رواية بين يدي الغامض الفصل الثالث 3 - بقلم رقية
_ روحت لاقيت ماحدش موجود في البيت، رنيت عليهم اشوف هما فين لاقيتهم سافروا علشان مرات خالي اتوفت سابوني لوحدي
لاقيت مسدج علي الواتساب من رقم غريب “أهلا إسراء أنا عيسي مازن اداكي الورق”
_ أهلا مستر عيسى ايوه اخدت الورق
عدا اسبوع وأنا في الشركه حققت أكبر تارجت في الشركه وبالمناسبه حليت المشكلة بتاعه الموقع وجزء من المجموعة عرفوني
= السلام عليكم مستر عيسي
_ أهلا أهلا إسراء اي اخبارك مبسوط جدآ بالنجاح اللي قدرتي تحققيه في أسبوعين بس من دخولك شركتنا انتي بيرفكت بجد
= بشكرك جدآ، كنت حابه ابلغك إني خلصت الورق
_ طب كويس اوي هشوفه بكره بأمر الله واخلي مستر جواد يبص عليه
نمت وصحيت لاقيت عندي نشاط رهيب لاقيت بشرتي مرهقه قررت احطلها كام ماسك غسلت بشرتي واتوضيت وصليت وقرأت الأذكار
رنيت علي مريم تعدي تقعد معايا شويه قبل الشغل
= انتي فين ومش بتردي عليا ليه
_ أنا في البيت عدي عليا اقعدي معايا شويه
= حاضر جيالك
عدا ربع ساعه لاقيتها وصلت
_ آمال اهلك فين
= سافروا علشان مرات خالي اتوفت
_ وانتي مش هتروحي تعزي
= عايزه اقولك علي حاجه
_قولي!!!
= أنا اتقبلت في الايفنت وهسافر كندا كمان اسبوع مع مستر جواد
_ بتهزررري؟؟؟؟؟
= والله
_ يابنت الايه ومتقوليليش
= بجد يا مريم مش عارفه كل ده حصل إزاي وامتا وليه اصلآ اشمعنا أنا؟؟؟
_ تفتكري اللي في دماغي صح
= مريم بلاش بجد اكيد لأ، مريم ماتيجي نوقف شغل هناك ونشوف شغل تاني
_ إسراء اسمعيني لو ده قدرك هيجيلك لحد عندك ماينفعش نعترض علي حكمه ربنا وبعدين جربي مش هتخسري حاجه الدنيا تجارب مش أحسن من اللي كنتي تعرفيه زمان
عيطت وأنا بتكلم = اسكتي بالله متفكرنيش حسبى الله ونعم الوكيل فيه ده مريض نفسي أنا إزاي قبلت بيه
_ بس بقي علشان خاطري متعيطيش وان شاء الله حقك هيتردلك في يوم من الأيام
= كل مافتكر بتصعب عليا نفسي إزاي هانت عليا وقبلت بكل ده
_ ربنا بيحبك ي سيرا والله وهيعوضك صدقيني
= خير بإذن الله أنا واثقه فيه و في كرمه
_ بس قوليلي اي الحلاوه والشياكه دي يخربيت حلاوتك يابت هتوقعي كل اللي شغالين في الشركه
= بجد شعري حلو وهو مفرود ولا اعمله ديل حصان
_ خليه مفرود احسن بيبقى شكلك تحفه فيه
= طب يالا بينا علشان منتأخرش
وصلنا الشركه وبدأنا شغلنا
لاقيت مستر عيسي بينادي عليا
= اتفضلي يا إسراء جبتي الورق
_ ايوه يا مستر عيسي اتفضل
= ماشاءالله انتي مش سايبه اي معلومه إلا وكتباها أنا بجد مش عارف اقولك اي انتي عبقريه بجد
_ بشكر حضرتك مستر عيسي
__________________________
= انت متأكد إنها اللي كاتبه الورق ده بايديها
_ أقسم بالله ايوه يا جواد آمال أنا منبهر بيها ليه
= اممم طيب هنشوفها هتعمل اي في الايفنت
_ ان شاء الله أنا واثق إنها هتكسر الدنيا والشركه الأسهم بتاعتها هتترفع برا مصر
= طيب خلصت، برا
_ قله الذوق عندك التوب ياعني
ابتسم بسماجه = متشكر لذوقك برا بقي
_________________
خلصنا شغل والكل بدأ يمشي
_ يالا بينا علشان نمشي بقي إحنا كده هنقفل الشركه مش كده
جه مستر عيسي = إسراء معلش استأذنك تقعدي علشان فيه ورق محتاج تلخيصك فيه
بصيت لمريم ولمستر عيسي لإني مكنتش قادره اكمل وعايزه أروح
_ طب روحي انتي يا مريم وانا هخلص واروح
= مريم مش هينفع اسيبك ازاي هتروحي لوحدك مافيش غيرك في الشركه
_معلش انا هتصرف روحي انتي متقلقيش عليا هبعت محمد اخويا يجبني
= طب تمام خلي بالك علي نفسك حقك عليا بجد
_ انتي عبيطه والله امشي يالا علشان متتاخريش
قعدت مكانش فيه غيري في الشركه
= معلش يا إسراء هستأذنك همشي أنا علشان عندي مشوار مهم
_ هو مافيش حد غيري في الشركه!!
= لا طبعاً فيه مستر جواد فوق، أول ماتخلصي الورق سيبيه علي المكتب ومستر جواد هياخده
_ تمام
عدا نص ساعه مكانش فيه حد غيري حرفياً وأنا بخاف جدآ لما بكون لوحدي في اي مكان كنت تكه وهعيط
الحمدلله بعد ساعه كنت خلصت الورق وسيبته على المكتب ومشيت
________________________
= انت فينك
_ كنت بخلص حوار كده انت فين
= أنا خلصت ومروح اهو
_إسراء سابت الورق
= ورق اي؟؟
_ كنت مديها كام ورق للمبيعات اللي مش راضي يخلص ده تلخصه جابتهولك؟؟
=وأنا ايش عرفني لما تيجي ابقي شوفه سلام
_ انت رايح علي الفله ولا الشقه
= الشقه
= اممم علشان كده بتسرحني ماشي ياعم سلام
==============================
_ ازيك يا ماما اخبارك ايه
= بخير ياحبيبتي انتي اخبارك اي اتغديتي
_ ماليش نفس والله يا ماما إنتوا هتيجوا امتا
= بكره ياحبيبتي ان شاء الله خلي بالك علي نفسك يا إسراء وماتفتحيش لحد واقفلي بالمفتاح عليكي وخلي بالك من نفسك خلاص إحنا جايين بكره محمد اخوكي مرجعش من السفر
_ لسه يا ماما مرجعش
= طب ياحبيبتي خلي بالك علي نفسك واهتمي بأكلك وصحتك
_ حاضر عايزه حاجه
= سلامتك يا حبيبتي
- يتبع الفصل التالي اضغط على (رواية بين يدي الغامض) اسم الرواية