رواية اسرار القلوب الفصل الثالث و الثلاثون 33 - بقلم رانيا قنديل
البارت ٣٣★ اسرار القلوب★
سلسبيل: ممكن أعرف ليه عمى عثمان كان عايز يطرد رحيق من البيت .......؟؟
الجد محمد: نظر لها بتمعن وسألها وايه كمان
*************************
سلسبيل: وليه رحيق ومحمد مش بيجو القصر ولا طنط مها حتى خالو ليه ي جدو معقول كل الزعل ده علشان صوته عليي.. على حضرتك بس جدو حبيبي قلبه كبيييير وبيسامح ولا ايه.....؟
الجد محمد: أولا أنا ممنعتش رحيق ومحمد من انهم ييجو للقصر او حتى يقعدو معانا ولا منعت خالتك الزعل بينى وبين جمال وبس والأيام كفيله تداوي الوجع
سلسبيل: جدو حبيبي هو العمر فيه كام يوم ممكن نضيعه واحنا زعلانين من بعض الفراق صعب اوي أنا طلعت وفتحت عيونى على حضرتك ومش فاكرة بابا كل ذكرياتى معاك ومع اخواتى فى البيت ااقولك على حاجه كنت مخبياها عنك......؟
الجد محمد: إيه ده انتى بتخبي عليا ي بت والله عااال
سلسبيل: والله مش ااقصد اخبي وكمان هصوم ٣ أيام علشان كنت حلفه مقولش لحضرتك
الجد محمد: بتعجب ومين محلفك تخبي عنى حاجه
سلسبيل: حضرتك وعدتنى أنك متزعلش ومش هتتهور عليا صح.....
الجد محمد: صح اتكلمى قولي إلي عندك....
سلسبيل: لما كنت بكون فى المدرسه كان عمو جمال بييجى يسأل عليا ويطمئن على سندس كمان ولما سندس دخلت الهندسه كان بيساعدها كتير سواء على النت او كان بييجى الكليه .....
الجد محمد: نظر لسلسبيل انتى ليه جايا تقولي الكلام ده دلوقتى......؟
سلسبيل: لأنى بصراحه شفت عمى وهو واقف بيعيط ورا عمود البيت وحضرتك قاعد مع جدو رافت وحسيت باشتياقه ليك .. إيه ممكن يخلي حضرتك ي جدو تكون قاسي على عمو كده مع أن قلبك أجمل واحن قلب فى الدنيا
الجد محمد: وقد الامته كلمات سلسبيل ولامست وجع قلبه فهو ايضا مشتاق لابنه فكيف لا وهو قطعه منه ولكنه لم يحاول أن يدافع عن نفسه وعن ماهر بل استسلم لكل شيئ ...ياااااااا الله
سلسبيل: جدو حضرتك ساكت ليه أنا اسفه اوعي تزعل مني أصل أنا عبيطه فى كلامى وبتعامل معامله اطفال ججدو....
الجد محمد: عيون وقلب جدك عرفه ي سولي لو الكل يمتلك قلب زيك كانت الدنيا دى كلها جميله وأخذها بين أحضانه وربت على ظهرها
سلسبيل: جدو حضرتك كده بتسبتى صح علشان متكلمش تانى فظيع أنت ي جدو
الجد محمد: سيبي الأيام تداوى ي بنتى الجروح ومتشغليش انتى بالك وعيزك تفرحى فى الاجازة ومتتوصيش عايز اشوف الضحكه على وشوشكم كلها
سلسبيل: هما ناقصين ضحك دول فتحينها على الآخر إلا صحيح ي جدو هو ممكن نخلى عمى جمال يتغدا معانا بكرة واهو كله تلطيف للأجواء علشان خاطر محمد ورحيق
الجد محمد : خليها يوم تانى غير بكرة ويلا روحى شوفي البقيين فين
************************
وجاء المساء وخرج الشباب لسهرتهم المنشوده
رحيق: أخيرا جيتو أنا جهزت عشا مشاوى بس يريت حد يتطوع ويولع الفحم
خالد: شويه كده لسه مهضمناش الغدا إلا فين محمد ليه مش معاكى
رحيق: هو لسه داخل البيت حالا هيغير لبسه وييجى على طول
حمزة: تمام تحبو نلعب ايه ولانتكلم عن إيه
سلسبيل: لأ هنلعب كل واحد يسال التانى سؤال بالدور ايه رايكم
علي: هنسال عن ايه م إحنا عرفين بعض وكل حاجه تصدقى إنك بايخا حتى في لعبك
سلسبيل: أنا بايخه ي عم المخنوق من نفسه إحنا ناخد رائيهم كلهم وبالاجماع تومام
حمزه: تمام يلا نبتدى بايمان تحبي لعبه الأسئلة
سلسبيل: اه بتحبها إللي بعده نرمين هاااا والله عال فاضل سندس كده تمام البنات موفقين
خالد: إيه الغش ده إلى ما فى واحده ردت ممكن تقعدى انتى
سلسبيل: ردو والنعمه عن طريق التخاطب الفكرى حجات ملهاش دعوة بالطب
رحيق: ههههههههههههه.. ههههههههههههه ..هههههههه
سلسبيل: ودى بتضحك وتهزر على ايه إن شاء الله واوعي تقولى بطنى خلينا سهرانين فى أمان الله والنبي
رحيق: والله ما قدرة بس اسكتى ......
سلسبيل: سكتها أنت ي حمزتى وغمزت له
حمزة: بتعجب بتغمزلي ليه البت دى معقول تكون أخدت بالها منى ومن رحيق والله ما هخلص منها ربنا يستر
علي: خالد هتلعب اسئله معاهم ....
خالد: امممممم ماشي نلعب وماله ومال على حمزة يلا نلعب اسئله لحسن مش هنخلص منها
محمد: السلام عليكم ايه ي شباب نويين على السهر للصبح .....
حمزة : اه نسهر وكمان رحيق مجهزة مشاوى
محمد: طيب أنا هدخل أسلم على جدى محمد وأرجع ممكن حد ييجى معايا ....
سلسبيل: أنا هاجى معاك وكمان اشوف جدى يمكن يحب يسهر معانا واجيبهم كلهم يلا ي وحش
علي: رايحه فين مش هتلعبي معانا وخلتينا نلعب زى ما سيادتك ما امرتى ......
سلسبيل: مش هتاخر ي حلمبوحه وبعدين محدش يسأل غير لما أرجع عشان الردار وأنت ي محمد يلا بسرعه علشان علي ميعندش معايا ويبتدى اللعب
محمد: ههههههههههههه يلا ي ستى اتحركى
سلسبيل: ستك سلامه الشوف اتحرك والله أنتم عليكم مصطلحات غريبه
محمد: لو تبطلى انتى لاماضه كلنا هنرتاح وترتاحى
سلسبيل: وهى تمشي بجواره ترتاحو من إيه تصدق أنت عامل زى حمزتى غامض. كده ومعقد وعندك كلاكيع بس خلاص أنا هفكلكم العقد ديه
محمد: بس يلا نادى على جدى عايز أسلم عليه.....
سلسبيل: اجدو احبيبي تعالى شوف مين عندنا
الجد محمد: مالك ي سولي صوتك .......ونظر خلفها فرأي محمد حفيده
محمد: إزيك يا جدى حمد الله على السلامه
الجد محمد: مينفعش ي حبيبي السلام كده تعالى في حضنى واحتضنه بكل الحب والاشتيااق لحفيده
سلسبيل: كفاااايه يا محمد الحضن ده بتاعى أنا والمده المسموحه بيه فسوة اه كله إلا جدو ونادت على أبيها اببتى اممتى اعمتو كله ينزل بسرعه انجزوووووو
صالح: ايه خير فى ايه مالك ي سولي .......
سولي: والنبي سلمو على الأخ بسرعه لحسن هيلعبو. من غيري
اميمه :: ي بت اهدي مالك اصبري لما نسلم على محمد براحتنا إيه السرعه ي بت أهدي.....
سلسبيل: بابا سلم على محمد عمو سلم ممتى امسكى ايده وسلمى يلا بقي
الجد محمد: لا اله إلا الله ي بت مش عارف اسلم على الواد
سلسبيل: خلاص تعالو اسهرو معانا برة القعده تجنن والله انتم جيين تنامو....
صالح: والله معاها حق هنام من بدرى ليه
اميمه: خلاص يلا بينا بس اطلعي هاتى حاجه لجدك تقيله عبايه يحطها عليه
سلسبيل: من عونيا وصعدت جري للاعلي
**********************
علي: وهو ينظر باتجاه المندرة كل ده سلام خلاص يلا إحنا نبتدى والله لافرسها
نرمين: لايمان الواد غيران الحقي والبعيده مش واخده بالها
إيمان: ههههههههههههه ولا هو واخد باله بس مش هنسكت صح ....
نرمين : صح بس ازاي
سندس: بتتهامسو بتقولو إيه منك ليها والله ما ليكم إلا سولي كان زمنها مكهرباكم
رحيق: اهي سولى ومحمد جيين هناك يلا نرتب للعبه
سندس: الحقو دول كلهم جيين معقول والله البت سولى دى بتعمل العجايب
إيمان : اه والله بس لو تقدر تجيب الباقيين .....؟
سولى: يلا ي شباب وسعو الكبريين وصلم اى خناقه ي شبااب اجمل قعده فى الجونينه وسرحت ونظرت لجدها ..ومالت عليه اجدو أنا هنادى جدو رافت وخالتو وعمو واوعى تعترض إحنا هنتقابل على الحدود مش جوة المندرة
الجد محمد: من سرعه سولى فى طلبها لم يقدر على الرفض وخصوصاً وجود رحيق ومحمد.. ماشي حببتى نادى عليهم
سلسبيل: وغمزت لحمزة أنا رايحه فريرة اجيب باقى العيله .....وانطلقت جرى
عثمان: ينظر لسولي ولغمزها لحمزة وحدث نفسه هى بقت كده والله وعرفت تلعبها عن طريق سولى مطلعتش سهل ي حمزة عايز ايه ترجع جمال عمرى م حسمح بكده ولو فيها موتك مش هتكون اغلى عليا من أخويا .......؟؟؟
وبعد دقائق وصل الجد رافت ومعه مها ومن خلفه جمال الذي يتمنى أن يرتمى بحضن أبيه
تجمع الجميع فى جو عائلي رائع أما جمال فجلس متطرف بعيد عن ابيه حتى يستطيع أن يراه
سلسبيل:: يلا نلعب بس كله هيلعب مفيش حد هيتفرج
حمزة بت لخصي وانت ي علي قيد على الفحم شكل السهرة صباحى
سلسبيل:: دى لعبه كل واحد يسال اللي جمبه سؤال وبعيد اللى اتسال يسأل المرة التانيه والاجابه تكون من القلب اوك
علي: الاجابه هتكون بالجزمه ي جزمه اقعدى خيلتينا
سلسبيل: سمعتك أنا على فكرة .....
الجد رافت: يلا ابتدو وأنا هسال الأول فنظر لأخيه بكل الحب وسأله ميتا هتعاود وتجعد ويايا فى البلد وناخدو بحس بعضينا
الجد محمد: صعب ي اخويا مقدرش اسيب احفادى لوحدهم غير لما كل واحد يكون له بيت وحياته الخاصه كده ارجع أنا هنا
سولي: ترجع فين هااا مش هتسبنى رجلي على رجلك تمام
الجد محمد: ههههه تمام يلا اللى بعده
خالد: نظر لعلي وانت بقي قلبك ده مدقش ولا دق وبتقاوح
علي: أنا مش فاضي للكلام ده ولسه ملقيتش اللى تستاهل أنى أحبها
سولى: ليه يعنى تكونشي رشدى اباظه الحق ي جدو
رحيق: نظرت لحمزه وأنت إيه طموحك فى الحياه
سولي: لايمان ونرمين يعينى علي الصبر طموحه ياخدك ويطير احببتى عقبالي ي رب
حمزه: طموحي أرجع إسم الشركة زى م كان ويرجع اسم محمد الهواري غول السوق واكبر طموحي أنى اتمنى إن أحفاد محمد بن الهواري هما إللي يديرو الشركه .......ونظر لجده بكل حب واحترام
جمال: ينظر لحمزة وتارة ينظر لأخيه عثمان وقال إيه ي حمزه لزوم كلامك ده ......؟؟
سندس: وانتى ي ايمان نفسك في ايه
إيمان: نفسي مقارب لحمزه الإتحاد نتحد وده منتهى القوة
نرمين: بابا حضرتك امنيتك ايه فى الحياه .....
عثمان: امنيتى أشوفك عروسه واخوكى كمان .....
الجد محمد: إن شاء الله
علي: سولي انتى طيقه نفسك ......؟
سولي: هو ده سؤال ولا شتيمه وبعدين أنا طيقانى خليك في حالك
سلسبيل: محمد أنت بتحب شغلك فى الهندسه ولا الرسم اكتر
علي: لأخيه هو محمد بيرسم ايه ....
حمزة: بيرسم كل حاجه عنده موهبه جميله جدآ
علي: والثلعوة دى تعرف منين .....
حمزة: هى عندك ابقي اسألها وابتسم على اخيه
محمد: بحب شغلي فى الهندسه طبعا وكمان بحب موهبتى في الرسم واهو تغيير وترفييه
سلسبيل : عمو جمال مين اكتر حد فى القعده هنا تفديه بروحك ....
جمال: بدون تردد كلكم افديكم بعمرى كله ..
الجد محمد: ولم ينظر له أنا قايم تعبت عايز أنام
سلسبيل: جدو لسه بدر ى وحياتى
الجد محمد: لأ كفايه لحد كده العضمه كبرت يلا تصبحو على خير
الجد رافت: وأنى كمانى تعبت تصبحو على خير
عثمان: خدنى معاك يا بابا أنا كمان عايز أنام وبدأوا الكبار فى الصعود لغرفهم إلا الشباب
حمزة: مال على رحيق وامسك يدها وحشتينى
رحيق: بابتسامه بس لحد ياخد باله ي حمزة سيب ايدى
سلسبيل: سيب اديها ي حموز بصي شوفى اخوكى العاقل قفش في أيد البت طب ايدى مالها ما هى جميله اهى
إيمان: عنيكى ي حوريه بس هتحسديهم
نرمين: ههههههههههههه طيب م تشوفي حد يمسك ايدك بدل ما انتى مركزة اوى كده مع حمز ه
سندس: يلا نشوى خلينا نتعشي أنا جعانه أوى
خالد: يلا أنا هقوم اشوى وانتم جهزو الأطباق واكملو سهرتهم ما بين ضحك وهزار الى أن ذهب كل واحد إلى غرفته مع أحلامه الجميله
****************
فى الصباح حمزه قام على رن هاتفه الوووو
حازم: ايوة ي حمزه أنا قدمت الملف بتاع المناقصه لأن الميعاد أتقدم وأنا ظبط كل حاجه وإن شاءالله نسمع خبر جميل
حمزة: تمام وأنا منتظرك تقضي معايا يومين زى م وعدتنى
حازم : إن شاء الله مع السلامه
عثمان: هناء نرمين فين مش شايفها ليه
هناء: البنت لسه نايمه ومحدش منهم صحي محتاج حاجه
عثمان: لأ خلاص حبيت اتطمن. إلا قوليلي تعالى هنا انتى احلويتى لما جيتى هنا ولا ايه ولا انتى بتيجى على هوا البلد
هناء: أنا زى ما أنا بس مبسوطه علشان كلنا متجمعين مع بعض ولا إيه............؟
صالح: صباح الخير عليكم إيه لسه الاولاد نيمين
هناء: أه نيميين لسه بس أنت راجع منين كده
صالح: روحت اتمشي فى الارض الجو جميل اوى حتى بابا اتمشي معايا وقاعد برة
اميمه: ي نهار كلنا نمنا وعمى مفطرش ولا اخد الدوا
صالح: اتطمنى سولى فطرتنا وعطت لجدها الدوا ونامت
اميمه: سولى ي قلبي مش ممكن البنت دى عنيها على الكل وخايفه علينا كأنها هى الكبيرة
علي: صباح الخير بتتكلمو عن ميين
هناء: عن سولي .....
علي: دى بتراقبنا زى الردار قلب ايه بس أم قلب مضلع دى
حمزة: مالك ومالها أنت نفسي أعرف. هما بيمدحو فيها أنت زعلان ليه .....
علي: يمدحو إيه بس دى عايزة صاروخ ياخدها سفر سنتين نريح اعصابنا منها دى صداع
سلسبيل: سمعتك على فكرة صاروخ لما يطيرك أنت أنا علشان أطير لازم محرم
خالد: صباح الخير كلكم صحيتو أنا راسي هتفرقع
من سهر امبارح
سولى : مش قد السهر بتسهرو ليه هااااا
علي: شوف بتحاسبنا على السهر كمان مشيها لاغزها وارتحاح
سلسبيل: تغزنى ليه شيفنى فرخه عايز تغزنى
علي: لأ شيفك بقرة عايزة تندبح وناكل فيكى لما نشبع
سلسبيل: ي مفجوع اكلوة لحمه لحسن يجيله سعار ويعض فينا اوووم ايه نتطر نطخه واهو نرتاح
خالد: يالهووووى والله حرام الوحد يقوم الصبح على خلقتهم هما الاتنين
حمزة: والله معاك حق مكنش ليهم لزمه معانا فى الاجازة
سلسبيل: حقك ي حموزتى قايم فايق ورايق حتى ايدك منورة
خالد: بت اسكتى شويه وتعالى هنا اخدتى الدوا
سلسبيل: دوا ايه أنا بطنى فله خلاص مش بتوجعنى طول ما انتم قدامى ويلا سلام
علي: رايحه فين على الصبح ...
سلسبيل: هروح مع محمد للارض وكمان هيرسمنى صورة طبيعية
علي: استاذنتى من مين ولا عادى خروجك كده
خالد: الواد ده واقع ومش عايز يعترف والهبله واخده كل حاجه هزار
حمزة: هما الاتنين مجانين هو بيكابر وهى والحمد لله مركزة مع الكل الا نفسها
********,***********
عثمان: طرق على غرفه ابنته فسمحت للطارق بالدخول
نرمين: بابا اتفضل أنا كنت نزله حضرتك فطرت
عثمان: الحمدلله من بدرى أنا متعود اصحى بدرى حتى لو سهرت بس كنت عيزك فى موضوع مهم
نرمين: والخوف قد تسلل إليها اتفضل ي بابا أنا تحت أمرك
عثمان: تعالى ننزل الجنينه نتمشي ونتكلم وتكونى فطرتيي ......
**************
•تابع الفصل التالي "رواية اسرار القلوب" اضغط على اسم الرواية