رواية بين يدي الغامض الفصل السادس 6 - بقلم رقية
طلع مستر جواد هو اتكلم كلام ترحيب بالناس وتعريفاً للشركه، اتكلم بعده شاب وبعدين بنت بعدين لاقيت مستر جواد بيبصلي بمعني إني اقوم أنا كمان
جزء من كلامي كان(Hello my name is esraa. Al-Hawari Company is about a marketing services, sales and real estate. This company has achieved a lot of sales in Egypt.)
خلصت كلامي لاقيت ناس كتير بتسقفلي وترحيبات كتير لاقيت راجل كبير مركز معايا أوي خوفت من نظراته جدآ
لاقيته بصلي وقال (You are very beautiful and elegant، Are you Egyptian)
كنت لسه هرد لاقيت مستر جواد بصله ورد (This has nothing to do with work, let’s take care of work)
مستر جواد كمل الميتينج بعد ساعتين كنا خلصنا والحمدلله الشغل كان ماشي تمام
استاذنت أروح الحمام
دخلت غسلت وشي وظبطت شكلي وخرجت
لاقيت اللي مسك ايدي وحاول يشدني لجوا
= what do you do, Who are you
_ my name is maykel, I admire you
= I don’t know you, Leave my hand
حاول يشدني أكتر زقيته جامد بصويت
_اوعي سيب ايدي انا معرفكش اصلآ سيبني
لاقيت اللي شدني منه جامد وقعت في حضنه
= هيا مش قالتلك سيب ايديها
حاول يضربه
_ مستر جواد الناس بتبص علينا لو سمحت سيبه
قاله بصوت فحيح: امشي ومشوفكش ف الشركه
ساب ايده ولاقيت الراجل فر بسرعه من قدامه
لاقيته بصلي وقال ببرود: انتي كويسه؟؟
عدلت هدومي وايدي وقولتله = أنا كويسه متشكره جدآ مستر جواد
_ ادخلي كملي الشغل
__________________________
= إسمك اي؟؟
_ مريم مصطفي كامل
= خلصتي الورق اللي ادتهولك
_ آه اتفضل حضرتك
= اممم شغل كويس خلاص تمام تقدري تروحي انتي، بقولك معلش مازن مش قدامك
_ لا مشوفتوش حضرتك محتاج حاجه
= معلش قوليله طلع كوبايه قهوه لعيسي
_ خلاص ماشي، عن إذنك
= مازن بيقولك مستر عيسي عايز كوبايه قهوه
_ طب أنا رايح مشوار ضروري دلوقتي
= طب فين البن او الماكنه؟؟
_ انتي هتعمليها!!!
= ايوه عادي مش مشكله شوف انت مشوارك ومتقلقش
_ معلش هتعبك معايا
=لا ولا يهمك قولي بس فين الماكنه وأنا هعملها
_ بصي اهي الماكنه والبن والكوبايات، هو مستر عيسي بيحبها قهوه ساده
= تمام
بعد 10 دقايق
_ اتفضل القهوه!!
_ اي ده انتي جايباها ليه فين مازن
= هو راح مشوار ضروري ف عملتها بداله عادي عن إذنك
___________________________
خلصنا شغل الحمدلله والشركه الأمريكيه عجبها جدآ شغلنا ومضينا عقد معاهم
= مستر جواد هو إحنا كده هنروح امتا
_ بعد بكره
= هو مش حضرتك قولت بكره!!
رد بجمود_ هتفرق
= لا عادي
_ لو خلصتي شغلك قولي علشان ابعت هشام يروحك
= فاضلي كام ورق كده بس
_ لما تخلصي عدي عليا
—————-
= وحشاااني يابسبوستي
_ انتي أكتر يا مريومتي أخبارك اي يابت
= مش كويسه
_ لي بس
= الشغل وحش أوي من غيرك
ضحكت جامد _ عرفتي قيمتي ياعني هههه
= بجد آه، قوليلي عامله ايه مع مسيو جواد ههه
_ اسكتي يا مريم كده كتير بجد مش هقدر استحمل أكتر من كده حصلي حته موقف
= احكي احكي
_ يخربيتك هترفد بسببك النهارده ياللي منك لله
= قولي بالله حصل اي، وقعتي في حضنه ولا اي
_ياعني حاجه شبه كده
= احيييه بتهزري
_ أنا قولتلك مثلي آه بس مش للدرجاتي
= طب بصي هقفل انا وهكلمك لما اروح علشان هو مكتبه في وشي وكل شويه يبصلي يالا سلام
قفلت في وشها وهو قاعد مراقب الوضع
_ مسيو جواد
بصلي باستغراب = خير!!
_ أنا مش قادره أكمل بجد ممكن اخد الورق معايا واكمله هناك
سكت ثانيتين ولاقيته مشي وسابني
مش فاهمه اي قله التقدير دي ياعني امشي ولا اكمل ياعني
مشيت وراه لاقيته بيقولي اركبي
ركبت لاقيته بيبصلي بصات من واحده للتانيه عملت نفسي منشغله في الفون تليفونه رن
فضولي اخدني اشوف مين بيرن
= عايزه اي يا مايا
_ أنا جاي اهو
برطمت جوايا = اي البت اللازقه دي بترن عليه ولا كإنهم متجوزين ومستنياه بالفستان اللاحمر وصينيه الرقاق باللحمه
لاقيته برقلي جامد ديرت وشي بسرعه
_ هيخصك في اي ده شغل، متساليش احسن سلام
لوهله حسيت نفسي ببتسم زي الهبله إنه رد عليها كده مش كره مني والله بس هيا بت مستفزه كده ومتصنعه
وصلنا الحمدلله طلعت الاوضه اغير هدومي اتوضيت وصليت ودخلت استحمي
كان فيه فساتين حلوه أوي متعلقه في الدولاب مش عارفه بتوع مين كان فيه واحد منهم لونه أحمر فاقع وده لوني المفضل ده قررت اجربه عليا
الفستان كان طوله لحد بعد الركبه ومفتوح من الجمب وكات لبسته وفردت شعري وحطيت روج أحمر أنا دايماً بحب اتجنن كده والبس واتصور قدام المرايا بس بحتفظ بالصور دي لنفسي ومش ببعتهم لحد نهائي اتصورت كتير صور تحفه بجد
” مش لو جواد شافني وقارن كان هيعرف الفرق” دي الجمله اللي جت في بالي بس وبخت نفسي اي اللي أنا بقوله ده
غيرت هدومي بسرعه قبل م حد يخبط عليا ويلاقيني بالمنظر ده، لبست بيجامه بيتي ولفيت شعري كحكه ونازل خصلات على وشي
لاقيت الباب بيخبط _ ادخل
كنت عارفه إنها أسماء لإن دي خبطتها المميزه
بس اتفاجئت باللي دخل!!!!!
- يتبع الفصل التالي اضغط على (رواية بين يدي الغامض) اسم الرواية