رواية ذيب الغربية الفصل الخامس و الثلاثون 35 - بقلم طيبة وليد
Part 35
إبراهيم - يله بابا كومي لا تأذينها هيج تقبلين على أذيه اختج؟
زهـراء - هيه شلون اذتني هيج؟
زفر نفس ابراهـيم مقهور من حاله زهـراء التعبانه وروحها طالعه جنه بالمستشفى وياها من وفاه ازل لـَ اليوم زهـراء ما صحت ولا يوم بين يوم ويوم نبات بالمستشفى بيها رجعت تبچي زهـراء وتحجي بحركه اعصاب
زهـراء - كله من وره اهلنا دمرونا أهل؟ هم هيج الأهل؟ شفت شلون صارو عثره بنص حبهم؟ حبهم الطاهر النقي الحبها سيد! سيد ينحلف براسه بالشارع من يفوت يگومون شيوخ من الديوان هـلكد ميحتلرمـو هانو وقهرو وعذبو وين يروحون من الله ربي دخيلك خطيه ازل ومؤمن برگبه اهلنا
ابراهيم - كافـ.
- ليششش احنه هيييج اهلناااا من دووون الناااس ليششش تدررري شكد احبها تدري؟؟ رحت بمكانههها فصليه بس لااان تحبببه وترريدده لااان ما ردت أكون عثررره بطريقهههم كل صلاه صليتها دعيت ينجمعون بس دعيت بالدنيا ليش انجمعـو بجهنم؟
إبراهيم - ليش تحجين هيج؟ يجوز رب العالمين يسامحهـم
- تضحححك عليه انتتتتتَ؟ احنه منعععرف شنو عقاااب المنتحررر!
انتحرووو ثنينهههم ماعندي أهل غير ازل انييي ماعندي والله ماعندي تيتمت تيتمت تعبت وتيتمت خسرت بنتي وأختي وامي وابوي واخوي كلهم دفنتهم كلهم والله ما انزل دمعععه على امي وابوي وعمار والله اريد من الله يعاقبهم بالدنيا قبل الاخره
ضلت تحجي وتدعي محروك كلبها تصيح وروحها محتركه ومحد يلومها " ثنين شباب اندفو ويا شبابهـم تحت التراب بسبب الأهل " تعبت عيوني من البجي وهي أغمى عليها شالها إبراهيم وطلعت ويا ركبها السياره وهي ما واعيه رحنه بيها للمستشفى بنص الطريق صحت وما قبلت
وكالت رجعوني لـ البيت لاف السياره إبراهيم وتوجهه لـ البيت زهـراء طول الطريق ما سكتت تبجي تسكت ثانيه وتبجي ساعه واني كل ما تبجي تبجي وياها انقهرت من كُل كلبي على ازل ومؤمن حسيت كلبي تشعوط من الحركه عليهم حيونات كله بسببهم حقرااء
إبراهيم - كافي!!
نترها بحده بزهراء بسبب بكائها المستمر سكتت زهـراء ثانيتين ورجعت تبجي بهـدوء بس تهرب منها شهگه نقر هذه نقرات إبراهيم على الستيرن
إبراهيم - لشوكت تبقين هيج؟
ما جاوبت زهـراء وعلى صوت بگُائها بسياره إبراهيم عصبي صار ماعرف ليش هلگَد تعصب وزهراء صارت تبجي بصوت عالي
إبراهيم - كافي!! كافي بجي تخبلتتتتي!
زهـراء - لا تصييح علية
- كافي بچي بابا
زهـراء - حتى بنتي خسرتها!
- الله يعوض
- بتناااا هاي بنتاااا شلووون ما تنقهههر شلووون!! بنتاااا بنتي وبنتك البنيه الجنه منتضريهااا البنيه الحملت بيها كل دقيقه وكُل ثانيه احجي وياها واشكيلهها هم عافتتتتني!!! بس انتَ ما مقهوور ليشششش!!!
- لج بااااااباااا منوووو كااااال ما مقهووور! لو هووووو القهههرر بـ البچي وادك واللطم روحي طلعت من بنتي ماتتت بس قدرررر رب العالمين هذه زهـراء تقبلي الموضوع وارجعي زهـراء لأعرفها بنتج ماتت واختج ماتت وهذه قدر رب العالمين لا تخليني ارفع صوتي عليج
- اررررفعععع صوووتك اررررفع
- زهرررررااااااء
- ها بلشنا مو؟ اي خلالك الجو بـَ الآخير منو زهـراء؟ كلها خلك فصليه جابوها إلك شتردين تسوي بيها تسوي لا عدها اب سند ولا أخ سند ولا ام تحبها ولا احد معترف بيها موصح؟
- لا انتتتتتتتِ مستحيييييله! تخبلتتتتتتتتي!!!!!!!!!!! لج اني افكرررر بيج هييييج!!!!!!
- اي اي انتَ هيج تفكر أكيد هيج تفكر وصح تفكيرك اني منو؟ كلي خلك فصليه لا أهل ولا فصل ولا عدها احد يحبها يحترمها يقدرها ماعندها ماعندها
- اني هيج افكر؟
زهـراء - اي انتَ
- تمام تمام
زهـراء - روح تزوج
- گُد كلامج..؟
- اي
هز راسه إبراهيم عده هزات لا اكدر ألوم إبراهيم ولا اكدر ألوم زهـراء صارت بينهم فجوه مشاعر وكبت وتعبانين ثنينهم ثنينهم فقدو بنتهم وزهراء فقدت اختها وكُل عائلتها وبنتها فقدانهـا جبير حيل جبير ، إبراهيم تعبان من حاله زهـراء أربعه وعشرين ساعه تبجي وخايف يصير بيها شي يريد يسوي شي يصحيها على زمانها وكلامها ..
وصلنا البيت بـ َ الألف يا علي دخلنا البيت وبوجهي رحت لغرفتي أخذت ملابس ودخلت اسبح بسرعه طلعت وتغطيت هستوني اريد انام وتفتحت الباب باوعتً على زهـراء واگفه كدام الباب تباوع تشوف كاعده اولا؟
زهـراء - كاعده
- لا
ابتسمت بخفه تدري بيه اداهـرها
زهـراء - تقبلين انام يمج؟
- يأهلا ياهلآ
ابتسمت وسدت الباب مديتلها أيديه وهي اجـت بسرعه تحضني وتضم روحها بحضني
زهـراء - شكرا لانج موجوده بحياتي لوما انتِ ماعرف شصار بيَ
- زهوري انتِ قويه بدوني او وياي
زهـراء - اي
- صدگُيني انتِ حيل قويه تحملتي كلشي لخاطر تحمين اختج وحبها لحبيبها ورحتي فصليه بمكانها وساندتيها بكلشي وحبيبتها وانتِ ربيتيها
- اني ربيتها
- ونعم التربيه
- تعبت عليها هـواي حرمت روحي من الأكل وانطيتها
- احسن أخت بالدنيا انتِ تدرين؟
- جنت صغيره وماعرف اطبخ وهي تجوع بنص اليل اكعد ماما اكللها ازل جوعانه تعوفنا وتنام ما تكعد اروح لحوراء بس اكعدها تگتلنـي تموتني من الكتل وإذا اروح لهدى تكتلني اني وازل تعلمت اني اطبخ علمودها ومعد أتعلم واتجوى كومه وابقى طول اليل أتلوى من الوجع بس علمودها ..
- زهاري شكد قويه تحملتي كل هذه؟ الله لا ينطي حوراء وهدى ال***
- جانت تكره المواعين تموت منهم تتعارك ويا هدى وحوراء عليهن دائما وإذا ما غسلتهن تتعاقب وتنكتل جانت ما تهتم بس اني اهتمّ اروح اغسلهن بمكانها علمود ما تنكتل ومن يجون يلوگهم نضيفات وهي تنصدم
- فدوه للحنينه
- جانت صغيره كلشَ هيه تروح تلعب ويا جهال المنطقه والبنات ومره لعبت طوبه ويا ولد وتعاركت ويا وشمرت عليه طابوگه اجت الطابوگه بـَ سياره مال الجوارين وانگسرت الجامه ما اجت لـ البيت بيومها خلتهم يفترون بيت بيت يدورون عليها لحد ما خابرو على عمتي ام مؤمن كالوها يمج؟ كلالهم يا لعد يم منو غير انتو دازيها كالولهـا شارده كلتلهم واني اكول ليش لاطشه بحضن مؤمن
بلعت الغصه وما رديت هل مره دموعها بللت رگبتها وصوتي انخلـس حسيت بصعوبه واني كاتمه صوت شهگاتي ودموعي
زهـراء - اني ربيتها والله اني تعبت عليها اني طبختها وانچويت اني وكلتها وغسلت المواعين اني نضفت وراها اني ضميت عليها اني تعبت عليها اني سهرت عليها اني تعبت اكثر واحده عليها اني حاميتها والله انـ ..
ما كملت وصارت تشهك ضميت راسهـا لصدري اقره عليها ايات قرأنيه لحد ما غفت دموعها على خدها وخشمها احمر مثل الطفله شكلها بريئ جنها طفله بقيت لـ الصبح كاعده لا نمت ولا هدالي بال كل شويه أتذكر مواقفهم شكد حلوه وتنزل دموعي وامسحهم بدون ما احسس زهـراء إلى ان طلع الصبح واني نفس الوضعيه..
فزت زهـراء الصبح عيونها حمر وتعبانة شعرهـا مهوس جبت المشط واجيت امشط شعرها وامسح عليَ واشاقـه وياها حاولت بقدر الامگُان اطلعها من الأجواء الي هيه بيها لان راح تموت
بدلت ملابسهـا وطلعنا من الغرفه متوجهـين لـَ المطبخ نسوي أكل راح نموت من الجوع ويا خطواتنـا طلع عمو جاسر من غرفه المگُتب مالته باوعلي وابتسم رديتله ابتسامه خجلانه ودنگُت تقرب على زهـراء وحاوط راسهـا بين أيديه باس گصتها ومسح على شعرها بحنان
جاسر - يلا بابا احنه متعلمين على زهوري القويه الله يرحمها لاختج صليلها واستغفريلها احسن من ما تأذيها وياريت ترجع زهوري القويه اشتاقينا الها هـواي..
زهـراء ببچي- عمو والله تعبت إبراهيم ما يخليني ابجي يسگتني
جاسر - اطيحلچ حضه بس لا تبچين
ضحكـت زهـراء بين دموعها وسكتت راحت تغسل وجهه وبقينا اني وعمو جاسر وحدنا
جاسر - هيومه شلونها؟
- الحمدالله
- وشاهين شلونه وياها؟
- هم زين
- خو ما يضوجهه؟
- لا
- ما يفيدها شاهين
- ليش؟
- هـيام وشاهين شخصياتهـم مختلفه من انطيتها الهم توقعت زواجهم ما يدوم شهر واحد ويطلكهـا بس تطور الموضوع وصارت حامل!
- مادافتهـم ليش يطلگون؟ شاهين يحبها حيل
- جيد ، بس اكو هـواي عراقيل بطريقهـم
- وهي
- لا تشغلين بالج حبيبتي ديري بالج على نفسج ، ننتضـر لمار شوكت تچي مري خصتچ
عافني صافنه بمگُاني ورجع لمگُتبه ليش يطلگون؟ وشاهين يموت عليها وهي تحبه أضعاف! زين زين شنو العراقيـل؟ ليش توقع زواجهـم ما يطول اكثر من شهر؟ ليش يسئل عن شاهـين گُان نگره ويكرهه ؟؟ التفگير نخر عقلي نخر لحد ما جرتني زهـراء للمطبخ تدردم
- يووووه سالي ساعه احجي وحدي
- هـاا
- يمامه مو وكت فهاوه شبيج؟
- هـ ها لا ماكو شي
- أمم
- اي
- شطبـخ؟
يمامه - لا لا اليوم انتِ تگعدين واني اطبخ
- تعرفين؟
- طبعا لا!
- چا شلون؟
يمامه - ليش تحچين بـ الچا؟ يعني انتِ اصلچ حلاويـه وبابل يكولون لعد وإذا عايشه بـَ الأنبار مو المفروض تگولين عجل؟؟
- تعلمتها من ابراهـيم
- اها
- يله شلون ؟
- انتِ علميني واني اطبخ
- خوب اني اسوي؟
- نجبـي حبيبتي قابل راح تشتغلين بأيديج؟ علميني واسكتي
- امري لالله
بدأت تعلمني شسوي وشحط واني اعرف شويه من رسوله بس استصعبتها بـَ البدايه وبعدين بسرعه أخذت على الأجواء اساساً اني احب الطبخ صح ما عشت اجواء اوكُف يم امي وتعلمني تصيح عليه من اخرب شي وتعيط عليه بس الحمدالله الله ما يگطع بـَ احد .. خلصت الطبخ وصبيته صحنه ابراهـيم ما قبل يأكل وزهراء زعلت وعمو جاسر من شافها زعلانه راح جابه سحل واجه
جاسر - أكل ابني البنات سالهن ساعه تعبانات ويطبخن
زهـراء - خلي عمو خلي يجوز تنسـد شهيته من يشوفني
إبراهيم - اني تنسد شهيتي من اشوفج؟ شبيها هاي خاف مسويلها سحر
زهـراء - منووو مسويلي منوو شووف روحك شوف تعاااملك
- شمسوووي شمسوووي
جاسر - اهدؤؤ أبنائي
زهـراء - شمسوي مو؟ والبارحه منو طردني من الغرفه؟
إبراهيم - اننننني طررتتتتتچ!!
- اي اي انتً
إبراهيم - ومنو كامت تصيح بس لان حضنتها وطلعت وزعلت وصيحت؟
هم اني؟
گُحيت بقوه وغصيت بلگمه هم يتعارگُون وعمو جاسر خلصها اهدؤ واهدؤ ومحد مهتمله لحد ما عاط بيهم
جاسر - كااااااافي ولكم سرررسرريه ما مخليلي قيمه حتتتى!
إبراهيم - ما ترهم تمن إلا قيمه؟
جاسر - ادبسسسسز عاااار
زهـراء بهمس- حيل
إندار عليها ابراهـيم خزرهـا حسيت يبسها بمگُانهه بس ما حجه شي طلع من البيت بگبره ضايچ ومتنرفز تعبان وخملان صاير ويا شي؟.!
تنهـد عمو جاسر وبارع على زهـراء واشرلهـا تگُعد گعدت مستحيييه
جاسر - صح اني اوگف وياج بگُل مره إذا چنت غلط لو صح اني وياج البيت بيتچ واني وابني نطلع ، بس ماقبـل يصير هذه التچاوز زهراء ابد ماقبل العلاقه الزوچيه إذا مابيها احترام ما تنجح! ديربالج هاي المره راح اتغاظى ومتأكد منج ما تسويها مره ثانيه مو صح بابا؟
- طبعا والله مادري ليش هيج حجيت اسفه عمر والله
جاسر - ما صار شي بس لازم احترام اني وعمتچ خديجه الله يرحمها زوجتي عمر كامل وما يوم غلطت عليه لو غلطت عليها وهاي هيه العلاقه الزوجيه الناجحه تكون نابعه من احترام من الطرفين
يمامه - والله صح
حجيتهـا بفرحه واني ادخل رون سايد للموضوع ووولج يمامه الغبببره انتِ شمعرفچ بـَ العلاقه الزوجيه لا متزوجه ولا عندج ام وأب يبوووو عليج ابتسمت وحجيت اللطخ الموضوع
يمامه - اءءء اقصد خوش نصيحه اخذها للمستقبل
جاسر - احسنتـم اولادي
حجاهـا وترخص يروح لمگُتبه رحنه اني وزهراء ناگل بدون نفس فكرت فكرت زهـراء بلأخير باوعتلي وكالت
- راح لصالحه
- شلون؟
- اني اعرف شلون
هزيت راسي ساگته ما الح بـَ الموضوع ، حاولت هـواي تريد تغسل الماعين بس ما قبلت تركتها تروح لغرفتها وترتاح واني كمل عنها رحت غسلت الاماعيـن ونضفـت المطبخ كله عمو جاسر طلع وابراهيم يرجع بليل وزهراء يمكن نامت واني رحت بدلت وكعـدت اتصفـن بالحيطان ..
ثواني مرت وسمعت دگه باب باوعتً بـ الكامرات سياره سوده عاليه طابگه بـ الباب حاجبه عني الشخص اليدگ بـ الباب ترددت افتحها بعدين كلت أكيد عرف منو قابل؟
وفعلا طلعت لـَ الباب الخارجه افتحهه اول ما فتحتها صار بوجهي ولد لحظه لحظه هذه مو ابن اخو شاهين؟ شنو اسمه شنو اسمه؟ ايييي علي
رفع عيونه يباوعلي ونزل راسه بسرعه يستغفر لحظه هذه شبي؟
يمامه - اهلاً وسهلا تفضل؟
- رايد زهـراء
- نايمه
- كعديها
- ما تگعد بسهوله
علي - ليش يابـا؟ شني مأخذه دور أهل الگهف؟
- هه هه هه . لا يا فهـيم مأخذه منوم
- عش؟
- ما تنام بسهوله من موت ازل لسه
تنهـد تنهـيده قويه سمعت من زهـراء مؤمن وعلي وحر ابن عمها كلشَ أصدقاء بـَ الأكثر مؤمن وعلي روح بروح وهسه لاحظت لحيته كلشَش گثيفه ولابس اسود وحتى الساعه سوده وحتى الحذاء اسود ويلمع اكثر من وجهه زهـراء
علي - آكلج
- كول
- تعبان
- متروح لعد؟
- اكللهـا تعبان تكلي روح غير مطفي من النعاس
- متروح تنام لعد؟ شتريد الوليلك؟
- ياريت
همسها همس بس لقطتها أذاني رفع عيونه خزرته باوع على ملابس واستغفر ونزل راسه هذه شبي؟ بس لحظه هذه صدك مطفي؟ خطيه بلگوه مفتح عيونه!
- احم تدخل لاستقبال تنام؟
- ياريت
-تفضل
دخلته ليجوه لـَ الاستقبال يبقى نسيبهـم وقريب زهـراء ومو عيب يبقى هنا طلعت من الاستقبال بعد ما اگدلي ميه مره ما يريد شي وصادفتني مرايا راحت عيوني على ملابسي اريد أشوف شلابسه وهيج يستغفر لابسه فستان چوزي نص ردان وفوگ الرگبه بشويه ولابسه طوگ وهذهِ ملابسي الطبيعيه غلست وكلت يجوز ما متعود طبيعي الموضوع..
ما ارتاحيت وگُلت اكيد جاي من طريق بعيد واني فارغه سويت عصير برتقال وكيك عدنا جاهز حطيت بصينيه ودگُِيت باب الاستقبال شفتو شكد مؤدبه اني؟ اي نعم ادري لحد يمدحني رجاءا! سمحلي بـَ الدخول حطيت الصينيه كدامـه بدون ما اباوعله
علي - عش جبتي؟
- مو اءء شسمه ما ارتاحيت كلت اكيد تعبان وجاي من طريق طويل وانتَ ضيف
- وانتِ مو ضيفه هنا؟
بهـل لحظه لو جايب سچينه وحاطها بنص كلبي يمگن ما اتأثر بگُد هل كلمتين ابتسمت أداري الموضوع ومابين على ملامحي مثل طبيعتي
يمامه - طبعا ضيفه بس ضيفه مأخذه خاوه على البيت
علي - اسف واعتذر
- ليش؟
علي - ازعچتج بسؤالي
- لا ابد لازم الشخص يعرف مگُانه الأصلي بدون محد يذكره واني اعرف مگُاني وحياتي وين لذالك ما راح اهتمّ بكلام شخص گأن من يگُن.
ابتسم على طريقه كلامي ابتسامه تعبانه باهـته وأخذ من العصير يشربه درت وجهي اريد اطلع وستوقفني كلامه
علي - عجل انتِ وين مچانج؟
- نعم؟؟
علي - عجل مو كاني اعرف مچاني وينو مچانچ؟
- هذه الشي ما يخصك
ابتسم منحرچ وأعترف كرهته وما طقته وتمنيت ادچچه بشوگه الدياگُل بيها حاليا وافگس عيونه درت وجهي اريد اطلع ورجع استوقفني بگُلمه غريبه .
علي - تمـرية
- نعم؟؟
علي - انتِ تمريه يولي؟
- ما فهمت؟
علي - عيونـج تمـريه وشعرچ تمري ووجهـج خمـري
- وهالشي هم ما يخصك
علي - تا يجوز يخصني بالمستقبل
حجاهـا بابتسامه واسعه ودنك ياخذ قطعه من الكيك يأكلها واخذت ثواني احاول استوعب شنو هل تمسلت؟
علي - من سئلت انتِ هم ضيفه هنا المقصود ناويه تبقين. ببلادچ لو ترجعين للغرب!
- هنا الغرب وهناك بلدي!
- يبقى مچانچ
- لا مو مكاني! اني تركيا ومولده بتركيا وحياتي كلها هناك
- غلطانه
- وانتً شعليك! إبقى اروح انتً شكو؟
علي - وچودچ حلو ينطيني ايچابيه
بهت لون وجهي مصدومه هذه شديحجي
- يا وجود حلوه هذه اشو كل ما نتشاوف نتعارك! وين الايجابيه أنا لا ارادها
علي - چؤ ، انتِ تا تتعارگين أنا متونس على عصبيتچ حلوه
- نعم؟؟
علي - عصبيتچ حلوه
- تعرف انتً واحد سخيف!
علي - مثقفاات
حجاهـا وضحك بخفه اتنرفزت وبلگوه لزمت روحي وسكتت عفته وطلعت من المگُان كله رحت لغرفتي ودثرت روحي بفراشي ميته تعب وما كعدت غير ثاني يوم الصبح كعدت زهـراء تسولفلي وكالت علي طلع من اليل يرجع لـَ الأنبار جاي بشغل هنا وبدأت زهـراء ترجع طبيعيه وتتعايش ويا الموضوع رغم كسرتها الكبيره ما نسيناها طبعا بس الله ينطي الصبر لـ البشر ..
" هــيام "
بعد كلمتها كأن صاعقـة وضربت البيت زوجه حـرُ جحظت عيونها ممستوعبـه ووجهـت انصارها على زمرد الي دخلت تقدم ضيافه بدون لا تدري شي ولا يم الموضوع ولا سمعت أصلا!
لحظات بس جحظت عيونها استمرّت ومحد نطق ام شاهين انصدمت ووطفرت زوجه حر متوجهه على زمرد دفعتها كل قوتها وكعت صينيه الضيافه والعصير كله بـَ المگان شهگُت زمرد ورگُضن النسوان يچرن مره حر بس هيهـاتت! ضربتها راشديات متتاليـه وجررتها من شعرها تعن بي كل قوتها وتصيح
- انااااا يتزووووج علياااااااا عشششش يماااااا شعسوووويت اناااااا!!! شعملتيلووووو! دوهنتـي راسووو وبليتي بطففففل!!!
هي تحجي وتصرخ وتعت بشعر زمرد اچرچر بيها ما تتحرگ هاي بشر لو جاموس! رفعت ايدي وگفشت حجابهـا وگعته وعتيت شعرها بدال ما افكك صرت أتعارك امداني!
هچمت علينا اني وزمرد حسيتها راح تلطخ راس برأس بس الله ستر وماسوتها ورگضه شاهين سترت علينا جرها بسرعه من علينا مدنگ راسه وهي تصيح وتهـادد ضربها راشدي كل قوته على اثره طگت شفتها دم
دنك عليه رفعني من الأرض وخزرني استغفرالله اني شعليييية!
دنك على زمرد التبچي بنص الصاله باس راسها وجرهـا يكومهـا من الأرض يصعدها لغرفتنا ما مهتم لصياح مرت حر وما نطق شي صعدت وراهـم اركض
دخلت لغرفتنا اللهـث من التعب اويلي شلون نضل هيج!
لمحت زمرد كاعده على التخم الصغير الموجود بغرفتنا وشاهين مگنبص كدامها يحجي وياها بهـمس ويمسح خشمها من الدم بهدوء يخوف وهي تجاوبه وتبچي بس على الساكت اويلي يا زمرد حتى بچيها على الساكت!
شاهين - عش ضربتچ؟
زمرد - مـ مادري والله مادري
إندار عليه يباوعلي خزرنـي ما هتميت گتفت إيديه ورحت اكعد على الجربايه
شاهين - هـيام
- ها
- عش ضربتها ؟
- اءءء
- احچي
- لان ام حر خطبت زمرد لحرُ ومرته جنها جاموسه هجمت على زمرد وضربتهه! ايعع شلون بنات وين متربيه هاي بحلبه مصارعه؟
شاهين - حرُ خطب اختي!!
نهـيت التمسلت مالتي وباوعتله ايده الي جانت تمسح خشم زمرد چمدت وعيونه نجحظت عليه يممممه انييي ليش خفت؟؟؟ احم اي شهيق زفير اي يالله
ترگنا وحدنا ونزل يهرول ليچوه اختفه صوت النسوان وأعتقد أخذن الجاموي وولـنن درت عيوني على زمرد شفتها صافنه بـَ الأرض ومرسومه شحّه ابتسامه على شفايفها كبرت ابتسامتي
هـيام - احممممم
- ههه هيومه
- عليمن الصافن الحلو ويتبوسـم وهو هستوه مكتول!
زمرد - صافنـه على قدره الخالق
- ها؟
زمرد - البارحـه بليل ختمت القرأن لخاطر أنسى حر واطلعـو من كلبي واليوم جاب امو يخطبني!
هـيام - لا بأس ادري بيج تحبي ، بس الحب مو كلشي مرته جنها جاموس مستحيل تخليچ سعيده بحياتچ
زمرد - ادري ، عجل لو انتِ شاهين تزوج شعتسوين؟ تطينين عشه حرمتو؟
هـيام - هههه بس اطينها ؟ هههه حبيبتي اموووتتتتتهاا اذبححححها
- دخيلك يا رب
هـيام - بس الوضع مختلف انتِ تحبي وهو يحبچ اني شاهين هو يحبني واني احبه ولو يحب واحده ثانيه طبعا ما راح اباوع بوجهه بعد واصلا حتلو تزوج وميحبها هم بعد ماراح اباوع بوجهه لان لو يحبني ما تروچ!
- صحيح
تنهـدت ودخلت تغسل وجهه راحت لغرفتها واني كعدت صافنه بمگُاني شاهين طلع وين راح معقوله راح يتعارك ويا حر؟ شراح يصير؟ اريد انزل يم خاله ام شاهين بس اكو ألم ببطني سترت على نفسي وخفت ورحت تمددت على الجربايه ودثمرت روحي دثر بالحاف وضليت فاتحه عيوني على السگُف
مرت فتره لا بأس بها وانفتحت الباب دخل شاهين بسرعه گُمزت بسرعه من لمحت ايده بيها دم!!!
شاهين - ماكو شي هومه
شهگُت بسرعه ابچـي من شفته قميصه بيَ دم! وايدين مليانات دم! حضنت بطني وگُعدت على الجربايه ابچـي بشهـگُه كنبص كدامي يمسح على بطني
ويسألني إذا عني وجع هزيت راسي لا وحضنته
هـيام - شاهين ايدديـك شبيههن!
- لا تخاافين
- قميصك شبيك مجرووح شو خل اشووف!
- مو دمي
شهـگُت بسرعه زفر نفس وگام من كدامي نزع قميصه ودخل للحمام غسل أيديه ونشفهـم وهو يحجي
- طيحت حظو واچيتچ اطيح حظچ
- شنووو! شمسووويه؟
- عش تتعارگين يولي علعلتي كلبي! حامل حامل انتِ!
- ترا جانت تكتل أختك وبعدين ما لأحتني بضربه بس رگُعت راسي برأس زمرد
- بوووويه اووووف
هـيام - هاي شبيك شاهينو صاير متتحملني!
شاهين - مادام كلبـــي اختارچ
مچبـــور اجـــرب خبالچ
- واو واو حبيتتتتتت هههههه
ضحك وضرب راسي بخفه وجرني من خصري يثبتني كدامه باس راسي وخدودي ومسح على كصتي شم شعري طبع قبله النبض مال رگبتي
مثل العاده وهو يهمس
- النبض
- اءءء ادري بيك مشتاقلي بس اني نعسانه
- نامي يولي
- لا تعال انتً نام!
- ها؟
- انتً تعال نام!
- شنهوو
- يووه ماكدر انام بدونك تعودت تحضني وتنام
- اها عجل ومنهو الاتركهـا نايمه واكعد الصبح؟
- ما راح تچي؟ تزعلني؟ وتخليني انام زعلانه؟ وابنك زعلــ..
- چـاي چاي
طفرت على الچربابه بهـدوء مادري شلون رهمتها بس عادي يعني طفره هادئه ما مسويهه؟ بدل ملابسه واجاني فتحلي أيديه توسطت احضانه مثل عادتنا بس الفرق اني ما نعسانه وراه اللغي!..
- انتً تحبني؟
- اموت بيچ
- اممم، بس أحسك مليت مني؟
- دحكتـي زلمه يمل من أمو؟
- لا
- من تدحگين أمل منج
- واو يعني قصدك اني وأمك نفس المعزه!
- اي
- اني احب امك هواي هواي
- هيه هم تحبچ
- اي ادري بيها احبها كومه احسهه تذگُرني بأمي امي من جنت ادخل المطبخ ترزلني رغم ما جنت مريضه ربو بس هم ترزلني تكول بعدچ صغيره وتخاف عليه من الطباخ ومن السچينخ وامك هم هيج احبه أمك اني ..
- شوكت تمرضتي؟
بلعت ريك بصعوبه أنفاسي هدأت واني أتذكر بشاعه الموقف
وعصبيه بابا وضربه غلقت عيوني بقوه متناسيه الموضوع
وما جاوبت شدد حضنته عليه ونمت بعد الف محاوله والف
سوره من القرأن..
گُعدت الصبح كالعاده نفس الروتين رحت لـَ لمار حجينه شويه وهي أربعه وعشرين ساعه بفرقاها تصفن تعبتني هـواي وزمرد اليوم مو على بعضها وعيونها حمر ورحت اركض منا واركض منا رحت لـَ لمار وجلطتني كالعاده بكلامها
لمار - اني ما جان لازم اتطلگ ما جان لازم أضل عاله هنا!
- تخبلتتتي! شبيج؟ انتِ هنا ببيتي انتِ ببيت اختچ!
- لا هـيام..
هـيام - اها خوب كولي ما معترفه بيه اختچ؟
- لا لا والله مو هـيج
وكالعاده تبچي وتمرد كلبي وتخليني اني اروح أصالحها تركتها بعد ما قنعتها محد منزعچ منها وهي ما مثگله على احد وحتى غرفتها ما تطلع منها ! وتوجهـت لـ زمرد ولگيتها مطنگره
هـيام - زمزززم كووومي
- ماريد
- بليز حبابه ماكدر بدونج حياتتتي جححححيم
- اوي
هـيام - متعللللمه سوااالفي زمزم
- ههههه
- واخيراً ضحكتي يلا حبيبتي يلا عمري يلا كلبي يلا كومي وياي
- ماريد
- يبووووو عليچنن
تركتها ورحت انزل لگُيت ام شاهين كاعده وشاهين كدامها ولگيت احسن شخصين اطلع شخصيتي الدلوعه يمهم بوزت ملامحي بطفوليه وكعدت وياهم ايدي على بطني امسد واحجي
هـيام - والله ما طلعت هاي زمزم ما تقبل تكعد
ام شاهين - شعتسوين بزمزم
- متعوده عليها كعديها حبابه كعديها
ام شاهين - نزلي لمار يمچ اليوم
- لا لا اني اريد زمزم حبابه كعديهاا
درت وجهي لشاهين من أيست من ام شاهين تگُعدها والسببب مجهول ليش زمرد متقبل تكعد؟ وليش ام شاهين متقبل تكعدها ومثل الزعلانه عليها؟
اول ما لمحني شاهين نزل راسه يأكل
هـيام - شاهين
- لا
- شاهين حباااب شاهين حبااااب حبااااب شاهييين حبااااب
رفع راسه يزفر نفس قوي من لغوتي المتخلص
شاهين - ارحمني يارب
سگُتت ونزلت راسي مسدت على بطني احجي ويا ابني بقهر ..
هـيام - شوف حبيبي أبوك ميحبـك وبيبيتك هم متحبـك
ام شاهين - ياااع الوليد شعليه
- تحبين ححححفيدچ ومتتتتحبينننني!!!
- ياااع ياااع ياااع يملفوگه ماكو اعز منچ يلهـتره
-عبالي بس المهم ، سمعت ماما بيبيتك متحبك وأبوك هم ميحبك ولا يحب أمك ولا يحبووون عمتك هو أبوك منو يحب يحبببب بس روححححه
صرخت اخير كلمه بقهر وشاهين لم شفايفه يخفي ضحكته وام شاهين ضحكت احترگت بـَ الزايد
- شوف يضحگُون على أمك؟ اي شوف هذه أبوك؟ ميحبك هو بس مالك علاقه بيهم اني احبك مو تروح! هو صح أبوك ميحـ..
شاهين - زمررررررررد تعاااااي
لميـت شفايفي اضحك من صاح على زمرد بنرفزه واضحه وام شاهين تضحك عليه وتسويلي لفات وتعبي بحلگُي راح تخليني دبه من الاگُل
ثواني ونزلت زمرد وجهه وعيونهه حمر خفت عليه وصرت اوگله ام شاهين تنطيني آكل واني أنطي لزمرد اوگلها تضحك من اسويلهـا هيج
وام شاهين هم تبتسم قاطع صوت الاگُل صوت شاهين وهو يكول
شاهين - اخذتي قرار؟
درت وجهي اله مستغربه ، نزلت اللگمـه زمرد من حلگها وعيونها دمعت نزلت راسها وسگتت
ام شاهين - وافقي يما براحتچ تا لا تخافين أنا بضهـرچ وذيب بضهرچ عجل نگعد نحجيلچ باخلاق حر؟ لا يعلى عليها بما وله على مالو؟ املاگو تغطي عين الشمس ولا جمالو؟ يكول للگمر كوم وانا اكعد بمچانك بقت يمچ حبيبه
زمرد - انطيتني حجايه
شاهين - وما تنثني حچايتي
زمرد - ....
- يتبع الفصل التالي اضغط على ( رواية ذيب الغربية) اسم الرواية