رواية ذيب الغربية الفصل التاسع و الثلاثون 39 - بقلم طيبة وليد
Part 39
بسـم الله الرحمان الرحيــم
$ ذيـب الغربيه
بقلم - طيبه ولـــيد
""
هيـام:
مِاكو شي ردتَـه بحياتـي وصـار
وحزنـي لو ينَشاف يشيَب الصغَـار
وهُمـي لو يتَسولف يبچي ناس كبَـار
شحچَيلك عَن يا تعَب؟ محَتــــار
انـا كُلبي گطُن وشبَت بنصَه النار
""
"هــيام"
" الرجوع إلى الماضي "
رفعت راسي لمحَت المگُان اضلم وصايره دويره بلنص مفروش گُنبار وداخَل الگُنبار ادوات تخوُف صور ناس وملابـس ودم!!
بلعَت ريك وگُف عقلي وگُل اعضائي من سمعت صوت طگُطكه جوه الحربايه مديت راسي أشوف شكو ولمحَت بزوونه!!
بزونه سوده عيونهه صفر وبصفهه بزونه نايمه على ضهرها وگُل احشائها طالعه من داخل بطنهه!!!! المنظر مقررف مقززز وعيوني نجحظت على المگُان والبزونه السوده صافنه عليه وبصفهه البزونه الميته بضبط!!
عقَلي نشل وحسيت بخمول يحاوط چسمي بـَس بسرعه لاحگُت روحي وطلعت من الغرفه ونزلت ليجوه ارگُض العركه إلى الآن مستمره ولمار واگُفه تبچي بهدوء وزمرد يمهه وجها احمر وواضح شگُد ضايچه على لمار
ترگُتهن وجهي مخطوف لونه ومتعرَقه وطلعت ارگُض اريد أوصل الباب واطلع من هذه البيت المخُيففف!!
طلعت رگُض وصار بوجهي علي وشاهين وياهم زلم واگُفين بطارمـه اول ما لمحَني شاهين خزرني بـَس من الخوف حتى ما هتميت ورگُضت عليَ
خنزر بقوه وعلي أنصدم والجماعه نزلو روسهم بسرعه عافهم شاهين وجرني من ايدي يبعدنـي عنهم ويَسد عليه كدامهـم
شاهين - هيييييام هييييااام هيييياااام
- شاهين متوجعَه راح اموووت
رفعَ أنصاره عليه بسرعه وصفَن بملامحي القلقه والمتعرقـَه وجنت اتقيئ ومن هول الموقف أيديه وفگُي يرچفن بـَس من شده غيرته وعصبيته لان طلعت بنص الزلم ما انتبهه على حالتي إلا من سد عنـي
مد ايده يتلمس حرارتـي واني ارچف والدمعه واگُفه بطرف عيني همست - خل نروح حباب
هز راسه بدون كلام حاوط ايدي بأيده وطلعني من البيت
هـيام - لمااار لماااار
- اششششششَ علي يزتهم
هـيام - خل تچي لمار ويانااا
- اي خلها تچي رايحين متنزه احنه
- هسه وكت تحشيشش
- عچل اهچبي
سگُتت وصعدنا السياره واحـَس بمعدتي تغلي غليان وراح اتقيئ حتى گُبدي!! وصلنا للبيت بـَ الألف يا علي رغم الطريق القصير شاهين يحجي ويريد يأخذني للمستشفى واني ارفض نزلت بسرعه للبيت ارگُض ركض لغرفتي
نزعت الحجاب والعبايـة مختنگُه واحس بروحي تطلع اخذت ملابس ودخلت للحمام والتفگُير نخر عقلي نخر! هـاي شنو البزونه الميته؟ ليش بصفهه بزونه عايشه؟ والدم الـي على الگُمبار شنو؟ والملابس والأوراق؟ ياربي ساعدني راح افقد عقلي
حَسيت بخوف واني بلحمام وبديت أتوهم واخاف لبست ملابسي. شلون مچان وطلعت رگُض الخوف اگُل عقلي وكلبي اول ما طلعت صار بوجهي شاهين جرني من ايدي يگُعدني على الجربايه گُنبص كدامي وأردف
شاهين - شبلاچ! يولي
- شاهين أنا خايفه
شاهين - افا تخافين وذيب بسدچ!!
- شـ شفت
ما گُملتهه وبچيت احتار وياي شلون يسگُتني وشيسوي وتخبل يريد يعرف شصار شكو ليش ابچـي تنهـدت اسولفله
هـيام - عـ عمار..
شاهين - اذبحوووو لعماااار واخلصصص من همووووو!!! شعملللل يوووول
هـيام - لا اوگُف خل احجي ، دخل عمار الچلب وحجه على مرته ومدري شنو ومرته لا كرامه ولا خلق ولا كلشي!! لعبت روحي منهه ومن عمار وردت اتقيئ وما تحملت ركضت فوك فتحت باب غرفه ودخلت اتقيئت ورفعت راسي شفت بزونه ميته واحشائهه طالعه!! وبدونه ثانيه عايشه وكُاعده تباوع علي! وملابس ناس ودويره بلنص بيهه ملااابس وأساور ومحابـس ومعاضـد ودم!! وسچاجين وأدوات تخوف والريحه عبـالك جثه وميتتته!!
وگُفت كلامي وصرت ابچـي واشهك تعبت والله تعبت لا بيه بعد احجي ولا ابرر بطني مغصتني من كُثر التوتر والخوف لزمت بطني بأيد وغطيت وجهي بأيد وابچي بحرگُه حسيت بيَ يگُعد بصفي ويحطني گُلي بحضنه يضمني من هاي الناس ومن هاي الدنيا كلها ..
ضليـت ابچي بحضنه بزايده الموقف مرعُب ومخُيف واني تعبت من هل أشياء ومآبيه حيل مشاگُل رفعت انضاري اباوعله وجهه احمر دم مفتح عيونه يباوعلي ومرگُز بوجهي لدرجه عيونه انطبعت بوجهي
شاهين - ابچـي هاي دموعچ تيزاب انزلو على گُلبهم
- شنو؟
شاهين - تتوهـمين هومه بابا
- شاهين شنو أتوهم؟؟ داگللك شفتتتت شفتتتتههههن بعيووووني!!
روووح انتتتتَ ارجع للبيت وشووووف بعيوووونك!!
شاهين - طلعـي من عگلچ يولي لا تورين كلبي
- شاهين انتَ ملاحظ شدتحچي؟ ارررريد اعرف شنوووو هنااااك شكوووو شنووو هذاك الدم والملابسسس! والبزوووونه الميتتته شعدههها هناااك!!
شاهين - هيــام!
عاط بيَ لان علت نبرة صوتي زياده نزلت روحي من حضنه ورحت اريد اگُوم هستوني وگُفت واستوقفنـي منً جرني من ايدي وگعني مره ثانيه بحضنه باس وجهي وعيوني وگعد ساعه كامله يقنع بيَ الي شفته مو شي صحيح وداتوهـم مو اكـثر! او يجوز صحيح بـَس مالنا علاقه بهذه الشي وشاهين راح يحَل الموضوع طلعت الموضوع من بالي غصبا عني وخلصت
نمـَت وتوسطـت احضانه مثل گُل ليله النا سوه ونمت..
فزيت من النوم على صوت شاهين يخابر بتلفون رفعت راسي من على صدره أشوف وجهه نضراته عليه وايديـة شابگاتنـي وأيد كامـَش بيهه التلفون يخابر بهـمَس ما لقطت أذاني ويا منو ديحچي وشگُال لان هو جان صافن عليه واني رفعت راسي اباوعله اول ماً گُعدت سد التلفون وچرني يحضني بأيديه ثنينهن ويمشي خشمه على خدي
هـيام - ويا منو چنت دتحچي؟
شاهين - عَـش ماتبطلـين تدحسـين الدال بچلمـة؟
- بكيفي بكيفي
- خًوش
- ويا منو چنت دتحچي؟
- شغَل
- شنو من شغل هذه بنص اليَل!
- نص ليل؟ ساعه بـَ 10
- حييييل شكد نايمه
- نامـي چعل محد غيرچ ينام يالنبـض
- اني معليه ما چنت انام هيج قبل هذه طفلك!
شاهين - مسيچين ابني شعتسوين ذبيتو براسو
- هـاا حلو صار مسگـين! واني الموزيننه مو؟
- له له يولـي انتِ النبض
- أمم
- زعلتـي؟
- مهتم؟
شاهين - اغدي تراب يولي إذا عيونچ زعلو
- اي زعلت
- عَـش؟
- شاهين شنو ليش انتَ صاير تحب طفلك اكثر مني!
شاهين - انـا عَـش حابـو؟ غـير لان انتِ امو يولــو
- يعني تحبه لان اني أمه؟
- اي
- اوووي وانييييي احببببك كوووومه كووومه كوووومه
- اغديلچ فدوه ونذر
استحَيت ونزلت راسي دحَست روحي بحضنه ضحك وحط راسه بشعري يستنشق عطرة وياخذ نفس عالـي
شاهين - ما ناويه تاچلين؟
- هـاا
- عَـش مسطوره يول
- شاهييييين
ضحك وانـي گُمت مبوخه من الخچل دخلت الحمام وعدلت نفسي ونزلت ليچوه اني وشاهين
هـيام - اهلك گـلهم نامو واحنه هسه ياله نگُعذ
- اهـلنـا
ابتسمت ابتسامَه واسعه احـب ترگيزه على كلامـي وشلون يرگز بلحـرف شلون اللفضـه ومعنى كلامة لان گـلت اهلك كالـي اهلنـا يحسسنـي اني مو يتيمه وماعندي اهل
هـيام - تدري شگُد احبك؟
ننزل الدراچ وهو گُدامـي وگُف من نطقت هاي الحجايه واندار عليه رفع تگ حاچب وابتسم حط أيديه بچيوب البچامه وجاوب
- لا ، احچيلي
هـيام - اممم ، احبـك كومه اگثر من الگُل
احبـك هواي هواي هواي گلـش حتى صرت ما احلم بأمي من انام بحضنك اني جنت احلم هواي بيهه وماحَـس بلامان ابد بـَس هسه ماحلم ابد لان انتَ امانـي ووطنـي الوحـيد الفريـَــد.
شاهين - وطن!
هـيام - وطن ، انـي جنت غريبه بترگيا صَح ما حسيت بغربه وانولدت هناك هم وعشت وما اچيت للعراق ابد بَـس ابقى عراقيه الأصل وانتِ رجعتي لأصلي انتِ عراقي ووطنـي وبدونـك هذه الوطن ما ينطب
عيونـه لمعَت بفرحه غمرتـة مثل الطفل من يحصل مديحَ من أمه ويفرح ابتسـم على فرحته بگُلامي ردت اگُمل بـَس مالحگت لان شالني بين أيديه بسرعه خلاني اخترع واچلب بيَ
- عززززرة شاهييييين رااااح نووووكععع
شاهين - جؤ يولـي اهچبي تا لا تخافين وانا وراچ
- راح نوكع احنه على الدرج
سوه حرگُه بحلگه بمعنى " لا" چلبت برگُبته ورجليه متعلگه بلهواء نزلنا الدراچ وهو يمشي اليگُلك يمشي وحده ويتبخَتر ولا يگلـك شايل امرأه حامل! اي امرأه لعد شنو؟
هـيام - ماشاءلله شاهييين عضلاتك طلعت مو اصطناعيه
رمقُني نضرة بمعنى " توبي" بـَس طبعا مايتوب
هـيام - اءءء انتَ معضل وحلو وشخصيه وكذا اني اول ما شفتك انعچبت بيك رغم لقائنا جان سخَيف جدا ولو هو طلع مو لقائنا لأول بـَس صدك يعني انتَ شلون يعني حبيتني من أنا صغيره؟
شاهين - لا نتعمُق بهل موضيع اواشـك
- مااا مااا مااا اريد اعرفف
- ماگـو
- حبااااب
- ماكو
- حببباااااب
- جؤ ماكو
- حباااااب حبااااب حبببااااب
- ماكو!
- حباب حباب حباااب حبوووبي احجيلييييي
استغفر وزفر نفَس حسيته ضاچ من صدك وسگتت ماريد اللح زايد نزلنـي بلمطبخ وگُعدت على الكرسي طبعا اني مبنطخـه لا شغل لا عمل لا دارسه متزوجه شلون زواجه تخبل عمي بطلن وتزوچن قحط دراسه اهم شي تزوجون واحد نفس شاهينـي شاهـيني
هـيام - نيني اريد بتيته گلي وطماطه
- شنهو!
- طماطه گلي وبتيته گلي وخضره هم ولبن اممم واريد دبس وراشي او لاا لا اريد دبـس دمان حامض اممم ايييي واريد لبن حامض والطماطه اعصر عليها ليمووون ايييييي
- لا يولـي گبلها
هـيام - شنو قصدك على نيني؟
- نيني؟ منهو
- انتَ نيني شاهيني شبيك!
- شنهو يولي نيني؟
- حلو ترا شبيك!
- لا يولـي تايسمعچ احد تگولين چلمه نيني لذيب الغربيه يسونو مهزله بين العربان هساع
- معليه عچبني
- هومه
- شاهييين! هو دلع شبيك صاير متتحمل كلشي انوب على كلشي تحاسبنـي! هو دلع بكيفي ادلعـك بينا مأكول كدام احد لتضوچني شاهين انتَ مو زين ويايييي!
- استغفرالله ، هومه بابا طيرتـي
- لا طيرتك ولا هومتك ولا تفهمني ولا أفهمك نيني يعني نيننني. !
سگُت مني وصفن عليه ثواني وحجه
- عجل شوگُت تسوين الاچل؟
هـيام - شلوووون اسويييييي وانييييي حااااامل عزه عزةةة شاهييييين بطني توجعنننني
شاهين - عجل انـا اگُف حالي حال الحريم اطبخ؟
رفعت حاجبي وهزيتله راسي اي وحطيت ايدي على بطني ابتسم وگُام من مگانه ام شاهين مخليتلنـا الاگُل هو كام حمى الاگل صفنت عليه وهو يتحرك بلمطبخ التشيرت راح ينشك من عضلاته وبياضه الطاغـي شعره الگُثيف وشخصيته ألرزنه الضابـه حتى هـيام العرمه! حمى الاگُل وثرم زلاطه وحمى الخبز وجايه گدامـي
شاهين - اه اه تالي عمرو لذيب الغربيه يخدم الحريم
- حريم شنو حريم السلطان!
- شوفو منهو يحچي عجل عـَش سمونچ هيام!
- مالها دخل هذه اسم تركي مرموُق واني احبه
- وانا ميت بيه
- اممم
- تحبينـي هومه؟
- ليَش احسك ممصدك انـي احبك؟
تنهـَد تنهيده خارجه من عمقُ روحه باس كصتـي وكمُل ياگُل بهدوء اگلت ويا ولملمنـا سوه أثناء ما شاهين يلملم واني ويا اسوي روحي اشتغل دخلت ام شاهين شافت شاهين بيده المواعـين واني شايله الخبز غطت حلگهه بشيلتهه فاطسه ضحك
ام شاهين - اه يمه ههههه طول عمرگ يشاهـين يمصگوع ما دخلتو للمطبخ وهساع تطبخ وتنضفووو هههههه
شاهين - يما حامل!
هـيام - وإذا مو حامل ما تطبخلي؟
حجيتهه وبرطمـت ام شاهين گامت ضحكتهه بلگُوه منتضره جواب شاهين وشاهين صفن عليَ كتفت أيديه اباوعله ببرائه لحد ما استسلم وگال!.
شاهين - اطبخلچ وانضفلچ
ام شاهين - هههههههههههه
شاهين - يما احبها النبـض هذهِ ميت عليهه
ام شاهين - يديمها الگُ يمه تصبحون على خير
رجعت تنام لان كعدت على صوت الطگُطكه وشاهين كمل واني ويا اضحك واحشش لحد ما ضحگُته وغيرته مزاچهه واگف منتضرنـي كدام الدراچ واني اغسل واضحك بـَالخفيه كملت وتوجهت ليمه مديت أيديه مثل الطفله المنضره ابوهه يشيلهه وهمـسَت بطفوليله تضحك:-
:- نينـي
شاهين - عيونو وروحـو وگلبو المايدگ لغيرچ
لف أيديه حول رجليه وشالنـي صعدنا لغرفتنا نضحك ما كدرنا ننام لان كعدنا متأخرين باوعنـا فلم طبعا غصب عنه حتى هـيام ما تزعل ماشانـي وخلصنا الفلم ضل وياي لحد ما نمت رغم هو نعسان وراد ينام بـَس اني بقيت اسولف وگملت سوالف ودخلت بحضنـهه بنوم عميُق..
كعدت الصبح وشاهـَين نايم رفعَت راسي اباوع على وجهه جماله وايديـه المحَاوطتنـي بهدوء رموشه الگُثيفه وشراييَن ايديه الوضحَة كلشي بيَ يخليني اعشقه اكثر وأكثر أسلوبه تعامله حبه الـي
شاهين - خلصتٌي صفنه بوجهـي يولي؟
هـيام - ههههههههه لتصير مغرور وبعدين ما صفنت بـَس ردت أكلك انتَ موحلو من تنام
- اها
- اي
شاهين - وقتـي ضايع من انام لا انـا الصافن بوچهج ولا أنا المسوي شغلي
هـيام - سالك شكد نايم صاير كسول!
شاهين - ساعتين
هـيام - اااااهععع نايمين بـَس ساعتين لحظه لعد انـي شلون كعدت شبعانـه نووم!؟
شاهين - انتِ نايمه ثمن ساعات وانا نايم ساعتيـن يولي
هـيام - ليش وين چنت؟
شاهين - صافَن بوچهچ يالنبـــض
صفَنت علي وهو گُل وعقله يحجي جان كل هل ساعات صافن بوجهي؟ مستحيل! وين اكو هيج؟
هـيام - اكيد دتشااقه مستحيل موو!
شاهين - اي يول اتشاقة
حجاهـا وگُام للحمام يسبح ورحت احضر ملابس برأسها خير ملابسي كلها مشخلعه بـَ الغرفه ومالبس ابد شي مستور او تراك عادي اندگُت الباب واني صافنه على كنتوري صحت
هـيام - منووو
أجاني صوت بنيه ما ميـزَته منو بـَس لا زمرد ولا لمار لان اعرف اصواتهـن فتحت الباب بدون ما أشوف منو وكلت - تفضلي
دخَلت رنين واحـَس روحي تكهررربت شعندددييييي دخلتهااا للغرفه بـَس ماكدر اطلعلها لان يچي احد وشاهين يطيح حضي والله زمنننن هـيام تخاف اخخخخ بـَس حاولت اتماسـك أعصابي واني أشوفها گُصت الغرفه كص وتدور على شاهين بعيونها ودارت عيونها عليه واگلتنـي اگُل بعيوني
هـيام - تفضلي حبي رايده شي؟
رنين - ذيب
هـيام - نعععم؟؟؟
رنين - اواشك بـَس اريد احچي ويا شاهين
هيام - شعندج تحچين ويا؟
رنين - شي خاص..
هيام - شي خاص تچين لغرفته حبيبي؟ انتضري ينزل واحجي ويا
رنين - جايه احچي وياچ لا تمنعينـو يحجي وياية!
هـيام - امنعه شنو طفل هو وآمنعه؟ كلامچ مو منطقي حبيبي
رنين - كلحنـه ندري لو گُلبي السماء خضراء ذيب يكول خضراء
هـيام - شاربه شي؟
رنين - ها؟
صفنت بوجهـي متعرف شتحچي راح تاگُلني آكل بنضراتهـا وكصت الغرفه كص تريد تطول بالحديث حتى يطلع شاهين وتشوفه وطبعا من صوت المس هـي عرفت شاهين بالحمام بـَـس حبت تستغَبي
رنين - ذيب وين؟
هـيام - بلحمام
رنين بقلق- شعيسوي؟ عـَش يسبح؟
هـيام - شنو هل سؤال؟ الواحد شيسوي بالحمام!
صفَنت بوجهي الدموع تلالي بعيونهه هاي صاحيه! هسه إذا امرغلهـا تمرغل بالكـاع اكو واحد يكليييي ليش
رنين - تا تعرفين نهايتـو يتزوچ من بنات عمومتـوو!
الورث محيطلع للغربــب ونهايتووو يتزوج من بنات عمومتووو
ونهايتو يتزوجنييييي وتا تصير هاي غرفتچ غرفتي!! اناااا تصير
هـيام - عمرچ ماراح تصيريـن زوجه شاهين حبيبي الي! خليها ترچية بأذنچ هاي الحچايتيـن ، وهسه روحي منا احسن من ما امسح بيچ الكاع ماعندج كرامه؟ There is no dignity, are you crazy? روحـي منا والنا لقاء ثاني الضاهر انتِ تردين تنسحليـن
رنين - تا ما تستحـين تلبسين هچ؟
هـيام - لا لا انتِ صدك موصاحيه! انـي وين احجي وهي وين روحي باباً روحي
دفعتهه خارج الغرفه وطبگُت الباب بوجهه عجيبه هل بنيه! تحسوهه خبله من كثر ما متعلقـه بشاهين ومجنوووونه! گُعدت على الجربايه متنهـده احَـس بتعب نفسي من أشوف رنين وبما ان رنين هنا يعني الجمااعه كلهااا هنا وياهلا بـَ الكلام الحلو الينقـط عسل اليوم
طلع شاهين من الحمام لاف منشفـَه على خصره وما لابـس ملابـسه بعده تقرب كم خطوه يوگُف كدامي رفع راسي يباوع بعيوني ودنـك عليه طبع قبله على حنچي أردف
شاهين - ضايچه ومحترگُه النبـض بغيرتهـة
- سمعتهااا شحجتت!!
- سمعتهه وحسابهه بعدين وياي ينراد الها تربايه الضاهر ما منگُتله من زمان
- اي حتى اني كلت هيج الاااا انتفهااااا
صفن بوجهي وهو يعيـد كلمه " انتفهاا " باوعلي وكال انـا احجي أنباري وما تفتهـمين وهي تحجي تركي ومافتهم ضحگُت مد أيديه يحاوطـن خصري ومشَه انفه على فگـي واردف بصوت راخَـي
شاهين - عمرچ ماراح تصيرين زوجه شاهين حبيبي الي! اخــخــخ يالبنـــض
- عفت كل هاي العرگه والدنيا وركزت على هاي؟
شاهين - تحبينـي؟
- اموت عليك
تخافين - تخافيـن تخسرينـو لشاهين؟
- اخاف هواي اخاف من وجود الناس الاحبهم يمي على يا ساعه رب العالمين يأخذ امانتـه وابقى متأمله رجعته مثل امــي
- تتأملين رجعه امچ؟
- جنت..
- دحكـي بعيوني
رفعَت انضاري اله ممليه عيوني دموع واحَـس بـس اريد ابچـي والعبره خنگتني ميته من شوقي لاهلي ولامـي امـي يا روحـي من هل دنيا رچفت شفتي رفع ايده مسح عليها وبـاس عيونــي ثنينهم وأردف
شاهين - شاهــين مو مثلهـم ما يعوفچ وتا لا تخافيـين تا لو متتت موصي يدفنوچ وياي
هـيام - عزا يدفنوووني واني عايششششه!!!
رمُقني نضره " دشوف العقل " وهز راسه يأس رجع باس اصابيعي وكعد يعددلـي مثل كل يوم
شاهين - طيـرتـي طـير الصَاف
النبـــض روحــو لشاهــين ونبضـو وحياتـو
هيامـــو وهامتــــو وهيبتــــو انتِ
هَـــومتـــو العاشگـهـه گلبـــو
هـيام - احبك بگُد متحبني يـَ حبيب الروح
- اخخخخخ
ضحك بصوت عالي ضحكت ويا دنك على بطني يبوس بيهه ويحجي ويا بنته ويگللها امچ تشلع الگـلب لا تطلعين مثلهاا
هـيام - شاهييييين انيييي اشلععع اكلبببب!!
- له له يولـي منهو هذه اليشلـع الكلب هو انتِ الكلب كلـو
- ضل ضل اضحك عليهة بهاي سوالفـك!
شاهين - انتِ مضحگه؟
- لا
- عجل شنهو!
- ها لا ماكو شي
تركته مبتسمه واخذت ملابـس واخيراً اختاريت ولگيت ملابـَس حلوات ومحتشمات ورحت سبحت ورطبـت وجهي وأيديه وحطيت مسگُاره خفيفه وحمره كذالك خفيفه وعطرت نفسي ترستنـي ترس ودزيت قبله لنفـسي بالمرايا على هل جمال وطلعت من الغرفه
شاهين واگُف كدام المرايا لابـس بنطلون اسود وقميص اسود وكالعاده فاتحَ اول دگمتين ومشسَور شعَره ويضل ساعه كامله يا يختار ساعه يا يختار عطر يا يختار محبَـس يا يختار سلاح! اي لتستغربـون تعودت على هاي الأوضاع والاسلحَه لتگوم ولتگَعد بهل بيت ولا واحد يخطي خطوه خارچ البيت بدون سلاح واكو غرفه خاصه بـَ الحديقه الورانـيه لـاسلحه ..
نزل العَـطر من ايده مبتسم ومَـد ايده ياخذنـي لابـسه فستان ابيـض وبي خرز زرقاء من ناحيه الاگُمـام وطويـل وطبعا هل شي يخلي شاهين يطير فرح لان حتى بلبيت صرت اللبـس اكثر شي فساتيـنَ بوس ايديـه واصابيعـي اطبع أصبع
شاهـين:- عروســـــتي
هـيام - عروستك؟ حبيبي تخطينـا مرحله العرس وطفلك ببطنـي!
- يروحلچ فدوه حبيبچ
- اوي ترا استحي
ضحك وأخذ خصله من شعري يشمهه ويغمـض عيونه فتحَ عيونه باوعلي وتنهـَد
شاهين - يولـي وريتـي لكلبي ور ايمتـى تضمينـو لهل غضب!
- اوووي ماريد بعدنـييي
- اشتعلـو
ضحكَت وجريت ايده طلعنا من غرفتنا ونزلنا بصاله انجحظَت عيوني بصدمه وخوف من شفت هيدعَـــاء! ورنين وام رنين ومرأه اخره وياهن كبيره بالعمر وشابات ثنين ويا رنين وام شاهين كاعده كدامهم تحچي وياهم هيدعـاء جانت تحچي ويا ام شاهين من دخلنـا قطعت كلامهه وكامت وكفت هي والبنات وام رنين ورنين وعيونهه الصلفه التمنيـت اقلعهن الها
هَيدعـاء- شلونـك يشاهـين
- الحمدلله وانتِ
- زينه زينه
- انشاءلله الخير والعافيه يعَمه
هيدعَاء - وحرمتـك شلونهه؟
شاهين - هههه چدامچ وسأليها
وجهَت انضارها الي وكررت سؤالها شكلها يخوف والمنظر الشفته مايطلع من راسي ومتأكده مو خيال بـَـس مرضي دمرنـي! وخلانـي اشك حتى بنفسي اششش انسي هـيام وجاوبي
هـيام - الحمدالله
هزت راسهه عده مرات مديت ايدي اگمَش ايد شاهين حتى احس بلامان گُعد وكعدت بصفه شويه واجا صكر وعمر وعلي وكعَدو وزمرد هم اچـت
ام شاهين - يما زمرد وين صار الزاد!
زمرد - خليتـو عنار تا يتهـَدر
ام رنين - وحيدگُي يا بنتي تشتغلي وحرمتـو لذيب عَـش ما تساعدك!
هـيام - حرمتـو لشاهين عدها اسم واسمها هيام
رفعَت انضارها مصدومه وسكتت ما حچت شي شاهين ابتسم وام شاهين عضتلـي شفه شنو هذوليييي ناصبين عليييية! اباوع لزمرد تبتسم من جوه ليچوه ووجهه صار طماطه وهيدعاَء تباوعلي ورنين راح تموت من القهر
ام رنين - عَـش كاعديـن بهل ضهريه؟ يذيب مو من عودايـو
ذيب- هيـام تعبانـه وانا اتعب على تعبهـا
هيدعَاء ابتسمت بخفه وأمه ضحگُت ورنين انفجرتتتت! الوجه صار طماااطه والبنات واحده ضحكت والثانيه بوزت وباوعت على رنَين وام رنين احتقنـت وسكتت يرگزن بلگلمه والگُل يعرف ام رنين تلف وتدور تريد شاهين لبتها وبتها ميتتتة عليه
زمرد - اترخـص أنا تاروح ازهـب الزاد
رنين - اجـي ويا..
هـيام - لا لا ماكو ابد داعي تگُومين انتِ هنا خطااار واحنه ابد ما نگُوم خطارنااا لذالك استريحـي واني راح أساعد زمرد حبيبي انتِ
طفرت من مگُاني أساعد زمزم وزمزم انفچرت بضحك عليه واني اضحك وياها صبينـا الغده واجه شاهين يضحك
هـيام - ليش تضحك؟
شاهين - ممنوع؟
هـيام - إذا اني مموجوده طبعا ممنوع!
شاهين - صار
زمرد - احممممممم
ضحك شاهين وسحَب زمرد من جهه واني من جهه يبوسنـا براسنـا ويضحك ويشاقينا نزل الاگُل هو وميقبل اني انزل الاگُل لسفره
ام رنين - ياع يذيب انتَ تگوم من مچانك وتخدمهم؟
هـيام - عفوا ، وين الخدمه بـَ الموضوع! يعني هسه احنه من نشغل خدم!! هاي اسمها مساعده وهاي القليل من الرجال من يقومون بها رگُزي بهاي الكلمه " رچـــال" فقط
هيدعاء - والله تا ما تنگحمــين يحَــرمه الذيب
هـيام - طبعا حَـــرمـة الذيب واخاف؟
هيدعاء- ضهرچ مشدود بچثيـر من الزلام وذيب ساندو سنـد ديربالچ تا لا ينچسـر ضهرچ
صفَنت بوجهه صفنه باهتَه وكلامهه كانمـأ تهديد مبُطن! شاهين جان كاعد يدخن وصافن عليه من احجي وياهن من حجت هيج طفَه مَـرد الجگاره بأيده ونتر بعصبيه
شاهين - فنچ تعيدينـو لهل كلام وخَدر العلويه
دحگـولي زين هساع ، اسمع چلمــه جلمــه واحده تغثهه اسوي هل ليله كبرو هـين .
هيدعاء - ذيــــب!
حجتها بتعچَب مصدومه من تعامل شاهين وياها جر ايدي شاهين واخذنـي لغرفتنـا تحت انضار الجميع يبووووو يكلبييييي شگام يركص ركص كلبي شسولف؟ عن دفاعه؟ عن حبه؟ عن احترامه؟ اعشششششقه لهل رجاااال امووووت بييييييَ
دخلنـي للغرفه وطبك الباب صار كدامـي رفع راسي يباوع بعيوني رفع تگُ حاجب من شافني ابتسمت
هـيام - عيـونك حلوات .
- اه عـَش منهو الچانت تدحگلهـن وتكول مااحبهـن؟
- مواني مواني
ضحَك بصوت عالي وحضني يمَسد على ضهري باس شعري عده بوسات وخدودي وكــال
شاهين - ميلـي على ميالـــچ وانعـل ابو اليغثــچ وانا خيالچ
رفعَت راسي مبتسمه طبعَت بوسه بخده وگعدت على الجربايـه
هـيام - جوعانه اني
- يخَـسى الچوع
هـيام - شاهين راح اموووع من المستتتتححححه!!
ضحَـك وكال راح ينزل هو يجيب أكل كتله اني انزل لان هستوه تعارك مدري تناقَـش لا عبالگُم كتله عود لان هو رجال ومدري شنو لا عيني انـي احب واحد يحبني ويحترمنـي ويخدمنـي وشغول وحبوب والحمدالله الله رزقني الله يرزقگُم بنات بـَس من أشباهه شاهين ولو هو ماعنده أشباهه وبـَس واحد انخلق
انتضرت شويه ومن حسيتـه طول نزلت ليچوه بوجهي للمطبخ عيوني صارت براسي من شفت رنين بـَس واضح هستوه اچـت شاهين واكف يصب الاگُل وشكله طالع فد صااااك! مشلله الردان واگُف يصب هو وعضلاته وطوله هذه نفسه الكالي لو اموت ما اگُف اطبخ حالي حال الحريم؟ اوي ديطبخلي هسه؟
رنين - عَـش ما كلتلـي أنا اصبلـك؟
ابتـسم شاهـين وهو يصب جوابها
شاهين - يگولـو يوم من الايــام ، كـان اميـر المؤمنين ( ع) گاعـد مع اصحابـو اثنـاء ما همو گاعديـن هـبَــت ريحَ عاليــه
والدنيـه ليل وشاعلـين نار فهـاي الريـح العاليـة طفت النار گُام الامــام علـي هو الـلـي اشــعَل النار اصحابـو عچل احنه جاعدين يمـك وبخدمتـك
فـ قال الامـام علي ( ع) -: " ما ضرنـــي شيئ قَــمت انـا عليَ ورچعــت انــا علــــــــي " مثل هساع كمـت وانا شاهين ورجعت وانـا شاهين ولـو ناوي اطلـبو اطلبـو من حَـرمتـي ياختـي
طول ماهو يحجي انـي مرگزه ويا بـَس صايره بضهره وهو يصَـب ومايشوفنـي كمل كلامه وبدي أحط وصله وارگص على كل ما محترررم ويحبنييييي يمممممة احبببة وعليييي هَو يحجي ورنين صافنـه بوجهه اگُلته آكل بعيونهه لا همهه مقوله ولا همهه حگمه همهه بـَس تخَـدم شاهين .
هـيام - حَــبيبي محتاچ شي؟
إندار عليه شاهين ارتچه على الگاونتـر مبتـسم يعرف لعبتنـي وليش اصيلحَـه حبيبي كدامهه
شاهين - محتاچچ وچودچ يمـي ينطينـي هدف حتى اعيـش
ابتسمت ورنـين احتقنت حقنه زينه وطلعت مبدعبلـه منا هل رعنه لا الله الااااا الله شنو من بنيه اخذ الاگُل وصعدنـا واحنه نسولف. ونضحك ممهتمـين للبيت گله دخلنـا للغرفه
هـيام - راااح اموووت من الجووووع
شاهين - هَنـي ومُري يطيـر الصاف
- اوي ، احبك
- ميت بيچ وحك هو علي
- يله خلناگل مو وكت رومانسيات
ضحَك وسكت ضل كاعد يسويلي لفات ويوگلنـي وماحچه شي بعد انقهرت وحجيت
هـيام - هاي شنوو دتعاقبنـي؟
- شنهو!
هـيام - كتلك اسگُت ثانيتـين شو سكتت هواي!
- له يولـي تا تاگلين
- اوي
- بطلي هـل چلمه
- لاا ليش؟
- تطرنـي طر وسبـَع الگنطره
- أفف
گملت أكل وشاهين نزل ينزل الاگُل وصعَد كعد يمي شويه صفن عليه ضحكت على صفنتَه وهو أردف
شاهين - يول يمعثـوره شحلاتچ ، تسوه العگل ضحگاتچ
- وعلي انتَ فد خوش رجال
شاهين - هههههههههههه هومه عليچ سوالف
- احب من تكلي هومه
شاهين - يولي وانـا احـب من تكولي شاهينــي
- شاهينـــي
شاهين- ااااه ياااا ويَلللل حَاليييييي
- نينـي لتبالغ
- وحك سبع الگنطع ميت بطاريچ
- واني اموت عليك اتنفـسك أتخيل أتخيل صايره احَـب حتى من تگلي البسي حجاب!
- البسي حجاب
هـيام - شاهييييين
- انـا شعليا يولي انتِ مو تحبيني من تكول هـَج حبيني هساع
- نننن نننن ننن
ضحك بصوت عالـي وجر راسي يحضني اكثر وأكثر يبوس بوجهي ويگُفـش بشعري باوع بعيونـي وكــال هـيمُـان
شاهيـن:- عيونـچ مثل منبچ خضرهـا وگـلبي لهـل منبچيه مَـــيال
- احَـبك
شاهين - ميـت بيچ وعليچ وبـَس يم طاريچ اتنفَـس
سكتت خجلانه متتت من الخجل سحَـت سكتت شويهً وهو غير الموضوع من حسنٌي خجلت كلشَ حجينـا بمواضيع مختلفه لحد ما گام باوعتله وحجيت
- وين رايح؟
شاهين - اروحو أشوف عميمه عيب السويتـو بيهه
هزيت راسي " اي" وهو نزل واني ما نزلت ولا بيه حيل انزل مددت على الچربايه انتضر شاهين يصعَد مرت فتره لا بأس بها وانفتحَت الباب ودخل شاهين راح للگُنتور يبدل ملابـسه ويحچي
شاهين - انـا طالع تا أوصل الحريم وامي تا تروح لسوك واطلع مناگ لمچاني
- تطول ؟
شاهـين - چم وگُت تردين وانا يمچ
- ساعةة!
- هـاهـي
بدل ملابَسه وطلع واني شبگت مخدتـه ونمت مرت فتره لا بأس بها وما كُدرت انام البيت فارغ وبـَس زمزم وتعبت هواي واگُيد نايمه اچتنـي فكره تروح أشوف التؤام
بـَس تراجعت لان صگر وأمه ثنينهم بلبيت وانـي لسه لا أمه تحبني ولا تطيقنـي وتموت مني وتذب سمها بـَس من شافتنـي ماسكتلها صارت تگُتفي بنضرات الحقَـوده..
كمت من مكاني ودخلت للحمام اسبح واتجهز لبين ما يجي شاهين سبحَـت وخلصت وسمعَت صوت طبگه باب فزيت وگأن سالي سنه مشايفتـه مو ساعة مدري اقل!
بسرعه بسرعه واني شعري مبَلَل لبست البرنص وطلعت اول ما فتحت الباب صحت
- اچيت شاهين حبيبي
صگر - أجه اخو لحبيبچ ما يفيدچ؟
فزيت بسرعه موسعَه عيوني حطيت ايدي على صدري اضم بچسمي وبَـسرعه رگضت ارجع للحمام هستونـي اطبـك الباب مال الحمام ودفعها كُل قوته انرچيت اني ليوره وهو دفع الباب ودخل يضحك مستمتَع
- اطلععععع اطلععععع براااااا ياااا ماااا تستحححححي مرررررت اخوووووك اني ياااااا نعااااال يااااا سااااافل ياااا ساقطططط ياااا ارعن ياااا ماعنددددددك غيرررررره اطلععععع زمرررررررررررررد
عطتههً كل صوتـي اصيح واعيـط احبالـي الصوتيه تدمـرت وهو بسرعه ثم حلگي ودفع روحه عليه تخبلت من شفته يتلمـس بيه رفعت أيديه ثنينهم وخرمشتهه كل قوتي عيونه نزفَت ترگني يسب ويلعن ويفشر فشار ما اعرف من ياا زباااله جايبة!!
طلعت ارگُض من الحمام بـَس وصلت باب الغرفه هـستونـي انچريت من شعري حسيت فروه شعري راح تنشلع من قوه لزمته
صگر - تـا نشوفـو لذيب شعيسوي اخوو بحرمتوووو ههههههههه
هـيام - زمرررررررد نجلاااااااااااااااااء زمررررررررررررد
وخررررررر عنييييي هدددددنييييي شعرررررري انعل يوووومك ياااا زبااااله!!! ياااا ارعن! يا هداااان ياااا حقيرررر يا نذلللل ياااا بدون شخصيه شيييييييل ايدددددك اللله ينتقققم مننننننك!!!!
ابچـي واعيط واصيح وهو يچرنـي عليه اكثر لا خليت تخرمَـش ولا ضرب يجر بشعري ويحاول ينزعنـي رفعت راسي ولمحَت شمعدان مديت ايدي بسرعه ولزمتـه وفلشتـه براسه بنَفس اللحظه ترگـني لزم راسه يصيح واني كعدت على ركباتـي أشهك وابچي احَـس باحبالـي الصوتيه تشگگت ودمرنـي صحت بصوت ملَـيان تعب وخوف
هـيام - شاااااااااهيييييييييييييييييييييييين
حجيتهه وبچيت بحرگه دم واذيه وما حَـسيت غير اندفـر الباب دخـل شاهين وصگـر اصفر لونه وجان يصيح من وجع راسه وحاجبه مطبـور وطالع دم صفن شاهين ثوانـي علية وعلى حالتـي اليرثى اليها ومـا حسيت غير سحَل صگر من رجله ونام فوكاه يضرب بصگر كل قوتـه
صكر - حررررررمتك ترررررريدنييييييي اناااااا وحرررررمتك علاااااقه شاااابع بيههههها هييييييييه صاحتليييييييييييي
شهگُت كل قوتـي وزدت بلبچي والصياح والعياط لحظات ولمحَـت زمرد واگفه بلباب تبچي وجهه صاير احمر دم وعيونها عباره عن فصوص حمر دم على وجهه اثـار طبع أصابع ووجها متخرمش وملابسها
زمرد - عـش تچذب؟ لا تصدگو ذيب امووو تا خنتتنييييي وضرربتني وشككت ملابسي وهيام تصيح عليييه تا اچي أساعدها وابعدو عنها ففرحت البنوه
سكتتت تبچي وتشهك بصوت عالي ورجليهه ما حملتها وكعدت على الأرض تزيد بـَ البچي شاهين تخبل وصكر يصيح زمرد وهيام متفقات وصلت بيَ يفشر على اخته ويطعَـن بيهه!!!
لـزم ايده شاهـين وطگهه گـل قوتة صوت صياح صگـر ملئ البيت كلة رفع رجله شاهين وداس على راس صگـر بحذائه وخر رجله ورفع صكر من راسه يسحَـل بيَ ورگـع راسه كل قوته بچامه الميــز!!
تناثر الگزار على الأرض ووگع صكر راسه مدمه وگـل هذه شاهين ما اگتفى ولا باوعلي ولا باوع الزمـرد واحنه فاحطـات من البچي
جـر صگر من شعـره المدمـي وطلعَـه بره الغرفه سحَـل من شعـره
رگـضت زمرد عليه تبچي وتحضنـي تبوس بوجهي وتصيح والله اسفه
هـيام - ليش ما أجبتيني مو صحتج هواي؟
حجيتهه ورجعت ابچـي وهيَ تبچي اكثر مني شبگُتني كل قوته ونسمع الصوت القوي من جوه صوت ام شاهــين التعبان وهيَ تصيح وصوت نجلاء وهيَ تعيط عياط مال مخابيل وگأن دا تتعـذب وتگسر الغراض ومن كثر الأصوات والطنـه الصارت براسي ما كدرت حتى أميز بشنو يحجون
حطيت ايدي على بطنـي وعصرتها گـل قوتي من شَـده الألم الچتاحنـي بيهه
هـيام - زمـ زمررد
بلگوه لملمـت كلمه واحده من حلگي ابتعدت زمرد تباوع بوجهي وبحلقـت عيونهه بخوف بعدهه اريد تحجي وحسيت روحي تنطحـن طحن من الألم
هـيام - بطنننييييييييييييييييييييييييييي
صحَـت بكل علو صوتي وحسيت روحي تطلع من الألم لحظات وصار شاهين بوجهـي بوجهه المتعَـرق وأيديه المليانـه دم! بـَس دم منو؟
غمضت عيوني مستسلمـه لـَ الضلام
فتحَـت عيوني واني كاعده بـ غرفه ام شاهين غرفتهه الحَـلوه الهادئه والبوخـور ما يختفي منهه تنطي طاقـه ايجابيه للواحَـد اول فتحت عيوني بچيت حسيت بگسره اچتاحتنـي وضيم كلبي كله اچتمع عليه انفتح الباب ودخل شاهين ضهره منحنـي من خَـوفي من حالته وشده هـلعَـي حطيت ايدي على بطني وهمست
- صار شي بابنا مو؟
رفعَ عيونه وگعد بصفي على الجربايه وحضنـي من أكتافي وهسه ياله لاحظت اني لابسه ملابس! سند گصته على كصتي وشال ايدي من بطني بهدوء حطهه على رگبته
شاهين - اسـف
- لـي ليش تتأسف؟؟ ابني بييييي شييييي!!!
شاهين - مابـي وداعت عيونچ اهچدي
دفعته ورجعت راسي بين رجليه ابچـي واشهك الموقف ما مر عليه من قبل واحـساس قذر حاوطنـي كأن اريد أتنزع چلدي وأخلص من هلضيمم!!
شاهين - عَـش تبچين؟ لا تورينـي بدموعچ
- انتَ ما وفيت بوعدك وياي!
ضل ساگُت واني استمريت ابچي واحجي بانهيار وتعَـب
- انتَ ما وفيت بوعدك وياي كتلي ما راح اباوع على غيرج! وكل يوم اشتعل من تچي رنين وتگلي ماعدنا ولد يأخذون خارج العشيره! كتلي ما انزل دموعچ! ودموعـي لو اجمعهـن يصيـرن نهــر! كتلي ما تنضربين! وصگر ضربني! كتلي ما تتهاونين ومحد يعيرچ بيتيمتچ! وتالي كل يومين اتعَـير ساعه الترگيه ساعه بت ابو الاسلحه ساعه بت المايخافون الله ساعه اليتيمه هجامه البيوت!! وهسه وصلت اخوك يريد يعَـتدي عليه!!!!!
رفعَت راسي اباوع علية وهو عروق رگبته بينـت من العصبيه وايدة صارت ترچف رچيف مو طبيعي قبض على ايده يهـدئ رچفتهه حسيت بتعب مو طبيعي من العشتهه
هـيام - وديني لبيت عمو
رفعَ راسه يباوع عليه فرگ وجهه بايديه ولزم ايديه ثنينهم يباوع بعيوني ويحاول ما يضعف
شاهين - تترگيني؟ هـين عندچ تترگيني هـچ؟
- شاهيييييييين اخووووووك تهممممنيييييي اخوووووك رادددد يعتتتتتتتدي على عرررررضه!!!! مرت اخووووه اني ما يستحيييييي ما يخجللللل!!! شنووووو من نذااااله شنووووو نفسسسسس!! مررررته ما سالهاااا شهرررررين من ماتتتت!!!
شاهين - اذبحووووووو اذبحووووووو واخلصصصصص من هموووووو عـش تسووووووين بيااااا هـچ عشششششش! دموووو بطولوووو سويتوووو
- مااااريد ماااريد مننننك شي اررريد اروووح لبيتتتت عممممي
- ماكـو روحه!
- لا بلة؟
گمـت من مگُاني اوگُف كدامه وهو عيونه خابطـه وشگله يخوف وأيده ترچف بـَس عود اسكت هيهيات وكفت كدامه انتفـض واصيح بصوت عالي
هـيام - وانتتتتَ منوووو وتمنعننيييييي! شااااااهين الكدددددااااامك موووو رنيـن لو واحححححده من بنااااات عممممك اليتراچفففن كداااامك الكدااااامك هياااااام باووووعلي زين هيااااام هـيام مو هياااام الواحد يتأمررر عليها ولا هيااااام التنگتتتتل وتضللللل ساكتتتتتتتته!!!! لا انتَ ولا عششششررره مثلـك يخلووووني بهذه البيتتتتتت
ام شاهين ببچي - يمه هـيام
سگُتت من سمعت صوتهه ودنگُت راسي دموعي تنزل واني احجي واحَـس بروحي تنسحَـن وكرامتـي تأذت كلشي ولا كرامتي! شاهين واكف مصدوم من كلامي وما جاوب غير بگلمتين
شاهين - لبسي حچابچ وتعاي
عافنـي وطلع رحت بسرعه جبت شال ولفيته شلون مچان زمرد تبچي وام شاهـين تبچي
ام شاهين - يمـه اروحلچ فدوه تا لا تروحين يگلبـوو للبيت فوك راوسنا
هـيام - ماكدرر والله ماكدررر ليش ما تفهموووني ليششش! راد يعتدي عليه وضربني بلكووووه طلعت روحي مننننه بلكووووه لو الله يأخذ روحي ويخلصني احسلي
مسحَت دموعي وطلعت اركض من الغرفه اول ما دخلت الصاله لمحَت الدمايه البيهه! گأن صايره مچـزره هنا! مسحَت دموعي وسمعت صوت زمرد وهَـي تكول
زمرد - صگُر وأمو هذه دمهم ثنينهـم بـَ المستشفى
هزيت راسي وطلعت اركض رگبت السياره بسرعه امسح بدموعي ولمار راگبه ورانا من نجلاء لازمه زمرد لازمه لمار وياها وضاربتهـن ثنينهن وما مخليتهن يساعدني عسى حوبتي ما تتعداها بتواسـيل والضيم وصلت للبيت نزلت لمار تركض وردت انزل وشاهين جر ايدي
شاهين - باچر اجي اخذچ
- اني الاقررر مو انتَ!
- هياااام
- اي عفيه هـيام لتنسـه منو هـيام انـي هـيام فارس اگـسرر روس ما انگـسر!
- عَـش تسوين هـچ؟
- لسه يسأل ؟ بـَس حقك لان مو انتَ العشت الموقف مو انتَ الي صگر مالك اليوم شوف شنسوي بحرمه شاهين مو انتَ الي انضربت مو انتَ الي روحك طلعت مو انتَ انهانيت مو انتَ الي تعبت!
نزلنا ودخلنٌا وطبعا شاهين راح وخلـى علي رقيب عليه هنا خلصت ليله هنا ولمار قررت تبقـى يم يمامه وهذه الحَـل الصح هناك مو أمن عليها هيه البيهه مگفيهه
تقربت يمي لمار تهمس بخفوت بينا
- انتِ زينه؟
- احـسن
لمار - والله انتِ قويه شلون تحملتـي وكمتي بسرعه وضربتي وعيطتـي والله قويه انتِ مثالي الأعلى انتِ كلش احبچ اني هيومه
- شلون تحمل گلبچ كل هذه؟
لمعَت عيونهه بدموع وهي تذگر الأيام التعيـسه العاشتهه والتعَـب والألم لمست ايدها وبكلبي قشعريره تسَري
هـيام - انتِ القويه ومـثال لگُل البنـات المرن بـَ الانتـي مريتي بيَ!
لمار - مثال؟ اي بنيه تأخذ واحده مثلي مثال؟ بنيه حتى ما دافعت عن نفسهه وورطـت روحهه بزواج وعذاب وتعذيب يا بنيه الي تأخذ واحده فاشله مثلي مثال؟
- ليش تحجين هيج على نفسج؟ انتِ مثالي الأعظم محد مرَ بـ الانتـي مريتي بيَ حتى يحگموون عليچ! انتِ قويه لمورتـي القويه
لمار - تتوقعـين عمار ليش ساكت ؟
- لان شاهين يشك حلگه إذا سوه شي
هزت راسهه ساكته غيرنه الموضوع وخلصت اليله وغيرت جو ويا البنات وتناسـيت الصار بـَ اليل ويا ضيم اليـل خلصته كله كوابيـس بـَ كوابيس
ومن كعدت لگُيت شاهين يمنه وما كدرت ما اروح خلصت ليله واحده بعيده عنه وخلصته كوابيـس ماكدر بدونه بـس يمه احَـس بلامان وفگرت بعُمق وكلت شنو ذنب شاهين تبتعـد عنه نبضه بسبب اخو ومرت ابو؟
ورجعت فگرت بمنطقيـه وليش اخلي خطتهم تنجح؟ مو هم رادونا نفترق نرجع ونگسر عيونهم.
رجعنه للبيت وطول الطريق ساگُت عيونه لامـام السياره تعارگـنه ورجعنه سگتنه وهدأت من نفسي وروعـي طول الطريق افگـر شاهين ماله ذنب
هـيام - شسويت باخوك؟
- بـَ المستشفى
- شبي؟
- مگسوره ايـدوو وضلعـين من ضلوعـو واصابعـو وراسـو صاير بيَ ارتچاچ مدري شنهو
- عسى بالموت
سكـت هو واني هم سكتت لحَـد ما وصلنـا البيت دخلت بسرعه للبيت وأول ما شفت زمرد تطبخ وگُعت الخاشوگه من ايدها واچت تركض حضنتنـي وصارت تبچي
هـيام - ياااابوووو شلون بيه بامهاتتتت! دميعه اني
ضحگُت تمسح بدموعها ورجعت صاحت يمااااا جااااب النبضضض
ضحكت عليها ورجعت حضنتني واجت ام شاهين تركض شبگتني تبوس بخدودي اليگـلك اهل مفتقديـن بتهم! دمعَت عيوني من الحنيه شگد سالي فاقده هاي الحنيه؟ شكد سالي محد شابگني؟ شكد سالي ما داخله بيت ومستقبلينـي بيً؟
وخرت من حضنهن وگابرت عن دموعي وضحكت وياهن أشاقه واضحك وياهن تركتهن وصعدت لغرفتـي بدلت ملابـسي ونزلت لزمرد
هـيام - زمـزم غردي
زمرد - صگُر بـ المستشفى تا ما تدري شوگت يطلعونـو وأنو انضربت وزتوها لبيت اهلها وشاهين من رحتي كلب البيت على روسنـا يصيح ويعيط اول مره اشوفـو بهل حاله
- ماما ام شاهين وين جانت لعد؟
زمرد - راحت لسـوك ومن هنيـك تخربطـت وشاهين زتهه هين
ضليت ساكته استمعَ الها تگملي وهزيت راسي ساعدتهـه باشياء بسيطه وكالت هيه راح تصب واني اروح اصيح لام شاهين وشاهين بغرفتهه بعدني بلبـاب دادك بغرفتهه وچذبنـي حديثتهـم
شاهين - خايف تترگني يمه
- ياااع يذيب وين تلگا مثلك تا تترگ
- يمه النبـض ما تنحگم
ام شاهين - يمه ترگگ من هل الكلاوات انتَ حبيتهه لأنهه عرمه طاره راس صكر طرَ
- لا تذگرررري اسمووو
- انگحم شاهين
شاهين - ما تدحـك بوجهـي ورتنـي ور
- تدحك تدحك بعدهه ببدايه يمه هيه حبـله ما تعرف هي شتكول وشتتصرف الحبله عگلهه مو براسه
- لا هـيام چسره ما تنگحم عرمه
- تا تعيش بين هل حيايه تصير چسره
- گلوحتنـي هـيام گلوحتنـي
- انتَ مچلب بيهه
شاهين - ولاخـر نفس اچلب بيهه يمه هـاي النبـض النبـض الماعيـش من دونو يولي
- يمه انتَ تا تمرضت بيهه
- يا محلا الأمراض إذا مثلها
تنهـدت بخفوت ودگيت الباب ثواني وصاحت ادخل فتحت الباب ومديت بـسَ راسي ام شاهين كاعده على الجربايه وشاهين نايم بحضنهه ابتسمت على المنظر وهمست - تعالو اگلو
شاهين - جايين
طلعت ورحت أساعد زمرد شويه واجو كعدنـا ناكل بدون سم بدون نفاق بدون كلشي كلنا هنا نحَب بعض والبيت دافئ وحلوو رحت أشوف التؤؤام اليخبلووون وزمرد كله تعتنـي بيهم ياااارب شنو من انسانننه سويت مميه ورضعتهم وبوستهم ونامو وطلعت
توجهت للغرفه وقررت أسامح شاهين ليش اخلي هيج متعذب هـيام شبيج تخبلتي عليه ما تشوفي شلون يحبج وين الگُه منه هو هل واحد بالدنيا كلها دخلت لغرفتنـا وتلگُاني كفاه وهو فاتح الشباك وماد راسه يدخن علمود ما يدخل الدخان الغرفه وعالـك قصيده بصوت يجنن فرفحَت روحي تفرفح ويدندن وياها بصوته الرچَولي
شاهين - يَـطير الطـــاف عافونــي وانـا اليا ويَـــل يبرالــي
اصَـــد للبيت بعيونــــي واشــــوف البيت ضل خالــــي
عــــساه الموت يلفينـــي يـَــطيـر الطـــــاف واتمنـــى
ولا دنـــياي اگضيهــــا علـى الاهـــــات والونـــــــه
بوزت ملامحَـي ومديت ايدي لتلفَونه سديته شمَـر الجگـاره من الشبــاك ميّلت نفسي علية وهو إندار عليه ملامحَه مخيمه عليهن الحزن حاوطَت رگبته بأيديه وهـمست
هـيام - بيـش طالب روحك؟ عسى يومي قبل يومك
رفع أنضاره يباوع بعيوني بلهفه ودنك باسنـي ورجع يدغدغنـي وما تخلص سوالف شاهين ( ويلااااا براااااا )
وهيج مر احـلا اسبوووع بحياتـي كلها بدون مشاگل بدون كلشي كلشي حرفيا جان اسبوووع ولا احلللى من جمااااله وبيوم كعَدت الصبح وشاهين مثل گُل مره يروح لتـسليم الفچر بدون ميگول بـَس هل مره وبعد شهوور صار التسليـم ببيتنه واچت النسوان كلها هنا طلعو الزلم كلهم ونص من النسوان خايفات ونص لا باوعتلي مره جبيره وكالت
- عش مو خايفه يول؟
هـيام - افـا حرمـــه الذيب واخــــاف؟
ضحكـت المره بصوت مسموع مبينه دهـريه وضلت تسولف وياي شفت زمرد تلـوب من بعيد رحت يمهه هزيت ايدي وهمستلهه
- ديلا عيني لتخافيـن ميصير شي بحبيب اللگــلبب
زمرد- انجبـي انـا انا خايفه على شاهين
- احـا تخافين على الذيـب؟
- انجبـي انجبـي
ضحكت وسگُتت ومرت ساعه وساعتين وثلاثه وأربعه واجو الزلم واخيراااا طلعت ارگـض بره وطبگُت السيارات كلها بره نزلو الزلم يرگضون رگـض عيوني تدور على حبيب روحـي وينه وينه شاهينـي بـَس ما لگيته!
حـر - شاهين مات
گلمتـين چانت كفيله بأن تگلب البيت كلاب الصياح والعياط والتخرمـش هرچ البيت هرچ اباوع على ام شاهين وهي واگفه شگت دشداشتهه من الطول لطووول وزمرد تصرخ صريخ مخِيف عقلي ما راضي يستوعب هذوله ليش يصرخون؟
هـيام - حـر حـر شبيك شدتحجي؟؟؟
باوعلي ورجع وجهه بين ايديه يبچي بـگُل حركه دم عيونه على زمرد الفقدان تصرخ بصوت عالي والنسوان يدگن ويلطمـن صاح عمهم الچبير بصوت عالي
- شلووووون ماااات!!!
حـر - چنه يم چؤ واچونـا زلام ردنـا ننسحـب وذيب ما قبل تصوب وسحبـو الجماعه لطرفهم
- جثتووووووو وييييييين عجل تترگوووونووووو هـچ ولگم انتمممم شنهيييييي من بشرررررررر
صياح ، عرك ، ضرب ،
النسوان يعيطـن رااااح الذيب رااااح هيبتناااااااا
ولد عمه كلهم يبچون البنات فاحطات من البچي لزمت بنيه من البنات أحاجيهه
- شكو شبيهن ليش يبچووون!
- تخبلت البنيه يوم
- الله يعينووو لگلبهااا عوفيههه
- ولللللك شاهييييين ما شفتتتتتوووو لابننننك ويييييين راااااايح ولللك يمممممه يسبعععع يذيببببب " يالتغــــدر ما تتغــــدر تالــــي غدروك "
عقلي رافض الفگره وقلبي كذالك منو الأزمه اگله شاهين عايش ويصبحون تخبلت حقهه ناس تشمت وناس تبچي ناس تصيح وناس ساكته
طلعو الزلم كلهم وامرهـم عمهم الگُبير ما يرجعون إذا مو جثه شاهين وياهم وإذا ما يردون حقه ما تصير فاتحتـه "
جابو سيره الفاتحه لو تخبلت اصيح واعيط
هـيام - ووووووين يعوووووفني ميعووووووفني مااااا اقببببل واللله ما اقبل اتيتـم مرتين
اجتنـي ام شاهين تلطم وتصيح واني تخبلت
هـيام - ماااا اقبل حتى الله ما يقبل اتيتـم المره الثالثـه ليششششش يااااارب شمسوووووويه عددددك دخيللللك اخذذذذ روحييييي ياااارب لا تسويهاااا بيه لا يدخلووووو جثه مناااااااااااا يمممممه يممممه دخيلك ياااارب
النسوان يهـدن بيه واني فصلت الطم على وجهي تندمت على كل لحظه جان موجود يمي وما شبعت عيوني نضرا بيَ تندمت كل مره نام وما حضنته تندمت على كل ثانيه عفته بيه تندمت على كل حجايه حجيته
كعدت بالگاع ابچـي والطم على صدري واصيح
هـيام - ررررب العالمين ما يگــسر كلب يتيـم رب العالمين ما يااااخذه مني مااااا ردت غيرررره ردددددته عوووووض مااااريده يصيرررر كسسسسسررررره ياااارب ياااارب دخيلك لا يدخلوووو جناززه مناااا امووووت والله امووووووت
- ليشششش هيج ليششششش ما لكيت الامااااااااان بسسسسس يمممممه ليششششش كل اماااااان يروووووح منيييييي انيييييي شؤؤممممم تعبت ياربـي
وهل ليله مرت عليه واني ما هدالـي بال انـي وزمرد متگابليـن ونبچي بكل حيلنـا ولا ولد للبيت ولا جبير ولا صغير بقى كلهم طلعو يدورون عليَ اليل كله ابجي واصيح وما سكتتت وادعي صار الصبح واجا عمهم ابو عمار وأبو رنين طلعتلهـم ابجي
- وينه ؟ ما لگيتو مو؟
- مالو اثـر
- على الأقل يجوز ما ميت!
- بابا يچوز دافنينـو من اول ما ماخذينـو ويچوز مگطعينـو وذابـي لچلاب تنهـش بلحمـو
شهگُت بصوت عالي ولطمت وام شاهين وزمرد وياي
هـيام - لاااا لاااا عايششششش ادرررري بيَ عايشششش ما يعووووفني هو كالللي ماماااا لا تبچين هوووو كالي والله هو كاااالي انـي مو مثلهمممم ماعووووووفج هوووو يوفي بووووعده ووووووعدني ماااا يعوووووفني يااااااااااااارب
لوعَه كلبي فاقت گُل الحدود الخبـر ما منتشـر ولا شخص يدري خلص وقت وخلصت روحي وياه طلعت امشـي بلگُوه ولمحَت حَـر بالمطبخ وزمرد واگفه ويا تحجي وتبچي
زمرد - وينو؟
حـر - زمــرد مالو اثـر لا تبچين تورينـي ور
زمرد - وينوووو شاهين وينووو جيبوووو الي حرررر
حـُر- اجيبـووو وداعت عيووونج اجيبوووو وشرط اول ما اجيبوووو اجي واخطبچ
زمرد - حـر
حـر - كافـي تلوعينـو لكلبي تقبلي بيه
زمرد - انتَ وين وانا وين رايدددده اخيييي وينوووو اخيييي
حـر - لا تبچين وريتنـي ور انطيچ وعـد زلم اجيبوووو لحدرچ وانتِ أنطيني وعد تقبلين
زمرد - وعد اقبل بيك
حر - هاهيه رايح واراجع وانـا بايدي الذيب ومن اجيبو البيت ارجع لبيتـي وايدي بأيدچ
بحَركه سريعه وبدون لا تدري هيه باس راسهـا وطلع يرگض بنص الهم والغـَم حسيت بـ َ حر رايح يجيب شاهين رجع الأمل اتفتـح داخلـي وازهـرت الحديقه ابتسمت وهمستلها
- مبروك زمزمتـي راح تحصلين حب حياتچ
زمرد - رايدتـو ورايدنـي اموت روحي علشان حرمتـو بـس خل يرجع ذيـب تدوهنت من دونو استغفرالله استغفرالله
وزمرد خلصته تستغفر طلع حر وطلعت ويا گُل الزلم والولد وما بقى بـَ البيت غير ابو عمار وأبو رنين كعدن النسوان بـَ الغرف يم ام شاهين كعـدت بغرفه زمرد وسندت راسي على كتفهه نبچي بهدوء وبـَس أجسامنا تهتز اخترعـت ورچفت آخر ذره بچسمي من اندفرت الباب بـگُل همچـــيه ودخل آخر شخــص متوقعتــــه
عمــــار- هذذذذذه شنووووووو لللللج الـ **** والله لارررررجععععع اربيييييييچ
كمنـا من مگُانـا مفزوعــين بخوف الخـوف استوطـن عيوني ولأول مره بحياتي اخاف من واحد مثل عمار! لا شاهين هنا. لا حر هنا لا علي هنا لا عمر هنا!
وجهه انضٌاره على زمرد والتلفٌون البأيده وجهه كدام عيونـا انعقـت عيوني وانـي أشوف الصوووره !!! صووره صوره حُــر وهو بايـس زمرد من راسهااا بلحظه سريعه چر زمرد من شعرهااا گُل قوته مثل الحيوان المفترررس
ما خليته رگضت عليه وجريتهه من ايديه اصيح عليه
هـيام - وخررررر عنهااااا يا همجييييييي وخررررر هييييي مالهااااا علااااااقه مالهااااا علااااااااقققققههههههه وخررررر ايدددددك
لا يسمعني ولا يمـي زمرد تصرخ بـگُل علو صوتهااا واحبالهـا الصوتيه تشگگت!! دموعي بدأت تچري من شفته يضرب بيهه بـگُل قسوه والدم يجررري من وجهه البريئ الملائگي!!!
قمر( زوجه حر) - اضربههها حيل ربيهههها عموووو ربوههههااااا ربوهههها تا ما تعرفو تسترو بنواتگم باست رجلي كداااامي ربوهاااا هل قليله الاددددب
زمرد - لااااا والله لاااا مااااالي علاااااقه مااااالي علاقه لا عماااار عينيييييي عينييييييييييي
ضربها عمار كل قوته على عينه لدرجه حسيتهه طفـت عينه ركضت ادفع بيَ وهو يسحَل بزمرد وينزلها الدرچ صوت النسوان بعيد عنه وداخل غرفه مبين اول ما وصلت الصاله لمحَت هـيــدعاء كاعده وبصفهه بنات ماعرفهن صوت ام شاهين حابسها ابو عمار بلغرفه هـي والنسوان كلهن تدك بلباب وتعيط على صوت بتها روحهه فرفحَت
دفع عمار زمرد كل قوته وكعها بالگـاع ونزل يضرب بيهه وهي تصيح بعلو صوتها
زمرد - شااااهين يمممممه رااااح امووووووووت هياااااااام
ركضت عليها ابچـي واشهك بعدني اريد اوصللهـا وجرني ابو رنين ضربني راشدي من قوته اذانـي طنت ووگعت بلارض وخشمـي طك دم!!
بـَس ما هتميت رجعت اركض گُل سرعتي ورجع ضربني وجرنـي من شعري گُل قوته صار وجهي كبال وجهه تفلت بوجهه
هـيام - تففف على هاي شواربـك إذا تطـلع مراچلـك على النسوان
ضربنـي راشدي وكعت باارض رجع شالنـي من شعري وكل هذه ما اكتفى اصيح واعيط وزمرد تعيط عياط مال ناس يتعذبـون تعذيب مرعـــب.!
صگـر - لا عمـو هاي حرمتــي تا لا تضربهااا
ضحك بصوت عالي رفعت انضاري وابو رنين ذبنـي للأرض وباوع لصكر
ابو رنين - شنهو
صگر - هيه حبلـه وزلمتها مات ياخذها اخو مو صح؟
ضحك بعد حجايته وانـي تخبلت اصيح واعيط واغلط لطمنـي صكر على حلگي طگت شفايفي دم وخشمي يجري دم النفس يضيق بيَ كل شويه رجع أنضاره صگُر على عمار الي دمى زمرد تدمـي وحجه الكلام الرعبنـي وصدمنـي ودمرنـي..!
صكر - راح تضـل تضربها؟ هـاي عار اليوم ينغسـل عارها هـين!!!
صاحت النسوان صوت واحددد مرعووووباااات وگُف عمار من الضرب وباوع لابـوه هز راسه " اي"
ابو عمار. - اغسلـو عارها ولدي هاي عار عليگم
صگر جرها من شعرها يسحَل بيهه تسحَول وهي تتوسـل بأيده تتوسل تواسيل وتحاول تفهمه تگله والله مالي علاقه والله مو اني عليك الله لا تسويها اني مو أختك ؟
جرها يسجل بيهه طلعت وراها ارگُض ركض وصلت لباب المطبخ وانچريت من شعري تفلت بنص وجهه من شفته عمار
هـيام - لـك انتَ عااااااررررر عاااااااررررررر
هد ايدي ودفعني كل قوته على الأرض طلع بسرعه وسمعت صوت طگه القفل لو تخبلت اعيطططط واصيح افتح بـَ الباب ما تنفتح عمار قفلها من بره
وخرت البرده وفتحَت الشباااك
هـيام - لاااااااا لااااا تسوهاااااااا ولكككككم هااااااي زمرررررد زمررررد الحمااااامه زمررررد أنقى من ميييييي زمزززززم وخروووووعنههههههههاااااااااا لا تسووووهاااااا لااااااا لا الله يخليگممممم لا تسوهااااااااااا واللله مالهاااااا علااااااقه حاجووووو حرررررركلوللللله مالهاااااا علاااااااقه
ما اهتمــو لولا گلمـه حجيتهه اباوع علـى صگُر واصرخ واحـس بقلبـي راح يتوقـف من شده صدمتـي ولوعتَي عليها شد على ايدههه وره ضهرهـا وگعدهـا على رگباتـهه وهـَيه تبچي وتصيـحَ عمامـهه واگفيـن بكل بروُد وشمَوخ ينتضرون يتنفـض الحگُـم وغــسل العار حتى يتنضـف سلفهـم من العــار!!
اباوع عليها واصرخ تتحـرگً وتبچي مثـل الطيــر المذبــوح!
رفع راسهه صگر ليفوووك وهـمس بصوت عالي
صگر - انطقـي اخير گلماتـچ
زمـرد - إذا انتَ اخـــوي وصـــرت چتـــــالي
عجــــــــل ياهــــــــو الياخـــذ بثـــــــــاري
صگـر - ههه ما ناويه تستشهـدين؟
زمرد - اشهــد ان لا الله إلا الله
واشهــد ان محمــد رســول الله
واشهـــد ان عليـــا ولــي الله
واشهـــد اني قتلت ضلمــا تحت يـد اخــــي ..
ونذب حـــــــت.!!!
لقـ انطفـئت تلــك الشمعــَه المضيئـــه
ولقـــد أنقصت اجنحــه الفراشـه
يتبع،..
- يتبع الفصل التالي اضغط على ( رواية ذيب الغربية) اسم الرواية