رواية ذيب الغربية الفصل السادس و الاربعون 46 - بقلم طيبة وليد
محَـطه النهـايـة |Part 46
بــسم الله الرحمٰـن الرحَـيم
$ ذيـب الغَربيه
بقلم - طيبه ولـيد
"""
: انه چم مره
گلتلك لاتعلمني عليك
هاك
هسه شلون انام بلايه اديك ..؟
""
" هـيام "
عَـيوني ما كدرت أشيلها عنـه اباوعَ ألوجهه التعَـبان وملامحَه الكبرانـه رغَم كل هذه مبتسم يباوعلي غمضت عيوني بحَقد جاوبته واني گازه على سنوني
- شرجعَك؟؟
شاهين - طيـر الصَـاف طـرِ كـلبي الشــوك.
هـيام - شكـد شايفه ناس صلفهَ مثلك ما شفت!!
غمَض عيوني وعصر ايده
هـيام - شلون انـطاك كلبك؟
رفعَت عيوني المدمعَه بسس لو اموت مانزل دمعَه كدامه اخخ ياروحي هذه الچنت ابچـي بس يمه هسه استحَسف تنزل دمعتي كدامه رفعَ راسه يباوعلي شكد كبران والشيب تارس لحَيته والتعَب بعيونه
هـيام - اترك كلشي بس شلون انطاك كلبك تصبحَ وتمسي بوجهي وانتَ تعرف اني شكُد متلوعَه على كتال اهلي؟شلون انطاك كلبك ابچـي بحضنك على امي وانتَ تعرف كتالها ؟ جنت اخجل من ماضيي وأكول داخَله مصح الأمراض النفَسيه وطلعت انتَ سبّب دخولي اله؟؟
شاهين - سامحَيني
هـيام - على منو منهن؟
- كلهن
هـيام - وانتَ تسامحَ نفسك وانتَ كتـال ابنك؟
رفعّ قبضه ايده وعضها دار وجهه نزلت دموعه اباوعله ابتسمت بتشفَي
هـيام - تذكر من كتلك أخليك تبچي دم وتعَض اصابيعك ندم؟ وهسه سويتها
شاهين - من خمسسسسس سنين سويتيهاااااا
هـيام - وهسسسه ارجععع منين ماجيتتتت ولا تشووووفني وجههههك
- هـيام هيام هيااااااام
هـيام - لا تكوووول اسميييي على لساااانك روووح مناااا رووووح اكررررهك واكره السااااعه الجمعتني بييييك
شاهين - بس أنا عاشكها
هـيام - واناااا كارهتهاااا وكارهتك وياريت لسانـي نكص ولا تزوجت واحد ناقص شرررف مثلللك!!
عضَ شفته دنك راسه ورفع عيونه عليه عيونه خَبطت حمر ايديه صارن يرچفن
هـيام - اررررجف بعد اررررجف مثللل رجفه ايدييييه من اخااااربك واتوووسل بيك تصدكنيييي تذكرررر!!
دنـك راسه ساكت عاضَ شفته كتمت دمعتي وغَصتي وقهري وحقَدي تغلب عليه رفعَت ايدي وضربته راشدي بكل قوتي بعَده ما مستوعَب الأول ضربته الثاني والثالث والرابع والخامس والسادس
أضرب بيه بإيديه ثنينهم راشديات ما فـكَ حلكه بحَرف مدنك عيونه رفعَت ايديه أضربه على صدره كل قوتي واصرخَ
هـيام - لـك ليشششش ليشششش دمرررت عائلتي كلهااااا دمررررت طفولتيييي وشباااابي ماضييي وحاضرررري ليشششششش
شاهين - وانا؟ أنا ما خَسرت ابوي؟
هـيام - لـك خسرتني ابوي وامي وابني وعمامي وعماتي والربتني يا خَساره التحجي بيها؟
شاهين - شلون ابردو لگلبچ؟
هـيام - ما يبررررد ما يبررررد
شاهين - كرهتيني؟
هـيام - اكـرهكـم كره بـس الله اليـدري بية واكُل لروحَي احَقدي وبـَ الحَقـد زيدي ولولحَـم البشَر ما ينوكـل مكروه اكـل من لحمكـم لو وكـعّ بأيدي!!..
شاهين - شعّسوي وتسامحَيني؟
هيام - رجعـلي امي وابوي رجععععلي اببببنك الكتلتتتته رجعليييي طفووورلتي رجعليييي سنيييين عمررري العشتهاااااا افكرررر روحَي خبببله لو صااااحيه تكدر ترجعععع الزمن!؟؟؟
شاهين - ارررررحمي كلبيييي ارررررحمي
هـيام - انتتتتَ رحمتتتتي حتى اناااا أرحمك واحد كلب مثلك ما يستاااهل الرحمه!!
- هيااااااام انكتممممي
هـيام - وإذا ما سكتتت شسوي؟ ترجعني للمصح؟ تكتل منو بعَد شبقااالي؟؟؟
شاهين - مااا جتلتتتت احَدددد
هـيام - بعععيووووني شفتتتتك بعيوووووني!!
شاهين - ما چنت عارفچ تا كل الي اعرفوووو ابوچ جاتل ابوي چاسر طلب نچتلو سوه ورفضت كلتلووووو عندوووو بنووووه جنت هناااك حتى اشفَي غليلي بيه واناااا بأيدينيييي زتيتك للمستسفى وياااا ريت ماااا وليت وعشكتچ عشك مخاااابيل اناااا العَشكت بنتوووو لچتاااال ابووووي
هـيام - زرفَ ترچيه حجــيك ما يلمَــه خَيـط!!..
حجيتهـا ودخَلت داخل المستشفى رحَت ركض لغرفتي اريد ابچـي راح اموت دخلت وانفچِرت بچي من كـد ما بچيت خشمي طك دم رحَت طلبت اجازه وطلعَت من المستشفى
امشي بـطريق واحَس ادوس على كلبي مو علشارعَ من كـد الوجعَ الصابني رفعّت راسي للسماء وهمست يارب ارحَمني بعد مابيه نهد حيلي
درت وجهي من حَسيت انجريت من رداني التفتت اباوعله وفعَت ايدي وضربته راشدي زفَر نفس رفع راسه يتفحَصني بخَوف
شاهين - شبو خشمچَ عَش احمر؟؟
- شعععععليك
- عَش تصرخَي؟
- اطلعععع من حيااااتي شرررررجعك اكرررررهك
شاهين - عيونچ ما تكول هـچ؟
هـيام - لا تصَـدك بالعَـيون الخـضر جذابــه
تركته ورحت امشي بسرعه اريد أوصل راح اموت دخيلك ربي دخيلك اسمـعَ صوت خطواته وراي راح اتخبل امشي واحجي
هـيام - لو اني مسويه سواياتـك جان حفرت كبر وطميت روحَي بيه مو أشوفك وجهي
شاهين - حقچ كلـو نرد بدل موت ابوچ موت ابوي بدل موت امچ امي ماتت بدل موت ابنچ ابني
هـيام - ما أسامحك ارجع منين ما اجيت
شاهين - مالي راجع ماعندي احد هناك بنـوه كلبي هين
هـيام - روح شاهين شوفه وجهك تكرهني بيك اكثر!
شاهين - اكرهيني بس عليچ داحَي الباب ما تحَبين غيري
هـيام. - إذا تبقى هنا أشهدك على زفتي
شاهين -وانا اشهـدچ على جنازتو
هـيام - انـسدت كل الطرق بينا شاهين ارجع منين ماجيت
شاهين - افتحهن
هـيام - روح شاهين ارجع بينا جدران مبنيه
شاهين - افشلهن
هـيام - شنو جان شعورك من نطقتها؟
سكُت ثواني وعَرف اقصد من نطق الطلاق رد بصوت مخَنوق..
شاهين - چن ناطق الشهاده
هـيام - عَـساك تنطقها
ركضت بسرعه لباب بيتنا فتحت الباب وكعدت وره الباب حطيت ايديه على كلبي أضرب بين واصيح
- لييييشششش بعدددك تررررعد بقرررربه ليشششش لك هذه كتل اهليييييي تركت الكوووون كله وما نبضتتتت غير لگـتااااال اهليييييي
من كثر ما ضربت على كلبي حَسيت بوجع براسي وتعَب اجتاحَني ضيم وقهر كلبي اجتمع عليه بهل لحظه
خَمس سنين لا شايفته ولا سامعَه صوته حتى. بالمحكمه ما حط عيونه بعَيوني اول مره بعَد خمس سنين اباوع بوجهه وعيونه اباوع لايدي ولحيته وملامحَ وجهه الكبرانه إلا اكبر ملامحَك اكبر واحط على جروحك ملٰحَ إلا أخليك تتمنى الموت وما تلكاه يا شاهين
: الا انشف ماي اصابيعك
وخايها اتراعش
من كثر دكها علئ بابي
الا اضوكك ذله الملاج
من يصير راعي
الا اخليك بمكان
الماله داعي
الا اردك علهدوم الشابكك بيهن ادور
الا اخليك اتصفن
بلوجوه التمشي يمك
كلها
تركته ورحَت اصعد لغرفتي غسلت وجهي واني اهمس مابجي ما يستاهل امي تزعل إذا بجيت كافي ماضيي شاهين ماضيي
رحَت اباوع من الشباك لكيته كاعَد كدام الباب مالتنا يدخَن لافَ نفسه من البرد بس ما يتنازل ويروحَ عصرت ايديه ورحَت لفرشي انام
ضليت اتگلب وما شفت طعَم النوم كل شويه امد راسي من الشباك أشوفه موجود لولا والگاه موجود اجت يمامه ودخَلت للبيت بوجهه لغرفتي تصيح
يمامه - شعندددده هناااا بيااااا وجههه جااايييي!!
-وخّري يمامه منا
يمامه - حَن كلبچ مووو؟؟
- يمامه روحَي منا
يمامه - انوووب آكله شعندددك هنااا يكليييي محد جاااي على خلقتچ!!
- روحَي يمااامه روحَي
يمامه - ادري بيچ حَنيتي بس بيا وجهه ترجعيله وهو كتاب اهلج!!
- شبييييييج شبيييييج وووووين راااااجعه انيييي ولاااااا تدخَلين بحيااااتي اطلعيييي برااااا
عضت شفتها بقهر وطلعت نزلت دموعَي على خدي والله لللوعَكك أضعاف لوعتَي يشاهين نمت واني اتوعَد واتحَـلف..
كعَدت ثاني يوم الصبح اجهز نفسي لدوامـي طلعت ثوب قصير لرگـبه اسود وسويت شعري كيرلي نفَشه وتركته لبست الثوب ويا بوتين طويل اسود وحطيت حَمره حمـره ومسگاره وخَطيت عيوني بكحَل وباوعت من الشباك مرجع راسه على الحايط ونايـم من اليل هيج ومن البارحه ما متحَرك من مكانه
نزلت وصوت كعَبي يعّلن عن وصولي قبلي اباوع ليمامه مجهزه نفسها باوعتلي ودارت وجها زعلانه تركتها وفتحَت الباب نزلت الدرجات واني اطـك بكعبي كعَد على صوت كعَـبي مشيت من يمه واني احجي
هـيام - عّـفيه خليـك هنا طول اليل نحتاچ كـلب يحرسنـا.
كملت طريقي بدون لا التفت أجاني صوت يمامه بصفَي
يمامه - هيج راح تبردين كلبچ؟
هـيام - يمامه شاهين ما قتل احد!! ألقتلهم دايتعَفن بسجن شاهين مجرد كان يعرف وضمم عني وتعااقب!!
سرعَت خطواتي ماريد اسمـع كلامها الجارحَ سرعَت خطواتها وياي وهمست
يمامه - ما جاي وحده
- لعد منو ويا؟ ليش منو بقى عايش؟
يمامه - جاي هو وعلي
- اممم شسوي يعني منو جاي هل شخَصيات المرمُوقه؟
- عجبتني الشخّصيه هاي استمري
ابتسمت وكملت طريقي وصلت للمستشفى وبدأو يدخَلون المرضى طلعَ مريض وكاعده منتضره البعَـده يدخل اشرت على الكرسي بدون لا اشوف منو
- أهلا وسهلا
- هلا بيچ يالنـبض
رفعّت راسي اباوع عليه عضيت شفتي وكتمت عصبيتي
- شعندك هنا؟؟
شاهين - مريـض وجاي تا اتعالچ على ايدچ
- اطلع منا
- هـچ تعاملـو المرضى؟
- لا هيج نعامل الحيوانات
قبَض ايده وطك ركبته رفعَ عيونه يباوعَلي متعرف شنو نضرته غضب؟ اشتياق؟ غصه؟ تعب؟ فقدان؟ كلهن جامعهن!
هـيام - من شنو تعاني؟
- من كلبي
هـيام - آها إذا تلفَ على أيدك اليسار تلگه مصعد تصعد بيه وتروح على الطابق الثالث على أيدك اليمين تلكـه هنا قسم القلبيه تفضل برا.
- انتِ علتـو داوي
هـيام - اتمنى بهل لحظه اني اختصاص قلبيه جان طلعت كلبك ودست عليه
- لهل درجه كارهتني؟
- لدرجه ما تتوقعها لو أشوف الجلاب تنهَش بلحمك مراح يرفَ كلبي عليك
- عَساني ميت ولا مدحك عيونچ تدحكلي بكره
- عَـساك..
مسحَ عيونه وضحك راح كعد على السديه زفرت نفس وكعدت على الستـول
- وهسه شسويلك؟
شاهين - تنضيف أسنان
- شنو فائده تنضيف الأسنان والكلب وسـخ
سكت بس وجهه احتَقن قربت نفسي عليه اشتغَل تنضيف الأسنان وريحَته تخللت حتى امعائي غمضت عيوني استنشقَ ريحته واتمنى اشمهه كل يوم وكل ساعه وكل دقيقه
فتحَت عيوني بسرعه شفته صافن بعيوني اني اشتغَل وهو صافَن بعيوني كملت وردت اكوم
شاهين - ما خلصت
- لا خلصنا
شاهين - اريد احَشي سنوني واقلعَ
- لعَد هسه تحجي؟ غير نقلع ونحشي وانوب نسوي تنضيف شنو نعگسهن؟
- اعگسو يولي
- ولت روحك
سكت وابتسم نايم ويتأمل بوجهي كمت من مكاني ورحَت كعدت على كرسي وره المكتب مالتي
هـيام - بعد ما استقبل تكدر تتفضـل برا عندي مرضى
- وانا مريض بحبچ
- الله ياخَذك
- امـين يطير الصافَ
هـيام - عـساك بلوعَه يعقوب على يوسف.
شاهين - يعَقوب انتضر ابنـو 14 سنه وانا انتضرتچ 17سنه!!
نزلت راسي مانعهَ دموعي تنزل شاهين من جنت طفله بيوم الصار الحَريق المشؤؤم حبني بيومها ولحَد الان..
شاهين عشگتچ عشك مخابيل مو بس السلف يحچي بعشگـي لنبضي الدنيا كلها اخَلي تسولف بيه لو قبلتي
هـيام -شتسولف؟ شلون قتلت اهلي وطلعتني من الموت وحببتني؟ لو شلون دخلتني مصح؟ لو شلون قتلت ابنك؟ لو شلون ما ثقيت بيه وصدقت بحَثاله..؟
شاهين - لا اسولف عَن عشقي وأكول هاي البنوه بنـوه الچتل ابوي والنقذتها من الموت ومو أنا الدخلتها مصح أنا الي عالجتها أنا الي دزيتلچ يامور وجاسر الچتلها جتلها جدام عيونج رادچ تردين تتخَبلين وتردين المصح شاهين خلص عمرو هادي عمرو قربان لعمرچ ..
- عسى خلص عمرك اطلع برا ماريد اسمـع هذه التفاهه
انتَ لو رجال صدك جان فكررت اني ما خنتك جان فكرررت لو خنتك شعندي اتصل واتوسل بيك فوكاها رحت تزوجت وصورتلي عرسك نذل وكلب والكلب يبقى طول عمره نگس
شاهين - ثمني چلمتچ
- هه وإذا ما ثمنتها شتسوي؟ هم تروح تقتل؟ لو تروح تتزوج؟ هه لو تروح تذبني بمصح؟؟
شاهين - عمچ جاسر متفَق ويا رسل ينطوچ العلاچ يالهتره أنا نقذتچ من كل مصيبه وعشكتچ من بعَيد لخاطر مأأذيچ
- ابد ما أذيتني
- اسف
- اسفك نگعه واشرب ميه وهسه تووكل منااا
بدون كلام طلع من الغرفه حطيت راسي على المكتب يارب لشوگت ابقى أتحمل هاي الصدمات اررحَم قلبي التعبان يارب
اخَـخ يا كلبي وين وكعتنـي بيا ضيم؟ شلون أتحمل أشوف العينه التعّبانه الحمره وما اسئل شبيهن شلون أتحمل اسمع دكات كلبه وما ابتسم شلونه أتحمل يحاجيني وما اضحك وادلع شلون أتحمل اشم عطره وما ادفن روحَي بيَ آخ من كلبي وصلت مرحله من الوجع اريد اتقيئ كلبي واخَلص ..
اود ان اتقَيئ قلبي لشده مراره حَبه..
كـسَرتك شكُتب عليها؟
روحَــي طلعت مابيـن ايديهـا
جـفَ دم روحَــي بيها ، انتَ يا اصعَب وجع
مــر عليها ..!
دخَلت المريضه وكعدت اشتغَل واحاول ابعَد كل الأفكار وأركز بشغَلي بس خَلصت دوامي وطلعت تلگتني يمامه وطلعنا سوه للبيت هستونا نخَطي خطواتنا خارج المستشفى وشاهين وعَـلي صارو كدامنا
مشينا بعَدم اهتمام متجاهلين وجودهم بـس احَس كلبي تعب من التمثيل والقوه واني ماعندي كل قوه عيوني تقره عدم الاهتمام وكلبي ينغَزني يكلي روحي ادفَني روحچ بنص حضنه وعقلي يكلي هذه الماخلاچ تحضرين دفنه اهـلچ
عركه مابين كلبي وروحي وعقلي فزيت من كرصت يمامه
يمامه - زعَلتي
- على شنو؟
- تغشمَين روحج؟
- مرات نغَشم نفسنا حتى نرتاح ..
- يعني شنو؟
- يعني خَليني مغشمه نفسي عنچ وانتِ كلشي ما حجيتي عن لقائج بعلي
- ولا انتِ حجيتي
هـيام - قصتنا مختلفة!!
- قصتي مرتبطه بقصتچ!
- شلج دخل بيه إذا تحَبي روحي تزوجي علي خوش علي
- واعوفچ؟ لو اموت
سكتت عنها إلا ان وصلنا البيت دخَلنا بسرعه صعدت لغرفتي بدلت ملابسي وكعدت كدام الشباك اراقَب حركته وهو كاعد يباوع على باب البيت متأمل اطلع وما اتركه بهل برد وعلي بصفه حاضَن نفسه مر وقت وعلي طبطب على كتف شاهين وراح
عرفت علي كان يقنعَه يرحون للبـيت بس رفض شاهين علي تعب وراح وحده اباوع شلون كاعد تعبان البـرد قارصَ وهو ما مهتم يدخَن جكاره بعَد جكاره
حَسيت حيلي نهد واني أشوفه بهل وضعَ رفعت راسي على السماء يارب دخيلك عَيني بعد مابيه والله خلي يطلع من حياتي وكلبي عيني تراقَبه وهو لا تعب ولا مـل كاعد ومتچي راسه على الحايط بلعت ريك ونزلت فتحت الباب الخارجيه ورحت ليمه
هـيام - شعندددك باقييي هنااا
- متانيچ تحَــنين علية
هـيام - شاااهين روووح مناااا
- نبـضو لشاهين
هـيام - كافي روح منا ماريد اشوف جهرررتك!!
- ما تكرهيني ادري بيچ
هـيام - كررررهتك كررررهتك اشوووف دممم سنوووني وماااشوف جهرررتك اتمنى تبقى تتعَفننن بالسجوووون واتمنننى اشووووفك بتااابوووت
شاهين - گثرن خساراتي واولهن الحَـيل .
هـيام - لو جان الندم وقت جان كلت الوقت العَـرفتك بيَ!!
شاهين - اچسري اچسري كلبي ودوسي عليه يستاهـل الصارلـو
هـيام - يستاهل كلبك الكسر وعساها يوم الاشـوفك مهدود الحيل ومن مستشفى لمستشفى وما تصحَى من الأمراض
شاهين - ههه عَش عبالچ ما سويتيها؟ عيوني انعمـن من فرگاچ وصرت مريض ضغَط
هـيام - اي يوم الاشـوف جنازتك لعد
- آمين
هـيام - كوم ولي من كدام بيتي ماريد اشوف وجهك
شاهين - عشگتچ من وانتِ بگد زري ما تقربت لابنوه بعمري كلو تا تكونـين اول جوهره تلزمها ايدي ، دللتچ وچسرت روس ، وذبحت ارگاب
هـيام - دللتچ!!
دمــرتــني انتَ..
شاهين - فركاچ خلاني بلايا عقل
- عسااااك عساااك تتخَبل وتركض بشوارررع عساااك بوووجع نفَسسس وجع زينب على اخوتها
شاهين - كلبي يسئل عنچ يگلي وينها نبضي؟
هـيام - كـله أذيتها بكثر ما حبتني ..
شاهين - فرصه بس!
هـيام - ماكوووو فرصه ماكوووو فرصه لحيووووان قذرررر جباااان مثلك ما انطيييي ما تستاااهل واحد حيووووان قذررر نذل قاتل مجرررم الله ياخذذذك كووووم كووووم مناااا كوم
شاهين - عشگتچ موكادره رجليه تحملني بفرگاچ
هـيام - جذاب انتَ حتى حب ما حبيتني!
شاهين - حَـب؟ من دريت دمعه عيونچ طاحت بمحكمتي طحت وياها ذيب الغربيه طاح ويا دمعه عيونچ عيوني نعَمن بفرگاچ صرت تا ما ادحك صرت مريض ضغط وأمراض الدنيا كلها تجمعت بفادي بفرگاچ .
- اي كل هذه صار بيك وما مات تدري ليش؟ لان عاااار والعار ما يموووت
شاهين - يموت بفرگاچ
- عسى
شاهين - ما ترجعيلي
- لو تموت
شاهين - اموت بفرگاچ وخدر العَلويه
- جان متت من خمَس سنين
شاهين - ما متت بس اتسودنت
- كلشي مابيك مو هاي جنك صل مال حيه
- بس يمچ عاقل
هـيام - كوم روح منا خليي عندك ذره رجوله ولو متأكده منك مو رجال وحيوان وقذر واقذرررر خلق الله كووووم
شاهين - النفَس الاجره انتِ بيدچ تموتيني وبيدچ تحَيني كافي تذليني ..
احَس أعصابي انهارت وروحَي فرفحت لزمته من طرف جاكيتـه ادفع بيَ
هـيام - كوم منا روح لا تشوووفني خلقتك وماريد أشوفك ولو متتت مراح احضر جنازتك ولو تخبلت راح اضحك عليك بدل ما أساعدك لو تمرضت راح يشفى غليلي بيييك كوم ولي منااا يا اقذر بشر صادفتنه بحَياتي
جر ايدي من طرف جاكيته بحركه سريعَه باس اصابيعي وترك ايدي إندار عليه باوعلي بنضره اخيره وأردف
شاهين - اسف بس اخَـذت جرعه قوه
مشّه بطريقه إلى ان اختفى عن انضاري رجليه بعد شالتني كعدت بمكانه وحطيت وجهي بين رجليه ابجي بصوت عالي واشهك الشوارع فارغَه الهوسه يراسي
سمعت صوت شخَص ركضت بسرعه للبيت طبكت الباب ورحت لغرفتي ابچـي كعدت ثاني اليوم الصبحَ بدلت وكل الي بعَقلي بعد مراح اشوف شاهين
طلعت من البيت وصار بوجهي يدخَن
تركته ومشَيت للمستشفى مسافَه بين بيتنا والمستشفى مو قليله بس نحَب نمشي تعودنا من ايام الجامعه يمشي ورانا بدون صوت إلى ان وصلنا المستشفى وخَلص يومي طبيعي وهيج استمرّت الأيام ...
" لمار "
الـيوم مرت سنـة كامله على زواجي من حَـسن رجعنا لتركيا بعد شهر العَسل الي فعلا كان عسل واستمرت حياتنا طبيعَيه حَـسن يطلع لشركه واني اطلع للمستشفى اشوف هيام ويمامه بوقت الاستراحَه
هـيام مرت سنه كامله على وجود شاهين بتركيا وهي لسه مسامحَته وهو لسه ما يأس ومستمر وراها ..
يمامه موقفَه كل حياتها على هـيام ما تكدر تتزوچ علي وتترك هـيام ..
اباوع على ساره وهيه تسحَبلي دم راحت تسوي التحَـليل رجعت اشتغَل مرت فتره واجت ساره تركض وتكمز فرحانه
ساره - مـبروك انتِ حامل
- احلفَييي
اخذت التحَليل من ايدها اقرأ ودموعي تنزل حضنت التحَليل على صدري ابچـي وأحمد رب العالمين وساره شبكتني تبچي وياي
لمار - ليش تبجين؟
- شمدريني تأثرت
هزيت راسي وخَلص الدوام وعقلييي طاير من الفرحَه خابرت حَسن
لمار - اجيت؟
حَـسن - دقايق يمچ كيانـي
هزيت راسي وطلعت بلباب بعدني داطلـع من المستشفى وشفت شاهين كاعَد على المسطبه يدخَن
شكله شكد كبران لحيته كلها شيب وشعره مشيب جسمه صاير اضخَم من قبل رغم هو مخلصها جكاير وجهه صاير ابيض من قبل اباوعله واحَس كلبي تكطع عليه نزلت دموعَي على حَالته
هـيام شكد كلبها قاسي صاله سنه كامله يركض وراها ما خَله شي ما سووا وروحَه طلعت شكله كبر الف سنه ليگدام والتعَب هاد حيلها هد عيونه حمر دم اربعَه وعشرين ساعه وهو يركض وراها وما يمل ولا يهود
رحَت يمه وما هانت عليه شاهين شكد وكفلي ولوما هو جان هسه اني مو هنا ولا تزوجت حسن وبعدني لمار التنگتـل والماعدها شهاده والتعَب مآكل روحها اكل
لمار - ذيـب
إندار عليه مصغَر عيونه ابتسم من شافَني
شاهين - شلونچ
- الحمدالله ، وانتَ؟
شاهين - مو بخَير
- ترجعلك من تطفى نار كلبها
شاهين - طفَت عيونـي وما طفى نار كلبها
- مو تحبها انتضر؟
- منتضر لحدمـن ادحك يلفوني بچفن
لمار - السويته بيها مو قليل
شاهين - دفعَت ثمنه ست سنين وخسارتها
- ما تعبت من الركض وراها؟
- لچن اچدامي تنچسر اضل ورها
- لهدرجه؟
- ناذر سبع ضحَيات لسبع الكنطره لچن رجعتلي
- رب العالمين ما يخَيبك
شاهين - اندعَيلي بلچن الله لن يستچابچ ست سنين وما استجابلي
- راح يستجاب
شاهين - بنصـو لتعَذيب والسچون ما همتني بس ادحَك عيوني
- شفتهن هسه
- ما دحكت بس الحَقد والكره
- يجي يوم ويتبدل لـَ حب
- راح تسامحَني؟
لمار - لا
- الله يبشرچ بخير
رن تلفوني عَرفت حسن وصل مسحت الدموع من عيوني ودعت شاهين وطلعت لسياره فتحتها وصعدت حرك السياره واندارلـي
وسعَ عيونه ولزم وجهي عين بيه وعين بالطريق
حَسن - شبيچ ليششش باچيه؟؟
- ماكو شي حساسيه
-منين؟ ثواني هسه نرجع للمستشفى
- لااا لا والله ماكو شي بس تراب دخَل بعيوني
- هو وينه التراب
- بالمستشفى
-اها
هز راسه ما مقتنعَ لزمت ايده ابتسم وهمس
- احبچ
- مي تو
-شلون بيه بهاااي الثقااافه التنگرررططط
- حَـسن
- كيانـه
- احب هاي الكلمه ويضيع الحجي من تكولها
- علمود تحَسين
- بيمننن؟؟
- من احچي وآباوع بعيونچ يضيـع الحچي .
غطيت وجهي مستحَيه ضحك وكرص خدي ، وصلنا البيت او اكدر اكول منزل احَـلامي أحلامي من كنت بالميتم كلهن تحَققن بهـذه المنزل منـزل الاحلام
دخَلت ركض سبحَت واسمع صوت حسن يصيح - اني طالع يردوني بشغَل فد ساعتين وأجيج كياني
- تمام عيوني
صحتها ورجعت أكمل سبحَ كملت ورحت اطلع فستان ابيض قصير طلعت ورد مچفف من الكنتور حَسن يضمه هنا لان يحب يسوي اجواء
فرشَته على طول الغرفه علكت الاضويه الملونـه ومشطت شعري وشسورته مگيجت روحي وحطيت عطر گـ لمسه اخَـيره ..
رحت لـَ الجراره طلعت حذاء طفل ضامته هنا لان جنت منتضره هاي اللحظه
خلصت واسمع صوت طبكه الباب عرفت حسن إجه صاح كياني كياني وما رديت صعد على الدرج فتـحَ الباب صفَن لحظات مد ايده راد يفتح الاضَويه البيض وصحت
لمار - لااا لا حسن للا
- دخَيلك ياعلي ولچ شني هاي الضلمه
لمار - حسن هاي شبيك مو هاي أضويه!
- ولج هاي مال مثقفَين مو مالتي
- والله ازعَل
حسن - انعععل ابو الضوووه شهل جمااال!!
- بعد وكت
- ولچ انييي اعمه هستوني شفتچ
كالها وتقَدم بسرعه بعيونه نضرات مكر ابتسم وحضني باس راسي دفعَته وحجيت
- عندي موضوع وياك
حسن - دخَيلك ياعلي
- حسسن
حسن - كـيانه
لمار - أنا حامـل
صفَن بوجهي وبهت لونه ما كان متوقع صار سنه كامله نحاول وماكو كل شهر احَلل وماكو جنت اشوف اللهفه بعيونه لطفل واضل اكل بروحي خاف صارلي شي من سقطت الطفل بـس الحمدالله والشكر
حسن - تشاقين صح؟
لمار - لا والله لا حامل
نزلت دموعي اباوع عليه عيونه انتـرسن دموع نزل راسه بلحركه سريعَه شالني يفر بيه الغرفه ويصيح
حّـسن - راااح اصيررر اب لماااري راااح اصير اب إلا أدللها دلاااال واصير احسن اب ومستحـيل اصير مثل أبويه
لمار - هههههه حسن نزلنيييي
ضحك ونزلني كمش وجهي بأيدي ثنينهم عصر خدودي وباسهن رجع باس بطني يحجي ويا الطفل
حَـسن - إلا صايرلك احسن اب وروح امي وماصير مثل جدك
- واني؟
- اصيرلچ احَـسن رجل وأب وصديق وعم وخَال وكلشي تريده كياني اصيرله الها
لمار - آثاري العَـوض احلى من الماضي واهله
" هــيام "
كاعده كدام الشباك اباوع على شاهين الكاعَـد راح تسألون لسه كاعد ما تعب؟ وين اكو هيج سنه كامله ؟ راح اگُللكم ما تعب سنه كامله تجي ليالي من يجي يكعد هنا من المرض الصابـه بس يعوض بالمستشفى يبقى لو يبقى النهار كله كدام البيت لو اليل كله ماعنده لا نهار لا ليل
حتى يمامه الي جانت تكرهه وتموت منه هسه كلبه رَف عليه راح تسألون على كلبي راح اگللكم باليوم الي ما يجي أكابل الشباك انتضر شوكت ينَـور طوله الشارع بليوم الي اسمع كحَته واني متمدده على الجربايه ما يجيني نوم
احبه وأموت عليه اتمنى اطلع هسه واضمه لحضني اتمنى أغوص بحضنه وأخذ المرض منه اتمنى احَطه بروحي بس ماكدر ، فزيت على صوت يمامه وهيه تكعد بصفَي
يمامه - ما حَن كلبچ؟
- لا
- هه مبين
هـيام - كومي اطلعي بره شچابچ
- سامحَي
- شنوو؟؟
- سامحَي كافي اخذتي ست سنين من عمره بالعَذاب والفراگ والبهذله والشوارع وباقي عمره خلصه ينتضرچ تكبرين تخيلي انتِ اول بنيه لمسچ وين اكو هيج رجال هسه ترا نصهم مخَنثين
- كسره كلبي جبيره
يمامه - مو اكثر من كسره كلبه جنتي طفله من ماتو اهلج وهو بسچن وخسرچ وخسر أمه وذبحو اخته وعائلته كلها ماتت محَد صفه بيها
- يستاهلون
- كافي سامحَي
هـيام - يمامه إذا تردين تتزوجين روحَي تزوجي لا تضلين تحاولين تقنعيني حتى تتزوجين
- تفكرين بيه هيج؟
- كلامج يكول هيج!
يمامه - صـحَ تفگيرچ ، لان كافي تعبنا نريد نرتاح ما شبعنا ضيم؟ شوفي حاله بهذلتي ودمرني صار مريض ضغط كل شويه يطلك خشمه دم ارحمي!!
- ليش ما رحمني هوه!!
- شكد حَقوده وكلبچ قاسي
هـيام - هستوچ تدرين حقوده؟ رب الخلاني من عمر 7 سنوات أشيل ثار اهلي وآخذه ترديني انسه السوااا شاهين؟؟
- شوفييي باعييي حاله مدنك يمسحَ خشمه من الدمم!! مو هذه شاهينچ الما تنامين غير بحضنه؟ مو صرتي مريضه صرع لان ترگچ!!
- داخذذذ حقيييي منننه
- ست سنوات ما اخذتي حقج!!
تركتها ورحَت للحمام دخلت وانفجرت بچي محد يحَس بـَ مشاعري محد يدري شكو بكلبي اريد اطلع كلبي وادوس عليه كد الوجع ،
باوعتً على نفسي بالمرايا كافي؟ اسامحَه؟ ماكدر ..
طلعت لكيت يمامه ماكو رحت انـدثرت بجربايتي غفيت واني ابچـي واهمس يارب ساعدَني ، كعدت الصبح بدلت ومثل كل يوم لاغَير مر اليوم طلعت من المستشفى خلص دوامي ويمامه مو وياي ماخَذه اجازه قبل ساعه من الوقت وطالعَه ، طلعت أتمشى بشارع واشوف خيال شاهين وراي وكفت وانداريت عليه
هـيام - شكو لاحكنـي
- عجل وين الجديد؟
- شتريد؟
- اريدچ
هـيام - واني ماريدك
- عاشكچ وخَدر العَـلويه
هـيام - أكرهك
ضحَك بتعب نزل عيونه وحجه بنبره صوت تعبانه - تگـرهـين عشگي الچ وانا اتمنى اشَـم عطرچ
تركته ورحت امشي سريع اريد اخَلص من عنده تعبت يارب نزلت دموعَي على خدي بلحظه سريعه انجريت من طرف جاكيتي
شاهين - امسحَي دموعچ تا لا اكرب صوبچ بالحرام
رفعَت ايديه مسحت دموعي وضربته راشدي فريت وجهه
شاهين - لو ضال بسجن اشبعَ تعذيب ولا راشدياتچ الولتنـي ولي
- تستهزء حضره جنابك؟
- لا
هـيام - واحَـد قذر مثلك فعلا يستحق يتعَفن بسچون
- أخذي راشدي ثاني ولا تحچين هل چلام
رفعَت ايدي وضربته راشدي أقوه من القبله بأيدي الثانيه ضربته راشدي ثاني رجعت ضربته الثالث ، اباوع على وجهه صار احمر من كثر ما ضربته بقوه دفعته من صدره ابچـي
شاهين - لا تبچين دموعچ چتلني
هـيام - كل أشباهك زلم بس انتَ عار
غَمض عيونه قبض ايده بعَصبيه رفعت ايدي وضربته راشدي تركته ومشيت بسرعه اسمع صوت وراي وهو يصرخَ
- هيااااااام
- وجععععع
انداريت عليه اصيحَ اباوع عليه من العَصبيه خشمه طك دم وكعَـد بـَ الارض بلكوه يتنفَس ركضت بسرعه الزمه بس ما لحكت وكعد على الرصيفَ لزمت ايده احجي
- شبيييك شصاااارلك الله يأخذك
- راح يستجاب دعائچ
هـيام - لاااا لا تموووت اموووتك إذا متتتت
اباوع على الشارع فارغَ طشار ناس صايره باخَير الفرع حتى إذا اصرخَ ميسمعونـي طلعت گلينـسه مسحَت خشمه ابچـي وهو سند راسه على الحايط الوراه يحجي بصوت مليان حَـسره وكـسره
شاهين - وبـس اصَـرف نضر لمن الاگـيك
وعَـلى دربـك تصد وتَــرف العيون
يمتــه تحَن!
علي والله يهـديك
هـيام - لا تموت اترررك هاي السوالف
شاهين - مو تكرهيني؟
- اي اكررررهك اموووت مننننك
حجيتهـا وهو غمَض عيونه وخَشمه صار ينزل دم اكثر منه شهكت ابچـي واصيح
- لااا لااا كوووم جذب
فتح عَيونه بصعوبه باوعلي وهمس - شنهو الچذب؟
هـيام - جذاب والله احّـبك كوم
وكـفَت حتى عن البچي من شفته ضحك بعلو صوته وگام وكف يضحك ويمَسح بخشمه ما مصدك يباوعلي عكدت حاجبي ورفعَت ايدي ضربته راشدي فريت وجهه ورجعت أكمل طريقي واسمع صوت حسرته وهو يكول
شاهين
وصلت للبيت ودخَلت مطنگره يمامه تعبانه ومصخَنه كعدت يمها اسوي كمادات لنص اليل ياله انخَفضت حراراتها صعدت لغرفتي وشفَته كاعد كدام ابتسمت بيته ما يدخَله مأجر بيت فرق بيتين عن بيبتي وهو نايم كدام بابي لشنو مأجره مادري ، رحت انام
كعدت ثاني يوم الصبح يمامه بعدها تعبانه اخذت اجازه بدلت ملابسي واني أوصيها على نفسها طلعت من الباب صار بوجهي شاهين تجاهلته ومَشيت للمستشفى إلى ان وصلت وبدأ دوامي وانتهى على خَير
طلعت امشي وصار بوجهي شاهين اشوفَه اكثر مما تشوف يمامه الي عايشه وياها! دخَلت بلفرع وهو وراي دقائق مرت وماحَسيت غير كلنـسه انحَطت على خشمي وغَبت عن الوعَي ..
فتحَت عيوني ببطئ أشوف نفسي داخَل سياره عاليه فزيت بسرعه ودرت وجهي شاهين!! ضربته بسرعه على صدره وصحت
- لـك شبييييك تخبلتتتتت
- مهبول بيچ من زمان
- لـك مسوووودن شعنددددك جايبنيييي هناااا
نزل بسرعه من السياره اباوع إندار بسرعه لجهتي فتحَ الباب راد يجرني من ايدي عضيت ايده ودفرته يصيح انزلي واصيح مانزل آخر شي حط ايده على السياره وطبكت باب السياره على ايده
اسمـع صرخَته العاليه عضيت شفتي وونزلت باوعتله وجهه احمر الباب انسدت بقوه على ايده
شاهين - لچ شبييييچ انچلبتيييي
- لاا تصرخ علية
عض شفته كتم غضبه ثواني فرك وجهه وجرني يشوفني المنضر اباوع احنه كدام البحَـر بمكان معزول يخبل انداريت على شاهين وصگيت بمكاني من شفته حط علبه كدامـي بيها حلقه وصفَن ثواني بعيوني وحجه بتعب
شاهين - بعَد تعَـبي وحَـسرتي عليچ تصيريلـي حرمـه؟
دنكت ساكته دموعَي بعد ما أسيطر عليهن وراسي وجعَني ارد انطق كلبي يصرخَ كل قوته يصيح واقفَي وعقلي رافض دخيلك ياعلي ساعدنـي شفايفَي رجفت قبل روحي
شاهين - وروح النذبحَت غدر موش أنا چتال هلچ ولا الي يد ضميت عنچ لخاطر ابني خَفت أنا ذيب الغربيه المرچف زلم خفت عليچ يصيرلچ شي واخذتي حقچ من بين عيوني واضعااافوو
- شـ..
شاهين - جابو صور لحدر رجليه حرمتي ويا زلمه حشه ينگال عنو زلمه تا فريت الدنيا تا اعرف الصور حگيكه لو تركيب وكلها گالت حگيكه الدنيا فترت بيه وروحَي وجرت طلگتچ وكل يوم نمت على صورتچ تزوچت رنين لخاطر احسسچ بنار الگـلب وروح الراحَت وانا ما لحكت شكلها ما چستها لرنين ، ناذر من اول ما دحكت خضار عيونچ اول بنـوه اچيسها انتِ وآخر بنـوه وبعدچ تحرم عليه بنوات الدنيا مو السلف!!..
شاهين - وهساع تقبلـين تصيرين حرمتـي وتردين النـبض ؟
هـيام - موافَـقه
همستها ورفعَت عيوني اشوف عيونه الحَمر الممـليه دموع شهكت بالبچي من شفته وكع على رگباته يشهد ويبچي ويهمس الحمدالله ، سبـع الگنطره ما رجعتي خايب ، رفعَ راسه باوعلي وكام من مكانه راد يمسح دموعي وما كدر يلمـسني
شاهين - ماكو بطهـارتچ ماكادر اچيسچ بالحرام دخَيلچ امسحي دموعچ خلني اتنوعلچ
مسحَت دموعي اضحك بلحَظه اختفت كل المشاعر السيئه وكلشي سيئ احَتل كلبي حبه وسيطر عليه كافي ثارات خليني ارتاح ..
صعّـدت السياره وهو يسوق مسحَت دموعي وضحكت احجي
هـيام - منـيلك هاي السياره بس لا بايكها؟
- مو هـيام إذا مااچفَصت
ضحَكت ضحك على ضحكتي رجعت شعري ورا اذاناتـي وعَضيت شفتي احَس روحي اول مره أشوفه ولا يكللك صالي سنه اسحَل بيه
هـيام - هسه من صدك صار يحَقلي اصيحلك شايب!
- النـبض شعتسمـين سمي
- الشايب العَايب
باوعلي بنضره خلتني افَطس ضحك ضحك على ضحكتي وهمس دخَيل علي شكد متلهف لهاي ضحكه
شاهين - باجر نجيب مشيه ونچي
- لا ماكو ماريد
داَس بريك بنفس خلانـي انردم بجامه وصاح شنهووو رجعت راسي لجسمي بعد ما تفَلش وصحت
- شبيييك راسي تفلششش
شاهين - شنهووو ما تردي
- ماريد مشيه وهاي السوالف لا انتَ عندك اهل تجيبهم ولا اني عندي اهل يستقبلوهم
شاهين - اخَلقهم
- واني مابيه حيل اخَلق اهل خلص احنه متزوجين من قبل وعايشين اجواء الزفه والعرس كله وشستفدينـا هذه اول شرط ثاني شوط ، رجعه للعراق مارجع واهنا نستقر
- منتهين منها هاي
وفعَلا اتفقنا بدون مشيه وهاي السوالف طلعنا نشتري احنه ولمار ملابس ورجعنه ها صدك ما بشرناكم يمامه وعلي عقدهم وعرسهم ويانا ودانجهز لعروستـين مو عروسه واحَـده
لمار - افَفف حقيرات سويتوها وانيي حامل علمود ماركص
- ديلا بلا! القاعه مخَتلطه منو يخليچ تركصين حسن؟
- علمود يَـشد كرون
لمار - جان انصدمـت لوما صفَيتنن ضدي
اباوعلها دمعَت عزه نسينا هاي حامل ولازم نراعَيي مشاعرها رحنه نسكت بيها ونضحكها وفعَلا شويه وسكتت رحنه اني ويمامه وعقدنا عقَـد سيد وتم الموضوع على خَـير وسلامه والحمدالله
وما تشاوفنـا بعد العَقد لا اني وشاهين ولا يمامه وعلي شعور الفراشات رجع يحَاوطني من جديد رفَضت العقد وما ردت حتى عرس بس من شفت يمامه عاندت تريد كلشي وياي قبلت بالعرس يصير بقاعه وهسه العرس بعد اسبوع واحنه مخَبوصـين نطلع من الصبح للمستشفى نرجع نركض لسوك وهمه مخَبوصين ويانا
شاهين عيونه تعَبت وراح لدكتور صار يستعمل قطرات صار عليهن احَسن علي عوزه بس يشد وصله ويركص
يمامه - شوكت يجون اهلك علي!!
علي - شبيج حبيبي شبيج يجون بيوم العرس
- خاف ما موافَقين؟
علي - ومنهووو طالب الموافقه
حجاهـا وجر ايد يمامه وطلعَو يتمشون ، ايدي بأيد شاهين وشاهين صافَن متاملني الدكتور كال عيونه تعبانات وصاير جفاف بيهن انقهرت وأردافت
هـيام - تحَـس اني غلطانه بحقك؟
شاهين - ملاكـي انتِ شلون تغَلطين؟ الملاك ما يغَلط
- احَـبك حيل
- احبچ عاشگچ ولهانچ ميت عليچ صارو ما يرو الحَب الداخَلي
- لهدرجه تحبني؟
شاهين - عَيوني انعمـو من فركاچ وتسألين؟
- راح ادلل عليك إذا هيج
شاهين - ادللي هو أنا لخاطرچ عايش .
نزلت راسي ميته خجل وهيج مو اسبوع بالعَسل كل يوم نطلع نتسوق عقدنا عقد محكمه وصرنا شرعَا وقانونا وقَـلبا زوجان .
كاعـده بصالون ام الصالـون تسوي ترتيبات على مكياجي ويمامه بصفَي مكمله مكياج لابسه بدلتي المنفوشَه واحَس روحي طالعه أميره ويمامتي احلى مني جمالها وعيونها الواسعَـه لا توصفَ!.
خَلص المگياچ واسمع صوت الزفه البـره النا وصوت الركص والهز يمامه كام تهز ركبه ضحكت وكلمـن دخَل عريسها اخذها وتوجهنا القاعه طول الطريق ايدي بأيد شاهين وأيديه ترچف
وصلنا القاعه وسوينا دخَوليه العرايس اني وشاهين وعلي ويمامه ناس وره ناس دخَلت العرس هوسه ومتخَتلط كومه ناس جايه عزمت عماتي ثنين احبهم وأجن بدأت اجواء الركض والثنائيات لحد ما صاحو نركص سلـو
اخـذ بأيدي شاهين ودخٌَلنا لنص القاعه نركص سلـو ايده على خصري وأيديه على ركـبته يتأمل عيوني بعَـشق وهيام همس بأذني - هـيامـي
- شاهـيني
- نبضـو
وفعَلا احلى يوم بحياتي كلها ركص وونـسه الكل متونـس دخَل حَـسن وخرب الأجواء الرومانسيه كلها عالك اغنيه ردح وطب يركص بنـص اباوع علي ترك يمامه وراح يهز ويا
هـيام - حبيبي انتَ شايب ابقى وياي
ضحك ورجعت للكوشـه اضحك احلى يوم بدنيا كلها اباوع على علي وعمر دخَل بنص يهزون وحَـسن ما قصر ثواني ودخَلو جامعه حسن يهزون جرو شاهين ودخَل يركص اباوع شلون يركص برزانـه بدون ادبچ وخبال مثل حسن المسودن
وهيج مو الوقت صار وقت الزفـه اباوع على عماتي وأكفان بصفَي يبارگلي ويبوسن بيه بعد الف توصيه تركني رحت ليمامه اباوع لايديها ترچف
هـيام - الله حيوووو واخيرًا لكينـه شي نرچف بيه يمامه العرمه
يمامه - هه هه شوفَييي روحچ إذا ما طلع بيج ضيم سنينه ما أتسمى يمامه
- لعد شتسمـين نعال
هـيام - دقيقه هاي لابسه حذاء رياضه ؟؟ ههههههههههه
لمار - عزا يمامه انفضحنننه!! ولچ ليش مو جبتلج كعب!!
يمامه - رجلي وجعتني منه
- وجعع بكلبج لعد تلبسين رياضه
- اهم شي راحتي
اباوع على لمار صارت تبچي شبگناها نسكُت بيها أجه حسن كام يصيح ليش تبچون مرتي تالي شاهين طردهم وفعَلا صار وقت الزفه طلعنا ايدي بأيد شاهين ويمامه بأيد علي ركبت السياره والزفه تمشي بينا إلى ان وصلنا الفندق
نزلنا ميتين تعَب واحَس ايديه رجفت أتذكر كلام يمامه واخَاف اكثر حَس عليه ما استغرب بالعگُس حاول يسحَب الخوف مني ، دخَلت الحمام سبحت وخلصت واكـتشفت الورطه ما جايبه ملابس ويايييي!!! يمه دخيلك ياعلي
لبست البرنص شلون مجان ودكيت الباب بخَفه اجاني صوت شاهين بلعَت ريك وحجيت
هـيام - شاهين تكدر تنطيني ملابس من يمك؟
- اممم يلا افتحَي الباب
فتحَت القفل ومديت بس ايدي لحَظات والباب اندفر وانجريت من خَـصري لطشني بيه صحت بخجل - شاهيين
- نبضـو
دنـك راسه يشم شعري الينَقط مي هدأت دنـك رفع راسي بأيده دنك يبوس حنگي رفعَ عيونه باوع لعيوني بنضره تعَب هزيت بسته بخَـده نزل راسه واخَـذ شفاَفي بين شفايفه لحـظات وحَسيت روحي انشال ويحَطني على الجربايه
اخَـذني لعالم بـَس اني ويا بيً كل شويه يهمـس بأذني " اعشگــچ " النفَـس الاشهگـو انتِ " يا اول عَـشك " يـَل رايدچ وليڤ الروح " " النـبض " طيـرتـي ، طيـر الصاف " ووووو ....
اليـوم راجعين من شهر العَـسل احنه وعلي ويمامه طول هذه العَشر ايام ما شفناهم ولا يمهم كلمـن مآخذ مرته وشارد وفعَلا عشنه بلعَسل ركبنه السياره وعلي ويمامه بسياره علي ، شفت الطريق غَـير طريق بيتي صفَنت واردفت
- وين رايحَـين
شاهين - لبيـتنا
- بس مو هذه الطريق
- ذاك مو بيتنا ينَبضي
- لعد وين بيتناااا
- إذني رايدها
- شتسوي بيها قابل تغَلى عليه!!
- لا يولـي تا اسمع صوتچ وتردلـي عافيتَي
- اوي
ضحكت بصوت عالي ضحك على ضحكتي رجعت راسي على الكرسي احَمد رب العالمين على النعمه الي اكرمـني بيها اباوع دخَلنا بفرع بيت حَـسن ولمار
هـيام - اوووي شاهين جايبنااا نشوف لماررر
ضحك وكف السياره ونزل واندار نزلنـي مثل الامـيره رمَشت بدلعَ ضحك بصوت عالي اباوع جرني ومشه على بيت بصف بيت لمار
شاهين - شاهين هذه مو بيت لمار!!
طلع مفتاح وفتـحَ الباب صفَنت لحظات جرني دخلني بالحديقه اباوع الحَديقه تجننن كلها ورود ومزروعَه البيت يخَبل من الجمال اشر على بيتنا وكال
شاهين - هـذه بيتنا البصفچ بيتو لحَـسن والبصفچ منا بيت علي وانتِ بنصهن
ضحَكت بفرح وطفرت احضنه ضحك وجر راسي يبوسه
هـيام - شايبلي
شاهين - مچنونچ شايبـچ
لزم ايدي يفرنـي بـَ البيت كله دخلت غرفتنا تجننن من الجمال البيت ولا غلطه وهيج مرت أيامنا بالعَـسل إلى ان أجه يوم راجعه من المستشفى وروحَي تلعّب نفسيتي تعبانه دخَلت للبيت ما شفت شاهين بدلت ملابسي وبوجهي نمت
نايمه واحَس ايده تمشي بين شعري يبوس بخدودي وريحَته موتتتني دفعته وصرخت
هـيام - شاااهين روووح اسبح
شاهين - ولچ سابح وعلي
هـيام - شاهين عطرررك قويييي لعبت روحي
- اذبحَ روحي واخلصچ
حجاهـا بجزع ونزل بلوزه ورجع دخَل للحمام صالنه اكثر من شهر نفس الحاله حَزمت قراري واخَذت تحليل الحَمل وصعدت للحمام الفوك اسوي التحَـليل ثواني صبرت عليه ما صار شي انتضرت عليه شلته داذبه بالشله واشوف صار خَـطين!!!
من الخرعه صرت اكمز وبنص الحمام اصيح الحمدالله فتحَت الباب ورحَت اركض لغرفتنا شفت شاهين بطرك البنطلون الاسـود وشعَره مبلل طفرت بسرعه على حضنه وصحَت
هـيام - شاااهين انييي حااامل حااامل
شاهين - اني حااامل!!! اني حااامل!!!
هـيام - شااااهين انيييي حااامل
- احَلفييي
- والله والله اني حااامل
شاهين - شـلون شلووون
عضيت شفتَي رفعت ايدي وضربته راشدي صك على اسنونه وصحت - انيييي حااامل
صفَن ثواني ورفعَ راسه يأشر صدك؟ اشرت اي عيوني دمعَت من شفت دمعته نزلت
هـيام - شايبـي الراح يصير اب تالي عمره
- شايبچ ما رايد من غيرچ بزر
رفعَ راسه يحمد رب العالمين جر راسي باسه وخَشمه طك دم كعَـدته افرك بأيديه وانخَبصت خلص جرني كعدني بصفه مخَلي كلنـس على خشمه ورافع راسه اخذ علاجه انتضرت فتره ورافع راسه ابتسم
هـيام - هسه شنو فرحت ضجت؟؟
- الكاع ما شايلتني من الفرحَه
- امممم
وفعَلا صار اضعاااف اهتمامه بيه حتى لمار ويمامه كذالك لمار بدأ يتقرب موعد ولادتها وهيه ميته خَوف حَـسن بدال ما يسحَب الخوف منها ويزيد بيها ويكللها إذا متي اخذ بنتي واتزوج غيرچ وهيه تفرفحَ آخر شي يصالحها ، متحمعَين كلنا ببيت علي ويمامه
علي - حَيي الله من جانا
حسن - غصبا على رأسك
علي - هذه اليجبرك تسحك راسو
حسن - ايبااااه
علي - اششش ولا نـص چلمه
حَـسن - شوف لك ساكت احتراما وتقديرا لـقره عيني ولا أكوم هسه ادوس راااسك
علي - غـ..
قاطعَته واني احجي بضوجه
- شاهين سكتهم راسي يوجعني
شاهين - انجعـمو
علي - غاسل ايدي منك يـعمومتـي
حـسن - الخَوه مو بالبچي الخوه دمع وبچي
الخوه حايط عليه تنتچي .
علي - وين الربط
حسن - اسكت لك لتلاسـن
لمار - حسن بطني توجعني
حسن - وعلي كد ما تخرعيني راح اجيب بمگانچ
لمار - حسسسسن بطنييييييي حسسسسسسن
اباوع عليها لازمه بطنها وتصرخَ دخلت بشهرها وكل يوم نفَس الحاله تصرخ ويودوها للمستشفى لحد ما ملـو وجزعـو بنتهم ماتريد تطلع من بطن امها
حسن - لچ لمااار متأكده لولاااا
لمار - لك شمدريني صخاااام ولطاااام بعينييييي لحكووووونييييي اخخخ بطنييييييي
حسن - دخيلك ياعلي عَينيييي
حجاهـا وشالها وطلع طلعنا وراهم كلنا وصلنا المستشفى نزل حَسن يركض ولمار تصرخ وتبچي وتصيح ملخَت حسن تملخَ لحد ما دخلت غرفه الولاده بلعَت العافيه من شفت صريخها كلبي راح عليها واكفين على نار كلنا لحد ما طلعت الطبيبه وبلغَتنا جابت بسلامه
اخَذو الطفله يغَسلوها واحنه دخلنا لغرفه لمار اباوعلها تعبانه وموجوعه لزمت ايدها وحَسن باس راسها نحجي وياها ما ترد من التعَب للنص اليل ساله صحَت جابو الطفله تخَبل من الجمال اجيت أكلها شلتها ورحت أراويها لشاهين ابتسم عيونه متلهَفه
شاهين - متلهـف أشوفن جهالي بحضنچ يالنبض
ابتسمت ورحَت انطيتها لـَ لمار شالت راسها وحجت بتعب - شنسميها؟
حَـسن -دجلــه
ابتسمت لمار وهزت راسها اي دجله اسم ام حَسن وهو حالف لو احنه بنيه يسمي بنته على اسمها ..
وهيج مرت الأيام الفرحَه صارت بوجود دجله كلنا نتخَبل عليها ونحبها والفرحَه الجبيره من طلعت يمامتـي " حامل "
أشوف اللهفه بعيون علي حتى بجي بجه من دره ويمامه مو اقل منه اهل علي رجعو للعراق وعلي تخَلى عن كلشي وبقى بتركيا يم لمار
كاعده بنص اليل ميته من الجوع وبطني جبيره ومآبيه حيل اكوم اكل شي شاهين بصفَي نايم وميت من التعب برطمت ومسحَت على بطني احجي - يمه ادري بيك راح تموت من الجوع بس أبوك مو خوش ابو ما يجيبلنااا اكل
باوعتً على شاهين نايم صرخَت - ولللك يممممه ابووووك ما يجيب اكلللل
باوعتً على شاهين فز باوعَلي واجا يلطشنـي بالحايط بس تمالك اعصابـه وهمس - شبيج حبيبي
- شاهين راح نموت من الجوووع
شاهين - شنهو ماعدنا مطبخ؟
- شاهين انييي حااامل وين اكدر اطبخ!!
- عجل أنا اطبخ؟
- اي انتَ
- حاضر
- يله كوم شيلني
- حاضر
كام من مكانه شالني وداني للمطبخ حطني على الميز وضحك اشر شتردين عضيت شفتي متحَمسه واشرتله باصابعي
هـيام - اريد خيار عليه لامندوزي وسماك وليمون واريد نوتيلا وموز واريد جوز واربد فستَق واريد لبن واريد عصير عنب واريد اريد اممم ها اي اريد سلامتك هم
شاهين - هساع كلشي اي سلامتي شنهو؟ رايح احارب أنا؟
هـيام - اي طبعا اريد سلامتك لعد مو راح تقطع الخيار يجوز تنجرحَ؟ مو راح تقطع الموز يجوز تنجرح؟ يجوز تنكسر علبه النوتيلا وتنجرح؟ يجوز يوكع الليمـون بعيونك!!
هز راسه اي مطفَي من النعاس راح يسوي بدون كلام تعَب من كد النصيحه واني ما اهتمّ لان اشتهي هيج مو بأيدي اشتهي حامض وحلو سوه رغَم خلصت فتره نساتي بس الضاهر مستمره يمي مدري معدتي تعودت
أجه حط الماعين كدامي ابتسمتله وهمست
- شكرا حَـبيبي الشايب
- نروح للغرفه اراويچ الشايب. ؟
- شوف شوف شوف
ضحك وانتضرني أكمل اكل كملت اكل وغسلت ايديه ومديت ايديه اله حتى يشيلني ضحك وشالني رجعنا للغرفه ومثل كل يوم اغَوص بحضنه حتى انام وتعودت وصرت أصلا ماكدر انام إذا مويمـي قبل ما انام همست
هـيام - تتوقعَ ولد لو بنيه؟
- نعمه اثنينهم بس رايد بنـوه
هـيام - زعلان لان ما عرفنا جنس الطفل؟ بس صدكني تصير أحلى إذا عرفت جنس الطفل بيوم الولاده
هز راسه ونمـنا ، بيوم من الأيام أجه شاهين من الشغَل ابتسم باسني وهمس
شاهين - حضري الجنط نسافر
- ويين؟؟
- العراق
- شـ..
شاهين - نزور العَـباس ونجي كلبي مفرفحَ ناذرلـو نذر
هزيت راسي ورحَت احضر بجنط وفعَلا شاهين حاجز ثاني يوم طرنا بسرعه اجرنا تكسي ورحنه لكربٌلاء اجرنا فنـدق وكعـدنا
ما باقي باجر العصر نرجع لتركيا ، اجواء ناخذ العَقل ابني يمي وزوجي يمي والإمام كدامي ، امامـي الي نخَيته بكل مره وما ردني اباوع على شاهين نايم ندزته وهمست
هـيام - شاهين نازله ازور
فتـحَ عيونه باوعلي وراد يكوم رجعته وهمست - حباب أصلا الساعه بـَ 8 بليل دقايق وارجع كمل نومتـك
رجع نام واني ركضت بسرعه لبست حجاب وعبايه ونزلت للامـام ، كاعـده كدام مرقَـد العباس ولا إرادي دموعي صارت تنزل على خدي أتذكر كلشي عشته واحَمد ربي عديتها بسلامه رفعَت عيوني على اثر گلينـسه انمدت ألي باوعتً على بنيه بيضه والبرأءه تبـثَ من وجهه مدتلي الگلنـس وكعدت بصفَي
- هاج حبيبه لا تبجين العباس يقضي الحاجه
هـيام - ابجي من العوض
ابتسمت وهزت راسها بقيت اتأمل بوجهه مسحت الدموع من وجهي وأرادفت
هـيام - شنو اسمج؟
- طيبه
- عاشت الاسامـي
- تعَيش ايامچ ، وانتِ شنو اسمج؟
- هـيام
- الله شلون اسم حلو
هـيام - اسمج احلى ، جايه وحدج؟
طيبه - لا ماما دخَلت تزور وخلتني هنا اكمـش جنطتها لان بس ادخَل انمرد
هـيام - ما زرتي؟
- زرت الحَـسين وهسه كاعده كدام العباس ادعَي
- مقبوله الزياره
داتـرد واجت امها كامت وكفَت واشرتَلي باي وابتسمت ضحكت وكمت وراها طلعت بعدنـي يم الأمانات وشفَت طيبه واكفه وحَدها اشرتـلي تعاي
طيبه - انطيني تلفونچ
- شسوين بيهَ؟
طيبه - ارقمچ
- ههههه لا صدك
طيبه - اريد حسابچ شو حبيتچ
هـيام - ماشاءلله الرهاب الاجتماعي يخاف منچ
ضحَكت ضحكه تخبل وانطيتها حسابـي ودعتها ورجعت للفندق ، ثاني يوم رجعته لتركيا بعَد تعب مرت الأيام بلطافه وطيبه تراسلنـي كل يوم بيومه بدإت تحجيلي عن برنامچ اسمه واتباد وتحَب تصير كاتبه
هـيام - لعد ليش ما تصيرين
طيبه - اريد قصه حقيقيه
هـيام - وشنو الفرق؟
- مادري احـسن
- اكلچ وخري عني ترا روحي بخشمي
- يااا شوف شلون بلا!
وفعَلا قوت علاقتنه بشكل مو طبيعي كل يوم نحجي سوه بدأت احجيها قصتي وماخَليت شي ما حجيته ضحكت وجاوبتني
طيبه - يمعوده هذه فلم هندي مو قصه هههههههه
هـيام - طحَن الخواطر
طيبه - لا والله بس مو تدخَل بالعقل قصتچ
- لو تعيشيها شتكوليـن
طيبه - شنو رأيج تكتبيها بواتباد؟
هـيام - عليمن اكتب هيه شبيها بس الضيم والبجي والكتل
طيبه - بلعَكس اشوف بيها عَـبره حلوه كلش
هـيام - لعد اكتبيها انتِ؟؟
طيبه - لا احَس راح أضلمها اني
هـيام - لعد ماريد اكتبها لو انتِ لو ماريد
طيبه - راح اجرب هسه جيبي بسلامه والله كريم وأخذي رأي شاهين مايصير تكتبين القصه بدون علمه
هـيام - خوش
تركت التلفون وانتضرت شاهين يجي خلصنا عَشه ورحت انام بحضنه همست بدلـع
هـيام - شاهيني
- عيونو
- شاهيني
- كلبو
- شاهيني
- روحَـو
- شاهيني
- جلاوينـو
- شايبي
- نبضـو
- نعم هاي المطلوبه
شاهين - ههههههههههه
هـيام - تحبني؟
- عاشكچ
هـيام - شلون عرفت روحك تحبني؟
- لان هواي ذليتها علمودچ
هـيام - إذا اطلب منك طلب ترفض؟
- عيوني الچ
هـيام - اريد اكتب قصتنه
رفع عيونه مصدوم اشر لا بسرعه حجيت بدلـع
هـيام - باوع بعيوني
- لا تحَاولين يالنبض
هـيام - شاهيني والله نكتب أشياء خفيفه مو كلشي
- ينبض لا
- علمووودي
- لا
- علمووودي
رفعَت عيوني بعيونه باوع ثواني وكلب عيونه عرفت ما يكدر يرفض ضحكت وباوعتله
هـيام - راح اكتبها
شاهين - شعتگتـبين؟
هـيام - اكتب عن حياتي وقصتنا من تعارفنا وكلشي
شاهين - عَش مو كانت أشياء خفيفه؟
- شاااهين
- لا اللغَي الفكره من راسچ
هـيام - شاهين شبيك والله
برنامج بس بنات والولـد مقروضين بيَ
ضليت اللح اللحَ إلى ان اقتنـع واخيرًا وافق دزيت رساله لطيبه وفرحَنه ثنينا رحت ليمامه ولمار كتلهن
يمامه - اني ماكتبها
لمار - ولا اني
هـيام - ايييع شكد نحَيسااات ترا اني حااامل لازم تراعوون مشاعري!!
يمامه - واني حامل!!
لمار - واني هستوني جايبه وبلكوووه دانااام دجله تبچي اربعَه وعشرين ساعه اهئ
هـيام - عليچن الله بس تعَرفن على الكاتبه راح تموتن عليها
يمامه - مبينه انتِ ميته عليها
هـيام - لمار انتِ اكتبي وياي حبابه قصتچ بيها عبره هواي
لمار - افكـر
هـيام - ليش تشلعَن كلبي حباااباتتتت نكتبها سوووه
يمامه - افَففف اشتعلتتت روحه الحَط السالفه براااسچ
هـيام - طيبه حطتها ههههههههه
يمامه - خَـرب حضي شوداچ من تركيا للعراق تعرفتي عليها واجيتينااا
هـيام - والله هسه تحبنهااا كلش
لمار - خَلص راح اكتبها
هـيام - احلى لموووور بدنيااا وانتِ يمامه يلا حبابه حبابه
يمامه - افَففف اكتب أشياء بسيطه بس الي اريد اذكرهنن خوش؟
هـيام - خَـوش
وبيـوم من الأيام من الصبح اتلوع من الألم اخذت اجازه وكعدت من الدوام وهسه راح اموت من الألم شاهين ماكو طالع بشغَل وروحَي بهتت من الألم اخذت مسكن ونمت كعَدني شاهين يمسح على وجهي مخترع تلويـت بألم وصحت
هـيام - بطني بطني شاااهين راااح اموووت من الووووجع
اول ما حجيتهـا شالني وطلع يركض بيه اسمعه وهو يهمس متوسل لرب العالمين - دخيلك يارب لا تفجعني بيهم مالي غيرهم
ما وصلنا المستشفى غير واني خابصه الدنيا بصريخَ دخَلت المستشفى ودكتوره كالت حاله ولاده طارئه متتت من الوجع وضيم وما خليت صايحَ وغلطه بكل اللغات ما غلطتها طلعت روحَي لبين ما سمعَت صرخَه طفل هودت روحَي
الوجـعَ أكلني اكل دخَلت الممرضه انطتني مسكنات ومغذيات رحَت بنوم ما كعدت غير على لمسات على وجهي وخدودي وصوت البنات يمي
فتحَت عيوني ببطئ أشوف شاهين يمـسد على وجهي ابتسم اول ما شافنَي
درت وجهي اباوع لـَ بطن يمامه البرزت وبصفهـا علـي بأيده طفل لافَي ببطانـيه زرقاء اباوع على لمار بصفي ودجله بأيد حَـسن راح شاهين جاب الطفَل وهم طلعَـو من الغرفه بعد ما تحـمدو عن السلامـه ، مسد على راسي
هـيام - اريد أشوفه
ساعدني اعَدل كعَدتي وحَـط الطفل بأيدي لزمتـه واحَس الدموع تجمعت بعيوني ابتسمت ونزلت دمعَه من عيوني اباوع على وجهه شكـد يشبهني نسخَه مني عيونه ملونـه زرق مثلي وشعره اشكـر يخَبل من الجمال مد ايده شاهين مسحَ دمعتي رفعت عيونه اباوعله
هـيام - اول مره اضـوك دموع الفــرحَ.
شاهين - احبچ انتِ وولدچ
ضحكت ودنكت راسي بسته اباوع عليه نايم بعمـق يفتح عيونه ويغَمض كل شويه من جماله من كدرت ابعَـد عيوني عنه ابتسمت ورفعت عيوني لشاهين
- اكلك
شاهين - كولي يااعَظم انجازاتـي
- شراح تسمـي؟
شاهين - انتِ سمي انتِ الشلتـي ببطنچ تسع شهور يول
- إذا بنيه اجت بعده اني اسميها وإذا ولد هم اني اسمي بس هذه انتَ سمي
ابتسم هز راسه شال ابني من حَضني باس راسه وصفَن يتمعَن بملامحَـه هز راسـه ورجـع باوعَـلي إذن بأذنه أردف
شاهَــين - لقَـــد اسميتــك ابـــــهر
هـيام - ابهر!!
شاهـين - امـو النـبض وهو الابـــهر .
هـيام - احــبك
شاهَــين - اعشگـــچ يأول دكــه عشَـــك ..
..النهــايه..
- يتبع الفصل التالي اضغط على ( رواية ذيب الغربية) اسم الرواية