رواية ذيب الغربية الفصل الرابع و الثلاثون 34 - بقلم طيبة وليد
Part 34
بـسم الله الرحمان الرحـيم
$ ذيـب الغربيه
" لا تنسون التصويت والتعليق بين الفقرات + متابعـه لحسابـي لطفآ"
"""
اللهم مصليَ على محمد وال محمـد .
"""
" لمار "
بهت لون وجهي مصدومه بنطقه لـَ الكلمه مشاعري وكفت وأفكاري كذالك ما فكرت ولا حسيت بشي رمـُق شاهين نضره حقد وطلع من المكأن يهرول
تركت المكُان وطلعت لـَ الصاله صافنه ما مستوعبه شصار ؟ معقوله هاهيه خلصت منه؟ بوجهي تلگُتني هيام تنطنـط بمكُانها من الفرح
شاهين - وخدر العلويه تا تحمدين ربج حامل
هـيام - وإذا مو حامل شسوي؟
خزرهـا بحده وتركها وصعد لغرفته ميلت شفتها هـيام بعدم لا مبالاه وكالت
هـيام - دفرحي يحضي فوك ما أكلت رزاله تسوه عمري
ام شاهين - تا تگُضبين لسانج يمصگوعه
هـيام - وهسه شسويت
زمرد - وتسئل!
هـيام - ونبي هي طلعت وحدها من الفرحه
بقيت ساكته ماعرفت شحجي وشنطق ما مستوعبه وين اروح شراح يصير
لمار - وين راح اروح؟
شفت نضره ام شاهين تجاهي جانت نضره عطف وحزن ..
ام شاهين - تا تزتـج بـَ الشارع مو زلام ويخلونچ يمهم؟
لمار - لا واللـ.
شهـكت بـَ البجي وما كملت كلمتي نزلت دموعي تحرك حدي شبيه؟ ليش ابجي؟ حتى اني ما عرفت جواب هل اسئله يجوز تراگُمات
ام شاهين - ياااع ياااع عشَ تبچين؟
هـيام - هاي ام دميعه مو مثل هيام طايحتلهـت دم رزايل ومتبچي
اجـت هـيام تكعد يمي تحضني اعرفها تسوي هيج علمود تغيرلي جو
زمرد هم كعدت اضحك وام شاهين كعدت تصف على هيام هـمست
هـيام بأذني
هـيام - شنو وين تروحين؟ صايره سخيفه زياده! وهـاي شواربي مو بعينج؟
ضحگُت بقوه من حجتها ما كدرت اكتم ضحكتي وهي ابتسمت وتچت راسهـا على تچوه التخم تمسح على بطنها
لمار - شوكت تجيبين؟
هـيام - اهوووووو بعد شكددد
شاهين - صوووووتج
اجانـا صوت شاهين من فوگ يرعد رعد گُطعت حتى النفس من الخوف مو بأيدي بس اخاف صرت .. بس هـيام ما هـتمت زمرد خافت وهي ولا يمها الموضوع اساسا
ام شاهين - عصبي روحيلـو
هـيام - وين اروحله لا عيني متشوفي عصبي؟
ام شاهين - روحيلو تا يهـدئ
هـيام - لا عيني انتِ أمه انتِ روحيله اكيد يهـدئ من يشوفج
ام شاهين بمگر - روحيلو والبسليو المزند تا يهدئ
عضت شفتها هيام مستحيه وهمست - ساعه السوده الشتريت بيها فستان گدامج
ام شاهين - روحيلو روحيلووو هيري هساااع
ضحكـت هـيام وباستني بخدي وصعدت ليفوگَ ام شاهين راحت لغرفتها وزمرد جرجرتنـي وراهـا لغرفتها وگعدت ترتل قرأن على راسي نزلت دموعي بسگُوت حيره خوف بدايه نهـايه؟ ماعرفت شنو وين وشراح يصير تعبت ومآبيه بعد أقاوم يجوز هـاي بدايتنــا ويجوز هاي نهـايتنــا ..
" هــيام "
بيني وبينگُم الحجي اول ما سمعت نطق الطلاق هـلهلت
ورحت اركض من باب المطبخ اول ما شفت عمار طلع
صحت وراه
هـيام - اللبـس حجاب وغم روحـك يا عار
حجيتهـا وبسرعه دخلت وسديت الباب لا يجي شاهين أنوب يطيح حضي رجعت بسرعه لهناگ شاهين بعده مصدوم من هـلهولتي بس يوووو غير فرحانه!
ولمار هاي أشعار آخر مطي ومربوط صافنه عليمن مادري! هو تك نعال وخلصتي منه ولحد يكلي ليش تك واحد! وگُفت بـَ المطبخ وشاهين بسرعه اجل عليه عيونه براسه ههههه براسه لو بخشمه تحلموني الحمل مأثر عليييية
شاهين - تأ تگضبين لساتج تا ما اكضبو
هـيام - شاهينـو هاي عليـة؟
شاهين - لا
حجاهـا وطلع من المطبخ نعم هذه حبيبــي إذا جنت غلطانه او مغلطانه ميحجس وياي بطريقه مو حلوه وهل شي مع الأسف خلاني استهـتر! استهتر شهل مصطلح السخيف؟ لا طبعا بس احب هل نقطه واضل ادردم
بعد ما حاجتنـي خاله گُمت بسرعه متوجهه لغرفتنا اني وشاهينو وهو صاير نار دفرت الباب ودرعمـت لـَ الغرفه شفته متمدد وحاط ايده مغطي عيونهَ لا هاي معناها هو گُاعد بس معصب! مو خوش سالفه طبگُت الباب مثل الحبابـه
ورحت للگنتور ادور ملابس اريد اسبح وقاطعني صوته وهو يكول..
شاهين - شوكت تعقلين؟
هـيام - ونبي مو قصدي هي وحدها طلعت من الفرحه
طفر بسرعه من الجربايه يوگُف كدامي هذه مو صاير نار هذه صاير بركان! عيونه مخلوطه بدم وصوته بيَ قهر
اتخذت خطه B وقررت اكعد أدلع وهو يرضى هو بسرعه يرضى وحبوبي وحامل هم غصبا عليَ يرضى تقربت بسرعه حاوطت رگبته ورفعت رجليه اطبع بوسه على خده من حسيت هـدئ ورخى طبعت بوسه على خده الثاني وعلى گصته وعلى خشمه وبوسه لطيفه على شفايفه ومشيت انفي بلحيتـه الگُثيفه
مو بس استمتعت لا طربكتتت! وانربطتتت! ويا صوت دگُات گلبه المتضاربه ومحاوطتـه لخصري يقرّبني اله اكثر ويرفع راسي
يشجعني استمر ابوسه . ما كدرت أتحمل وضحكت
فتح عيونه الذبلانه ودفعني عنه بزعل
شاهين - تلعبين علية؟
- شاهيني صاير حساس منو الحامل اني لو انتَ؟
وهناااا طفح الكييييل لج شدجفصيييين اشتعععلت روحج اجيتي تگحليهااا عميتيها يثوووله لو ساگته احسلج كله من وره ام شاهين كتلها ماريد اروح دعوفي المره بحال سبيلها وباوعلـي لـَ الخازرچ وراح يموت من العصبيه
- ونبي مو هيج قصدي اني داچفص هـواي بس انتَ ما تعذرني أصلا صاير ما تحبني! متغير عليَ!
گُعدت على التخم اسوي روحي زعلانه وهو اني من الخوف رچليه بعد ميحملنـي حطيت أيديه ثنينهن على بطني امسد عليها واحجي بقهر بلگـت بنقهر عليه وينسى!
- والله اني تعبانه هـواي ترا حامل بابنك هم ولمار ضوجتني من كالتلي على عمار يضربها هو شيحس؟ شنو يضربها؟ والله اگسر راسه والله يحمد ربه انتَ رحت گسرته تكسير والله جان اني رحت سمعت شمسوي بيها حقير كلب مخليها بدون أكل وعطشانه حيووووان والله اطيح حضه
احجي وابچي اخذنـي الواهـس من القهر ثواني وحسيت بشاهـين يگُعد بصفي ينوّم راسي على صدره ويهـدئني
هـيام - اي اي احضني بعد
بسرعه وخر راسي من على صدره لا يااا اءءء انجبـي لتغلطيـن عافني وراح ينام وتغطى بدوني؟' ماهـذه القهر يا ساااده رحت وره اجر بـَ الغطه
واگعده
هـيام - كوووم شاهين كوم كوم احضني ونام شنو حاضن الغطه؟
ما جاوب اشتعععلت شعل أخذت ملابس ورحت لـَ الخطه c سبحت وطبعا جيت مگياچ خطيـت حمره حمررره صاروخ ولبست الفستان المشلخ المخلع بطني طالعه ورجليه طالعات فاضح اكثر من ما ساتر فليت شعري كله وشسورته وگويته وحطيت كُخل ومسكاره وباوعت لروحي ودزيت بوسه لنفسي شنو هل جمال؟ شنو هل طول؟ شنو هل عيووون التسحررر؟ شنو هل الحمره؟ شنو هل ذووق الراااقي؟
فتحت القفل وطلعت ومتأكده شاهين ما نام هو أصلا ما ينام بدوني حتى إذا انزل جوه يبقى منتضرني إلى ان أجي واتوسط احضااانه ياله يگُدز يغفى
باوعتله لسه نفس نومته رحت لـَ التلفزيون وطلعت أغنيه ركص وردح وهلا وهلا وطلعت أغنيه " بويه الهجع" رغم اني لا يم الهجع ولا اعرف شنو أصلا بس الاغنيه عجبتني مال ركص
اول طلعتها نصيتها علمود تبقى بس بغرفتنا زفر نفس شاهين وصاح بدون ميباوعلي
شاهين - انهـبلتي؟
هـيام - اريد اركص
شاهين - شنهو انـ..
قاطع گلمته اول ما رفع راسه وباوعلي لحظه هذه صفن لو سرح؟ هيهيهااااهيييييي طبعا يصفن غير طالعه تصفنين المايصفـن دنجبي هو هذه هم حجي كعدت أرزل بروحي وما هـتميت وطبعا جانت عندي طاقه سلبيه وبلشت بـَالركص ما مهـتمه لعيونه الترگُض وراي بلشت برگُض ما خليت رگصه تعبت عليه لا هز جتف ولا هز خصر ولا أشياء ثانيه احممم.
تعبت كلشَ وبعد مابيه حيل وگـفت بمگُاني آباوع على شاهين
عيونه حتى ما ترمش وتركض ركض وراي رافع تك حاجب
بلحظه سريعه كام وصار كدامي
شاهين - النبض
- عيونها المايشوفون غيرك
- الله ، تا ما تكولين شوي على گلب هذه المسكين
- هسه مو زين فوگ مدا ارگصلك؟
- لااه لااه زين زينات
حجاهـا وسحبني من خصري يقرّبني اله ويلتهـمني بنضراته رگز عيونه بعيوني
- هـيمان بعيونچ وسبع الگنطره
هـيام - وسبـع الگنطره هيامك هيمانه بيك كلك
قرب راسه يقبلني ويحاوط خصري يأخذني لعالم بس اني وهو بيَ محد غيرنا نعيش هـمساتنا ولمساتنا وحدنا بضحك وشقه وفرفشه ودلعي وعصبيه التبرد بس اباوع بعيونه اي نعم نقطه ضعععفه عيوني يعشقهننن عشق غريب يموووت عليهننن وهل شي طبعا من صالحي
قريت راسي من راسه اباوع بوجهه واتمعـن بخلق الخالق
شاهين - چؤ تا لا تدحگيلي هج
- ليش؟
شاهين - خضار عيونج يخضـر صحراء كلبي
ما فهمت شنو القصد ولا اهتميت بـَ الجمله جنت سرحاااانه
بـَ جماله كل شويه اكول معقوله هذه اليشك شك رجلي؟
أثار الحمل هاي عيوني
- شاهين
- عيونو
- شاهين
- كلبو
- شاهين
- راحتـو
- شاهين
- قوتو
- شاهين
- عمرو
- شاهين
- جلاوينـو
- شاهين
- نبضـو
- اي نعم هاي المطلوبه
ضحك بصوت عالي يدري بيه احب هل كلمه ويخبث يكول الگُل وميگولها بـَ الأخير تعب وكالها ضحكت ويا علواهـس
- احبك شاهينو
- اليوم المشاعر چياشه
- مو صوچك!
- جؤ دحكـي إلا زعل النبض
- وإذا زعلت؟
- اموت
- اييييييييباه
ضحك بصوت عالي واني طنگرت فوك ما أتغزل واضحك ويا انوب معاچبه والله يا الله
هـيام - صدك لو كالت أمك الزلم ميملي عينهم غير التراب
رفع عينه خزرنـي وأني بسرعه حجيت
- اني معععليييية اممممك امممك كالت ونبي اني كتلها يااا خاله ابنج اموت عليَ لتحجين عليَ بس هي ضلت تحجي عليك اني معلييييية
- مصدگچ
وطبعا ممصدگني اهم شي ميعصب اليوم شكو ويا الچفصات هيااام وتالي إلا تنگتلين شنووو نعم منو يكتلنـييييي!!! طبعا هاي اني وشخصياتي دنتعارگ نقاش عائلي داخلي حاد جدا قاطع صوت عائلتي اءءء شخصياتي صوت شاهينو وهو يكول
شاهين - تا ترديني اموت؟
هـيام - ياااا ونبي ما قصدتها شاهين ليش هيج تحجي؟ انـي وين اكدر أعيش بدونك حتى أريدك تموت؟ والله ماكدر أعيش بدونك احبك كومه والله حيل احبك أصلا أتمنى اموت قبلك
بسرعه بچيت ما تحملت كأن هذيج الطفله الگللتلها إنها راح اموت وبچت هسه شاهينو كالي راح اموت وهم رجعت بچت لان فعلا شفت بيَ كل العائله والحنيه والحب والاهتمام اعشقه بمعنى الكلمه وأموت بيَ هم جر راسي لحضنه يمسد عليَ ويعتذر لان بچاني مسحت دموعي وهـمست بدلع
- ترا هاي مو اني دابچي
شاهين - لا اني
- شنو دتستهزء؟؟ ترا مو اني هاي بنتك هرموناتها عاليييه
- فديتها
- شنوووو يمممه شنوووو؟؟؟
- احم
- فديت بنتك مو؟ بعد واني بعد متحبني؟ وين اروح ماعندي اب!
عبس شفته فورا وفرگ وجهه بعصبيه بوس خدودي ودفن راسه بشعري يهـمس
شاهين - تا لو تصير بنوات الدنيا كلها هين محد تجي بمعزتچ ولچ انتِ النبض المايعيش بدونو شاهين انـا ميت عليچ هـيام انـا هيمان بعيونج وميت بطاريچ ولهـانچ وعاشگچ وهـاويچ
ابتسمت وضميت وجهي بصدره حجيت ببلاهه
هـيام - خشمك حلو
- خشمچ احلى
هـيام - عيونك حلوات
- عيونچ واراتني ور وخدر العلويه
هـيام - حلكك هم حلو
ضحك وعض شفته يغمزلي لحظه هـيام تخبلتييييي! شدتحححجين
شاهين - شفايفچ مدوهـناتني تا اگلهـن
ضحكنا وبقينا على هذه الوضع نسولف نضحك ونشاقه اجفص ويعبرلـي إلى ان نمت ..فجأه حسيت بشاهين يگُعدني فتحت عيوني بـَ الكوه اباوع
عگُدت حاجبي من شفت شاهين مبدل وبأيده تلفون
شاهين - طالع انا حبيبي
- وين؟
- من اچي اگلچ ، ارجعي نامي
ما كلت لا رجعت راسي ونمت مطفيييه وره فتره طويلللله من النووم گعدت
باوعتً على شاهين ماكو لحظه لسه ما رجع؟ هو شوكت طلع؟ امداج شكد فاهيه متيههه رجلج! لحظه خاف ديخوووني! يبوووو
بدلت ملابسي وتوجهت لغرفه زمرد اشكيلهننن اول ما وصلت درعمت عليهن بدون احم ودستور ضحكت بصوت عالي من شفت زمرد دتبدل بسرعه راحت على الجربايه تغطي روحها ولمار نايمه العوبه
زمرد - العررررمممه
هـيام - يبووو راح أدير وجهي وبدلي
- عش تا تديرين وجهچ اطلعي
- اياً نعال تطردينيييي؟
- أوف من العرامه
درت وجهي وهي بدلت بسرعه وكفنا يم راس لمار نكعد بيها وهي متقبل تگعد جزعت زمرد وعافتها وطلعت ، بقيت يمها اصيح عليها وهي نايمه
- هايييي شبيج دخلتي باگتأب لان تطلگتي من هذه السبلوووح!
- نعسانه
- تگومين لو اشگج هسه
- يوووو اريد انام
هـيام - تگومين لو ادوس بـ..
ما خلتني أكمل وگُفختني على حلكي وصاحت
- عزااا عيب
- وتااالي تكومين لو ادري بــ.
- عزااا لا يا مستهتررره
- وهسه اني شگُلت انتِ من تزوجتي عمار العار استهـترتي
- لا والله انتِ من تزوجتي ذيـب الغربيه استهـترتي
- اوي فدوه لذيب الغربيه
لمار - دنجبي
ضحكـت عليها المهم كومتها كامت وهي تدردم عليَ
لمار - جنتي قبل بــس غلط لا هسه صايره فشار عززه بعينننج
- وين مفشره؟
لمار - ومنو البارحه فشرت على عمار ؟
- ياا قصدج لان كلت عليَ گ*** هاي مو فشوره
لمار - لعد شنو غزل؟
- لا مدح
- شبيج احجيلي شوصلچ لهل مواصيل
گعدت كدامي وكمشت إيديه تحجي بحزن حقيقي واني اتفاعلت وياها بسرعه
هـيام - لا ما اسولفلج
- ليش!
- ولج إذا سولفت تنقهرين
- ليش شكو ؟ ذيب ما حاضنچ ونايم؟
هـيام - لا حبيبي يحضني كل ليله
- اها طمنتيني لعد شكو؟
هـيام - شاهييين
- شبييي!!!
- ديخووووني!!!!
- شنووووووة!!!!!!!
ثنينا نعيط واحده وثنينا دنمثـل اول ما خلصنا انفچرنا من الضحك
بوجهه بعض واختنگناا
هـيام - تعاي نتصل بيمامه
- ماشي
- ماشي لو كاعد هههههههههههههه
غمتنـي واني سحبت تلفوني اتصل على يمامتـي گامره تچمهـرنا انـي ولمار كدام الكامره منتضرين الخاتون ترد
يمامه - بناااااااااتي
- شوكت تزوجتني وصار عندج بنات؟
يمامه - خاني التعبير ، لحظه لحظه صدك تطلگتي عزا يبو كللللللووووووويش
لمار - شبيچنن بس تهـلهن
- وجع فوك ما فرحانين الج
- ما تقدر النعمه
لمار - رجعت حليمه لعادتها القديمه رجعتن تصفن علية!
يمامه - انجبـي ويلا تعاي يمي
- وييين!
- يمي غير؟
لمار - شنو بيت عمو جاسر صار دار أيتام؟
هـيام - أنجبي البيت بيتچن بس شلون واني ابقى وحدي هنا؟
لمار بغمزه - ليش وذيبووو وين!
يمامه - هو ما باقي شهرين وينفتح التقديم
هـيام - صدددك!
- اي والله
- شمدريچ؟
- حاسبتلـه يوم يوم
- عفيه عفيه
يمامه - لا جديات راح ينفتح
هـيام - جديات لو بيبيات هيهيهااااهي
يمامه - لا عفيه كولي غيرها شنو هل تفاهه
هـيام - غيرها
لمار - اعوووو لا تصيرين ماصخخة كافي
هـيام - حطيلي ملح
يمامه - حلوووه حلوووه حبيتت هههههههه ، لمار اعووو شنو انگلبتي اچلب؟
لمار - استغفرالله
يمامه - Impossible, what is this religion?
هـيام - مو سالها كم يوم يم زمزم صارت متدينننه
يمامه - مع الأسف اني كلت هسه عمار طلعها من الدين
لمار - اووووف
يمامه - حرام الأف
- ليش بله؟؟؟
يمامه - لا تقل أف لوالديك
لمار - قنادري ما تصيرن مو انوب اهلي
هـيام - ما امسحلچ ما امسحلچ اني راح أصير ام!!
يمامه - تمسحليها؟ ليش مو تگُنسيلهـا؟
لمار - اعوووو
يمامه - هاي اليوم شبيها بس تعوعـم
هـيام - يااا ما كتتتتلج!!!
- شكووو
هـيام - لمار صاير بيها داء الكلاب
يمامه - ههههههه حقها إذا عاشرت عمار الكلب مو بس يصير بيها داء الكلاب يصير بيها داء الزمايل
لمار - استغفرالله
يمامه - I can't believe what my ears are seeing what this religion is!
- اليوم بس ترطنين انگليزي
يمامه - اشتاقيت لأصلي
- ترا اصلنا عراق
يمامه - اني ماعرف اصلي شنو
- لو ما اصلچ عراق ما ذبوچ بميتم عراقي
يمامه - ممكن علمود ما يثيرون الشبهـات وادور عليهم بتركيا
- مستحيل تلگيهم اساساً
- هو منو مدور عليهن عساهـم بجهنم الحمراء
لمار - حرام!
يمامه - حرام مو؟ اي صح الحرام عليه! مو حرام من ذبو طفله يم زباله ميتم مو حرام من خلوها وحدها بنص اليل وطلعت رسل شافتني واخذتني؟ مو حرام من خلوني بدون اصل؟ مو حرام من حرموني شوفتهم؟ مو حرام من تخلو عن بنتهم من لحمهم ودمهم؟ انتِ شتحجين؟ لو أگُل لحمهـم واشرب دمهـم ما يبرد گُلبي!!
حجتها وسدت التلفون بوجهنا بقيت باهته بمگُاني انداريت على لمار شفتها تبچي بسكوت
هـيام - ليش هيج تحجين وياها؟
لمار - والله مو قصدي انـ
شهگُت بغصتها وما كملت كلامها تأخذ نفس بلگُوه حضنتهـا وهي شددت حضنتها عليَ تبچي وتحجي
لمار - والله مو قصدي بـس اخاف عليها من الحرام هذه قصدي ما أريدها يصير حرام عليها والله
- ليش هم أهلها هم عليهم حرام؟ هذوله حيونات لو نسيتي؟
لمار - ما نسيت ما نسيت
هـيام - ما عدنا عوائل غير بعض احنه عائله واحده وبس! من يمته نجيب طاري الاهـل؟
لمار - ماعيدها ونبي ماعيدها
شهكت تبجي وتتصل على يمامه يمامه نفسيتها تعبانه زهـراء سقطت بنتها مع الأسف خسارتها جبيررره حيل هم بنتها وهم اختها! يمامه جانت وياها بالمستشفى والبارحه رجعو الوضع مو زين يمهم وزهراء منهاره كلشَ وما تكدر تتخطئ ومحد يلومها اساساً.
فتحت يمامه الاتصال ولمار تبجي
يمامه - كافي ام دميعه شحجينهه وياج هسه احنه
- اسفه ونبي اسفه
حجاهـا تبجي وتشهك اي نعم هاي لمورتنـي تبچي على كلشي حبيبتنا الصغييييره الله يأخذك عمااار
گُعدت تراضي بيها لمار وهي اساسا ما زعلت بس انهـضمت تراضن عفتهـن يحجن ونزلت جوه بالي ويا شاهين وينه؟ بينا دافگُر بي دخل رفعت عيوني اباوعله ابتسم اول ما لمحنـي رفعت تك حاجب ونترت بيً
- اللحگني للغرفه
حجيتهـا ودرت وجهي اصعد الدراچ بخطوات سريعه عود اني شخصيه وكذا اي لعد شنو اريد اعرف وين جان عشتووو دخلت الغرفه وهو دخل وراي سد الباب وباوعلي رفعت حاجب وتخصرت گدامـه
- وين چنت؟؟
- احم شغل
هـيام - شغل عفتني نايمه ورحت؟
- گُعدتچ
- بس ما كتلي وين رحت؟ وين رحت؟
- شغل
- شنو الشغل ؟
- تغار النبض؟
- أفففف شاهين ألف مره كتلك مو بس أغار اشتعععل
- لاهه لاهه چؤ چؤ عش يولي؟
- لانو انتَ زوجي وأبو طفلي وحبيبي وعمري وحياتي واريدك بس ألي!
- عچل هو أنا لمنهـو؟
- وين جنت؟ بـس لا جنت يم رنين؟
- رنين!! عش رنين؟
- حبيبي شنو انتَ ما شفت نضراتها ما شفت كلامها ما شفتهها كلههها؟ ترا واضح تحبك
- عش مشتعله هچ؟
- بس لا تردين تتزوجهـا ؟
- لآه يولي عجل اكو زلمه يترگ الكمر ويروح للنچم؟
- تريد تزوج ؟
- اتزوچ رنين؟
- تزوچ رنين لو مفراس؟
انهار بضحك رغم السالفه ما اضحك واني تفاهه زايده من عندي بس هو طبعا مستريييح والموضوع يمه كلشششَ نايس وحلو ومستانـس على الوضع ومستقتـل يحرك دمي ويشوفني مشتعله يعجبه هل شي حطيت ايدي على بطني واني أمثل القهر
هـيام - حرام عليك تحرك دمي هيج ترا حامل تطلع بابنـك!
كتم ضحگته وباوعلي لازم ضحگته وعاض على شفته كام من مگانه وكعـد بصفي جرني من خصري يگعدني بين رجليه ويبوس بخدودي
شاهين - عش محترگـه؟ أنا ابدلچ يولي مهبول أنا عايش عمري لخاطر ادحـك ضحكتچ أنا عايش لخاطر صوتج وعايش لخاطر عيونج عاشگچ وخدر العلويه وأبو راس الحار عيوني اشلعهـم من جدرهـم إذا يدحگَون لغيرچ
رفعت راسي وطبعت بوسات على وجهه متفرقه رخت قبضه ايده الي على خصري وساح ضحكت وگمت من حضنه اضحك فتح عيونه يباوعلي عض شفته بهـمس بحرگُه
- هـتره تا اگضبچ اشلع شفافچ
Why this violence?-
- احبچ يمصگوعه
- هاي شنو ليش دائما اعترافاتـك بوقت خطئ؟ وبدون تمهـيدات؟
- احبچ وأبو راس الحار
شگُل على احبج ضحكت وادري بمعنى انتِ هم كوليلي احبك لان صار بيَ نقص حنان ههههه
- اني هم احبك اموت عليييييك حبيبييييي كلبي عمريييي ابو بيتتتتي ابو جهااالي قره عينيييي
صفن بوجهي وطكهـا ضحكه جرني من أيديه يبوسهـم ويهـمس مكزكز
- مملوحُة مملوحُه ميت بيچ النـبض
- قصدك دمي بي ملح؟
- اي
- شوف اني شلون ذكيه
- اي
- حتى طلعت معدل عالي هگُرت السادس
- اي
- اني احبك
- اي
- وجععي
طلعت من عندي لا إرادي شهگُت ورفعت راسي اباوعله صافن عليَ ما مستوعب شحجيـت ضربت حلگي بخفه أصابعي اهـمس
- ونبي مو قصدي والله عبالي يمامه نسيت ونبي نسيت والله اسفه اني لساني فالت صاير حـ..
قاطع كلامي من نزل نفسه يبوس شفتي بقيلات خفيفه انفاسه على وجهي وخشمه يمشي على خدي ويطبع بوساته بشگُل خفيف سند گصته على گصتـي محاوط خصري بتملـك وأنفاسه تضرب بوجهي ونبض كلبه يوصلني
شاهين - شفافچ نخلقن ينباسـن تا مايصير ينضربـن يالنبـض
بلعت ريك متووتتتتر ه وگأن اول مره يتقرب مني بس هل مره المشاعر جياشه منه ومني حاوطت رگبته وطبعت بوسه على عيونه ثنينهن واحجي البگلبي
- احب عيونك هـواي احب كلشي بيك كلامك ، غزلك ، ضحكتك ، غيرتك ، خشمك ، شفايفـك ، شخصيتك ، سمارك ، شعرك ، إيديك ، عضلاتك ، دلعك الي ، روحك الحلوه ، وآخر شي اعشق انك تدري اني اچفص وما تزعل ، وتحبني هواااي وأعشق حبك الي هسه عرفت شكد احبك؟
حسيته طار طيران من كلامي بس هذه توقع! لان فعلا شالنـي بأيديه يفرني ويضحگني وگالعاده يهمس " اضحكي ضحكاتچ طرب لكلب شاهين "
گعدنـا عاقلين بعد ما كلبنا الغرفه كلاب من الضحك والرفس والعرگ والضحك توسطت احضانه متناسيـن كلشي بهـل دنيا
هـيام - بيمنن تفكر؟
- بعيونچ
ضحكـت أغطي وجهي ما توقعت هل جواب هو الواحد مره يچيب الخجل أروحه دسگتي!
مر اليوم طبيعي يخبل إلى ان صار العصر انگـلب كلشي علينا ..
نزلت من الغرفه امشي بهدوء شاهين نايم لان تعبان ما نايم هـواي وطالع من الفجر ولمار نايمه ونزلنا اني وزمرد جوه نسولف ونضحك اول ما وصلنا الصاله اتفاجأت بوجود نسوان جوه
هـيام بهمس - منو هذوله؟
حجت مرتبگُه
زمرد - مرتو لحـر وامو واختو وخالتو وعمتو
هـيام - وعشيرتـو شعجب ما جايين؟
غمتني وكالت - هيري تا نروح نحضر ضيافه
no no I am pregnant-
- اهو
همستها وراحت لان زمزم متعرف انگليزي وأحنه نرطن برأسها لان فعلا اشتاقيت لتركيااا حيل حيل بس طبعا مو كد السعاده العايشتها حاليا عفتها ودخلت لصاله كامت النسوان تسلم عليً طبعا ما احجيلگم نفشت روحي لان حسيت روحي فدشي مهم المهم سلمت عليهن وگُعدنا همست واحده
- منهو هاي الحليوه؟
- ياع هاي حرمة الذيب
- ياع تا كلت أخذها لابني هل حلوه ما تتفوت لگطه
- اي عجل ذيب غشيم؟
- ياة ما شاءلله فدوه لهل وجيهه الحلو يمه يستاهل ذيب هيج حرمه فدوه لهل عيون الخضره هاي تعاي احبچ
جرتنـي وباستنـي بقيت صافنه اتبوسـم حجو بواضيع مختلفه الموضوع طبيعي مرت حر تبتسملـي ابتسمت بلگُوه مدري شلون تباوع توقعتها زياره عاديه إلى ان حجت المره ام حر الصدمه الصدمتنـا كلنا وبقينا صافنين
- اي يام شاهين خلنا ندخل بالمفيـد أنا جايه على سنه الله ورسولو اخطب زمرده لـَ حر وهو ابنگم ماكو داعي نحجيلگم باخلاقـًو ومالو ...
يتبع...
- يتبع الفصل التالي اضغط على ( رواية ذيب الغربية) اسم الرواية