رواية بين يدي الغامض الفصل الثامن 8 - بقلم رقية
لاقيت رقم غريب بيرن عليا اترددت ارد ولا لأ
قررت ارد لاقيت صوته بيقولي = إسراء أنا جواد ده رقمي الشخصي لو مش متسجل عندك،فيه ورق هبعتهولك pdf محتاجك تخلصيه لو تعرفي تجبيه بكره تمام
استغربت ورق اي الساعه تلاته ده_ مستر جواد انت حضرتك مش ملاحظ ان الساعه 3 هعمله امتا مش هلحق
رد ببرود = أنا طلبت منك حاجه المفروض تنفيذها
رديت ببرود أنا كمان _ وهو بالعافيه!! الساعه 3 الناس كلها نايمين المفروض
قال بلماضه= وانتي مش نايمه ليه ي استاذه إسراء
ضحكت بصوت واطي علي طريقته _ مش جايلي نوم
قال ببرود= لا سلامتك، الورق يكون جاهز بكره
بصيت للمكالمة اللي اتقفلت في وشي
رديت بعند_ انت ممشيها كده تمام بعند بقي مش عامله حاجه ده اي الهم ده
نمت وسيبتها علي الله واللي يحصل يحصل
صحيت متأخر ، قابلت مريم وروحنا
= مريم كلمي مستر جواد
_ احيه يا مريم هعمل اي
= حد قالك عاندي
_ طب اعمل اي بقولك رانن 3 بليل عايزني اخلصله ورق أنا مال أهلي مايشوف حد غيري هو هيستلمني ياعني
= طب قومي لاحسن يكون شايفك ف الكاميرا وانتي بتردحيله كده
شوحت بإيدي_ مايشوف هو أنا هخاف منه
روحت بسرعه لمكتبه وأنا بدعي ربنا يكون ناسي حوار الملف ده
دخلت المكتب وجسمي بيرتعش= صباح الخير مستر جواد حضرتك طلبتني فيه حاجه
رد بهدوء ماقبل العاصفه_ عملتي الورق اللي طلبته إمبارح
اترددت وقولتله = بصراحه ياعني لأ
بصلي بطرف عينه وقال _ انتي بتعانديني!! هو أنا عيل صغير ولا صاحبك علشان تطنشي كلامه
اتكلمت = لا والله مش القصد
_ ششش اسكتي خالص انتي فاهمه، ده شغل يا ماما مش لعب عيال مش قده يبقى براا فاهمه
رديت ببرود= والله وده مش أسلوب وأكيد فيه غيري كتير الشغل كله مش هيبقي عليا، ورق اي اللي اعمله 3 بليل
_ ورق شغل ي أستاذه
= تصدق ماكنتش أعرف
_ انتي عارفه لو حد غيرك كان اتكلم بالاسلوب ده كان هيحصله اي!!
اتكلمت وأنا من جوايا مرعوبه من اللي هيعمل لكن مسكت نفسي ربعت ايدي علي صدري وقولت = ياتري اي؟؟
لاقيته بيقرب وانا برجع لورا
قال بصوت زي فحيح الأفعى
_ كان زمان الأرض مستقبلاه
غمضت عيني وقولت= آه وماله
مشي وسابني طلعت من مكتبه وأنا ماسكه دموعي علشان لو فتحت هنهار
روحت لمكتبي اعيط ج
جت مريم بسرعه علي صوتي
_مالك حصلك اي؟؟
= زعقلي علشان الملف
_ طب اهدي طيب محصلش حاجه فداكي
شافني مستر عيسى وأنا بالشكل ده
________________
= إسراء مالها
_ وإحنا بقي نسيب شغلنا ونشوف ست إسراء مالها
= أنا بسأل عادي
_لا متسالش وركز في شغلك، واظبط انت كمان انت مش عيل مراهق
= فيه اي يا جواد مالك لكل ده
_اوف ماليش سبني مع نفسي شويه
= ماشي سلام
قولت جوايا “مكانش ينفع تقسي عليها برضه دي مهما كانت بنت، ولو برضه دي مستهتره ازاي متنفذش كلامي، وانت ياعني كلامك قرآن، معرفش بقي اهو اللي حصل أنا معرفش اي بيحصلي لما بشوفها بحس إني عايزها ليا لوحدي فبعاملها كده، بس أنا عمري ماحد شدني كده م فيه ستات أشكال وألوان برا مصر وجوا مصر اشمعنا دي؟؟
كنت لسه همشي دخلت اظبط نفسي في الحمام لاقيت بنتين بيتكلموا
= بيقولوا فيه بت اسمها إسراء قابلت مستر جواد
_يابختها دي امها دعيالها تشوف القمر
بصيت باستهزاء لكلامهم
وقولت جوايا * اي الحلو فيه ياعني هو مخبي نفسه علشان وحش وصفاته وحشه شبهه ومريض نفسي *
كنت نازله علي السلم لاقيته نازل من الباب الخلفي للشركه
بصلي لمحته، ديرت وشي بسرعه
فات إسبوعًا محصلش اي جديد من بعد آخر مشاداه بينا حاولت اني اتجنبه واخلص كل الورق المطلوب مني بدون اسئله منه وكلامه اللي مالوش لازمه
بعتوا رساله في جروب الشركة بمناسبه الحفله اللي بيعملوها سنويًا تبع أرباح الشركه المتزايده خلال كل شهر
وهيتم تكريم العمال المتميزين اللي تموا سنه في مجال الشركه
ماكنتش رايحه بش مريم اصرت إني اروح معاها علشان نفك عن نفسنا شويه، لبست فستان بني كنت متردده افرد شعري ولا اعمل ديل حصان
لكن قررت اسيبه مفرود
حطيت ميكب بسيط يحدد ملامحي بس مش أكتر لبست هيلز، واكسسوريز لايقه مع الفستان
قابلتني مريم برده فعلها المعتاده وهيا التصفير= اديله ادي يامزه يخربيتك هتتشقطي مننا هناك كده
رديت وأنا بلف بالفستان زي الأميرات _ بجد يامريم حلو
= حلوه بس ده انتي جامده يابخته ياعني
_ هو مين ياختي
غمزت بعينها = يابت عليا اللي في بالك
_ انتي بجد عايشه في وهم، وبعدين سيبك مني أنا
انتى مستر عيسي ماله بيكي
قالت بابتسامه فاضحاها= ماله مستر عيسي
ضَحكت بصوت عالي_ يابت ده إنتوا مفضوحين في الشركه
= باينين للدرجاتي
_ اويييي، طب اي الخطوبه امتا
= ادعي بقي لما يحن
كملنا بقيت كلامنا وإحنا ماشيين وصلنا القاعه اللي هتتعمل فيها الحفله
لاقيت العيون كلها عليا
بصيت لأعداد الصحافه اللي بتصور
بصيت للرجل اللي وقفني
قال : اخبارك اي ممكن أسألك شويه اسئله
رديت بتأكيد_ ايوه طبعاً اتفضل
= اي رأيك في الشغل مع مستر جواد واي رأيك في تنظيم الشركه وليه الشركه دي مختلفه عن بقيت الشركات؟؟
_ الشغل كويس جدآ ومنظم بطريقه حلوه الشركه ليها سمعتها بسبب ان العمال اللي فيها بيحققوا مبيعات عاليه والناس وثقت فيهم، واسلوب المدير كويس جدآ بيعتبرنا كإخواته ف مافيش قلق من ده
قال بابتسامه= كلامك جميل ومنسق انتي نموذج مشرف للشركه ماشاءالله عليكي
_ ربنا يبارك في حضرتك اشكرك
= انتي جميله أوي
رديت باحراج_ شكرآ بس انت بتصور اي هتوديني في داهيه
بص بحرج للكاميرا = ايوه صح، آسف بجد
_ولا يهمك عن إذنك
قعدت ع الكرسي ابص علي البنات اللي بيتكرموا، عيني فضلت تدور عليه هو مش موجود ليه
افتكرت إنه ماحدش يعرف هو مين
قولت امسك الفون شويه لاقيته باعتلي علي الواتساب
“عجبتك الحفله”
رديت عليه: ياعني لطيفه
” واي لازمه ياعني”
= آمال هقول اي مش فاهمه
_ متقوليش حاجه، فيه اجتماع الاسبوع الجاي في الفرع التاني
= كندا!!!!!
- يتبع الفصل التالي اضغط على (رواية بين يدي الغامض) اسم الرواية