رواية ذيب الغربية الفصل الخامس و الاربعون 45 - بقلم طيبة وليد

Part 45

                                    

                                          

بـسم الله الرحمٰن الرحـيم 

$ذيب الغربـية 

بقـلم-طيبه ولـيد 

البــارت الخـامـس والاربعَــون . 

"" 

: مرات حتة الصدگ ما نگدر نگولة

بس علمتني البجي وصار الدمع سولة

من زغري گلبي انجرح

ولهسا ادور فرح

مثل اليدور حرف باوارق مشعَـوله. 

"" 

***

- اركضيييي 

- بناااات وين الماااااسكـه 

- تاااااخررررررنا 

- يبووووووو 

- كللللة من ورااااچ 

- اسكتيييي 

-افَففف حَذائي مدااا يصيييير

- دقَيقه اني اسويلچ 

ركـضت بسرعـة اشدلهـا قيطـان الحَذاء ورچعت اخَذت الماسگـه لزمـت ايدها ونزلنا نرگـض باوعتً على السماء تمـطر رجعت نضري لهيام جانت فرصه الها حتى تحرر دموعها وما تبـين تبچي بهل يوم المميز بـس داخلها نار!! 

اليوم حَـفل تخرچنا اني وهيام هـيام اليـل كله تبچي واليوم حتى السمع بچتها 

تركت ايدها ورجعت للبيت اركض جبت شمـسيه ورجعتلها لگيتها بنص المطر 

المطر مو قـوي بـس تقطر كثير من القطرات ابتسمت بقهر تباوعـلي نزلت عيونها تهـربهن مني وحچت بغَصه 

هـيام - اول مره كتله احَـبك بنص المـطر

.: حسيت المطر بي نقص هل مرة

مو نفس الشعور القبل هل فترة

اول مرة اعبر من ضباب الجام

لا اسمك كتبتة ولا عفت ذكرة

يمامه - تااااخرناااااا 

لزمـت ايدها أتهرب منها وما ابچـي وياها امشي كدامها واسحَل بيها واسمـع صوت شهگاتها اگلت روحَي 

يمامه - شبيييييج شبييييج ليششش تبچين؟؟؟ مو انطيتييييي وعد لاهـلچ؟؟؟ ما تبچين علييييية!! شلون تبچين عليه وهو كتلهممم!!! 

هـيام - مووو هو الگتلهممم 

يمامه - هووو لووو موو هووو بس ساعَـدد!! 

هـيام - ما ساعَد مجرد كان يعرف ولو كان مساعد 

ما عادوا المحكمه ونزل حكمه لـ 5 سنوات!! 

يمامه - هـاا حلو حَن گلبچ لان راح يطلع هل سنه!! 

هـيام - ماااا حَنننن وخررررري 

تركتي تصيَح وطلعت تمشي بنص المطر ما مهتمه وصلنا لمگان جامعتنا الي تبعَد مسافه فرع عنا وصلنا وصعَدنا المدرچات گلمه لبست روب التخرچ وقبَعه التخرچ الآهل واگُفين مفتخَرين بأبنائهم وبناتهم إلا احنه ماعدنـا غير بعَض بهل لحَظه 

  

                

المطر ينقَط علينا نقطات طفيفَه واحَس روحي تنسحَن هو الواحد مو المفروض يعيش مشاعر حلوه بهـيچ يوم ليش اني عشت هاي المشاعر التعَيسه! 

انداريت على هـيام لگيتها رافعَه راسها للسماء والمطر يقطر على وجها وشفايفها صارت ينقطُن مـي تهـمس بكلام 

هـيام - تخَرجت اليوم بـابـا مامـا هاي دموعكم؟ ادري فرحَانيلي 

عضت شفتها ونزلت راسها مسحَت دموعها واندارت عليه ابتسمت وهمست 

هـيام - شفتي؟ رادوا يحَسسوني بوجودهم! 

هزيت راسي اي دمعَتي خانتني ونزلت مسحتها بـگف ايدي وابتسمت ما مقهوره لان اني ماعندي اهل وماعندي احَد ما اعرفهم ولا يعرفوني وماعندي احد بهل حَياه غير هـيام ولمار مقهـوره على هـيام وكسرتها بهل يوم بوقت ما جان عدها عشيره تسـد عين الشمس وزوج يعشقها صفَت وحدها بأعز يوم الها 

بدأت حفله التخرچ لمحَت بين الحضور لمار واگـفه مبتسمه تصفـك بأيديها بخَفه خلصت الحَفله وأخذنا صور التخرچ ورحنه للمار 

لمار - مبروك يا احلى خريجات تشوفهم عيني 

يمامه - لا انتِ احلى خريجه شافتها عيني 

درت عيوني على هـيام أريدها ترد على لمار بـَـس لكيتها صافنه انداريت اباوع وين صافنـه وشفَت بنيه من دفعتنه أبوها شابكها يبوس بيها وامها مبتسمه اخوها واكف يجرها من أبوها يريد يحضنها وابوها ما يقبل ينطيها ويصيح بتركي - بنيتي ما انطيها 

هل موقَف كسرنا كلنا درت عيوني عليهن عيون هـيام غوركت ولمار بچت مسحَت دمعتي وأردفت 

يمامه - شبيچنن اليوم بس تتبچبچن افرحَن احنه تخرجناااا بعَد تعععب 

لمار - وأحلى دكتورات اسنـان تشوفهـم عيُني. 

ابتسمت وشبگت ايديه بأيديهن وطلعنا من الجامعه بكل بساطه هاي الجامعه الي تجي كل يوم لو متأخرين لو ضايجين عدنا امتحانات لو فرحانين مجاوبين لو تعبانين لو نبچي لو نضحك لو نصنف على البنات لو نركض 

بعَـدنا ببدايه فرعنـا واشوف سياره طبگـت بباب بيتنا نزل منها 

شــاب ذو بشــره سمراء 

عــيون سوداء 

طول فـارع 

اكتـاف واسعـه 

وضخَم 

ابتسمت هـيام اول ما شافته وهمست 

هـيام - اجا الحَـببب خاليييي 

لمار - انچبننن جاي يبارگلچنن 

هـيام - خاف جاي على غير شي هااا هاااا هااا 

يمامه - هااا هااا هااا 

لمار- جان استغَربت لو ما صفيتننن علية 

        

          

                

سكتنـا من وصَل يمنا نزع النضارات وأردف 

حَــسن-  شلونچن اسف ما كدرت احضر التخرچ جنت بشغَل 

يمامه - لا عادي ما صار شي 

هـيام - غير يستقَر لابـس نضارات بعز المطر!! 

لمار - هييياااام 

هـيام - اشششش لچ 

حَسن - مبروك التخرچ يارب اشوفچن دكتورات 

هـيام -طبعا تشوفنا دكتورات لعـد شتشوفنا نبيـع مخضر؟ 

حَـسن - مخَضر؟ 

هـيام - ما سامع بيها مو؟ 

حَـسن - لا سامع بس اعتقد هاي شغله رجال؟ 

هـيام - تعتقَـد؟ 

لمار - افَف شگد تتناگرون 

حَسن - نعتذر وهاي مو مناكر عزيزتي 

يمامه - عزيزتـك!! 

حَـسن - حتى انتِ يماااامه!! 

هـيام - لعَد يمامه شنو ربها وحد؟ ترا اني هنا انهي واحجي 

حَسن- انهي واحجي؟ 

هـيام - شعندك جاي؟؟ 

حـسن- أبارك

هـيام - وصلت مباركتك يله تووكل 

حَـسن - كرهتيني بهاي الكلمممه 

يمامه - يا كلمه؟ 

حَـسن - توووكل!! 

كٰل حجينا شقه وضحك بـَ الأخير حَسن كال اجا اجتماع ورايح ودعنا ورگب سيارته وراح دخَلينا البيت وكلمن راحت لركن تبدل ملابسها او جنت اضن هـيچ 

طلعت من الغرفه لكيت هـيام بملابس التخرچ بعدها كاعَده على التخم وصافنَه 

يمامه - ليش ما بدلتي لسه؟ 

هـيام - رايحَه لامي وابوي 

يمامه - هـيام الجو مطر باجر روحي! 

تركتني احچي ولبست حذائها وطلعَت ما قبلت وحده منا تروح وياها راح تخَبلني هـيام تاليني اتخبل من وراها باوعتً على لمار سرحَانه تركتها ورحَت للغرفه لفيت راسي ونمت .. 

" هــيام " 

طلعَت من البيت واحَس كل هذه البرد والمطر ما يطفَي النار البگلبي اي ما نسيت اليوم مر خمـس سنين على سچن شاهـين وعمو جاسر! 

شويه خل نحچي بـَ الاحداث الصارت بهاي السنين.. 

بعَد سچن شاهين وعمو جاسر سافرنا اني ويمامه ولمار لتركـيا وقدمنا على الجامعه اني ويمامه طب أسنان ولمار تحليلات لمار تخرچت قبلنا بسنه لان دراستها أربع سنوات واني ويمامه خمس سنوات فـ لمار تخرچت وتعينت بمستشفى محترمه عشنه اني ولمار ويمامه بأقرب بيت من بيوت بابا على الجامعه وسگنـا بيَ 

        

          

                

اول ما اجيت لتركيا بلشت أراجع دكتور علمود الصرعَ ومرت سنتين واني مريضه صرعَ اخذ علاجات وانشمـر فريت الدكاتره كلها وما طبت إلى بعد سنتين من العلاجات والتعَب والضيم تعالچت والحمدالله بقى بـس الربو 

والحمدالله على كل حال 

إذا تسألون على عمامي وعمه سماهر فـ أكللكم قطعَت علاقتي بيهم نهـائيا لا ولد عم ولا عمه ولا كل شخَص الي بعد صار خمس سنين ضبط اني ما شايفه وجهه اي شخَص بيهم عمه سماهر طول هل سنتين جانت تدري وسكتت!! انقطعَت علاقتي بيهم نهـائيا 

إذا تحَبون تسألون عن شاهين فـ راح أجاوبكم تخَطيت وتخرچت 

بـَـس! إذا تسألون بعمـق راح اگللكم عايـش ويا روحي وما متخطيه وياريت اقلــعَ كلبي اليحَبه طول هل سنييين اخـخَ من كلبي الحَب كتال اهلي 

إذا تسألون عنه فـ راح اكللكم بعَد ما سافرنا أجاني خَبر نعادت محكمته وقدموا دلائل كامله شاهين ما اله اي علاقه بـَ القتل فقط عمو جاسر عرض عليه يتگاتفون ويقتلون ابوي وهذه الشي شاهين رفضه تواجده بمكان البيت هو كان حتى يتشفَى بموت الي قتل ابو! 

ماكو اي دلائل ضده وأي شي يثبت حتى هو شاهد غير تسچيل وقوفَه كدام الحادثه وهذه الشي مو دليل يجوز كان مار من هناك وماله اي دخَل 

وعمو جاسر اعترف بجريمته الكامله وشاهين تبرئ تماما 

لذالك نزل الحكم لخَمس سنوات فقط والسنه المفروض يطلع بأي شهر باي يوم ماعرف بـَس الي اعرفه ماريد اشَوف وجهه 

إذا تحَـبون تسألون عن اهل شاهين فـ ام شاهـين انطتگم عمرها قبل ثلاث سنوات وماعرفت السبب ولا اريد اعرف فقط جانت شخَص غالي عليه وتأثرت على موتها بـَس رجعت وكفت 

هيام - اوكـعَ وكوم 

انجرح وضمـد 

اتمرض بٰس تعالچ 

حَـب بس لا تخسر تسلم نفسك 

صير قاسي بـس لا تفقد قلبـك 

لا تنسى بس لا تحَقد 

اسنــد نفــسك بنفَـــسك! 

إذا تحَبون تسألون عن عمـار!! 

فـ احَـب اكللكم بعَـد ما صوبه شاهين ما مات وفقَد واحده من ايديه وبعدها شاهين شمـره لمستشفى الأمراض العقَليه وبقى هناك سنتين ضبط حتى بعد حَبس شاهين بقَى بعدها سمعـت الخَبر عمار انتحَـر بالمصحَ ومات .. 

اتاخَذت الحَـقوق 

واتشافـت الأمراض 

 انتصَـرالحَـق وزهـــقَ الباطــل!

امـا قمر زوجـه حَـر فـ هيه تخَبلت بعد موت حَـر تماما وشردت من بينهم بنص اليل ودعمتها سـياره وانطتـكم عمرها. . 

بيـنت الحوبـات وطلعت بيهم حَـوبه يتـيم ومضلوم! شلون تريد تتعـداك؟ 

نزلت من السياره ووصـلت للمقبره نزلت أتمشى الدنيا تمطر وماكو ناس حتى بالمقبـره نزعَت الروب والقبعَه وحطيتهم على القبر حطيت راسي على قبـر ماما وامنـعَ دموعي تنزل بـس صارت تنزل بدون إراده 

        

          

                

هـيام - مـامـا اليوم هومتچ تخرچت؟ ما رايده تباركيلها؟ 

- صح تخرچت وفَرحانه بـَس فرحَتي ناقصه محد يمي لا ام لا اي لا اهل ليش هيج خليتوني 

هـيام - حتى الگـلت عليه سندي كسرني! 

مسحَت وجهي ورحت يم قبر بابا ابچـي واشهك اعاتَب واصرخ 

هـيام - جنت ضالمتك وكلت بابا ما جان يحبني بس جنت قطعَه من روحي جنت دائما اسئل روحي بابا ليش ما خلاني أعيش يم عمامي؟ تالي عمامي طلعو كاتلين اخوهم!! باااباااا 

مرت فتره واني على نفس كعدني ما خليت حجايه تبقى بخاطري وكلهن حجيتهن حَسيت راح يصير الليل وطفرت  بسرعه آخاف من تركيا بليل طلعت اخذت تكسي ورجعت للبيت بسرعه 

اول ما دخَلت تلگتني لمار تصيح بوجهي 

لمار - ووووين جنتتتي ووووين صدك تحجيييين!! 

- شبيچ جنت يم ماما 

كعدت يمها وهيه تبچي لمار بعدها ما متخَطيه حادثه عمار الصارتلها هنا طلعت يمامه من الغَرفه مبينه جانت نايمه 

هـيام - عَـوبه صيري مثل يمامه جانت بسابع نومه 

يمامه - اي صيري مثلي شبيچ غبره 

لمار - جان استغَربت لو ما صفيتنن عليـة 

وهيج مو الوقت ويا لمار ويمامه خلصت السنه وطلـع تعَيني اني ويمامه بنفَس المستشفى بعَيده مسافه قليلا عنه بـس حلوه وكـبيره وفخَمه 

يمامه - تجنننن يماااااي 

اباوع يمامه تنَطنط وتكمز ما مصدكه راح تتعَين ولمار فرحَانه لمار متعَينه وأداوم كل يوميه بالمستشفى وعدها راتب وتصَرف اصفن وأكول معقوله كبرنا؟ وتخرجنا؟ واليوم اتعينـا؟ وتحَدد اليوم الي راح نتعَين بيَ ونداوم بالمستشفى وقررنا نروح اني ويمامه ولمار نشتري ملابس 

لمار - همزين عندي فلووووس 

يمامه - فكر وصار عدها فلوس 

هـيام - مااا امسحلچ مااا امسحلچ!! 

لمار - شعجب ما صفيتنن علييييه!! 

يمامه - ترا كالت ما امسحلچ مو اسمحلچ تتمزهـق عليج. 

هـيام - صـَح صـحَ 

لمار - هم صفَنن عليه! 

طگيناها ضحكـه ورحنه مفتر بسوك ندور منا ومنا وكلبنـا المولات كلاب وأشترينا كومه شغَلات وملابس 

لمار - لو عدچن عرس ما تچهزن هـيج 

يمامه - اسكتي لج 

هـيام - انچبي لچ 

لمار - جان استغَربت لوما صفَيتنن عليه! 

طلعَنا من المول ويا طلعتنـا لاكينا حَسن شافنه ونزل من سيارته همست لـَ لمار 

        

          

                

هـيام - ارحَمي بلولد واقبلي بيَ! 

يمامه - ترا صـحَ متشوفَي صالچ أربع سنين مرگـضته وراچ

" لمار " 

دنگـت راسي خجلانه من كلامهم أتذكر اول لقاء النا وشلون حَسن دخَل حياتنا 

جنت سنه أولى جامعه اقره بحَديقه الجامعه وضاربه الدنيا بعَرض الحايط وحيدي بالمكان وماكو اي شخَص اقره بصوت عالي خَلصت وكمت من مكاني 

أتمشى وطلعَت من المكان واسمـع صوت شاب يصيح عليه درت وجهي اباوع عليه وكف كدامي وابتسم مدلي كتاب وأردف بتركي 

- هذه الكتاب الچ 

- شكرا 

همستها واخذت كتابي درت وجهي واسمـع صوته وهو يحجي 

- مو عَـيون قَـناص كوه كوه يصوبنـك 

التفتت اله خازرته صفَن وفتح عيونه رفعَ ايديه بعلامه استسلام يحجي بخجل 

- لا تكولين عراقيه!! 

- عَـيب عليك! 

دنـك راسه وضحك مسح كصته 

- مو ثوبي هاي السوالف بـس هسه عيونچ تاخذ الكلب 

- شكد عَـيب! 

طفرت بسرعه من يمه واسمـع صوت ركضته وراي هو ركض لو طمستها ركضه لحَد ما وصلت الفرع مالتنه وجرني من ردان قميصي وصاح 

لمار - وخرررر عني ليشششش لاحكنييييييي 

- ومنو لاحگچ هاي جنطتچ وكعتيها يالفاهـيه 

اباوع الجنطه مالتي بإيده هاي شوكت وكعَت! مد الجنطه انطانيها وهز ايده 

- هيه هاي ام عيون الحلوه دائما تصير فاهيه 

لمار - شكد ما تستحي وقليل ذوووق!! 

-حتى الغلطه نازكه فدوووووووه لاللله 

رجعت اركض للبيت واحَس كلبي صار ببطني من كد الخرعَه عمار مات وسامحَته على الي سواه بـس بعدني ما اتخَطيت التعَب العشته بسببه الله يرحمه بس.. 

وراها اكتشفت اسمه حَسن بقسم أداره الأعمال لطيفَ جدا ماعنده لا اخوات ولا اخوان وأمه متوفَيه وعايش وحده بتركيا وأبو دائما مسافَر لان رجل أعمال مشهور وصاحَب شركات . 

يوم عن يوم صار يتَقرب اكثر رغم اصده بس هو لطيف كلش كلش اكثر مما تتصورون حَباب وماله علاقه بشخص غيووور بشكل حلو ويغَار على كل البنات تخرجَت وجان حاضر بتخَرجي وتعينت واجاني اول يوم يتقَرب كل يوميه اكثر 

صارحَني اكثر من مره يريد يتقدملـي حجيت اله الحَقيقه بدون تردد وماضيي وعمار وكلشي صارلي وتوقعَت راح يتركني بـس جان هذه رده 

حَـسن - اووووووف لو ما ميت 

لمار - حَسن ليش محروك دمك!! داگلك چنت متزوجه قبلك وماريد اتزوچ واعَيد تچربه فااشلـة!! 

        

          

                

- اني تجربه فاشله؟ 

بچيت بوقتها وما تحملت شخَص زين مثل حَسن مااايستاهل ينجرحَ بكلمه هو وصفلنا دكتور زين لهيام علمود الصرع وتعَالجت بفضلة بكل خطوه ويانا 

حَـسن - لا تبچين شچاچ 

- كسررت خاطرك!! 

حَـسن- صدك جذب اروحلچ فدوه اني وخاطرري 

ومازعل ولا حتى اخَذ موقف واستمر حَسن خمس سنين مثل ما هو إلى الآن 

نرجع للواقٰع واگُفين كلنا كدام المول وحَسن عيونه عليه وهيام ولمار يتغَامزن بينهم لحد ما اشرت هـيام 

هـيام - شوفَيي يمامه ذاااك المحل يجننن 

يمامه - يا محل؟ 

هـيام - امشييي امشييي نروحلللة 

لمار -يلا امشي 

هـيام - وووين وووين وحَسن يبقى وحده؟؟ احنه ماعدنا ملابس انتِ عدچ بكد التمـن اكعَدي واسكتي 

جرت يمامه الي ما مفتهمه كلشي وراحت لمحَل قريب باوعتً لحَسن يضحك 

لمار - ليش تضحك؟ 

-وجهچ صار احمر 

- امم 

رفعَت راسي اباوع على كل الاماگـن إلا عليه اجت عيني عليه يباوع عليه وعيونه ما شايلهم مني دنگت واحَس بوخت 

حَـسن - ليش ما ترحَمـيني؟ 

- هااا 

حَـسن - ارحميني 

- حَـ.. 

حَـسن- اني مو الشخَص المناسب الچ؟ 

-لـا بـ.. 

حَـسن - بيه شي غلط؟ ما تحَبي؟ اتغَـير علمودچ 

- لا والله ل.. 

حَـسن - تخَافين تمرين بتجربه سيئه وياي؟ 

- لا بـس اخاف 

حَـسن - لا تخَافين اني مونذل واخاف الله بيچ 

- حَـسن 

- گـيانه 

عضيت شفتي ودنگت موكد هاي السوالف اني حَسن مؤدب بشكل ونبره صوته هادئه بشكل موطبيعَي تخَلي الواحد كوه كوه ينصي صوته شكله هادئ ولطَيف كلامه معَسول شخصيته چذابه 

حَـسن - زعچتچ مو؟ خلص اسف 

- لا بـس 

حَـسن - بس لو اعرف هاي البسسس شنو وراها ارتاااح 

- ماعندي مانع أتزوجك 

رفعَت راسي من شفته سكت لمده دقائق باوعتً عليه صافَن عليه بدون رده فعل صفَنت عليه معقوله تراجع؟ 

حسن- شكلتي؟ 

- ماعندي مانـع اتزوجك 

دنگت راسي مستحيه وهو تحَمس وراد يشبگني طفرت بسرعه فرك وجهه بهمس استغفرالله يارب سامحني هاي من كد لهفتي لا تحسبها 

        

          

                

نقَذني من الموقف من اچـن هـيام ويمامه اول مره بحياتهم يسون شي براسه خير ضحكت هـيام وأردفت 

هـيام - شبيك حَـسن تكمز ديربالك لا تصـخَ بسمه 

يمامه - ههههههههههههههه حلوووه حلوه 

حَـسن- هاي المره اني راح أكولها چان استغَربت لوما صفيتهن سوه 

هـيام - دخَيلك ياعلي راح ننحَسد الله يجورنا من عيون الحساااد 

حـسن- حساد عليمن احسدچ ؟؟

هـيام - احـسدنييي لان عايشه ويا لمار بنفَس البيت 

حَـسن - لا ما احسدچ ما باقيتلچ بس هل أسبوع 

كطعَت ضحكتها وبهـتت وجوهن ثنينهن صفَنن دنكت راسي وهيه صاحت 

يمامه - قبلتييي؟؟؟ 

لمار - اي 

هـيام - وليش ما كلتيلنـا؟ 

اباوع لهيام ضاچت وعيونها انمـلو دموع بس تكابر ولو تموت ما تبچي يمامه صافنَه اليكلك كتلهم خبر جنازه مو زفه 

لمار - شبيچن ليش ما فرحَتن! 

يمامه - سلامتچ يلا نرجع للبيت 

حَـسن - اني اوصلچن 

هـيام - مانريد مشكور 

تركني اني وحَسن بعز صدمتي وراحَن يمشن رفعَت عيوني على حَسن جان مستغَرب دنكت ودموعَي بدأت تنزل 

حَـسن - هسه بس لو أفتهم شلون تبچين بهل سرعه شني لوله وتفتحيها 

بچيت بزايد .. 

حَـسن - طيح الله حضك حسن كافي عليچ الله لا تبچين عمي حتى زواج ما نزوچ راح نعنس 

فتحَت عيوني من سمعت صوت هيام صاحت 

هـيام - سبرااااايززززز 

اباوع شايله بأيدها نفاخَ كومه ويمامه شايله ورد 

يمامه - مبرووووك احلى عرساااان 

حَسن - اريد افتهـم شغله واحده بيچن انفصام بشخصيه؟ 

هـيام - لااا لااا بس جنه دنمـثل ورحنه نختار فساتين لعرسگم وجبنه ورد وبالون 

حسن - بهل دقيقه سويتن كل هذه 

هـيام - لعَد شعبالك غير احنه باتمانات 

كمت من مكاني اركض حضنتهن وهنه يبوسـن بيه ورجعته لبيت وحَسن وصلنا 

مر أسبوع كامل وعقدنـا عَقد سيد وعَـقد محكمه وبقَه بـس العرس الخَوف يدب بكلبي من أشوف حَسن ومعاملته ما تغَيرت احَس روحي فراشه 

هـيام ويمامه بدأت يداومـن گـ " دكتورات أسنان " 

وحيدي بلبيت اليوم اجازتـي ويمامه وهيام بدوام لابسه تراك وردي برموده ونص ردان ابتسمت من شفت حَسن يدك عليه رديت عليه 

        

          

                

لمار - حَـسن 

- كـيانـه 

ضميت وجهي بالمخده خجلانه وراح اموت من الخچل ابتسمت من سمعت صوته يحجي بضحك 

حَـسن - طلعي طلعي وجهچ من المخده لا تختنگين 

- عزة شمدريك! 

حَـسن - ادري بسوالفج 

- حـسننن 

- گياااانه 

- اممممم 

- اني بالباب افتحَيلي 

- يا باب؟؟ 

- باب السطح حبيبي يا باب غير باب البيت 

- بيتنااا؟؟  

- لا بيت الجوارين 

- حَـسن 

- افتحَي يا كيانـه 

طفرت بسرعه والتلفَون على اذاني فتحَت الباب دخَل وسد الباب رفعَ عيونه يباوعلي ابتسم وجرني من خصري 

حـسن - شلونها امـيرتي 

- حَـس.. 

- يا كيانـه 

ردت ابعَد روحي عنه ما انطاني مجال صفطنـي على الحايط واخَذ شفايفي فراشات ببطنـي تتطايـر ، مشاعـر جديده ما حاسه بيها قبل ، لمسات هادئه باوعتً على روحي بصاله على التخَم لحظه شوكت وصلنا لهنا .. 

عدلت البرموده الصاعده نزلتها ونزلت البدي على أكتافي وخزرته ضحك ورفعَ ايديه بعلامه استسلام 

- ما تستحي 

- حقچ عليه 

لمار - مو صوجك صوچ الفتحـلك الباب 

- حقچ على راسي 

لمار - والله ازعَل عليك 

- لا مو لهدرچه ترا انتِ مرتي 

لمار - مو مرتك 

حـسن - مرتي شرعَا وقانونا وقلبا 

لمار - مووو مرتك 

حـسن - ها مو هو مرتك بالدك والركص والزفه والهوسه مو؟ 

- ايي 

عض شفته وتقرب عليه رجعت ليوره اهمس - حَـسن 

- يا گيانـه 

لمار - وعلي ازعل خَلي مسافه بينااا 

- انعل ابو المسافاااات 

جرني ووووقبلني قبله طويله ووووو... دفعته عن ركبتي 

لمار - وخرررر حسن شبيك والله راح ازعل 

- شبيچ هسه اني شسويت 

- كلشي ما سويت 

حـسن - بس شمه 

لمار - ماكووو وخر 

- يله هاهيه 

ابتعَد يضحك شبكني وهمس - خل تحَضر روحها أميرتي هل اسبوع عرسنا بعَد ما أتحمل 

        

          

                

لمار - هل اسبوووع!! 

- اي لعَد مو تكولين ما متزوجين خل نتزوچ

لمار - لا جذب متزوجين احنه 

- تعاااي لعد 

طفرت بسرعه اشَرد ويركض وراي رفعَت أديه أقلد حركته مال الاستسلام واحجي 

لمار - جذب ما متزوجين خلص خلص 

- اممممم 

باسني وودعَني وطلع وهيچ مرت الأيام واحضر للعرَس ومشغوله وروحي طالعه 

واگـفه كـدام المرايـا مال الصالون واحَس بكلبي يرچف اول مره أعيش هـيچ مشاعر طالعَه تخيل اول مره اشوف نفسي هيج حلوه!! اباوع على بدلتي المنفوشـَه وطرحتي الطويله وأريد ابچـي 

يمامه - وعلي اكوم اسحلچ إذا بچيتي ومأكول عرووس! 

هـيام - اني هم اسحلچ 

لمار - جان استغَربت لوما اتفقتننن 

اباوع عليهن طالعَات أميرات بالمعنى الحَرفي هيام لابسه اخَضر بلون بارز لون عيونها وحاطه مگياچ ترابي يمامه لابـسه احمَـر لحَد الرگـب ومن وره طويل وطالعَه تسحَل سحل بجمال عيونها المگحَله 

خَلصنا من الصالون واجت الزفَه تأخذني الرچفه لزمتنـي دخَل العريس للصالون باوعلي وغمَض عيونه ولزم گلبچ اسمـع صوت هـيام ويمامه يضحَكن فتـحَ عيونه وابتسم نزلت راسي حَط ايده جوه حنگي رفـعَ راسي صارت عيوني بعَيونه 

حَـسن - العَـين بالعَـين واليرچف گلــبي. 

ابتسم وطبعَ قبله على رإسي 

يمامه - لا يقبل رأسك إلا 

زوچ صالـحَ 

ابن بـار 

اب حـنون 

هـيام - شفتي شلون حَسن زوچ صالح 

حسن - اسگتن لا تضايقَن مرتي 

يمامه - تهي بهي الله يرحم 

هـيام - الله يرحَم ايام التواسـيل حتى نقنعَها بيييك 

حـسن - جان استغَربت لوما صفَيتن سوه 

جر ايدي باسها وقبل راسي مره ثانيه هـمس يم أذني ... 

حَـسن - وعَـد مني يا گيـاني ماكو يوم تنزل دمعتچ وياي وماكو يوم تفارگچ ضحَگتچ وياي . 

ابتسمت وعيوني لمعَت بدموع 

لمار - اريد امي 

حَـسن - اصيرلچ ام وأب وصديقَ وزوچ وحَـبيب وعَيـونچ الحَلوه اموت عليچ اعوضچ كلشي عشتَي وروح امي . 

        

          

                

ردت احچي بس استوقفَني صوت الهورنات جاب بركـعَ غطاني بيه وأخذ ايدي وطلع 

لمار - هـيام ويمامه وين 

حَـسن - اكو سياره تأخذهن حبيبي 

صعَدت بسياره العَرس بدون لا أشوف شي بـس السمع الجو معتلـك بـَ الأغاني نص عالگه اغاني تركيه وتردحَ ونص عراقي وتردحَ بحَيث فحَطت من الضحك على اشگالهم ارفعَ البركـع اباوع منه وانزله 

وصلنا اجا حَسن يركض نزلني دخَلنا القاعه ونزعَت البركـع التوتر أكلني اكل 

لمار - يمممه يممممه شلون اطببب استحيييي 

حَـسن - هم كل اليستحَووون هـيچ حلوين؟ 

لمار - حسسسسن 

- كـيانه 

سكتت وهو اخَذ ايدي باسها ودخَلنا لحَد ما وصلنا الكوشـَه اباوع معازيم هواي من طرفَه كلهم واني ماعندي غير كم صديقه من المستشفى وهيام ويمامه دورت بين الحضَوروشفت شـي صدمنَي!! 

رســـل!!! 

شجابها يارب ساعَدني كلشي ولا تشوفها هـيام اجت هـيام يمي هيه ويمامه يضحگُن ويشاقَن وبعدها ما شايفه رسل حَاولت ابعَدها عن مكان رسل علمود لا تشوفها 

هـيام - طالععععه تشكين شك 

يمامه - اتفَـق 

واحنه نحچي اجن بنات اربعَه ابتسمت واحده وحجت بتركي 

- عادي حذائچ؟ 

لمار - حَذائـي؟ 

- اي نكتـب بيَ أسمائنه 

- اها اي عادي 

نزعَت حذائي وانطيته الهن بأيدها قلم تكتب أسمائهن هاي عاده سامعَه بيها هنا " تكتـب اسمها تحت حذاء العروس تصير العَروس الجايه " باوعتً على هـيام ويمامه وأردفت 

- اگتـب اسمائكم 

يمامه ، هـيام - لا 

ابتـسمت البنيه على ردهن بنفَس الوقت ورجعت تكتب انطتني حذائي لبسته وبدأن البنات برگضون مر وقَت لا بأس به ودخَل حَـسن حتى نرگص كلبي صار يرچف على كولته ابتـسم اول ما لمحَني اخذ ايدي وشغَلو اغنيه وبلشنـا نركص سلو .. 

حَـسن - ليش ترچفَين؟ 

- هـاا 

حَـسن - بس لا خايفَه؟ 

- هااا 

حَـسن - باوعَي كيانـي ، اني مو رجال اخَلي بنيه تخَاف مني وحَتلو تكولين هذه شي طبيعَي تمر بيَ اي بنيه اني ما اقبل ما تردين عادي ماچبرچ على شي كلشي ولا تخَافين 

لمار - مو خَايفه بـس مستحَيه 

- مني؟ 

- من الناااس لان دنرگص اگلتنـي اكل بلسااانك 

        

          

                

ضحَك بصوت عالي بس ما انكـر جنت خَايفه وهو طمنـي عرفت نفسي اختاريت الاخَـتيار الصـح من اختاريته قَرب راسه يهـمس يم أذني 

حَـسن - لماري وگيانـي حبيبتي وحبيبة عمري وعَـد رجــال علية ادللچ دلال واحبچ واحَب كلشي يخَصچ ولو تطلبـين الگمر اجيبهه لحَضنچ. 

- احُـــبك . 

فتـحَ عيونه مصدوم وضحك بصوت عالي نزل نفسَه وخطف بوسه من خَدي بوخت كدام النسوان والنـاس 

- حسسسسن 

- كيـانـه. 

خلصَت هل ليله وصار وقَت الزفه كلبي صار يدگ بچَنون اباوع على هـيام تكابر تبچي ويمامه كذالك بس ما تحَملن من صارت دموعي تنزل شبگنـي وصارن يبچن 

ابچـي بكل حَيلي وهنه شابگاتني ويبچن انتهى كلشي وراح اصير ببيت وحدي عنهن بعَد ما جانن عائلتي راح يصير عندي عائله وحدي؟ 

لمار - لو تصـير عندي ألف عائله تبقَن عائلتـي الاولـى يـا أجمل عائله . 

حَـسن - كافي يله لتبچين ليروحَ المگياچ واخترعَ . 

باوعتً وراي لگيت حسن يضحك واحنه ثلاثنه نبچي هز چتف يباوع عليهن ويهز چتف ويـطك إصبع ويصيح 

حَـسن - اخذتهاااا منچن اخذتهاااا منچن

ما تحَملت وضحكت يمامه وهيام هم ضحكُن لزم ايدي وراد يطلع باوعتله هيام وحچت 

هـيام - لا تشوفها يتـيمه ومالها احد احنه وراها ونگسر ضهر اليتقربلها إذا بيوم نزلت دمعتها من وراك تحَلم ترجعَـلك! 

حَـسن - امداني إذا اعَد روحي على الزلم وانزل دمعَتها! اني ما عاولت أحصلها بعَدين يتيمه شنو اني اهلها وامها وابوها واصف اني وياها عليچن 

ابتسمت بفرحَه اخذ ايدي ورگبنا بسياره طول الزفه الاغَاني والركص اجواء تخبل جنه من نروح للمدرسه نباوع على الأعراس واتمنى اصير بيوم مثلهن والحمدالله صـرت لافـضل شخَص 

" هـذه الفرق بـين 

اختـيارك لنفـسك واختـيار رب العَالمـين الك " 

وصلنا البيت نزلني حَـسن بعد معاناه والبدله تسحَل دخلنا لداخَل البيت اباوع بيت ضخَم كلش وكل البيوت الي بالمطقَه ضخَمه مثل بيوت ابو هيام نزعَت الطرحَه واخذت ملابس ودخَلت اسبـحَ 

اسبـح واتذكر عرسي القديم شكد قَبيح شكد مشاعر قبيحَه حاولت الزم دموعي وما كدرت انهاريت بـَ الحمام كعدت اقنـعَ بروحي كافي تعَب ارتاحي انتِ مو تحبين حسن شبيچ انسي انسي كلشي عشتي انسي العذاب حتى الآثار اخَتفت خلص انسي 

        

          

                

طلعَت من الحمام اباوع كاف رداناتـه ومرتَـب الأكل على السفـره باوعلي وصفَن عض شفته ونزل راسه 

حَـسن - تعاي أكلي كياني 

كعدت يمه بدون صوت يوگل بيه كل شويه 

حَـسن - أكلي كياني اوگلچ بأيدي إذا تحَـبين؟ 

- لا بـس شبعانه أكلت بصالون 

حَـسن - تمام اسبح واچيچ 

لمار - بعـدك على كلمتك؟ 

حـسن - الوعَـد دين والديـن لا يوفيه إلا الرجـال . 

دخَل للحمام دخَلت الغرفه اباوع عليها تجنننن غرَفه اميرات گـد ما حلوه ضليت صافنه كل لون احبه ممزوچ بيها جبيره وبيها مرجوحَه وبلگونه باوعتً من الشباك يطل على الحَديقه منظر الورود يفتح النفَس وكل المنطقَه مزروعه زرع يخَبل سديت البرده وكعدت على السـريـر 

اخَذ فتره لا بإس بها وطلع من الحمام لابـس بس بجامه ثواني اخَذ مشط شعـره واجه وگُف كدامي 

حـسن - يلا 

- شنووو يلااا!!! 

حـسن - شبيچ حبيبي غير ننام 

- هـاا احم اي 

تمددت على الجربايه وسترت نفسي على بالحَاف ثواني وجرني يضمني بيـن ايديه اول ما شميت عَـطره غمضت عيوني نزل نفـسه اخذ شفايفَي بين شفايفه ووووووو..... 

( اطلعو برا ) 

شبگنـي وحط راسه بشعري ابتسمت ودرت وجهي عليه حاوطت رگبته ابتسـم على حركتـي ودغدغنـي ضحكت ورجعت حاوطت رگبته اباوعله واتأمله 

لمـار -: هَـــمزين ما صار النــويتَة الله انطانــي احَلـى من الدعَــيته . 

" هــيام " 

طلعنا ركض اني ويمامه للمستشفى لمار وحَـسن روحو شهر عسل كم يوم ويرجعون لان لمار مأخذه اجازه وهو عنده شغل 

وصلت للمستشفى وكل واحده راحت لغرفتها لابـسه لابكوت وجواه تراك نيلي ابتسمت ونثَرت شعري على طوله اباوع على روحي وصفَت على جمالي دزيت بوسه لروحَي بالمرايـا ، باوعتً وراي لگيت ممرضه ضحكت وأردفت بتركي 

- حقچ اني لو عندي چمالچ ما اباوع لحَد بعد . 

ضحكت ورحَت بغرفتي وبدأت مراجع بعَد مراجع والوقت يخَلص دخلت مراجعه يمي ابنها وأكع وسنـه مكسور سويته وكتبتله علاچ 

هـيام - شكد عمره؟ 

- خمس سنين دكتوره 

ابتسمت وكتبت العلاچ لو بنتي عايش جان هسه بنتي  بگـد هذه الطفل اتحَـسرت وكتبت العلاچ طلعت المره ومو الوقت وصارت استراحَه الغداء 

رحَت لـَلكافتريا اشتريت كيكه وعصير وطلعَت بـَ الحديقه آكلهن خلصت ورجعت أكمل عصيري بغرفتي واني ارجع ارتطمت بشخَص وجبيت العصير عليه 

هـيام - ااا اسفـ..

قطعَت كلمتي واني أشوف اخَـر شخَص متوقعه شوفته متوقعَه اللمحَه متوقعه اباوع عليه متوقعه أشوفه بهل مكان والزمان عيوني جمدت وماكدرت انطقَ حَــرف!!!! 

شاهـــين :- تلاگينـة وردت بــروحَ اضمـُه 

تلاگينــه وصحَــت افَـــيش يمــــــة ...!!