رواية ذيب الغربية الفصل الرابع و الاربعون 44 - بقلم طيبة وليد
Part 44
بـسم الله الرحمٰـن الرحَـيم
$ذيـب الغربيه
بقلم - طيبه وليد
""
ويـن افضفضهـا حَـسرتي بيا مسامـعَ!
اخافَ افزَن والگـة جروحَـي معلك
بـروس الشوارعَ
""
" هــيام "
عقَلي وكف ومو راضي يستوعَب كلبي طفَت ناره وچنت متوقعَه كل الاوجـاع إلا هاي!!
هزيت راسي اضحك عده مرات
هـيام - تضحكـين عليه؟ صح هههههه
سماهر - الحـقيقـه توجع حقچ
هـيام - عمـه اني تعبانه راح اروح ههههههه
رحت أهز راسي واضحك بهـستيريه فتحَت الباب متوجهه اطلع كلشي أتقبل موتهم استوقفنـي كلامها
سماهر - عندي دليـل!
هـيام - كلـشي الا موتهـم أنطي روحي والگـه كتالهم.
سماهر - دحكيييي چتاااال امچ وابوچ عمممچ ورچلچ
هـيام - انتِ مستووعبـة كلامممج!!! اعززز ثنين على كلبيييي!!
سماهر - الوجـع ما يچي غير من العزيـز
هـيام - مستحييييلللل!!! مستحييييللل!!! لو اشووووف بعيوووني اعميهمممم انتِ .. انتِ بـَس ما تحبين عمووو جاسر وشاااهين وتغااارين من عمو جااسـر!
سماهر - والعگـس صحَ! عندي دليل تعاي تعاي
گامـت من مكانها تأخذ ايدي وتودينـي على الكرسي دفعَت ايدهـا متهـستره
هـيام - ماااااررريد اشووووف وخرررري عني مااااريد كله كذذذب كله كذبببب
وكعَت بـَ الارض ابچـي واصرخ كذب چرت ايدي كل قوتها وكومتنـي تسحَل بيه كعدت كعدتنـي على كرسي وحطت فلاش بحَاسبه كان فلاش تسچيل صوتي لمگالمـه لصوت عمو جاسر
جاسـر - خلصصص خلص الصبح تممـوو المهمه
الطرف الثانـي يگله - كلهم؟ حتى الطفله؟
جاسر - كلهم كلهم امحَـي أثرهم ، الـك يوم بسسس تنهـي حيااتهـم ثلاثتهـم
الطرف الثاني - انطينـي مهله ما اتعامـل ويا شخص عادي هذه فرااااس!!!
جاسر - كااافي وإذا فراااااس احركوووو اذبحوووو اهمچموووو البيت على راااااسه ميييية زلمـه يا يگدرون على زلمه وااااحد
- چـ..
جاسر - إذا ما تگدر انحَـسب من العملـيه بهدوء وخلص!
- لاا خلـص باچر تتم العملـيه
عَقلي تچمد ما صار يستوعَب هذه صوت عمو جاسر بـَ الحرف الواحـد نترتـة بـَالكلام نفسهـه! عيونٰي صارت تغوش من الدموع وعقَلي انسطـر! ايديـة صارن يرچفَـن
هـيام - هذه اكييييد مفبـرررك!!! اكيييييد وخرررري وخرررري لا تلزمينيييييي وخرررري
سماهر - خلاااااص استووووعبي دحكـي صوتـو نفس النتـره! نفَـس كلامـو!
هـيام - ليش يگتلـة؟؟ اخوة هم!! هذه الشي مستحَـيل!
لزمـت راسي بأيديها ثنينهم تخَزر بيه بعيونها وتحچي بفَحيـحَ!
سماهر - سوه هـيچ لان يگـره فراس!
هـيام - ليشششش ليششششششششش
سماهر - فراس دائما الزيـن
فرأس دائما مصدر الفلوس
فراس دائما الشاطـر بمدرستـة
فراس دائما يفَـوز
فراس دائما داهـية وميخَاف
دائما اكو مقارنه بين فراس وچاسـر وهذه الشي ولد الحَقد بكلـب چاسر!!.
وكـعت بـَ الارض الدموع چفَت بعيوني وحلكــي يبس اريد استوعـب كلمه بس! يا اللهي عيني.. عمـي عمي الگـتل اخو!!! دخـيلك يارب طلعت دفتر دافنتـه دفَن بالكنتور وجابته وفتحتَه اول صفحه باوعتً بعيوني
هـيام - دخَـيلك يارب هـون الوجــع على كلبي راح اموت.
سماهـر - راح نرجع للماضـي!!..
**الماضـي
بيـوم برد قارص گـاعد امشي وراجـع من المدرسه مآخذ 100 بـ الفيزياء مرت بصفي دراجه راگـب بيها چاسر وصديقه منتظر تأفأفت بملل ولا يمـل من چاسر تعدونـي بدون لا يوگلفَي وهو يرمقُني بنضره حقد بسبب الدرچات
هو مأخذ 57 واني 100 أبوي الي يأخذ درجه اقل من 95 يحَـبسه بغرفه .. العـــــقَــــاب.. وياگل ضرب دك بدون لا اكل لا مي عود يغمى عليه من الضرب ويرتاح شويه ويخلص الوقت كله يونـون
وصلـت البيت ودخَـلت اسمـع صوت صايحَ أبوي وهو يصيح على چاسر مفرفـحَ دخلت اباوع على اخواني خاتلات بضهر امي وأختي الصغيره خاتله جوه الدرچ اباوع على جاسر وچسار وچابر واگفَـين يتراچفون اول ما دخلت رمقُ جاسر نضرات الگـره والحقُد ألي.
دخَلت اباوع على أبوي يصيحَ ضرب عوچيتـة بالگـاع وصاح
فهـــد-: فرااااس شگــد درچتـك
فراس - ميه يـابا
رمقُتني نضره فخَـر ودگ العوچيه بضهر چاسر
فهــد - تعلــم تعلــم من اخوك ياا فاشـل
چـر ابوي چاسـر من ايده ياخَـذه لغرفه .. العــقــاب .. غرفه الأمراض النفَسيه والتعَـب والهلاگ اسمـع صوت صريــخ چاسـر يصيح متألم ويسـب وابوي يقوي ضرباتـة بأدواتـة ابوي رغَـم گبـر سنه بـس قوي جدا محد يگدرلـة ابد اي واحد بينا يدخَـل بينهم ينضـرب اضعَـاف جاسر وجاسـر تضاعَـف عقوبتـه
جاسر الوحَـيد يعاند وما يقره يكره الدراسه وما يطيقها من اگله تعال نقره يكول دروح انتَ والله تعبان اترگـه واروح اقره ترگتـة وطلعَت من البيت مشيـت بين الشوارع وصار الغَـروب
امـشي بين منطقـة ومنطقَـة وعقلي بـس بچاسـر رغم گلامـه ونضراتـه وتصرفاتـه كلشي بيَ يبث كره وحقَـد ألي بس افكـر بيَ
رفعَـت راسي اباوع على بنيه
فاتحَـه الباب ومحد بشارعَ تغسـل الطارمـه لافـة الحچاب داير مداير شعرهـا مثل العصابـه ورگبتهـا مبينه شايلـة دشداشتهـه وتمسـح سرحَـت بملامحَـها
عيونهـا الخضر خصرهـا چنـة خصر دلـة بياضها الناصـعَ شفايفهـا الحمر والمـي التارس ملابسهـه
لا إرادي ابتسمت رفعَت راسها بعد ما چانت تمسـحّ صرخت وطبگُت الباب ما چنت متوقـع رده فعلها ضحكت ورجعت للبيت مبتسـم وعقلي يتذكـر ملامحها شكد حلوه اول ما دخلت تلگتني سماهر
سماهر - مبتسم الحلو شكووو شكووو هااا هااا
فراس - لچ سماهر بطلي سوالفچ
سماهر - احجي احجي احنه من يمتـة ما تحچيلي شيصير وياك؟ مو بنهايه كل يوم تچيلـي وتحچيلـي كلشي صار بيومك
فراس - اي خليها بنهايه اليوم ، جاسر وين شصار بيه؟
سماهر - أغمى عليه
بوزت ملامحها سماهر ضچت بس ما كدرت ابيـن اخذت فلوس وطلعت اشتري لخواتي اشتريت كلشي يحبنه ورجعَت وزعته عليهم وبقى جاسر
سماهر - شكرااا يا احلى اخَ بدنيااا
فراس - عيوني انتـن عيوني
تركتهـم ورحت ادك الباب على جاسر واهـمس
فراس - جاسررر جاسرر راح اجعَـص الگيكـه واشمرهـا من جوه الباب
جاسر - روووح منا كلشي ماريد منننك
فراس -شبيك جچااسر شبييييك
جاسر - اگرهــك كل اليصيـر بية بسببگ
فراس - واني شعليـة
جاسر - كلشييي بسبببك كلشي ، يچـي يوم واصيـر چتالـك وأخلص منـك
تركتـه ورحت لامـي اسولفلهـا وهيه ما تهتم غير بروحها تركتهـا بعد ما يأست منها ورحت لسماهر احچي وياها اسولفلهـا وهيه صافنة
سماهر - معقـوله يجي يوم ويسويها؟
فراس - طبعاا لا سماااهر شبيچ هذه اخوي
سماهر - اي صح اخونا صح
تركتها بعَد ما خلصت محادثتنا ورحت لغرفه ابوي ادك الباب عليه دخَلت بعد ما سمحَلي
فهــد - يا هـلا ببچري
فراس - هـلا بيك بويه
فهـد - محتاچ شي بچري؟ انتَ تأمر وانا انهـي
فراس - رايـدك سالم يبوي بـس يمي الك طـلب كون ما ينرفض
فهــد - انتَ تآمر وانا انهـي
فراس - اريد اتزوچ
صفَن ابوي بوجهـي ساكت أنا معروف ما رايد اتزوچ ولا يم هل خريط بعدنا صغار بـس عدنا يتزوجون وهم صغار وما يتزوچون الا يتزوچ البچر
فهــد - ابشَـر تخرچ وتشوفـلك امك مريـة
فراس - عندي
فهــد - شنهو
فراس - عندي بنيه ورايـد أتزوجها
فهـــد - تحَب يبچـري؟
فراس - لا لا يكـرم الله حتى ما اعرف اسمها بـس شفتها ودوهـنتني ولو هيه لو ماريد
فهـــد - يدلل بچري اتخرچ هل سنه بمعــدل زين ورارفــع راسي واسويلـك زفه يسولفـو بيها العربان
تركتـو وطلعَت صار عندي حافز اكثر حتى اتخرچ صرت ادرس اكثر وأكثر واجيب درجات أقوه وأقوه وما صارت عندي درجه غير الـ 100
جاسر صار مسودن فـد مره عبـاله انا انافـسو واسوي هـچ حتى ابـز نفسي لابوي ما يدري بكلبي الواكـع
دخَلت للبيت وبأيدي ورقه الامتحان ماخَـد درجه 79 رفعَت راسي اباوع ابوي واگـف بكل شموخَ وبصفَـه جاسر يضحك ويباوعلـي بنضره انتصار وحقَـد
فهــد - وانـا رافــع راسي بيــك يبچري؟
نزلت راسي بدون ما احچي كلمه جر ايدي واخَذني لغرفه العقـاب اچانـي راشدي والعوچيه دخَلت لنص بطنـي تأذيت بـس ما صرخَت ما رايد خواتي يصرخَن محد يمهن هسه يهـديهن
سيــخ احَـمر نار چـابـه وحطه على ضلوعـي غمضت عيوني مستسلم لكل الأوجاع وما خرچ مني صوت واحد رفَسني برچله وصاح
فهـــد - اصررررخَ اصررررخَ لا تسسسسسكت!!!
ما صرخَت وهو تخَـبل ضربـني بالعوچـيه على صدري ورچليه وما صرخت نزعَ حزامـه وصار يضرب بكُـل قوته
- ١
٢
٣
٤
٥
٦
٧
٨
٩
إلى ان وصـل رقـم تسعـه توقـف مـثل كل مره وهـنا مرت يومـين نفس الحاله كل يوم ضرب چويـات سچاچين سـيخ وأحزام وضربات لحَـد الرقم 9
طلعَت اعرچ وامشي بلگوه چـاب دكتور يعالچـني وصرت بمرور الوقت احَـسن متعـودين على هذه الوضع جسمنـه تعود واحنه تعودنا ..
رحّـت للمدرسه ومـر وقت الدوام باوعتـلي المدرسه وأردفت
- ويـن هل غيبه فراس! صدك جذب چنت ادور عليكك كليوميـه
- ليش ست محتاچه شي
- لا بـس طلعَت غلطانـه بدرچتك درجتك 97 اسفه
فراس - ما صار شي
ابتسمت واخذت الورقه رجعت للبيت وانطيتها لابوي باسنـي وراح لمگتبه اباوع على چاسر نضرات الحَقد وهزه رجليه ما تفارقـة من اني موجود
طلعَت اروح لمنطقـه هاي البنيه الاخَـذت كلبي وشفت الباب مسدوده لا يطلعـون لا يمشون مدرسه ماعدها؟؟ التفگـير اكل عقلي أثناء ما افكـر
طلع رجال كبير بـَ العمر جيرانهـم تقربت يمه وسألته
فراس - بلا زحمه عليك خالي هذاك البيت منو عايش بيَ؟
- خَـيرك خو ماكو شي
- لا ، بـس اسئل بيت منو؟
- إذا هـيچ تدلل ، بـيت ابـو ريحَــانـــه
فارس - اها ريحـ.. ريحانـه اها عنده كم بنيه؟
- بنيه واحده وماعنده غيرها لا ولد ولا بنات
- شكد عمرها
- شمدرينـي اني شنو دلال
فارس - وين رايـح حچي
- بابا شعليك
فارس - عبالي اساعـدك
- تساعدنـي؟
- اي حجي
مشيت وياه وصلنـا يم ابو مارگـت دخَـله طب اشتـره چباسـه ونساتـل وجگايـر وطلع رايد ينـطي فلوس ما أخذتهم واني دفعت
فارس - اي حچي كملـي عليهم
- شتسوي بيهم يابنـي!
- اريد اعرف
- ابني انطيـك بنتي وعوف بنتهم
فارس - حچي هسه شمدريك راح اخطب بتهم
- مبين يابني غير صالـك ساعه تحـوص
فارس - احچي حچي
- ابني ريحانه بنتهـم صغَـيره وهيه المعينـه لاهلها امها مريضه سكر وتعبانه وأبوها مريض قلب على يا ساعه يتوگـل
سكتت مقهور ما توقعت هيج حياتها وصلت الحچي ورجعت للبيت تعبان تلگانـي ابوي طالـع من المگتـب
فهــد - ويـن چنت
- جنت اگـل جوعان
فهــد - نووووووووووووووورس
طلعَت امي بسرعه من غرفتها تباوعلـه وهو يعَيط عليها لان ما مسويه عشه تعارگو وامـي اخذت عبايتها وزادت تطلع
فهــد - إذا اطلعـين مالچ رده لهل بيتتتت فاااااهمه!
سكتت امي عيونها مليانه دموع دخلت غرفتها دكيت الباب عليها ما جاوبت دخلت لگيتها تبچي كمزت بسرعه تضرب بصدري
نورس - ليشششش دخلت ليشششش!! موووو ما سمحتتتتلك اطلللعععع
فراس- يـ..
نورس - اكررررررهك اكررررررهك لوووو ما انتَ جاااان اني ما كملتتتتت وياااااا ابووووووك اكرررررررهك الله يااااخذك الله ياااااخذك
دخَلت ابوي على صوت صياحها وهيه تضرب بوجهي وصدري رفَـع عوچيته وضربها بنص ضهرها حميتها وره ضهري وصرت كدامها
فهـــد - تدعَــين على بچررري يا نگسسسسَة
فراس - كافـي بويه كافي امسحهـا بلحيتـي
فهــد - والله ان لخاااااطرو اترررگچ والله لووو ماهووو اني چتالچ اليوووم
طلـع بره الغرفه دفعتنـي امي طلعت بره الغَرفه وتوجهـت لغرفه سماهر اسولفلهـا ..
طالـعَ من آخر امتحَـان وزاري مچـاوب گالعـاده مبتسم واتشمـه ما باقي فتره قليله وانچمـع ويا ريحانتي طول هل وقت اضل واگـف كدام بيتها وخلصت امتحانات ومثل كل مره چاسـر يكول مجاوب ومحَد مقتنـع وابوي
حلف الي يجيب معدل جوه الـ 90 ألو خمسـين يوم محَبوس بغرفه العقـاب .
رچـعت اگتب كل الي صار وياي هاي الخطوه تعلمتها من سماهر تكتب كلشي يصير وياها لان ماعدنا احد نحجي ويا ولا ألنا احد غير بعض
مالي غير خواتي وإخوتي ابوي خرب علاقتنـا وما اضَن تتصلـحَ بيوم ..
طلعَت من البيت ورحَت لريحانتي اباوع على بيتها من بعَيد عسى وان تطلع واشوف عيونها الخضر ما طلعت كالعاده رجعت للبيت وخلصت أيامي هـيچ.
اجـا يوم النتائچ وطلع معـدلي 99 وچاسر معدله 76 طلابه ما خلصت انسحَل چاسر لأرفع العقاب كاعدين كلنه بصاله امي تبچي واخواتي حاطهن بصفي اسكُت بيهن
- كلللة بسبببك كله بسبببك
فراس - واني شلي علاقه!!
- ياااريت ما چبتك يا فراااس يا ريت طرحَتـك وخلصت ..
طعَنت كلبي طعَن ودخلت لغرفتها تبچي طلع ابوي من غرفه چاسر ايدينو مدمـيه دم جاسر غسل ايديو لحگُتو لمگتبو باوعلي وأردف
فهـــد - بچري الماخَيب راسي
فراس - رأسك دوم مرفوع بويه
ابتسم وطلع من مگتبو ســلاحَ شكله حلو وغريب عَلبة حمره وداخلهه اسود بإوعلي وحچه
فهــد - علبتـو تشبهـلك خارچك ودود وداخَـلك اسـود..
سكتت عنـو هذه ابوي من يوم يومـو يقنعني أنا مو زين وداخلي اسود يريد أصير مثل ما يحب ويقنـعَ عقلي بهاي الأشياء ابوي تاچر اسلحَه ولأن أنا بجرو لازم اخذ عملتو
فراس - بويه شوكت تخطبولي البنيه؟
فهـــد- انتَ مثل انـا من أدحـكك ادحـك روحي شبابي چنت هـچ احبها لامـك وانتَ نسخه مني
فراس - مستحيل بيوم أضرب مرتي لو ابني لو بنتي!!
فهــد - ههههههه ندحـك ندحـك ههههههه
فراس - راح نخطبوهاااا لوووو لاااا
فهــد - الك البنوه وباچر نخطبها
وفعَلا اليوم راحَت امي تخطبها ألي كاعد على احَر من النار انتظر امي تچي مريت من يم غرفه جاسر شفت چسار يتهـامس ويا
چسار - امي راحت تخطبلـو
جاسر - عسى ما تهنى
چسار - اي والله ، يحبها البنوه
چاسر - بلگن يحترك كلبه وترفض
چسار - ابوي ما يقبل ابنو ينرفض
جاسر - بسسس شوفوووو لووو انرفضضض راح يطلع الشيطااان البدااااخله
چسار - لا فراس مو شيطان
جاسر - شيطااان شيطااان فراس انتَو ما تعرفوووو
استغفرت ودرت وجهي ورحَت انتظر بصاله لحَد ما اچـت امي عصبيه ووجهه احمر
نورس - رفضتتتك رفضتتتك غَـبي مالكيتتت غير هاي العائله البسيطه!!!
فهــد - رفضت!!!!
نورس - رفضتتت اي رفضتتت اني بحد ذاتي وجلالتي رحت الهااا ورفضت وكفت كدامي بكل صلافه تكول اني ماريد اتزوچ
ماااعندك ذووق عائله بسيطه سخيفَه أبوهم مريض امهم مريضه
باجر اخطبلك بنتَ اختي .
حَسيت الدم صعَد براسي ووجهي صار احمر رفعت ايدي امسد على راسي من الألم لزمني ابوي
فهــد - لا لا بچري هـساع وعد عليه البنوووه الك
وهـيچ مر الوقت إلى ان راح ابوي هو وزلامـو لبيتهم رجـعَ وامي تروح وترجع تحچي عليه تريد اخذ بنت اختها رجـع ابوي بعد مرور وقت ضحك وحچه
فهــد - باچر ملچتك بچــري ..
حضنته وبوسته وامي تصيح
نورس - هااااي بنتتتت المريضضضض تصيررررر جنتيييييي مااااريدهااااا مااااريدهااااا
فهـد - سدي حلچچ ماسمـعلچ نفس!.
سكتت امي وروحها تفرفحَ ..
گاعديـن احنه وزلام ابوي وعمومتـي عمومتـي أنبار واحنه عايشين ببغداد أصلنـا أنباري طفولتنا بـَ الأنبار بس فجأه ابوي أخذنا وعشنا ببغداد بطلب من ابوي خلانا ناخذ لهچه بغداد وننسى الأنبار بس بقت جم كلمه ببالي انباريه ما كدرت أتخلى عنها تم العقَد وعقدت على ريحانتي وملگُت الدنيا كلها مو بس ريحانتـي..
دخلت عليها لصاله واكفه بنص مدنگـه راسها وأيديها ترچف صرت كدامها رفعَت راسها وباوعتلي اخذت روحي بعيونها الخَضر ابتسمتها ولبستها حلقَه وگلاده
فراس - مبروك علينا
دنگُت راسها بدون لا تباوعلي او تچاوبي عذرتها وكلت مستحَيه ما ردت الخطوبه تطول هواي وحاچيت أبوها وگالي اسبوعَين وهاهيه
اسبوعَين مرت واخذتها عروس دخَلت لغرفتنا ابتسمتها بـس هيه صارت تبچي
فراس - شكو شبيچ ليش تبچين!
ريحانه - وخر عني حباااب وخر عني لا تلمسنييي
فراس - مااسويلچ شي
تبچي وتشهك وتحچي كطعَت كلبي ابتسمتلها واخذت ايدها وكعدت بصفها احچي وياها
فراس- انتَ يمي لان احبچ مو لان اريد منچ شي
ريحانه - وخر عني شتريت مني
فراس - احبچ ريحَــانه
ريحانه - مااا احبك اني ما احبك ليش تزوجتني ليش مو كلت لامممك ماريد اتزوووجك ماااريد أريد امي اريد امي مااا أريدك
فراس - ريحاااااانه
فزت بسرعه تبچي بسكُوت حاولت ألزم أعصابي اكثر ابتسمت وهمست اليها
فراس - لا تستفزيني ريحَانتي لا تستفزيني لان ما انصحچ تطلعين الشيطان البداخَلي وكلمه ما احبك تستفزننني كلشششش.!!!
هدأت تهز راسها اي تركتها ورحت اسبح وطلعت ساعدتها تنزعَ بدلتها ووو....
نزلنا الصبح چاسر لسه محَبوس واخواني متچمعَين ريحانه تمسحَ بدموعها كل شويه وبطنها توجعها بوست خدودها ومسحَت دموعها ابوي اجا باس راسي ورأس ريحانه بارگـلنا
وهدأت مرت الوقت واني اركض ورا ريحانه وريحانه تتخبل من تشوفني وتضل تبچي رحت لتسليم السلاحَ ويا ابوي وخلصت المهمه ورجعنه دخلت الغرفه اباوع عليها كاعده على الارض وصافنه
فراس -ريحَـانه
- هـ ها
فراس - تخَافين مني؟
سكتت گرفصت يمها اسولف وياها بس هيه ترچف رچيف وتهسترني بهاي سوالفها
فراس - تخافين؟
ريحانه - انتو تخوفون!
فراس - نخوف؟
ريحانه - اي اي نزلت اشرب مي بليل واسمع صوت واحد يصيح وأمك تكرهني تشغَلني هواي من تطلعون وأختك سماهر ما تحبني ومحَد يحبني هنا رجعني لابوي الله يخَليك
فراس - ريحَانـتي اني احبچ
ريحانه - انييي ما احبك
گلمتها صارت ترن بأذني اكره هاي الكلمه تركتها ونزلت ليجوه عيوني ما أشوف بيها من العصبيه الصعدت براسي
فراس - يمااااااااااااااااااا سمااااااااااهررررررررررررر
اچـن يرگضـن امي ما مستوعبه اني اصيح هـيچ؟ وسماهر خايفه ابوي طلع من مكتبه مبتَسم
نورس - شكووووو شبيك
فراس - ليشششششش تشغَليييين ريحاااااانه من اطلععععع ليشششششش ما تحترررررموها مرررررتي مررررررتي هيييييييية!!!
نورس - عشتووووووو نحطهاااا على روسنـه ليش بعد كلبي ما تشتغل ست الحسن
فراس - عروووووس بعدهاااااا عروووووووس
نورس - اتـ..
فراس -خَـليني محترمچ! لا تچبروني اصير انساااان مو زييين!!
لا تشغليها ولا تسمعيها كلام واحَذر من انذر
تركتها ورحَت لريحانة مر وقت هـيچ إلى ان طلع چاسر بدأ جاسر يتچاسر اكثر يعَبي كلام برأس ريحانه
فراس - ليش تسوي هـيچ جاسر كااافي!!!
چاسر - حَسسسس بلوووووعة حَسسسسس اكررررهك فاااارس انتَ شيطااان ما تستاااهل ريحاااانة
فراس - اشششششش لك لتچيبببب طاريهاااااااا على لسااااااااانك
تركته ورحت دمَي يفووور مر وقَت ورحنه لتـسليم جهه الثانيه من عشيره انبـاريه معروفَة بـتسلم الاسلحه صار رمي من الجهه الثانيه رفعَت سلاحي ورمَيت تشخَصت عيوني على زلمه طاح بـَ الارض من اثر طلقة سلاحَي..
رگبنا السياره وطلعنا نرجع وصلت للبيت بعَد تعب وإرهاق دخَلت للبيت ورحت بوچهي لغرفتي بعدني بـ باب الغرفه واسمع صوت جاسر بغرفتي
جاسر - ابلعَي هاي الحبايه ريحانه يلا
ريحانه - ماريد اخذها اخاف يدري يموتني
جاسر - تردين يصير عندچ طفل منننننة!!!
ريحانه - لا لاا لا يله
قبضَت ايدي ودفرت الباب عيوني صرت ما أشوف بيهن من العصبيه من اعَصب عيوني تغوش جريت جاسر ونمت فوكاه أضرب بيَ صوت صراخَ امي واخواتي وريحانه يصرخَن چاسر يدافع عن نفسه بس اني اضخَم منه بهواي لزمت راسه ورگعتـه بـ الارض كل قوتي
فقَد جاسر الوعي ودمه صار ينزل من راسه صوت ابوي يصيح جرني من ايدي يصيح
فهــد- شعتسوووووووووي فررراااااااسسسسس!!!
جاسر - اكتلوووووووووووووو لهل كلبببببببببب
رفعَ ايده وضربني راشدي راشدي خلاني أشوف احَسن أشوف ريحانه مرعَوبه اخوي مدمي على الارض اخواني چسار وجابر ضاربهم سماهر دافعها بـَ الارض تبچي وامي من هول صدمتها ما نطقَت حرف
فهــد - شعتسووووووووي انهبلتتتتتتت فراااااسسسسس!!!
چسار وجابر يسحلون جاسر ويطلعـوه وابوي صافَن عليه باوعلي وكال
فهــد - حظر روحك بغرفه العَـقاب
فراس - انطا الريحَانه حَـب مانعَ
فهــد - شنهووووو
صرخَ وعض شفته نزل ابوي يرعَد طلعت امي من الغرفه وريحانه لامه روحها يم الحايط تباوعلي وتبچي مسحَت وجهي وگنبصت يمها
فراس - لهـدرچة ما تحبيني؟؟
سكتت تبحَلق بعيونها الخضر وتباوعلي وتبچي كررت السؤال نزلت راسها تبچي
فراس- ليش؟
ريحانه - ماريدك اني ماردت أتزوجك أبوك إجه وعرض على بابا فلوس وبابا ما عنده فلوس ويريد يسوي عمليه حتى يعيش واني قبلت ماااريدك!!
فراس- اششششششش
النفَس ضاق بصدري رحت لمگُتب ابوي باوعلي وكال
فهــد - چاسر راح يأخذ قسمتـو مني
فراس - كتلــت واحد!!!
صفَن بوجهي ابوي وعگد حواجبه شابـك ايديه وجاوب
فهـد - نعم؟
فراس- بالتسلـيم اجو تجار اسلحَه ثانين وطارو يطلقون نار صرت أضرب بچو بطلق وصاحَت بصدر واحد دمو ترس الارض..
بحلقَ عيونه طلعت من يمه وهو يسوي مخابرات استمرّت لساعتيـن ورجع يرعَد ويصيح
فهـد - چااااتل اسكــندر يا غَـبي!!!!!! لـك ابنوووو ذيب منهوووووو يفوتهاااااااا
فراس - ذـيب؟ ذيب مو عمرو 17؟
فهــد - وانتَ شكد عمرررررك غَـبي مهبوووووول اطلعععع من هـين حاحجزلـك وتطلع من هييييين
بيومها البيت مثَبور الوضعَ ما يطمن ابوي حچز نروح لتركيا أنا وريحَانه اخوي الصغَير عمرو 13 سنه طالـعَ بره البيت خلص اليوم كله وهو ماكو دخَلت لمكتب أبويه
فراس - چبار وين
فهــد - وينـو مو هين!
فراس - لا
فهـد - وينووووو فرااااس وينووووووو
فراس - شمدريني اني
ترگتو ورحت ادور اخوي يم المحلات القريبه يم اصدقائه بكل مكان بس ما لگيتـو رچعت للبيت أشوف صايره هوسه زلم بالباب دخلت اركض اباوع اخوي چثه!!!!!
چثـة هَامده طفَل بريئ انقتـل ضحَيه لافعـال اخو، اخو الـي هو أنا انقـتل ضحَيه لافعـالي واجرامي وطمـع ابوي بالفلـوس وولده يتگتلـون لخاطر التسليـم والفلوس ..
اندفَن اخوي بذيچ الليله وفز الشيطان ابداخَلي ما كدرت اروح لتركيا إذا ما اخذ بثاره
فراس - ما اكدر اروح هاهيه ليش اروح اتركياااا مو اخذوووو صار ابنهمممم
فهــد - ابنووووو ما يترررركك
فراس - ليششش مسوي قيمه لهل زعطووووط
فهــد - هل زعـطوط بيَ كل البلاووووي لا تستهـين بيَ مو عن عبث سمو ذيـب!
انسفگـت الدماء بـين العشيرتـين والعداوه تحاوطت
بينا من گـل الاتجاهات الحَـرب صار عَلـن وكل من عدنا
عنده ضهـر قوي سانـد روحَه بيَ بدوله ..
بيوم وصَـل خبر لابوي ابنه الگـبير واخو اسكُندر الي صاره سنين متزوج وماعنده أطفال ولدت زوچته تؤام وشاء رب العالمين بيوم ولادتهم تنضرب چلطـه قلبيه ام اسگنـدر .
الثار دب بروحَي دم اخوي لسة على الارض ما انسمـحَ همه اخذو ثار ابنهم احنه منو يأخذ ثار ابنه بيومها كان الشيطان الحَقيقي يوسوسلي
جاسر - مو انتَ جتال تخوك متاخَذ ثاره؟
فراس - رووووح من وجهي جاااسر
جاسر - لا تكعَد بين الزلام وانتَ جتال اخوك
بنفَس اليوم چنت مراقبهم والبيت فارغ تماما كلهَم بالمستشفى عدا النسوان دزيـتَ مرأه مستأجره بفلوس بقَت فتره يمهم بحچه " الدخَيله " إلى ان انولدو التؤام وانصابت الحجيه بچلطة قلبيه المرأه قتلت التؤام كدام عيون هـيدعاء!!!!!!... بدون ما تترك اي اثر على انهـا جريمه قتل فقط خنقتهـم!!!.
ثانـي يوم اخذت ريحَانه ورحنه لترگـيا بـَس الوقت راح صرت شيطان تماما وماكو وقت محَدد يفز بيَ هذه الشيطان بأي لحظه ممكـن
چنت كاعـد ادخَن واسمـع لابوي شيحچي عن الصار ونهيت الحَديث وياه من اجت ريحَانه تكـعَد كدامي وهاي اول مره تسويها وتچي وحدها
فراس - كـولي ريحانـتي بحلكچ حچي
ريحَانـة - انـا حامل
عَيوني جمدت ما جنت متوقَع اصير اب بيوم قتلت بيَ أطفال ثنين أبرياء مالهم ذنـب بوست ريحانـة واني ما مصدك رحت اخابر ابوي وطار من الفرحَ راح يكـمل النَسل تزوچ جاسر بهل فتره ومرته ولدت " إبراهيم " قبل ما تحمل ريحَانه والبقيه كذالك تزوجو ..
فَتره حمل ريحَانه ما مصدك ريحانتـي حامل منـي وابني ببطنها لزمت بطنها احچي ويا
فراس - لا تتعَـب امك ابني
ريحَانه - ليش تحچي دائما كأن ولد!! اني اريد بنيه!
فراس - لا اريد ولد
ريحانه - بنيه ارييد
فراس - ماكو ولد اريد
ريحانه - بنيه راح اضمها على كلبي كل ليلة وانام وأحبها وادللها واطلع كل دلال امي بيها
معقوله اطلع كل عقد ابوي وامي بيها؟ اريد ولد يتحمل الألم ما تنولد بنيه مرتاحَه بهل عشيره راحَ تصير ضحَيه ثارات بكل مشكـله!!.
كاعـد بصاله واسمعَ صوت صريـخَ ريحانه وهيه تولد ويمها قابلـة إلى ان هدأ صوت ريحَانه بشكل عچيب دخَلت بسرعه على الغرفـة
ريَحانه - شبيهاااا بنتييي ليششش ما تبچييي!!
- ما تتنفَس الطفله
ريحانه - ليششش ليششش لا لا يااارب يااارب إلا بنتي دخَيلك
اخذات جزائك فراس من قتل الناس وبنتك ماتت بيوم ولادتها نزلت راسي وغمضت عيوني مانعَ دموعي تنزل وسمعَت صريـخَ طفله
صوت ريحانه العالـي وهيه تضـحك وتحمد ربها لان عاشَت
وصوت القابلـه وهيه تتبارگ طلعَت من الغرفه والقابله غسلت الطفله ولفتها
دخَلت اباوع عليها قطعَه بيضـة ثلچ عيونها خضر مثـل عيون امها وأكبر وحلكها صغيرون احمر تتنعَوص وتدير وجها منا ومنا وتفتـحَ عيونها وتسدها شلتها بأيدي وروحَي ترچف
ريحَانه - شنسميها؟
فراس - هــيــــام..
ريحَانه - ليش؟
فراس - هـيام مثل هـيامـي الچ
وتقَدر بولاده هـيام وفاه ابوي ..
ابوي تارك ثلـثَ ورثو باسمي وهي شي زاد من حقَد جاسر توزع الورث وتفرقَـت الاخوه انباعَ البيت الچان الشي الوحيد اليجمعَنا..
اخذت كل ورثي وفلوسي واستثمرتهـم اشتريت فنادق وسيارات ومعارض ومطاعم
الكُل ترك تجاره الاسلحَه واستثمـر فلوسه بطريقته الخاصه أنا الوحَيد العَشت بتركيا .
بدأت هـيام تكبر شويه شويه وتتعَلق بريحَانه اكثر اضوچ من أشوفها تتعَلق بيها وما تتعلقَ بية
ريحَانه روحها بيها تمشي وتروح وتچي وهيه وياها ما توكعَ هـيام من ايدها
فراس - كافي ليش تشيليها اربعَه وعشرين ساعه
ريحَانه - ادللها شعندي غيرها هيه هل واحَده.
صارت تگبر هـيام اكثر وأكثر ما انكـر من أشوفها تلعَب وتكبر كلبي يرفرفَ عليها بـس اكو شي يمنعنَني اتقربلها وابيـن حَبي الها
كبرت وصارت تلغَي اربعهَ وعشرين ساعه متسگُت ريحانه حاطتها بالمطبخَ تطبخ وهيام تلغَي فوك راسها بكلام مو مفهوم
ريحَانه - شبيچ يا امي مخترعَة لغه جديده وحدچ
هـيام - انوو هو ان
تأشر عليه بأيدها بمعنى " شيلني " سوالفها تسودن الواحَد مشيطنـه تشيطنَ وريحانه تموت عليها تركتها ورحَت اشتغل اخَاف على هـيام تدفعَ ثار افعـالي مثل ما دفـعَ اخوي صار افعـالي لازم احميها وما اطلعها ..
نايمـين أنا وريحَانه واندكت الباب علينه فتحتها ودنگُت اگنبـص من شفتها هـيام تمسح بدموعها طفرت بسرعه تحضني
فراس - شبيچ بويه؟
هـيام - سفت هلم موهلـو
فراس - شنو من حَلم؟
هـيام - وهش ياتلنـي ( وحَش ياكلـني )
ابتسمت وردت أشيلها بـَس ريحانه طفرت من الجربايه شالتها تتفحَص بيها وتسئل
ريحَانه - شبيچ امي شبيچ ليش تبچين فراااس شسويتلهااا
فراس - شافَت حلم لا تتخَبلين ريحَانه
كعَدت ريحانه تقنع بهيام هو مجرد حلم وماله داعَي ومعنى وجرتها تنام بنصنا
ريحَانه - كلة من وراك طفله بعدها وينها وين الغرفه وحدها
فراس - لا تعوديها تنام بحضنچ
ريحانه - ليش ما اعودها
فراس - بعَـدين من تفاركــة تتلوعَ
ريحَانه -وليش تفاركة؟ ابقى وياها منا لمن أزفها لعريـس
هـيام - انييييييي
طفرت على امها تطفر بنص الجربايه وتصيح " انيييي " بمعنى "امي " بتركـي جرتها ريحَانه مزعوچه تحجي وياها
ريحانه - ماكو انييي كولي مامااا انتِ عراقيه مامااا
هـيام - نووو اني نوووو انيييي
ريحانه - اي اي نوووو اني
هـيام - انيييييييي
طفرت على ريحَانه تصيح اني وتعَاند ما كدرت ما اضحك على سوالفها جريتها من ريحَانه رادت تگفخها رفعَت راسها هـيام وهززت لامها
انفچرت بضحك وريحَانه مصدومه
ريحانه - تررربية سززز
رچعت تتلوگ لامها وتبوس بيها ونامَت بحضنها طول الليلة هاي ما كدرت انام واني اتأمل أجمل أشياء حياتي كلها
كبرت هـيام وكبرت مسؤليتي تجاها اخاف من تكبر يردون ثارهم بيها ويكسرون كلبها صرت اتچنبها واخَوفها بسبب الضغوط لاصارت عليه ماخليها تطلع لمكان إذا مو بأيد سايقَ موثوقَ بيَ
دخَلت لغرفتَي تتبخَتر رغَم حاولت اخوفها وصارت تخَاف مني بس ما تبطل نعوصـة جانت طالعـة بسوك وريحَانه بلكوه تتطلـع لسوك تكره تركيا ..
اباوعلها صارت اول ابتدائي وألسنه تسچل بالمدرسه دخَلت تتبخَتر وتفرش بفستانها الاحمر وماوخَه وجها احمر على أساس حاطه حمره حمره عود توالـم
هـيام - بااابا
- ها
هـيام - فثَتااااني هلوووو؟؟
- بابا السنه انتَ اول ابتدائي ومدرسه لازم تلفضـين الحَروف زين بعَد هاهيه كبرتي
هـيام - ما
فراس - هـياام!
هـيام - بابا فثتانـي هلو؟
فراس - حلو بابا حلو يموت
هـيام - ثكرررراااا لايحـه لليحانتي ( شكرا رايحَه لريحانتي )
حصـلت مرادها والمدحَ وطلعت ابتسمت عليها هـيام تشبهـني بشخصيّتها وحتى ريحَانه تكول هـيام تعلمت منك تكول ريحانتي ، بيوم نغـزني كلبي ورحَت لمحامي وكتبت وصيتي قبل لا اموت اريد هـيام تبقى بميتم بتركيا اخواني ما يرحموها ولا المتانيها بالعراق يرحموها ..
آمنت مستقبلها وسچلت كل املاكـي باسمها بـَ الأكثر الأملاك بتركيا وكلهم باسم هـيام ..
" هذه الدفتـر بعَد مماتي يذهـب إلى اختي سماهر "
*الحَاضر *
شعور غـريب تعَرف قصه حياه امك وأبوك تعَرف موعد ولادتـك حياه ابـوك قبل لا يتزوچ خَلص الدفتر وچـفَ الحَبـر انتهـت الأوراق ..
چنت اقراء واحَس روحي رجعت لدفئ وحنان امي ابوي الچنت اكول ما يحبني طلع يحبني من جنت انضرب جان بس لان اطلع وهو يخَاف يأخذوني
رچعَت ابچـي واشهك ابتسم من أتذكر يحبني وامي اخـخَ
هـيام - وجــع روحَـي شوگـــت يسگـــن.!
الدفتر انملئ بدموعَي القلم قدييييم قديم الكتاااابه قديمه ومتـربه حياتـه كلها ذاكرها او ذاكر فقط المواقف الي بباله چزعَت روحي من البچي
هـيام - ليشششش كتيليييي ليييييش ما خليتيننييييي ابقى غشييييييمه اخخخخخ يمممممه كلبيييييي يوووووووجعني
سماهر - گـدرتي تفَسرين الصار؟ ابوچ قتـل ابـو شاهـين واخوان شاهــين قتلو عمچ ابوچ رجع الثار بولـد هـيدعاء وانتِ ثارهـم بولد هـيدعــاء ..!!!
هـيام - حتى شاهين حتى شاهين كسرني؟؟ كلهم كلهم جنت ضَحيه الهم اني؟
سماهر - عرفتي بـس سبب الثار ما عرفتي الاشــياء الاخــرى..
هـيام - يعـني معقـوله؟ كـل ذاك الحَـب چذب؟ كلامـه چذب؟ يعني كل هذه ثار وبس؟
سماهر - عمچ جاسر اتفـق هو وشاهين يقتلوگم كلكم شاهين ثار ابو عامِـي عيونه وهم كلهم مجرمــين!!! ، تردين تعرفـين الباقي..؟
هـيام - مااااريد مااااريد الله يخليچ كاااافي علييييية وجععععع كاااافي وجععععع كااااافي وجعععععع كافي
هـيام :- دخَـيلـك يارب عَيني اعــز ثنين على گلبــي گتلــو اهـلي!!!!!!!.....
سماهر - بوقتَ الي طلعتچ ريحَانه من البيت وبقَت هيه وكعتـي بشارع تعرفين منو نقلچ للمستشفى؟
ابتسمت تباوع بعيوني عيونها ممليـة دموع بس تگابر تبچي رجليه صارت ترتعَش وروحي ترچف يمه كلبي دخيلك ياربي عيني راح اموت من الوجع
سماهر - شاهــين!!!
سماهر - اي شاهين لا تستغَربين ، انتَ ما دخلتي مستشفى الأمراض العقليه لان انتَ مريضه وتتخيلين دخَلتي لان هم خبلوچ هاي توجع حَـيل هـيام بس لازم تسمعَين رسـل جانت تحطلچ أدويه مهـلوسه من شاهين!!!!!!!!!!!.
هـيام - شـ شنو؟
عَقلي وكف كميه الاجرااام والقرف الي أنا بيَ!!! هذه الشخص الي يحبني ويعشقَني طلع هو مسوي كل هذه بيَ!!! جنت خايفه أكله أنا داخلَه مصح وطلع هو سبب دخولي اله؟؟
هـيام - لاااااااااا لاااااااااااا عفيه كاااااااافي دخييييييييلك ياااااااااارب دخيلللللللك يااااااااااااارب اررررررررررحمني دخيييييييييييلك يااااااااااارب اررررررررررررررحمني .
سماهر - كااااافي اعررررفي الحقيقـة!!! ، شاهـين كان سبب دخولچ المصحَ جااااسر وشااااهين جانوووو يمثلووووون عليچ موووو اكثرررر!!! جاسر خططط لقتَل ابوچ وامچ وشاهين امنله الطريق واتسترررررر على جررررريمته كللل هل وقتتتت هو يعررررررف قااااتب اهلچ وسكتتتتتتتتت
هـيام - لاااااااااااا اسكتتتتتتتي الله يخليييييييييج كلبي كلبي يمممممه كلبي رااااااااح يووووووووكف كلبيييييييييي دخَيلك يارب ارررررررررررحمني دخيلك يااااااااااارب دخـيلك ..
اصيح وأدم والطم على صدري ابچـي واشهك جرتني من ايديه كعدتني كدام حاسوب وفتحَت فيدو كأمره أربع أشخاص داخَل بيتنا اعرف بيتنا اعرفه!! شخَص واكف يم الباب الورانيـة مكمم وجهه وأيديه ومتلثم بـس اعرف عيونه!!!
صرت ابچـي واشهك كلبي راح يوكل يارب ارحمني والله ما أتحمل بعد
هـيام - دخـيلك ياربي الچان يضمـد جروحَي طلع هو سببيهن!!!!!...
وخرت القرص ودخَلت قرص جديد صوت شاهين وعمو جاسر يحجون
جاسر - الك عين وتخطبها وانتَ قاتل اهلها
شاهين - انتتتتتَ چتاااالهم
جاسر - اي صح وانتَ ابد ما الك ذنب؟ هههههههه
شاهين - چلمه ما الك مو وحدي اطيح بالنار أنا ذيب المــوت ما اهـابـو رايدنـي اهابـك الك؟
جاسر - أنا چتالهم بـس انتَ جنت تدري أنا راح اكتلهم مو صح؟
شاهين - ادري ونص چلمه ما الك سر مات من سنيييين لو شنهو يصير ما ينفتـحَ صم حلچك ما كبل وانچعم
سماهر - عندچ كل الادله شلون ما تحَاسبيهم حاسبيهـم
.......
كاعدين بصاله المحكمـه ننتضر الحگـم بعد مرور شهر كامل انحگـم عمو جاسر مؤبد واليوم محگمـه شاهين .!
كـلبي متلوعَ وطول هل شهر أنا من مستشفى لـَ مستشفى شاهين جان معتقَل وما شفت خلقتَه قدمنه گـل الادله باصواتهم وصورهم وتهديدات عمو جاسر لابوي من جان بتركيا
كلبي متلوعَ محكمـه عمو جاسر جانت صعَبه شخَص بمثابه ابوي چان واگُفلي بكلشي من دون عمامي اخابره ويهتملي
هـيام - اكثر ثنين چنت سانـده ضهري بيهم گسرونــي .
طلعَت اني وعمه سماهر ولد عمامي وعمامي كلهم بسياراتهم لابسه كله اسود وكعَب اسود وشكلي صلّب بس منو يدري الهوسه البگلبي ؟
.: ماعِندي واهِس للحَچي
مِن برّة تِلكاني ابتسِم
ومِن جوّة اطِك مِن البَچي
مابيّة اڪمِّل هالدَرُب
تعبَان ، خلوني انتِچي
وصلنـا المحگمـه وكعـدت اشوف عمايـم شاهين موجودين والزلم علي وعـمر درت عيوني عنهم چزت روحي منهم .
چابو شاهــين وما حَطيت عيني بعينه كلبي يوجعنـي وروحَي انتهت تعبت ايديه يرتعَشن وروحَي ترچف كل هل وقت جان يدري وضـم علـيه!!!..
دخلنـا لقاعَه المحگمه وگلمـن اخذ مگانـه المحامي مالتهم يدافـعَ والمحامي مالتنـة يدافعَ تقدمت كل الادله والأصوات
* تم التحفظ على المعلومات من قبل الأبطال
- حگــمت المحَــكمه حضَــوريا بعَـــد النظـــر إلى الدلائـــل التـي وصلت أليــنا
بالحَبـــس الشديــد ولمــده خمـس عشـر سنـه رفعَــت الجــلسـة ...
السهــم الذي انغَــرس فَــي احَـشـاء العَصفـــوُر
گـان غصنـا يُغنـــي عليــه يومـاً مـــا ...
يتبع..
- يتبع الفصل التالي اضغط على ( رواية ذيب الغربية) اسم الرواية