رواية ذيب الغربية الفصل الثالث و الثلاثون 33 - بقلم طيبة وليد
Part 33
بـسم الله الرحمان الرحــيم
$ ذيـب الغربيه
" لا تنسون التصويت والتعليق بين الفقرات + متابعه لحسابـي لطفآ "
""""
_شهل صدمه الجبير الماكدرناها_
_نفز نلكاك ميت ما حسبناها_
_الوسفه ويا الحسافه وجلمة الياحيف_
_ليوم عليك بين صدك معناها_
"""""
" لمار "
كلـبي فز والصمت عم بـَ المكان على المنظر اليقشعـر البدن
الگدامنـا ازل مدمايــه گدامنـة چثــُه هـُامده متچرده من
المشاعر والاحاسيس روحهـا فارقت الحـيَاه من فارقت
روح محبوبــَها الحــياَه وهـسه صارت " مرحومـه "
السچينه برگبتهـا مدفونــه تنزف نزيف غزيـر
چثـه هـامده عيونهـا مغلقـهَ وايديهـا منثوره
على الأرض مختلطه بدمهـــاَ
مستحيل هـذاك المنظر يطلع من راسي بيوم
من الأيام لا منظر چثـه مؤمن ولا منظر جثه
ازل "
صرخت ام ازل بالمگان رنـتَ وعمار ركض
يشيلها يطلعهـا ابوها كعد على التخـم
لازم گلبه التمـو الناس على صريخ
ام ازل وام مؤمن وحوراء وهدى وجواهـر
رغم كلهن ما يحبنهـا بس صريخ
من المنظر! لو صريخ كذاب؟'
عقلي ما تحمل گميه الأحداث الصارت لا موت ازل ولا
موت مؤمن ولا فاتحه مؤمن ولا الضرب ولا
عمار " الطاغـــــوت"
اغمـى عليَ وحاوطنـي السواد من كل الجهـات
...
گعدت بعد مده من الزمن وانـي بغرفتـي على صوت
نحيـب!
يمامـه كاعده يمي تبچي بسكوت عيونها حمر
دم وضعها صعب وأصعب من وضعي
يمامه - ماتتتت!!! ازل ماتتت لماار
" وانتهــــــت قصــــه المحبوبــــــــــين بـَ منتحريـــــــــــن "
جنت متوقعه موتها مستحيل ما تموت
الضربه قويه والسچينه دخلت بنص رقبتها بمگان " النبـض"
بچيت بضعف وحضنت يمامه الـفاحطه بچي
ثنينا حاضنين بعض ونبچي بطريقه مأساويه
تعبانين ذبيت تعب كل هـذيح الايام
والتعب والبچي بحظن يمامتـي
حالتها ما تطمن تبچي بحرگـه وتعبانه
لدرجه مو طبيعيه عگدت حواجبي وسألتهـا
باستغراب
لمار - وين جنتي؟ ليش ما اجيتي بفاتحه مؤمن
يمامه - زهـراء جابت
- جنتي وياها؟
يمامه - اي ماتت الطفله لان نولدت قبل موعدهـا
رجعنا نبجي اكثر من الأول بسبب المأساة اللي نعيشها الكـُل فوق بعض
ماتو " مؤمن ازل وبنت زهـراء " حجيت ببچي
لمار - زهراء شلونها؟
- بالضيم حالها
رجعنا نبچي نحاول نسكت ونستوعب الي يصير بس ما كدرنا لا اني ولا يمامه مستوعبين موت ازل!!! ماتت خلص وما موجوده بينا بعد!
يمامه - ماجاي اصدك شنو ماتت شنو مؤمن مات وحرك روحه!! من سمعت ما استوعبت قبل يوم خايرتني فرحانه كالتلـي عمار كال راح أزفج
فرحانه راح تزوج محبوبها وحبيب روحها شصار!!!
تحجي منهـاره وما مستوعبه لابسه اسود وجها احمر دم عيونها حمر
وجون عيونها صاير اسود من قله النوم وأيديها ترچف وكأن ازل جانت صديقتها من الطفوله او اختها او إنسانه قريبه عليها لها درجه !
متأثرين بموت ازل لدرجه مو طبيعيه لدرجه رجع انغمى
عليَ وما كعدت غير ثاني يوم بوقت طلعت جنازه ازل
من البيت وما شفتها ولا ودعتها مرت ايامً الفاتحه مثل
السم يجـري بالدم بگُل بطئ محد بينا مستوعب
بيـن البجـي والنحـيب والاألم واللوم سمعت ام مؤمن وهي تحجي
ام مؤمن - خليها تروح يم محبوبها كلبي بگُد ما محروك بگُد ما مرتاح ما بقت يمگم
جاوبتها ام ازل بـبچي
ام ازل - شمسويلهاااا احنه شمسووووين كل هاذاااا لان زوجناهـااا ما ردنلاهـاا غيرررر الخير
ام مؤمن - الخـير مالتگُم اخذ ابنــي وبتكُــــم
رجعت ام ازل تبجي وتصيح وتتنحب ولا كأن هذيج
الگالت لازل ياريت ما چبتج وجواهر!!!
جواهر الي كتلت ازل ونحشتهـم وحتى بفاتحه
مؤمن ما رف كلبها على اختها هسه تبچي!
حوراء وهدى! يبچچن!
ما شفت ولا واحد من الزلم ولا شفت عمار ولا كل واحد
تعبت وهـلگُت عيوني من البچي ويمامه ما فارگتني
وحالها أسوء من حالي رفعت عيوني عليها احجي
لمار - هـيام وين ليش ما اجت!
يمامه - مو زينه حالها تعبان
فزيت بسرعه وعدلت كعدتي
لمار - شبيها ليش مو زينه امشي تروحيلها ؟
يمامه - لا انـي رحتلها حالتهـا مو زينه من شافت جثه مؤمن معدتها تكلب ومصخنه ومتخربطه شاهين مگُابلها وكاعد عيب نروح
سكتت نارر تسهر بگُلبي كمت أتجددت وصليت
وكعدت اقره قرأن وهـديته الهم وسويت 100 استغفار
وهم هديته الهم من ناحيه جنت اعرف ازل
ما راح تعيش بدون مؤمن واضح يا امـا تموت يا امـا تتخبل!
وهي اختارت الخيار الأول ..
شكد بچينا وشكد لطمنا وشكد تعبنا
ما اكدر حتى اشرح تعبنا تعب بس الله يدري بيَ
من فراكهـا وسوالفهـا الگُل يبچي
مرت ايامً الفاتحه وخلص أسبوع كامل
محد اجه من الولد ابد!
امها حالها تعبان حيل ومصخنه وضغطها مرتفع
واني اعتنـي بيها
زهـراء بالمستشفى حالها تعباااان لدرجه مو طبيعيه
يمامه راحت لزهراء لان احتاچتها
جواهر رجعت لبيتها بعد ما هـجمت بيتنا
وحوراء وهدى كلمن اعتزلت بغرفتها
ام مؤمن أربعه وعشرين ساعه تصلي وتناچـي
رب العالمين يغفـر لازل ولـَ مؤمن
زفرت أنفاسي بهـدوء وصبيت شوربه بطاسـه
وحطيت خبز وخاشوگه وتوجهـت لغرفه ام عمار
فتحت الباب بهدوء شفتها كاعده تبچي وتونون
حطيت الصينيه بحضني وكعدت كدامها احجي وياها
لمار - تعاي خاله اگلي شويه
- ماريد يمه
حجتها وبچت تنهـدت وكومتهـا عدلت كعدتهـا
وهي تبچي احاول اهـديها واصبرهـا
بس ما سكتت
لمار - اگُلي الله يخليج عندچ علاجات لازم تاخذيهـم
مايصير هيج حرام الداتسوي
قربت الخاشوگـه لحلكهـا اشربهـا شوي
شوي لحد ما خلصت مسحـت حلكهـا بـَ كلنـس
وشلت الصينيه غسلت المواعين واخذت مي
واخذت علاجاتها ورحت شربتلهـا الها
قست درجه حرارتهـا ما مرتفعه
غطيتهـا زين وطلعت من الغرفه
كعدت بـَ الصاله صافنـه على الوضع
كلشي صار مثل الحلم روحي منهـلگُه قبل جسمي
شلون أطيق عمار!
ازل ماتت ومؤمن مات وخلصت قصتهـم!
نفضت الافگُار من راسي واخذت ملابس
ودخلت اسبح طلعت من الحمام نشفت شعري
ولبست حجاب ودگيت الباب على غرفه نبأ
طلعت نبآ عيونها منفخـه من البجي وبلگوه تمشي
تعبانه كللشَ باوعتلها بقلق وحجيت
لمار - بيج شي؟ من الصبح لسه ما نزلتي ولا أكلتي شي اجيبلج أكل؟
نبأ - يا الله شكد حنينه تفتريـن وتعتنيـن بينا وانتِ اكثر واحده محتاجه عنايه!
ابتسمتها وهي تقربت تحضني
ابتعدت عني تباوع بعيوني وحجت
نبأ - خلصي. روحج من عمار لمار
عمار - لا ما مرچيه منج شنو تخلص روحها مني!
فزينـا اثنينا واندارينـا على صوت عمار المستتهزئ
بـَ نبأ ونبأ انبلگ وجها لبـك واصفرّت
رمقتـي بنضره ورمق نبأ بنضره استهـزاء
شكُله متغير سمران وكبران شعره مگُفش
وملابسـه متربه وتعبانه لحيتـَه طويله
حيل وشگُله صاير يخوف اكثر من قبل
عمار - وهـسه ادعبلي من يم مرتي ولا تضليت تعبين براسها جان نصحتـي روحج مو رائد متزوج عليج بـَ السر!
شهـگُت نبأ بصوت عالي ولطمت على وجها
وصاحت - شنوووووووو
ضحك عمار مستهـزئ ونبأ فرفحت روحها
نزلت من الدرچ تدك وتلطم وتصيح
ردت انزل وراهـا ما حسيت غير جرنـي من ايدي
ودخلنـي للغرفه
واگُف كدامـي ونضراته تفترسنـي قبل
كلامـه كرهـت روحي وگُرهت كلشي بيَ
كل ما اباوع بـَ تفاصيل وجهه أتذكر ازل وشكد أذاهم!
تقرب يحاوط خصري ويهـمس بأذني
عمار - لا يضحگون عليج بگُلامهـم! انتِ مـلكَ لعمـار وبَــــس!
لمار - مو ملـك لاحد انـي
بعد راسه عني يباوع بعيونـي مستغرب منـي!
رفع حاجب مستهـزئ وضحك قوه ضغطته على خصري
عمار - طالع لسانــجَ!
لمار - ما يوجعـك كلبك على أختك وانتَ السبب بوفاتهـا ؟
عمار - الدنيا ما توكف على احد بس توكف عليچ.
ضحك وانـي اتقززت من روحي تعبت
قرب راسه مني يهـمس
عمار - احبج حيل اني لمار ملگُي ولعباتـي الحلوه
- لعباتـك ما تحبـك!
رفعت انضاري اباوع لعيونـه الي اصبغت بلون الأحمر!
رفع إيديه يعصر عيونه فتح عيونه وخزرنـي
بقووه وجهي اصفر ورجليه حسيتهم نملت من الخوف
عمار - غصبأ عليج تحبيني لماااااار لا تخبلينننني عليج بهـل ليييييل!
- اي اي وخر إيدك
حسيت اصابيعه وصلن لعظم إيديه بچيت بسرعه
من الخوف ولاألم هـد ايدي وراح لـَ الحمام يحجي
عمار - نسوان تسـم البدن رچلج سالج سبوع ما شايفته هيج تتلگيه روحي شوفي النسوان ميته على زلمها شبيج انتِ يحظي!
دخل لـَ الحمام حضنت نفسي ابچـي
بدون صوت بس دموعي تنزل حارگه خدي وحارگـه
روحي وياها
تعبت من هاي حياتي إلى متى؟
إلى متى يبقى يقارني بغيري؟
إلى متى يبقى يعيرني اني بدون أهل؟
إلى متى يبقى يضربني باقل كلمه؟
إلى متى يبقى يهيني؟
إلى متى ...
طلعت من الغرفه ارگض ما كدرت اكتم صوت
شهـكاتي واذا بجيت راح يكتلني حتى البجي
محروم عليَ!
رگضت باب المطبخ وكعدت بـ الحديقه ابچـي
واشهـك تعبانه لو ابچـي سنين ما ينخمـد تعبي
حضنت نفسي خاطه بأفكاري التأكل عقلي
وذكرياتي التعيسه حسيت على صوت
احد يمي
رفعت عيوني اباوع بأرجاء المكان ولمحت
ام عمار!
كعدت يمي بدون ما تحجي واضح عليها التعب
باوعتلي وحجت
ام عمار - روحي منا لمار!
لمار - وين اروح؟
ام عمار - ابني تعبان ما يفيدچ انتِ خوش بنيه نهـايتج على ايده
لمار - ليش يسوي هيج بيَه؟
ام عمار - انتِ اول شخص يحبه!
لمار - شنو؟
رفعت راسهـا تباوعلي بنضرات ما عرفت
افسرها ولا عرفت أفسر كلامهـا
استرسلـت بـَ الكلام
ام عمار - بوقت الجان بترگيا حجالي عن واحده تحبه هناك وكال ماعدها احد تفيده باختصار يريد واحده لا عدها اصل ولا فصل وتحيه وانتِ على مرامه لمار إذا بقيتي يمه ما يصير إلا الشر انتِ بحسبه بنتي الضيعتها امي روحج وروحي منا
لمار - ويـ. ويـن اروح!!
حجت بصوت متقطع ونزلت دموعي
هي هاي البدون أهل شتحصل!
لمار - اني بدون أهل منو يستقبلني منو يريدنـي؟!
ام عمار - دبري امرچ لمار إذا تردين ابقي يمه
حجتها ودخلت لـَ داخل البيت مسحت دموعها
ودخلت لـَ البيت امشي وأجـر خطوات الخيبه وراي
وين اروح؟ منو يحتويني؟ هيج سويتي بروحج؟
هيج رخصتي روحج؟ ارتاحيتـي..!
جنت أعاتب نفسي بلؤم واضغط على نفسي
دخلت لـَ الغرفه بعد ما ختمت القرأن يكون نايم
بس فشلت من شفته كاعد كدام الشباك بأيده جگاره
اول ما دخلت إندار عليَ مشط نضراته عليَ كليي
عمار - شحچـت وياچ!
لمار - مـ منو؟
عمار - اووووف اكرررره الغباااااء امممي شحجتتتتت وياااااجج!!
فزيت بسرعه وانداريت بخطوات سريعه
اريد اطلع من الغرفه بــسَ ما حسيت غير
فروه راسي انشلعت من مگانهـا من قوه
قبضه عمار على شعري
جرنـي عليَ بقووه لدرجه شعر راسي تگطع بأيده
ما خلص شعرج لمار؟!
عيونه ترعبنـي كدام عيوني خازرنـي
عطت من ألم راسي قبض ايده الثاني على حلگي
مانعني من الكلام والبچي
عمار - لا يضحكون عليچ بگلامهـم ماكو خلاص من عمار!
" عمـار لـ لمار ولـ لمار لـ عمار " ديربااااالج يضحكووون عليييج مفهووووم؟
هزيت راسي عده مرات ابجي هـد فروه راسي
اول ما هـدها وكعت بـَ الأرض لزمت شعري
امسد عليَ وابحي بدون صوت نزل عمار لـ يمي
عمار - توجعج؟ اسف اني
حجاهـا وتقرب يبوسني دفعته عني متقززه ماريده
بسرعه انداريت وگمت من مكاني
بس ما لحكت من جرنـي من إيديه ثنينهـم يخليهم وره ضهري
وأيده تلتف حول رگبتي
باسنـي بقوه تقززت ولعبت نفسي اول ما
ابتعد عني نزلت لـَ الأرض واتقيئت
كلشي ماگلته
عمار - تلعععععب نفسسسسج منننننيييييي موووووو؟؟؟؟؟؟
حجاهـا وجرني لـَ الحربايه بـَ كل قباحه افعـال
يششكـك ملابسي ويجردنـي من ملابـسي ومن روحي
بـَ اقبح الافعـال واقبـح الأقوال
اول ما ابتعد عني جر الحزام يضربني بيَ
بكُل قوته روحي طلعت من لألم والصياح
وگُالعاده گأن محد بـَ البيت موجود!
بعد ما تعب من الضرب وخلانـي چثـه هـامده
مليانـه اثـار ضرب ودم ..!
أغمى عليَ بمگاني
فزيت وتحرگت بألم بدون صوت جسمي نار تسعر بيَ
من ألألم انداريت اباوع لعمار نايم...
اخذت ملابس لبستهـم وطلعت من الغرفه
لفيت الحجاب شلون مچان وطلعت من البيت
امشي بـَ الشارع لـَ بدايه الشارع وأخط خطواتـي بتعـب
وكأن شايلـه هـموم الدنيا علــَى اگتافـي
لمار - لمار رب العالمـين وياچ هو يهـونها عليج!
رددت على گُلمات اطمـن نفسي بيهم وصلت كدام بيت
شاهين رفعت راسي لـَ السماء راح تنشـق السماء وتنـور الشمس الأرض هـل من المعقول راح تنور حياتـي بعد هل ليلـه؟
الدنيـا الفجر وهستوهـا تطلع الشمس
رفعت إيديه ودعيت من كل كلبي يمر على خير والله يكون وياي ويهـونها
دگيت الچرس والباب فتح ألي الباب المزارع
الموچود دخلت لـَ البيت خايفه متوتره متراجعه متخوفه
ماعندي غير هل حل ينقذني!
دخلت لـَ البيت وصارت بوجهـي ام شاهين
تصلي وزمرد هم تصليَ
صارت عيون ام شاهـين عليَ مستغربه جيتي بهل وقت
طبعا جايتهـم من الفجر شنو أكون جايبلهـم غير المصايب؟
كملت صلاتها هي وزمرد واني واكفه بمگُاني
ما تحركت ولا كعدت متحنطـه
ابتسمتلـي بحنان وحجت
ام شاهين - هلا يمه بهـل چيه تعاي فوتي اكُعدي
ابتسمت بـَ توتر وكعدت ما تسأئلت شعندي جايه لها وقت
سألتنـي عن حالي وشلوني وطبعا جذبت وكلت زينه
ام شاهين - خيـر يمه صاير شي وياچ؟
نزلت راسي ونزلت دموعي
لمار - اريد شاهين احجي ويا
باوعتلـي بحنان واقتربت تحضنـي وزمرد
مسدت على كتفي بحنان وراحت لشاهين تگُعده
ام شاهين - زمزم ديربالچ لا تكعد الهـتره
زمرد - زمزم!! يمـة!
ضحكت ام شاهين وزمرد تمثل عصبيه
وهي كاتمه الضحكه ابتسمت وصعدت
حاولت تحجي وياي ام شاهين وما حجيت
مرت دقائق ونزلت زمرد كالت جاي
وراهـا بشويه نزل شاهين باوعلي وسلم بـَ كل أخلاق
وأدب
كعدت مرتبـگُه وراسي مصدع وروحي احسها
تطلع
لمار - محتاچتك شاهين
شاهين - عـد عيناچ
بچيت واسترسلت بـَ الكلام بـلا وعي مني
وگأن بس جنت محتاجه احد يسألنـي يا بنت الناس محتاجه شي؟
وگأن بس جنت محتاجه اي شخص يسئل عني!
لمار - تعبت شاهين والله تعبت ما طلعت حياه هاي خل يخافون الله بيَ يتيمه انـي حوبه اليتيم تگسر الضهر قبل موت ازل كتل ازل عمار وضربني وياها وكُل يوميه هو يكلتنـي الحزام يگُطعه عليَ! شعري گطعه تگُطع تدري كصه بـَ السچين؟ يتعامل وياي كأن حيوان مو بنيه وبشر! بـَ كل فرصه يضربني مدام الگل يهـيني حتى من گاللگم اخذتها لأيران جذب والله جذب أخذني للبيت فارغ وما خله شي ما سوا بيَ تعبت يا إسلام يا ناس اليتيم هيج يصير بيَ؟ مو وصيـه الرسول احنـه؟ مو بنـات علي احنه؟ تدري شسوه ييَ؟ خلاني بدون أكل وبدون نوم ربط أيديه ورجليه بگرسي وعذبنـي حرك رچليه بماي حار! كطع الحزام عليَ خلاني بدون أكل وبدون مي من الجوع الحسيت بيَ أكلت سمج نيئ!!! تعرف شنو معناه لو ما تعرف؟ حتى بـَ الشفـره دچنـي!!!
احجي وابچي واشهـك تعبت وعانيت واجه الوقت
الأحجي. بيَ وشيصير خل يصير
لاحظت تغير شاهين انگُلب من شاهين اللطيف لـَ شاهين
ثاني مختلف إيديه رچفت من العصبيه وشرايين گُصتـه ببنت
زمرد كامت تبجي وام شاهين تباوعلي بقهر وتمسـد على أكتافي
شاهين - وحـكُ أبـو راس الحار اليـوَم اطرهــمُ طــر
حجاهـا بعصبيه وراد يطلع وكفت كدامه
لمار - الله يخليك لا تسووي مشاكل
شاهين - اششششَ انگتمـي ، يمـه صوتگم لا تگعد النبض
حجاهـا وطلع من البيت بسرعه البرق
باوعتً على ام شاهين
ابجي
لمار - خاله راح يتعارك حااجي
ام شاهين - يمـه انـا مخلفه ذيـب تا ترديني اخاف عليَ؟ يولي ذيـب الغربيه ما ينگحم
زمرد - هيري تا نصعد لهيامـه
هزت راسي غسلت وجهي ورحنه اني
وزمرد نصعد لغرفتها كل هذه البجي
والحجي وما كعدت الخاتون
دكينا الباب ما فتحتها
باوعتً على زمرد تدك بـَ الباب هزيت ايدي وفتحتها
دخلت بسرعه شفت هـيام هستوها تكعد
لمار - شلون نضل نتنانـي ست هـيام تكعد
زمرد - تا ميصير ندخل.
- هي وحدها
زمرد - اي يجوز تـا تبدل يجوز شي بغرفتهم عيب
هـيام - دنجبي كافي هيج تتلگُين الخطار امداچ
غمت زمرد واجت حضنتنـي تدخلنـي بين ضلوعها
كان واضح عليها آثار المرض والتعب
بــَس فرحت بچيتي وطارت هم بطنها لسه ما مبينه
ابد من الحنيه الحـسيتها صرت ابجي واشهك
هـيام رادت تضحكني
هـيام - هـاي زمزم ضوجتج مو؟ شتسوين بعد هاي الحموات الحيايـه هاي زمزم لو تحطيها بمي زمزم ما تنضف
زمرد - عزااا أنا شعليييية!
هـيام - غير انتِ ضوجتيهااا
حجتها وابتعدت تمسح خدودي زمرد ضلت تدردم
علينا وإلا شويه وتبجي كعدنـا على التخم الموجود
بغرفتهم باوعتلي هيام باستغراب وحجت
هـيام - شعجب جايه هيج وقت؟
لمار - ما نرحب بيَ؟
هـيام - انجبيييي مرحب بيج بَـ كل وقت وزمان ومگُان بش غير نعرف شصاير!
باوعتلها وبلعت ريك هيَ كلها راح تدري خلي يدرون
مو مهم بدون ماحجي شي وگُفت على المرايـا انزع تيشيرتـي
نزعته ونداريت على صوت شهـكُه.زمرد باوعتً بعيون
هـيام المتشحـضه على آثار الضرب والحمار وأثار
دچه الشفره ببطنـي واضح
لمار - من بدايه زواجنه لحد هذه اليوم انـي ولا يوم ما انگُتلت بأيده ولا يوم ضحكت وفرحت اول يوم عرسنا ضربني! تعرفين من گاللُكم بأيران جذب عليگُم أخذني ببيت بمگُان مهچـور وعذبني عذاب الكافـر يشفق على حالي ربطني حرگ رجليه كطع الحزام علية جوعني عطشنـي موتي موت على البطيئ گُـ گـُل يـ يـوم يغصتبنـي غصب عني!
حجيتهن دفعه واحده ابجي وزمرد تشهك وياي
هـيام عيونها صارت حمر ونزلت دموعها
هـيام - كل هذه صاير وياج وما تكولين؟
- خفت والله خفت خفت شاهين يوكف ويا عمار وانتِ وياي وتتعارگًُون بسببي والله خفت تصير مشاكل
هـيام - ليش شاهين مو زلمه حتى ما يوگف وياج؟
- مـا مـ اقصد هيج هياام
حجيتهـا وبجيت عضت شفتها بقهر
لمار - والله مـ..
ما كملت كلامي وهي عاطت بحرگـه
هـيام - اششششَ حسچ ماريد اسمععة
عفت كلشي وصفنت ورگُزت حسچ؟
احا هاي صايره انباريـه بحتـأ
ههههه
كافي لمار وكت تفاهه دشوفي الضيم
الانتـي ييَ شوفي هيام شلون محروك كلبها؟
رجعت غيّمت وگُمت ابجي بسگُوت
هـيام. ليششش ليش تبچينننن شبييجج!
زمرد - هومـه
باوعتلهـا هيام وزمرد جرت هـيام اخذتها لـَ الحمام
غسلتلهـا وجها ونشفته وكعدتهـا على الحربايه وغطتها
واضح على زمرد تحب هـيام كلشَ وهيام هم تحبها
مرت فتره طويله بـَ قرب الـ خمس ساعات
وماكو اي خبر ماكدرت أسيطر اكثر واغمى علية
لان بدون نوم واكل تعبت
گُعدت بعد فتره طويله كلـشَ باوعت
لكيت هـيام وزمرد وام شاهين يمي
لمار. - شكو شصار!
باوعتلي هيام وحجت بـَ تشفي
هـيام - شاهـين ضارب عمار مگسره تگـسر كاسـر فگـه واصابع أيديه ثنين وحارك ايده من الطول لـ الطول وگاله " هـاي ايدك الحركتها بيها اليوم انـي احركها " طبعا اني داترجملـج اي وبعد مزوگ عيونه وخدوده ومطلعين عمار العار مدمـي من أيدين شاهيينـي ااسبـــع فدوه لخـاله ام شاهين على هيج خلفـه تخبل شو تعاي ابوسـج
ومن كل وعقلها راحت تبوس ام شاهين
وام شاهين تدفع بيها وتصيح عليها
ام شاهين - ياااع ياااع مصگوعه يملفوگه تا تروحين تحبين زلمتج
ضحكـت هـيام وزمرد وام شاهين ولا واحد بيهم ضايج او مهتم
بـَس انـي الجنت خايفه وروحي تطلع على البطيئ
لمار - راح يرجع يسوي كلشي سواااه شاهين بيَ راح يجيني ويكتلنـييي هم والله هـيام والله
تقربت هـيام تحضني
هـيام - الموضوع طلع من ايدچ وصل النـا انتِ مو وحدج وراج هيــام وذيب الغربيه اوعدج وعد الخوه الماخلفنـا بيَ من جنه أطفال راح تتحررين من عمار وما تبقين على ذمته
ضحكـت وهي تسمح بدموعي مشاعري تعوقت
مشاعري ابجي واضحك شسوي ماعرف
طلعنا اني وزمرد وهيام وام شاهين نكعد بـَ الصاله
واني مستحييييه راح اموت من الخجل
اول ما دخلنـا الصاله تلگُانا شاهين بـَ باب المطبخ
سلم عليَ وأأشر لهيام تروحله وهاي العوبه
راحتله بسرعه البرق
گُعدنـا كلنا باوعتً عليَ سلوه
سلوه - طلكج يولي؟ چؤ تستاهـلن يالترگيات يهـچامات البيوت
شاهين - اگتمــي حسچ لاجـي اگطعووو
اجانـا صياح شاهين من المطبخ نزلت
راسي ضايعه ماعرف شسوي خليها وره الله وهاهـي
تقربت يمي زمرد تحجي بمواضيع مختلفه
وتحاول تغيرلي جو وتضحكني لطافتهـا
واسلوبهـا وكلامها وخجلها يخلي الواحد
لا إرادي يبتسم شكلها حلو وبريئ
دخلت لاعماااق قلبي
شويه وانضمت النـا هـيام
زمرد - اجيتي؟ وانـا كلت تا ما تجين زلمتج اجا
هـيام - دولي لج انـي سلوووه كدامممج!
سلوه - عش شبيها سلوه؟
هـيام - مابيهـا غير العافيه جنت داگللهن بشرتج وين احلا من بشرتي تخبليييين فدووووه لالله
هزت ايدها سلوه على خبال هـيام وكعدت
راحت هـيام لـَ الغرفه شوي ومدت راسهـا تحجي بهمس
هـيام - تجن نسوي تقشيـر؟
سلوه - وانـا مو هين؟ عش ما تكوليلي؟
هـيام - لا عشقي انتِ ما تحتاجين تقشير
سلوه -عش
هـيام - الحيـه كل شويه تبدل جلدها
شهگُت سلوه بصدمه محتلتهـاا
ومر الوقت هيج إلا ان اجـا اليوم الثاني
جنت كاعده بـَ غرفه زمرد وهي تقرء قرأن بكـل حب
وصوتها مريح لأذان وللقلب حطيت راسي على رجلها
وهي تمسد على شعري بأيدها
لمار - فد حبيتج زمزم
زمرد - حتى انتِ! آخ من الرعنه
ضحكـت عليها اريد اجوابهـا وانفتحت الباب
دخلت هـيام الفرحه طاغيييه على وجها وكلبها
وتكُمز تگُمز صاحت بقرحه مگتومه
هـيام - كومي اركضي البسي حجاب وتعالي لـَ الاستقبال
بعدني ما حجيت ركضت هي.طلعت
جرحرتنـي زمرد لبست حجاب وعبايه زياده من زمرد
لبست ودخلت بخطوات ترجف
يبس كلبي من شفت شاهين وعمار وأبو عمار وشيخ!!!
لمحت عمار فگـه متضمـد وعيونه صايرات زررگُ
وجهه وأيديه متضمده من الطول لـَ الطول ..
بإاوعلي بعيونه التجدحَ وصاح
عمار - انتِ طالــگ طالــگ طالـــگ
اول ما نطقها اجـا صوت هـلهـوله هيـام الرنانــــه
يتبع...
- يتبع الفصل التالي اضغط على ( رواية ذيب الغربية) اسم الرواية