رواية ذيب الغربية الفصل السابع و الثلاثون 37 - بقلم طيبة وليد
Part 37
ازل - شبعت من سوالفك الحلوه
مؤمن - اويلي
ما كدرت اكُمل اكثر وطلعت من المحادثه منهاره بچي منهاره ما تخطيت موتهم ولا راح يجي يوم واتخطئ بحياتي كلها جنت اقرب واحده الها نحجي كلشي واعرف كلشي عن علاقتها بـَ مؤمن ما توقعت هيج النهايه ابد! توقعت نهايه حبهم الصادق زواج! زواچ وتجمعهـم غرفه واحده راح يملوها حب وطاقه! ليش جمعتهم المگـبره؟
" هــيام"
انبلع وجهنا بخوف من سمعنا صوت شاهين ورانا خفنه ومتنه من الخوف اني وزمرد نطگ سن بسن من الخوف هـُجم شاهين علـى حرُ ينام فوگاها ويضربه كل قوته الدم يبسس بجسمي وزمرد تبچي رحنه نرگض نفرغ حرُ منه وهو ثأر يضرب بيَ كل قوته انقهرت وخفت من شفت حاله
يشبهه وحشيه أبويه من يعصب ويضرب شخص لا اراديا تذكرت أبوي وهو يعاقبني ويضربني وويگطع الحزام عليَ گُعدت بمگُاني وغطيت وجهي بأيديه ابجي بهستيريه وروحي ترچف رچيف السعفو وابچي بصوت عالي..
اختنگُت واني ابچـي اول ما حس عليَ ابجي ومختنگُه ترك حرُ واجه يركض عليه رگض وجهه ونضرات الحقد تحولت لخوف كام من فوك حرُ المدمـي واچأني يركض خايف مرعوب رگُض يجيب عبوه الاوگُسجين واني اشحرچ النفس تشحرچ
جاب الاوگسجين استنشقت هواء واخيراً گدرت اجر نفس بارتياح حضني يمـسد على أكتافي ويبعد شعري عن وجهي يهـمس ايات قرأنيه عليه رچفه ايده فاضحته حَب شاهين مو حب طبيعي مثَل بقيه الأحباب حبَه غريب..
بـَس ما انگر ان اني احب حبه ألي واحس براحه من أشوف شخص يحن عليه ويحبني يرچف على دمعتي ويخاف عليه من الگُل يوكف كدام الگُل لخاطري يحارب الدنيا وبيهه الخاطري اي بنيه ما تتمنى هلشي؟؟..
اچتني زمرد تدخلنـي لـَ الغرفه وهي تبچي وجهه صاير احمر من البچي وحرُ مغمى عليه لسـه.. ترگُني شاهين وبأس راسي وأيده لسه ترچف رجف مخيفُ شال حرُ وطلعه بره ودخلنا اني وزمرد لـَ البيت ورحت بوجهي لغرفتي وزمرد وياي لان غرفتها نايمه بيهه ناس واني وياها ولمار بغرفتي ننام
زمرد - حيلي انهـد ارگـض منا وارگض منا شوكت اخلص؟
هـيام - كُله من وره اهلگم دمروگم..
هزت راسهـا ودموعها تنزل بهدوء دخلنا الغرفه وعلگُنا الضوء
لزمت ايدي زمرد تحجي
زمرد - طفي الضوه لمار نايمه
لمار - لا كاعده
طلعت من جوه اللحاف تحچي من شافت حالنا بهـت لونهه ،
لمار - شكوو؟؟ شبيچنن شصااير
هـيام - ماكو شي ماكو شي
- احجي
هـيام - حُر وشاهين تعارگو
- وانتن ليش تبچنن لعد؟
هـيام - غير تعارگوا
لمار - وانتن ليش تبچن؟
هـيام - ووولج تعاركووو تعارركووو
لمار - وانتن ليششش تبچننن!
هـيام - عرفت شنو السبب
لمار - يا سبب!
هـيام - لمار الاعرفها قبل جانت لو كنالها عركه تكعد تبچي وأحنه نضحك عليه هسه هاي آثار العيشه ويا عمار العار عفوا عمار الجلب
لمار - وهسه انتِ تبچين واني اضحك عليج حلوه الدنيا من تدور
هـيام - ليش تجذبين وين ضحكتي!
لمار - هاي النذاله بس يمچ ويم يمامه
هـيام - يا مگروده يا يمامه تحجين عليها وراها؟ يا حييييه يا تسسسس
لمار - اني حيه؟
زمرد - مهَبولااات ههههههه
ضحگُت من گُل كلبها علينه كعدت على السرير تضحك ولمار تضحك وياها تغير مزاجها وارتاحت اكثر من سولفنا شويه ترگُتهن ورحت لـ الحمام حطيت مرطب لوجهي وأيديه وماسكات وحطيت ودهن مال شعر وسبحت ونشفت شعري وبدلت ملابسي ياله حسيت نفسي استرخيت
لمار - لوو عروس ما اطول هلگُددد
- حبيبي غير انـي حامل لازم أداري حرگتي
زمرد - ايباااه منهي هاي!
- انتِ انجبـي
زمرد - غير طمستي بنص العرگه
- يايابـه فلا يغزر بعيوووونج
لمار - كافي شكد تحچنن
هـيام - وللللييييج
لمار - وجعع حتى وجعع
هـيام - طالع لسانج
لمار - وين طالع مو هذه بـَ حلكي!
انهـارينا بـَ الضحك اني وزمرد احنه ناس تافهييين نموت على التفااهه اي نعم بكيفنا بعد نحب التفاهه ونحب نحجي بتفاههه هيهاااهي
هـيام - اشتاقيت لشاهين
حجيتهـا وطفرت على السرير اشبك زمرد وهي تدفع بيَ وتصيح
زمرد - انااا مو شااهين
- ادري ووجع
زمرد - اختنكت وخري عجل
- من ريحته
لمار - ايبااااخ ، والله زمن صدك لو كال ابو المثل
هـيام - شكال؟
لمار - شعليج
هـيام - شكد حقيررره! انتِ صااايره حشااشه وكذا على صديقتتتج!
لمار - لا والله لا بس اغيرلچ جو
هـيام - تغيريلي جو وتقهريني وتقهرين ابني..!
احجي بـَكل قهر وهي انقهرت وعيونها أنملو دموع وشويه وتبچي وطگيتهه ضحكه ضربت كتفي وصاحت
لمار - حقيرررره! تجذبييين عليه؟
هـيام - تدرين شاهين شيكول؟
لمار - شيكول؟
هـيام - شعليج!
زمرد - حلوه الدنيا من تدورهههههههه
لمار - انتِ مگيفه على الوضع!
هـيام - مگُيف مال شعر ههههههههه
لمار - مضحك
هـيام - ما حجيتهه حتى اضحگج
زمرد - عجل عَش حجيتيه؟
هـيام - حتى اضحكچ
زمرد - ما ضحكت
مددت راسي على المخده امسح على بطني واحجي بقهر
هـيام - شفت حبيبي عمتك متحبك مع الأسف عليها شفت مو شفت؟ تقهر أمك عمتك تسسسس وحيه هم وخالتك هم ثنينهـم طبگن على أمك امك فقيره يبعد روحي ياگلوها الناس
زمرد - فقيره فقيره
لمار - واني اشهدلها
زمرد - أنا هم اشهد
لمار - لااا اني اشهد، اشهد ان هـيام كل ما تروح للمدرسه تسحللهـا بنيه وتزوعها حليب امها هاا وتطلع روحهه مضلومه كدام الاداره وتخلي البنيه تعتذر منهه طبعا طبعا ومن ترجع لازم تكتلني وتشلع كلب رسوله
زمرد - عزا ، تگتلچ؟
لمار - اهوووو من جنه صغار ما انام اليل إذا ما مگتوله من هيام تزوعني حليب امي وتكول بطلي فهاوووه وفقر الناس ياگلوچ هيج
هـيام - شعندج ويا الزواع مو راح ازوع!
لمار - ما چنت اسمع كلامهه عبالي مو حقيقه ، تالي صدك انوگلت ونهـشو بلحمي ..
غطت عيونه تبچي حضنته زمرد واني حسيت بألم ببطني اليوم هـواي تحرگت ماكدر أتحرك بعد الحمل ببدايه الأشهر لازم أداري روحي اكثر
اشرتلها تچي وحضنتها نمت بـَ النص والجربايه عريضه كلش گُفتا وزايد هم
زمرد على يساري ولمار على يميني نسولف بهـدوء ساعه نسگُت لمار مگسوره تصفن هواي وزمرد تتحسر وتصفن
هـيام - هسه انييي شعندي كااعده يم واحده بسسس تتحسر والثانيه بس تصفننن!
لمار - ووجع
هـيام - وجع شنو وجع! تكولين على ابني وجع!
لمار - عليج مو على ابنج
هـيام - زمرررد الحگيلييي هاي صدك ابن عمج الچلب جلبها علينااا
زمرد - أنا تعبانه
حجتهه بصوت فعلا تعبان تعبان كلشَ وهـلكُان تربعَت بمگـاني وهـَنه كُعدن نفس گعدتي
هـيام - احجيلنا زمزمَ
زمرد - حجيت! شأحجي هساع؟
هـيام - لا احجيلنا عن مشاعرچ، من تشوفي شيصير بيج؟ ، تتمنين نفسج بمگُان مرته، تحبي؟
سگُتت شويه وعيونَها لمعَت بدموع انقهـرت عليهه ، رچفت شفتهه وهي تحجي وتحاول تبين هيَ طبيعيه بس عيونهه فضحتها ..
زمرد - عايشـه على امـل حبو وزواجنه تا يشوفني بمچان يچي يرگض يحجي ويايَ وين أدير عيوني الگُا يدحك عليا گُل يوم أمو وامي يزرعون حبـو بگُلبي اكثر تا ما اكدر اچذبهـم چنت ادحك نضراتو وكلامو لمعه عيونو بين يوم وليله گُسروني تحدد موعد الخطوبه ودرت مرتـو حيتزوچني انتحـرت وهي تدحك على حرُ وامو گالتلو طول عمرك ما تتمهـل بزمرد نفسهه االبنوه بيَك سمع من امو وخطبهه گُسرتي هـيام كسرتو ما تتچبر أحبو بس گسرني.. دحگـتهه وهي يزفوهـا لـَ البيت الي چنت أنا المفروض ادخلو عروس دخلت بمچاني گُل ما تچي تسممني بسمهه تعبوني ومرضوني ..
تحجي وتبچي تغص بـَ الحجايه من كثر ما هضموها وكسرو خاطرها الحقيرين كلبـي وجعني عليها ولمار أصلا تبجي وياها من اول حرف
زمرد - بسبعتـو هو ومرتو سوو حفله وعزمو الناس وانا هـينا مريضه وتا ما اكدر أتنفس وهساع اجا يخطب؟ ارفضي زمرد اقبلي زمرد زمرد عندها مشاعر!
هـيام - والله حقج خيولون لا تبچين هو لو بيَ خير ما مشه وره كلام أمه
زمرد - لا لا هو امو تحبني بس ابو جبرو
هـيام - دحجيهن كلهن يازمزم إلا تخليني احجي على الرجال واشيل غيبه!
لمار - وخري عن البنيه انتِ لسانج فالت
هـيام - ضبي
لمار - شنوه؟
هـيام - لساني
صفنت هي وزمرد يستوعبـن ثواني وطكتهـه ضحكهَ لمار ضريتها اصم بحلگُها فضحتنا
هـيام - وووولج عوووبه صووتج فاتتتحه هاي فاتتتتححححه!
زمرد - اهچدن
چرتنا زمرد تگُعدنا لمار خلصت ضحكته باوعتلها مبتسمه احب أشوفهه اضحك لمار بريئَه حيل بريئَه ، احب ضحگتهه وفهاوتها سوالفهه الحلوه ، ام دميعتنـاا هاي العزيزه رجعت انضاري على زمرد السرحانه ودموع تلمع بعيونهه وكلبي وجعني عليها نمت بصفها وحضنت زمزم ولمور ومرت ايامً الفاتحه هيج وخلصت الفاتحه بقو يمنا بس العشيره اقصد الكرايب
گُعدنا الصبح من الغبشه اول مره بحياتي اكعَد ساعه بـَ 5 الصبح هيَ هاي التزوچ تتحمل .
گُعدنا نگُرب ونشتغل ما گعدنـا دقيقه! طبعا جذب لان بس أشيل ماعون ام شاهين تصيح عليَ واني مگُيفه بس أساعد زمزم ولمار وگُفت بمگُاني تعرف بعض الأشياء من رسل، وزمزم هم تعلمها ابتسمت واني گُاعده اشرب عصير برتقال طبعا محد أصلا يشرب عصير كله چـاي هنا واني اموت من الجاي
والعصير كله باقي الي يجيبون ويدحسون بحلگُي ، ااغلب النسوان گُاعدات بـَ الصاله او الاستقبال ومتوزعات بـَ الغرف كم بنيه بس موجوده هنا ومن ضمنهم رنيــنَ مدري مفراس ، تركت العصير بعد ما خلصته ورحت متوجهه لغرفه الاطفال اول ما دخلت اجيت اجت عيني على ام شاهين حاطه الولد بحضنهه ترضعه مميه اصطناعيه والبنيه بـَ الكاروك تناغي
هـيام. - ها من أولها تفرقه
ام شاهين - شنهوو
تخصرت واني احجي - ليش حاطه الولد بحضنج مو البنيه!
ام شاهين - ياااع يلهـتره يلصگعه الوليد جويعان والبنوه مو چثير جويعه كلت اوگل الولد
هـيام - اءء ها اي عبالي ، صح البنيه اني وگُلتها مبارحه
ام شاهين - ياااع وگلتيهاااا!
هـيام - لاا يا اقصد رضعتهه مميه
ابتسمت برضا تهز راسهه ام شاهين تحبني حب مختلف ، تتحمل كل حجي وسوالفي وتتونس عليه اساسا متشوفوهه شكد متونسه وهي تحجي وياي!
رحت لگاروك البنيه شلتهه بين أيديه وهي تناغي وتضحك ياروحي بوستهه وانطيت خبر لام شاهين راح اروح اسوي مميه بـَ المطبخ واشربها واجي وافقت وطلعت شايله الطفله بأيديه لابسه ثوب اسود مختلف عن مال البارحه
وشال اسود شامرته على راسي باهـمال
دخلت لـَ المطبخ وشفت ابشعع منظر ممگن أشوفه! شفت شاهـين واگُف بنص المطبخ منزل راسه وأيديه مگتفهـنُ ورنين گُدامه راح تاگله آكل بعيونهه وراها بنات عمها ثنين مبينات من صنفهه وعلى الطبخاخ واگفات لمار وزمزم ثنينهن صافنات ولمار رافعه تك حاجب ما عاجبها طريقه كلام رنين ويا شاهين
رنين - شلونك
شاهين - الحمدالله
رنين - تعبان مبين
شاهين - عچل فاتحه هي
رنين - تا اسويلك اگُل
هـيام - ها حبيبي اجيت
رفع عيونه يباوعلي وعيونه ثبتت على الطفله الشايلتهـا هيمانُه بيَ شلون لايگُي واني شايله طفله ، بنص اللحظه رفعت عيونهه رنين باوعتلي بنضرر حققققد لدرجه وبنات عمهه واحده ضحكُت بخفه والثانيه بوزت
تقربت منهم واني احجي
هـيام - حبي رنين إذا تعبان زوچته تبعد تعبه عنه وإذا جوعان زوجته تصبله فـ حتى إذا جوعان مو انتِ الي تسويلهه اگُل حبيبي خليهه ببالچ مو صح حبيبي؟
شاهين - صح
ابتسم ونزل إيديه قرب نفسه گُلش مني بحچه يأخذ الطفله هـمس - تعبـان تعاي تا اريد ارتاح بحضنچ يولي ميت عليچ
ابتسمت وجاوبته بنبره عاليه عگُس نبرته - واني هم اموت عليك
عض على شفته أخذ الطفله بوسها وكال راح ياخذها لغرفته طلع واجت عيوني على رنين الراح تنفججر من القهر باوعتلها بنضره استهـزاء ورحت سويت مميه ورجعت صبيت غده لشاهين على أساس اني ام بيت معتبره وكذااا
شلت الصينيه وصعدت بيهه ليفوگ وصلت يم الباب دگيتهه برچلي فتح الباب مصلخ بدون تيشرت خزرني وخزرته اخذ الصينيه من ايدي ودخلت لداخل الغرفه
شاهين - عشَ تشيليهااا؟ عشَ ما صحتيني؟ ناويه تچلطيني
هـيام - ليش تفتح الباب وانتَ مصلخ؟ لو داگه الباب رنين؟ هم تفتحلهه مصلخ ؟
شاهين - اواشك تا لا تموتين من الغيره يولي
هـيام - امداااااني إذا اغااااار من مفرااااس
ضحك وگُعد ياگل أخذت المميه من الصينيه ورحت لـَ الطفله فإلهه من الگماط ومنومهه وسط الجربايه
هـيام - عم سيئ من هسه يعلم الطفلهه على المناضر الفاسسسقه.
ضحك بهـدوء ياگُل ويتصرف كلشي بهدوء ورزانه حب واهتمام رفعت الطفله وحطيته بحضني وهي تحرك رجلينهه وايديهه بحريه وتضحك ابتسمت على ضحكته وشربتهه المميه رفعت راسي على صوت شاهين
شاهين - احلا ام تشوفه عيني
هـيام - اكيد من بعد امك ابوووسها لامك على هيج خلففه
ابتسم ورجع ياگُل اجا ببالي سؤال
هـيام - ليش لسه ما سميتو الاطفال؟
شاهين - وانا شعليه عندهم اب وجد تا يروحو يسموهـم
هـيام - انتَ مو عمهم؟
شاهين - صدك؟ تا ما ادري
هـيام - شاهين انتَ مستتتتتتفز!
شاهين - جؤ عجل ابو حرمه تكول لزلمتها مستفز!
هـيام - الضاهر انتَ ناسي أنا حامل وهذه القهر كله راح يطلع ببنتـك!
رفع راسه من الاگُل والخاشوگَه جمدت بأيديه بلع ريك ورافع راسه يهـمس - بنوتي؟
- اءءء اقصد طفلنا
شاهين - عَجل عش كلتي بنتك؟
- مو لان حاطه طفله بحضني أجاني هيج شعور بعدين انا ادري انتَ تريد بنت وانا هم اريد بنت
شاهين - طالب من ابو الحسـن علي وسبع الگنطره لو چتني بنـوه منج ذابح سبع خرفان ونوزعهم على الأيتام
- احسنت العمل يابني
- ابني؟
ضحك بصوت عالي واني هم حجيتهه واني اخشن صوتي وأعدل ضهري وگُعدتي ضحكُت وياه من استوعبت جديه الموقف وكلامه برطمت وهمست
- احبك هواي هواي شاهيني
- يروحلچ سبع فدوات يولي
ابتسم ولبس تيشيرت وشال الصينيه يريد ينزل وعطت - ووين رااايح
- انزل الزاد جوه
- لا لا اوگُف اني اوديهااا
شاهين - اهچدي يلهترره
هزيت راسي وشلت الطفله بأيديه ونزلت وياه ضحك ومشاهه المهم ما ينزل وحده وويستفردن بيَ أمثال رنين العوبه نزلنا حط الصينيه على الگُاونتر واني واگفه بصفه اهز بطفله بخفه
رنين - عَش ما صحتني أنا اجيب الصينيه؟
بلعت ريك بصعوبه اتحگم بأعصابي وما أشيلها والطشها بالكااع هل ادبسسسز كلبي ورم منههه رعنه ملطلطه سافله
شاهين - عَش اصيحلچ؟ عجل ما عندي إيد؟
رنين - لا ع..
هـيام - شكرا مفراس اءء العفو رنين على اهتمامج الي ما اله معنى!
رنين - نعم؟؟
هـيام - اهتمامچ ما اله معنى بنتي! يصيحلچ تشيلين الصينيه؟ علمود اشنقچ بس تدخلين لغرفتنا عيونج شيليه من حبيبي لا اقلعهههن الچ!!!
حَس شاهين السالفه حَمت مع العلم جان مستانس على الوضع بس من شافني صرت ارچف من كثر ما غرت تعبت واحَس اختنگت
رنين - شع..
شاهين - اشششَششش لصمي حلگچ وروحي من هَين
حجاهـا واخذ الطفله من ايدي وجرني بأيده الثانيه يأخذني لغرفتيه اول ما دخلنا حط الطفله على الحربايه كعدت حيلي مهدود ورحت بسرعه على قنينه الاوگُسجين اخذت هواء واسترجعت طاقتـي وگُعدت
شاهين - عَش تعصبين هـَج؟
هـيام - من زمان اني هيج أغَار من كلشي اغار علىً الي احبهم وأريدهم بس إلي أنَت مو هيج شاهين تعبتني ليش ما تردهن؟؟
شاهين - مسحتي الگاع بيهه وتصيح أردهن
- اففف
شاهين - وداعَت خضار عيونج المدوهـَني
وسبع الگنطره وابو الغيـره
وابـو الحَـسن والحسـين
وعلي قالع باب خيبــر
وداعت عيون زمرد وداعت امي
وخَدر العلويه
عيونـي تعمى يم غيرچ وكلبي يدگ بس يمچ
تنهـَدت براحه وهو شالني من مگُاني وگعدني على الجربايه وحضني من جهه والجهه الثانيه حط الطفله بحضنه نزع التشيرت لازم لازم ينزع ضربته على كتفه بخفه
هـيام - لازم لازم ينزززع ما يتحمل
شاهين - اي والله ما أتحمل چمالج بعد كومي ودي الطفله
- شاااهين
- تشعل ابو وتصيح شاااهين .
هـيام - وهسه شنو راح تضل الطفله تصيحلهه طفله!
- أنا وين وهـَي وين
هـيام - صدددك انييي وين وانتَ وين اني راح اموت من التعب وانتَ كاعد تتبختر على كلبي
- تموتين من التعب عشَ شسويتي؟
هـيام - صبيت جاي مرتين
- عفيه بحرمتي السبعه
هـيام - اي وبعد صبيتلك غده
- عفيه عفيه بويه
هـيام - اءءء اي وبعد سويت مميه لـَ العنونه
شاهين - عفيه بحرمتي السبعه عفيه بالرافعه رااسي عفيه بهيامي عفيه بـَ طير الصاف
هـيام - اءءء اي وبع...
شاهين - كافي عفيه بنوات ما تشبع مدح
- شاااااهيييييين!!!!!
- دخيلك ياعلي
- بنوووات منووو بنوااااات انيييي بنيه واحدددده بحيااااتك واشلعععع راسهه التدخل حياااااتك
شاهين - النبض قصدي على بنـوه صگُر
- اها
- اي
- احبك
- ميت بيچ وعليچ
- أمم ، اشو احس غرت هاي ليش نايمه بحضنك؟
- أوخرها تجين بمچانها؟
- سررسرري
- ههههههههه
ضحك بصوت عالي والطفله ضحگُت وياه تباوعله ورافعت ايديهه تمسَد على لحَيته
هـيام - خررررب حظي حتى الجهال حطت عينها على رجلي
ضحك ونزل نفسه يبوس بطفله والطفله تضحك بصوت عالي وهو يزيد بّـ البوس بيها ويشمشم برگُبتهه ويبوس راسها وركبتها وخدودها وعيونهه وحنگُه يغيضني بيهه
هـيام - شاهين شنو هااي لا تبوس بيهه هيج!
شاهين - اعوفهه وابوس بيچ؟
- ااااااف
ترگُته ورحت لغرفه زمرد فتحته وشفت لمار متمدده متگُسره طول الفاتحه هي تشتغل ياروحي يالمور وزمزم كذالك تمددت بنص بينهن واني اهمس
- ياروحي التعبانات
لمار - انجبـي
زمرد - احسنتـي لمار
- ولچننن
لمار - ووجع
زمرد - احسنتي لمار
- هاي تطبگن عليه يا حقيرررااات واني حااامل!
لمار - حامل على روحج مو علينا كلبي ورمتي
زمرد - احسنتي لمار
- راح اروح لغرفتي وبعد مارجع الچن!
لمار - روحه بلا رجعه
زمرد - احسنتي لمار
- شلوووون راح اكووووملها احسن ضلوعهاااا اليوم العوبه الحيه العگربه مو حامل بابن اخوج
لمار - شگيتينااا شك بحملچ احنننه شعليناااا شعليناااا مو الفاتحححه خلصتيهااا براسنه حقيررره نذله
هـيام - اني معليه ام شاهين ماتخليني
زمرد - أوف من امي
هـيام - وجعع حتى وجعع شچاچنن! هيَ كلاصين جاي!
لمار - كلاصيييين جاااي اخخخ كلبي سمعتتتي زمرد سمعتيييي؟
زمرد - تاسمع تاسمع بس ساگته چسمي يون عليا
ترگتهن اضحك على حالهن فعلا متگُسرات تگُسسر من الطبخ والتنصيف دخلت لغرفتي شفت شاهين واكف وبأيده الطفله نايمه تقربت يمه واني اهمس
- نومته؟
- اي
هزيت راسي ونزلنا ثنينا شگلهااا نگرگززز عليَ نايمه على گُتف شاهين وخدها صاير طابقين واحمر تموت نزلنا لـَ الغرفه صگُر كاعد وأمه گاعده
ام صگُر - عَش اخذتي الطفله؟
شاهين - عندج مانع!
ام صگر - لا لا يذيب شعندي هـساع همَ ولدك ابنك وبنتك
شاهين - صگُر
صكر - ها
- تريد تسميهم؟
صگر - لا
شاهين -عَش!
صگر - انتَ سميهم أنا مالي خلك
ترگـنا ودخل لغرفته هزيت ايدي سبحان من خلق صگُر الفاهي اخو شاهين الذيب! شجاب الثوم على الحلقوم! الحمدالله من اخذت الحلقوم..
شاهين - هـيام
- ها
شاهين - شعتسميهـم؟
ام صكر - شل....
شاهين. -اشَشششش انجعمي
سكتت بسرعه تبلعم وتباوعلي بحَقد وغَل إندار عليه شاهين يأشرلي شنو راح اسميهم؟
-شعتسميهم!
هـيام - زينب وزيد ..
عگُد حاجبه يفگُر وعجبنه الأسماء - شمعنى؟
هـيام - علمود يصيرون مطابق لـَ زمرد ، زمرد زينب زيد
ضحك وهو يهز براسه " اي" ويهمس شكد تحبين زمرد يولي ضحكت فعلا احب زمرد هواي وحبيت يكونون الأسماء قريبه منهه
رحنه لغرفتنا توسطت احضانه وروحه من بعد بعَـد ثلاث ايامً اشتياق وحب انجمع بگلبنا گعدنـا الصبح ومرت أربع ايامً بـَسلام وروتين عادي
بـَ اليوم السابع لـَ سلوه الله يرحمها انعزم الگُل ببيت العم الكبيـر ، الي زوجته هيدعاء ما قبلت لا اروح لا اني ولا زمرد ولا لمار وام شاهين عارضت وكالت مايصير شگُلهم وما قبلت حجينهه ويا شاهين وگال لا تخافين العزيمه للگُل حتى اني اروح اطمئنيت من عرفت شاهين يروح
- امداچ زمرد سويتي بيَ خرعه من هل مره!
زمرد أنا شعليا؟ هيَ تخوف
- هم صح يلا روحي بدلي
راحت تبدل ملابسها واني كذالك رحت ولبست ثوب اسود اكثر شي عندي اسود الثوب واحب الفساتين السود ولفيت ربطه سوده يم زمرد ورجعت لغرفتنا اول ما دخلت صار بوجهي شاهين فتح عيونه ممصدك وضحك
- لتفرح ترا لان فاتحه!
شاهين - العافيه درجات
تقرب مني بلهـفه يبوس راسي ويهمس بگُلمات تقشعر البدن من قوتهه ابتسمت ورحت اللبس حذاء وگُف كدامي وهو يحجي
شاهين - عصبيه ممنوع، تتحَرگين ممنوع، تشيلين شي ممنوع ، تطلعَين برا البيت ممنوع، تحجين ويا زلمه ممنوع ، تغارين ممنوع
- ممنوع أغار؟ من هسه محظر روحك؟
- لاه يالنبض عيوني تااامتشووف غيررررج
عاطهه وسحب ايدي باسهه وباس راسي وهـمس
- عادي طلب؟
- عيوني الـك شاهيني
- اه اه شويه على كلبي
- راح أغير رأيي
شاهين - لا تا تلبسين عبايه؟
- اللبس
بإوعلي متفاجئ اني اللبس عبايه!! بس مو وقته أتناقش طلب مني بـگُل رقي ليش اكسر خاطره وما البس؟ واگُيد عنده غايه من لبسني عبايه وهو اعرف بـَ المگُان الي نروحله
هـيام - شاهين لا تفرح لا لبست عبايه ولا حجاب هاي لان فاتحححه!
شاهين - اي حبيبي العافيه درجات
اخذ ايدي وطلع من الغرفه تلاگينا كلنا حتى لمار لابسه عبايه ولايگتلهه طالعه تموووت مشينهه بصف بعض وصعدنا سياره شاهين كلنا وتوگلنا على طريق بيت عمهم الگُبير اخير بيت بـَ الفرع كله لذالك رحنه بـَ السياره وشاهين مايقبل نروح مشي لان حامل..
بيتَ كبير عملاق مثل بيتنا بـضبط بصفه قطعتين وماكو جيران حتى البيت غريب اليگُلك كاعده بفلم رعب!
بلعت ريك وشددت على لزمتي لايد زمرد والأيد الثانيه لازمه لمار هـمست يم زمرد - لا تعوفيني
زمرد - نبقى سوة
دخلنا ليجوه شاهين دخل لـَ الاستقبال وتلگانا رجال
رجَل كُبير في العمـَر ، لحيتَه وشيباتـَه كلشي يدل على كُبر سنه ، وقَور إلى درجه ، سلامه كان من نوع آخر ، وكلمه بنياتُي ما وگُعت من حلگه ، شگله يختلففف عن مرته اختلاااف جذري ، شكُله مريح للنظر ومحُب للعين ، وقور ، ومهيُب ،
دخلنـا لـَ البيت تسالمنا ومثل ما توقعت الأمه كلهن هناك رنين وهيدعاء وجماعتهـن سلمت سلام چـاف ورجعت اگُعد حجت وهي تباوعلي
هيدعاء - شلونو؟
هـيام - منو؟
- ذيب
هـيام -بنص الخير واني مرته
هزت راسهه عده هَزات تجاهـلت الموضوع وحطيت ايدي على بطني امسد عليهه
هيدعاء - شلونو الطفل
هـيام - بنص الخير واني أمه
گُرصتني زمرد من شافت هيدعاء صفنت عليه صفنه مخُيفه ، بلعت ريك ، دخل هنا. ويا بنيه توجهت الانضار عليهم.سلمت سلام عادي وتقربت علينا ثبتت عيونها على لمار. وهي تكول
- انتِ مرته لعمار؟
تخربط وضععع لمار تخربططط من شافت عمااار هذه شمسوي بيههه وهيج صارت صفره وگُامت تكرص باضافرهـا من وراه عيونهه لمعت دموع وراح تبچي گُمشت ايدها واني اهمس بينه
-لمور انتِ لمور القوية لا تخلي يستهـزى بيج! دوسي رااسه واعبري.
رفعت راسهه وواجهـت عمار بنضراته عمار الواگُف وسط الصاله وعيونه تأكل اگُل بلمار ، گُل الي سوو. بيَ والگتل الاگُله ما فاد؟ اني اجاوبگُم ولا فااد عيونهه تاگُل بيهه وما مهتم لاحد! گررت البنيه السؤال الموجهه لـَ لمار
- انتِ زوجه عمار؟
لمار - زوجته السابقه!
- اي حبيت اگلچ اني ضرتچ السابقه هههه
بهت لوني ولون لمار بنفَس الوقت تزوج؟ تزوج وأخته هذاك اليوم طلع الأربعين مالته! ولو شتتوقعين من گُلب وعاار مثل عمار! اجا يضحك ويسولف بصف هل سافله مرته وگُل وعقله راح يحترك كلب لمار؟ نجح احترك كلب لمار!
عيونهه تصبغت حَمر تجمعت الدموع بعيونهه وهي تباوع للبنيه هزت راسهه وهي تحجي
لمار- مبروك عليج زواچچ الجديد
- جديد هههه اني قبلج حبيبي
صدمممه فوك صدمممه الگُلب خدعنااا كلنااا صارت كُعده زلم وما گُالو عمار متزوووج!
لمار -شلون أنا مرته الاولى!
عمار - لا انتِ الثانيه
- اي حبيبي انتِ الثانيه اجيتي فوگُي بسببب غلط صار وهو سگُران والحمدالله من خلص من هل غلط وتغلط من هيج نماذج زبااله!
عمار - صحيح لمار مرتي الثانيه وطليقتي الأولى بس انتِ مختلفه
- شلون حبيبي هههه
عمار - انتِ مرتي الأولى وطليقتي الثانيه
- شلووون؟!!
عمار - انتِ طالگ
وسعت عيونهه ودگُت على صدررهاا كل قوتها صاحت - عمااار شبييييك تخبللللتتتتتتت
عمار - انتِ طالگ
- يبووووو. يبووووو وووولج عممممه حااااجي عممممه عمووووو ويييين اروووح اتبههذذذل عماااار لا تسويهااااا لا تسويهااااا ابوووس إيدك
عمار - هاج بوسي
مدلها ايده بگُل قذاره وهي لزمت ايده تبوس بيهه ليگلك حيوانه! لا كرامه لا خلق لا أخلاق! لعبتتت نفسي لدرجه اجيت اتقيئ بمگُاني
عمار -انتِ طالگ
حجاهـا وهي تبوس بأيده ضحك ودفعهه عنه وكعت بالگاع تدك وتلطم وتصيح يبووووو وين اروح بشااااارع عمووو الحگلييييي
راحت ترگُض تدك على باب الصاله وتصيح طلع ابو عمار يحاچيهه يگللهت ابني ارعن
عمار - ارعععن شنوووو اررررعن تستاااهل هل*** علمود مررره ثانيه ما تكول على تاج راسها زباله! هل ليله انتِ روحي كضيههه بزباااله يا زباااله
- هاي كلها لان كلت الها زباااله؟ اسفه اعتذرررر منههه والله تبوس ايدهـا ورجلهااا هممم رجعننني الله يخليك عماااار
ماگدرت أتحمل هـلمهزه وصابني غثيان قوي ما اندل شي ولا اعرف مگُان الحمام وين رگُضت لطابق الثاني اول باب فتحته تقيئت بيهه بدون لا اعرف شنو ومنو وشگُو تقيئت ورفعت راسي من گُفختني ريحه!
بسسس شنو من ريحـه! ريحه لعبااان نفس چثه وميتتته هنا! رفعت راسي اباوع لمحت المگُان اضلم وصايره دويره بلنص مفروش گنبار وداخل الگنبار ادوات تخوووف صوور ناس أشخاص ملابس دم!!بلعت ريك وگُف عقلي وگُل اعضائي من سمعت صوت طگطگه من جوه الجربايه....
يتبع....
- يتبع الفصل التالي اضغط على ( رواية ذيب الغربية) اسم الرواية