رواية ذيب الغربية الفصل الثاني و الاربعون 42 - بقلم طيبة وليد

Part 42

                                    

                                          

بـسم الله الرحمان الرحَيم 

$ذيـب الغربيه 

بقلم- طيبه وليد 

"" 

الطَعنة التُوجعَك مُو مِن بشر مَكروه

مِن ذَاك العَزيز الما قصرت وياه

"" 

" هــيام " 

نطقهـة وطلع من الغرفه وطلعَو ورا الگـل بقَت الدكتوره والممرضة ما كدرت حتى استوعَب رجليه نشلن من الصدمـة وكعَت على الارض وأيديه سانتدهـن على السديـة مال الحربايه اصيحَ بأعلى صوتي اسمعَة كلامي وابررله 

هـيام - مووووو اني والله البصووووووره موووووو اني مااااااا خنتك حتتتتتى بخياااااااالي موووووو اني مووو تدرررري اهلك يكرهووووووني موووو اني شااااااااهين 

شهـَكت بصوت عالي وحطيت ايديه على الارض البارده صحَت بصوت شقَ أحبالي الصوتيه من قوته 

هـيام -  ماااا رااااح اسااااامحك وعـَــد مني ماااا رااااح اساااامحك راااااح اندممممك واخليييييك تعَض اصااااابيعععععك ندددددم!!!! 

ادك بأيديه على الارض واردد بكلمه " ما راح اسامحَك " انكـسرت انبعَت!! " هاي المشاعر موتت روحي اتراهـنَت عليه حتى ويا روحي وكسرني كل عمامي حَذرني من أهله ومنه محَد حبني بذاك البيت كل يوم تعَيرت كل يوم انهـَنت شبعَت ضرب واهـاين رجعت لايام الطفوله .. استلمـت لضلام 

كعَدت واني بنفَس مكاني وغرفتي والباب مسدوده ألم راس ذبحَني ذبـحَ اريد استوعب بس بليله واحده فقدت ابني وزوجي سعادتي وراحتي؟؟.. 

دخَلت ممرضه تفحَصني باوعتً عليها وحطيت ايدي على بطني احجي وياها بعَدم استعَاب 

- ابني عايش موو؟؟ 

- مات.. 

- شوكت مات! 

- من وصلتي هـين الطفل ذابتـو وتعَرضتي لضربه خفيفه على رأسك تكدرين تطلعَين من المستشفى العصر بعد الفحوصات 

تركتني وطلعَت ، هيه هاي تاليها؟ هاي تالي الحَب؟ هاي تالي المحنه؟ حتى ما خلاني ابرر! ابسـط حقوقي سلبها! قتل ابنه! 

بهـل لحظه سمعَت صوت كسره كلبي! وحَيدي بها مستشفى! لا اعرف مكان ولا اندل تركني وحيده!! ما كدرت أسيطر على روحي ورجعَت نمت 

َـ: خِايفين وياهَو يدري بخوفنا

أَحنا شوَياهوَالنحبة يعوفنة .

كعَدت مره ثانيه على صوت الممرضه طلعت وياها سويت التحاليـل ورجعَت كعدت بـَ باب المختبر ادور بعيوني بين الناس ادور شاهين 

عقلي مو راضي يستوعب تركني! طلكني! قتل ابنا..! ما اي صلة تربطني بيَ بعَد!! انتهـينة..! ليش مو چان يسميني النبض؟ .. 

:- ليـش هَــنه النبض والكلب ينفصلون عن بعض؟ لعَد احنه ليش انفصلنا. ؟ 

                                  

           

                

مو اني البصور والله مو اني عَيوني صارت تنزف مو تبچي عَقلي مو راضي يستوعَب اني وشاهين انتهـينا ..! 

بهل سهوله انتهـت؟ 

وايامنا والعشره؟ 

بهـل سهوله انباعَت؟ 

مو يكولون ضربتين على الراس توجع؟ من كثر الضربات الصارتلي كلبي ما احَس بيِ وجع وجع ياگلني اكل بس ما اندل الوجع وين!! 

انمَدت ايد على كتفي انداريت وشفت مرأه كبيـره بلعمر كعدت بصفي وحچت 

- عَش هل عيون الحلوه تبچي 

- تركني 

- منهو 

- زوجي تركني 

- هو الغبي عَش تبچين هو الخسرچ 

هيام - هـو واعَدني ما يترگنـي 

- بـس ترگچ 

زدت بـَ البچي لازمه بطني وابچي راسي يون عليه من الالم من صعَوبه ومراره الموقف الاني بيَ حَسيت بيتمتي للمره الالف وينـك بويه ترضاها وحَيدك هيح يصير بيه؟ ادري بيك ما ترضاها ؟ ليش ما اخذتوني وياكم ؟ ليش خليتوني وحدي؟ المن خليتوني 

.: وصيتمن يابويه بيه

وصيت عمج يالبنيه

بويه عمي لبناته مو أليـه

- خاله اهـلج يونهـم؟ 

هـيام - ماعندي اهل ماعندي ميتين تركوني تركوني وحيدي بهـل دنيا لا عندي سند ولا عندي كلشي وحيدي 

شبگتنـي المرة واني انفچرت بحضنها ابچـي واصيح اريد امي ساعه اريد شاهين 

- بعَد كل الي سواه بيكي تردينو؟ 

هـيام - يجوز جان بعصبيه بس عصبيه هو ما يتركني ادري بيَ هسه يرجع هسه يرجع 

- عَش ما رجع الصبحَ؟ 

هـيام - والله ما استاهل هيج يصير بية والله ما استاهل هل كسرات هـيج يلتمــنَ عليك . 

مَسدت على راسي تبچي على بچيي 

هـيام - خاله والله ما استاهل هيج يصير بيه 

- الله يعطي اصعَب المعارك لاقوة جنودة 

 هـيام - كلامه .. كلامه سچاچين بنص كلبي انحطن 

-  فَلا يحْزنَكُ قَوُلْهَم 

هيام - تعبت تعبت من حياتي الماعشَت يوم مرتاحَه بيها تعَبت 

- وچزأهـُم بِمُِا صَبروُا جَـنًة وحَرِيَرِ 

هـيام - طعنوني بضهري تهموني وغدروني 

- ولا تحَسُبن انً الله غافَلاً عمِا يفعَلْ الضَالُمون 

        

          

                

هـيام - خايفَه اني وحيدي هنا ماعندي احد 

- قَال لا تخَافِا انً معَكُمْا اسَمْعٓ وارِاىْ 

نزلت دموعَي واحَس برچفه جسمي والخذلان آكل روحَي اكل جنت متباهيه بيَ وكسرتي تركتنـي المراه وراحَت عيوني تمشي وراها لقاء قليل بـس حسيت رب العَالمين دزها ألي . نزلت راسي اهمس 

- حسبي الله ونعم الوكيل ، حسبي الله ونعم الوكيل ، حوبتي عساها ما تتعداگم 

طلعَت الممرضه وكالت تحاليلي وأكدر اطلع تركتها وطلعَت امشي خارج المستشفى لا عندي مكان اروح لا عندي تلفون لا عندي رقم لا عندي احد وحيدي حتى اسم المستشفى ما اعرفه ولا شايفتَة 

دنَـيا الغَــروب، الشَمـس بدأت تغَـيب مثَل حياتي تمـامـا ، نـاس تبچي ، ناس تضحك نـاس ، نـاس تركض ، نـاس ما تمشي ، ناس تعبانه، ناس فرحانَـه. 

اجـت عيني على رجال طالع من المستشفى فرحَان وطاير شايل بأيده طفله صغـيره ملفوفَه بـَ كمـاط وردي بأيده الثانيه لازم زوجته تمشي على گيدهـا يمشي فرحَان يباوع على بنته وعلى زوجته ما مصـدك زوجته مبتسمه على ابتسامه زوجهه ركبها السياره ورگـب واختفو عن أنضاري..! ليش اني ما صرت مثلهم؟ 

مو جانت أحلامه تصير عنده بنيه مني؟ هسه ليش قتلها؟ 

مو جانت أحلامه يلزم ايدي وبأيده الثانيه بنته؟ هسه ليش تركني بنص الطريق ؟ 

مو جان يريد يسميها النبض؟ 

مو جان يحبني؟ 

مو جان واعَدنـي؟.. 

كعَدت بـَ الحديقه مال المستشفى كلبي من الألم ماحَس بيَ روحَي متگطعه تكطع وكلمته ترن بأذني رن - انتِ طالك يلمـاغزر بيج العشك؟ 

-لعبة بنص گبر

وصياح سحارات

واليشرب دم

والتاجر بعرضة

وذنب كتلة طفل

والهجج امة بجول

اذا رضوا الخالق

أنا ما أرضى . 

شنو الذنب الرتگبته واستاهـل الصارلي؟ شددت لزمتـي على ايدي احَس بنياط كلبي يتقطـع اسمع صوت تكـسرات قلبي! اسمـع صوت تقطـع أوتار قلبي! عيوني تدور بالوجوه معقوله ما رجع؟ زيـن ما حَن كلبه عليه؟ مو يدري ما الي غيرك؟ .. 

حَطيت ايدي على كلبي بلگـت يهدئ وجعَة بـس هـيهات!! 

هـيام -: تعَرف موت اهـلي شكد كسرنـي بس وداعتـك مو گـد كسرتـك. 

عَيوني صارت تغوش ألم بانحَاء جسمي وروحي منو اليمـو من يمي يبتوعلي مستغرب ، مدهوش ، مصدوم ، رجعَت لايامـي القديمه رجعَت لايام المصحَ!! 

هـيام - مصَدر اماني صار مصدر خوفَي . 

مصدر قوتي صار مصدر ضعَفي. 

شفايفَي يرچفن اديه يرچفن دموعَي ما وكفت لو طاح بيدي اصيح صياح اكعَـد الميت 

        

          

                

- روحَي توچعنـي

- ليش هـية الروحَ هم توجـع؟ 

- من تنلچم من عزاز تعرف .

.: وضَل گلبِي بأمَل ترِجع وَألاگيك

وگلِت خلِه بأمَل مِا أحچَي خلِه

محضَرلك لحِن مَا سامعِة العُود

مثَل الرِيح تعزَف علىٰ الگذِلة

وطَلع كُل الرسمتِة أوَهام

بأوهام أرَسم عالضَلام

بقلم كحَـلة

يمـه كلبي يوجعني! يمه روحَي تريد تطلع؟ يمه هـيج ألم الفراگ يكتل؟ يمه ضنيـت الم فراگچ يوجع الكلب أثاري فراگ الحبيب يوجع الروحَ ! بويه شوف شوف خالي وين كاعده وين صفَه بية الدهـر..! 

ضليت صافنه والألم اگـل روحي اگـل حَسيت بوجعَ طول عمري ما حسيته كمت من مكاني شفَت ممرضه واكفه تحجي ويا مرأه خلصت كلامها ورحَت أحاجيها 

هـيام - عادي تلفونچ احجي بيَ اتصال؟ 

- طبعا حبيبتي 

انطتنـي تلفونهـا كتبت بيَ الرقم ودگيت ردت عليـة بصوتهـا الخَشن الأميرة بين ألف شخَص 

هـيام - عَــمه 

سماهـر- هـيـــام!! 

- عمه اني بالمستشفى 

- مستشفى شنهـو!! 

- عمه تعَاليلي حَيل ما ضل بيه 

- شنهو اسم المستشفى 

انطيتهـه اسم المستشفى ورجعَت التلفون لـَ الممرضه ورجعَت اكعد بـَ الحديقه اتصَلت بعمّه سماهر رغم اعرف ما تحبني بـس ما تتركني بنت اخوها اني لان اعرف ولا واحد فارغلي وعمو جاسر مسافر!! 

حطيت راسي بين رجليه وكعَدت ابچـي ابچـي من الوجع والنحَيب الخذلان والتعَب وجع روحي 

هـيام :- ردتـك دوه لجروحَي صرتلي ملح ليش؟ 

ابچـي واحَس بروحَي ما مگتفيه حمـل الدنيا كلها صار على أكتافي خسرت كلشي كلشي خسرت طفلي! زوجي! أبوي امي! كلشي خسرت! ما مستوعَبه شاهين تركني! الصور!!!! أراجع الصور بعَقلي واريد استوعَب مستحيييل هاي اني!!! شلون وشوكت!! .. 

- بچانــي الچنت يم الله ادعَــيله 

هذه شاهين؟ شاهـين! شاهين قتل ابنا؟ شاهين دفعَني من الدرچ؟ شاهين الذبنـي بالمستسفى؟ شاهين الطلگنـي؟ شاهـين صدك؟ شاهين ما خلاني ابرر!! الغَصه توسطـت بلعَومي العَتاب خنچر واگف وسط بلعومـي . 

الهَوى يَلتم عَلي مَنين ماذكرِوك

وأدَگ رِجلي واضِل بعَازة الخنگة

وأغص بَريحتك ماگمت اغـَص بالـَزاد

ألمفارگ النسَمة العَابرة تغرگة

مَو بَس الصَواب، النِفس هَم كَتال.

        

          

                

الگتمـان ذبحَني اريد احجي اريد اصرخَ اريد اعتابـَة اريد آكله مو اني! حطيت ايدي على بطني اتلمـس بيه واحچي 

- حتى انتَ اخَذوك مني 

حتى انتَ أخذوك! حتى انتَ ما تمهلت بيك! واني استاهل الصارلي؟ 

رفعَت راسي على السماء اباوع لربـي عسى ان ينضر لحَالتي 

- ليش يارب؟ اول مره اكول حَسيت بحنان امي 

ما استاهل كل هذه! والله ما استاهل ما استاهل هذه الخذلان هذه الضرب والتعَذيب هذه التعَذيب النفسي هذه التعَب ما استاااهل اخسر ابنييي! ما استاااهل اخسر  أبوي امي! ما استاهل كل هذه.. 

حسبي الله ونعم الوگيل بكل شخص شارك بهدمي 

هـيام - حَوبه يتيم وعساهـا لا تعددگم 

: لو تُعرف شضَيعت والرَاح مِن ايدك

چَان استحَيت بكِثر ما گَلبي الي يرِيدك .

نزلت راسي ابچـي بصمَت وحَسيت غير من انسحَبت من ايدي بقوه باوعَت لعمه سماهر وهيَ مبحَلقه عيونهه بوجهـي!! تنضر بحَالي بنضرات اول مره أشوفها بعمه سماهـر ما عرفت حتى أفسر نضراتها مدت ايدها على وجهي من الچهتيـن تتملسة 

سماهر- شعَتسوين هـين!!! 

جرتنـي من ايدي تمشيني وراها صوتي انبلعَ ما اكدر حتى احچي من الغصَه المتوسطة بلعومـي دخلتني لسياره باوعتً على زوجها ابتسم بوجهي بـس نضراته مصدوم 

- شلونچ بنيتي 

نزلت راسي بدون لا أجاوب ابچـي 

: قَاومِت گدام عِينّك بَس ورَاك اللّٰه شاهدِ حتىٰ بالشَارع بِچيت

شلونچ بنيتي؟ بنيتي!! 

- هـسَه هـاي حچايه تحچيها بهـَيچ موقف دمعَتي وين 

اوديهـا ؟ 

كلمه بنيتي زودت عليه البچي الطريق كله ما ينسمعَ غير صوت شهـكاتي تعلى محَد منهم حاول يحجي حرف وياي اسمع رجل عمه يستغفَر ويهمس - يا الله ساعد هل بنيه 

هـيام - بنيتي..! بااااباااا وييييين ليشششش عافني ليششش ليش يارب ليش ما متتت وياهم ليش!!! بابا اريد بااابا اريد امي تعَبت ماريد أعيش اريد ابوووي ليششش عافوني ليششش جانووو ما يخلوني اطلع يخافووون علييية گالولـي بره ذياب تاگلج بـس ما صدگُت..! 

ابچـي وأشهك واحچي واحَس بروحي راح تطلع من البچي قطعَت صوت نحَيبي صوت عمه سماهر وهي تحجي 

سماهر - شسوو 

- كتلو ابني.. 

اندارت علية مبحَلقه عيونه گـان انصعَقت بهـل خبر!!! نزلت عيونها الغضبَت وهمست - ردوها 

        

          

                

- عمممه جا.. جابو صـ.. صور لشاهين 

- شنهو من صور! 

هـيام - صـ .. صور 

اريد احچي الملـم الكلام ما كدرت انطقَها حتى ايديه ورجليه صارت ترتعَش بشكل مخُيف لاحظ زوج عمه سماهر وهـمس لعمه سماهر بـَ عصبيه 

- دحكـي حال البنوه سماهر وگتو لهل حچيي 

سكتت عنه سماهر بـَس كلبي شيسگته لو صوت كلبي ينسمع جان كعَد الموته 

اباوع على رعَشه ايديه المو طبيعَيه واسكت وصلنا للبيت جرتني عمه سماهر تمشيني حتى رجليه بادن رعَشتهن مو طبيعَيه دخلتني لغرفه وكعدتني كدام المرايا 

 هـيام - هاي منو!!! 

هـمستهه واني اباوع على نفسي وشگلي المخَيف المرعُب دموعي ما كدرت أسيطر عليهن اكثر!!! هـاي اني!!! هـاي اني المچرحَ وجهه! هـاي اني الملفَوف راسه!! هـاي اني الوجهه مليان جروح!! هـاي اني الي عيونهه مورمات!! هـاي اني الي ترتعَش رعَشه مخيفُه!! هـاي اني الي دموعها طابعات حمر على خدودها؟ 

- دحكُي لروحچ وشوفي الحَب شسوا بيچ 

نزلت راسي ابچـي اشهك اريد اركعَ راسي بالحائط وأخلص اريد حياتي تنتهي بهل لحظه عمري خلص روحَي تعبت كلبي چمر!! 

سماهر - شسولچ! 

هـيام - چنت كاعده بـَ البيت ودخل عليه خنگني وشمرنـي من الدرچ كعَدت بـَ المستشفى وطلع صـ.. صور أ.. الي ولر..  رجال بوضعَ مو ح.. حلو بس بس والله مو اني والله مو انيييييييييي 

كعَدت بـَ الارض ابچـي جسمي صار يختض بقوه دمَي صار يفور فوران واني أتذكر روحي بصور بس والله مو اني رفعَت راسي اشوف ملامحَ عمه سماهر عاديه!!! حتى ما مصدومه 

سماهر - ردتها هَـيدعاء 

- انتِ مصدگتني؟ 

- مصدگتچ 

اريد احجي استفسر منها بـس جسمي صار يختض بقوه وأيديه ترتعَش رعشَه مخُيفه لساني جمد وكأن قطعَه ثلج صارت علية رجليه صارت تهتز وكلبي احَسه يفور غمضت عيوني وحاوطني السواد .. 

فتحَت عيوني بـَ ببطئ اسمع صوت عمه سماهر الهـامَس وصوت زوجها يمي يحجي بقهر 

فالح - هـساع يردو ثارهم بهل مسگينه!! 

- صارتلهم طعَم وعَش عمومتها ما رضو يزوجوها 

فالح - وشنهو ذنبها بهل عمر وصارت مريضه صرعَ!! 

- ذنبها أبوها فراس 

فالح - سماهـرر!! 

سكتت عمَه سماهر فتحَت عيوني ببطئ اباوع انـي بـَ غرفه ثانيه غير الغرفه الچنت بيها يمي عمه سماهر وزوجها ابتسم بوچهي عمو فالحَ بـَس قابلته ببچي 

        

          

                

فالحَ - بعَد كل هذه التعَب عَوض 

هـيام - الچان عَوض ربي صار عقاب ربـي 

استغفر وتنهـد طلع من الغرفه واجت يمي عمه سماهر تباوعلي حطت ايدها فوك ايدي وهمست 

- ارجعَي هـيام العرمه 

- مااا ارجع تعبت من القووووه تعبت ارررريد ابجي بكللل مكان اريد اطلععع قهرررري وضيم سنينيييي كلهاااا 

- هـيج فراگو يوجع؟ 

دكيت على كلبي بأيديه ثنينهم أشهك واحچي 

هـيام - يووووجع يووووجع يذذبــحَ مو بسسسس يووووجع!!! كلبي كلبي ما يهـدئ من الوووووجع عسااااة وكفَ ورتاحَيييييت عممممه فراااااكه يذبحني ذبـحَ كلبي يوجعني شلون اتحممممل 

- تتحَملين 

- مااااا اتحممممل موووو كد هذه التععععب انييييي والله تعبَت تعبت محَد جان مصبرررررني غيررررره عمه.. روحَي توجعني جنت بفراگ امي وابوي صرت بفراگهم كلهم جان هو مصبرني هسه منو يصبرررررني منووووو والله كلبي هد حيلي هد من الوووووجع 

حضنتني تمَسد على ضهري رجعَت راسي على المخده اهمس " تعبت مو كل هذه التعَب " " راسي يوجعني " بطني" 

فتحَت عيوني ماعرف الساعه بيش حتى باوعتً على روحَي بـَ المرايا وجهي عباره عَن لاصقَات جروح عيوني متورمه تورم طلعَت اتسحَب باوعتً على عمه سماهر نايمه وعمو فالحَ مو يمها اخذت تلفونها ورجعت الغرفتـي بهدوء 

كتبت رقم شاهين حافظته حفظ لزمَت كلبي واحَس بروحي تطلع ايديه ترچف ما كدرت اكتب دزيت بصمه بصوتي الهـَزيل التعَبان اليشهـك 

هـيام - شاهـين اسمعني الله يخَليك ، وروح امـي انتَ مو تدري اني شكد غاليه علية ما سويتها والله ما سويتها هذني الصور جذب والله جذب انتَ مو تكول اجذب الدنيا كلها واصدگچ! شاهين لا تكسرني الله يخَليك والله روحَي تطلع ماعندي غيرك لا تكسرني. 

دزيت البصمه وكعَدت ابجي دموعَي صارت على التلفون تنزل مسحَت التلفون اباوع بيَ تمت المشاهده يكتب.. روحَي تعَلكت بهل رساله عيوني راح تطلع من محجرها منتضره راح يكول مصدگچ 

شاهين - " انتِ ورقة وحركتها يولي " 

رجَعت دزيت بصمه ابچـي واشهك بصوت يگـطعَ الكلب احچي ويا 

هـيام - ما سويتهااا والله ما سويتها والله مو تدري عيوني ما تباوع لغير عيونك؟؟ جذب والله جذب هـيدعاء ورنين سونهاااا والله وروح امي شاهين دخيلك لا تكسرني مالي غيرك شاهين مو نبضك اني!!. 

شاهين - " على طاري رنين باچر تصير حرمتي " 

        

          

                

جمدت عيوني واصابعَي وايديه الگانتَ ترتعَش جمدت!! شهكاتي وكفت صرت احَس بروحي تطلع اريد انطق حرف ما اكدر من الصدمه دزيت رساله بأيديه الترچف 

هـيام - ماتسويها ادري بيك تحبني. 

شاهين- الخَـــان هـم ينخَـــــان 

هـيه المگُــبرة هم دفنـــت الدفَــــان. 

هـيام - وحَـك من انزل القرأن على صـَدر رسول الله 

إذا سويتهـا لخَــليك تبچـي دم وتعَض اصابيعَــك ندم. 

طلعلـي تمت المشاهـده وحضرني!!!! حضرني!!!! شمرت التلفون وعصرت راسي اليوجعنـي بأيديه ملخَت روحَي تملخ كل هذه الوجع البراسي وبطني وروحَي مو گـد الوجع البگلـبي لزمت راسي ادك عليه بأيديه ثنينهم كل قوتي دخَلت عمه سماهر مفچوعَه من صوتي وزوجها بـَ الباب واگـف حاولت تلزم ايديه ثنينهم دفعتها وصرت أضرب على كلبي وراسي اصيح 

هيام - مااااا يررررريدني بعععععد رااااااح يتزوووووج اكتلللللل روحي راااااح امووووووت شتتتحَمل وجعععع بعَد روحي!!!... 

اصرخَ واحَس بوجع كلبي ما ينوصف اذيت روحَي فوك اذيتهم اضعَاف املخَ بـَ وجهي وااطبعَ آثار جديده الباندچ الملفوف بـَي راسي ملخَته تملخَ أضرب على وجهي وراسي واخرمَش بوجهي كل قوتي 

- معقوله غيري وصل وتربع ..

بگلبك كعد وتبدل مچاني ..

معقوله عينك لگت واحد ..

يحبها بكثر ماحبها چنت اني ..

معقوله تنساني؟

بگلبي حط خنجرك اذيني..

واني احتـمل بس لا تحب ثاني..

هـيام - راااااح يتزوجهااااااا عممممه رااااح يتزوووووج السوووووت بية هيييييييج رااااح يتزوجهاااااااااا شسوووووي بروحَـي ويبــرد كلبي؟.. 

اباوع على اضافري انملَت دم من كد ما خرمشت وجهي وراسي ايديه ورجليه ارتعَشن بقوه حَسيت بدم الصار على عيوني هـدأت حركتي واستسلمت لـَ الضلام .. 

فتحَت عيوني! هم فتحَت عيوني؟ هم ما متت..! 

باوعتً بـَ الغرفه محد يمي اسمعَ صوت زلم بـَ الصاله 

نزلت رجليه بـَ الارض ما اعرف صالي شكد نايمه حتى بأيدي مغَذي وكانونه باوعتً على روحَي بـَ المرايا ونزلت راسي صرت اكره اباوع لروحَي اقرف من شكلي ومن نفسي ومن كلشي بية 

: انهجم كلبي وعساها

ببيتكم كون

نفس هجمان گلبـــي

البيت مهجوم

لاشافك الله ولاتهنيت

وعساك من الصبح لليل

مهمــــوم. 

طلعَت من الغرفه وباوعت على الصاله المليانه زلم! 

عمَـي جابر! 

عمي ناصـر! 

ولدهـَم! 

بعَدنـي ما استوعَبت وجودهم وما حَسيت غير عمو ناصر يهـزني من أكتافي بقوه حَسيت دماغَي ارتچ بـَس ما نطقَت كلمه يهز بية ويصيح عليه بعلو صوته عمو فالح يحاول يبعَد مني عمو جابر متگتر على صفحَه يشاهد . 

        

          

                

ناصر - ليشششش ليشششش سويتيييييي هيج سودتييييي وجهنااااااااا شكوووول للعااااالم شكوووول لناااااااس شلووووون تخونـين رچلج!! 

هـاي الحچايه دمرتنـي دمار صرت بس اسمعها أتسودن دفعتَه عني اهز براسي لا واصيح 

- ماااااا سويتهاااااا والله ما خنتتتتته والله وروووووح امي ليششششش ما تصدكووووووني ليششششششششش موووو اني مووووو انييييييي 

ناصر - شووووفي شوووفي الصوووور الدزهن رچلچ الشريف . 

اباوع بصور وعيوني ما مصدگـه ادور بعيوني بصور اريد اعرف وين هذه المكان ما لحَكت اباوع وحَسيت براشدي سطرني سطر 

اباوع على عمي جابر الازمنـي من زندي بقوه خازرنـي طبعَه ايده طبعَت بخدي ما كدرت ادافعَ عن نفسي اكثر ما جان عندي حريه التعَبير تعَبت من الاتهامات وكل الأسهم تشير ألي! ما نطقَت غير كلمه واحد طلعَت من كلبي 

هـيام - حَوبه الابـيض تحرك خضار ايامگم 

راشدي ثاني أجاني وكعَت بـَ الارض يم رجلين عمي ناصر جرني من زندي يكومني ويصيح 

جابر - شنكوووول لناس شنكووول 

هـيام - فكـر شتكـول لربـك 

ثالث راشدي أجاني أذاني صارت بيها وشَة وصرت ما اسمعَ زين اصوات ولدهم يهدون الوضع ناس تزيد بـَ الوضع عمه سماهر كاعده وساكته عمو فالح يحاول يطلعني من أيديهم بـس هيهات 

وكعَت بـَ الارض وخشمي يجري دم من الضرب جسمي يون علية كلمه دفاع واحده بحقي ما دافعَت! اباوع لروحَي صرت انزف! 

ارتعَشن ايديه ورجليه بـَ رعَشه مرعُبه وجمد لساني تكررت الحَالة. 

فَتحت عيوني وبلگوه اتنفَس اوگُسجين على خشمي ومغَذي بأيدي افتحَ عيوني وأغمض عقلي ما يفكر غير بشاهـين الضرب والألم وكلشي خسرته ما همني اليهمني بـَس شاهين وحركه كلبي برسالته! معقوله يتزوجها؟ روحَي ما تتحمل بعَد هل وجع والله إذا صارت! 

- واحـك الاحبهـن بيـك ونباگُن 

إذا صارت بعَـد وجهي ووجهك حلم يتلاگن. 

دورت عيوني بـَ المكان بهـدوء رفعَت عيوني اباوع على المغذي شلون ينقَط ويا كل نقطَعه تنزل منه تنزل دمعَة مني دموعي صارت تتسابقَ على خدي مسحَت وجهي بأيدي الثانيه ودخَلت عمه سماهر 

سماهر - ثلاث اسابــيع وترجـعَين لتركـيا 

- وشاهين ما يجي وياي؟ 

سماهر - هــيام دحگيلـي زين شاهـين انتهـى! 

-: روّح براحَتك بّس حِوبتي توازيّك .

        

          

                

هـيام - وحَبـة الي؟ 

- انتهى 

هـيام - وابنا؟ 

- مات 

هـيام - وكلامه؟ 

- چـذب

هـيام - واني؟ كلبي شحَطلة ويطيب بعَد فراكه؟ 

سماهر - كوكب على حيلچ يولي واستوعَبي چابو صور الو وما خلاچ تحچين چلمه! لو حابچ من صدك ما يجذبچ ويسمعلچ بـس هو ما حَابچ!! 

هـيام - لا يحَبني والله يحبني 

- لو حابچ چان سمعَلچ! 

هـيام - كله بسبب رنين 

- ما اعديهـا وروح اخويه. 

هـيام - عافونـي 

سماهر- عچل عبالچ ، الينعَاف حوبتــو ما تگتل! 

هـيام - چنت سانـدة روحي بـي وگُسرنـي  . 

سماهر - انگسري واتچبري 

هـيام - بعَد تعَـبي وحَسرتـي وبچيي بَالغرفـة 

تمنـــيت الگُـسرنـي انسان ماعرفــة. 

تركتني وطلعت رجعت راسي ابچـي احَس دموعي نشفَت روحي لسه تسعَر بيه ألم بكل مكان بجسمي بس مو مثل الألم البگُلبي!!! اشرب علاچات وراسي يموتني من الألم وجهي يحرگني حرك الكامون أوتت اجت عمه سماهر بدلتها وخلتلي كانونه ومغَذي ثاني 

- عَــندك علاقــة ويا الدوة؟ 

تگرهـنــي وموصي علية؟ 

جربتـة كله بغيبتـك والعَلة نفس العَلة. 

ارجـعَ انام بسبب العلاچات واكعَد افز على أحلام كعدت ابچـي محَد مصدكني حتى امي دايره وجها عليه وما تقبل تراويني وجها!! 

 دخلت عمه سماهر شافتني ابچـي باوعتلي وتنهدت 

- عـ.. عمه حتى امي ما مصدگتني!! 

- شنهو؟ 

- اچتني بـَ الحلم ما خلتني أشوف وجها باوعتلي ودارت وجها زعلاااانه علييييية 

ابچـي اشهك اريد املخَ روحي تملخَ بس حتى ايدي ما اكدر ارفعها كعدت عمه سماهر تحاچيني وتقنعنَي هذه مجرد حلم 

سماهر - انتِ ما مسويتها عَش هـچ تحچين! 

- لعَد أمي ليش ما تباوعلي؟ 

سكتت تباوع عليه ضربتنـي إبرة وطلعَت مر وقت قصير ورجعت نمت 

فتحَت عيوني اباوع على صوت يقرئ قرأن يم راسي ابتسمت وگـل ضني راح ارفع راسي واشوف شاهــين مثل كل مره يقرئ على راسي ايات رفعَت راسي وتلاشَت ابتسامتـي من شفته عمو فالح 

        

          

                

فالح- اسـف بابا گعـدتچ 

- ل.. لا 

نطقتهـا ونزلت دموعَي تنهـد عمو وگُام يوگُف 

فالح - حَوبتچ ما تتعداهـم 

هـيام - عساها لا تعددتهـم رايده من ابو فاضل لا يعَدي هل ليلة عليهم بدون لا تطلع حوبتي بيهم 

تركني وطلع رجعت اجت عمه سماهر 

- عمه 

- ها 

- عادي تنطيني تلفونچ

- لا 

- ليش؟ 

- شعَتسوين بيَ؟ 

- أخابر يمامه 

اخذت تلفونها وهيه طلعت بلگوه كتبت ثلاث ارقام من رقم يمامه ايديه ترچف وبأيدي الثانيه كانونه بأثناء ما اچاهـد حتى اكتب وصل اشعار باوعتً هذه الرقم رقم منو! 

رقم شاهين!!! 

دخَلت بسرعه على الرسائل عيوني متلهـفَه متاگدة شاهين جانت بس بوقت عصبيه وهسه صدگُني متأكده ايديه الچانت ترچف وبلكوه تكتب الحَرف صارت تركض ركض 

دخَلت للمحادثـه وشفت فيديـو دخَلت على الفيديو وياريــتَ عيونـي انعَمـت قبل لا أشوف الشفتـة!! رنـين گـاعده وبصفها شاهــين والشيـخَ يعقدلهـم نطقَت رنين القبول ونطقَ شاهين القبول وكأن نطق قَرار اعدامـي!!!.. 

طلعَت من الفيديو عَيوني ما مستوعبه التشوفـة تزوچ!!! تزوچ!! 

عَيوني نعمـت وصوتي راحَ انبلعَ ما صرت اكدر انطقَ حرف ايديه چمـدن!! كلبي يردد " ما يسويها ما يحَـطمچ" وعقلي يكلي 

" شوفَي مرتـه كاعده يمـة واسمعَي صوته وهو ينطقَ القبول " 

- مو گتلچ أصير حرمتو؟ 

- " اخذتـو مو گتلچ تاليتـو لبنت عمومتـو والليلـة انـام بحضنو " 

-" حَبيبو لكلبي انطاني چلمه يسويلي عَرس يحجي بيَ السـلفَ كلو بس يمر وگت على موت زمرد وحر " 

هـيام - يا عَـذر بعَد احَــط الگلبــي ويسامحَـــك!!. 

وكــعَ التلفون مـنَ ايدي ومشغَـله الفيدو بيَ صـوته وهـو ينـطي القبول ينعَـاد صوت الشيـخَ وهو يردد نفَـس گلمـات عقَدي عليه بـَـس شي واحَد اختلف اسمـي تغير لسَـاني تچمـد رچليـه بدأت ترتعَش بشگُل مخُيف ايديه صارت تهـَتز بشگُل مرعُب ألم اچتاحَ قلبي بقوة!!!.. 

يتبع....