعد يومين خلصت إسراء شغلها نزلت علي اول طياره رايحه مصر، وصلت بيت مريم
= أخيراً
_ اي شكوا ف حاجه
= لأ الحمدلله
طب أنا همشي بسرعه الحق نفسي
وصلت البيت لاقيت الأنوار مقفوله اتنفست براحه، دخلت لاوضتي ولكن قبل أن مادخل وقفني صوت بابا
_ نورتي مصر
بصتله بصدمه = تقصد اي يا بابا مش فاهمه
_ اعملي حسابك مافيش مرواح للشغل ده تاني صدقيني أنا ماسك نفسي عليكي بالعافيه واحمدي ربنا إني ممدتش أيدي عليكي علشان لما تسافري من ورا ابوكي انتي كده مالكيش حاكم واظن انتي عارفه بيتسموا اي اللي بيمشوا من ورا اهاليهم
بصتله بحرج اقول اي ماهو معاه حق ف كل كلمه
= ادخلي ادخلي لما يحل النهار نبقي نشوف حكايه الموضوع ده
قعدت اسبوع جوا البيت مابشوفش الشارع زي ما بيقولوا
لاقيت بابا بينادي عليا وهو متعصب
= عايزك في موضوع اقعدي هنا
- يتبع الفصل التالي اضغط على (رواية بين يدي الغامض) اسم الرواية