رواية المتخفي الفصل الرابع 4 - بقلم ريم محمد
_صاحب القصر ازاي؟؟
_الجملة واضحة ومفهومة زي الشمس
_اتشرفت بحضرتك، هتطلب حاجه؟
_طبيعي لازم تتشرفي
_عن أذنك هشوف الطلبات برا
_اعمليلي أكل صحي
_حاضر
^^^^^^^^^^^^^^^^^^
*مشيت في طرقات القصر، حسيت عندي فضول اشوفه معرفش ليه انهاردا بالذات مشيت بتخفي وأنا بين الطرقات ومُنبهرة من كمية التُحف المحطوطة، طبعًا وقفت علي الحد الفاصل بين الجناح الشرقي والجناح الغربي*
*رجعت عشان مكررش نفس الغلطة وأدخل الجناح الغربي وأنا مش حاسه بس لاقيت هوا بارد جي من ناحية الجناح الغربي، وفي حاجه بتشدني له بس قررت أتغلب علي فضولي ولسه همشي لاقيت كذا ضوء مع بعض شغالين وحاجة بتشدني بس المرادي بقوة أكبر، حاولت أتراجع معرفتش
فجأه لاقيتني جوا إلياس!
اتخضيت وبعدت بسرعة عنه*
_اهدي يا جين دا أنا إلياس فضولك هيوديكِ في داهيه، َابعدي عن جاك
_أنا لا قربت منك ولا من جاك وندمت علي اليوم اللي جيت فيه هنا
“فلاش باك”
_هتروحي برضو يا جين؟
_لازم يا ماما أنا كدا كدا شاطرة في الطبخ فهدخل كشيف ولازم أروح
_هيكشفوكِ يا جين أنتِ خصم ليهم مش صحبتهم
_لو كلفني عُمري هنقذ أدريان يا ماما
_أخوكِ مش ضعيف
_ضعف بسببهم أنا هنتقم منهم واحد واحد
_طيب هيعرفوكِ، أنتِ توأم أدريان
_هلبس لينسيز وهقص شعري وأصبغه أصفر
_واسمك؟
_زي ما هو، أنا أعرف أتعامل معاهم كويس، أنا جين يا ماما يعني “مُقاوم”
_بالتوفيق يا جين، خدي حذرك وبلاش شخصيتك القوية دي أظهري البنت الكيوت
_أكيد محبوس ظلم بسببهم
“باك”
*فقت من شرودي وانا عيوني كلها انتقام أكيد حابسين أدريان هنا عشان كدا مش عايزين حد غريب يدخل، بس هدفعهم التمن واحد واحد *
_جين، أنتِ كويسة؟
_اه كويسة، بس للأسف واتعاملت بقلة ذوق وتجاهل
_أرجوكِ ابعدي عن جاك، صدقيني هو مش زي ما أنتِ مفكرة
_إلياس، مش أنت المفروض هتخطب لونا إيه علاقتك بيا؟
_بحميكِ
*عليت صوتي، أكتر ناس مُنافقة بتحميني وخاطفين أخويا! *
_من مين؟
*لاقيت جاك أخوه جه علي صوتي وبصلي بنظرات غريبة
وقالي*
_صوتك ميعلاش تاني، فاهمة؟
*سيبتهم ومشيت وأنا مش طايقهم، يمكن حسيت بمشاعر ناحيه إلياس بس بحاول أقضي عليها هدفي هو أدريان*
“فلاش باك”
_أنت مش قدهم يا أدريان عشان خاطري بلاش
_لا يا جين متخافيش أنا أقوى لازم أحميكِ أنتِ وماما وأخواتي وبابا أنتوا مسؤولين مني
“باك”
*من ساعتها مرجعش وعرفت أنهم خطفوه، أنا أعرف واحد واحد فيهم، بس معرفش جاك خالص واتفاجئت إن له أخ تاني وأول مره أشوفه لما دخل المطبخ خلاه حساباتي كلها تتلخبط! *
^^^^^^^^^^^^^^^^^^
*صحيت الصبح، عملت اللي بعمله وقررت أطلع برا في الغابه، أتمشى هناك أحاول أعرف ايه علاقتي بجاك؟
وليه ظهرلي في الحلم مش إلياس وأعرف مين جاك! *
*بعدها بنص ساعه من الاستكشاف، لاقيت واحد معرفوش بيحاول يتهجم عليّ ولابس قناع غالبًا أنا فريستهم الجديدة اللي هيتسلوا بيها*
*لاقيت جاك جه ومسك من رقبته وخنقه، وبعدها ح*رقه! *
_أنت عملت ايه!
_كنتِ مستنيه اي يخ*لص عليكِ وأقف أتفرج
_أنت وأخوك مالكم حلوا عنّي
_إلياس ماله؟؟
_مفيش
_بعدين، كنتِ استأذنتِ من مين يا جين عشان تطلعي؟؟
_هستأذن من مين؟
_من والدك
_اسمه والد حضرتك، فاهمة
_فاهمه، والمرة الجيه سيبني أنا عارفه أنا بعمل ايه
_عارفه!
_ايوه
_جين، أحذريني، في خلال دقايق تكوني في القصر فاهمه وممنوع تطلعي إلا بإذني تيجي الاول تستأذني مني حتي لو بابا سمح ليكِ بكدا
_حاضر
*كنت ماشيه وهو ماشي ورايا، وصوت أنفاسه سريعة، كنت حاسه إن في جبل ماشي ورايا من فرق الطول اللي بينا*
*كنت يدوب عند كتفه، بس بحاول أعرفه غامض مش زي إلياس*
*وصلنا في نفس اللحظة، ولاقيته وقفني وقال*
_جين، خليكِ في الطبخ أحسنلك ومتحلميش إن إلياس يتجوزك، لو جيه تتجوزي واحد غني تبقي غلطانه
_في فرق طبقات، ففوقي لنفسك
_إلياس اللي قرب مني
_اسمه إلياس بيه، واتكلمي بحدود واحترام أحسنلك أنتِ
*دخلت القصر، لاقيت روز مستنياني عشان الغدا وقالت*
_يا بنتي أنتِ مش قد جاك بيه أنا مُقام زيك ولسه مش عارفه أتعرف عليه
_ليه هو الوحيد اللي غامض؟
_هو جاك بيه تركيبه غريبه بس اتأكدي كل يوم كويس من الينسيز كويس عيونك البحر مينفعش تظهر هنا، لازم تفضل الغابه مُحتله عُيونك وأنا علي قد مقدرتي هساعدك
_عرفتِ منين كل دا!!
_هدفك أدريان أخوكِ، أنا هدفي أكبر، وبعدين مقولتلكيش أحنا زي بعض فأكيد هعرف اللي زيي
_هحاول يا روز
_لا تنفذي يا جين
_تعرفي حاجه عن الجناح الغربي
_لسه شويه يا جين مش دلوقتي، كل حاجة هتتكشف
_روحي دلوقتي لشغلك، بس انا معرفش كتير عنه بس اللي بيدخله افراد العيله بس
^^^^^^^^^^^^^^^^^^
_اعمليلي قهوة يا جين
_وبالمناسبة السلسلة هتفضل معاكِ
_بمناسبة ايه؟
_بمناسبتنا يا جين، احنا مش هننتهي
_قهوتك
_عيونك، حلوه اوي
*اول ما قال كدا اتوترت
وحاولت اغير الموضوع عشان ميلاحظش الينسيز*
*حط ايدي علي قلبه وقال*
_دا عشانك يا جين، مع الوقت هتفهمي ليه عملت كدا
*سابني وطلع، فضلت أفكر في كلامه بس نار الانتقام أقوى*
*حساني متراقبة من جاك هو شديد الملاحظة*
^^^^^^^^^^^^^^^^^^
*الصبح، قرروا يعملوا حفلة استقبال لجاك، وجابوا لكل الخدم فستان وانا من الضمن*
*خلصت كل التجهيزات، وجه بالليل طبعًا لونا لازقه في إلياس*
*وانا واقفه مركزة مع كل التحركات، متحركتش لحد ما جه جاك وعرض عليّ نرقص سوا*
*وافقت، ورقصنا سوا، وقالي*
_تعرفي الفستان دا من اختياري
_اختيارك، وحش
_الوحش للوحش، أنتِ لو حلوة هختار الحلو
_غريب، رقصت معايا وانت بتقولي محلمش أتجوز من غني
_لازم الواحد يحترم أعدائه او اللي أقل منه
*دوست علي جزمته، بس كان بارد معلقش *
_أنت ليه؟
_أنا هنا، الكل في الكل، كلمتي مسموعة عرفتِ أنا ليه؟
*الرقصه خلصت، وكان إلياس بيبصلي نظرة حب ممزوجه بغيرة وجاك نظرات غريبه
يتبع…..
- يتبع الفصل التالي اضغط على ( رواية المتخفي ) اسم الرواية