رواية ذيب الغربية الفصل السادس و الثلاثون 36 - بقلم طيبة وليد
Part 36
بسم الله الرحمان الرحيم
$ذيـب الغربيه
بقلم - طيبه وليد
""
"هـيام "
زمرد - ارفضـو
زفر شاهين نفس قوي جان حابسه الموقف بالنسبـه اله صعب منتظر رأي اخته علمود توافق او لا! بـَ النسبه الي أشوفه موقف محترم ويخبل بـس بالنسبه الهم لا! لان همَ أصلا ماياخذون رأي البنات رأيهن من رأي ابهـاتهـن بس شاهيني دائما مختلف موصح؟
ام شاهين - عش يما تا ما توافقين؟
زمرد - يمه مرتو عاشگتو الله ما يسعدني وأنا ابني بيتي على هدمان بنيه عمومتي
شاهين - بارگ الله بيچ ينور عيني
بأس راسهـا مبتسم ورجع باس راسي تضامنأ طلع شاهين من البيت عنده شغل وبقيت مگابله زمرد وگُاعده زمرد وجهه اصفر وضايچه تعبانه وروحها طالعه
- ليش رفضتي إذا هيج تردي؟
زمرد - رفضتـو لخاطر مرتو تامتيصير ابني سعادتي على تعاسه غيري .
- إذا هو سعيد وياها ليش خطبچ؟
- عجل هي سعيده ويا إذا
-وانتِ؟ مافكرتـي بنفسچ؟؟
زمرد - الزمن ينسيني..
- زمزم تضحگُين على روحچ؟ سالچ سنييين وما نسيتي هسه تنسين؟
زمرد - هساع عبالچ سهله عليه؟ من وأنا بگُد چف الايد يكولو الي انتِ لحو وحر لزمرد! خلصنا المراهـقه والشباب وهو كمل دراستو وصار وعشگُتو مرتو بدلو بلحظه! أحلامي تبخرو جدامي! زفيتو لبنت عمومتي بأيدي! حضرت عرسو وحضرت گيگتو! كيكه عرسو أنا سويتها لان هو يحب الكيك مالتي!.
تنهـدت بصوت عالي وزمرد صارت تنزل دموعها ويا كلماتهـا حسيت بحزن وعمق الكلمات تخيل من انتَ وطفل تكبر على شي وتربى علي وبعدين بلحظه سريعه ياخذو منك! حظرت عرسه وحظرت كيكه عرسه وركصت بعرسه والمفروض هذه العرس عرسها! والگيگه كيكه عرسها!
بس محد اهتمّ لمشاعرهه!
- وشاهين ليش سوا شي؟
زمرد - شعيسوي شاهين؟ تايروح يكُللهم اختي تحبو؟ هساع هو محد يعرف
- زين زين هو هسه ليش خطبچ؟
زمرد - ما صارتلو خلفه وما ياخذو من غير سلف وأنا چنت الو فـ كالو نخطبها إلى
- عزاا ، واني عبالي لان يحبچ؟
سگتت تفكر لا تكدر تكول يحبني لان متأگُده ولا تكدر تكول ما يحبني لان تدري جان يعشقها قبل زواجه من مرته الجاموس..
هـيام -زين اگلج
- كولي
- هو يعني شلون متزوج مرته؟ جنهه جاموس ما تكعد عليَ وتخنگه!
- استغفرالله هههه
ما تحملت وصارت تضحك زمزم متدينه ومتقبل احجي على احد وطبعا رزلتني واني اكلتهـا وسكتتت گـ الحبابه لان اني حبابه اي نعم المهم انقهرت ومتتت من القهر وزمرد قنعت روحها اختارت الخيار الصح من رفضته واني شجعتها بعدنا منا نعرف شنو المغزى من هذه الزواج!..زمرد وگُفت تغسل اماعين واني كعدت اكُل تخصرت وباوعتلي ضامه ضحكتها
زمرد - هساع بس تخلصين تغسلين الماعين تاماگسرهن براسچ
- صايره عنيففة
زمرد - تا ما تكولين ما كالت خوش؟
- حوش لو طرمه هيهااااااععععع
ضحكت بعلو صوتي وزمرد هزت راسهـا يأسه تضحك عليه وبهل أثناء دخلت سيلوه طبعا اصيحلهع سيلوه اتنعوص عليها بترگي هيهي
سلوه - صباح الخير
هـيام - كونايدن سيلوه
سلوه -بدأت رحمه الله
هـيام - شوگُت تچيبين مو من يمي لعبت روحي؟
- شععليچ!
هـيام باستهزاء - ليش تصيحين عليه؟ غير داسئل اذا كبرت بطني أصير العب النفس مثلج!
سلوه - هيييااااااااااااام
- وجعع حتى وجعع
شاطت بمگانها تصيح وتعيط تشيل بروحها وترگُعها فچأه لزمت بطنها تصرخ بصوت عالي رعد گُلبي بخوف عليها رغم كُل كلامها وصياحها وغلطها وفشارها عليه ودگايلگُها ويايه وتعَيرها باهـلي الي بس خفت عليها..
ركُضنا اني وزمرد عليها لزمناهـا طلع صگر وأمه من الغرف يرگُضون وام شاهين طلعت ترگض وتصيح شكو عسى هل بيت محد يناممم بيَ لاحظت سلوه التصرخ واچت عليها تهدي بيها وماندري شبيهاا ثواني واني لازمتها من ايدي كلبي راح يوگُف من صريخها معقوله راح يصير شيَ بأطفالها من وراي!!!
گُمت ابچـي ودموعي تنزل على خدي بسگُوت
نجلاء - إيش بيچ يولي دحگـي عليا
سلوه - كلووو من هيااااام هيييا السببب
حجتها تصرخ وجهه صاير احمر من الصريخ فجأه حسيت بمي ينزل على الأرض من بين رجليها درت وجهي على خاله ام شاهين وصحت
- بالت!
نجلاء - ياع وخري من هين يولي صگ مي الرأس يصگعه كلللوووووويش نورو أحفادي
ام شاهين - هساع منهو جاي وليين العهد دحكـي للبيت تأتموت من الصريخ
نجلاء - عياره عجل هي منهو ماتت من الولاده
دردمت على سلوه ونجلاء وسلوه علاقتهـن صايره مو زينه والسبب غير معروف دفعتني من يم سلوه واني لسه ابچـي واجت تأخذ سلوه لـ الغرفه وصاحت
نجلاء - صكر يمااا هير تا تروح تصيح لام عبد تاتولدها
هز راسه بهدوء مرته سالها ساعه تصرخ وتصوتها انبح وهي تصيح وهو واگُف صافن جنه ططوه وترگنـا وطلع يروح يصيح لام عبد راحت خاله ام شاهين ونجلاء ويا سلوه ينومنهـا وراحت خاله ام شاهين تحمي مي حار وما تخلي زمرد تفوت على الغرفه ولا اني واني ابچـي رفعت راسي على زمرد اهمس
هـيام - ايعع شنو راح يولدوهـا هناا!!!
زمرد - اي ام عبد قابله قديمه ولدتنا كلنا يعني تولد كل الأحفاد هين
- حتى شاهين؟
زمرد بضحك - اي بس شاهين عصى ما قبل يطلعو امي تكول شاهين طلگُت بيَ من الصبح وجابتو بِـ 11 بليل
- عزا
- اي
- اشو احس لعبان نفس!
حجيتهـا ورحت ارگض للسنك اتقيئ حسيت راح اتقيئ حتى معدتي من لعبان النفس الصابني.. صابتني خوفه ورچفه معقوله من اجيب هم ام عبد راح تچيبني؟ وبهل طريقه التلعب النفسسس! لا وهم راح هيج صريخي يملي المگُِان!!!
مدت ايدهـا زمرد تطبطب على كتفي وفتحت المي تغسل وجهي بدون لا تلعب نفسها
هـيام - زمزم احبج
- هساع انتِ بيا حال؟
- لا صدك عود من راح اجيب هم راح تجيبني ام عبد؟
- اي
هـيام - لااا وستتتتين لا! والله أحاجي شاهين وماقبببل!
هزت راسهـا تأدبني ما مهتمه رجعنا تكعد لـ الصاله وصوت سلوه لسه يرعد بـ المگُان خفت من قوه صوتها وأصوات من ام شاهين وام صكُر والقابله ام عبد.. وحسب الي فهمنا الاطفال عاصيين بـَ بطن امهم صگر ماهتم ولا ثانيه حتى صم اذاناته من صوت سلوه ودخل لغرفته يركع الباب وراه!
من قوه صدمتي ما حجيت شي وسگُتت مرت ساعه كامله وأحنه گُاعدين على أعصابنا والوضع مو تمام ام شاهين تطلع تجيب وصل ومي حار وترزلنا لان نسمع عليهن وترجع وما تحجي كلشي خفت عليها هـواي
وضليت ادعيلها وما خليت سوره حافضتها ما قريتها لخاطر تجيب بسلامه ثواني مرت وسمعنا صريخ طفل گُمزت زمرد تصفك فرحااانه وكمت تكمز وياها على الواهـس افتهـمت الوضع من زمرد انَ هسه ولدت بسلامه وكلشي بخير
بقينا بمگُانا لحد ما طلعت ام شاهين ووجهه اصفففر تعبانه وهـَلـكانه وعرقانـه رگضنا اني وزمرد عليها نضحك فرحانات تلاشتَ ضحگُتنا بثواني من نطقت بصوت مگسور
ام شاهين - ما لحكــت عيونها تشوف وليداتهـا ومااتت
حسيت بكلبي يوجعني ودموعي تنزل بدون صوت ماتت سلوه ماتت! ولدت وماتت! كان واضح ولادتها متعسره بشگُل مًو طبيعي وهي حامل بتؤم وأول حمل الها ومما تحملت وماتت وما لحكت عيونها تشوف ابنها وبنتها ..!
طلع صگر من غرفته گالولو مرتك ماتت صفن شويه مصدوم وبسرعه تقبل الموضوع وما هوس ولا دمع! الموقف كسرني فوك كسرتي محد عيط وصيح عليها! ولا حتى ام صكر الي تصير خالتها! ولا واحد بچه عليها حتى ام شاهين ما تحبها ومواقفها وياها مو حلوه واني وزمرد واحده مگابله الثانيه ونبچي
ما تجرأت حتى ادخل لغرفتها واشوف جثتها ما تحملت أشوف سلوه وما تحجي عليه رغم علاقتنا مو سيئه لا فوق السيئه! بس گسرتني هواي بموتها تركُت ثنين أيتام وماتت! ام صگر ما مهتمه حتى! حايره بأحفادها تبوس بيهم وتباوعلهم بفخر
طلعت ام عبد تبارگ لصگر بولاده أطفاله هذوله صاحيين! بچيت بزايد وانگُسرت اضععاااف صكر يرد المبارگه وهز راسه متحسر وطلع من البيت بهـل بساطه!!
صعدت لغرفتي اركض بدأو النسوان يجون الخبر بسرعه البرق انتشر بينهم وصارت التعزيات وطلعو جثه سلوه من هل بيت المشؤؤم گعدت على الحربايه ابچـي واشهك ضامه روحي بلحافي وحاضنه المخده وايدي على بطني وابچي دخلت لمار تحجي وياي ما حاجيت شي هزيت راسي وسكتت واني كلشي مافهمت من حجيهه طلعت ورجعت ابچـي وافتحت الباب ودخل شاهين
ما تتخيلون شكد چنت محتاچته! سد الباب راحت بسرعه يحضني مديتله أيديه مثل الطفله الي تريد أبوها يشيلها وهو بسرعه حضني يمسد على راسي ويسمحلي اطلع حزني وقهري بحضنه بلعت ريك خايفه وهمست
- شفت شلون ماتت!!
- الله يرحمها حد يومها هذه حبيبي
هـيام - شاهين تخيل اني من اجيب هم اموت..!
سد حلكي بأيده يمنعني احجي شي شدد حضنه عليه يضمني بين أيديه ويخلي راسه بشعري ويهـمس
شاهين - اششش ديربالچ تحچيها ، انـا عايش على انفاسچ يولي انـا مـــــيت بطولچ
ضميت وجهي بصدره ابچـي بقهر
- شاهين سلوه ماتت من ورراي!! هيه دخلت لـ المطبخ واني حاجيتها كلام مو حلو وهي زعلت مني وچابت!
شاهين - چؤ ، انتِ شعليج؟ تعترضين على حكم رب العالمين؟
- لا بـ..
شاهين - يولي هذه حكم رب العالمين احنه خطار هين احنه خطار بهـل دنيا على يا ساعه نروح لخالقنـا وهنيالو اليروحلو ووجهو نضيف تا تشوفين سلوه؟ محد باچي بفاتحتها
- مو اني دابچي!
- تا تبچين لانچ تحبيهه؟
- اي!
- چذابه
- وخدر العلويه احبها
- چا محد غيرچ يحجيهـا
- شاهين!
شاهين - نبضو
- اني وين احجي وانتَ وين تحجي!
بوس راسي وابديه ثنينهـم وكالي لازم يطلع لان هاي فاتحه والنسوان بس يبقه هنا وهو دخل بسرعه بحجه يبدل ويلبس اسود ويطلع
هـيام - ماا ماا
- هيام!
- ماريد شاهين ماريد ماكدر بدونك
- حبيبتي بس هـ..
هـيام - ماريد والله ماگدر أريدك يمي محد غيرك يفهمني
تنهـد بصوت عالي وگُنذص كدامي يفهـمني بهدوء ان ما يصير يبقى بـَ البيت ولازم يبقى ويا الزلم بس ايامً الفاتحه ويرجعلي گُأن يشرح لطفله بس ما فهمت كُل هذه كل همي ما يروح ماريد يبقى بعيد عني شلون انام بدونه شلون آكل بدونه؟ منو كل يوم يبوس بطني ويسولف ويا الطفل گأن بنيه ويمرخلي طول اليل ؟ منو يضل يمسد على شعري ويمطرني بأنواع الغزل والمدح على لا شيئ؟
هـيام - ماريد ماريد تبقى هنا
- حريم هنا
هـيام - ابقى هنننا هنااا بـ الغرفه!
- حتى هين يچون الحريم
- شععدهـننن جايات بنصصص الغرفه! وبعدين شنو انام يمهن قابل؟ مو تدري بيه تلعب نفسسسي!
شاهين - لا لا حاچيتهن محد ينام هين ولا يدخل غرفتنا إلا زمرد ولمار وامي
- اي شوف!
- شنهو
- شوف محد يدخل هنا يعني تگُدر تبقى هنا ومحد من النسوان تشوفك
شاهين - والزلام؟ شعگللهـم؟؟
تنهـدت امسح دموعي هزيت راسي بمعنى اي
- هاهيه روح اني اسفه اتصرف وياگ بطفوليه
ضغط على محجر عيونه وتنهـد بتعـب هو ضايچ اكثر مني لان راح يعوفني ويعرف هنا محد يحبني وما مأمن غير بامه وزمرد وأمني يمهن متأكده..
شاهين - زعلتي؟
- لا والله لا! شنو طفله وازعل عادي أصلا يعني اني راح اجيب طفله لازم اكبر شنو هاي صايره على كلشي ابچـي!
- اي عفيه
هـيام - اي ليش ابچـي؟ عادي وإذا ماتت سلوه
- اي
هـيام - اي عادي وإذا زعلتها وماتت زعلانه مني؟ عادي وإذا ولدت وما شافت أطفالها؟ عادي وإذا ماتت وجثتها بهذه البيت؟ عادي وإذا ماتت وعافت وراها أيتام '؟ عادي وإذاً رجلها ما بچى وراها ؟ عادي وإذًا م..
گُطعت صوتي وصرت ابچـي بنحيب الموقف يجرح خايفه انحط بمگانها
هـيام - شاهيـــن والله اموووتتتك!! والله أموتك إذا ما بچيت وراااي!
حضني يمسد على راسي ساكت ومتحمل لا يحجي شي ولا يسوي شي غير يحضني ويمسد على راسي بس اني خايفه خايفه من اجيب هم اموت ..
شاهين - عش تبچين؟ مردت كلبي دموعچ
هـيام - خايفه اني شاهين خايفه! خايفه من اجيب هم اموت اموت وما أشوف بنتي او ابني خايفه! خايفه من اموت انتَ مـا..
قاطعني وصم حلگي بأيده يهمس اششش لاتكوليهااا لاتكوليهااا اموت وراچ ويدفنوني وياچ وعسئ جثتي يدحگوهه گبل موتاچ
- شاهين
- نبضو
- احبك
- عسى محد غيرچ يگولها ويدوهـني
هـيام - خلص يلا روح
- ما زعلتي؟
- لا والله لا روح حبيبي
- روحووو وعمرو وحياتو
- نسيت اهم واحده
- نبضـــو
- اي عفيه يلا روح
راح يبدل ملابسه ويغسل لبس دشداشـه سوده وغسل شعره ومشطـه زين معصـم ايده بـساعه سوده وفتح اول دگمتين من الدشداشه الوقت مو مناسب احجي وسلوه متوفيه وهاي فاتحه مو وقتها احجي هـيام ديرباالح تحجين! اي لا تحجين بس اتصرفي بطريقتچ
هزيت راسي واحس اشتعلت من الغيره راح ينزل هسه بنص النسوان ويشوفونه هيج! وإذا اگله راح ينصدم هسه يكول هاي خبله مو هستوها تبچي على سلوه وهسه تغار! لا تصرفي حبيبتي تصرفي
تقربت منه اوگُف كدامه مبتسمه ، نزل عيونه يباوع يتفحصنـي يشوفني شنو اريد . رفعت إيديه على رگبته اسوي روحي اعدل الياخه من وره صار وجهي قريب من وجهه قربت شفايفي اطبع بوسه على شفايفه ونزلت أيديه بسرعه اسد الدگم مال دشداشتـه ، ابتعدت عنه بسرعه خجلانه درت وجهي اريد اخطي خطوه
وانجريت من خصري يصفطنـي على الحايط وياخذ شفايفي بين شفايفه ....
ابتعد عني ورحت ارگض اسبح سبحت وخلصت لبست ثوب اسود وشديت الحزام على الخصر صفنت على نفسي بـ المرايا مبوزه شنو هاي بطني بعدها ما بارزه! أوف أريدها تصير جبيرره واجيب بسرعه متحمسه اجيب لخاطر شاهين
هو متحمس اكثر مني كل خوف صار عندي اختفى من شاهين وعدني ام عبد ما تولدني ويوديني باحسـن المستشفيات وكال حتى إذا بتركيا اريد اجيب هم نسافر من يقترب وقت الولاده الحماس اشتغل بداخلي وفرحه طغت على روحي
حطيت شال اسود باهـمال على راسي وتوجهـت ليجوه شفت الصاله بيها نسوان وام صگر تلطم وعمات وخالات وام سلوه هم ترگتهن وحاولت قدر المگُان ما اتأثر وابچي لان شاهين كال مو زين على الطفل وهم ما لازم اشتغل واشيل شي ثكيل
رحت للمطبخ أدور زمرد ولمار ولگيتهـن مخبوصات بشغل
زمرد - اچيتي هـيام
- اي حبي تردين اسوي شي
زمرد - لا بس تا تگدرين تصبين چاي؟
- اي
رحت لصينيه اصب چـاي ولمحت لمار مدلغمه ملامحها وضايچه
هـيام - شبيج لمور؟
لمار - ماكو شي
- احجي
لمار بدموع- انقهرت
- عليمن شكو؟
- شفت امها وعماتها وخالاتها يدگن ويلطمن ومحد مهتم بـ الأطفال!
هـيام - الضاهر قدرهـم مثل قدري..
لمار - حتى بيبيتهـم شالتهم بـ البدايه فره عرس وذبتهم بعدين لگيتهم بـ الغرفه صوتهم رايح من الصياح ومحد يسمعهـم بسبب الصوت العالي والصيايح واليسمع ما يهتم
- ياعمري
- خطيه كلبي انفطر
- رايحه أشوفهم
خلصت صب وصحت لـَ زمزم تاخذه وتوجهـت لـ غرفه سلوه أشوف الأطفال لمحت گاروگين حاطين لان يعرفون راح يچي تؤؤم ولمحت بنيه وولد فدوووه لالله شنو من جمال ملائگه ونايمين الولد غافي وأصبعه بحلگه والبنيه كاعده بدون ما تبچي وتسب بعيونها وتطلع صوت بحلكهـا
متتت بيها شلتهـا من گاروگها وهي تناغي لا إرادي ابتسمت وشعور يجننن حاوط كلبي وفراشات صارت بـ بطني بوست خدودها وخشمها شنو من بنيه تنوگل أكل من جمالها فليت الگماط عنها وحطيتها بحضني بعدني ماعرف بـ الأطفال هـواي حسب الي علمته الي ام شاهيني..
رضعتها بـَ مممه اصطناعيـه وخليتها بدون كماط تحرر ايديهـا ورجليها وتحرگ بيهم بسعاده رجعت لفيتها بـ الگماط وما نلفت زين صارت جنها دولمايه ومن حسن الحظ اجت زمرد لفتها بـ الگماط وهي تدردم عليه
زمرد - العوبه راح تصير ام وبعدهـااا تاماتعررف تلف كماااط
- يووو هي شنيه دولمه واللفهـا
- على أساس تا تعرفين تلفين دولمه؟
- لا ماعرف هههههههههه
- امداچ ههه
هـيام - نجبـي لضحگين ترا هاي فاتحححه ما تستحيييين!
- انتِ ضحكتيني
- ادبسسسز
- الله يرحمها بـس أنا ما متأثره
- صدك عود احنه ليش ما متأثرين
- تا يجوز لان ماعدنا علاقه بيهه
- يجوز يلا ادعبلـي
ضربتني تضحك وطلعت شلت البنـيه طالعه صدك جنهـه دولمه حطيتها بحضني آخر بيهه واناغي وياها وهي هم ما تعبتني بسرعه نامت شلتها بهدوء ونومتها بگاروگهـا وطفيت الاضويه وطلعت من الغرفه بهدوء
وانـي طالعه من الغرفه صادفتني مرأه ، عيونهـا خضر طوخ كلشَ ، بيضه بياض ناصع رغم تجاعيـد جلدها بس بياضها ناصع وواضح ، الگُــحَله تارسه عيونهـا لدرجه مخيفُه ترهـب الانســَان من يرگــز شيلتهـا ملفوفـه بشگُل دائري ملائم لوجهه ، نضرتلـي نضره ودارت تباوع لـ باب رجعَت انضارهـا علية استغَربت نضراتها مخيفه وخزرتني بقوه مشت
خطوات سريعه تدخل الغرفه فتحت الضوء وراحَـت لگاروك الأطفال شافت الاطفال بعيونهه المگــحَله ودارت وجهه طفت الضوء وسدت الباب باوعتلي ودگَت عوچيتهه بـَ الأرض بخفه وهـمَست بفحَـيـحَ
- شعَستويـن هـَيـن!!
هـيام - اجيت أشوف الأطفال
- عَش تشوفينهـم!
- مدافهـم ممنوع أشوفهم؟ أخذ أذن مثلا! انتِ منو؟
- اه ما مرچيه منچ تا متعرفين هـيدعاء منهـي؟
- لا! منو؟
- من كالولي على صلافتـچ ما صدگُت إلا هـساع مصدگُه ونص
- ليش؟ شسويت؟
هـيدعاء- لاع يولي شعتسوين مثلا؟ واگفه چدامي تتخصريـن وتفرين بعلچچ
- وين الغلط؟
- لاع وينو الغلط محد دحكـو؟
- هسه انتِ منو؟
هـيدعاء - انـا هـيددعاء مرت چبير الأخوه والچنه الأولى الامره والناهـيه من بعد زلامنـا
- أمم تشرفنـا
درت وجهي متلافيه نضراته المخَيفه وكلامهَه المبهـَم نبره صوته تعتبيهـا الهـدوء المرعب الچشع والچسـاره وهـَي تكول " الامره والناهيه من بعد زلامنا" اسمها غريب وكلامهـَا اغرب شگَلهـا وهيتهـَا اغرب ..
نفضَت افكاري وتوجهت للمطبخ وطول اليوم ما طلعت منه ابد لا واجهت صار نص اليل احد واخيرًا صارت فرصه نتجمع بيه اني وزمرد واسئلها
- زمزم
- عيونها
- أوف شلون اخوان ينگرطون اگرررطچ انتِ واخوووج
ضمت شفته خافيه ضحكتهـا ورجعت اسئل ..
هـيام - زمرد منو هيدعاء؟
- عزة شتاتعرفين بيها؟
-صادفتني اليوم وكعدت تحجي ويايه
- لا هـيام ابتعدي عنهه
- ليش؟
زمرد - هيدعاء - تصير مرت عمومتـي الجبير نخاف منهـه ونرچف رچيف الچبير والصغير هينا يخاف منه ومن زلمتها تا ما تحب الجهال تموت منهم وچانت تگُتلنا كلنا
- ليش شنو ماعندها أطفال؟
- لا
- ليش؟
- ولدت تؤؤم وانقتلو
- عزاااااا شلووون!
- اششش اششش
نصيت صوتي بسرعه ارچف من الخًوف السالفه تخوف وشگلها يخوف كلامها يخَوف خفت كلشَ
هـيام - شلون!
زمرد - من چابتهـم انچلطت چديتنا الله يرحمها وقتلوهم
- عزا شلون
- بس هذه النعرفو
- يمااا خفت
- سالفه سالها سنييين على الحيل
- أمم ، زين ليش كلتي ابتعدي عنها؟
- كلنـا هـيَن نبعد عنها تانخاف منها سوالفها تخوف التگرهـَو تفني والتحبـو تسوي ملـَك
- تحب منو هي؟
زمرد - مرت حر وام صگر وبس!
- يعني ما تحبچ؟
- لا
- يااا عزه
- اشششَ
- زين زين والي تكرهـم شسوي بيهم
زمرد - جان اگوًو واحد من ولد عمومتنـا حبلو واحده من كركوك عاندو وماقبلو يخطبوها الو فـ عاند وتزوجها وجابهـا هيَين الله لا يراوي الراو لذيچ البنوه
- يماا ، وشصاار؟
- هچچوهـاا بليله ضلمه ، لا خله مگان ما دورو بيها وما لگوهـا
- يمممة يمممة يمممة
- عَش تخافي؟
- ليش ما اخاف؟
- وراچ ذيـب الغربيه يهـدم الغربيه على راس اليتگرب صوبچ
فزيت معصووور كلبي عصر من سمعت صووت ولد بـَ الحديقه لان احنه قريبات على الحديقه سمعنا خفت أصلا زمرد جانت خايفه من تحجي ومقهوره والمرأه واضح جانت من هاي النوعيه ، بس اني مو اي شخص اني حرمــَه ذيـب الغربــــــــيه
فزينا بسرعه نشوف شكو بـَ الحديقه طلعنا من المطبخ من الباب الثانيه تطلع بسرعه على الحديقه ورگزت انضاري على شاب صاير بنص بستان البيت الوره ساند نفسه علـَى محچَر الفاصل بين الحديقه والبستان الوره لان البستان الوره بيها بحيرَه صغيره والحديقه مخصصه بـسَ لـ البيت وبـ العاده ما نطلع لان زلم بيهه بس هسه وقت متأخر وفاتحه ومحد موجود من الولد
رگُزت انضاري عليه ، شعَره مخربط، لسانه ثگيييل ، عيونه متمرگزه على البحيره وأحنه صايرين بضهـره ، بصفه مفتوح تلفون على أغنيه مادري شعر صوته ناصي وهو يمَط الحروف ويا ..
- حرمــــــــــوني منـــــــــك الله لا ينطيهـــــم
بچوچ ياربـي دمـــــــــــــع بچيــــــــــــهم
گلهـــــم صفو ضدي ويـــــــــــاچ
تونســــــــــو من كحلـــــــك
غيروگ رايـــك وانتَ رايـــك بيدگ
گتلك أريدك كلـَت لا ما اريـــــــــــدك
زمرد - حُر
هـمستهه همَس خايفه من حالته وگُلبها معصووور گُلنا ندري زمرد تحبه وحر يحب زمرد والواگُف بطريقهـم " مرته" مو نقصان بيها ولا مستهـزءه بيها بس هم من الطفوله لبعض وهي تدري حُر جان راح يخطب زمرد رالگُل دره وهي درت وانتحرت گُنسلو زمرد وخطبوهـا آلة وزمرد الوگُعت بيها وهم ما صار عدهـم أطفال ورجعـو على زمرد!
حر - عيونـو المايشوفو بنـوه غيرچ
زمرد - شعتسوي هين؟؟
ارتبگت اچابتهـه زمرد إذا احنه نحاجيهه تخجل مو انوب حُر؟!
حر - چـاي هينـا أدور عطرچ
زمرد - روح من هين حر تا لا تخلي احد يدحگلنا
حر - عش؟ خليهم يدحگُون! منهو المايدري انتِ حرمتي؟
زمرد - حرمتك شنهو! انتَ حرمتگ ببيتك وبس!! أنا رفضتك وانتهـى ..
انتفض حُر بمگُانه بعد ما گان كاعد ويحچي بـ ذوبان صار يحجي بانهـيار أطرافه ترتچف خفت وانرعبـت خصوصآ من وگـف گدام زمَرد يحچي
حر - بگييييييفچ؟؟؟؟ دححححكي انااااا حررر دحكيييي زين عجل ناسيييييه منهوووو حرررر! عَشششش رفضتي عششش! سويتتتتها دم ياله چبتتتتهم وترفضينننني!!!!
زمرد - سويتهه دم؟ وحرمتـك اچـت هين تا تشرب دمي؟
حر - اششششَ انتِ ألي وماكو لچ أنا الضابط حُر ترفضيني
زمرد - ضابط على روحك حر!
حر - اشششششَ هيري جوه
زمرد-حـ..
حر - روووحي تااااسوي مصيييبه
زمرد - ماريدك حُر! ماصيرلك حرمة
حر - بگيفج؟ انهي عليج واگسر راسج وراس عشيرتچ واخذچ غصب على راس اكبر واحد
شاهين - تأخذ منهو غصب يحُر؟
يتبع...
- يتبع الفصل التالي اضغط على ( رواية ذيب الغربية) اسم الرواية