رواية ذيب الغربية الفصل الاربعون 40 - بقلم طيبة وليد
Part 40
بــسم الله الرحمـــــان الرحــــــــيـم
$ذيـب الغربيه
بقلم- طيبه وليد
عن حال هـيام
-اتعنى لمجان الي كعدته وياك
ما الكاك بس رايد اثر منك
بلچت چلمه ضلت ما نكلها الريح!
الكاها وتجاوب بالنشد عنك!
لو ادور عطر منك بقى اعلى الكاع؟
احط نفسي عليها افيييش اشمنك..!
""
: كُل شي
يهون
بَس
العيون
لو رآدت
عَزيز شلون
""
-فراش الفاتحه لو شفته ملموم بنص گلوبنه تلكه الجوادر ..
""
بـَ الفصــــحَـى:-أتاخذني معكَ، للقبور ؟
فـقد ارهقني البقاء في الحياة دون وجودك
أتأخُذني معك بعيدًا ؟
حيثُ، لا يوجد سبيل للرجعة مرة اخرى.
""
"لمــار"
بعَد تعب وإرهاق چسدي وفگُري حسيت بروحي تخَطيت كلشي مريت بيَ تقويت اكثر وصرت اعرف الزواج مو كلشي! وابتعَـدت ابتعاد تام! عن هاي الفكره
گـعَدت بـَ الغرفه واحَـس بروحي ما مرتاحه وهنا احَـس بتعَب اكثر هـيام ما موجوده واني اشتاقيتلها واحَس روحي ثگيله عليهم فرشت سجادتـي ودعيت رب العالمين يرحمنـي ويحفضلي خواتـي ويبعَد عني عمار ويقدم الي بيَ الخير
وانـي اصلي لا إرادي صرت اتذگر شسوه بيَ وابچي اني ضعيفه مو مثل هيام ولا مثل يمامه
لمـار - الله يلــوع كلبــك مثل لوعــة زينب على اخوتهــا عســاك بضيم كلبي
مسحَت دموعي بلگوه ولميت سجادتـي ودخلت يمامه باوعتلي وكلبت عيونها الكبار تهمس
- شبيج ليش عيونج حمر؟
- احـَس روحي ثگيله عليهم..
يمامه- ثگـيله الايام ما تمشي شوكت نخلص
لمار - يمامه احَـس بغربه..
- غربتنـا الحقيقه هنا ولا يگلك هذه بلدنـا!
- ماعدنا احد بي اليتيم وين ما يروح يحَس بغربه
- الله موجود
- ما باقي شي فتره قليله ونرجع
- نرجع احَـس روحي راح ارجع لاهلي على گـد ما مشتاقه
- تصدكين حتى اني الماحـب تركيا وناسها اريد ارجع
- أصدك من العشتـي طبعا أصدك
لمار - دگي على هـيام مشتاقتلها
- خَوش
كعَدت يمي تدك على هـيام وتدك وما تشيله
لمار - ليش ما ترد
- ملتهيييه ويااا الحووووب
- ايعَ كبر انعوچ حلكي
- انجبـي انجبـي
لمار - خلص لتدگـين بعَد عليها علمود لا نسبب ازعاچ الهم
- تمام
دخلت الحمام تجدد وعمو جاسر مسافر وابراهيم أربعه وعشرين ساعه بشغل زهـراء حامل وابراهـيم ما يقبل تتحَرك ويخاف عليها كلشَش وموصينـا ما نخليها تسوُي شي لذالك حاليا هي نايمـه ومحَد بلبيت
تملمَلت وطلعت للحَديقه أدور بعيوني على جمالها وترتيبها شگـد حلوه! ابتسمت اتلمـسَ الزهور واشتـم ريحتهـن ملأت ملابسي اخذت واحده ودخلت انطيتها ليمامه
" هيـام"
:- ضايعَــين لا فرحَ يندل دربنـا ولا حزِن فـك ياخـة عنه.!
:- بگُــيت من كل حواسي نسيت من اي مكان ادمع!
من عيونــي! ام قلبـي! ام روحي!
گــلي انزِف...
عيونـي جمدت على مكان زمزمتـي الطاهــرة ومنضر دمها وهو يتفاقـم ويفوحَ من رگبتهـا ما يطلع من راسي جمدت عيوني وفكره موتها وذبحته ضلم أكلت روحَي!!
حاوطنـي السواد من گـل الجهـات .. فزيت وانـي بصاله نايمه على صوت صررريخ عالي!! كدرت اميَـز صوت منو؟ وعرفت صوت ام شاهين! وام حَـر وام مؤمن!
روحَي احسها تنسحَن سحن وتتگطع لملمـت روحي وحاولت اگوم بـَس فشلت بسبب ألم بلاعيمـي واختنقَت مو وكتها مو وكت الربووو هسسسه!!!
وگعت بـَ الارض اگحَ كل قوتي واشحرچ ألهوه تشحرچ اصوات النسوان داخل الغرفه لسَه مقفوله عليهن الباب بـَس هيدعـاء والبنات وينهن!! بنص ضيمـي واختناقـي نزلت رنــين وياها بنـت ماعرفها من فوك بيدها حَـبل نجاتـي بيدها الاوگسچين! وكفت كدامـي مبتسمه بحقاره لوحَت عبوه الاوگسجين بـَ الهواء وهـَمست بـَ فحيح
- تردينـو؟
هـزيت راسي اي عده مرات ادك على صدري واگـحَ بعلو صوتي واصيحَ وابچي
رنين - مااا كااان لازم تتزوجينوو هو الي من طفولتووو الي ماااات ماتتتت وما حصلتووووو كنتي عقبه بطريقنااااا سوووة مااات ماااات تركنيي تركنيي
كامَت تصيح البنيه البصفها دفعتهه وجرت العَبوه من ايدها كعدت كبالـيي اخذتها من ايدها واستشقَت الهواء اخذت نفَس بقوه وهدأت من روعَي بينما رنين وكعت بـَ الارض تصيح مات تركتيي تركتيي وسعَت عيوني ولزمت البنيه الكدامـي من أكتافها بقوه ابچـي
هـيام - اسمعي اسمعي أنيي جنتتت بحلم مووو؟؟ حلم من احلاممممي العاديه؟؟ زمرررررد زمرد وينهااااا وينهااااا زمررررد!!!!!
- ماتت ماتت
عاطتهه البنيه وصارت تبچي بحركه تركتها ورحت اركض اطلع ليبره حاولت افتح الباب مقفوله رفعَت انضاري وجمدت عن الحرگـه وجمد الدم بعروقـي من شفت الدم!! الدم مالـي كل مكان..
كعدت بـَ الارض ما مستوعبه الصار ولا مستوعبه موتها شلون تموت! قبل ساعه جنت اسولف وياها! قبل ساعه جنه منتضرين جيه شاهين! قبل ساعه وافقَت على حر! قبل ساعه حضنتني! بهـل سرعه البشَر يموت!
هـيام - لااااااااااااا زمرررررررررررد زمرررررررد مااااااا تمووووووووت عمممممممممه
ركضت بهـستريه ادك على باب الغرفه واحاول افتحها بـَ لا جدوى الباب مقفوله أضرب بيها بأيديه ورجليه والنسوان يصرخَن صريخ ويزداد صريخهم ويا صريخَي أضرب على الباب بأيديه لدرجه ايديه تملخَن وصارن يجرن دم
ام شاهين - وينها زمرد هـيام بنيتــي وينها؟
گُعدت وره الباب ابچـي بحرگه دم واعضعض باصبعـي واحَس روحي تتآكل من الدخل اريد اگـل جلدي مثل ما روحي تتأكل صرخت بقهر
هـيام - ذبحوووووها ذبحوووووها ماتتتتت زمزمتـي ماتتتت والله مالهاااا ذنب والله كتلووووها كتلوووووها والله حاولت احميهااااا والله هاج شوفي شوفي وجهي وأيديه ورجليه يجرن دم بـ بس قـ قفلو البـ الباب..
صرخَت بعد كلامي تصيح بكلام يقشعَر البدن خشمي وحلگـي وحواجبي يجرن دم وأيديه واصابعـي واضافري واصابـع رجليه كلهن يچرن دم اقنع بروحَي ما ماتت وشاهين راح يجي وينقذها ..
- بَـاجر عگــب باجر چايــك للبيـت فرغلـي روحَك خل أحاجيها
لتگـلي الگـبِر والچـفَن والتابـوت
فگـره موتـك ما مقتنعَ بيها !
عَدل وضل عَدل
لو تندفـن مرتيـن
يامحبـوب عيني ومُي سواچيها
روحـي رافضه فگـره موتها رغَـم منضر قتلها ما يطلع من راسي ودمها موجود لسه! بـَس عقلي وكلبي ليش رافضين يصدگون!
ام شاهين - ردتهــم يزفوهــا تالـي ذبحوهــــا ..!
صرخَن النسوان واني صرخت وياهن احَسر شسوي عقلي رافض وجسمي يهـتز من وحده انزف من گـل مكان نسيت نفسي حامل ونسيت كلشي
هـيام - لااااا تبجوووون يجوووز ما ماتتت يجوووز ما ماتتتت اسمعي عمممه هييي هسه ما موجوده ولا هم موجودين هو اخوهاااا اخوووووها مايسويهاااا بيههههااا يجوووز اخذوهاااا لـَ المستشفى اي اي
زاد الصريخَ بعد كلامـي يدگن على الباب كل قوتهن ويصرخـَن ويلطمـن الببيت مقفل منَ كل الجهات صوت وبچي وصريخ التؤؤام ما توقف صرخت ابچـي ساده اذاناتي راح اتخبل والله راح اتخبل
- ماااريد ماااريد يمه يمه وينج يمه اريدج يمه
رنين - هيام هيااام
- يمـه الليله زمزم خطار يمچ تعودت كل عزيـز ياخذه التراب
شهكت ابچـي وحطيت راسي بين رجليه اشهك وابچي أعض بأيديه ملختهن تملخ والدم يجري منهن سديت اذاناتي كل قوتي اضغط على راسي واحَس اريد اركع راسي بـَ الحايط .. رفعَت راسي شفت رنين والبنيه البصفها صافنات عليه بخوف
هــذه الموقف بذات رجعَــني سنيــن ليـوره..!
حاوطنـي السواد من گُل الاتجاهات .. ورجعت فزيت على صوت صريخ قوي
ام شاهين - احَـير بمنهوووو بـَ وصلـة چبدي المفگـود والا احَير ببنتي الذبحووووووها
لطم ، صريخ ، صريخ أطفال ، صريخ بنات ، تعب ، هلاك ، حزن ، وفاه ، ذبح ، فقد ، جنون ، موت ، ام ، تعاسه ، انتضار ، فقدان ، خوف ، هلاك ،
گـل هذه عشناة بهـاي اللحظات باوعتً على روحي بعدنـي بنفس مكاني ونفس كعدتـي الفرق رنين والبنيه ماكو! زوجه حرَ وين!! هيدعاااء وين!
ما كان عندي فكر وافگر كل تفكيري بشاهين وزمرد وما مستوعبة فكره اعز ثنين على قلبي ماتو! واحده انذبحَت گـدام عيوني!!
صافنـه بـَ الارض وعقلي ما مستوعب بدأت أراجع كل ذكرياتنـا وكل لحظه جنت ويا زمرد بيهه زمـرد حبيبة گـلب شاهـين زمــرد عزيــزه عيونه.
هـيام - وينـك ياحَبيبي شوف شصار بينة ذبحَو عزيـزه عيونك گـدام عيوني
حجيتهه وشهـكت بـَ البجي دموعي تنزل روحَي فارت واحَس بغليان صار بكلبي وروحي توجعني وينهه زمزتـي وينهه حبيبتنا وينهه!!
هـيام -: چنت أخر ضوه بروحّي .
انهدت عيوني تبچي من سمعت ام شاهين تصيح مهدوَد حيلها
ام شاهين - ولچ هيـام هـاي زمزم مو زمزمتـچ؟ ولچ عَش ما كلتيلهـم ما تسويها بنيتـي تربيه ايدي ما تسويها
- كتتتتلهههم والله كتلللههههم كتلهم مالهاااا علااااقه كتتتتلللهم زمززززم اطهرررر من ميَييي زمزم وماااا تسويهاااااا ذبحوووووها ذبحووووها كداااممممي!! والله توسلت بيهم والله والله كتلهم لا تذبحوها كتلهم هاي زمزم ما سمعونـي..
ما كدرت أكمل كلامي واندفرت بـاب الصاله دخلو عمار وصگـر وابو عمار وابو رنين نسيت وجع رجليه وجع بطني وكلشي بيَ نسيته رگضت ركض أوكف كدامهم وامسح وجهي بأيديه
هـيام - وينها زمرد وينها ليش موو وياااكم!!!
صگر باوع على عمار وعمار صفَن عليه خنزر ابو رنين
ابو صگر - عار علينا ماعدنا بنـوه اسمها زمرد
هـيام - شتحجييييييي انتتتتتتت شتحجييييييي زمرررررد تشرررررفك وتشررررررف عشيرررررتتتتك ماكووووو غيررررك عاااارررو
خنـزر عليه بعيونه ورفع ايده ضربني راشدي خدي اشتعَل شعل وهو يغلط ويسب دكيت ايدي على الارض وصحَت بقهر وروح رايحه
هـيام - تــريـد تخلص سلفَـك من العار؟ اكتل روحك
ابو عمار - انتِ شنهوووو هل عررررامه ذبحچ حلال على هچلام
هـيام - اذبحنننني يلااااا اذااااا انتتتتتَ رجااااال اذبححححننننييييييي
تقرب صگر جر ايدي يگومني من الارض وابو رنين جرني من شعري كل قوته حسَيت بفروه راسي حَـ تنشلع وصكر يجرني منه
هـيام - انتَ عااار وحتى كلمه عاار قليله بحَقك انتَ خنزيرررر مثل الخنزيرررر بضبط لا غيرررره ولا خلقُ ولا اخلاقُ بـَس يجي شاهين مثل الفاااار راااح تضمممم نفسسسسك!!! بييييييك خيررررر وتممممد ايددددك عليييييه هسسسسه اخاااابرررر عمامـي يجوووون يسحلوووووك يااااخنزيرررر
هد شعري من عنده صكر وضربني راشدي حسيت وجهي اشتعل من الراشديات وهذه الگتـل رجعني لايام كتل الطفــوله نفَس الدم اليسيـل من خشمي ووجهي ونفَس الايد الخشنه التضربني
صكر :- امسحو لگلامها بشواربي
هـيام - تف على شواربـك
تفلت على شواربه وما حَسيت غير جرني من شعري يضرب بوجهي ومحَد بيهم يضرب على جسمي خوفا على الطفل! كل هذه واني حامل! حامل يا ماعدگم مخافه الله
هـيام -جلااااادب كلللكمممم جلااااااب وحيوووونااااات وقنااااادر ماااابيكممم واحدددد رجاااال هههههه صكرررر صارررر رجاااال ويمَد ايددده عليه تذكر بأخر مره مديت أيدك عليه شلون داَس شاهين على رأسك؟ لو تذكر شلون كسر أيدك؟؟
ضربني راشدي طگـن سنوني دم من كثر الدم الصار بحلگي صرت ابلعَه وكعت بـَ الارض وراد يرجع يجرني صگُر وگمشه عمار
هـيام - هههه لو عمار صار رجال؟ تذكر من شاهين دره انتَ كتبت لمار كسرك تگـسر وحرك ايديك وكسر فكك ورجليك ودخلك مستشفى تدري لو دره انتَ ضربت مرته تتوقعَ شيسوي؟ هل مره يذبحَك ذبح مثل ما ذبحتو زمرد يا عاااارراااات ياااا خوانيث ياا..
بعدني اريد أكمل وترك صكر وجرني من شعري يكومني صار بوجهه ابو يصيح عليه يگله حااامل حااامل
عمار - خللل تحترررررم روحههههاااا إذا حاااامل انيييي ابنيييي كتلتتتته تريد اهتتتتم بأبن شاهين
هـيام - شاهين تاچ رأسك شاهين الراح يجي ينعنع ضلوعك
عمار - هههه مات شاهين مات بحح
وكعَت بـَ الارض أزوع دم! حَسيت راح ازوع حتى كبدي سحَلهم بره ابو عمار فات صكر فتح باب الغرفه وطلعت النسوان كلها تصيح وتلطَم وتصيح ليش كتلتوها ويلطمـن ويصرخن
ام عمار - ووولك ليششش خلصووو بناتناااا خلصووووو كتلتوههههن كلهن
صكر - اششش ولا چلمه عـار وغسلنـا عارنـا
ترگهن وطلع من البيت وگعت ام شاهين بـَ الارض تلطم على صدرها وتصيح بكل علو صوتها هـليوم جان فاجــعة بمعنى الگلمه الدم يوكع من حلكي والگل يبچي ويلطم ويصيح اسوددت الدنيا بعيني وهـل إغماء استمرّ يومين أفز واكعد على صوت الصريخ رعَـب عشت هنا
هـيام -: عَليلـة وفـوك عَلتي عَلعلونـي
گـعدت واني بغرفه على صوت صياح عالي فزيت مخروطه وگـل وعقلي شاهين اخيرا أجه وراح أشگيله شسوو بينه طلعت امشي واتعَثر وأول ما لمحَت منو بـَ الباب وگعت بـَ الارض صكر! عمار! ابو عمار ! ابو رنين ! وشيخ!! ماكو نسوان هنا وماكو احد غيرهم باوع عليه صگر ابتسم وعمار ربت على كتفه لا ارديا عرفت شنو راح يصيـر
بسرعه ابتعدت ارجع للغرفه هـستوني ارجع للغرفه وحط رجله صگر ردت اصرخ دفعَ الباب وسد حلگي بأيده رفعَت ايدي وضربته راشدي صك على اسنانه وابتسم
صگر:- تعجبنـي قوتچ
- عاار وتضل عااار والله تخسَي أتزوجك يااعااار
صگر - عجل هـو بكيفج؟ إذا ما تصيرين حرمتـي اقتلو لابـنج
- أصحى أصحى انتَ شتحجيييي يا اببببن التگتتتله يا مجرررم قتلتتت اختتتك وتريد تتزوج مرت اخووك مرت اخوك اني يانذذذل ياخسيسسسس
صگر - اشششَشش شاهـين مات مات تا چثه ما ألو هساع تصيرين حرمتي وتنسيـن الي شفتينـو گبل إذا ما تصيريلي حرمه اگتلـو لابـنچ
- تهـددني تهدد؟ تهـدد بنت لـ الفهـــد! لك عار هسه اخابر عمامي يدوسون على راااسك يا قندررره باااابه اني وراي ذيابه واسود مو جلب المثلـك يخلوني
صك على اسنانه وجرني من شعري فروه راسي حسيتهه انشلعَت الالم اگُل روحي آكل وبطني بدأت توجعني هـَمس بفحيح - ومنهو گال عمامچ يدرون؟ هـساع تطلعـين لشيخ وتنطيـنو موافقتچ وتصيرين حرمتـي تا لا نقتلـو لابنچ
من شده الالم الصار بببطنـي خفت اي اول مره بحياتي اخاف وحَسيت هاي امانه شاهين لازم احميها هزيت راسي وقبلت كالي البسي حچابچ واطلعي وطلع وكعت بـ الارض ملخَت روحي تملخ شعري صرت أجرجره بأيديه وأجرح بروحي بأضافري من وجع روحي عضيت ايديه وخليتهـن يجرن دم
-: وينـك يا وطُــن روحَــي
يا شمَس العَافية المتغـيب
وينك يا جرحَ عُمري
يا جرحَ الما أريده يطيبَ
مثلـك وطـن ويِن الگُه ؟
لبَست حجابي وطلعت الشيخ گاعد وصكر يمه وعمار وابو وابو رنين واگُفين كعدت وعيوني على الارض بدأ الشيخ يحجي ماعرف شيخ شنو هذه حگـم شنو هذه؟ يعقُد لبنيه على حماها ورجلها ما ساله سبوع متوفي؟ وحتى الأربعين ما طالع!
الشيخ :- هـيام فراس فهــد هل تقبلين الزواج من صگر فهــد اسگندر
هـيام :- لا
عـَم الهـدوء التـام بعَد كلمتـي والشيخ سگت رفعَت راسي اباوع على صگر اليياوعلـي وعيونه ناطه وعمار طك رگبته وابو رنين وابو عمار صارو يتعذرون من الشيخ تركت كلشي وحَسيت بكسره كلبي هنا حَسيت بمعنى " اليتيم الحقيقي " لو عندي اب جان صار كل هذه؟ لو عندي ام جان ما حَس كلبها؟ ام شاهين وين ليش ساكته مو كالتلي بنتها اني؟ وينها؟ زمزمتي وينها ؟ وينها تدافعلي من صكر كل مره؟ لـيش هل مره محد يمي ليش هل مره كسره كلبي كسرتـي؟
بنص افگـاري وكسره كلبي وحَسيت براشدي شلعَ خدي شلعَ غمضت عيوني مستسلمه للمـوت هل مره ماريد أدافع واصيح واعيط مثل كل مره هل مره اريد اموت منو بقالي حتى أعيش؟ خليني اروح يمهم وارتاح
لزم الفـازه مال الورد وطشرها بـَ الارض جرني من ايديه وصرخت من مشيت على الكزاز مال الفـازه ورجليه تجرحَن وصارن يجرن دمايَه انضربت ضربه على وجهي جرا الدم كله من خشمي ووگعَت بـَ الكاع هستوه يسحَبني من شعري صكر وصَوت السلاح ملئ ارجاء البيت..!
وكعت بـَ الارض وخشمي وحلگي ورجليه يجرن دم گـلي انزف.! ولا واحد يضرب على جسمي كلهم على وجهي وجهي ينزف من گُل جهه واحَس بروحي طلعت وبطني بدأت توجعني طلعو كلهم يتراگضوون مراگُض ويشوفون شنو اصوات الاسلحَه الي ملأت البيت بچيت بضعف وحطيت ايدي على بطني امسِد عليها وابچي
- لا ماما لا حبيبي كلشي ولا انتَ انتَ أملي بيك لا تعرفني الله يخليك لا تعوفني لا تسويها بيَ لا تسويها ازعل عليك تقبل ماما تزعل؟ لا تسويهااا لا تسويها
قطعَت كلامـي ورفعَت انضاري الملهـَوفه وشهـگُت شهگُه من اعماق قلبيُ من شفت هـذه حبيب روحَي حبيب عَيوني الاثنين نزل خله ايد جوه رجليه وإيد جوه راسي وشالنـي بين ايديهـه وهـمس
شاهــين- وداعَـت خضــار عيونــچ يالنبــض لخليچ تدوسين روسهـم برچليچ .
هـيام - ز .. زمزم ذ. ذبحو.. ذبحو زمزم
اخَـر كلام اتذگـر حچيته ومن بعدها أغمى عليه وما حَسيت بدنيا ..
گـعَدت فازة باوعتً على روحي رچليه مضمددات بضمَاد ابيض وأيديه گذالك شعري ممشَط ولابـسه بجامه سوده وفالينه سوده وبأيدي كانونه ومغذي باوعت عَلى غرفه مو غرفتـي ما كدرت احرك روحي من الالم غمضت عيوني مستسلمَه ورجعت فتحَت عيوني من سمعت فتحَه باب
فتحَت عيوني شفته كدامـي شفت شاهـيني بـَس مو شاهيني القوي شاهـيني المهـدوم شاهـيني المهـدود حيله العَيونه حمَر دم! شاهـينـي الي ملابسـه متربه! شاهيني الي شعره مخربط وأيده مضبره! رفعَ عيونه يباوعلي وابتسـم بقهر گعد على الجربايه ودموعَه تنزل دفـن راسه بركبتي ودموعهَ بللـن رگبتي بچيت وياه
-: حميتها والله حميتها
استمرّ يبچي بدون لا يباوعلي شهگُت بـَ البچي وكملت
:- حميتها ودافعَت عنها بـَس والله ضربوني والله ضربوني عمار دفعَني وقفل الباب عليها وصگـر.. صكر ذبحها وما أتذكر شصااار كعدت أدور عليها مالكيتهاا وما لكيت واحد منهم وصكر صكر گالي يريد يتزوجني وإذا ما اتزوجته راح يكتل ابنا بـَس ما قبلت والله كتله اكول لعمامـي ما .. ما خلوني اتصل بأحد وضربني شوف وجهي شصار بيَ وهم ما قبلت من سئلني الشيخ والله وا..
رفع راسه من رگبتـي عيونه حَمر دم شرار صار يطلع من عيونه عيونه تريد تنط ويا كل كلمه احجيها رفعَ ايده مسَد على راسي وباس كصتي وأردف
شاهين - دموعچ تيزاب عليهـم وحك داحَي الباب
حجاهـا وطلع البيت ما عرفه والمكان ما اعرفه لا اكدر اكوم ولا اكدر أتحرك مر وقت طويل وخلص المغذي شلته من ايدي وحرگت ايديه وجسمـي وطلعت من الغرفه اسحَل بروحي البيت هذه بيت هـيدعاء!!
نزلت من الغرفه وشفت هـيدعاء گاعده وحدها مسحَت دموعي ونزلت راسي اهـمس - خاله تعرفين شاهين وين؟
هـيدعُاء - يولي دحگـي ذيب چتال اخو واخو شارد من هـين وذيب ما يلفي البيت إذا ما يچتلو
- وشاهين وين أريده؟
باوعتَلي بنضره غريبــة مريبُه گدامهـا عصير برتقـال قدمت ايدها اخذتـه وانطتـه ألي وحچت - اشربي چدامـي انتِ حبله يولي
- ماريد
- اشربينـو
أخذته من ايدها بدون ما اناقَش زايد بـَس حسيت بـَ لعبان نفَس طعمه غريـــب!! ومو طيب!! مثل البرتقال المعَفن!! بـَس استبعَدت كل الافگـار من راسي زمرد ماتت وشاهين بهل حاله وام شاهين بهل حاله منو يفكر يسوي شيئ بنص هل فوضى؟!
هـيدعاء- اشربينـو گلـو
هزيت راسي وشربته وصعدت ليفوك سديت الباب وكعدت ملخَت روحي تملخ صيحت وعيطت وانفچرت بچي الگانونه انشلعت والدم انفچر بـَس ما هتميت رحت للحمام نزعت ملابسي ودخلت جوه الدوش ابچـي كل قوتي واتذكر شلون ذبحوها تشوف دمـي دم الكانونه يوكع ويا المي واتخبـل بزايد من أتذكر دمها شلون يتناثر من رگبتها
ملختَ جسمي تملخَ وكعدت ابچي وحَسيت دموعي نشفن من گـد ما بچيت
:- منـو الكالـك من تبچي ترتــاح
هـاي نضحَـك بيهه على المساگــين
الدمـعَ ماله علاقـه بنـار الگلـوُب
المَـطر لو طاح ما يطفـي البراگـين .
لبست ملابسي نفسهن ورجعت امشي جسد بدون روح شمرت نفـسي على الجربايه ودموعَي صارت تنزل وحدها لا إرادي اتذگـر كلشي عشناه ما تستاهـل زمزمتـي الطاهـره روحها الحلـوه وجها البريئ رفضت عشق طفولتها لخاطر مشاعَر مرته التسبببت بقتلها ضلم!! ختمت القرأن لخاطر تنساه تعبت بحياتها طاهـره زمزمتي طاهـره روحها إذا حجيت وياها كلمه تخجل وخدودها تورد وهسه شلون بيهه؟؟ شلون بيهه بلگبـور ؟ حمامتـي الحلـوه وينها ووين الگبور بعدها ما صارت 20 بعدها ما دخلت عمر الشباب بعدها ما شافت شي بحياتها روحَـي يا حمامتـي رفرفي بـجنه
:- اموتـن الف موته بعَتبه الدار لان كل ذكرياتـك ساگنه البيـت
مره هـنا گُـعدنا هـنـــاك مرات
ومـره هنا نمـتَ ومره هنا تعَشيت
هـنا مـَره لمحَتك تگتب سـَطور .
ذكرياتها اخخ يا وجع روحـي على ذكرياتها ذكريات صارت زمزم؟ بعد ما أتشاقى وياها؟ بعد ما اضحك وياها ؟ بعد ما اسولف وياها ؟ بعد ما تحجيلي بعد ما تورد خدودها من اضحك وياها ؟ بعد ما تضوچ من اكللهـا زمزم؟
خلـص؟ رفـرف جناحهـا لـجنـة؟ ..
شددت لزمتي على بطني خايفه على طفلي ابتسمت بنص دموعي وهـمست :- شكرا ماما لان ما تركت امك بأصعب أوقاتها احَــبك
وهـنا كان عُوض رب العالميـن ما خسرت كلشي عندي صحَ خسرت أغلى ماعندي وخسرت زمزمتـي بـَس شاهين رجع وابني ما مات! والحمدالله على هاي النعمه كل هذه الضرب وما تركني متمسـك بيَ ابتسمت امُسد على بطني بهدوء واحجي ويا
:- عمتـك جانت متحمسه تشوفك وتلزمك وتلعَبك بـَس ما لحكت.. جنة نكعد اني وياها ونسولف ونتخيلك بحضنا وهي تتحَمس وتكول جيبي بسرعه واني اضحك عليها احبها اني كلش احبها جانت اختي اختي
بچيت بقهر وغطيت وجهي بأيديه ابچـي واشهك تعَبت من البچي جبت عمري ضيم بضيم
:شكد ايام مرت فاركيناه.
ودورنه بمكانه ومالكينا.
يادفان كلي هم يرد ردود؟
عميانه على الزينين عيني..
ابچـي بقهر ودموعي تنزل اريد افگر بشي غير زمرد عقلي ما يستوعب موتها ما يستوعب الطريقه الوحشَيه الي ماتتت بيها " بنـيه بريئه طاهـره مثلها تنقتـل ضلم" عيوني أريدها تسگـن ما تسگـن وروحي احسها توجعني من گـد التعَب
: -هل كُسر قلبك؟!
_ لا، إنهُا احترق
بسبب تكرار الخذلان
والحزن ومرار الفقد
وألم النهايات.
مرت ساعَه وساعتين واني نفَس كعدتي ونفَسي عيوني بدأت تغمض وحدها ووجهي بدأ يتعَرق بشكل مو طبيعي بدأت اتخـيل أشياء مو طبيعَيه!! حَــيونات!! بشـَر بوجهه حــيَوان!! عيوني تتگـلب وحدها واحَس براسي صار غليان!! ما اكدر انطقَ كلمه ولا اكدر احجي حرف بيـن الصاحَيه والنايمه حَسيت بشخص يبدل ملابسي فتحَت عيوني بـَس كلشي مغوش! حسيت بشخص يجرني ليمـه وشخص يعدل بشعري شخص يهـمس بأذني لحَد ما فقدت تماما..
فزيت موسعَه عيوني بـَس شفت ملابسي نفسهـم والغرفه ما مفتوحَه عيوني انمُلت دموع واحَس بألم راسي راح ياگلنـي نزلت بسرعه مگمشـه بـَ الحيطان وامشي بلگوه وصلت لدرچ واسمع صوت رنين تحچي
رنين -: عمـه عَش سويتو هـچ!
هـيدعاء - اسَ ولا حَرف هـل چلام تنسينـو تـا ما اشلعـها لاذنچ
رنين -: عمـه شعيصير هساع!
هـيدعاء- ننتظر ننتظــر مو هـســاع لچمتيـن على كلبٌو لشاهـين چثير چثير
رنين :- خلي ينلچم تـا اعالچـو أنا
هيدعاء - ههههههه
هـستوها رادت تحجي ودخلت اني على الصاله ما دققت بگلامهـن بـَس رنين ارتبگُت من دخولي ردت احجـي بـَس ما لحكت احجي بسبب صوت السلاح القوي!!! رچ المنطقه رچ
عيونـي جمدت من الموقف ومن خوفَي على شاهين.. أفعالي صارت مو مدرگـه وحقَي الشي الي مريت بيَ مو سهل عيوني صارت تذرف دموع طلعت ارگُض لشارع حُافيه ودموعي تنزل لازمه بطنـي وبـَس اريد أوصل لبيتنا
دخـلت البيت ارگـض فتحَت الباب وعيونـي جمُدت على المنظر الگدامـي رجليه رچفت وعيوني ذرفـت دموعها وگُعت بـَ الارض من هول الموقف نفـَس الموقف تگرر!!!
شاهــين لازم صگـر من رگبتـه وبأيد شاهـيـن خُنچر! بلحظه سريعَه خرز الخنچـر برگبـه صگُر وگـَع صگر بـَ الارض ورگبتـه تتناثـر منها الدم يفوحَ فوحَ!!!
گـام شاهـين من مگُانه بدون ما يلاحظ وجودي جر سلاحَ موجود بأيد علي الگُان برمَي بـَ الجو وبلحظه سريعَه رمه طلقَه على عمار المدمـُي بـَ الارض وبَس نفس يصعَد وينزل بلحظـه سريعه طلعـو علي وعمر وشاهين اسلحَتهم ورمـُو بچو صاح شاهـين
شاهـين -: هــساع تنضــف السلــف من العَــــار!!!
يتبع....
- يتبع الفصل التالي اضغط على ( رواية ذيب الغربية) اسم الرواية