رواية اسرار القلوب الفصل الثامن و الثلاثون 38 - بقلم رانيا قنديل
البارت ٣٨★ اسرار القلوب★
جاء الصباح على جميع الاحبه بالسعاده فالكل متحمس لما يجول فى خواطرهم
الجد محمد: صباح الخير........
الجميع صباح الخير
صالح: غريبه الكل متجمع النهارده على الفطار خير شكلكم عيزين حاجه
اميمه: لأ وايه البنات إلي حضرو الفطار وشكل السفرة يجنن....
الجد محمد: الواضح أن المطالب كتيرة وشكلهم مرتبنها سوا ربنا يستر تحبو تقولو طلبتكم ولا بعد الفطار .....
حمزة: نفطر الأول ونطلع الجنينه ونبلغ حضرتك بطلبتنا تمام وكمان في ضيف هيوصل النهارده
عثمان: مين الضيف حد نعرفه .......؟
الجد محمد: مش عايز كلام على الأكل نكمل الكلام بعد الفطار...
هناء: ههههههههههههه طيب يلا افطرو دة إذا عرفتو تاكلو من أساسه
سلسبيل: معاكى حق ي طنط إلي زيهم ميجلهومش نفس ياكلو ...يسيبو الأكل للي زينا أنا والمساكين دول واشارت الى نرمين وإيمان ونفسها
اميمه: أنا مش فهمه حاجه خلصو فطار ويلا الفضول هيقتلنى
سميحه: خير إن شاء الله .......
سلسبيل: خير ي ممتى خيييير....
الجد محمد: أنا قولت مبحبش الكلام على الأكل....
علي: ههههههههههههه أحسن ...
سلسبيل: أحسن في عينك ا ووووف ونظرت سلسبيل لخالد فوجدته سارح فى ملكوت سندس وهى الأخري في عالم آخر
سلسبيل: إيمان بصي عليهم كده شوفي واتحسري يختى علينا وعلى منظرنا ....
نرمين: بهمس لسلسبيل يا بت أنتى مالك هتتجننى وتتجوزى ليه ما انتى كده لذيذه وبتجري وتلعبي وواخده راحتك على الاخر
سلسبيل: هار فله انتى عيزانى اعنس لا أنا مليش دعوة أنا عايزة أجرى وهو يجرى ورايا وميعرفش يمسكنى الله وسرحت
علي: هيجرى وراكي ليه اكيد سرقتى منه حاجه بطلي طوله ايدك دى
سلسبيل: بس ي متاخر أنا بتكلم عن الي هيخدنى ويطير ايش فهمك إنت
علي: هو واحد بس إلي بياخد ربنا ي قلبي هتوحشينا
هناء: بطلو همس لبعض جدكم مش متحمل اسكتو شويه
سندس: لخالد سيب ايدى لحسن حد ياخد باله
خالد: بهمس ولا يهمنى أنا م صدقت وانتى تقولي سيب ايدى واياكى تسبيها سمعه
سندس: أنت عيزنى اخرج وأنا مسكه ايدك قدام الكل
خالد: اه واوعي تسيبي ايدى مهما حصل سمعانى
سندس: مستحيل أنت الحلم إلي اتحقق بعد طول انتظار أنا أسعد مخلوقه النهارده
خالد: ربنا يقدرنى واقدر أسعدك بس البسك دبلتى واكتب كتابي عليكى لحد م تخلصي امتحاناتك
الجد محمد: الحمدلله أنا طالع برة
خالد : وأنا كمان فطرت وهب واقفا وأمسك سندس واسندها وخرجو سويا لجدهم
حمزة: وأنا كمان فطرت الحمد لله
سلسبيل: استنى ي حمزتى خدنى معاك القعده برة معاكم أحلي
ايمان: يلا ي نرمين نلحق القعده من أولها
صالح: لأخيه عثمان مالهم كده ملهوفين على برة وغير كده ماكلوش كويس
عثمان: أنا عارف أنا كمان فطرت الحمد لله هحصل الولاد...
صالح: خدنى معاك م الكل خرج يلا بينا
الجد محمد: خير مالكم الكلام على طرف لسانكم اتكلمو
خالد: نستنى بس لما الكل ييجى علشان مش هنعيد الكلام مرتين وبعد دقائق تواجد الجميع
حمزة: لجده وابيه أنا قررت أنى اتجوز واستقر ولقيت الانسانه الي هكمل معاها حياتى
اميمه: ياالف نهار ابيض ألف مبروك ي حبيبي وأخيرا هفرح بيك ي قلبي
صالح: ومين العروسه حد نعرفه ولا غريبه عننا
حمزة: لأمش غريبه حد نعرفه ومن دمنا كمان رحيق بنت عمى جمال
صالح: رحيق .........؟
سميحه: الف الف الف مليون مبروك والله عرفت تختار زينه البنات
عثمان: ايه ي بابا أنا شايف حضرتك ساكت ايه موافق على الجوازه دى
الجد محمد: لحد الجواز ي ابنى ليا النصيحه وهو عليه الإختيار لكن هو عرف فعلا يختار زوجه ليه بس مش معني كده إن قراري هيتغير من ناحيه جمال فهمت ي حمزة
حمزه: إلي حضرتك تامر بيه ي جدى بس إن شاء الله أنا عايز اتقدم رسمي النهارده.......
صالح: مالك ي حمزه ده جواز وكمان أنا مش عارف ليه رحيق أنت بقالك سنين مشفتهاش وكنت مسافر ويدوب بقالنا ثلاثه ايام بس اتانى شويه وفكر
عثمان: وأنا مع صالح فى كلامه بلاش استعجال
هناء: افتكر حمزة أختار ي جماعه ونحمد ربنا أنها مننا وعلينا مش واحده منعرفهاش ومش علشان هى بنت اختى لأ لأنها متتخيرش عن بنت من بنتنا فى التربيه
سميحه: معاكي حق ويلا خلى الفرح يدخل بيتنا
خالد: الفرح هيكون اتنين إن شاء الله
هناء: لأ لأ سيبلي أنا الدخله دي ي خالد كنت بحلم بيها واهو هنولها
هناء: لسميحه انا طالبه ايد سندس لابنى خالد ....
سلسبيل: اديها بس والباقي هتطلبوة امتى لسه هنستنى ......
علي: ي بت اتهدي لما انتى مش عرفه يبقي تسكتى اووووف
سلسبيل: سكتت اهو لما اشوف باقى الأعضاء هيخدوها ازاى يكنشى خالد هيقسط الباقي......
اميمه: ههههههههههههه ي بت بس عدى متقفيش على كل كلمه .....
علي: ازاااااي تقف تتعب وتقرفنا معاها ....وتقول بطنى ظهرى رجلي
سلسبيل: هار ملحوس بس ليسمعك ده بيجى على الريحه
هناء: اسكتو شويه االله ايه ي سميحه قولتى إيه
سميحه: انا هلاقي فين زى خالد لبنتى ده ربنا استجاب لدعوتى وخلاها معايا الحمد لله
اميمه: الف مبروك ي رب يكتر من افرحنا إن شاء الله
صالح: الف الف مليون مبروك ي خالد بجد ي زين م اخترت
حمزة: بنظرة حزن لأبيه وقام واحتضن خالد وبارك له
علي: الف مبروك عليكم انتم الاتنين
حمزة: لجده محمد النهارده هنروح لجدى رافت وعمى نطلب ايد رحيق ويريت ي جدى متعترضش لأن حضرتك عارف الاوصول وكمان مش لازم رحيق تحس بأى رفض من اي حد ده اختيارى مع السلامه وهما وابتعد عنهم
علي: لأبيه ليه ي بابا كده تكسر فرحته ليه مقمتش واخدته بحضنك وحسسته أنك مبسوط ليه .....
صالح: أنا كنت متوقع حد تانى لاخوك بس خيب ظنى لكن طالما أختار خلاص .....
اميمه: بحزن وزعل على كسرة فرحه ابنها من ابيه ليه ي صالح كده أنا م صدقت اشوف السعاده في عيون ابنى ليه بس
الجد محمد:: بس خلاص مش عايز كتر كلام كل واحد مسؤل عن اختيارة والحمد لله اختيارهم سليم وأنا عن نفسي مكنتش اتمني اكتر من كده لاحفادى
والكل يجهز بالليل هنروح نتقدم لرحيق وانتى ي اميمه انزلي هاتى هديه كويسه للبنت تليق بحمزة
هناء : وانتى كمان تشوفي هديه تليق بسندس نوارة البيت
هناء: الدنيا كلها قليله عليها حبيبه قلبي وقبلتها
خالد: طيب تعالى ي علي نلحق حمزة وانتم جهزو لكل حاجه ومال على سندس حبيبه قلبي عايزة حاجه
سندس: خالد حرام عليك هموت من الكسوف بس بقي
خالد : بعد الشر عليكى وهمس لها اتعودى على كده أنا م صدقت وخلي بالك مني
سندس : ازاى يعنى اخلي بالي منك وأنت خارج
خالد : علشان انتى أنا وأنا انتى
سلسبيل: هاااااااااف تايم كفايه ارحمونا بالله عليكو تعبنا ودنا وقعت ومش سمعين حاجه شايف البنت ايمى فاتحه بوقها ازاى ولا التانيه حالها حول
خالد: عرفه ي سولي انتى بالذات مش هعزمك على الفرح وإذا حضرتي الفرح أنا مش هحضرو يلا سلام ي ساااااتر
سلسبيل: شايف ي جدو بيعملونى ازاى مضهدنى اوي
الجد محمد: سيبك منهم هما دول يعرفو حاجه
هناء: يلا ي اميمه خلينا ننزل للصاغه وانتى ي سميحه تعالى معانا
عثمان: هناء عيزك تعالى ورايا ...........
هناء: خير ي عثمان فى حاجه ولا إيه
عثمان: الجوازه دى مش لازم تتم سمعانى
هناء: جوازه مين فيهم مش فهمه ........؟
عثمان: خالد وسندس مش لبعض أنا مش موافق
هناء: وربعت ادبها أمام صدرها وسيادتك مقولتش ليه لعمى ولاختك أنك مش موافق جي تقولي أنا ليه
عثمان: أنهى المهزله دى سمعانى حتى حمزة أنا مش موافق ومش هتمم جوازته
هناء: مسكت كتف عثمان الشباب دى بتحب ومستحيل تقدر تغلب قوة الحب بلاش تخسر الاولاد وافرحلهم
عثمان: إذا عيزانى افرح يبقي جوازه بنتك تتم وقتها أنا هكون مبسوط
هناء: البنت مش موافقه وأنت ي قولت كده
عثمان: أنا عيزك أنتى تكلميها وتاخدى الموافقه منها علشان ابلغ الكل
هناء: إن شاء الله بس بعد م إخوتها يلبسو الدبل هكلمها واستاذنت هناء للذهاب للصائغ
عثمان: هو انت فاكر ي حمزة لما تتجوز رحيق هتخلي جمال يرجع تانى أنت كده جبت اخرك معايا بس اخد منك المناقصه دى وبعدها افضالك
•تابع الفصل التالي "رواية اسرار القلوب" اضغط على اسم الرواية