رواية ذيب الغربية الفصل الثامن و الثلاثون 38 - بقلم طيبة وليد
Part 38
بسـم الله الرحمان الـرحيم
$ذيـب الغربيه
بقلم - طيبه وليد
""
استغفرالله
والحمدالله
ولا الله إلا الله
""
" يمامه "
واگُفين اني وزهراء بـَ المطبخ على الطباخ نطبخ وميتين حـر وتعب واخيرأ اجت الوطنيه سدينه البوب وفتحنه السبلت .
يمامه - عزا هاي شنو زهـراء هاي كل صيف هيج؟
- اي خيه
- يماااي لا عيني احنه وين عدنا هيج لچ هذه الجو توقعته بس بجهنم
- عيننني بنات نستله انتن
- نستله نمبر وان لو گلگسي؟
- مضحك ههههه
- لا كلُش ماضحك
بهـل فتره القصيره زهـراء صارت احسن بهوااااي تعودت على غياب ازل حظرت أهلها من كل مواقع التواصل ألبينهم وغيرت شريحه تلفونها حاولت أقنعها ما تكطع باهلها وجان جوابها
زهـراء - اهلنـا عَاله على كلبنـا طول عمرنا .
بلعت ريك وسكتت العَبره خنگُتني وگُلمتها چوت روحي وصحَت هواي جروح من چروحي بدأت تهدى الأوضاع واخيراً بعد موت ازل وطلاق عمار ولمار فجأه اتصلت هـيام وكالت لمار راح تچي
طرررت من الفرح سالي كوووومه مشايفتهااا وكلبي طاااك من الاشتياااق ومن الصبح احنه فـد وگُفه نروح منا نچي منا ننضف ونطبخ نشيل ونحط
واخيراً گُملنا الطبخ واني رجعت اعدل بـَ البيت تأگُدت كلشي زين ورحت لزهراء فزيت من سمعت صوتهه من الحمام تتقيئ
يمامه - هايي شكووو! شبيج زهوره؟
رحت امسح حلگُها من التقيئ واغسللهـا وجهه وملامحَي تقرء قلقي عليها صفنت بوجهي لحظات باهـَته وجاوبت بأرتباگ..
زهـراء - متأخره
- شنيه؟
- متأخره شبيج يمااامه
- ياا يمعوده صدك تحجين هـيَ شنيه! اهاااا اءءء اييييي اها اي فهمت اي وشنو يعني
- اهمممدااننني
- الف مره امداچ هاي خلصانين منها بس هسه شبيج يعني؟
زهـراء - يمگُن حامل
- عزا
- شكو!
- ها لا ماكو شي يااااي حاااامل حااامل الففف مبروووك
زهـراء - هههه هاي شبيهه الشافطه هذه مجرد توقع!
- اي يله لعد حللي
زهـراء - خايفه
- ابد لا تخافين يله يله توگُلي على الله يللله
ايدأت كلامي ودخلت تسوي التخيل سرحت ودعيلتهـم من گُل كلبي الله يفرح گلبهم وتچيهم احلا بنوته مادري ليش بنوته بس البنات احبهن ..
طلعت من الحمام العيون حَمر ومدمعَه ومگُابره متريد تبچي تالي بس شافني گلمت تبچي وتصيح
زهـراء - حااااامل حااااامل مااااصدك رااااح اجيب طفففل مره ثانيه
- الفففف مبرووووك احلا ام بالدنياااا
بوستها وحضنتها تشگُرت مني وشبگتني رحنه للمطبخ نشوف الاگُل وهي الكاع مسايعتها من الفرحه تبچي وتضحك تستأهل گُل خير زهوره
بأثناء ما احنه نشوف الاگُل ونسوي زلاطه دخلت حشره چبيره من الشباگ الفاتحـي حتى يطلع دخان التگلاه وفجأه أشوفها طبت بنص صدري
انتفضـت بسرعه أعيط واانفـض البدي مالتي تخبلت خبااال اتفتحت الباب بهـمچيه ودخلو علي ولمار وهيام وشاهين واني أعيط واگمز بنص الصاله
طلعت الحشره واخيراً وطارت ولا جنهـه حشره اليگلك خفاش من گُثر ما چبيره
هـيام - عزااااا يممممه هاي شكبرررهاااا
لمار - يمممه اريد اميييي اخاااف
يمامه - ااااايع ايييععع لعبت روحي طلعوهاااااا
زهـراء - ووچع هي حشره شچاچنن!
علي - نازوگُيات مو بيدهـن
يمامه - طلعوهاااا طلعووووهاااااا
راح علي لزم النعال يريد يگُتلها وهي تطير بنص تاهـَت منين تطلع لان الشباگ الاچت منه عالي وهي نست أمداها
يمامه - يمه كلبيي يمه طلعهاااا شبيك يمعود طلعهاااا
علي - عچل أنا هساع العب وياها تووكيي!
زفرت نفَس عالي وهيام خاتله وره ضهر شاهين وهو ساگُت بلگوه علي ومبين ما طايق روحه شصاير! ولمار خاتله وره هـيام وهي گُتل الحشره وطلعها وزهراء تضحك علينا تسالمنـا سلام حار وحضنتهـن بقوه
شاهين - أترخص
زهـراء - وييين!
شاهين - اروح زهوره
- لا عفيه لاا ابقى على الغده مسويه مسگُوف سمچ وتمن احمر انتَ مو تحبه!
شاهين - عاشت ايدچ ، ما مشتهي يولي
زهـراء. - لا عفيه شنو انتَ تگُسر بخاطري؟
تنهـَد ساگُت ورمَق هَيام نضره استغَربت اكو شي! بينما علي درعم للبيت بدون عزيمه وكلام طالع نازل ولمار واگفه يم زهـراء وهيام واگفه يمي ومنزله عيونهه متباوع لشاهين وگُل شويه تشدد لزمه ايديهه على بعض لحَت لحَت زهـراء بـس شاهين رفض وطلع..
دخلنـا للبيت وما فتحت الموضوع عود إذا رادت تحجي شي تحجيلي بكيفها صبينا غده اني والبنات وعمو جاسر مسآفر للأسف وابراهيم طالع وبشغل ليل ونهار وميلحَك ومايدري بعلي هنا ويبقى عباله بـَس هـيام ولمار وكُال سهره بنات براحتگم
علي - يبووو شچايبني بنص البنوووات
هـيام - علي اسگت
علي - افااااا ، أنا اسگت يـَلبلوه؟
هـيام - صرت بلوووه!
علي - عَش تنگدين عليا؟ شايفتني عمو شاهين أنا؟ وأبو الغيره اطرچ نصين
هـيام - إذا بيك زود سويها
علي - بـَس العباس ابو الزود
هـيام - ها شو خفت؟
علي - أنا اخاف؟ ومن منهو؟ اخاف منچ! يولي أنا مو عمي شاهين!
هـيام - على أساس عمك شاهين الخايف؟
علي - يرچف رچيف
هـيام - علييي شو اسكتتتت
علي - اناااا شچابرنيييي ابقى چاااعد بنص الحررريم!
يمامه - احنه حريم؟
رمقُني نضره وزهراء وهيام ولمار ضحگُن وهو صفگ ابد بايد يصيح هي هاي النازوگُيات ضحك وفرك وجهه من شافني صافنه عليَ وأردف
علي - انتَ بنوه موش حريم
يمامه - وشنو الفرق؟
رجع ضحك وباوعلي ورجع ضحك ياا هذه شبي؟؟! كمت من مگاني وزهراء وياي ولمار هم گُامت بـَس هـيام بقت كاعده
زهـراء - كومي العوبه ساعدينا
هـيام - خطاااار انيييي خطارررر
زهـراء - كومي منيلچ خطار؟
لمار - وبعدين حتى إذا خطار اني مو جايه وياچ وگمت؟
هـيام - انتِ معذوره حبيبتي بعد ماستغرب من تستچلبين غير عاشرتي عمار الزمال مع احتراماتي لعلي
علي - الله هههههههههه وزن وقافيه
ضحكُو وبقو يتناگُرون واحنه نصب غده خلصنا وگُطعنا كلامهم وصحنالهـم ياگُلون صفك أيد بأيد علي وضحك
علي - هساااع صدك نازوكيااات عجل خالي الغده عل ميز؟
زهـراء - ههههه تخيل علي إبراهيم ميقبل ياگل بالكاع يكول لعبان نفس شنو تأكلين بالكاع
علي - زلمه چيس حُب
يمامه - أمده الزلم إذا يتقارنون بگُعده الكاع لو الميز
سگُتو بعد چملتي وهيام رفعت حاجب وضحگُت فاهـمتي هل ملعونه ولمار دنگت تأكل وهو كعد وزهراء هم.
علي - شنهو قصدچ؟
هـيام - تقصد قابل الزلم تتقارن بهـل سوالف التعبانه؟ هذاك عمار ياگُل بلكاع هم زلمه؟ هيهيهيهيهيهي
ضحكـت ضحكه شريره علي رفع راسه بترعاها وضحك اگُلت بدون نفس ماحب علي ولا أطيقه واباوعله بطرف عيني وما أشوفه كدام عيني اساسا
جمعنا كم موُقف وجنت طبيعيه ويا بعدين تغيرت گُلهم نفس الشي ..
خلصنا غده وشلنا الاگُل وگعدنا بصاله
هـيام - ولا عرفت يميم صايره ام بيت
زهـراء - هههه هذه ولا شي من صدك ام بيت معدله تطبخ وتنضف ومتخليني اشتغل واتعب هواي وبفتره موت ازل ومؤمن البيت كله عليها ومتخليني أشيل خاشوگُه تخيلي حتى عمو جاسر كال بعد شلون بينه إذا راحت يمامه
هـيام - بس ما اقتنعت احـَس يمامه بعدها ذيج الزعطوطه النتعارررك على كلشي
لمار - وتصفن عليه بگُلشي
هـيام - خطيه هاي لسه باقيه بنفسها
لمار - انجبـي
هـيام - هـاي شبيها يميم شو صايره هادئه يبووووو ووولج يميم
علي - يميم شنهي ولچ أتخيل عمي شاهين تگولو شوشو
هـيام - هيهيهي حلوه حبيت اللقب بـَس راح اخيب ضنك وأدلعه شاهينو وشاهيني وشمومه
علي - هههههههههههه خرب أخ بويه
هـيام - ابوووك ولا مبين أبوك
زهـراء - شوف ربط المواضيع
علي - يرعط رعط
لمار -عزااا واني أشوف زمرد منييين جايبه هاي الگلمممه طلعتتت منك!
علي - مع الأسف هيَ هاي خلصت عمرها تقلديني
هـيام - اسكتتتتت ماااسمحححلك تحجي على زمزم!
علي - شنهييييييييييييي
زهـراء - زمزمممم اخخخخ هههههه زمزم هههههه
يمامه - وجععع ليش اضحگين غير دلع هذه!
علي - دلع شنهي ولچنن دلع شنهي
هـيام - علي خلص لازم الگالك دلع والي هو..
علي - دخييييييلك ياعلي
گام من مگانه وأحنه فطسسسسنه ضحك چنه واحد مخروع اخذ سويچ وارد يطلع
زهـراء - ولك وين هـاچ تعاااال
علي - اروح انخى الگاظم يعقل هـيام
هـيام - وووووووولللك
علي - ياعلي دخيلك
هـيام - تعال تعال
علي - وطلياان الحمزه إلا اروح
هـيام - لااا تعال اگعد خل نضحك عليك
علي - دخيلك يالگاظم عقلها لهل بنيه
طلع من البيت واحنه فاطسينننن ضحك ما سگتتا ابد ، مرت فتره وحضرنا حبشكلات واگُل وفلم رعب وگُعدنا ناگُل گاعدين بالكاع وحده بصف الثانيه والتلفزيون كدامنه والحبشگُلات هم وصلت للحظـه الي الوحَش راح يطلع من تحت السرير ودك تلفون زهـراء
صحنا كلنااا بصوت واحد وزهراء تعيط ..
زهـراء - يمممه يمممه چننننييييييي
يمامه -ووولج ووجععع تلفووونج هذه
سگُتت ورجعنا نكُعد وهيام ما خلت مسبه ما حجتها على زهـراء ولأن اني كاعده بصف زهـراء لازم اسمع مگُالمتهاا
إبراهيم - اليوم ابات بشغل
- ليش؟
- حبيبي شغل شغل وداعتچ
- إبراهيم شغل شنو هذه يخليك تبات؟
- حبيبي شغل صدگُيني والبنات يمچ لا تخافين باجر اني يمچ
- غير آفتهم شغل شنو
- زهـرراء!
- تمام تمااام
- ليش تخليني ارجع لشغل تعبان على زعلچ؟ ارضي زقچتي
- برررهوووم
- اشتعَل برهوم
- هههه يلا روح حبيبي خل نگُمل الفلم
- شعَلت حبيبها وتگُله روح
- ياا شسويت!
- بس ارچع إلا احبلچ بتوم هل على تماوع
- ياا عزززه برهوووم
- إلا اطيح حضچ واشعلچ شعل واحبلچ بتوم واطلع هذه التماوع من عينج واخليچ تبچين
- ياا بله على شنو ابچـي؟
حجه شي كلشششش عيب عضيت شفتي وسكتت وحتى زهـراء سدت التلفون انخلسـت البنيه
بقينه تباوع فلم لحد ما قربت النهايه وگلوبناا وكعت بتشيرتاتنـا واندگُت الباب ورجعنا اخترعنا وصحنا انخطف لون وجهي من شفت الساعه بـَ 12 ونص
البنات يباتون وعلي يضحك عليهن من كال يروح يزور او صدك راح يزور بس المهم وره هذه يرجع للبيت وعمو جاسر مسافر وابراهيم يبات بره منوو هذه بهـل وقت؟؟
احنه نباوع فلم وانخسلنـا خلس سگُتنا والباب تندگ اكثر صارت زهـراء انبلع وجها وهيام ولمار ما هتمن عبالهن إبراهيم
لمار - ياا زهـراء روحي فتحي لباب لرچلچ
زهـراء - بنااااتتتتتت
يمامه - يبوووووو
هـيام - شكوووو
زهـراء - بنااااتتتتتتت
هـيام - ووووجع احجيييي
زهـراء - بنااات بنااات إبراهيم خابرني وكال يبات بره عنده شغل وعمو جاسر مسافر وعلي رجع منووو هذه؟؟
هـيام - روحي شوفي بـَ الكامرات
زهـراء - مطفيين الكامرات وما نكدر نفتحهن إلا بمكتب عمو جاسر
هـيام - اي اني اروح للمگُتب
زهـراء - المگُتب مقفول والقفل مأخذه ويا عمو جاسر!
عزززه عزززه يبوووو تعزينااا وخزيناااا يباااااو انبلعتتت وجوهناااا بخوف
لمار - اي خلص لنفتح الباب!
يمامه - غير ساله ساعه يدك بلباب لعد ماراح!
هـيام - اي لوما يريد شي ما يضل هلگُد شبيچ لمار!
لمار - هم طبگُن عليه!
زهـراء - وكتتتها هسه وكتهااااا رااااح نمووووت
هـيام - وجع منو يموتنيييييي شححده
يمامه - كافي كافي اني راح اطلع!
هـيام - يمااااااامه انچبببببي
لمار - اتفق
زهـراء - اتفق
يمامه - لا خلص اني ما اخاف راح اطلع افتح الباب وإذا متت عادي
هـيام - عود شغلت عقلها الغبره وسوت روحهه المضحيه ترا راح تفتحين الباب ويگتلوچ ويطبولناا
زهـراء - خررررب راااح نموت
هـيام - خابري علي!
يمامه - خابري إبراهيم
هـيام - لا إبراهيم بشغل لا يخترع
يمامه - واو شنو هل عقل إبراهيم بشغل يخترع بس علي بلانبار ما يخترع!
هـيام - يامعوده هذه دايح تلگي بعده ببغداد يفرفر
زهـراء - اي اي صح
راحت زهـراء بسرعه تدگَ علي ويطلع مغلق والباب تگسرت تكسير دگُت على إبراهيم وما يرد اكيد مشغول!
يمامه - بنات خلص خل اطلع!
لمار - لا يمامه لا لا
هـيام - نطلع كلنـا سوه!
گُمنا گلنا متحضرين نطلع سوه وزهراء لبست شال واخذت هـيام سچينه وزهراء مگُص ولمار كامت تبچي وتصيح راح نموت هو اني ششفت بحياتي! طلعنا باب المطبخ واحنه أيد بايد وصلنا لباب الخارجيه ووگفنا نودع بعض قبل لنموت
يمامه - هيومه اني احبج هواي
هـيام - حبيبتي والله واني هم احبج ، لماري اموت عليج ، وزهاري ديري بالج على روحج
زهـراء - عود تودع العوبه غير راح اموت شنو ديري بالچ على روحچ!
هـيام - ها اي هم صدك يمامه لا تنسيني
يمامه - ما انساچ ولو هو راح اموت وياچ
هـيام - صار شعر!
لمار. ببچي - بنات احبچن كومه چان بنفسي يصير عندي عائله احبها وتحبني واچيب بنيه واسميها على الاسم الي رادت ماما تسمي اختي الصغيره الماتتت بس ما مقسوم!..
هـيام بدموع - بنات وابني!
يمامه - عزاااا هياااام انتتتتِ حااامل ارررجعي واقفليييي الباب
لمار - اي اي ارجعي
هـيام - دنچبن
زهـراء - واني حامل هم
يمامه - عزااااا ارچعععن ارچعنننننن
هـيام ، زهـراء - انچبن
يمامه - لا لا صدك ارچعن ماخليچن تموتن
لمار - اي اني هم اوگُف كدام هـيام واگُل الضربه عنها وأموت ومااخليها تموت
يمامه - اي واني أضرب منو ليطلع كدامي وماخليهم يكتبون زهـراء وهيام!
هـيام - غير ينچبن
حجتها وفتحت الباب لمار كرفصت بالكاع تبچي وزهراء صرخت وغطت وجها بأيديهه وهيام فتحت الباب وصرخت واني رفعت عيوني اباوع منو لحظظطه لحظظطه هاي منووووو هاي
يمامه - علييي!!!!!!
رفعَن عيونهن يباوعله وهو روحه طالعه وينفخ بعصبيه صفن على زهـراء ولمار ووجهه هـيام المخطوف باستغراب عض على إصبعه يحجي بحرگه
زهـراء - عزا هاي انتتتتَ واني عبالي حيگتلوناااا
علي - اي من صدگ أنا اليوم چتالچن
حجاهـا بعصبيه ودخَل للبيت واحنه واگفَات مصفصفات گُدامه زفرت نفس بهدوء واني احجي
- وينننك ندك عليك تلفووونك مغلق!
علي - ولچ خمريه تعلييين صووتچ عليَ؟
- اييي اعليييي
علي - احلا واحده تعلي صوتها
زهـراء - نحن هناااا
علي - وجع
لمار - يااا
علي - عفوا مو عليچ
لمار - امم
هـيام - وينك كلوبنااا وكعععت
علي - شنهـي گلوبچن وكعَت وين گاعدات بـَ المنگطعه وخايفات؟ عچل شنهـي ماكو زلام وراچن!
هـيام - لااا بَـس ندك عليك مغلق
علي - تلفوني طفه
هـيام - وين چنت؟
علي - ادك بلباب
هـيام - ههه ههه ههه كوميدي لا قبلهااا
علي - ادعي لگاظم يعقلچ
حجاهـا وباوع لزهراء وكال - افرشيلي فراش ميت من التعب تا انام
زهـراء - بعيوني
دخلنا للبيت وهو گُعد بـصاله وزهراء راحت تفرش بلاستقبال وهيام حطت ايدها على بطنها تمسَد عليها صافنه ولا مبين عليها حامل ابد بطنها ما بارزه
يمامه - شوگُت تبين بطنچ؟
- وين ووين بعدني بلاشهر الاولى ترا حتى الطفل بعده مصاير حبابه فاصولياء
يمامه - حيييل لعد شوكت يگُبر
علي - من تعقل امو
هـيام - يوووه علي شعندككك وياي!
علي - تركيه موبيدچ
هـيام - غير يسگُت!
سگُت علي وهي تزفر تنفس متضچوه همس علي بيني وبينه
علي - تا ما تگدر على فراگُو
يمامه - منوو
علي - منهو يعني زلمتها يولي
يمامه - يا فراگ ليش هو شكو؟
علي - اهااا انتِ تا ما تعرفين اي اي
يمامه - شكوووو
علي - لاهه لاهه أنا مالي دخل
طلعت زهـراء تكول كملت فرش فراشه ودخَل هو ينام وخلاني مسطوره هاي شكو شنو شصاير! رحت للمار استفسر منها وكالت روحي لهيام احسن الفضول اگُلني اگُل بلخصوص إذا موضوع يخص هـيام يعني يخصني..
دخلت بسرعه للغرفه أدور عليها وچانت تحجي مگُالمه تلفون ويا شاهين وفاتحه مگُبره صوت ونايمه بنص الفراشه وحدها والتلفون بصفها وأيدها على بطنها وعيونها على الحايط
شاهين - مو گتلچ شاهين ما يعيش بدون نبضو عَش تترگينو؟
هـيام - شاهين ما تركتك بَس الموضوع مسأله وقت مو اكثثثر!
شاهين - وقت شنهووو يچي عمچ چاسررر! والله أوصل الدم للرچاب ومانطيچ
هـيام - المن تنطيني شاهين شبيك! ترا مزود الموضوع انتَ اني من حقي اخذ مساحتي الشخصيه بعد الصار
شاهين - ابني ببطنچ هـيام!
هـيام - ها حلو صار ابنك بيها مو؟ اي خوش لعد بما ان ابنك وتداعي بيَ ابقى هنا اني لحد ما أولد ابنك واذبه عليك وتطلگنيييي!
بعد چملتها الصاعقه سدت التلفون بوجهه شاهين! عزه عزه سدت التلفون بوجههه!!! حطيت ايديهـا على وجها وكعَدت تبچي وچسمهه يهتز رحت يمها احضنها انفچرت بحضني تبچي مثل الأيام الي چانت تبچي بيهه من اشتياقها لامها بضبط! شصاير ورجع هـيام لهذيج الأيام؟!
يمامه - شكوو شبيج يبعد عيوني شكو شصااير احجي؟
هـيام - ماريد احجي ماريد
رجعت تبچي وتشهك اچتي لمار بَس شافت هـيام هيج حضنتها وكامـت تبچي لا هاهيه كملت!!
لمار - شبيچ هيام شبيچ
هيام - اريد امي مشتاقه لريحه امي
همستهه همسه طفله نبره صوتها قطعت نياط قلبي ، طفله محتاچه لسه حنان امها لسه تذكر ريحتها وهمساتها قصصها التحچيها الها ريحانتهـا لسه تذگرهـن وترويهن النا كُملت بصوت هزيَل تعبان مشتَاق وگأن حمامه ودمرو عشهه الي بنته سنين
هـيام - تعبانه اني مشتاقه لامي ، عطرها ، كلامها ، صوتها ، ملامحها ، حجابها ، صلاتها ، صيامها ، دلعها ، تعبانه اريد امي اريد امي ماريد أشوف كُوابيس بعد والله تبهذلت وره امي والله المفروض من تموت الأم تموت بنتهه وياهه!..
نزلت دموعنا گُلنا ، هـيام ما تعرف شتحچي شيچي بگُلبها تحچي هيه حاليا فاقده وتعبانه وواضح زايرتهه أحلام وروحه تعبانه ومنهـلگُه واني متأگَده اكو شي رجعهه لهل حاله شنو هو؟؟؟
بچت وحچت لحد ما تعبت ونامَت باوعتً على لمار الي تبچي بسكوت وبدون توقف ونترت
- كافي شبيچ؟ ليش تبچين تزيدين ضيمهه عليها؟؟
لمار - صدك كلامهه المفروض من تموت الأم تموت بنتهه وياها
- لا بلة؟؟ ليش عشتو اني ماريد اموت وهيَ شنو وأموت وياها؟
- افففف
- تعاي نحضنها وننام نفس ايامً قبل
وفعَلا اچـت لمار من جهه هـيام الثانيه واني بمگُاني حاوطنهه من گُل واحده جهه وحضناهـا ونمنه بسعَاده وفرح سالي شكد فاقَده هل أمان والراحه ..
بنص اليل وماعرف الساعه شگُد فزيت عطشانه باوعتً على لمار وهيام نايمات بعُمق وحاضنات بعض ابتسمت وگُمت منَ مكاني لتوجهت للمطبخ
دخلت وانتشرت الكأس يمتلئ أخذته ودرت وجهي اريد اكعد مابيه حيل بس فجأه ارتطمت بچسم!
عضيت على شفتي وگُتمت صرختي بينما هو صَددت صوت شهـَگته لان واني إندار عليه انرگُعت بيَ وانچب المي عليه رمقُني نضره مصدوم
يمامه - ليش تباوعلي هيج ترا انتَ الغلطان!
علي - أنا غلطاااان؟
- اي انتَ اجيت تتسحَب وما سمعت صوت خطواتك
علي - يولي أنا من امشي تا الكاع ازلزلها
يمامه - اف شكد مزعچ!
- لااه لااه يولي عَش هـَج تكولين؟ أنا وليد حباب يدلل اليحيها ها وحلو هم وطويل والعب كمال اچسام وعيوني اويلييييي عيوني يشلـنَ
- طلعت نرچسي
علي - نرچسي شنهي؟ لا أنا عراقي
ضحكُت وسكتت ترخصت منه وشربت المي وطلعت بسرعه واحـس بعيونه تلاحگُني ورجعت نمت، كُعدت الصبح وطلع شاهين من الفچر چـاي لهيام يريدها ورچعت هـيام وهـَي مطنگُره شكد حاولت احجي وياها وما كدرت ومن فتحت موضوع كلامهـه وبچيهه كالت ما تتذگُر هـيچ شي وعلي يريد يطلع بسيارته وياهـم واحنه واگُفين بلباب طلعت زهـراء بيدها دولگُه مي .
شاهين - شعتسويـن؟
زهـراء - اچـب مي وراكُم
علي - هههههههه عود صارت فهيمه الفاهيه روحي بابا روحي
طلع علي وهو يضحك واحنه هم ضحگُنه وهَي هم ضحگت طلعت هـيام وهي مطنگُره شاهين يحاچيهه ماترد وعيونهه ما نشالت منهه لدرجه حسيتهه راح تنطبع بوجهه ولا استحى ولا بعد عيونهه عنها وهَي ولا يمها الموضوع مطنگُره وضايچه ورافعه حاچب وأيدها على بطنها
تحرگُ علي بسيارته وهو يسوق اچـت عيني بعينه غمز! هذه شبي وليش هيج يسوي؟ راحَو هـيام وشاهين بسيارتهـم وبقَت لمار يمي تنحَب وتصيح وتبچي اليگُلك امها راحت مو هـيام شويه وسكتت وراحت تنام واني هم رحت للغرفه من اجهه إبراهيم ...
" هــيام "
طول الطريق انـي ساكته تعبانه وصايبني غثيان واحَس بتعب قوي وألم قليل اسفل بطني تنهـَدت بهدوء واسمَع شاهين ينقُر بنقُرات خفيفَه على الستيرن ويمشي بطيئ وگُل شويه يباوعلي
هـيام - تكدر تسرع شويه! اريد أوصل بسرعه تعبانه
شاهين - ماكدر
- ليششش!
- لانچ حامل
هـيام - استغفرالله
احَس نار موچره بنص كلبي وتعبااانه وفوكاها لمار بقت يم بيت عمو جاسر وعمو جاسر كال ميصير تبقى يم شاهين واني اخذت القرار الصح من طلكُتها من عمار وهَذه افضل الها ومالها اي صله بيهم وميضية تبقى يمهم احترمت وجهه نضره وقبلت ورجعت يم يمامه كُلها فتره قليله جدا وراح يرحن ثنينهن
هـيام - اريد اروح لترگُيا
إندار عليه عيونَه تچَدج چدحَ من البارحه محمَل عليه وماقبل اروح ليمامه بس موبيدي روحي تلعب واختنگ منه عض شفته يگُتم غضبه وهـمس
- ماگُو روحه
- ليش؟
- لانچ حامل
- انتَ كتلي بأي وقت تردين اخذچ نسيت كلامك؟
ضل ساگُت ماحجه شي وجهه احمر راح ينفچر من الغصب ايده يسد ويفتح بيهه وما متحمل روحه عود اسكت؟ طبعا لا
هـيام - عادي توقعَت راح تتراجع بكلامك ولا تخاف هذه مو اول وعد تخلف بيَ!
- شنهووو عَش بشنهو خلفت وياچ!!!!
هـيام - بشنوووو خلفتتتت موووو؟ ليش من تزوجتك لحد هذه اليوووم وفَييتتتت بوعودددك اليييي! گُل الي چنت متوقعتتتته راااح يصيرررر صااار وگُل الي كااالته الي امييييي صاااار من اتزوجتتتتك لسسسسه نفسسس الوضع مشاااكل مشاااكل وتعب وطلايبَ وبسسسس ما وفيتتتت بوعدددك الييييي ما حميتتتتتتتني!!!!
ضل ساگُت يهز براسه اي اي صح كلامچ بس ادري بيَ راح ينفچر ووصلت حدها ويا رچفت ايده تدل على اي ساعه راح ينفجر هذه البرگان؟
خفت وسگُتت الدمعه محصوره بعيوني وغروري ما سمحلي أنزلها وانزل من مگُاني وابچي علمود صياح! بس لو يتعارك وياي ويحچي اني بخير بس دائما يسكت ويخليني اني المذنبه ..
وصلنـا للبيت بشاااافعااات بعد ما روحي طلعت نزلت بسرعه من السياره متگُسره تگُسرررر حضنت زمرد گُل قوتي وهي بادلتني
زمرد - اشتاگُيتلچ
- اني هم زمزم
زمرد - بعدچ ضايجه؟
- لا احسن أمج وين؟
- بغرفتها
توجهت لغرفه خاله ام شاهين اول ما فتحت الباب صدقُت وطبگُت القرأن ونزلتهه من ايدهه كامت من مگُانهه تهـَوس بشيلتهه وتضحك
ام شاهين - هــلا هــلاا بالطش والرش والماي المبشبش
ضحكُت على ملگُاها الحلو لزمتها تبوس بيه وتضحك وتشاقيني وگُل شويه وسئلت وكلتي حفيدي خلصت ملگُاها الحلو وطردتني كالت تريد تنام بوستهه وطلعت من الغرفه رحت لغرفتي ومالگُيت شاهين سمعت صوت بـَ الحمام يعني ديسبح
بدلت ملابسي بسرعَه ومشطت شعري وشمرت نفسي على السرير بدون لا اتغطئ شويه وطلع عرفته من البخار الترس الغرفه ترس ما رفعت راسي ولا باوعتً بـَس ريحَه الشامبـَو الرچالي تفوحَ منه ..
الكاتبه - ( تذكرت شامبو الفصلياتت 🤣🤡)
احَـس بيَ يباوعلي شويه وماتحمل وحجه
- شلونچ يولي؟
- زينه
- دحگُيلي هومه
- ماريد
شاهين - دحگُيلي يالنبض
- مااريد
- دحگُيلي يرويحتـي
- مااريد مااريد
- دحگُيلي يطير الصاف
- أف
- دحگُيلي هـيامي
رفعت عيونـي اباوعه لافَ المنشفه على خصره وبـَس شعره يقطر مي يزفر نفس بهدوء بلگُوه متحمل بـَس متحملني رغم هذه عضيت شفتي اگُتم عبرتي
شاهين - عَش هـچ تتصرفين وياي؟
هـيام - شاااهين شلووون تريد اتصرررف وياااك شلوووون اخوووك راد يعتدي علييييه! اخوووك ابن ابوووك راد يغتصب مررتتتتك بببيتگ!!!! ...
يتبع...
🌿🥹🤎
- يتبع الفصل التالي اضغط على ( رواية ذيب الغربية) اسم الرواية