رواية المتخفي الفصل الثالث 3 - بقلم ريم محمد
*دخلت المطبخ وانا مستغربه إلياس متعصب كل دا ليه حتي أخواته اول مرة اشوف تعبير غير التعبير العادي علي وجوهم وساب القصر وطلع*
*باباه طلب من الخدم يرقوا المكان، بس كان مبسوط وطلب فنجان قهوة ومزاجه رايق ازاي باباه بالقلب دا
استغربت جدًا وممته بغض النظر عن رفضها ليّا بس كانت زعلانة ومتأثرة، حاولت أخلص شغل المطبخ بسرعة
بس للأسف معاد الغدا اتأخر لأن إلياس طلع برا*
*اتصلت عليه مردش فضلت ارن لحد ما رد وقال*
_سبيني يا جين لوحدي وياريت متتصليش تاني
_طيب والاكل؟ وانت مضايق ليه؟
_مش حابب اتكلم وياريت مشفوكيش قدامي الفترة دي تمام؟
_طيب انا عملت ايه؟
_سلام يا جين
*انا ذنبي ايه مرة يطلعني السما ومرة ينزلني الارض مش عارفه في ايه وبحاول أفهم اللي حصل، مش قادرة*
*قالوا ليا اجهز الغدا طالما مش جي، كنت بقطع الخضروات ومش حاسة من كتر الزعل الس*كينة كانت هتعدي علي ايدي لولا رئيسة الخدم دي أخدت بالها*
*انقذت الموقف وقالت*
_بتعملي ايه، عقلك فين؟
_انا مكنتش مركزة
_اهدي ومتتوتريش اقعدي اشربي الميه دي
*استغربت أنها طيبة معايا وبتتعامل عادي كدا؟؟؟*
_متستغربيش أنتِ زيي
_زيك ازاي مش فاهمه؟
*حسيتها اتوترت وشها اصفر وقالت بتوتر*
_قصدي زي بنتي واي حاجة تحبّي تقوليها عرفيني
*كنت مترددة أسالها عن سبب ضيق إلياس قولت يمكن
تكون عارفه، قررت اسألها*
_هو إلياس بيه مضايق ليه؟
*فضلت ساكتة فترة كويسة وبعدها اتكلمت وقالت*
_مضايق من النظام وكل حاجة ومن اللي جي
_ايه هو اللي جي؟
_هتعرفي مع الوقت
_ليه كلكم نفس الكلام؟
_نفس الكلام؟
_ايوا، بترددوا نفس الكلام
_يعنى إلياس بيه كلامه غريب وزيك كدا
*اتوترت وعلامات الصدمة احتلت ملامح وشها وقالت *
_إلياس بيه اتكلم معاكِ وفتحلك قلبه؟
_اه، ايه المشكلة
_لا مفيش، روحي دلوقتي شمي هو وفي الوقت المناسب هعرفك كل حاجة
بس خدي بالك الفترة الجية هتكون صعبة وبلاش تكوني قريبة من إلياس بيه هي هتكون صعبة علي الكل مش أنتِ بس، فخدي حذرك
_ازاي أخد حذري؟
_بمعنى أنك متتكلميش كتير مع حد في وقت ما العيلة تكون موجودة، متتوجديش وتجنبي إلياس بيه
_ماشي، هعمل كدا لحد ما أفهم في ايه
*طلعت بعد ما خلصت كل حاجة، ولاقيت إلياس جه ومعاه وحدة!، قلبي اتقطع وحسيت بشعور مُهلك وكمان كان مقرب منها!
عيونه جت في عيوني وكانت نظرات عيونه ثابتة!
مبتتحركش خالص*
*مر من جمبي وقال*
_لونا، دي جين الطباخة الجديدة لو حبيتِ أي أكلة اطلبيها منها، اسمها جين
_جين؟، اسمك مميز بس حركة كويسة إن إلياس يعرفني عليكِ خصوصًا أنك تُعتبري من طاقم الخدم مش غريب الموضوع دا؟
*حاولت أكون ثابتة لأخر لحظة، وقولت*
_عشان أنا أمهر وأكثر إلفاتًا من بين كل الخدم بس أنا من طبقة أعلى من الخدم أنا شيف مش خدامة؟
_اممم، بقولك يا إلياس متخليها خدامتي الشخصية
*بصتله مُنتظرة ردة فعله بس كأنه جماد مبيتحركش!*
_أنا مهنتي هنا، الطبخ معتقدش ليا اي علاقة بحاجة تانية خلي إلياس بيه يشوفلك حد أحسن
_بس انا قولت عيزاكِ تكوني خدامتي الشخصية
*اتكلمت بحدة وقولت*
_أنا مش خدامة لحد فهمتِ؟؟
قدامك كل الخدم اختاري وحدة، أنا اسمي شيف جين
*لاقيته اتكلم وقال*
_جين هنا شيف يا لونا هشوفلك أنا وحدة
*سيبته ومشيت وأنا جوايا نار نار كبيرة أوي ساكت متكلمش ولا فكر يدافع عني! وجايب وحدة كمان البيت! *
*فضلت أبكي بحُرقة والدنيا اسودت في وشي، وبعدها من كتر العياط نمت ومحستش بحاجة *
* حلمت بواحد مُلثم بيجري ورايا ولون عيونه ظاهرة كانت لون عيونه زرقه
وكان طويل وانا عمالة أجري وخايفة منه لحد ما وصل ليّا ولسه هيمسكني، صحيت من النوم *
*فضلت افكر يا ترى مين دا؟
بس إلياس عيونه خضرا مش زرقه دا عيونه زرقه! يطلع مين ولا دا مجرد وهم علي هيئة حلم*
*سمعت صوت ضحكتهم ولاقيت العيلة كلها متجمعين سوا وكلهم مبسوطين بوجود لونا حستني هوا دخل حياة إلياس ومليش لازمة لدرجه دي؟؟*
*فضلت باصة من الشباك وهما متجمعين في الجنينة وسمعت باباه بيقول*
_مرات ابني المستقبلية نورتينا قولي بقي امتي الخطوبة يا الياس
_مش دلوقتي شويه كدا
_طبعا الاستقبال مش أحسن حاجه بس كويس ان الياس راح ليك علي المطار
_ولا يهمك يا عمو المهم اكون وسطكم ولما الخطوبة تتحدد بابا وماما هينزلوا يحضروا الخطوبه
*دموعي نزلت تلقائي ومقدرتش استحمل، طلعت برا من باب خلفي لجنينة وفضلت أجري وانا مش حاسه بحاجة لحد ما حسيت بهوا بارد ورايا ولسه هبص لاقيته اختفي، حاولت أرجع معرفتش!*
*لاقيت فجأه نفس المُلثم قدامي!!! *
*يعني الحلم طلع حقيقة!
كان مركز على السلسلة اللي في رقبتي!، وبعدها قرب مني وفضل ساكت شويه وبعدها سابني ومشي للاسف فضلت واقفه في الغابة وانا معرفش اطلع منين*
*وكان الجو ضلم وانا خايفه اوي، مش قادرة!، فجأه لاقيت إلياس قُدامي
واتكلم بقلق وقال*
_طلعتِ برا ليه؟؟؟
_يهمك في ايه وبعدين أنت بتراقبني عرفت منين أني هنا؟
_قولتلك بحس بيكِ
_واضح أوي الإحساس دا
_صراحة لونا المناسبة لعيلتنا بس مش معناها أني محمكيش
_بأنهي صفة تحميني؟؟
*اتهرب من السؤال وقال*
_يلا عشان نروح
_مش عايزه اروح معاك، هروح لوحدي
*لاقيته ركبني العربيه ومشينا
مسافه 10 دقايق كنا قدام القصر، نزلت وقلعت السلسلة ورمتها في وشه*
_مش عايزة السلسلة بتعتك دي خدها
*وقعت على الأرض وأخدها وفضلت معاه، وأنا دخلت من باب تاني محدش حس بيا، تقريبا كانوا خلصوا السهرة، محدش كان في الجنينة*
_كنت فين يا إلياس؟
_كنت برا ورايا شويه مصالح
_طلعت فجأة فقلقت عليك
_أنا كويس يا لونا اطمني
^^^^^^^^^^^^^^^^^^
*حاولت أتجاهل إلياس علي قدر الإمكان ودخلت المطبخ أجهز فطار وطلبوا أنواع كتيرة
كنت مستغربه ليه أنواع كتيرة
وحسيت بحد ورايا فكرته إلياس قولتله*
_متحاولش معايا يا إلياس
*ببص لاقيته نفس الشخص اللي قابلته في الغابة!!
من غير قناع! *
_أنت أنت أنت بتعمل ايه هنا؟
_صاحب القصر، حد يقوله كدا؟
يتبع…..
- يتبع الفصل التالي اضغط على ( رواية المتخفي ) اسم الرواية