رواية اسرار القلوب الفصل السادس و الثلاثون 36 - بقلم رانيا قنديل

البارت ٣٦★. اسرار القلوب★

سندس: حاضر وهمت أن تقف فكادت أن تقع فامسكها حمزة قبل وقوعها وفى هذة اللحظه رائهم خالد كانهم يحضنون بعضهم فنزلت دمعه هاربه من عيونه ووجع قلبه وصرخ بصمت اااااااااااه

★***********************

ودخل خالد وامسك جهاز اللاب توب وبدأ بمحادثه شخص ما وبعد أن انتهى حدث نفسه كده أحسن ليا البعد هو الحل الوحيد يمكن اقدر أنسي 

حمزة: أمسك هاتفه  واجري إتصال مهم وبعد أن انتهى من المحادثه فشعر بيد تملس على كتفه ففزع ونظر خلفه فرأي زوجه عمه هناء 

هناء: أنت  سهران ليه لغايه دلوقتي .......؟

حمزة: بتوتر من أن تكون سمعت شئ وتحدث لأ أبد مجاليش نوم وكان عندى كام إتصال مهم  وخلاص هدخل أنام 

هناء: حمزة تعالى نتمشي شويه محتاجه أشم هوا 

حمزه: اتفضلي ي طنط حضرتك فى حاجه مديقاكى

هناء:  وجلست على كرسي وحمزة كما هو واقف اسمعنى ي حمزة كويس واستوعب كل كلمه أنا هقولها لأنى مش هعيدها تانى  

حمزه: خير ي طنط اتفضلي أنا سمعك .........

هناء: بكل حزم وقوة جوازه نرمين لازم تمشي ومش عيزاك تقف قصاد عمك بالعكس عيزاك تكون معاه وتوفقه على كلامه بس هنغير الاتفاق مفيش كتب كتاب

حمزة: وهو جاحظ العين حضرتك بتقولى إيه أنا أسلم نرمين لواحد زى مدحت وكمان أكون مع عمى واكون نصير للظلم  وأول ما أظلم اظلم اختى لأ لأ

هناء: اهدي واسمعنى كويس عمك عثمان ميهموش غير مصلحته الشخصية وبس واوعى تكون فاكر إنه هيعمل حساب إنك من دمه لأ فوق عمك مفرقش معاه اخوة ولا ماهر إلي اكتشف خيانته وداري على جدك وقال يديله فرصه يصلح إلي عمله بس للأسف الفرصه دى كان بيخطط ازاى يلبسه كل حاجه بالرغم من ده كله أنا متأكدة إن ماهر ديما بيشيل الملفات الاصليه فى مكان بس أنا دورت. وتعبت وبعدها سكت لأن مش عندى دليل وخفت عليكم كلكم وقولت يمكن اقدر اغير منه لكن للأسف حالته وجشعه ملو كل كيانه .....

حمزه: حضرتك ليه بتحكيلي دلوقتى وليه التوقيت ده بالذات 

هناء: لأن عثمان مش هيرحمك عثمان وراه سر كبير لأ أنا ولا أنت نعرفه الموضوع مش الشركه دى ستارة لحاجه تانيه ولازم افهمها الأول 

حمزه: وأنا معاكى بس مش معنى كده أنى أضحى باختى علشان أدور على الخبايا بتاعه عمي لازم نرمين تطلع برة اللعبه دى وأنا هتصدر لوش المدفع مش هي

هناء: بحنان امومي وامسكت بيد حمزة واجلسته امامها الغي قلبك دلوقتى وشغل عقلك أنا لأ هحط بنتى ولا أنت فى وش المدفع بس هجارى عثمان فى لعبته لحد ما اوصل لهدفي وأمسك دليل عليه بس  للاسف لا جدك ولا صالح هياخدو بالكلام لازم دليل ملموس وانا معنديش أى إثبات على كلامى 

حمزه: طنط هناء إذا سمحتى سيبينى أنا اتصرف بطريقتى أنا مش هسلم نرمين لعمي علشان اوصل لدليل مستحيل اضحى بيها أو بأى حد من اخواتى 

هناء: ي حمزه حط إيدك في ايدى وخليك معايا واسمع كلامى وبلاش تعند أنا خايفه عليك عثمان أنت متعرفوش كويس أنا بس إلي أعرفه بس مكنتش افتكر أنه وصل قلبه للسواد ده وحب المال والسلطه ملو قلبه وخلوه اعمي ومش شايف إن السعاده فى اللمه والعزوة 

حمزه: طنط هناء حضرتك راجعه الشركه وأنا سعيد جدا برجوعك بس مش عيزك تدخلى ابدا فى اي حاجه غير لما ترجعيلي وموضوع نرمين منتهى

هناء: بحزم وقوه وهبت واقفه  أنت تسمعنى كويس ومش هعيد كلامى فاهم كل إلي قولته هيتنفز أنا معنديش إستعداد اخسرك أو اخسر حد من عيلتى كفايه خسارة لحد كده اوزن كلامى وفكر فيه واه فى حاجه تانيه لازم تعرفها علشان تعرف أنت بتتحدى مين..اوراق المناقصه إلي كانت فى درج مكتبك عمك صورها وبعتها لمدحت يعنى أنت لا تهمه ولا الشركه أفهم بقي

حمزة: ضيق ما بين عينيه وابتسم حضرتك بتتكلمى عن إيه مش فاهم ملف إيه ومناقصه إيه 

هناء: المناقصه إلي سيادتك مستنيها وبتشتغل عليها من ورا مدحت وعمك وحكيت له هناء ما حدث

حمزة: ههههههههههههه ... ههههههههههههه مش ممكن عمي عثمان والله طيب هو مكنش مركز فى الورق طيب حضرتك ماخدتيش بالك ده ورق إيه .......؟؟

************************

خالد: واقف سرحان ودخل إلى البلكونه فرأي حمزه مع أمه جالسون يتحدثون فتعجب وهما أن ينزل وبعد أن فتح باب غرفته خبط فى كتف سلسبيل

سلسبيل: هار كله وجع ايه ده كتف ولا منفضه حرام عليك ي دكتور إلي بتصلحه هتبوظه أنت 

خالد: متاسف ي سولي ماخدتش بالي والله وبعدين أنا طالع بقفل الباب يعنى طبيعي مش شيفك لكن انتى المفروض شيفانى

سلسبيل: شيفاك ازاى يعنى أنا نزله اعمل شاي أناليا ولباقي العصابه بصراحه نزله ومتغاظه منهم تحسهم بيهوونى 

خالد: طيب عن ازنك ........

سلسبيل: رايح فين بالليل كده تعالى معايا نعمل شاي واطلع اسهر معانا ما أنت مش جيلك نوم ي عم...

خالد: سولي تعالى هنا وتقدمت له سلسبيل نعم 

عايز تقول إيه....

خالد: أنا عايز افهم دماغك دى متصفحه ولا صنعتها إيه كلنا بنصدع وبنتعب من الكلام إلا انتى لوك لوك لوك ايه مش بتفصلي دة إحنا فصلنا ي شيخه 

سلسبيل: يالهوى أنت شايل ومعبي منى هار مالوش لزمه قولى ي خلودى طيب أنت عيزنى افصل ليه هاااا 

خالد: علشان ترحمينا وترحمى آمنا إيه ده اوعى من وشي 

سلسبيل: اوعي مش فهمه قولتلي تعالى هو إنت تتغرغر  بيا وبعدين تقولي اوعي ......

خالد: بعد أن خطي للامام عاد مرة أخرى اعمل ايه اتغرغر بيكى وأنتى ليه اتعميت مثلا وخبطها على كتفها امشي ي بت من وشي إيه ده

سلسبيل: بصت لنفسها هو أنا مالي كده فى عيب فيا وأنا مش شيفانى أنت ي أخ خالودى تعالي اماا اقولك

خالد: سولي اطلعي من نفوخى الساعه دى أنا مش طايق نفسي 

سلسبيل: هو أنا جوه نفوخك يعنى في أمل وعمر وإن شاء الله يخلفو سوسن إلا قولي أنت مش طيقنى ليه ومالك متعصب أوى قولي وأنا هريحك بعون الله تعالى ...

خالد: اوووووف طيب أعمل فيكى ايه اخنقك وارتاح وريح البشريه منك ....

سلسبيل: انت هترتاح ماشي بس البشريه ذنبهم ايه يتحرمو مني والنعمه أنا فله وشايله قله تعالي احكيلي وأنا هعملك احلي كوبايه شاي

خالد: ممكن طلب وتنفزيه وحياه عيالك 

سلسبيل: طبعا قول اتفضل...

خالد: ابعدى عنى ومش عايز منك ولا كلمه وملكيش دعوة بيا ماشي

سلسبيل: كل دى طلبات هو كان طلب واحد وأنت حلفتنى بالغليين 

خالد: الغاليين مين دول......؟

سلسبيل: عيالى حبيبي ونور عيونى قول طلب واحد بس هااااااا 

خالد: مسح على وجهه بكفيه بغيظ من سلسبيل لأنه عارف ومتأكد أنها لن تتركه فى حال سبيله لأنها استشعرت حزنى 

سلسبيل: متحاولش تعالي معايا المطبخ نعمل شاي 

خالد: لاء أنا طالع برة يلا روحي خلصي الي وراكى

سلسبيل: بتفكير هو ماله زعلان ليه وباين عليه حزين والله مبدهاش وامرى لله وهمت بالصراخ اااااه الحقنى ي خالد بطنى بتتقطع اااااه 

خالد : بعد أن فتح الباب تركه وجريي عليها مالك حاسه بأيه م كنتى كويسه 

سلسبيل،: حتى التعب هتقر عليا فيه ااااه بطنى طيب اعملي شاي او أى حاجه سخنه اااااه 

خالد: بخوف ثوانى طيب هنادى على واحده من البنات أنا مش بعرف اعمل حاجه ثوانى وهرجعلك

سلسبيل: بسرعه طيب .......

صعد خالد الدرج بسرعه رهيبه وكاد أن يقع ...

سلسبيل: يخربيتك ي سولي كان هيقع بس مش مهم المهم أنه مش هيطلع في البرد ده برة ولازم اعرف ماله 

إيمان: سولي مالك ي حببتى م كنتى كويسه 

سلسبيل،: يعنى ايه ااقول للتعب امشي دلوقتى تعالي وقت اكون فيه فاضيه ....

إيمان: نعم بتبرطمى بتقولي ايه .......

خالد: اعملي حاجه سخنه تشربها مش شيفها تعبانه

نرمين: مالك ي سولي ما كنتى كويسه ونزله تعملى شاي

سلسبيل: تعبت  اعمل ايه يعنى اخبي واتقهر من التعب

خالد: بطلو كلام أنتم هتحسبوها على التعب .....

سلسبيل: أنا عرفه ي خويا مستكترين عليا العيا

خالد: البرشام فين بتاعك وكنتى منتظمه عليه الفترة  اللي فاتت

سلسبيل: ككنن...... فييين الحاجه إلي هشربها بطنى بتوجعنى

خالد: بصوت عالي فين الزفت ردى عليا عمله طرشه

سلسبيل: زفت مش باخد من الصنف. دهون ووطى صوتك والنبي لتصحي ماما وجدى. وهمست لنفسها ما يطلع برة وأنا مال الي  خلفونى اهو افتكرنى وافتكر بطنى هار كله دوا

خالد: لآخر مرة هسالك فين البرشام :::: 

سلسبيل: يعنى لما مردش مش هتسال تانى وربعت اديها أمام صدرها 

إيمان : خد أنا طلعت وجبت الدوا اهو هى هتاخد الاتنين

خالد: إيه ده انتى مكنتيش بتاخدى العلاج إيه التهريج ده وكل ما أسألك تكدبي وتقولي اخدته

سلسبيل: رافعه كتفها يظهر إن الشريط بيبيض برشام تانى أصلنا فى عهد المعجزات

علي: مالكم صوتكم عالي  وحبكت سهرتكم تكون عند الاوضه بتعتى.....

سلسبيل: اهو كان ناقصنى ده كمان أنا استاهل مالي أنا م يخرج يشم هوا إن شاالله يشم حشيش أنا مالى

نرمين: ههههههههههههه سمعتك بس تستهلى خدى الدوا بقي وابقي احشري مناخيرك فى الي مالكيش فيه

سلسبيل: انتى شمتانا فيا والنعمه حاضر 

خالد: اتفضلي خدى دول واشربي حاجه دافيه ونامى وإذا الألم فضل بلغينى كدا كدا بكرة الصبح هنروح المستشفي 

سلسبيل: جاحظه عنيها هى إجازة ايه ديه تكونشي عامل دوريه علينا اسمعنى ي خلودى احبيبي أنا بخف من الخضه والنعمه وانت ولله الحمد عارف كلمه السر المستشفى هى الكلمه دى بتخلينى زي الحصان 

علي: فين البرشام الي هتاخده ......

نرمين: مع خالد وهى مش عايزة تاخد الدوا 

علي: نولينى البرشام .......

سلسبيل: ي رب تنجح وتطلع الأول خد البرشام بس اشرب وراه مايا كتير ربنا معاك وكادت أن تقف فامسكها علي وضغت على انفها ففتحت فاهها فوضع البرشام واشربها الماء وابتسم 

خالد: والله ماليكى إلا علي بيعرف يتعامل معاكى يلا اطلعي نامى

سلسبيل: أنام ازاى هو بعد كل ده واطلع أنام والنعمه يجرالي. حاجه تعالي  بس نقعد ونشرب الشاى 

خالد: بقله حيله ماشي وقعد ثوانى ونزلت سندس وهى تتعجز على الحائط 

علي: وانتي نزله ليه مش قولنا الراحه عى بنات العيله دى مش بيفهمو 

نرمين: القعده لوحدها ممله فاكيد ننزلت وبعدين هى هتقعد وتفردها 

خالد: ولف رأسه فى اتجاه الباب وتذكر امه وحمزة طيب ثوانى وهرجع 

حمزة: مساء الخير عليكم متجمعين كلكم يعنى خير

هناء: غريبه أنا افتكرتكم نمتو 

نرمين: الأغرب إن حضرتك لسه سهرانه 

حمزة: اصل طنط هناء شافتنى وجت قعدت معايا بس الجو برد اوى  فدخلنا

خالد: أنا شفتكم وكنت نازل اقعد معاكم بس سولي تعبت وبطنها وجعتها والكل نزل طبعا زى ما حضرتك شايف

هناء ألف سلامه عليكى يا سولي إن شاء الله إلي يكرهك 

سولي: شاورت باصبعها على ..علي ......

الجميع ههههههههههههه ههههههههههههه 

حمزة : كويس إننا متجمعين عايز ابلغكم بحاجه 

خالد : وأنا كمان عايز ابلغكم بقرار مهم

علي: خير ي خالد قرار ايه ده 

خالد: أنا قررت اسافر لندن العرض اللي جالى منهم لمده سنتين وأول ما نرجع إن شاء الله هجهز اوراقي 

حمزه: عموما ده مستقبلك والاكيد أنك ادرى الناس بيه

هناء: أنت عمرك م فكرت تسافر وكنت بتعترض إيه التغيير الي خلاك تقرر فاجئه السفر 

خالد: وعيونه مليئه بحزن واضح أنا عايز كده ويريت محدش يتكلم معايا في الموضوع ده 

سندس: بدموع تحاول أن لا يلاحظها أحد فمسحتها سريعا وطئطت رأسها كى لا يلاحظ احد بكائها 

سلسبيل: رأت دموع أختها فحزنت كثيرا وقررت أن تساعد أختها وخالد لأن من الواضح أن هناك حلقه مفقوده 

*****************************

بليز لايك وكومنت اعرف فيه رأيكم