رواية ذيب الغربية الفصل الثالث و الاربعون 43 - بقلم طيبة وليد
Part 43
بـسم الله الرحَــمان الرحــيم
& ذيب الغربية
بقلم - طيبه وليد
"""
-يجي وكت العتب وأتعاتب وياك
وأخليهن كبالك وحده وحده
اجرح بالعتب ما اجرح بسيف
لان جرح العتب محد يضمده
مو كتلك تره هالدنيا دولاب
اذا افترت عكس حيلك تهده
"""
" عـلـي "
كاعـد جدام عمومتـي ادحك علية وهو كلبو مفرفَح
علي - دحَك هـي عَش تنگر؟؟
دحگـلي بنضره عَـتب نزل البطل من ايدو يهـمس - سوتها النبض
دحكـتلو عيونو الحَمـرة وشعَـرو المخربط چاعدين بـَ الساحه أنا ويا البطل ما ينزل من ايدو
علي - جيبوووو لهل سم تا تموووت روحك
- اناااا رايد المووووت خلصت عمري ارگُض ورا وما طايلووووو
سكتت عَنو مو بوعيو هساع وكلبو تعبان روحو تعبت فراگ اختو وصاحب عمرو وهساع مرتو واه يا كسرة مرتو والسلف كلو يدري هو مجنون بمرتو وهساع گُسرتو اچتو رسايل على تلفونـو فتحها بدون لا يدحك منهو أجاني صوت بنيه من تلفونـو
تصيَح وتشهــك وتبچي وتتوسلو يسمعها تنگر مو هيا الي سوت هـچ ترك تلفونـو بصفو وصار يشرب بخبال اخذت البطل من ايدو صار يلطم على وجهو باثنين ايدينو
شاهين - گُــلبي كُـــلبي ياهـــو اليبــــرد نار كُـــــلبي!!!!
لطم على وجهو وصار يبچي اخذ تلفونـو ووكتب رساله ما دحَكت شگُتب رجع راسو على الحايط الوراه يبچي شوفتـو بهل حاله كسرتني
شاهين - عَــشكتها من طفولتهاا وخَـانتنـي ، عَشكــها ولسه عاشكهااااا كلبي .
رجـع فتحَ تلفونـو جريتو منو
علي - عَــش تعَـذب روحـك هـچ!؟
- استاااهل استاااهل
- اتركهاااا اترررركها ذيــب
شاهين - متعَـذب ببعدهـا خـليني اروُي شوگـي بصوتها
فتـحَ الرساله واچتو بصمه فتحها اسمـعَ صوتها تصيـح وتبچي تشگُيلوادحگـلو يبچي على بچيهـا ويشهگ ويا شهگاتها مسحَ دموعو وكتبلها رساله
علي - دحـك شعتحچي! عمه هـيدعـاء ورنـين!
سگُت شاهين طافَـي من الاخـير يعَيد بصماتها ويبچي حضرهـا ومـسحَ وجهو بأيدو
علي - ذيب
- ها
- هـساع عَـش تذب التهمه على هـيدعاء ورنين؟؟
- صووووور صوووور بحضنوووووو جابووووو جابوووو لرنين؟؟؟؟ لهـيدعااء؟؟؟؟ لحرررررمتي لحرررررمتي الحامـل لحرمتـي الميت بشوفتهـا لحرمتـي العايـش على انفاسها الحرمتـي الميت بطاريها .
- إذا خاينتـك عَـش هساع هـچ تبچي؟؟
- ندمت..
سگُتت عنو ذيب يا يقتنـع سندتـو على چتافي وصعَـدتو لغرفتو ما يقبل يفوت
علي- عَـش ما تقبل تفوت عجل وين انومك بحضنني!!
تنهـدت من شفتو صارت دموعو تنزل وساند چسمو على چتافي
ذيب- لگـت چتاف غيري تنام علية وانا فأرشلها روحي .
وديتو لغرفه امـو طلعَـتلي تنهـدت من دحگُت حال ذيب وهـمسلتو
- منـين ما تندار يلچمـوك يذيب .
علي - أنا مو مقتنـعَ بفكره هـيام خاينتو البنوووه تحَـبووو تحَـبووو عَـش تخونوو من كالو ذيب مات صوت صريخها سمعو البثالث فرع!.
ام ذيب - وانا سهله عليا يعّـلي؟ بنوووتي هاي بنوووتي معزتها بمعزة زمرد وهساع خسرت بنواتـي ثنينهن واحده لفهـا التراب واحده تا ما ادري بحالها وابن بطني؟ سهـله علية موت اختو وصديقو وخيانه مرتو وخساره وابنو!!!
علي - گون لچن صدك خاينتو وإلا خافَي بـس من حوبتها .
تركتها وطلعت من البيت رگبت سيارتي وطلعت لبغداد تعَـبان من فراگ زمردة وحـر وهـساع كلهن التمـن علينة طر الفچر وصلت المكان وكملت شغلي وحَز بكلبي اروح أشوف خَمريـتي .
وصلت لباب بيت زهـراء ودگُيتو طلعت خـمريه تدحگلي بعيونها التمريه وتاخذ روحي بشوفَه وجهه
علي - اعَـشك شگارچ الينشاف بشمـس خَـمريه .
يمامه -عليييي
- يا روحَـو وكلبو
گلبت عيونهه وباوعتلي تنهـدت - ادخل
- لا اروح
- ليش؟
- تعبان خمريه
- ارتاح لعد
علي- ارتـاح بس بحضنچ
يمامه - علي كافي
علي - خمريتـي بابا انتِ خمريتي أكف بنص اصيح هاي البنوه خمريتي؟؟
- كافي روح مو صوچك صوچ النطتگ وجهه
- صوچچ من اعترفتلج عَش خدودچ صارو طماطه!!
- يعني إذا خدودي صارن طماطه يعني قبول لاعترافـك؟
- اي
يمامه - واو منو معلمـك الحب
علي - مو تعلـوم الحَـب ولچ ام لسان
يمامه - لسان بعينننك
- لا بحلگي
- لعبت روحي
علي - عَش خمريه عَـش؟ تا تتعوديـن من هساع لزواجنا
- زواجنـة؟؟
- اي اريد ادحـك بعيونچ بـگُل وكت وابوسچ واشمـچ خمـريه لا تحَرميني منج
- علي..
- عيونو
- علي اني مو جاهزه لهـيچ خطوه ابد!!
- مو صعَبه حبيبي
- انتقَي الفاضـك رجاءا!!
- شنهو مفشر هـساع
- حبيبي شنووو!!
علي- بله عيديها
يمامه- شنو؟؟
- عَـيدي حبيبي
- ياااربي
- خَلص كملي
يمامه - اني مو جاهزه لزواچ ولا عندي هـيچ نيه
علي- عچل ماعـيب تضحگـين على ولد العااالم!!
يمامه- علي!! ليش مستهزء ترا داحچي جدي!!
-جدي لو حبوبه؟؟
- وات؟
- انتِ مثقفه ماعليچ بهل سوالف ، كملي
يمامه - صدگني بدون استهزاء ، اني مو جاهزه لفگره الزواج والحـب ابد ابد ولا مناسبه الك
- بس؟
يمامه - عليييي ليييش مستهزء!!
-لان ادري بيچ مبادلتني العَـشك وادري بيچ حمل مسؤوليه وگُد الزواچ بَـس خايفه لا تتعَـيرين باهـلچ وهذه الشي ما يصير
- وإذا صار؟
علي- ازيـن شاربي
ابتسمـت ابتسامه اخذت روحَـي بيها دورت عيوني بوجهه الحَـلو
علي - ما چنت أمن بالحَـب من اول نضره لحد ما عيوني دحكـتلچ خمريه .
- يله كافي روح مو تعبان
علي - يروحَ التعَـب بشوفه عيونچ
- عليي
- يا كـل عــمره
- استغفرالله
- خمريه
- ها
- هـيام
قاطعت چلامي وصاحت بفزعه
يمامه - شبيهااا شبيهااا هـيام بيهااا شييي؟؟؟؟
دحگُت بعيونها الخوف وهـچس كلبي الوجـع هـيام مو هـين وخمريه ما تدري ذيب طلك هيام
علي - ما بيها شي خمريه تسلم عليچ
- يمه كلبي وكـع شچاك صفَنت اجيت اوكع من الخوف
- صفنت بچمالچ خمريه
كلبت عيونها ضحكُت
علي - خمريه ارحَميني وانطيني رقمچ
- ما
- خمرية!
- ماكو يعني ماكو
- ادز امي تخطبچ؟
رفعَت عيونه تدحگلي وتضيعني بيهن
علي - هـل عيون التـــمريه شعَمــلت بحـالي.
دحگُتلي ونزلت راسها
علي - ادز امي؟؟
يمامه - علي وراي جامعه اني
- كمليها هـين
يمامه - اريد أكملها بتركيا هنا ما مرتاحَه اني
علي - خمريه ما مرتاحه لان البيت مو بيتچ بس من تصيرين حرمتي يخَتلف الحچي
يمامه - علي اني وياك من عالمـين مختلفَين كل الاختلاف مثل عمار ولمار بنات مثلنا ما يتوالمن ويا زلم مثلكم!!
غمضت عيوني اسمـعَ واهچس كلبي صار يورني ور
علي - خــمريه أنا مختلف عنهم!!
- بشنو مختلف؟
علي - بكلشي
يمامه - ما اكدر علي اصبر مو هسه
علي - چثرت المطبات بدربنـا خمــريه .
تركتها ورحَت لسيارتي اهـچس كلامها يرن بأذني خمريه باني إحلامـي كلها عليها وهساع شلون! تسافر؟ وانتَ علي شلون عتعَيش؟
انـطر راسي طر من التفگير لين ما وصلت البيت دحگُت شيـخَ موجوده ورنين وذيب كاعـد الشيـخَ يعقدلهم عمه نور تصور بيهم وعمـتي هـيدعاء مبتسمه خَـلص العقل وتم وتسچلت رنين بأسم ذيب بارگو بهدوء بسبب وفاه زمرده وحـر وطلعو ادحك راحت رنين حبت أيد امو لذيب وردت اخذت أيد ذيب جرها منها وردت اخذتها باستها
رنـين- واخيراً صرت حرمتـك ذيبي
ذيب - شنهووو هل چلاااام
رنين - ذيـ..
ذيب - اگضبي لسااانج رنين احَـسن من ما اكضبوو اشلعو
تركها وطلعَ ردت تباوع لام ذيب وام ذيب صافنه تركتهم ورحت أشوف ذيب ادري هساع وين روحو متعلكُه دگـيت باب غرفتو ودخلت رفعَت عيوني أشوف صور حرمتو بكُل مكان بالغرفه وهي تضحك وهي نايمه وهي تأخذ صور وهي طفله وهي تتمشى بكل مكان
چان هو وعمار ساگنيـن تركيا بسبب شغلهم چنت اعرف بقصتو لحبها لهل طفله چانت طفله عمره تصيح وتعَيط وتتعارگ عمومتـي طاح على وجهو بيوم الطيح البنوه بالكاع
من يومها وهو ما يفارگها لحظه يحَير شنهو يشتري وشنهو يودي يروح يسأل امو ويشتريهم ويزتهم چدام الباب ينتظر يشوف رده فعلها بس ولا مره اختلفت كل مره تدفرها برچلها وتزتها بزبل وهذه الشي خبله بزايد بحبها
عشكهـا عشَك مخابيل متسودن بعَشكها السلـف گلو يدري عمومتي ذيب عاشگلو تركيه وما ييعبر الشعر إذا مو يدحك العاشكهـا ياخذها صور بـگُل مچان وساعه وزمان ومن يرجع لبيتو يضل يدحك لصورها
امـو چانت تشوف گلب ابنها متعَـذب چثير تحبو لشاهين تدعيلـو واطمنـو تساندو يروحلها وما يضل معَلعل بفراكها كل هذه العشك وهو ما يعرفها منهو يصدك؟؟!!!
لچن هـساع شلون عينسها؟ گُل صورها طبع سواها وعلكهن بحيطان غرفتو لچن منين ما يندار يدحك عيونها لازم زينب بنتو لصگر واگُف چدام الحايط يدحك لصورها واحده واحده
علي - هساع ارتاحيت؟
شاهين - لا
علي - عش تزوجت رنين؟
شاهين - لچن كلبي يبرد
- برد؟؟
- لا
- وهساااع!!
إندار يچاوب اندگ الباب دخلت رنين وسعـت عيونها كل قوتها من شافت الغرفه كلها صور حرمتو ادحك عيونها انملت بدموع نزلت راسها
ذيب - عَـش صعدتي؟
- عمه كالتلي
- أنا گلتلچ؟؟
- ذيـ..
شاهين - جاااوبي
رنين - ل . لا
- عچل عَش صعدتي هساع
رنين - عمه گالتلي
- اطلعععي
رنين - ذـ ذيب
- اطلعععععي
اندارت وطلعت من الغرفه
علي - مو هـيچان!!
شاهين - ولا نص چلمه
علي - هـيام مو ببيت عمومتها
شاهين - ادري
- شدراااك!!!
شاهين - ما تركتهـا لچن أخذوها
- وهساع شنهو ناوي؟
ما چـاوب نزل نفسو يبوس زينب
علي - زينـب تشبهه هيام
رفعَ عيونو يتمعَـن بوجهه زينب حب عيونها وخدودها وشمها بشوغَـه
شاهين - ماكو بنـوه تتقارن بچمال حرمتي
علي - حرمتـك تحرمت عليك
رفعَ عيونو خزرني وسگت
علي - ذيب
- ها
علي - حرمتـك خانتك انساهـا
زت زينب على الجربايه ودك على كلبو بقوه
شاهين - موووو راضي يستووووعب مو راضي يوووووكف عن حبهاااا حبهاااا ساكن روحي حبهااا صار دوه لجروحـي گلبي الملياااان جروووح هيَ داوتووووو ذيب أليزت نفسو حدو الموووت صرت اخاااف على روحي لچن عندي بنوووه كلبي ورااااي .
صرخت زينب من صراخو شلتها اسكت بيها نزلت وتركتو يعيش انهيارو وحدو طلع من غرفتو يصيح التلفون وين اجتو رنين انطتو تلفونـو تركها ودخَل لغرفتو راحت حدر رچلين امو لشاهـين تتوسل بيها تقنع عمومتي يدخلها الغرفه وما دخلها غرفتو مر اسبوع وهـي حرمتو ولساعها ما داخله غرفتو وهذه الشي مستحيل بعاداتنا وتقاليدنا بـس هساع ابن امو وأبو وفنـو اليحاچي ذيب
دخَـل ذيـب للبيت يدحـك على رنــين موسـع عيونـو ايدو ترچف وگـفت رنين گدامـو تتراچف منو
شاهين- انتِ سويتيها؟
رنين - شعـ. شعـسووي
رفـع ايدو وضربها كف على وجهه چرهـا من شعرها يضرب بيها بدون رحـمه گأن الگدامـو زلمه مو بنـوه لزمتـو عنها دفعنـي لزمني أبوي
عمر - زلمه وحرمتـو لا تدخل ابني
بقيت باهـت ذيب يصرخَ عليها تحچي وهيه تبچي وتصرخَ ما مسويه شي
چرهـا من شعرهـا سحَـلها لساحه وطلع سلاحـو صاحت امو برعَـب وحبوبتي امـي صارت تتراچف من خوفها واگُفين ومحد بينا يتجرأ يتدخل
رمـة طلقتـين بـَ الجو ولتمو عمومتـي ونساوينهم لطمت ام رنين وأبوها ركض يجرها من أيد ذيب ترك ذيب رنين وضرب أبوها وكعـو بـَ الارض حركاتـو مو صاحَيه جر رنين وحط سلاحو براسها
شاهين - اخـر فرصه تنطقـين الحقيقــة.
شهگُت وبچت تتوسلـو يتركها جر أقسام
رنين -موووو اناااا موووو اناااا عمه هـــيدعاء
- شنهوووووو
رنين - عمـه هـيدعاء الدخَـلت زلمه على حرمتك موووو اناااا مووووو اناااا اتركني اترررركني ابوووس رجلك ذييب
عيونـو صارو حمر ورعَشه ايدو زادت ضب ايدو على شعرهـا صاحت بوجع ورچعت تگملو ببچي
رنين - اناااا بس احبببك ذنبي بس احببببك صدكني موووو اناااا هيــدعاء .
شاهين - شلون شلون سويتـو هچ احجــي
رنين - چنت ما موجود انتَ وهيه يمنه ترگتها بموت زمرد حضرت الها عصير وبيَ منوم من عمه هـيــدعاء انطتو ألي وهيام نامت وعمه هـيدعاء دخلت الزلمـه عليها .
رادت تگمل وطكهـا على شفافهـا
ذيب - والله واناااااا غاااااااااسل عاااااااااااارج اليووووووووووووم
ادخلنـا كلنا نفگها منه وأبوها تسودن من السمعتـو اذنو ومن موت بنتو تسودن جرها عمومتـي ابو عمار من ايدو لشاهـين
ابو عمار - استهـدي بالله شااااهين!!
شاهين - على بنوووووواتكم تراااااجفتووووووو وأختي واختتتتتي ولكمممممممممممممم جلاااااااااااااااااااااااب
صرخها لزمتو طگني وكعَني لزم ابو عمار وطگو على راسو بسلاحو البنوات يصرخَن والزلام يصرخـون شاهين گل الچدامـو يضربـو
راد هـستو يوصل لرنين وجرتها امها دخلتها البيت ركض شاهين وراها ورگضت وراه الزم بيَ ما ينللزم متسودن عگل ما ضال براسو
ضرب المفَتاح بطلقَه بسلاحـو وانفتـح دفرها ودخَل جر رنين ضربها راشدي وصاح
ذيب - گلمـن يدخل انااا چتالو اليوم ولگم چلاب
وگفـو بدون حركه نص الزلام تزهـبو تا يأخذون ابو رنين وأبو عمار الضربهـم شاهين والباقَي يخافو يتدخلـو لزم راس رنين ورگعـو بالكاع كل قوتو ضربها ضربات الزلام ما تحملها شال الگرسي ورگعـو على رنين فلشة عليها
رگُضت ادخلو لزمتو أسيطر علية
ذيب - اتررررررركني علي اترررررررركني
علي - اترگگ تا تكتلهاااا اتركها ماتت البنووووه ماتت
ذيب - چتالهـن ثنينهن اليوم أنا
طگني راد يرجعلها گتفتو من وره ألزمـو
علي - اتررررركها
ذيب - خسرتـــني عشـك الطفــوله .
طگني وتركها وطلع عرفت طلعتـو رايح لعمـه هـيدعاء رگضت وراه الحگـو لگيتو يدفـر بـ الباب ويصيح
ذيب - افتحووووو الباااااب جلااااااااااااب
رفـع سلاحـو على البيت وسحَـب أقسام ويرمـي على البيت گسر الچام وأصوات الصريخَ من داخل البيت ما وكفت رمى على قفل الباب وفتحها دخـل يرعَـد رعـد من عصبيتو ومنهو يلومـو؟ لو ما خايف عليه تا لزمه ما ألزمـو .
ادحك لعمـي الواگف بساحَـه ناطرنـا
- احترم شيبتي ذيب!
ذيب - وانتَ منهو واحترمك؟
- ذيب!! انااا عموووومتك!!
ذيب - عمومتي؟؟ وينوووو عموووومتي يوم ذبحوووو اختي وينووووو عموووومتي يووووم حررررمتووووو دخلت زلممممه على حرررررررمتي چتتتتااااااااااااالكم انااااااااا اليوووووووم
- مهبووووول مهبووووول
ترگو ذيب ودخَـل لداخل البيت اول مره بحياتي ادحك هـيدعاء هـچ خايفه وتتراچف!! دحگلهـا ذيب ومشى ليمها
هـيدعاء - ذيــــب احترم شيبــــــتي!!
شاهين - احترمها احترمها
حجاهـا ودنـك يأخذ سچينه من الكاع
شاهين - انحرچ نحَـر لچن ما نحرو زمرد
رگـض عليها ودخَل الولد يلزمـو وانا منهم نلزمـو وما گادريلـو متسودن ما يدحك غير هيدعاء بالمچان
شاهين - عَــــش عـــــش!!!! عـــــش سويتووووو هـچ بيااااااا شعااااااملچ اناااااا شعااااااااااملچ خلصتوووووو لعمررررري واناااااا ادحك بصورهااااااا ولچن ما صارت حرمتي تاخذيهاااااا منيييييييييييييي
ادحگلو صار يضرب بينا ضرب واحد على عينو صرخَ وتركو واحد ضربو بين رجلينو وترگـو طگني وشخَط ايدي بسچينه من الزنـد لچف الايد
شاهين - عششششش!!!
هيدعاء - انـا سويت هـچ بينا ثار وزتيت الصور لعمومتها .
شاهين - وانااااااا شنهوووووذنبــي!!
هـــيدعاء - ما چــان الك ذنـب بصار يذيب حرمتــــــك السبب!..
شاهين - وكعتيهاااااا ضحَــيه لافعَـالچ ولچن اليوم أنا چتالچ .
سحب سلاحـو من الارض وضرب طلقـة بصدر هـيدعاء .
صرخ عمومتـي ودخـلو الزلام كلهم يدخلون يشيلوها.
علي - شعتسووووي هسااااع ذيب اشرررد اشررررد
شاهين - شلون أرجعها؟
علي - كتلت هـيدعااااااااء!!!!! رووووح روووووح
شاهين - شعسويلهـا وتسامحَنـي؟
ترگتي وطلع يردد بهل گلمات بينة وبين نفسو عقلو فاصل بـس بهيام ولا چنو دخل نص السلـف مستشفى هساع!
ركـب سيارتو وطلـع ما گادر الحگو ايدي تنزف دخَلت البيت دخلتني امي تضمد ايدي وتتحَـسب على هـيدعاء ورنين
- حَـسبي الله بسم شلهـم مدخَـلين هل طفله بثارهم!!
علي - أنا من البدايـه مو مقَتنـع البنوه تصيح وتبچي إذا خاينتو عَـش تبجي عليه هساع خل يفيدو راسو المحجر
- عيب عمومتـك علي
علي - يمـه حوبتها تكتـل شوفي شعمـلت بيهم!
- حوبه يتيـم ومضلـوم شلون ما تگتـل انگشف الموضوع بسرعه تا .
تركتها وطلعت لساحَه اتصل رقم غريب رديت عليه
واجاني صوتها
خمــرية - عــلي؟
- عيونـو خمريه
- جنت تعرف وضام علية؟
سگـتت وما گادر ارد اخذتـو لسكوتي جواب
خمـريه - ياااا قذررررر ياااا منحَـط ياااا اسفل خُلق الله كل هل وقت تدري وضااام عليه؟؟؟ أجيتنـي لهنا وتريدني أتزوجك وهيام بياااا حال بسببب عممممك!!! ياااا نذل يايا حقير روح روح زيـن شاربك لان طلعَت مثلهم بچذب أستاذ لو تبقى آخر رجال بدنيااا ما اباوعلـك بطرف عيني بعد .
غلقتو بوچهـي رجعت ادك حضرتني اهـچس الألم تسلل بوسط ضلوعَـي والحَـسره تعبتني سمعت صريخ امي رگضت أشوفها
- تعال علي تعاااال زينب مدري شبيهااا
ادحـك على زينب مزورگـه والدمع چـاف على خدودها شلتها بين ايديه وطلعت ارگُض للمستشفى وصلت بسرعه ودخلناها طوارئ
طلع الدكتـور طمنا ما بيها شي واختنگت وهيه تشرب حليب
هدأت ورحَت اخذت زنوبه أبوس بيها اخذتهــا ورچعت للبيت
امـي خايفه ناطرتنـا بساحه
- شبيها شبيها
- مخنوگه بالحليب مابيها شي العزيـزه
اخذت زينب مني تبوس بيها تركتها ورگبت السياره وطلعَت ادور على ذيب وين عيروحَ دورتو بكل مكان نروحلو ما ألو اثر اتصلت عليه ما يرد
رجعت للبيت تعبان اريد اصعَـد الدرچ واسمـع صوت بچي من غرفه ام ذيب
ذيب - يمه رايد الموت ولا فراگها
ام شاهين - عَش هـچ سويت يما؟ مو تدري هـين الكل يكرها
- صور جابولي صور صووور
- ترچعلـك يمه هـومتك تحبك
ذيب - هومتي مو؟ هومتـي تبقى هومتي وما تصير هومه واحد ثاني؟
- ما تصير يمه عيونها ما تدحك غيرك
- وإذا دحگـت..
- ما ادحـك تحبك رغم گلشي سويتـو بيها اتصلت بيك وحاولت
ذيب - وانا شسويت؟ صديتها؟ حچت چلام يرن بأذني يمه
- شنهو الچلام؟
ذيب - وحـك من انزل القرأن على صدر رسول الله
إذا سويتها لخـليك تبچي دم وتعَـض اصابيعـك ندم .
- سوتها يمه رحَت تبچي هساع يم بابها وتصيح مثل المهبول وهساع جاعد تعض اصابيعـك ندم
ذيب - ترگتـني هساع ما تحبني نفرتـني
- ترچعَـلك هـومه تحبك شاهين
ذيب - ما باقيلـي غيرها وغيرچ اذا رچعتلـي اخذوگم ونروح بعَـيد
- يوم السعَـد هذه يمه
ترگتهم وصعدت لغرفتي لاگتنـي امي دحگُت عليه وهمست
- دريت؟
علي - بشنهو؟
- رنـين صاير عدهـا شلل رباعَــي ...
" هــيام "
نايمـه بغرفتي وحالي احَـسن بدأت أتقبل الواقـع بعد مرور أسبوع تام عَـشت اصعَـب ايامـي بية خلصته كله بالمستشفى لحَـد ما هسه صرت احـسن
نرجع للماضي شويه؟
گعـدت بغرفتـي والاوگسچين على خشمي بلگوه أتنفس ألم براسي قوي بلعومـي بلكوه اتنفـس وعقَلي مگُان ثاني يسولفلي " شاهين صار بإسم واحده ثانيه "
.: كَيف للانسَان انَيبقَىٰ
وهادئاً بينما فِي جوفِهِ براگين ،؟
دخَلت ممرضه تحچي وياي بس ما اسمع عيوني مغوشـه ورجع اغمـى عليه
مرت ثلاث ايام اني بالمستشفى اكعد اصرخَ وابچي وارجع يغمى عليه لا اكل لا نوم لا شرب لا راحه!! خسرت راحتـي وخسرت الناس راحتهم عمه سماهر ورجلها تعَـبو كلش من وراي
دخَـلت عمه سماهر للغرفه كعدت كدامـي وحطت ايدها فوك الكانونـه
سماهر - لشوگـت تبقيـن هـيج!!
- مااكدر مو بيدي والله مو بيدي تعبت من روحي..
سماهر - هـيام شاهـين تزوچ وعايش ايام العَـسل ويا مرتو هـساع وانتِ تضلين من مستشفى لمستشفى؟ دحگي روحچ يا غبيه
دحگي وجع راسچ! وهو راسه مرتاح وبارد وحاطه على صدر مرته
دحكـي گدمات وجهچ! وهو سببهـن
دحگي الگانونـه البيدچ! وأيده هسه حاضنه غير ايدچ
دحگي عيونچ المورمه علي من البچي! ودحكـي عيونه المرتاحــه
دحگي ضعفچ! ودحگي هو شلون يأكل ويشرب ومرتاااح
دحگي طفلچ الخسرتـي! وهو راح يصيلـو طفل من غيرچ!!..
بچيت بقهر وجزعَ وتعَـب كل كلمه تحچيها تطلع روحي عمه سماهر حاربتني محَاربه بـَالمستسفى أطب وتطلع تحچيلي شلون مرتاح ويا رنين شلون سعيد شلون ميسئل عني
سماهر - ضلي صلي ابچـي هههه
خَلـي هو اليبچي عليچ ثوله!!
- ماااريد ماااريد اريد اطلع منا تعبت
سماهر - هـو لو يحبچ مچان صدگ صور وما صدگ حرمتـو!
هو لو وفَـي لحبچ مچان نايم بحضـن غيرچ هسه!
اكررررهي اكرررهي بددلي هذه الحَـب لـَ الكرررره!!!!!
وفَـعلا مع استمرار كلام عمه سماهر كدرت اطلع نفسي من دور المتهمه من دور المثيـرة للشفقَه. رچعنا البيت وقررت قرار حَاسم ايدي بدايه جديده تماما ما باقي شي أسبوعين بـس ونروح منا وبدون رجعه للابد..!
مستحَيـل اكول كرهـت شاهـين بـَس طلعتـه من عقلي وتفگيري صار بصلاتي ودعائي أربعه وعشرين ساعه ربـي يبرئ صورتي كدام الگُل ومتبقى عليه لطخَه يارب
نرجـع للواقـعَ ..
صرت احَـسن بهواي واهم شي صلاتي ودعائي
سماهر - سلاح المؤمن بدعـاء .
وارجع ادعَي اكثر تذكرت آخر رسائل شاهين ورسائل مرته رنين ههه صارت مرته تضحك مو؟ البنيه الچنت أكله راح تتزوجها وهو يكول عيوني ماشوف غيرچ هسه تزوجها الضاهر عيونه صارت تشوف غيري؟
رفعَت ايديه ودعَـيت
هـيام - عـساك بلوعـة يعقـوب على يــــوسف
وعسانـي أشوف بيچن يوم يا رنين وهـيدعاء .
نزلت ايديه ابچـي مسحَت دموعي بسرعه من دخلت عمه سماهر
: شايف مِن تِبين عود ما مَكسور
وتِضحك وبِـ ضحكتك توكع الدمعه ؟
سماهر - تبچين؟
- لا لا
- اها
- اي
سماهر - جوعانه
- لا
سماهر - اها
- اي
سماهر - سالچ هواي ما حاچيه ويا البنات تحچين وياهن؟؟
اخذت التلفون وهيه طلعت دگيت على يمامه
يمامه - هلا هلا هلا هاي منوووو
لمار - هلا بيك وبچيتتتك هلا
بينمـا اني جاوبتهـن ببگـاء اسمع صوتهن القلق وهنه يرددن ليـش ابچي؟ شكللهـن؟ زوجي طلگتي؟ شاهين كتل ابنا ؟ صالي ايام بالمستشفى ؟ شاهين تزوج ؟
بدأت اسرد من لا وعَـي واابچي فرغت الگتمـان ابداخَـلي وما كدرت ينقَطن كلمه من صدمتهـن سديت التلفون مابيه احچي بعد ومر وقت لا بأس به حتى ان سمعت صوت صريخَ بره
فتحَت الشباك صاير كدام الفرعَ ورگزت انضاري على سياره واگُفَه كدام البيت بضبط هاي السياره اعرفها وأموت عليها هاي السياره سياره شاهين!!
: شلون انطاك كلبكَ.
هيج تكسُرِني
إني العَفت
كلشَي لخَاطر رِضّاك
وأنتَ، بكل برِود
بكِلبي تطعني .
: "كلبي بارد رغم چان
احر من لسعه الچيله
چان اليكلي شبيك ؟
ماسولفله " اغنيله"
هسه اني غير احوال
اذا أسمع عزيز يموت
أكللهم شسويله ؟.
چمدت عيوني عليـة شچابة!! ايديه صارت ترچف وگُف كدام بنـيد السياره يصيح
شاهين - اطلععععي هـيام
طلـع زوچ عمه سماهر يحاچي متعـصب وشاهين يجاوبه بعصبيه مضاعَفه رچف لساني من سمعت
سماهر - رچف گلبچ عليـة؟ راح ترچعيـلة!
- لا
- متأكده!
- اي
- ايديچ يرچفَـو
هـيام - هنه بيهم رچفه
- خاف رچفَـة من شوفه الحَـبيب؟
هـيام - كااافي كاااافي ما ارجعععله ما اررررجع
- عفيه لازم تخليچ بعگلچ انتِ هـيام بنـوه فراس مو انتِ التنذلــين!!
هـيام - دقيقه دقيقه ، هو جاي حتى يرجعني؟
- يصيح اريد هـيام شعنـدو جاي عجل؟
هـيام - شـ شلون؟ لذاگ السبوع هو ما يريدنـي!
- دعائچ جاب نتيچه إذا .
هـيام - يعني شنو؟ يـ يعني تبرأت خلص؟؟
- خلص
- صدك؟
-اي
كعَـدت على الجربايه ابچي واحـمـد رب العالمـين لان برئنـي وما خيبنـي نزيت من سمعت صوتـة صياحَ عالي مال زلم مديت راسي أشوف الجيران يصايحَـون ويا شاهين وعمو فألح هم
شاهين - اررريدها ارررربدها جيبوووووهاااا احجي وياااااهااااا
دفعـة عمو فالحَ يطرد بية ويصيح
فالح - ماااا الك بنوووو هين يلااااا ذيب يلا توووووكل
شاهين - بـس چلمه واحده احچي وياها بـس چلم...
فالح - توووكل من هيييين
شاهين - بس ادحـك عيونها؟؟
- تووووكل من هييييييين
شاهين - بـس ادحكلها من بعَيد وينها وينهااااا
- توووووكل توووووكل ذيب
شاهين -بـس اعتذرلها بـس اعتذار!!! هييييييااااااااام اســـــف هـــيـــام!!
وكـعَ على الارض يبچي عمو فالح انصدم والجواريـن دخلو بيوتهم دموعَي نزلت ويا دموعَه بـس ما يستاهل هـيام ما يستاهل متزوج هسه هو!!! متزوج!!!
شاهين - اســــف هيــــااام والله اناااا ميت بدوووونج والله هيــــام اطلعـي ياحبيبتي اطلعـي بـس ادحك عيونچ واعتذر اطلعـــيلي .
گومـه عمو فالح يحچي ويا بصوت ناصي وشاهين صافن على البيت يتفحَصه بدقـة هز راسه وركب سيارته وراح بهل سهوله!
كعدت على الجربايه ابچي وانحَـب رجعَت لنقطه الصفر والتعَب والأرهاق بشوفه وجهه لطمت على وجهي وصحت
- ليششش شفتتتي ليشششش عايزني ضيم عايزني قهرر
بعديـش جاي تعتذر؟ بعَـد ما طلگتنـي وهنتنـي وقتلت ابني؟ بعَـد ما تزوجت وخليتـني اشهد على زواجك؟؟ .. على يا وحـده منهن كلبي يسامحَـك؟.
اخذت حـب مسگن ألم ورحَت انام انام وأحلم وافز من بعدك ما شفت أمان يا حبيب النـفس
كعدت الصبح تريگـت ويا عمه سماهر وما سألت اي شي تباوع علية بنضره استغَـراب خَلص وقت اليوم ورحَت العصر لـَ لمگتب عمو فالـحَ گاعـده بية عمه سماهر دگيت الباب وگعـدت كدامها وهيـه كاعده بمگان عمو فالـحَ ابتسمت وهـمست ألي
- نسيـتي ثار ريحانـة؟
ثلاث گلمـات بـَس هـبن عواصف وجروح ورعَـد ومطر بعقَلي بلعَت ريك بخَوف وأيديه رچفَـت
- ما نـسيت
-ذيب نساچ ثار ريحانـة؟
- لـيش تحچين بثار؟ مو على أساس كذب؟؟ مو على أساس اني مريضه نفسيه وخبلـة ومو صاحَـيه وتوهمت هذه الكلام ليش تصدگين كلام واحده مختله عقليا؟
قهَقهَت بخـفة ارتشفت قهوه من فنچانهـه وگتفَت ايديهه لصدرها ميلت شفتها بحزن وهـمسـت بفحَيـحَ
- سوو هـيچ حتى يتغطوون عن چريمتهـم
- منووو منووو لا تخبلينيييي!!!!
- مسگــينه هيــام كلشي سوو اهلچ وكـع براسچ
- تردين تخبلينـي صح؟ ليش تحچين هيج ؟
- ترديـن تعرفَـين منو قاتـل اهـلـــــچ!!!!
- انـ انتِ تـ تعرفَـي؟
- اعرفـة ومعـرفه عن قَـرب وانتِ هم تعرفَـي!
- ليـش تحچيلي هسه لعد ؟؟ اگـيد تگذبين عليه انتَ اساسا ما تحَـبينييي!!
-صـــح صــح! انـي ما احبچ لان حتى من اتهـمناچ بفقدان عقلچ ودخَلتـي مصحَ ما تخليني عن فكــره ثار ريحانــة!! وانـي ما احَـب ريحانـه واكرهچ لان بنتهــه!
- شـ شـن شنـو اتـ إتهمت.اتهمتونـي؟؟
- تعَـرفيـن حقيقـه المصــح؟ لو قاتـــل اهلــــچ!
- انتِ منيييين تعررررفين!!!
- هــيام حَـقيقـه المصــح مرتبطــة بقاتـل اهـلـچ اجا الوقَـت المناسب تعرفَـين بية!
- مستحيل تعرفـين شي وتضمممي مستحيل!!!
سماهـر - قاتـــل اهلج الحَـقيقَــي عمچ چاســـــر وشاهـيــــــــــــن!!!!!...
يتبـع....
- يتبع الفصل التالي اضغط على ( رواية ذيب الغربية) اسم الرواية