رواية ذيب الغربية الفصل الخامس 5 - بقلم طيبة وليد
Part 5
بــســم الله الرحــمــان الرحــيــم
$ ذيـب الغربـيه
؛ بقلم ؛ طـيـبه ولـيـد
" علقو بين الفقرات وصوتو بنهـايه البـارت لطفآ "
ملاحظه : الكلمـات الي بـ الترگي راح اترجمهـا فصحه اسهـل ..
"""""""""""""""""""""""
هواي بيه وماعرفهن
يمته اطلعهن واموت
واخ بيه شجم صدى مفاركله صوت
منين مادبرلي يونس
يطلع بنص روحي حوت
لـ عقيل 🖤
""""""""""""""""""""""""""""""""
وگعت بالگاع على ضهـري گمت انفض بــ ملابسـي من التراب
باوعت عليـه بغضـب وهو ولد ضخم وعيونه حلوات ومبتسم تك خد غضبت ملامحّـي وحجيت بعصبيه
- هـل انتَ ثور إلا ترى امامـك ولگن حقأُ انت ثور هـل تعلم ذالك!
ويا واحد حط ايده على حلگه يخفي ضحگتـه وهو مبتسم
ويمامه مبتسمـه ولمار شبعت ايدي تگرص الادبسز
شلت الجنطـه من الكاع ومشيـت اجن بصفي
يمامه ولمار
لمار -عزة الصلااافه يمههههه متشووفي صدگ ثووور شلوون تحجي هيج
يمامه - انجبـي انتِ لـعد شترديهـا تسگـت هـاي لو ان چان بستي من رأسه موو؟
هـيام - صـدگـ انچبـي لمارو!
لمار - هـي بقت على هـاي هـو انتن لو تتعارگـن لو تصفن عليه ألك
الله يـ الفقير
هـيام ؛ ايبااااخ فقيره البزون ياكـل عشاچ
يمامه - صـدگ فقيره وثولـه هم
بقينـا نتعارك لعد ما وصلنـا المدرسه
گمل اليوم طبيعي مآبي أي شي ينذگر ورجعنا للميـتـم
بقينـا نقرا باجر عدنا امتحان قرينا سوا هـواي
خلصنا قرايه وگالت يمامـه
يـمـامـه ؛ اشـو انـي ما نعـسـت!
هـيـام - ولا اني !
لمار - ولا. اني !
يمامه - لماذا يا ترى ؟؟
هـيام - انگلبت ديزني
لمار - قصدج فلام كارتون
يمامه - امنـيه حياتـي لمار تحجـي شي براسـه خير
هـيـام - وانـي هم امنـيه حياتي الثانـيه من بعد ان اشـوف ريحانتـي
لمار - ليـش تكوليلـههـا ريحانـتي؟
هـيام - لان نضوج منه واني احـب أضوجها بـس والله إذا ترجع ما اضوجهـا
يمـامه - اصحييييي هـيـام امچ ماتت
فـزت لمار من عيطتهـا ورجعـت ليوره
نزلت دمعه من دموعي مقهـوره مشتاقتلهـا گلشي بيه مشتاقتلها
گمت وگفت اريد اروح للغرفه واسمع يمامه تحجي
يمامه - اني ماريـد حالتهـا ترجع تنتگس صدگـي
استوقفنـي كلامهـا ورجعـت ليوره احجي وياهـا بصدمه
معتليه ملامحـي
هـيـام - قصـ.. قصـدج حتـى ما ارجـع مختلة!
غمضت عيونهـا دنكت راسها بقهر فتحت عيونها تباوعلي بقهر مدت ايدها وحضنتني
يمامـه - انتـي هـم ما تردين ترجعـين ما شفتنـي نفسـج شصـار بيج
انتـي اكثـر من اختـي ماريـد اشـوف اختي مريضه
سكتت حقها ماريد ارجع مريضه ، رحنا للغرفه نتگلـب بالفراش وما ننام عاصفـه الافكـار
"ريحانتي وين هـسه دا تشوفنـي على الأقل"
" اشتاقيتلهـا حييل هـي ما شتاقتلـي"
" بـابـا ليـش خلانـي بالميتم وعنـدي عمـام وعمـات كومه؟
" شنو يعنـي حريق مفتعـل هـل گلمتيـن ليـش مدا تطلع من بألـي؟؟
قاطع سلسلـه افگاري صوت لمار وهـي تحجي وياي
باوعتلهـا وهزيت حاجبي بمعنـى شكووو
اشرتلـي بأيده تعالي برا الغرفـه
طلعت هـي ويمامـه واني طلعت وراهـن
وگفـت لمار وهـي تحجي
لمار - راح نروح لرسـل تقولنا قصـه لان مدا ننام تجين؟
هـيـام - تعالي أني اقرالچ قصـه حياتـي
يمامه حطت ايدهـا على حلگلهـا تخفي صوت ضحگتهـا
ولمار خزرتني
هـيـام - شنو هـاي الخزره الكيوووت يمي حبيبي الكيووووت
غمتنـي وراحـت مشينـا وراهـا اني ويمامـه
لان تزعل حضره جنابهـا الموقررر ..
.دگـت البـاب بخفـه علمود لا احد يسمع
فتحتهـا رسـل ودخلنـا اول ما دخلـت
صوفرت بصوت ناصي
فـالـه شعرهـا ولابـسـه دشداشـه قصيره وحاطـه حمره لون فاتح وحلـو وهيً جميله بشكل مو طبيعي حيل حلوه ملامحها تجننن تخلي الواحد يصفن على جمالها
ضربتنـي على كتفي بخفـه تضحك وگالت
رسـل - سـرسـريـه هـلبنت اخـخـخ بـس!
لمار - مـن زمـان سرسـريـه
ضحگـت وتربعـت بنص الگـاع وصفگـت بـحمـاس
هـيـام - انررريددد تقررريلنااا قصه حلوووه مثلچ
اجـت ترگض كرصتنـي لان علـيت صوتي وحچـت
رسـل - اليـوم شبيـهن الجنيات الثلاثه
لمار - مابيهـن شي نريد نسمعع قصـه
هـزت راسه رسل مبتسمه وگالت
- راح احجيلگم قصه حيل حلوه وبيهـا عبره تمام؟
هـزينا روسنا بمعنى ايي وتربعتنـا حولها متحمسين نسمع القصه مثل عادتنـا ، ننتضر يصير وقت متأخر ونجي يمها تقرالنا قصه
-" گـان يـا مگـان فـي قـديـم الزمـان اگـو بنيـه مـا يعچبهـا شـي ابد
يعنـي دائما مـا راضيـه تگول " شـنـو عـيوـني زرگ اريـد خضر
شنـو شعـري اشقـر وناعـم اريـد اسـود وگيرلي
شنـو انـي هـل گد قصيـره اريد اطـول
"شنـو بـابـا تاجر منتجات غذائيه اريـد مثل أبو صديقتـي تاچـر ذهـب
شنـو امـي هـل گد متدينـه ولابسه حچـاب ولا تطلع ولا تطـب
اريـد مثـل ام صديقتـي مـا محجبـه وتطلع وتسافـر وياهـا
جانت من تطلـع تشوف امهـا تصلي تگولها امهـا
مـامـا مـا يفـيدج غير ربـج " وچـان ردهـا دائما يگون
وهـسه انـي شمحصلـه ة لـا انطانـي ابـو تـاجر ذهـب
ولا أم بدون حجـاب ولـا تطلـع ويـاي وتسافـر
وگل يوم ينعاد هـل حديـث بينهـم لحد ما أجه يوم گال ابوهـم بي
اليـوم راح نطلع لكربلاء نزور اتانيگـم بــ السيـاره
تأفأفت وگـامت بدلت وامهـا فرحانـه حيل
صعدو بالسيـاره وشـاء القدر ان يصيـر حادث بيهـم
صار حادث وعلـى اثر الحادث گبـت السيـاره بيهـم واحترگت السياره بيهم
بـس صارت معجزه والبنيـه مـا مااتت بـس امهـا
وابوهـا توفـو وهـي صار بچسمها ووچهـا كله تشوه من الحرق
صارت تبچـي گل يـوم اگثر واگثر وتتنـدم بفراق امهـا وابوهـا
وعاشـت وهـي متحسـره علـى جمالهـا الفقدتـه
وعلى امهـا وابوهـا "
" والعبـره من هـادي القصـه ان ما تحـس بالنعمـه العندك إلى تفقدهـا "
تثأوبـت نعسانـه اباوع عليها بلكوه طفيت من النعاس صفحت ايديه وحجيت
هـيـام - إذا خلـصت عبرتـج ممكـن تخلينـا نروح ننام لأن باجر عدنا امتحان؟
يمـامـه - أي والقرأن الشهـيـد الله يطيح حظ لمار
ضحگنا گلنا بصوت عالي وهـي مثل السكرانـه تطوطح
" رحـت نمـت وانـي عمـري عشـر سنـوات وگعـدت وانـي عمـري 17 وسادس إعدادي "
نعُـم نعم لا تستغربون مشيـت گل هـاي السنين لان ماكو أي
احداثـث تنذگـر
غيرٍ هـديه عيد ميلادي الي راح تجيبلي الجلطـة الجلطه
منً اول سنـه اجتنـي هـديـه عيـد ميلادي لحد الآن تجي
بـس من هـذاگ اليوم ما اجـه شي بـي ريش ابدد
" مـره علبـه مگيـاج چبيره "
" مره فستـان اسـود "
" مـره بكـچ گامـل مال عطور"
" مـره ملابـس مدرسـه "
" مـره احذيه"
" مره جنط"
" مـره اكسسـوراتـت "
وگلهـن ادفرهـن لزبالـه ولا مـره اخذتـت شي منهـن
لعبان ننفسسس عبالهم احنه فقره ويتصدقون علينَه
والسنـه اخيـر سنـه بالمـيتـم لان فوق عمـر 18 تخلص كروته
اقصد يروح أقسـام داخلـيه جامعه
اگو من يأجرون ويشتغلون
اگو من يرحون يـم أصدقاء أو أقارب من بعيـد ..
طلعنـا نمـشي انـي ويمـامـه لان متعارگيـن ويـا لمـار
لاٍن الثـوره ماخـذه مـن واحـده من الفايخـات من المدرسـه
أساور ذهـب على أساس تتفخفخ بـي بالميتم
وگسرتـه الثووله
هـيـام - ثـووره ذرررره عقل ماكووو براسهـا
يـماـمه - شتسووووي تتفخَفخ ادوررر يربي
طلعنـا نمشـي محتركـين حرگ يابـو حرگ من العصبيـه
وصلنا للمدرسه وگاعـدين انـي ويـمامـه بنفس الرحله
خلص الدرس الأول واجـت هـاي المفخفـخه تتمنـدل بمـشيتهـا
عابـت
وگفـت يـم رحلـه لمار وحجـت تتماوع
- وحيدتـي اعطيـيتگـي سورا أريده الآن لو سمحتي
وگفـت كدامهـا لمار الدمعـه بطرف عينهـا وحجت بغصه
- گسرتـه بدون قصد ارجـوك سامحينـي
انتفضت هـذيج وحجت
- مااااذاااااا هـل گسرررتي سوووراااا يساوي سعررك!!!
حجتهـا ورفعت ايدهـا تريد تضرب لمار
ما تحملت اگثر ورگضت صرت كدام لمار
وضربتهـا راشدي وگعتهـا بالگاع
علـى گد ما لعبانه نفسـي منهـا
رجـعت گامـت تريد تجـي تضربنـي
ودفعتهـا يمـامـه بگل قوتهـا
ضربت ضهـرهـا بالسبوره
على صوت صياحهـا
اجت المدرسه ورحنـا الاداره
سولفنا الموضوع واعتذرنا وهـي گالت فصل ثلاث ايـام
وهسه اطلعن ولا تجـن إذا جايبات السوار او فلوسه ..
أخذنا جنطنا
وطلعنا. من المدرسه وصلنا لرأس الشارع
وطگيناهـا ضحگـه اني ويمـامـه
ولمار بچـت بسرعه
واحنـا نضحگ وهـي تبچـي
بعدين رحنـا شبگناهـا
هـيام - بنات اطلب فلوس من عمي جاسر
لمار - لا عفيه لا تفشلينييي كدامة
يمامه- نفكر بغير شي
هـيـام - عنـدي فگره نروح ندور شغـل وعدنا ثلاث ايـام عطله نشتغـل بيهـم
ونجمـمع سعـر السوار ونشمرها بوجهـا
يمـامـه - اييييي صحح
ضحكـت لمار وحجت
- محظوظه بيچـن اني حييل انتم العوض
هـيام - وانتـن عوضـي عن اشتيـاقي لريحانتـي وعائلتي
- وانتـن عوضـي عن اهـلي الـي ما اعرفهـم
مشينـا ندور شغل وتركـيا الأغلب ما تلكـه شغل نمشي بالمكان وندور ونسئل وماكو
لحد ما لمحت مطعم
فخم وحلو گلش
مگتوب عليه بالترگي
- مطلـوب نادلـين للمطعـم
عطت وصحتهـن دخلنا للمطعم
اچا واحد حاچانا وگال
- اهـلاً وسهـلاً من هنـا غرفـه مديـر المطعم
مشيـنا وراه لحـد مـا وصلنـا
غرفـه دگهـا وحجه واحد من چوه بالترگـي
- أتفضل
دخلنـا للغرفـه وانصدمـت مـن شفـت مقابيلـي...........
- يتبع الفصل التالي اضغط على ( رواية ذيب الغربية) اسم الرواية