رواية تكسرات الروح الفصل الرابع 4 - بقلم نادية شعيب
البارت الرابع
" ما اجمل خوض الحروب من اجل عائلتى ولو عاد بى الزمن لاخوضها مرات ...ومرات ...ومرات حتى لو هزمت مرات ....ومرات....ومرات فاذا تعلق الامر بعائلتي فلتحترق كل القوانين والاعراف والتقاليد وليذهب الجميع الى الجحيم و لتبقى اختى بسلام...... و.....فقط"
...........................................
ينزل معتز من سيارته يحاول معرفه سبب توقف الموكب ليجد نور تعترض طريق الموكب وتضع يديها في وسطها وتتطاير نيران الغضب من عينيها وكانها تنين وتصيح😡 بغضب انزل ...... انزل يا تميم وتحاول الهجوم على سياره تميم لكن يمنعها معتز قبل الوصول الى السياره و يمسك بها ينزل تميم وهو يصيح بغضب مين المجنونه دي🙎
نور: انا مجنونه انا هعرفك مين هو اللي مجنون انت اللي مجنون لما تمد ايدك على اختى تبقى مجنون و60 مجنون يحاول الحراس التدخل لابعادها لكن يشير لهم معتز بيديه فيقف كل حارس مكانه
معتز :اهدي يا انسه نور في ايه؟
نور بعصبيه😠: انا اللي في ايه؟ انت اللي في ايه ازاي تميم الزفت ده يمد ايده على ليلى اختى
تميم:...... اااااه ......كده فهمت😏 انتى اخت المجنونه اللي اسمها ليلى تحاول نور الهجوم 🏃🏼♀️عليه مره اخرى وهى تصيح سيبنى يا عموا لكن يمسكها معتز وهو يحاول كتم ضحكاته 🤭فتصيح بغضب هي مين دي اللي مجنونه احترم نفسك انت اتشطرت على اختي ومديت ايدك عليها علشان هي مؤدبه واكيد ما ردتش عليك لكن انا جايه اخذ حق اختي منك
هنا ينفجر معتز ضاحكا😂 فيثير غضبها اكثر ترفع نور سبابتها فى وجهه🧏🏻♀️ لو سمحت يا عموا متضحكش عليا
يحدثها معتز هامسا هتاخدى حق اختك ازاى و كل الحرس دول واقفين💁🏼♂️ ثم يربت على كتفها ارجعى انتى بيتكم وزين باشا هيتصرف معاه
هنا تهدأ نور قليلا وتقترب من معتز وتهمس له بترجى🙍🏻♀️ حضرتك تمسكهم وتمنعهم يدخلو 🤼♂️وتسيبنى انا اتصرف مع ابن فريدة 🙎♀️يضحك معتز ملء فمه 😄ثم يقترب منها اكثر هامسا فى اذنها انا اصلا شغلى انى امنع اى حد يوصل لتميم اصدى ابن فريدة وبعدين انتى مش...
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
هنا تهدأ نور قليلا وتقترب من معتز وتهمس له بترجى🙍🏻♀️ حضرتك تمسكهم وتمنعهم يدخلو 🤼♂️وتسيبنى انا اتصرف مع ابن فريدة 🙎♀️
يضحك معتز ملء فمه 😄ثم يقترب منها اكثر هامسا فى اذنها انا اصلا شغلى انى امنع اى حد يوصل لتميم اصدى ابن فريدة وبعدين انتى مش شايفه حجم الجاردات عامل ازاى ويشير بيديه اتجاه الحراس محدش يعرف يمسكهم ده لو واحد فيهم كح ناحيتك هتفتكريها عاصفة و تفقدى وعيك
تشعر نور بالضعف وتنظر باتجاه الحراس بخيبة امل وتتحدث مترجية حضرتك شاورت لهم من شوية وهم وقفوا مكانهم يعنى بيسمعوا كلامك
معتز : فعلآ بس علشان انتى كنتى بعيد لكن لو حاولتى تقربى من تميم انا نفسى مش هقدر امنعهم دول رجالة تاكل اللحمة نية فتشعر نور باحباط وتتحدث وهى تنظر إليهم بخوف لحمة نية...نية ....نية يعنى
معتز يومىء براسه كاتما ضحكاته نية...نية وبعدين مش شايفة السلاح اللى فى وسطهم
ترتعد نور قائلة هو السلاح ده حقيقى ....حقيقى يعنى بيموت بجد
يضحك معتز على سذاجتها ويهز راسه ويستخدم كلماتها حقيقى ....حقيقى وبيموت بجد كمان
تنظر اليه نور وتحدث نفسها بصوت سمعه معتز يا نهار اسود ايه المصيبة السودة دى
لكن سرعان ما تغضب ثانياً و تصيح
ولو.... بردوة مش هسيب حق اختى
معتز حتى لو مفيش حرس مش هتعرفى تعملى لتميم حاجة انتى مش شايفه عضلاته عاملة ازاى
نور: بيأس وهى تنظر ارضا عندك حق والله يا عمو
تميم : بغيظ خلصونا منها كفاية كده هو انا هقفل يومى بواحدة مجنونة وابدا اليوم التانى باختها اللى اجن منها ثم يشير لاحد الحراس بغضب مشيها احنا مش فاضيين ثم يتجه بنظره إليها يصيح بحده محذرا أمشى بدل ما الحرس يتعاملوا معاكي بطريقتهم
تنظر نور الى معتز تستعطفه شايف يا عمو كل مااسكت هو يغلط ازاى وتشير اتجاه تميم
يحدث تميم الحراس بغضب مشوها من هنا
نور : تشير إليهم بطرف اصبعها وتصيح بتحدي مزيف وهى ترتعد من هيئة الحراس لو فيكم راجل يقرب ويشوف انا هعمل ايه
يراقب الجد زين ما يحدث من داخل سيارته وهو يبتسم بخبث ثم ينزل ويوجه حديثه الى نور ويحاول ان يمتص غضبها
خلاص يا نور انا خلصت الحكايه مع تميم وهو مستعد يروح لحد بيتكم علشان يعتذر لها
تميم :بصوت اجش يحمل كل غضب العالم اعتذر ايه يا جدو واروح لها فين دي كمان
نور: احنا مش عايزينك تعتذر ومش هنقبل اعتذارك لو اعتذرت 100 سنه قدام وبكيت بدل الدموع دم
تميم: هو مين ده يا بت انتى اللي يعتذر 100 سنه و يبكي دم
زين: يهمس بسخريه بجانب فمه اركب انت العربيه ويكمل بخبث هي ليلى تعلم عليك امبارح واختها النهارده اركب العربيه يا حبيبي اركب
بينما تصيح نور فى وجه تميم والله ماهسيبك وهى تشير بيديها بحركات وكانها ستفتك به اذا طالته قبضتها فمن يراها يقسم انها مجنونة 🤪
تميم :بغيظ والله يا جدو انا ساكت لهم علشان خاطر حضرتك بس كده الجنان زاد عن الحد وانا مش مضطر استحملهم اكتر من كده
زين :اركب يا حبيبي اركب انت عارف لو معتز سابها هتعمل فيك ايه
يحترق تميم غضبا هتعمل ايه يعنى يا جدو هو انت مفكرنى قليل اوى كده
زين اسكت انت وانا ههديها وبعدين متنساش عملتك السودة فى حق اختها ويتجه بنظره الى نور عامله ايه يا حبيبتي وخديجه هانم اخبارها ايه في محاوله لامتصاص غضبها
نور: الحمد لله يا جدو احنا كنا بخير قبل حفيدك ما ينزل مصر لكن دلوقتي احنا مش بخير خالص لو عاوز رأيى يا جدو خليه يرجع البلد اللى كان عايش فيها صدقنى الحل ده أفضل للكل ثم تخفض صوتها فى محاولة لاقناعه حفيدك ده هيعملك كل يوم مشكلة رجعه تانى احسنلك واللهي اشترى منى انا عارفة الأشكال دى كويس حضرتك راجل طيب ومحترم ومتستاهلش يبقا عندك حفيد بتاع مشاكل زى ده
هنا ينفجر الجميع ضحكا من رد فعل تلك الصغيرة التى تدافع عن اختها
هنا يغضب تميم بشدة وينهر الحراس بعينيه التى تطلق نظرات وكأنها طلقات تصيب وتقتل فيصمت الجميع وينظرون ارضا خوفا من هيئته التى تحولت فأصبح وكأنه مصاص دماء
زين ضاحكا اشترى منك ....حاضر هشترى يا نور انا هخليه يروح يعتذر لها في البيت
نور :والله يا جدو احنا ما نمناش من امبارح وليلى اختي طول الليل تعيط
زين: روحي انتى وانا هتصرف في الموضوع ده ويتجه بنظره الى معتز خلي عربيه من بتوع الحرس توصل الانسه نور لحد باب البيت
نور: شكرا يا جدو انا هروح زي ما جيت
زين: لا ما ينفعش انا هبعت عربيه معاكي وبعدين انتى وصلتى لحد هنا ازاى بدرى كده ومفيش مواصلات بتوصل هنا
نور بثقة لا تتناسب مع حجمها ماتقلقش عليا انا بعرف اتصرف
زين بحب لا تانى مرة متتصرفيش من نفسك اى حاجة تعوزيها تكلميني وانا اللى اتصرف
ابعت عربيه معها يا معتز
معتز: اوامرك يا باشا
نور: شكرا يا جدو يتجه تميم والجد الى السياره ويركبان يقول تميم بصوت يملاه الغضب حضرتك يا جدو جرات البنات دي علينا قوي وبعدين ازاي توعدها اني اروح اعتذر لهم في بيتهم ده مستحيل يحصل
زين: انت ما تعرفش الناس دي ليلى وجدتها واختها ناس محترمين جدا وبيسان اختك بتحبها وما تقدرش تستغنى عنها ابدا ليلى بنت اصيله ومحترمه وهي الوحيده اللي عرفت تخرج بيسان من الدايره اللي كانت قافلها على نفسها دي بتتعامل معاها وكانها مامتها وبعدين بيعجبنى فيهم شجاعتهم يعنى ليلى امبارح ماخفتش منك وبهدلتك فى عقر دارك والنهارده اختها وقفت علشانها أدام كل الحراس وبهدلتك بردوة من غير ما تفكر ممكن يحصل لها ايه
تميم :خلاص خلاص يا جدو هو حضرتك فرحان انهم بهدلونى كده ليه وبعدين انا من ساعة موصلت وحضرتك كل شوية قصيده في حب ليلى حضرتك بقيت عامل زي قيس ما كانش على لسانه الا ليلى... ليلى انا كده هبدا اشك فيك هو حضرتك عاوز تجدد شبابك ولا ايه
يضحك زين بكامل صوته ويقول في نفسه شكلك انت اللي هتبقى قيس اللى اتجنن من حب ليلى🤫
في منزل ليلى
تفتح نور الباب بمفتحاها الخاص وتدخل على اطراف اصابعها لتتفاجا بليلى تقف امامها وتضع يديها في جيب بنطال ملابسها البيتيه لتقول بغضب مكتوم كنتى فين يا نور على الصبح وداخله تتسحبي زي الحراميه
نور: وهي تتصنع الحزن انا حراميه يا ليلى الله يسامحك
ليلى: كنتى فين بقول لك ولا اصحي تيتا تسالك هي وتشير بيدها اتجاه غرفة الجدة
نور:لا خلاص هعترف.....هعترف..... هقول بس ما تزعقيش.... انا...انا.... انا....كنت في قصر القاضي
تخبط ليلى بيدها على صدرها وتشهق يا نهار اسود يانور كنتى فين
نور: كنت في قصر القاضي
ليلى: بتعملي ايه
نور :رحت اتخانقت مع الطاووس ابن فريده
ليلى: كده برده يا نور انا غلطت اني قلت لك
نور :انا ما عرفتش انام يا ليلى من ساعه ما حكيتيلى ما صدقت النهار طلع لبست هدومي ورحت على قصر القاضي وما حسيتش بنفسي الا وانا بهزقه
ليلى وهو عمل لك حاجه
نور: لا ما عمليش حاجه هو اتشطر عليكى انتى عشان مؤدبه لكن قدامى انا كان عامل زي الكتكوت المبلول
ليلى بتهكم كتكوت ايه يا كدابة الله يخرب عقلك ده ديناصور
نور: والله لولا الجاردات اللي معاه كان زمانه في المستشفى مش عارفين يخيطوا فيه ايه ولا ايه
ليلى: بغضب ابعدي عنه وما تروحيش هناك تاني
نور: حاضر مش هروح بس تصدقي ما ارتحتش برده فيلم الاكشن اللي عملته معاه كان عاوز جزء تانى لو معتز سابنى عليه كان زمانى وتضغط على اسنانها في حركه تنم عن الغضب كنت....كنت...قطعته بسنانى
لتقاطعها ليلى خلاص يا نور كفايه الجزء الاول
نور :حاضر عشان خاطرك انتى بس
ليلى :على المطبخ يا اختي حضري الفطار انا مصدعه ومش قادره اقف
نور: ماشي يا قمر خمس دقائق والفطار يكون جاهز
ليلى: ماشي يا لمضه اما نشوف🤔
في مكتب زين القاضي
..............................................
يفتح معتز الباب لتجد غرفه كبيره الحجم جدا مقسمه الى عده اقسام في الواجهه مكتب كبير من الخشب الارو الاحمر مطعم بالنحاس والعاج يشبه تصاميم العهد الملكي وراءه كرسي كبير الحجم مغطى بالجلد الزيتي ومن الخلف صوره زيتيه كبيره الحجم لزين القاضي رسمت بيد فنان عالمي اما في الجهه الاخرى طقم انتريه كبير من الجلد الاسود مطعم باللون الذهبي بتناسق مهدئ للعين وراءه خزانه على الحائط من خشب الصنوبر الطبيعي وضع عليهاالكثير من التحف الكلاسيكيه الفخمه لتضفي لمسه جماليه رائعة تحيط بالمكان لتشعر وكانك داخل محراب مقدس في الجانب الثالث ترابيزه اجتماعات تتسع لاكثر من 30 كرسي للاجتماعات الهامه بالاضافه الى مكتبه تضم عشرات وعسرات من الكتب والتي تجعلك تبدو بجوارها ضئيل الحجم اما عن الحوائط فهى باللون الاسود والبني والذهبي معلق عليها لوحات عالميه لاشهر فنانى العالم تقدر قيمتها بملايين الدولارات فالشكل العام للمكتب يبعث الرهبه في قلوب الضيوف
يدخل زين وتميم ويغلق معتز الباب خلفه🤫
تميم :وهو يشعر بضجر شغل ايه يا جدو اللي كنت عايزني فيه وخلاك ترجعني من لندن بالطريقه دي
زين : بتهكم وسخريه واضحه يضحك بكامل صوته........... هو انت مفكر ان انا مرجعك من لندن علشان في شغل واقف قصادي؟!!!!!! انت نسيت انا مين يا تميم ولا ايه انا اقدر ادور اقتصاد مصر كله وانا قاعد في سريري انا جايبك عشان موضوع اهم من الشغل والشركات والصفقات الموضوع بقى موضوع حياه او موت ثم يعاود هدوءه وعلى فكره لو ما كنتش رجعت برضاك انا كنت هبعت اللي يجيبك في شوال!!!
تميم: ليه كل ده يا جدو في ايه خوفتني يستعيد زين هدؤه اكثر ويتحدث بنبرة رزينة
عارف زياد المنشاوي؟؟
تميم :ايوه انا عارف الاسم ده... ده رجل اعمال مشهور وحضرتك كسبت منه الصفقات الاخيره هو تقريبا قرب يعلن افلاسه
زين:بعض كلامك صحيح لكن هو ما قربش يعلن افلاسه ولا حاجه لانه بجانب شركاته اللى الكل عارفها له انشطه تانيه مشبوهه يعتدل تميم فى جلسته ويسال باهتمام
تميم بصدمة :انشطة مشبوهه
زين: هو بيشتغل في السلاح والرقيق الابيض و المخدرات واثار وغسيل اموال وكل ما هو غير قانوني ومن فتره جالي وكان عاوز يشاركني في صفقه مواد خام جايه من بره لزوم مصنع السيراميك بتاعنا كان يعني عاوزني استورد له مواد خام لمصانعه وانا رفضت اشاركه طبعا وبعد كده عرفت بشكل غير مباشر انه كان ناوي يدخل شحنه اسلحه ومخدرات داخل الشحنه بتاعتي ولما انا رفضت لف على الست والدتك علشان تشاركوا في شحنه اجهزه طبيه مستورداها علشان المستشفى الاستثماري ولو لا قدر الله الشحنه اتمسكت والدتك تلبسها ويطلع هو منها لان الشراكه كانت من الباطن وفعلا فريده كانت موافقه لكن انا منعتها
تميم :وهى رضخت لحضرتك بسهولة كده؟!
زين : لأ طبعآ انا هددتها لو الصفقه تمت هدمر لها الشركه وهي طبعا خافت وتراجعت بس من غير ما تعرف السبب وانا من خلال معارفى في الداخليه وصلت لهم خبر عن الشحنه اياها وهم تتبعوها واتمسكت الحمد لله لكن زياد عرف ان انا اللي ورا القبض على الشحنه وعرفت برده انه عاوز ينتقم مني علشان كده خفت عليك وجبتك هنا علشان تكون قدامي وتحت عيني واعرف احميك انت وبيسان
تميم مدهشا :وهو ما دخلش السجن؟؟؟؟!!!!
زين: للاسف لا لانه كان مشارك رجل اعمال من الباطن واوراق الشحن كانت باسمه فشلها هو وزياد طلع منها واسمه حتى ما ترددش في القضيه
تميم :ازاى ده ؟!
زين لان زياد هدد الراجل بقتل ولاده لو جاب سيرته فى التحقيق فالراجل خاف وشالها لوحده
تميم:والشراكه دى مكنش لها أوراق تثبت تورط زياد؟؟
زين : للاسف زياد كان عامل حساب كل حاجة ومكتب الشريك أتعرض لحريق كبير بعد القبض على الشحنة بدقايق
تميم : ده كان مأمن نفسه كويس
زين :علشان كده احنا كمان عاوزين نأمن نفسنا كويس
تميم : متقلقش يا جدو
زين: انا ما ليش حد غيرك انت وبيسان يا حبيبي انتم اهم حاجه في حياتي بعد ابني الله يرحمه
تميم : ان شاء الله خير بس احنا مش لازم نستنى الضربه اللي مش عارفين جايه منين احنا لازم نسبق بخطوه ونامن نفسنا وبالنسبه لبيسان بلاش تروح الجامعه خالص
زين: انا مش عاوز زياد المنشاوي يحس ان احنا خايفين منه
تميم: عندك حق يا جدو
تميم :انا هراجع ترتيبات الاجراءات الامنيه مع معتز ونزود الحراسه وكاميرات المراقبه في الشركه وفي القصر والاهم لازم نتاكد من ولاء الناس القريبين علشان نضمن ان تحركاتنا تكون سريه دي اول خطوه
انا هرتب كل حاجة مع معتز و حضرتك ما تحملش هم يا جدو
زين: انا كان عشمي فيك كده برده استعنا بالله روح على مكتبك انا خليت معتز جهز لك مكتب مصطفى الله يرحمه وجهز لك اوضه جيم ملحقة بيه وفيها احدث اجهزه علشان اما تتنرفز ما تطلعش غضبك في الموظفين وتكرر غلطه امبارح يلا الله المستعان
تميم: الله المستعان وياخذ معتز ويذهب الى مكتبه🙄
في قصر القاضي
.............................................
تنزل بيسان من غرفتها الى بهو القصر تبحث عن داده عايدة فلم تجدها تدخل الى المطبخ
بيسان :صباح الخير يا دادا بابتسامتها المشرقه
عايدة ومديحه صباح الورد على عيونك يا قمر
بيسان: انا جعانه عايزه اكل
عايده: حاضر يا بوسي دقائق واحضر لك احلى اكل على ما تجهزي
بيسان: انا مش رايحه الكليه النهارده
عايده: ليه يا بوسي
بيسان اكيد ليلى مش هتروح بعد اللي حصل من تميم
عايده: اه اكيد عندك حق تلاقيها لسه زعلانه
بيسان: حقها والله
مديحه :انا مش عارفه ايه اللي حصل بس اكيد ليلى عصبته جامد هو عمره ما عمل كده مع حد
بيسان: حتى لو عصبته ياداده ده مش مبرر انه يضربها
عايده: عندك حق يا بوسي
مديحه: انا مش عارفه ايه اللي حصل بس تميم ما فيش حد في طيبه قلبه وحنيته اكيد في سبب تاني
بيسان: على العموم انا هاكل معاكم في المطبخ
عايده: لأ يا بوسي لو الست فريده هانم نزلت وشافتك بتاكلى في المطبخ هيبقى الدم للركب
بيسان بضحك لا يا دادا مامي بتلعب رياضه وقدامها اكثر من نص ساعه على بال ما تخلص نكون اكلنا
عايده: كده هعمل لك احلى اكل تقوم عايده وتضع اطباق كثيره على مائده المطبخ وتبدا في تناول الطعام هي ومديحه وبيسان
في لندن في شركه تميم
يجلس سليم داخل مكتبه يتابع اعماله على الحاسوب الخاص به يفتح الباب فجاه بغضب لينتفض سليم فزعا ليجد امامه بيرلا تنظر اليه بغيظ ونيران الغضب تتطاير من عيناها
الحوار مترجم بالعربي
سليم :ايه اللي بتعمليه ده
بيرلا :اين تميم
سليم :نزل مصر
بيرلا: فجاه دون ان يخبرنى
سليم: للاسف حصل ظرف طارق اضطر ينزل من غير ما يبلغ حد
بيرلا: علمت انكم تنهون اعمالكم بلندن وستستقرون بمصر
سليم: عرفت منين
بيرلا: لا يعنيك لماذا عاد تميم الى مصر
سليم: معرفش
بيرلا :هل يريد زين القاضي ان يزوجه من مصريه
سليم :لا اعرف
بيرلا : كنت اعلم انك لن تتحدث ثم تصرخ بيرلا بغضب سوف اعلم بطريقتى
في مصر في مكتب تميم
يجلس تميم يتابع اعماله على الحاسوب بعنجهيه تليق به ثم يتصل بالبوفيه يطلب قهوه
الو هات لي قهوه ساده يابني على المكتب
عامل بوفيه:اوامرك يا باشا
يردف تميم ساده...... ساده ويغلق الهاتف ثم يقف ويتجه الى الشرفه الزجاجيه ينظر الى الطريق ويسرح في تلك المجنونة التي تحدت كبريائه واهانته ليشعر بالضجر والغضب انا.... انا تميم القاضي بنت تعمل معي كده اقسم بالله لاوريكي بس اخلص من موضوع زياده المنشاوي يا زفته انتى
يدخل معتز: السلام عليكم
تميم: عليكم السلام عملت اللي قلت لك عليه؟
معتز: حصل يا باشا
تميم:ايه الاخبار ؟
معتز: في واحد من الرجاله القريبه قوي من المنشاوي ممكن نجنده لصالحنا
تميم: ازاي؟
معتز: الراجل ده كان خاطب بنت زميلته في الشركه في قسم الحسابات وكانوا قربوا يتجوزوا لكن لما شافها المنشاوي في حفله الشركه عجبته وقرر يضمها للقائمه بتاعته والراجل طبعا ما قدرش يعمل معاه حاجه لان البنت عينها زغللت بالفلوس والهدايا وفكرت ان المنشاوي هيتجوزها لكن هو غفلها وضحك عليها وبعد كده اداها المقلب الكبير فده لو عرفنا نوصل له هيكون سهل علينا الطريق كتير خاصه انه مستني الوقت المناسب علشان ياخذ تاره من المنشاوى
تميم :ممتاز هو ده الشخص اللي نشتغل عليه اتواصل معاه واعرض عليه اي مبلغ
ثم يرن هاتف تميم ينهض معتز في عجاله عن اذنك يا باشا يتناول تميم الهاتف ليجد بيرلا تتصل
الحوار مترجم
تميم: كيف حالك ؟
بيرلا :انا لست بخير
تميم : لماذا هل انت مريضه؟
بيرلا: لا لكنك سافرت الى مصر دون ان تعطينى خبر وعلمت عن طريق الصدفه انك ستستقر هناك وستتزوج من مصريه اختارها لها جدك
يضحك تميم ملء فمه حتى ظهرت نواجذه من قال لك ذلك انا لن اتزوج مصريه او غيرها انا هنا من اجل العمل وفقط
بيرلا: وقد هدات حتى انا لن تتزوجني؟؟؟
تميم: انا لم يسبق ان حدثتك في امر الزواج
بيرلا: لكنني احبك
تميم: اعلم ذلك لكنني لا انوي الزواج
بيرلا: وقد ياست من اقناعه بالزواج هل ستعود الى لندن مره اخرى؟
تميم: في هذا الوقت لا اعلم ربما لاحقا بعد فتره من الزمن الى اللقاء بيرلا ويغلق الخط
في قصر القاضي مساء
يجلس الجد بغرفته يقرا كتابا يدق الباب بنغمه يعرفها زين جيدا
زين: ادخلي يا بوسي
بيسان: مساء الخير يا جدو
زين: مساء الخير يا حبيبتي ايه كنت عاوزه حاجه؟
بيسان: وهي تدور في الغرفه ذهابا و ايابا وتفرك يديها بتوتر ايوه يا جدو عاوزه اروح عند ليلى اذاكر معاها
ينتبه الجد ويخلع نظارته ويقول ليه يا بوسي؟
بيسان: ليلى رفضت تيجي القصر يا جدو وبصراحه هي عندها حق كل ما تيجي يحصل معاها مشكله يا اما مامي يا اما تميم غلطة تميم كبيرة قوي يا جدو وانا فعلا مكسوفه من ليلى
زين: يحدث نفسه والله البنت عندها حق الواحد فعلا مكسوف منها ثم ينتبه وينظر نظره خبيثه ويبتسم ابتسامة جانبيه مزيفه ويقول ماشي يا بوسي ابعتي لي تميم وانا هتصرف
بيسان: تميم ليه ؟؟ يا جدو ما تقولوش هو مش هيرضى
زين: ابعتيه بس وانا هتصرف وبعد عدة دقائق ياتي تميم الى غرفه الجد ويدق الباب
زين: ادخل يا تميم
تميم: حضرتك كنت عاوزني يا جدو ؟
زين:وهو يدعى العصبية عاوزك علشان تشوف نتيجه عملتك السودا
تميم: باندهاش خير يا جدو انا عملت ايه؟؟؟!!!!! انا بقى لي يومين بس في مصر
زين: ليلى رفضت تيجي تذاكر مع بوسي
تميم وهو يشعر بارتياح : والله عملت خير فين المشكله بقى؟
زين : بيسان مبتعرفش تذاكر من غيرها
تميم :هذاكر لها انا هو حضرتك ناسى انها نفس تخصصى
زين: يا ابني علاقه اختك بليلى مش مهمة عشان المذاكره وبس ده هي الوحيده اللي عرفت تتواصل مع اختك..، بيسان نفسها ما بتقدرش تستغنى عنها والبنت مخلصه جدا واصيله ومحترمه نوع من البنات نادر انك تلاقيها دلوقتي
تميم : بضجر والمطلوب مني ايه يا جدو ؟
زين: تروح تعتذر لها
تميم ببرود وكانه حسم امره: اسف جدا ما اقدرش اعتذر لها وما اقدرش اروح عندهم خاصة بعد تصرف اختها النهاردة
زين:وقد نفذ صبره انت عارف يعني ايه ليلى ترفض تيجي القصر يعني بيسان لازم تروح لها البيت وبيت ليلى في مكان شعبي صعب جدا تامين بيسان وضمان سلامتها
تميم: بس ده كتير قوي يا جدو
لتدخل فريده فجاه وهى تشيح بيديها بس ده كتير فعلا يا عمى
ليندهش تميم وزين وتنتفخ اوداجه من الغضب ويصيح فيها بطلي يا فريده العاده الزفت دي انت كبرتي على الكلام ده وبعدين لو حد من الشغالين شافك وانت بتتصنتي زي المجرمين يقول عليك ايه ثم يكمل بتهكم مش خايفه على برستيجك
فريده: بارتباك انا كنت معديه بالصدفه وسمعت كلامكم
زين :كدابه يا فريده دي عادتك طول عمرك
فريده: يا عمي.......
يقطع تميم حديثها وينظر الى جده لو سمحت ياجدو انا تعبان وعاوز انام ممكن نكمل كلامنا بكرة فى الشركة علشان نعرف نتكلم براحتنا من غير ماحد يقاطعنا
لتنظر اليه فريده بغيظ يعني انت هتروح تعتذر لها ينظر تميم اليها بطرف عينيه ثم ينظر الى جده تؤمر بحاجه ثانيه يا جدو؟
زين: لا يا تميم تصبح على خير
ثم يوجه تميم حديثه الى فريدة تصبحي على خير يا فريدة هانم وينحنى امامها وهو خارج بطريقة مسرحية ساخرة هانم يخرج تميم ويترك فريده تواجه قدرها بمفردها امام غضب زين الذى يقترب منها ببطء و يقف في مواجهتها ويدنو منها ويهمس بتحدي شيلي ليلى من راسك الفاضيه يا فريده احسن لك والا قسما بربي هتندمي
فريده: ليلى مين دي اللي تشغل بالي دي ولا حاجه
زين: ليلى شخص مهم جدا لبيسان ابعدي عنها وده اخر انذار ليكى لو فكرتي تاذيها انا اللي هقف لك وما تلوميش الا نفسك انا لسه ما نسيتش اللي عملتيه زمان اللي مسكتني عليك يا فريده انك ام احفادي وبس انتى فاهمه يخرج كل حرف من تحت اسنانه ولو عقللك الفاضى ده( ويشير باصبعه لراسها) فكر ياذى ليلى ساعتها هحاسبك ع القديم والجديد ثم يعطيها ظهره اتفضلى اخرجي عاوز انام
تخرج فريده وهي تنفخ نيران الغضب وتتوعد في سرها
صباح يوم جديد في منزل ليلى
تستيقظ ليلى مبكرا كالعاده وبعد طقوسها اليوميه تدخل المطبخ وتبدا في اعداد الفطور ثم تخرج تصيح يا نور..... يا نور اصحي بقى هو كل يوم نفس الفيلم عشان تصحي
نور:بتهكم من تحت الغطاء هو كل يوم نفس الفيلم يا ليلى عشان تصحيني سيبينى انام الله يخليكى
ليلى : اصحى عشان تذاكرى
نور انا خلصت مذاكرة
ليلى بسخرية ااااه.... خلصتيها وانتى نايمة ليدق الباب بطريقة رسمية غريبة تنظر ليلى الى الباب وتتحدث بصوت خائف مين هيخبط علينا بدرى كده؟
ثم تتجه الى الباب بخطوات بطيئة وهى ترتدي ملابس بيتية قصيرة تبرز ساقها وبفتحة صدر واسعة تتهدل من احدى كتفيها لتبرز رقبتها وجزء كبير من كتفها وترفع شعرها بكعكة عشوائيه وتترك بعض خصلات تنزل على وجهها وكانها تحتضنه
تفتح ليلى الباب بهدوء وترقب لتجد..... اااااااخر شخص تتمنى رؤيته .........
حد عارف مين ع الباب؟؟؟!!!!!!
اكتبوا توقعاتكم ...🤔
- يتبع الفصل التالي اضغط على ( رواية تكسرات الروح) اسم الرواية