رواية ذيب الغربية الفصل الحادي و الاربعون 41 - بقلم طيبة وليد
Part 41
بسـم الله الرحمان الرحيم
$ذيـب الغربيه
بقلم- طيبه وليد
———
"هـيام "
——-
وكُعت بـَ الارض عمار وكع بـَ الارض دمه صار بطوله اتصوب بـَ بطنه رگضو ولد عمه علية شهـگُت بصوت عالي من شفت منظر صكر!! وحَاوطني الضلام من گـل الاتجاهات
كعَدت واني بغرفتي وشاهـين كاعد يمي لازم ايدي وصافَن بوجهي نزلت دموعَي بهدوء وهـمست بصوت مبحوح - گُتلتهم؟
رفعَ عيونهُ يباوع بعيوني لمعَت عيونه بدموع
شاهـين -: چتلـو بنيتـي
- حاولت احميها والله حاولت
شهگـُت بـَ البچي وايدي على بطني احَس بروحي تطلع على البطيئ شبـك راسي يهـمس :- ماعملتها ما عملتها مالها ذنب مالها ذنب چتلها چتالها اخوها ابنو لابوها من دمو ولحَمو
- شاهين والله حاولت احميها والله صيحَت وعيطت صحت لامك وصحت للگل هــيدعاء جانت كاعده وما سوت شي توسلَت بيها تسوي شي وما سوت
شاهين- وحَك ابـو رأس الحَـار ارگضهـــم ويا خيَــل الحَمــزة
سكتت ابچـي بحضنه وهو شابگني ابررلـه واحاول افهمه وكلشي ما يفتهم مني دموعَه بللن رگبتي
- شاهين لا تبجي والله راح اموت
رفعَ راسه من ركبتي ومَسح دموعه ومد ايده يمسح دموعي
هـيام - شاهين انتَ ذبحَت صكر! كتلته
شاهين - غسلت عارو
گام من مگانه بعده هسه يوگُف واختـل توازنه وكع بـَ الارض على ركباته يشهك ويبچي دموعه ذبحَني ذبحَ كمت من مكاني اركض صرت كدامه كعدت على ركباتي ابچـي ويا دموعي صارت تنزل ويا دموعه وشهـكاتي صارت اعلى من شهـكاته حاوطت وجهه بأيديه همس بنبره قطعَت نياط قلبي
شاهين - فراگهــا هـدو لحَيلــي هـَــد .
:- اول مــره ابچــي واعَــبر العَــيب
اول مـــره يوصـل دمعَـي للشيــب.
حضنت راسه وكعدت كدامه ابجي واشهك وهو يبچي شاهــين القوي! الي الگُـل يهـَابه! الي چــبل ما يهـَـزه ريــح! هـيچ يبچي على عزيــزه كلبه..
هـيام- والله حاولت احميها هواي توسلت بعمار يعوفها توسلت بصكر يعوفوها كتلهم ما مسويه شي كتلهم بـَس ما يسمعوني ضربوني عمـ.. عمك ابو رنين ضربني هواي و.. وابو عمار وصكر ..
الگُـلمات صرت بلگوه انطقهـم واقطع بينهم تعَبت وعيوني بدأت تغمض وحدهـم وگـعَت بحضن شاهـين وهذه اخـر شي اتذگـره..
كعدت وانـي على الجربايه اسمعَ صوت صايحَ قوي من جوه وصريخ نسوان نزلت ليجوه بلگوه امشي صالي ايام بدون أكل وشرب رحت للمطبخ اشرب مي عيوني مغَوشه كلشي ما اشوف فتحت عيوني اشوف النسوان اليدخَلن للبيت ويصرخن ام شاهين كاعده بنص الصاله شاگـه دشداشتها وتبچي
وام صگر تبچي بنص ودك وتلطم بصريخ النسوان داير مدايرهـن يبچن جريت بنيه من الواگفات يمي واني بلكوه احجي
هـيام - شكو شصاير؟
- چـابو چثه زمــرد ودفنوهـا وهـسع فاتحتهـا
نزلت على الارض وگأن صاعقَه ونزلت على راسي بعدني ما مقتنعَه بفكره موتها ! ليش هيه وين جانت؟ دفنوها؟ ما لحكــت أودعها؟ وين الجـديد ؟ مثل كل عزيز مــات!
البنيه راحت ترگـض جابتني مي وشربتني عفتها وطلعت من المطبخ لا اني الاگـدر ابقى بصاله واسمعَ الصريخ احَس بكلبي يتگطع روحي تتچمـر طلعت روحَي كعدت على الدراچ وسندت راسي على رجليه ابجي رجليه ما تعَيني اصعَد فوك ولا بيَ اسوي كلشي حيَلي مهـدود وروحـي ممروده ..
-: ومــا گــان موُتـــك إلا گـــسرآ عضيمـــا لا يجـــبر ..
كحَيت وگمـت من مكاني بلگوه امشي سانده نفسي على المحجـر وامشي وايدي الثانيه على بطني خايفه على ابني وروحي طالعَه دموعي تنزل دخلت للغرفه بـَ الموت سديت الباب ونمت بـَ الارض رجليه بعَد ما تشيلني اسمع صوت الصريخ جوه وهَن يصيحن بصوت عالي
نجلاء- يمممممه صكررررررررر ويننن تاااااااركني ذبحوووووو ذبحووووو اللله لاااااا يعطييييييك يذيبببببب
وام شاهـين تصرخَ صريخَ فاچعَه ما هـدأت ولو ثانيه من الصريخَ والبچي روحها طلعت غمضت عَيوني ورحَت بعالم ثاني ..
فزيت وفتحَت عيوني المغَوشه وشاهـيـن يشيلني من الارض هـمست بصوت مهـزوَز
- اجيتنــي
شاهـين -ما ترگتـج حتى اچيچ
- شاهـيـن جسمي يوجعني من الضرب
- ألايــد النمــدت عليچ صارت حَـدر التراب
- ذ.. ذبحوها ك.. كدامي
حطنـي على الجربايه واني چثه هـَامده رفعَ عيونه الصايرات دم وبأس خدودي لچمني الجروح البوچهي وبچيت
شاهـين -: واعدچ وخلفت بوعدي لا حاميتـچ ولا حَاميت بنيتي .
ماكدرت ارد احَس بجسمي صار شعَله نار وجروحي وبطني صار بيها ألم رجع أغمى علية ، فزيت وشهگت من إندار عليه مي بارد ثلچ فتحَت عيوني وحضنت نفسي شفت روحي بـَ الحمام وشاهين بصفي حضن راسي لصدره رجعت اغمض عيوني واحَس بجروح وجهي صارت تحرگـني سبحني ولفلني بخاولي وطلعني من الحمام
شاهين ايده مضبـره بـَس ما اهتم ولوحهـا مي هـمست بصوت يرچف رچيف - شبيها إيدك!
- مابيها شي
سكتت وماكدر اناقَش بهاي حالتـي بدلـي ملابسي وحَط راسي بحضنه يوگلنـي لفة أكلتها بلگوه عليه وشربت عصير برتقال وصرت أشوف احسن واحَس بجسمي صار بيَ طاقه ولو شويه
هـيام - اسفه لان انتَ داتهـتم بية بمگان ما اني اهتمّ بيك
نزل راسه يبوس بجروح وجهي واحده واحده دموعَه بللت وجهي رفعَت ايديه امسد على وجهه وابجي
هـيام - وين لگيتها
- دافنيهـا بچوله
- ودعتها ؟
- ضامهـا بروحَي اعتذرت منها كتلها أمده اخوچ الماگدر يحميچ
- شلونه شكلها متغير؟
نزل راسه وشهـك بوجـعَ وحَسره وضيم وقهر حضني وصار يبچي وينحب بصوت عالي مثل اليتيــَم المگسـور زمرد حَبيبه كلب شاهين المدلله هيج يسوون بيها؟ زمرد التقيه النقيه الطاهـره يذبحوها؟ يدفنوهـا بمكان مقطوع! زمزتنـا الطاهـره
شاهـين-: وسفَـه التراب يصيـر فوك عيونهــا
حتة الطيــور الطايــرة يحبونهـــا
هـواي مشتأاگ ارد أبوس چفوونهـا
المگٰبـره الحضنتهـا اي خيعوونهـا
مثــل ورده ما تغَـــير لونهـــا .
بچينا ثنينا لحَد ما تعبنا شبگنـي وأردف
شاهين - خايفة ؟
- ما مسموحَلي اخاف؟
- ما مسموحَلچ وانـا وياچ
هيام - ما اخاف لحَد اللحد وياك! تدري حتى من كالو شاهين مات ما صدكت كلت رب العالمين ما يكسر كلب اليتيم كسرتين ، هواي انگسرت اني بحياتي مــامــا ، بــابــا ، زمــرد، وبنيه اعرفهـا ، والميتــم ، هواي انگـسرت بحياتـي وتعذبت بـَس وياك ارتاحـيت انتَ العَـوض
عَـوض گـل العذاب الشفتــة انتَ .
جرني يدفني بحضنه نمَت ودموعي تنزل گُعدت ثاني يوم وشاهـين ماكو نفس الصريخ والعياط واليوم بعَد اكثر تعبت كلش واحَس بدأت ترجعلي الاصوات البراسي بسبب الصريخ دخلت اسبح للحمام سبحَت وطلعت بقيت طول
اليوم بغرفتي لا طلعت ولا طبيت رحَت لغرفه زمرد جبت شالها ورجعت لغرفتي حطيته علـى الجربايه حضنته وصرت ابچـي بحركه وتعب وصَبر
- عِشت الحزِن بألوانه ، كل جنازَة
تُعبرني اكول بگلبي كون انه .
شمَيت ريحتهه الطيبه استشَق عطره وإذني تتردد بيها صوتها وهَي تشرحَلي شلون جانت متأمله تتزوج حَر قبل لا تنتحَر مرته صوتها وهي تضحك وهي تبچي وهي تحزن وهـَي فرحانه وهـَي تزعل وهـَي تتدلل زمزتـي شلون انساهـا
- أَنا بروحي
حُزن دّيرة ملامح خِوف
وحَرب چذبة وحلم تاية
ونِهر ثالث حِفر خدي
غريب بگاع تلمَني
چم ليلة أَذب دموعَي
علىٰ المامش ولا أَدري .
هــيام:- عودي وانَ كنتـي طيف يمـُر في احلامــي.
فتحَت عيوني بخوف من سمعت صوت رجال يصرخَ صريخَ مخُيف يوجَع الگلب طلعَت اتچهه على الحايط فتحَت الباب ووگفت كدام المحچَر وكعت رجليه من المنضر دموعَي چفت من البچي
عمر دخـل بنص النسوان يلطـمُ على وجهه ويصرخَ وشاهـين وعــلي ويـا بنـص النسوان شاهين روحه طالعه وعــلي وعمر مو احَسن حالتهـم يلطمون بوجع گـلب وگُف شاهـين يصيح بنص الصاله ويلطـم
شاهـين -: ما حميتهااااااااا ما حميتهاااااااااااااااا رااااااحت راااااحت بنوووووتي رررراااااحت هـدتووووو لحَيلي هـَددد
ام شاهين :- افرحَـي يا گـاع وهـلهـلي المدفـــون بيچ من أيتام علي .
ما أنسى هل موقف طول حياتي " اخوهـا الـي ميت بدونهـا وذاب اللـوم كله على نفسه "" ابن اخوهــا اليعَشق عمته وما يرفض الها طلب يقتلوهـا بدون علمه"
گـلهم متعذبيـين عذاب مريــر ما كدرت ابقى اكثر لان انهـاريت من البچي رحت للغرفه ابچـي تمددت على الچربايه ابچـي واشهك وهـيج مرت ايـام الفاتحَه يا شاهــين يدز عليه بنت تچيبلي أكل ما يغمى عليه واصلا ماگعَـد انتهــت ايام الفاتحَه وانشالت الچوادر بـَس انتَ شيشيلك من گُلبنا؟..
-: فراش الفاتحه لو شفته ملمومُ
بنص كلوبنه تلكه الجوادر..
مغمضه عيوني واحَس روحي تطلع على البطيئ لا مخابره لمار ولا يمامه محَد سئل عني محَد فقدني كل هـل فتره؟ زمزم ماتت؟ شاهين بأسوء حاله وما موجود اساساً بـَ البيت !!
فتحَت عيوني متنهـَده من سمعت صوت صايح قوي يجي من الصاله فتحت باب الغرفه وطلعت أشوف شكو كعدت على بايـات الدراچ وكعَدت اتفرچ يمتة تفرچ
شاهـين گـاعد على التخَم وعمه الگبيـر واگـف كدامه يحچي ويا بصوت عالي وشاهـين مترهـَي ولا يمه الموضوع
:- هـسـاع چلمتي مو مسموعه يشاهـين؟
شاهـين- عَش تركت اختي وحدها؟ عَش ما حميتها؟ يچتلوها يتحملـو اليصيرلهـم
:- ذيــب صگـر چتلتو ماتتت الچتـل اخيتـك جتلتـو اترگ عمار بحال سبيلو
شاهين -: عمار طك حرمتـي وطك اختـي چثير متحملـو جثير
-: سامحَو ذيب عمار اترگو
- يدفـعَ ثمن ضرباتـو لحرمتي وأختي
- شنهو الثمن!
شاهين :- إيدينـو
- شنهوووو!!!!
صاحَ مفزوع من طلب شاهـين وشاهـين طلب فعَلا من عنده إيدين عمار يگصوهـن ويجيبوهن اله!! لان شاهين من صوب عمار ما مات لان نقلو ولد عمه للمستشفى وما مات وباقي للمستشفى وشاهين ما تركه كل شويه يهـد للمستشفى يريد يذبحَه ويلزمـو ولد عمه وعمامـه بلگوه وهسه باقيين على نار لا شاهين يقبل يتنازل عن جثه عمار ولا العمام قابلين يتنازلون عن عمار ويسلمـو لـَ شاهين
:- تگـسر چلمتي يذيب؟
شاهين :- ابــن اسگنــدر انـا اگســر روس وعليهـا ادوس ومحَـــد يوصلنـــي
- يعني تگسرها يذيب؟
:- ذبحو اختي ذبحهم حلال وإذا ترگتـو عايش تا اعلعلـو بحياتو الموت ألو اهـون من عذابي
- اتركوووو هساااع اتركوووو أنسى الثااار
شاهين - الثار ينسـد بأيدينـو لعمار
-ذي..
- انتهـى الچلام
ترگــه وتوجهه يصعَد ليفوك كمت من مكاني ورجعَت للغرفه قبل لا يرجع كعدت على الجربايه التفگـير أكل عقلي اگـل دخَل شاهين ما باوعتله صرت احَس بروحي اخاف منه وحشيته زادت غمضت عيوني من صار كدامـي وحاوط بأيدي وجهي
شاهين- عَش تعلمي هـج؟
- ما مسويه شي
- عَـش تعذبينـو لكلبي فوك ما هو متعَذب ينبضو؟
- ما سويت شي!
- عَش ما تحطي عيونچ بعيوني؟
- اخاف ..
فتحَت عيوني اباوع بعيونه التغَيرت نضراتهـن للحَزن والتعَب بعَد كلامي
هـيام - اسفه لان يجوز جرحَتك بكلامي بـَس بفتره الي رحَت صرت اخاف من للگـل هنا وماحَب اطلع امك متخربطه وما اكدر ادخل عليها لان انتَ ما تقبل ويجوز محملتنـي ذنب لان ما حميت بنتها ، شاهـين انتَ من ضمن الگـل من ضمن الاخاف منهم!
رفعَ عيونه يباوعلي رفعَ ايديه بوسهن بلهـفه مفتقدتها وگـعَد يعتذرلي ويحاجيني شكد هو متأثر على وفاه زمرد وشكد هو تعبان وبـَس يريد يأخذ ثارها مَسحت دموعي واردفت
هـيام -: على الأقل كدرت تأخذ ثارها بنفس اليوم ..
صفَن بعيوني ونزل راسه رفعَت راسه بأيديه اسولفله البداخَلي
هـيام :- انـي مفتهـمتك ويمـكن انـي اكثر شخص مفتهـمك!، امـي ماتت بعَمر صغير واني طفله احترگـت كدامـي لسـه صوت صايحَها يرن بأذني ياريتني احترگت وياها وما طفيت وما تركتنـي ، أبوي احترق بذاك الحريق والحراس والسواق ما كدرت حتى أتقبل وفاه امي وابوي رغـم كلشي بـَس امي جانت تعشقَني عشَق مو بأنصاف مدللتهـا اني بنتها الوحَيده يوم عَيد إذا نمت يمها تمشطلـي شعري كل يوم من اروح لدوام تقرينـي تكعَد قبل الكل توگلنـي وتنومني تحَبني وتدللني
هـيام :- بلحظه بـَس بلحظه فقدت گـل هذه!! فقدت الحنيه الحَـب الأمان الاستقرار فقدت نومتي بحضنها كل ليلة فقدت اهتمامها بية بأكلي بملابسي فقدت امـي فقدت ريحانتـي ريحانتـي جانت تضوچ من اكللها ريحَانتي تكول كوليلـي ماما لا تكولين ريحانتـي عيب ههه مثـل زمرد بضبط هَم جانت ما قبل اگللها زمـزم ماكو فرق ثنينهم انقتلن وثنينهم ترگنـي
:- أعتذر لكِ يا فقيدي عن بكائي
فوالله أن الشوق للميت يُميت.
رفعَت عيوني المدمعَه وهـمست -: قتلوهــا صدگتـي انتَ على الأقل شاهـين والله قتلوهـا
دنـك راسه باس راسي وجرني بحضنه ابچي واشهك واحاچي اشرحـله شلون ماتت كدامي شلون تعذبت بفراقهـا كلشي حجيت إلا من دخلت مستشفى ما حجيت ماعندي جرئ احجي عن الايـام المُريـُرة الي عشتهـن هناك! رفعَت راسي اباوعله واحط عيوني بعيونه
هـيام - انتَ مصدگنـي؟
صفَن بوجهي ثواني وهز راسه بمعنى " اي مصدگچ" ابتسمت ابتسامة واسعَة وهـمسَت - شكرا لان انتَ اول شخَص يصدگنــي
ابتسمت وفعَت عيوني واسترسلت بـَ الكلام
هـيام:- مسلمتـك كلبي لا تگســره
- بوسـط ضلوعَـي ضامچ. ومن روحي احاميچ
حضني وبوس خدودي هـمست - قتلوهـا بـَس ما راح اسَاامح القتلوها لو يبقى آخر يوم بعمري راح اخَذ حق ريحانتـي وبـابـا
سكت شاهين غميت نفسي انـي وين والرجال وين! شوفي حالته!! عيونه الحَمر!! ايديـي الي ترچف!! وجهه الذبلان!! اگـل ما ماكل وانتِ تلغيين براسة!!
- حُر وين؟
باوعلي ودنك راسه صك على اسنانه مانعَ صوته يطلع
شاهين :- ملتحَق
- شوكت لحك يلتحَق؟
- من زتنـي هـين خابرو وراح
- ما يدري زمرد مو؟
هـز راسه " لا " گـل هاي الاحداث الصارت وحَبيبته الماتتت وشاهين اخذ ثارها وهـو مايدري!!
شاهــين-: اول ما لگـاني گالي زمرد أختك قبلت گوم على حيلك تا اتزوچها واسويك خال ضربتـو وضحك وراح رجعَت للبيت وگـل ببالي الگاهـا ناطرتني ودموعها تارسه وجهه ما دريت دمهـه التارس وجهه..
نزلت دموعَي ويا دموعَه أردفت - زمـرد نقَيه راحت يم رب العالمين بچنه مگانهـا صدكني هَي بمكان احَسن من مكانننا زمـرد نقيه تقَيه راحَت يم ربها جانت دائما تكلي شلون راح يكون لقائي ويا رب العالمين؟ وراح أكون العبَد الصالح واگدر احصل على الجنه؟ هسه اگدر أجاوب وأكول كانت من عباده الصَالحَين وگـدرت تحصل على الجنه..
هز راسه ساكت ومرت يومين ثانيه حالنـا بـَ الأتعس شاهين ما موجود اساسا بـَ البيت نجلاء أربعه وعشرين ساعه تبچي على ابنها وام شاهين قافله الباب ومتخلي احد يدخل عليها غير شاهين البيت انكـرب كرب بعَدم وجودها لا عندي طاقه اخابر البنات ولا عمي ولا اي احد أربعه وعشرين ساعه اصلي وادعي لزمرد ويبرد كلي حَـر من يدري
فارشَه سجادتي وكاعَده اصلي وادعي لزمـرد وامـي وأزل ومؤمن وسلوه ربي يرحمهم ودعَيت من كل وكلبي الله يبرد كلب حَر وما يتعلعُل ثواني ونزلت اركض من سمعت صوت صايح قوي...!!
نزلت أتلفت واني لابسه حرام الصلاه اباوع على زوجه حُر الواگفـه ووجهه احمر دم!! وإباوع على شاهين المصدوم وعلي وعمـر المصعَوقـين ونجلاء الساگنه عن البكـاء لأول مره!! صرخَت زوجه حَر بكلام يقشعَر البدن ..
قمر :- لاااااااااا مااااااا يمووووووت وين يموووووووت اذبببببح روووووحي يمممممه الااااااااا حُـــــر إلا حُـــــر......!!!
بهـَت لون وجهي بكلامها درت وجهي اباوع على شاهين طلع يركض من البيت حافَي ما مستوعَب!! علي وعمر لحگـوة نجلاء لطمَت وصارت تبچي طلعَت ام شاهـين من غرفتها من بعَد مرور ايام باوعت لقمـر الي تشهم وتلطم على صدرها كل قوتها وحجت
ام شاهـين :- الحَـوبه تبطي بــس ما تخطي الحَــوبه تسحك وتلحَـك وتاخذ ثلثيـن من الحــك دم بنتــي الهـدرتي اخَـذ منچ زلمتـچ التقى ويا حبيبتـو بجنه..
وكعَت بـَ الارض مستحَيل أتحمل هاي الصدمات بعَد!! عقلي وكف وضرب تقدمت قمر مثل الما واعَيه والمصدومه وكعَت على رجلين ام شاهين تبوس بيهن وتصيح
:- ابووووس رچليچ رجععععي الييييي كلبييييي ما يتحممممل فراااااكووووووووو تعررررررفين شنهووووو يموووووت ما يمووووت ما يتررررركني احچيللللهم اگلللهم زمررررد ما سوت شي والله احجيلهههههههم ما مات ما مات ..
تردد كلمه " ما مات " وادك على صدرها كل قوتها وهنا ادرگـت " حر مات" شلون ليش شكو وين؟ مادري!!! على صوت قمر ونجلاء التمـن النسوان كلهن ودرن حَر مات!!! لطم وصريخَ وبچي انعَاد الخَبر مو اكيد ان مات
والـي افتهمته من الموضوع ان شخَص متصل على شاهين وكاله صاحَب هذه التلفون مسوي حادث بـَ المستشفى بـَ طريق الرجعَه من راجع من دوامه بعَد ايام سوه حادث!!! بـَ الوقت الگـان لازم يرجع ويعرف موت حبيبته!! بـَ الوقت الكان بيَ متحمَس يرجع ويزفولـة عزيزتــة!! ..
طول فتره التحَاق حر تلفونه مغلقَ ومن رجع من اللتحَاقه بـَ الطريق سوه حادث! بـَ الوقت ليعرف بيَ عزيزتـه ماتت! شنو هـــل قدر!!!!!!!
عقلـي وكف وصار ما يستوعَب كميه الاحداث المريبــة! حُـر يموووت!!! حُر!! وگُعت صاعقـة أخرى على راسنـة!! وكأن سقطت نجمه فوك رأس هذه البيت وگـل البيَ راح يموتون! مرت ساعه وساعتين وثلاثه واجو
رفعَت راسي من دخلو علي وعمر وشاهـيـن! وگـفت قمر فاتحَه عيونهه كل قوتها راح يطلعَن من محچـرر عيونهه!! باوعتً عليهم وابتسمت
قمر :- وينووو وينو بابا عايش عايش مو؟؟ بابا عايش ؟؟؟ يباااا يباااا كووول وينوووو يبااااا يبااااا اموووت دحَك دحك بعيوني عايش؟؟؟
ابو رنيـن:- چابـو جانزتو تا تودعينـو
وهاي كانت اخَر محطه صبر لقمـر انهـارت انهـيار تلطم وتصرخَ دخلو الولد التابـوت وعقلي ما مستوعَب الي داخل التابوت حَر!!!! مات حتى بدون ما يتعَذب ويعرف حبيبته ماتت!!! بدون وداع!!..
دخلت ام حُر ونامت على التابوت حاضنته حضن تصرخَ وتبچي
ام حـر-: صغـير بعـدك يروحَـي وصاحولـك المرحَوم
ام حـر : مات الجان عد ربعه شحلاته
مات الكلشي ماشاف بحياته .
ام حر :- شنـو من حـب الخلاگم جوه الگبور يمه
:- يمه روح مهنه بحَبيبتك مهنه بيها يبعد عمري من انتَ وطفيـل ملتوع عليها روح يمه متهنه بيهه .
شهكت تبچي تقنعَ بروحها الصار زين اله والكـل يدري " حـُر يعشق زمرد عشَق مو بأنصاف ولو دره راح تصير مجازر " الكـل كان مقتنعَ بموته عگس موت زمرد محَد مقتنع ومحَد مصدك وحتى لو ترگزون تشوفون اكو فرحان! لان راح والتقى بحبيبته بعَيد عن هنا بهواي
دكت ولطمت أمه خلصت دمعنا من البچي قمـر واكفه صافنه على التابوت شاهين وعمهم الجبير ما يقبلون يفتحَون التابوت ويودعـو
قمر :- يبا مات؟
الكلمه الوحَيده الصدرت من قمر طول ها فترة ساكته وصافنه واكفه كدام التابوت وصافنه شعرها متگفـش وملابسها متشككه ساتريهـا بـَ حرام مال صلاه وكف كدامها أبوها يقنعها هذه " امر رب العالميـن "
بـَس هـيهـات قمر تقتنـعَ! دفعت أبوها ووكعت بصف التابوت حضنته حضن وتحاول تفتح التابوت ويمنعها أبوها وأخوها ثنيـن زلم ما گـدرو لقمـر! دفعَت اخوها كل قوتها ووكعت تصرخَ!! تلطم!! تنحَب!! تبجي!! وجهه صار احمر دم وفرفحَت من گـد اللطم والصريخَ اليقشعَر البدن!! ..
قمر - يبااااا يبااااا حاجوووووو يكووووووم وينووووو وين الموووووت بعدوووووو ما صاااااار اب يبااااا يبااااا امووووت امووووت دحگولي احفروووووو كبرررررري بصفووووووووووووو
لطمَت على صدرهـا وخرمشت وجهه تخَرمش الدم صار يجري من وجهه وأيديها وايدين اخوها وأبوها يبچي بچت بشهـگـه وحَسره صاحت
قمـر- عايفنــي يبــا عافينــي ورايــح لحَبيبتــو!! ما يحبنـــي بعمرووو ما حبنـــي.. رااااايح لزمرررردتـوووو راااااح ترررركني ترررركني ويدري انااا اموت وعايشـة بـَس على انفاسَــــو!!.
أمه من جهه حاضنه القمر وتنعَي نعَي ينخَر القلب من شده ألمه ومرته من جهه تحجي حجي يبچي الصخر " قمر كانت بنيه تعَشق رجلها عشقَ جنوني تغار عليه من كل بنات سلفهــم وگلهـم ما يحبوها بـَس هنا خلت اليحبهـا والمايحبهـا يبچي وينقهــر على حالها ونينــها الـمكسـور أحبالها الصوتيه المشتققَه "
قمر - يبــا تركني يبــا ادفنـي بصفووو ادفنـي بصفووو چتلونـي وخلصوني عَش تخلوني معلعلَه .
اباوع على شاهين الچان ساند طوله على الحايط وداير وجهه يبجي واگتافـه تهـتز انمردت مـرد تمنيت اروح احضنه كدامهم كلهم أواسي وأخفف عنه ولـو بكلمه! دارو الشباب يردون يأخذون التابوت ودخل شاهـين وكع من على حيله من راد يشيل التابوت نام عليه وصار يصرخَ
شاهين - وووووولك حرررررررر صااااااحب رووووووحي مووووو وعدتتتتتك ازوووووجك زمرررررد مووووو وعددددتتتتتك عجل هيييييج تعوووووفني وانااااا صاحب عمررررررك كووووم يووووولي كووووووم كسرتوووووووو ضهررررري كسرررررتووووو كلكممممم بنفسسسسس الوكتتتتتت كلكممممممم هـديتوووووو حيلي هـد ذبحوووووو كلكمممم ذبــح!!!! انـــا هـســاع منين اجيب ثـــارك؟؟..
ذبــح!! مو حادث مات!! عقلي وكفَ والبنات شهـگن قمر صفنت ورجعت تبچي أمه وكفت كدام شاهين تحجي بلوعَه
ام حـر- شلون شلون ذبــح!! كولـي يذيب كلي ابن بطني هذه !!
شاهين- وهو راجعَ من طريقـو ذابحينـو .
- منهوووووو ذابحووووووو. منهووووووو يمه ابنـي يمه
وكعَت بـَ الارض تصرخ وتبچي وكل الي فهـمنا " حَـر رجع من دوامه وبـَطريق الرجعه موكفين سيارتة وذبحو ولاگـي رجال ومتصل بشاهين .
ام حُر من جهه شابكه التابـوت وما تهـده ومن جهه قمر نايمه نيوم على التابـوت وتصرخَ دفنوني بصفو وشاهين كاعد بـَ الارض مهـدوود حيلك طاقه ما عنده يصيح ويبچي وكأن كان الحَمل الي گسـر ضهره.
حار عمهـم الجبير يلزم شاهـين يلزم أولاد عمهم النهـارو ويا انهيار شاهــين لو يلزم قمر لو أمه لو ابو لو أخواته الصارن يصرخَن
جر شاهـين يهمس بأذنه هز راسه شاهين وأشر للـولد كامو وقمر صارت تصرخَ صريخخَ وأمه تبچي بصوت عالي
قمر - يبــاااااااااااا يبــاااااااا وينننننننن ماخذينووووووووو وين امووووووت مااااعيششششششش من دونووووووو عايشة على انفاسووووو انااااااااااا يممممه يممممه حاچي ابووووي كوليلووووو كوليلووووووو بنتك تموت من دون زلمتها كوووووم حُــــر كوووووم لا تكسررررني
جرها أبوها وأخوها وبلگوه ياله كدرو يگمشوها وهيَ تصرخَ وتعيط تخَرمش لزمو أمه وأخواته ودخلو اخذو التابوت وطلعـو ..
ولقَــد انتهــت قصه ذالــك الشَاب حَـــر
بقتــل قبل ان يعَلــم بمقتَل حَبيبتـــــــــة.
حَر كان مگافحَ وشخَص طيب جدا كانت حب الطفوله " زمــرد " عاشَ طفولته وشبابه على حَب زمرد وما فگـر بمرأه أخرى غيرها بينمـا كانت امرأه أخرى تعشقَه من عرفت حَر راح يخطب زمرد انتحَرت وتركت رسالة موضحَه بيهه سبب انتحارها والـي هو " زواج زمرد وحَر " عارض الگـل من زواجهم بعَد ما حاولت تنتحَر قمـر وگالو لـَ لحَر " هاي المره ما ماتت قمر المره الجايه إذا صار عليها شي شلون راح تسامحَ روحك "
حتى ما يدخَل بخطيتها تزوجها وصارت قمَر اسعَد بنيه بـَ العالم بيوم زواجها بينمــا زمرد كان اتعَيس يوم بحياتهـا حَـب طفولتها وشبابــها صار كدامهــا لبنيه غيرها ..! تزوجو حَر وقمر وزمرد تمرضت من التفگـير ومن وجع قلبها على خذلانهـا .
حَـر ما طلعت من گلبـه زمرد ولا ثانــيه والكـل كان يعَرف حتى قمر! بـس ما يكدر يتزوجه لان قمر تقتـل نفسها لو حاول يتزوج غيرهـا .. ومـرت سنتين وقمـَر وحَر ما صار عدهم طفل والخلل بـَ قمر! صارت تتخبل من طاري زمرد ..
ومن يگولـون زوجو زمـرد " زمـرد محَد ياخذها لان محجوزه لابن عمهـا كلنا ندري أخذوها أله " السَلف كله يحجـي بحَب حَــر لـَ " زمـــزد" من خَطب حَــر زمرد بعَد عذاب وصراعَ نفسي ويا اهـلـــه
كال حـَر " حـر خلص عمرو مسچون بحبح "
رفضَت زمرد!! رفضــت خوفا على مشاعر زوچتــه!. ولأن مؤمنه بـَرب العالمين كالت " ما يصير ابني سعادتـي على تعاسه غيري " رغَـم كان حُر حــب طفولتها حاضرها وماضيهــا بس رفضت! لخاطر ما تجرحَ مشاعر امرأه أخرى!!.
انقتــلت زمــرد ضلمــا ذبحَـــا بتاريــخ. 2012/3/9
انقتــل حَــر ضلمــا ذبحَا بتاريــخ 2012/3/20
ولگــل منا حگــايه تروى
ولگــل من حكايتنـا جانب مضلم..
انقَتل حَـر وهو راجعَ من دوامه وطول فتره دوامـة هـو ماعنده اي تواصل ويا شخص بـَالعائله الكـل جان خايف من رده فعَل حَـر بـَس محد يعرف هيج راح يكون رد رب العالمــين..!
وهو راجع من دوامـه انقتـل شهـــيد مضلــوم كان متلهـَف يجي ويقابل حَب طفولته وتصـير حلالــة! ما كان يعَـرف هـيَ انقتلـت وما كانت بانتضـاره!
رب العالمــين ما راد يوجعَ قلب عاشقَ متعذب من ثلاثيـن سنه بعَشق فتاه ما راد يتلوعَ حـر بموتها ويعَيش متلوعَ متعَذب بفراقها وقَبض روحه قبل ان يعرف..
والى هـنـا اكدر اكول أنطيت قصه " حـر وزمزم حقها " وكل معلوماتي الاعرفها حجيتهـا واتمنى منگم ما تنسوهم ابد ابد ويكون ذكراهـم بقلوبنـا كلنا دائما ..
طلعَت جنازه حر ونهـارت قمر ومرت ايام فاتحَه حر اتعَس من ايام فاتحَه زمرد شاهين انهـد حيله وكانت الضربه القاضيـة لشاهـين تعَب وتمرمر بينما قمر تريد تقتل نفسها وتموت ومعيشيها على المهدئات وبعَد أسبوع ضبط بدأء يفرغَ البيت من الناس
نايمه على جربايتـي وأيدي تتلمَس بطني ابتسمت وهمست - شلونك ماما؟ احبـك راح احبـك مثل حَـب حـَر لزمرد بـَس مراح يكون قدرنا مثلهم
غمضت عيوني ونزلت دموعَي استذگر كلشي عشته وشلون حياتي تصعَب يوم بعد يوم كنت فقد بريحانتـي صرت بأمي بأبوي بزمرد بحَر
كلهم ماتو محَد بقالي ..
مسحَت دموعي ونزلت اسمعَ صوت ام شاهين تصيح عليه نزلت بسرعه وشفت هـيدعاء ورنين وأختها وامها ومرأه كبيره بـَ العمر وياهـن
سلمت عليهن ورحَت لام شاهين الحيلهـا مهـدود وبلكووه تحجي كلمه اوگلها شوربه
هيدعاء - والله زين ومداريتچ يَم ذيب
هزت راسها ام شاهين ساكتـة وهـــيدعاء عدها غَـايه من هل جيه راحَت للمطبخ هي ورنين لحكتها شبعَت ام شاهين بسرعه شلت الصينيه وطلعت وراهن بعدنـي بـَ باب المطبخ واسمعَ هـيدعاء تحجي
هـيدعاء - لچماتـو صارو چثير چثير هل ضربه الراح تچيلو راح تموت كلبـو لذيب
رنين - عمه تا يكتل ابنو؟
هـيدعاء - ذيب مسودن بـحرمتـو عشَكها عشَك مخابيـل هـساع كلبو ملچموم موت اختو وصاحب عمرو وحرمتو هساع يخسرها
- وانا اداويلـو جروحَووو
انقبض كلبي هذني شيحجن!!! دخلت بسرعه خليت الصينيه وطلعت ركض ليفوك اريد اخابر على شاهين واحجيله عن الصار واسمــعَ صوت صريــــخَ !!
هـذه صوت شاهـين وهو يصيح هــيام بعَلـو صوته!! احَباله الصوتيه راح تتشققَ من شده عَلو صوته!! وكعَ التلفون من ايدي وركضت بسرعه اريد انزل اشوف شبي!!! بعَدني ما وصلت الدرچ وحَسيت بشاهين صار كدامـي! بس هـذه مو شاهين! وحَش الگدامــي..! ما لحگـت انطَق كلمه واحده وطبگني على الحايط يخنقنـي بقوووة!! الهـواء بدأ يضيق وعيوني متعَلگه بعيون شاهين التنضرلـي نضره حَقد!! اسمعَ صوت صريخَ بنات يحَاولون يفگو مني شال ايده من رقبتي هـستوني ردت اخَذ نفس واوكــعَ بـَ الارض لزم ايدي ودفعَني من اعلى الدراج بكل قوته ....!
وهذه كان آخر شي اتذكـــره ..
فتحَت عيوني ببطئ أشوف نفسي بـَ المستشفى الاوگسچـين على انفَي وتنفسي ضعَيف مغذي بأيدي وراسي احَسه راح ينفففجر من شده ألمه!!
كـل هذه ما همني حطيت ايدي على بطني وهـمست بصوت بلگوه مسموع
هـيـام - ابــــني!!!!!
دخلت عليه دكتوره وماعرف أصلا كم يوم اني بـَ المستشفى ممرضه ودگاتـره المستشفى والغرفه صارت هوسه أشوف وجهه نأس مألوفة!! لحَد كمت من مكاني بسرعه رغَم راسي الي احَس قبقَ راسي راح ينشَلع وتعَبي وقهـري وألم بطني بـَس ركضت لشاهـين من شفته!!!!
شاهـين واگـف بزاويه الغرفـة متگتف ينضر ألي كأن غريبه مو زوجته وحامل بأبنه!! الممرضه تحاول تكعدني باوعتً عليها وحجيت
- ابني ابني عايش!!!!
شاهين - البقيه بحياتچ مات ..
رفعَت عيوني على شاهين مصدومه لا مو مصدومه مصعَوقه شاهين اليحچي بكل برود!! هذه شاهـينــي! الكأن متلهـف تجي بنيه حتى تشبهني؟؟ هذه شاهين اليباوعَلي بحَقد
- شـ.. شاهين ان. انتَ شت.. شتحجي؟؟! ابـ.. ابنك!!
ابتسم باستهزاء وتقَـرب خطوه يوكف كدامي كـدام حالتـي الهـزيله وراسي الملفوفَ بباندچ وشعَري الطالع شاهين اليغَاًر عليه من الهوه!! شفتي ترجف وأيديه يرتعَشن مو بأنصاف ألم بطنـي!! ابنـي ابني!! طلع صور ما كانن صور كانن موت بـَ النسبه ألي!! صور ألي ويا رجال رجال حتى مو شايفَه خلقته! اني بدون ملابسسسس!! حاضني ونايم على جربايه!!! منضر مقزز هزيت راسي عده مرات بـَ " لا "
شاهين - ومنهـو يكول ابنـي يـ.. يـَ النبض الصار يدگ بگراهـيتچ..!
- شـ.. شاهين والله والله مو اني باوعلي باوع بعيوووووني مو اني والله مو اني ليش تباوعلي هيج!!! اني هياااااام اني حبيبتــك!! احبببببك انييييي احبببببك مووووو اني وداعت زمرد مو اني ورووووح امي انتَ مو تدري اني شكد احَب امي مو انييييييييييييي
شاهين :- چنت ضانـــچ لون واحَد ياقــــــــــزحَ
هـيام :- لااااا لااااا مو انييييي مو اني وعلي مو اني وروح امي ..
اصرخَ وابجي بينما يقابلني بأبتسامه مستهزئه أشرلة عمه الگـبير عليه هز راسه شاهين ضم شفتـه وقبض ايـده فتحَ عيونه تقابل عيوني
شاهـين -: انتِ طالـك طالـك طالـك يالماغزر بيچ العشـــك ..
هـيام :
هيام -: بعتنـي مرايـة للعميـان شحاچيـك؟.
:- توجعنـي عينـي من امَـس لليــوم
وبيها عزيــز يطيح ويگوم
ودگتوري شامَت دور عــلوم
وغَطيت جروحَـي بچومـَه هدوم
هـيام -: وفَـٌي صبحِ وقفت امــام مرأتـي
وقــد بانــت على وجهَــي خساراتـي
أرأى شخـص على المرأه يكرهـَنـي
وما أقساة كرةَ الذات لـَ الذاتَ
- اشتــريتك بدم كلبي وبعَتني بدم سنــونك..!
هـــيام - شاهـينـي طلعَ بـَ يريد ينهـينــي.
- يتبع الفصل التالي اضغط على ( رواية ذيب الغربية) اسم الرواية