رواية المتخفي الفصل الخامس 5 - بقلم ريم محمد
_رقصتي معاه ليه؟؟؟
_هو اللي عرض عليّ، روح أرقص مع لونا مش اختيارك؟
_جين، أنتِ متعرفيش حاجة
_ايه هي الحاجه دي؟
_تعالي الساعه 11 هيكون الكل نام وهتفهمي كل حاجه
_وايه اللي يضمنلي أنك هتقول الحقيقة
_مش واثقة فيّ!
_مبقتش فهماك من ساعه ما ارتبطت بلونا دي
_ليه بتقولي كدا؟
_معاها علطول مبقتش شايف غيرها
_لا شايفك أنتِ أنا لسه محتفظ بهديتك
_هديه ايه؟
“فلاش باك”
_جيباني علي ملا وشي في ايه أنتِ كويسه؟ في حاجة تعباكِ؟
_لا مفيش بس في حاجة صغيره كدا عايزه أقولها ليك
_اتفضلي
_بصراحه جبتلك هديه ومعرفش هتعجبك ولا ايه
_ليه وأنتِ فين، أنتِ هديتي
_دي حاجة بسيطة
_طقيه، حلوه اوي عجبتني، هجربها حلوه عليّ ؟، صوريني
_اممم، الصورة اتخدت
_وريني، جميلة زي اللي جبتها
“باك”
_ارميها يا إلياس
_وقلبي، ارميه!
“مالي ومال الهوى أصبح كل مالي ويأبى الوصال وهجرني ويأمرني الهجر! وفؤادي المتعلق كيف الخلاص منه!”
_سلام يا إلياس
*كنت واقفه في الحفلة وبعدها طلع أستاذ أرثر والد جاك وإلياس واتكلم في المايك وقال*
_طبعًا بمناسبة رجوع ابني “جاك” اقدر اطمن على سلسلة شركاتي وأنها بقت في أمان لانه هيمسك الشركات دي وهيكون بعدي علطول المدير التنفيذي لشركة دي
وانا فرحان بوجودكم كلكم هنا
ومحدش يقدر يقف ضدنا
وهنقضي على أي أعداء*
*لما قال الجملة دي عيوني طلعت شرار وحسيت بخنقه وضيق بس نهايتهم علي إيدي*
*كان زمانه أدريان هنا جمبي كنت بحكيله كل حاجه *
*طلعت صورته وقولت بيني وبين نفسي أنه وحشني أوي*
_بتكلمي نفسك؟
_لا مبكلمش نفسي ولو بكلم ايه المشكلة؟
_ريحتك مميزة
*اتوترت من كلام جاك مميزة ازاي؟ *
_دا البرفيوم اللي جبته مع الفستان حطتيه؟
*حاولت اتهرب من الموضوع وقولت *
_ايوا هو أكيد مش هرميها فستخدمتها لو عايزها خدها
_عشان تعرفي تأثيري
_مغرور
_عشان تجاوزك في الكلام دا
هتنضفي الجناح الغربي كله لوحدك
*حسيت بفرحه أخيرًا هدخله واقدر أجمع معلومات عملت أني ندمانه *
_انا بعتذر بس دا كبير
_عقابًا ليكِ عشان تحترمي أسيادك
*سيبته ومشيت، مش هشغل بالي بكلامه اللي ملوش لازمه هعرفه وهعرفهم كلهم قيمتهم
دخلت اوضتي وانا مصدعه عايزة بس انام علي السرير
لاقيت حد بيرن عليّ من الفون التاني لاقيته أليكس وقال*
_جين، في اجتماع ليهم الساعه 12
_اكيد جاك اللي ماسك الاجتماع تخيل قالي ايه انضف الجناح الغربي
_بجد!، طب كويس أنتِ لابسه الكلبسه ومتحصنه كويس الضوء الأخضر غلط عليكِ
_ايوه، مبقلعهاش بس قلعتها انهاردا!
_طيب البسيها بسرعه
_أليكس مفيش اي أخبار عن أدريان
_لحد الان معرفتش بيحطوا المعارضين فين يا جين
_ليه ليييييه
_اهدي وخدي حذرك من إلياس كمان هو مش خفيف
هو فرد تقيل
_عارفه بس صراحة كان عندي مشاعر له، لحد ما ظهرت في حياته لونا
_أنتِ بتحاولي تعيشي الدور يا جين، ما لونا أنتِ عارفه بتحب أدريان قد ايه وكان لازم تظهر عشان تلاقي حجه تلفتي من إلياس امال كنتِ هتسبيه ليه؟
_عارفه كل دا بس غصب عني في شويه مشاعر
_امحيها مفيش وقت للحب والكلام دا، مدام روز قالت ان عندهم 7 دورب كل درب بيعملوا فيه حاجة معينه وفي درب منهم حاسبين فيه المعارضين زي أدريان بس فين هو منعرفش لسه في تكتم رهيب ما بينهم
_بيتكلموا كدا كأن في شفرة ما بينهم حتي القصر متاهه
_طيب سلام دلوقتي عشان محدش من اللي معايا يشك فيّ خليني كحارس أحسن هنا
_يعيني بعد ما كنت طيار قد الدنيا بقيت حارس!
_طيب ما أنتِ كمان مصممه أزياء بقيتِ شيف!
_هنعمل ايه للاسف هما أقوياء جدًا لازم نقضي عليهم
_سلام وخدي بالك من نفسك ومن لونا، لان بحس عاطفتها بتغلب ودي مشكله
_اكيد أنا والمدام روز عيونا عليها
*قفلت مع أليكس هو كمان من ضمن مجموعه المقاومين ضدهم ويكون ابن عمي ولونا حبيبه أدريان رغم معارضتي انها تشترك معانا بس حبها لادريان خلاها تدخل معانا بس أقنعتني لدرجه اني كنت هكرهها
خططت كتير اوي للحظه اللي هدخل فيها القصر بس تصميمه كمتاهه لغز لوحده! *
^^^^^^^^^^^^^^^^^^
_ايه دا يا لونا
_دا الاكل اللي بتحبه يا إلياس
_بتعرفي تعملي أكل؟
_صراحه لا، بس اتعلمته عشانك
_لونا، أنتِ متأكدة أنك عايزة ترتبطي بيا؟
*سرحت بخيالها واتخيلت أدريان وانه محبوس وياتري عاملين فيه ايه وقالت*
_ايوه متأكدة زي وضوح الشمس في عز النهار
_انا عارف بابا مؤيد ارتباطنا عشان المصالح اللي بينا
بس انا لسه بدرس الموضوع وافكر
_واضح إن جين مسيطره عليم يا إلياس، لسه بتحبها؟
_هتكلم معاكِ بصراحه انا بحب جين وعايزها ليا ونفسي تفهم أني بحبها وان ارتباطي بيكِ دا غصب عني مش بإرادتي
_مش خايف صراحتك دي توديك في داهيه؟؟
_لا مش خايف
_طيب علي الاقل راعي شعوري، مش كدا وانا اعمل ايه في قلبي اللي حبك دا!
*لمحت لونا بتعيط وبصتلي بطرف عيونها وسابت إلياس ومشيت وكأنها مُنهارة من كلامه سمعت كلامهم وانا لابسه السماعات بعد ما حطت جهاز التصنت اللي هو الحلق بتاعها، وإلياس مشي وراها
قررت أروح أنام لاني تعبت واكتفيت بالقدر دا*
*رجعت للاوضه وبعت لإلياس رساله أني هقابله بكره الساعه 11*
*كنت ماشيه في الطرقه ولمحت جاك ماشي ناحيه الجناح الغربي! *
*مشيت وراه، وبعد ما دخلت افتكرت أني مش لابسه الكلبسه في شعري!
اتوترت لو عرف أني منهم اقل حاجة هيح*رقني! *
*حاولت ارجع معرفتش بس لاحظت حاجه كل مرة بدخل هنا بحس الطريق بيتغير! *
*كأن في حد بيلعب علي النقطة دي*
*بعدها قابلته!! وش لوش حاولت ابان طبيعيه وانا من جوايا مرعوبه*
_انا بشوف المكان اللي هنضفه بكره
_مين قالك أنك هتبدأي فيه بكره؟، من انهاردا تبدأي
_بس انا مش قادرة انهاردا الحفله هدت حيلي
_مش أنتِ اللي تقرري مالك متوترة ليه، تكوني خايفه مثلا؟
_هخاف من ايه؟
_مني مثلا
_ليه أنت تخوف؟
*قرب مني وانا برجع لورا ببطء وهو يقرب لحد ما كنت هجري لاقيته مسك دراعي وقرب مني ونزل لمستوايا وقرب من ودني وقال
_بتدوري على دي؟
_لا عادي
_مميزة الكلبسه دي
*استجمعت شجاعتي وافتكرت كلام أليكس وهو بيقولي*
“فلاش باك”
_جاك، بيستلذ بضعفك بلاش تخليه يشوفه
“باك”
_طبيعي تكون مميزة عشان بتاعتي+مش خايف حد يشوفنا يفكر في حاجة؟
*لاقيته ضحك، ضحك هستيري وقال *
_مليش وحدة معينه، أنتِ من ضمن مليون وحدة هيفكروا في ايه؟
_حبيت انبهك مش أكتر
_متحلميش كتير أني ارتبط بيكِ او إلياس يرتبط بيكِ، طالما الكلبسه دي مش مهمه ارميها في الزباله
*حاولت اظهر عادي لان الكلبسه دي سبب حمايتي وهي اللي خافيه هويتي لانه ممكن يعرفني بسهوله من ريحتي! *
*بس إليكس تواصل معايا للحظات وقال انتِ مخفيه بس مش علطول هقدر اعمل كدا لان دا صعب، وبيستنفذ قوتنا البسي الكلبسه عيطي اعملي انها من حد غالي عليكِ بس خديها جاك، ميفرقش معاه حد ولا حاجه *
*عملت اني وقعت على الارض، لاقيت ملامحه عاديه ووصل فعلا للباسكت ولسه هيرميها؛ لان الرمي بيضعف قوة الكلبسه*
_هي وصلت ليك ازاي؟
_مش مهم، المهم انها معايا
_طيب مترميهاش دي من حد عزيز عليا، وانا بحبها جدا
_ومين الشخص دا؟
_كان صديق عزيز عليّ
_اسمه ايه ولا ملوش اسم!
_تيو
_تيو؟، تيو ايه؟
_تيو السكندر، بس سافر برا البلد وحاليا مش موجود
_شغال ايه؟
_ضابط بحرية
_اه، في حد اسمه كدا؟؟
_دور هتلاقي
_خديها ملهاش لازمه اي حاجه تخصك ملهاش لازمه
_ابدئي دلوقتي بالمكتبه علي الاول وبعدها اطلعي
*سابني ومشي وانا كلمت أليكس بسرعه يخلي روز تعرف رايح فين قالي انه هيتصرف*
*وقرر يفضل معايا لحد ما انضف المكتبه*
^^^^^^^^^^^^^^^^^^
_في حد اسمه تيو الكسندر وضابط بحريه وسافر؟
_هجبلك كل اللي اسمهم كدا
بسرعه خلاص نص ساعة بالكتير تكون عندي
_جاك؟
_في حاجة؟
_امتي بقي تتجوز
_مستعجل على ايه يا بابا
_لسه قدامي شويه أغب*يه اتعامل معاهم الاول وبعدها
اشوف الحوار دا
_جاك بيه، دا واحد فعلا كان ضابط بحريه وسافر برا
_تمام
^^^^^^^^^^^^^^^^^^
*صحيت الصبح عملت الروتين اللي متعودة عليه وجاك قال لكل اللي في القصر يطلع في الجنينه، ولونا جت وقعدت جمب إلياس تدعمه
وجاك وإلياس قرروا يبارزوا بعض بالسيف رغم تطور الاسلحه معرفش ايه حبهم في السيف! *
*قعدنا احنا الكل نتفرج وطبعا لونا بتشجع إلياس وانا بتابع لغة العيون بينهم، كان بينهم شرارة واضح أنهم مبيحبوش بعض حتي اول ما إلياس عرف برجوع جاك مكنش فرحان وكان مضايق *
*مدام روز قدمت العصير ليهم وحطت جهاز تصنت قريب من جاك وإلياس كنت سامعه كل حاجه بينهم*
_رجوعك بوظلي كل حاجه
_إلياس نفسي مرة تشغل دماغك دي، بس أنت مبتفهمش
_أخدت مني جيسكا عايز ايه تاني
_مكنتش مناسبه يا إلياس وسيبتها
_بعد ايه!
_فكك من الستات ركز على الاهم
*دا اللي سمعته بعدها فضلوا يبارزوا بعض لحد ما جاك كسب، وساب السيف ومشي*
*إلياس قعد جمب لونا وكان متعصب وفضلت تهدي فيه*
^^^^^^^^^^^^^^^^^^
*عرفت ان جاك عايزني في مكتبه، روحتله*
_سمعت أنك لسه مبدأتيش في الجناح الغربي ليه؟؟
_أنا كنت تعبانه
_انهاردا وظيفتك تنضفي الجناح كله يلا ابدئي من دلوقتي
_غريب مش لابسه الكلبسه
_نسيت البسها، بس واضح أنها لفتت انتباهك
_لا اهتمامك بيها هو اللي لفت انتباهي
*افتكرت كلام أليكس وان جاك ذكي وبيلعب علي الاعصاب ودا هدفه يوتر اللي قدامه*
_طبيعي ذكرى، يمكن أنت مجربتش تحب ولا تتحب ولا يكون في هدايا
_ميخصيكيش حبيت ولا لأ مش موضوعك اساسًا
_تمام
_رايحه فين
_انضف الجناح الغربي
_استأذنتِ قبل ما تطلعي
_أستأذنك اروح
_روحي
^^^^^^^^^^^^^^^^^^
_جاك، الساعة 12 تكون موجود انت عارف
_تمام، حضرتوا الوليمه
_كلفنا عليها مخصوص عشانك
_ماشي
^^^^^^^^^^^^^^^^^^
*دخلت الجناح والمرادي كان مدخل معروف عرفت أميزه
مغيروش المدخل *
*مشيت بين الطرقات وقربت من الحيطان استشعرت الخطر في الناحيه الشمال وانها هتأثر عليّ، قررت ابدأ من اليمين لاقيت اول اوضه مقفوله حاولت افتحها
معرفتش!، اكتشفت انها بشفرة، فهمت المغزى
تجاهلت كل الاوض اللي بالشفرة ورحت ناحيه المكان اللي فيه اللوح قربت وناحيتها وانا المرادي مش خايفه
ولا متردده وشيلت الغطا واتفرجت علي كل لوحه*
*ولاقيت اللوحه بتاعتي اتشالت
بس لاقيت في اخر الممر لوحه ليا غير اللي اتشالت اللي كان إلياس راسمها، بس أجمل من اللي إلياس رسمها بس مش بتاعت إلياس لان دا مش توقيع إلياس، بدأت أقرب منها ولسه هتعمق فيها لاقيت حاجه بتصدني! *
*بعدت عنها وقررت انضف المكتبه، هي الوحيده المفتوحة، ولاقيت ريحه بعض الكتب برفيوم، حاولت اعرف بريفوم مين*
*لاقيت جاك ورايا!*
_بتشمي الكتب ليه؟
_مش وظيفتك تنضفي بس؟
_برتب الكتب
_بالمناسبة دي ريحه البرفيوم بتاعتي
_قولت كدا دي مش ريحه برفيوم إلياس بيه
*لاقيته قرب مني لحد ما لزقت في الحيط وقالي*
_تبعدي تمامًا عن إلياس فاهمة وهو شويه وهيزهق منك ومهيحاولش معاكِ تاني
_انا مش لعبه ليك ولإلياس، وابعد عني عشان انضف المكتبه واطلع
_مش أنتِ اللي تقولي ابعد او اقرب
*لاقيته بيحاول يلمس شعري بعدت عنه بسرعه، مش طايقه حد فيهم*
*بصلي بنفس نظراته الغريبه وقال*
_كمان ساعه بس هاجي تكوني مخلصه
*طلع وبعدها بشويه لاقيت أليكس بيرن وقال*
_الق*ذر دا يبعد عنك فاهمه
_بحاول اتمالك اعصابي يا أليكس بجد، انا مش طايقه حد فيهم
_لو لمس شعره منك ه*ولع فيه
_بلاش تتعب أعصابك عليه
_خدي حذرك يا جين انا هنا بالعافيه لو جيت هخ*لص عليه
_اهدي أليكس انا متعلمه منك برود الاعصاب
*قفل وكملت المكتبه*
^^^^^^^^^^^^^^^^^^
*جت الساعه 11، رحت لإلياس وكانت لونا بتراقبنا من بعيد*
_نورتِ يا جين
_خير
_بصي يا جين أنا حبيتك وحاولت أحميكِ، بس وجودي معاكِ خطر ومهينفعش أكمل
معاكِ الأنسب ليا اتجوز لونا
*حسيت بارتياح وان خطتنا ماشيه تمام، وكمان جهاز التنصت نفع في المكتبه
كنت عايزة ارقص من الفرحه*
*قولتله*
_قصتنا مكتوب عليها الفشل
_للاسف يا جين بس دا ميمنعش اننا نكون صحاب وأنتِ أجمل بنت شافتها عيني والانفصال دا غصب عني
_الظروف ضدنا يا إلياس أكيد هنكون أحلي صحاب
_تعالي اوصلك
_همشي لوحدي، حابه امشي في الهوا شويه
_زي ما تحبي
*لونا فضلت معاه لحد ما اتأكدت انه وصل القصر ورجعت معايا نمشي ورا جاك أليكس هيقابلنا*
*وقفنا العربيه، في مكان بعيد شويه وقابلنا أليكس
أخدني جواه معرفش قد إيه
فضل كتير كدا*
_مش وقت النحنحه يعم انجزوا عليزين ننقذ أدريان ونقضي عليهم
*فضلنا وراه، دخل قصر وسط الغابه واللي استقبلوه مقنعين
بعدها اضطر أليكس يمشي بسرعه*
*لونا جالها مهمه سريعه مشيت وبعدها فضلت لوحدي وانا متأكدة السلسلة اللي لابساها اللي هي جهاز تتبع والكلبسه والحلق*
*جاك طلع، وفضلت ماشيه وراه، براحه عشان ميكشفنيش وشكل عيونه الزرقا في الضلمه وحش مع طوله دا*
*فجأه وقعت معرفش علي ايه
وبعدها محستش بنفسي!*
يتبع…..
- يتبع الفصل التالي اضغط على ( رواية المتخفي ) اسم الرواية