رواية ذيب الغربية الفصل الحادي و الثلاثون 31 - بقلم طيبة وليد
Part 31
بـين الله الرحمان الرحيـم
$ ذيـب الغربيه
" لا تنسون التصويت والتعليق بين الفقرات + متابعه لحسابي "
""""
زفوهـا والنسوان صاحن وراها هاي العشكها فلان بس ماخذاها
زفوني اني وياج وبنفس الالوان بس انتي ويا عريس وانا ويا دفان
زفوها والزافوف مرها على بابي عمري انكلب سبعين وانا بشبابي
""""
بـَ خيبه مؤمن ..
- وصـلَـت بية اتعـثــر واصيـل الريــلُ بعــز شبابــَي ومـــات بية الحيــل..
""
- زفوهـا وامهـا تصيح طلعوهـا بسَكوت خاف العشكهـا سنين من يسمع يموت..
""
" هــيام "
مرت كم يوم احلى ايامً حياتـي حسيت داعـيش بالعـسل
ام شاهين أربعه وعشرين ساعه تدعي وتچيب وتوگل بيً
وزمزم تفرفـر وترجع تصير تااا صير عمه
وشاهـيــن
اكثر واحد جان متأثر بيوم الـي كلت بيً الله حامل
ما نام اليل كله ساعه يبوسنـي ساعه يحجي ويا الطفل
ساعه يحجـيلي شكد يحبنـي
هـيام - لعد إذا هيج تريد طفل ليش تزوجتنـي وانـي كذبت عليك
وكتلك ماخلف أطفال؟
ابتسـم محاوطنـي وأيده تمسد على بطنـي
- تاماريـد من غيرچ زقچه
- تحب البنات ؟
شاهين - بس بنواتـچ
ضحكـت ما مشت عليً ردت اتعارك وأكله يحب البنات وكذا
بس هو اختصر عليً الطريق وجاوب جواب نموذچي
شاهين - اضحكـي يولـي صوتو لضحكتچ طرب لاذنـي
- شاهيين استحـيي
ضحك وحاوطنـي كلي بأيده يبوس راسي ويشم شعري
هـيام - إذا طلع ولد تزعل؟
هز رأسه لا ينفـي الأفكار الي تدور برأسي
شاهين - عجـل طفل ومن النبـض؟ وإزعل؟ مهبول أنا؟ دحكـي يالنبـض اسم بزري متامايصير بهويتهم ام غيرچ .
- شاهينييييي طبعا ميصيررر لعد مندري؟
كلبت وجهـي ودرت لجهه الثانيه انام ضحك هوً ورجع حضنـي
يراضينـي مدري ماخذنـي على كُد عقلـي!
شاهين - احبچ يالمصگوعه
- لتكول مصگوعه
شاهين - احبچ يالهـتره
- لتكول هتره
- احبج يالنبض
- لتكول يالنبض
- احبچ وحك هو الطاح دمو غدر بساحه الطفَ وعاشگچ وقوه علي وغيره العباس
سكتت ودمعت يشرحلـي بطريقه تخبل ويحجيها من كل كلبه
ما كدرت ما ابتسم أنداريت عليً وشبگته وطبعت بوسه
على شفايفه ضحك يحجي
شاهين - صايرة مستهـترة الهـتره
- چؤ عيب
ضحك وهذا شاهين من يكون وياي عكس من يكون ويا الكـل
يكون عاگد حواچبه ومتعصب وميتحاچُه وممتحمل احد
وينتر بالكـَل وميضحك عكـس من يكون وياي ما تشوف
عگده حاچبه ولا ضحكته تروح من وجهه يضل مبتسم
لو يضحك بصوت عالي واغلب وقته من اكد اللغـي يم رأسه
يتأمنلـي وميمـل من سوالفي التافههه ومتحمل جفصاتـي
هـيام - انتَ يعني شلون هيج؟
عگد حاجبه وهز راسه بمعنى " شنو" ضحكت ارسم
دوائر على عضلاته واحجي
هـيام - يعني شلون هيج تحبنـي؟ ومتزعلنـي؟ ومتحجـي وياي كلام محلو ؟
ضحك وجر ايدي الي ارسم بيهـا دوائر يبوس بيهـا بلهـفه
واني متعوده على هذه المشهد
شاهين - عجـل هو العندو مثلج هم يزعلهـا؟ يولـي أنا واعدچ چلمه زلم ما تنخلف
- حبيييت
وهسه خل نرجع لواقعـي ولو هو ماكو فرق بس هسه راح يصير فرق
كاعده بالمطبخ وزمرد تطبخ ومرت ابو شاهين بالغرفه متحچي وياي
صكر بعده مگسر ومايطلع من غرفه وسلوه بعدهـا مچايه من أهلها
واذگر القط قام نط .
وأحنه كاعدين ومتونسيـن نسولف انـي وزمرد دخلت سلوه
بطنهـا صايرة متريـن ليگدام عضيت شفتي بخوف معقوله
اصير دبـة حميسه مثلها؟ يممممه لااااا
باوعتلـي بحقد اني وزمرد وزمرد سكتت وهي حتى ما سلمت
شمرت جنتطتهـا بالأرض وبهل أثناء دخلت مرت ابو شاهين
نجلاء - رديتـي يول؟
سلوه - رديت هساع أبقى أنا هناك عش؟ الماعجبو هو اليروح
ابتسمت نجلاء برضا وتباوعلي بأ نتصٌار على شنو مادري
غلست ورجعت أكمل الخضره الداسويهـا
تمشيت كم خطوه وعاطت - هـيااام جيبي جنطتـي
رديت ببرود
- ماكدر
انداريـت خازرتنـي وعيوني مطگطگه صاحت بغضب
سلوه - هساااع أنا شكلت؟ سوي أنا حامل تاماگدر أشيلها!
زمرد - هساع أنا اوديهـا لغرفتچ
سلوه - لا هساع هـيام توديهااا
هـيام - هو شنو هـيام لزگتي خدامه الخلفوچ؟ جنطه شكبرها شعندي شايلتهـا باتمان اني؟ لو مشتهـية تنگتلين مره ثانيه!
ابتسمت الهـا بتشفي وهي عاطت بعلو صوتها
سلوه - انااااا تعارضيييين چلمتتتتي!!! انااا الچنه الچبيرره هين تاماتتتارض چلمتتي هيرررري وديهاااا لغرفتتتي هسااااع
على صوت صايحهـا نزل شاهين وأم شاهين هم طلعت
من الغرفه وصكر ميگدر يكوم يصيح من الغرفه
شجابهااا بلگوه كتمت ضحكتي عليها فشلها وأمه تسكت بيً
باوع شاهين عليه وعلى سلوه وهي ترعد وتصيح وتعيط
ام شاهين - استهـدي بالله سلوه
سلوه - تعارض چلمتتتي!!! أنا الچننننة الأولى هييين!!! أنا اكبر منهها هساع تعارض جلمتتتي!! مشيخينهـاا علينااا التركيييية
غمض عيونه شاهين وخزر سلوه خلاهـا تبلع العافيه
سلوه - هساع تراضاهـا يشاهـين؟ تعارض چلمتي؟ حتى امي نجلاء حرمتك تا ما تحترمهـا ولا تا تحترمنـي
باوعلي شاهـين وهمس بصوت حدي
شاهين - هـيام
بسرعه كمت وكفت على حيلي طول العرگه ساكته ومتحملتهـا
وما حجيت كلشي أخذت وضعيه التمسگن وكمت اشرحله الموضوع بكل لطف.
هـيام - والله اني ماعلية هي اچـت كالتلـي كومي شيلي جنطتي حطيها بغرفتي! باوع باوع جنطتهـا شكبرها وين اكدر اشيلها اني؟
وحتى إذا اكدر ما يصير شنو فرقها عني هي حامل واني هم حامل
واني بالأشهر الأولى ما يصير أشيل شي ثكيل مو عمه؟
هزت راسهـا ام شاهـين مأيدتنـي وشاهـين حك لحيته
بحرگـه يسويهـا من يتعصب طك رگبته وخنزر على سلوه
النبلع وجها وصارت صفررة
سلوه - شنهوووو! هساع انتتتتِ حامل؟؟؟
ام شاهين - اي يسلوه حامل البنوه وخري عنها
انبلع وجها وتچسدت نضرات الحقد بداخل عيونها
تبث سمها علية وعيونها يردن يطلعن من كثر ما فاتحتهـن
واليشوفها يكول محرومه جهال مو حامل بتؤؤم!
تحركت تريد تطلع من المطبخ وشاهـين استوقفهـا بـَ كلامه
شاهين - سلـَوه حرمتـي ثـم حرمتـي ثم حرمتـي ثم البطنهـا
وحك الحك وحك الطاح دمو غدر بساحه الطف امحـيچ
تچفـي شري تا ما اگضبچ اطين عيشتچ والله وقسم
إذا سمعت مسمعه چلمه لهـيام تا ما تلومين غير نفسچ
اگضب لسانچ اشلعو واگسرچ تگسر
وزلمه طالع من ضهر زلمه اليفـك حلگو ويا ذيـَب الغربيـة .
هزت راسهـا سلوه ونضرات الحقد بعدها بعيونها علية
وطلعت من المطبخ شاهييين اعصاااب ما يتحاجى
وزمرد الفطيره من يمها واكفه تطك سن بسن
وام شاهين جرتنـي كعدتنـي على الكرسي
ام شاهين - ياااع ياااع البنوه ما كلت شي
ابتسمت وهي راحت ترگض جابتلـي كلاس مي اشربه أخذته منها
وكمت احجي
هـيام - لا عمه اني اسوي اكعدي انتِ
بعدنـي احجي وهي جرتني بسرعه كعدتنـي على الكرسي تحجي
ياااع حفيدي جويعان أنا اوچله شمشتهـيه ؟
صفنت افگر وكتلها - اريد شي ريحته طيبه وهم بارد وبيً طعم ببسي وريحته ريحه الورد
اباوعلهـم كلهم صفنو عليه اهووو شسويلگم غير هذه
المشتهـيتتته حتى شاهين الأعصاب فرك وجهه وضحك
وزمرد هم ضحكت وام شاهين كالت نساتچ صعبه
زمرد - تا اطلع اجيبلهـا ببسي ورده واگليها شعتگولين؟
خزرتهـا بزعل وگتفت ايدي زعلانه رجعت ضهري لـَ التچوه
مال الكرسي احس اكو ألم بضهري وبدائه بطنـي انعقچ وجهـي بألم
فزيت على صوت شاهين
شاهين - تا تحسين بألم؟
هـيام - شويون
بسرعه كام من مگانه آخذ ايدي مگومنـي وكاللهم بضحك اترخـص تأخذ حرمتـي ونروح تعبتوهااا
ضحكـن مشيت من يم زمرد غميتها وشاهين يضحك وهي تصيح يما والله زمن شاهين يضحك؟
ام شاهين - ياااع ياااع إش بيً اخوچ شنهو ما يضحك؟
زمرد - شنهو تا تغشميـن روحج يما؟ ما شايفتو يضحك غير مرتين
بـَ حنتو وبـَ عرسو
ام شاهين - لا يما لا بولادتـج هم ضحك
زمرد - أنا تا ما اشهد مادري يمة
ضحكـت بقوه والله لو يدرون شكد يضحك وياي!
وشاهين أصلا ما هـامه حجيهـم واصلا ما مرگز
وما عباله يحجون عليً اخذ ايدي وصعت للغرفه
طبك باب الغرفه وراي وحاوط خصري ودفن راسه
برگبتـي يشم هواء
شاهين - اشتاگيتلـچ
- ليش تكذب هو اني وين جنت غير يمك؟
- اشتاگلج حتى وانتِ يمـي
- اممم ، عمار ولمار رجعو مو؟
وخر راسه يباوع بعيوني مستغرب من سؤالي
- عش؟
- اريد اروح اكول لـَ لمار اني حامل وابشرهـاا وهم سالي هـواي مشايفتهـاا
شاهين - لا عجل خليهـا لملچه اختو
- منو؟
- اختو ازل باچر ملچتهـا
- اها الله يتمم على خير
هز راسه ساكت يباوع بوجهـي اجتنـي كرفه ببطنـي
هـيام - شاهين بطني دتوجعنـي
جر ايدي ونومنـي على الچربايه وغطانـي دثرنـي دثر تمدد من الجهه الثانيه جر راسي حطه على صدرهولافنـي بحضنه لف اجتنـي النعسه
مدري امان حضنه مدري دفو جسمه مدري بروده الجو مدري من وره ابني
دفنت راسي برگبتـه اشم عطره ودفو لمساتـه ..
كعدت من النوم على صوت دگه الباب صاح شاهين تعال
حتى مابيه افتح عيوني بعدنـا نفس النومه وأيديه محاوطتنـي
وأديه محاوطه رگبته وضامه راسي برگبته
اسمع صوت زمرد الخجلان تحجي
زمرد - امي تكول هـيام تا ما أكلت شي وشاهين تا تنزلون تاگلون؟
شاهين - جايين بــويه
سمعت صوت طبگه الباب وعضيت شفتي خجلانه عااا
كرصت زند شاهين ولو هو مو زند حديد
هـيام - شاهيين عيب شلون راح اباوع بوجهه البنيه وهي شافتنـاا هيج!!
شاهين - عجل وشافتنـا؟ شنهو شمسوين؟ حرمتـي وحاضنها
عضيت شفتي بزعل
- شاهين عيب استحييي
ابتسم ومد ايده يمسد على خدي بحنان
شاهين - ماكو عيب بين الزلمه وحرمتـو
- شاهين احنـه مو وحدنـا!
- عجل منهو ويانـا
لزمت ايده وحطيتهـا على بطني احجي فرحانه
هـيام - ويانـا ابنـا ، يعني من اليوم ورايح لازم تنتقـي الفاضـك
وحركاتـك لان نفسيه الطفل من نفسيه امـه!
- لا بله!
- اي والله!
- ربحنا
ضحكـت وكمت ُ رحت لـَ الكنتور صفنتُ عليً شلبـس!
عجبنـي فستان لونــَه وردي فاتح وطويل وحلو مال عصريات
مثل هيج وقت وردان هم أخذته ودخلت الحمام سبحت ولبسه وطلعت
اول ما طلعت صار بوجهي شاهين لا اراديـأ ابتسم ما طلعت بوجهه
رغم جان معبس عض شفته يهـمس
شاهين - اخـخ بـَ العرمـه الوراتنـي ور
خزرتـه ودرت وجهـي امشط شعري وهو يدري بيً استحي
حسيتً بيً صار وراي نزل راسه للمرايـا وحاوط خصري
يبوس بگتفي اخذ المشط وجر أيديه ثنينهـم يبوسهـم
أصبع إصبع شبر شبر بدون ما يمل ولا يتعب!
هـيام - ليش دائما تبوس أيديه؟
شاهين - اصابعـج صغار اموت بيهن
ابتسمت وهو دارنـي لجهه الثانيه يمشط شعري ويشم بيً
طلع شسوار شسوره ورجع هم مشطه
هـيام - شاهين. سويلي كدلتـي كيرلي
شاهين - ماعرف يولٰي
جريت الشسوار سويت بيً كدلتـي كبرلـي والباقي عفته سرح
اباوع على روحي طلعت اخبببل فزيت على كرصه بخصري
شاهين -ويـن اضمچ من عيون الناس؟
- ضمنـي بكلبك شاهـيني
- متربعُه بنصـو
اندگت الباب ابتعدت عنه وهو صاح تعال دخلت زمرد هم مستحيه
أنوب مدنگه وتحجي وصايره حمره
زمرد - اجـو نسوان عمومتـي امـي كالت هيري هـيام هساع خل تنزل
شاهين - نازليـن
هزت راسهـا وطلعت وهي داتطبـك الباب طبگته على ايدهـا
من الارتباگ صاحت بصوت متألم ركض عليهـا شاهين
فتح الباب وجر ايدهـا يباوع عليهـا وينفخ عليها ويسئلهـا
هـيام - شچاچ يا زمرد شچاج
زمرد - مادري
هـيام - شچاج ياعيني متگليلي شچاچ
زمرد - والله مادري بالغلط
حجتهـا وبچت ضمها شاهين لحضنه يمسد على ضهـرهـا وخزرنـي!
لحظه لحظه اني شعليييية!!
تقربت منهـم وهم دخلت بحضن شاهين صارت هي من جهه
وانـي من جهه ضحكت زمرد من بين دموعهـا
زمرد - تاتغاريـن؟
- لاااع
زمرد - واضح
ضحكو هي وشاهـين خزرتهـم وعفتهم ونزلت وشاهين
حار شيسويلهـا ابتسمت عليً من شفته يحطلهـا دهن
ساعه يمرغهـا ساعه يحضنهـا
نزلت ليچوه باوعتً نسوان ماعرفهـم وحتى الاعرفهـا ناسيتهـا
مارگز للأشكال سلمت وردت اطلع واشرتلـي ام شاهين بعيونها
أبقى سكتت وبقيت كاعده يمهن باوعتلـي واحده منهن
- عجل هچ حرمتو لشاهين حلوه؟
ام شاهين - اي العيـن تحرسها
انغـزت واحده من كلام ام شاهين وعگدت حواچبها وحجت
- تا نحسدهـا احنه؟ عجل شنهو ماعدنـا بنوات؟ بنواتنـا تسوه الغريبه
هـيام - الله يحفضهن الج خاله بس مدام هنه هيج حلوات شعجب شاهين وعمار ما خطبو منهم؟
خزرتنـي وام شاهـين بلگوه كتمت ضحكتهـا واشرتلي اسكت
ضحكـت المره الي كالتلـي حلوه وحجت
- والله صادگه البنـوة محد من بنواتنـا بچمالچ
خزرتهـا المره واردفت
- تا تبالغـين چثير
- لا هساع وينهـا المبالغـه بس عيونهـا تسوة السلف موش بس البنوات
هـيام - خاله فدوه لگلبچ هاي عيونج الحلوات
ضحكـت وكالت - دحكـي حتى لسانها معسول هساع عرفت عش شاهين استقتـل وكالهم لو هي لو مااتصيرلـي حرمه غيرهـاا
ضحكـت وضليت مبتسمه حجت المراه الثانيه
- وشنهو فايده الجمال نسيتو أهلها تجار الاسلحـه
هـيام - خاله اليسمعچ يكول انتـو َ تجار ذهب
ضحكـت والمرأه طكتهـا ضحكه وياي وهي احتقنـت خازرتنـي
- دحكـي اللسان موش مثل بنواتنـا
هـيام - خاله منو بنتچ؟
ضحكـت واشرت على بنيه كاعده اخير واحده لابسه حجاب
اسود بنيه عاديه ومابيها اي شي مميز ابتسمتهـا
وهي بلگوه ضهرت على شفايفهـا ابتسامه
ما استغربت منو امها؟ حتى هيً تطلع حبابه
جان الموضوع طبيعي ما أخذت كل كلامهم على محمل الجد
واخذته بـًَ كل روح رياضيه اضحك واتشاقه وماهـمني شي
- عجـل ما ناويه تفرحينـو لكلب ذيـب بولد؟
ابتسمت وهستونـي داحجي وحجت مره
- لاا عش شعتسوون بيً!!! لا تسوون طفل هساع بعدچ صغيره يولي
هـيام - حامل انـي
بهت لونً وجهه والمرأه الگاالتلـي حلوه هـلهـلت
نص تبارگولي ونص ضحكو والبنيه الدموع تجمعت
بعيونها وكامت من المكان وامها تباوعلي بحقد
اريد أفتهم شي ماكو!
نزلو زمرد وشاهين من فوك وشاهـين ابتسم
عينه عليً وخرهـا ودارهـا للمره الكالتلـي
حلوه طبعا سبيتگم سبي بس هييي كالتلـي حلوه
كامت النسوان من مكانهـا تسلم عليً وشاهين
ابتسم وحضن هاي المراه الكالتلـي حلوه
شاهين - شلونهـا عميمه؟
- زينه يمه من سمعت تايصيـر عندك وليد
شاهـين - جؤ اريد بنوة
- حقك حبيبي هو العندو حرمتك تاايريد خلفتو كلها بنوات
ضحك شاهين والنسوان البقيه سلمن من بعيد
وهو خله ايده على صدره بحركه امتنان
واگتشفت انَ هن يخافن من شاهين لدرجه
حتى هاي الجانـت تحجي عليه بين كلمه وكلمه
هسه حتى عينها ما رفعتها علية
والكل ساكت بس هو وعمته يحجون
شاهين - ام مؤمــن الغالـيه
- غلاتـك بغلاة مؤمن يذيب
ابتسم ممتـن لكلامهـا مسح على راسهـا وحجه
- شلونـو وضعو؟
- اخخ لساعتو يحاول اجانـي يكلي بس هل أسبوع وتصير حرمتـي
شاهين - مايدري؟
هزت راسهـا لا وشاهين تحسر حسره شكبرهـا وكال
شاهين - حاولـت چثير اقنعهـم تا ما يقتنون وحك الطاح دمو غدر بساحه الطف آخر مره اله شويه واگف اورو نصين
- اتهـون يما تهـون
تحسرو وسكتو واني كلشي ما فاهـمه دخلت زمرد بأيدها
صينيه چـاي اجـت توزع وحجت
زمرد - هـيام تا اكو صينيه چـاي ثانيه تاتروحـين تجيبيها
هزيت راسهـا ردت اگوم وحجه شاهين
شاهين - لا ماتروح خلصي البأيدچ وجيبي الباقي
سكتت زمرد والنسوان يتبسبسـن بينهـم كمل كلامه
ويا عمته باشياء عشوائيه كلشي ما فهمت منها .
بهـل آثناء دخلت البنـيه شافت شاهين وعيونهـا تعلگت بيَ
مسحت عيونها ابتسمت ابتسامه متوسعه وهمست
- شلونك ذيب؟
ابتسم شاهين وخله ايده فوك الحجاب مالتها
بس حسيت انحـطت جمره بنص كلبي
لدرجه حسيت بطني انمغصـت ووحي اشتعلت
شاهين - الحمدالله شلونچ رنـين؟
- بخبز احنه دام انتَ بخير
ابتسم ممتـن لكلامهـا لا وفرحان!؟؟
كمت من مكانٰي ورحت للمطبخ تحت انضار الكـل
دخلت وصبيت كلاص مي اشربه
واحس كلبي مشتععل شعل طلعت نفسها البنيه الكانـو يردو يتزوجهااا !!
الله لا يخلي اي بنيه تعيش هاذه الشعوور
نزلت كلاص المـي من ايدي واتنفـس سريع
هدأت أنفاسي بلگوه بهـل آثناء دخلت رنين
صبت كلاص مي وشريته وترگته باوعتلي وحجت
رنين - تا ما تغاريـن مو صح؟
هـيام - عفوا؟
رنين - يعنـي ذيـب ابن عمومتـي تا ما تغارين مني؟
ضحكـت احجي
هـيام - طبعا ما أغار ، انتِ منو حتى أغار منج؟
اعرف حبيبي حاسبج مثل زمرد مثل ما يسوي ويا زمرد
يسوي وياچ حاسبچ اخته ، وانتِ حاسبته اخوچ مو؟
احتقنت من كلامـي غمضت عيونها وهزت راسهـا " اي"
هزيت راسي وحجيت
هـيام - بــسَ انـي حتى من زمرد أغار
انـي انانـيه بـَ الناس الاحبهم مو أنوب زوجي وابـو ابنـي!
يعني حتى معاملتـه الچ مثل زمرد ماريدهـا
لان انتِ مو زمرد! ومو اخته فـ ابتعدي عنه حبي
حجيتهـا وطلعت من المطبخ متجهه لغرفتـي
لعبت نفسي من الكعده ومن المـي
ومن رنين الي اجتنـي صفح
استوقفنـي كلام واحده من النسوان
- وين تا تروحـين احنه مو كاعدين هين؟ عيب يولـي تترگين خطارچ
عضيت شفتي الدنيا طالعه من عيني
هـيام - اولاً، انتِ مو خطاري انتِ خطار عمه ام شاهين !
وثانـيا ، انـي حامل وتعبانه المفروض انتِ الي تكولين روحي ارتاحي
وثالثا ، بطلي تحشرين نفسج بحيــاه غيرچ حيري بنفـسج ولا تدخلين بأحد
ورابعا ، مو انتِ الي تعلمينـي العيب من المو عيب جان علمتـي روحج من سالج ساعه تذبين سمـچ عليَ
وخامسـا ، لو ساكتـة ومحترمـة شيباتچ مو احسلچ من هسه انهـانيتـي!
تركتهـا شايطه ونار تطلع من عيوني
وصعدت للغرفه ارعد خليتهم صافنين بكلامي حتى شاهين صفن
والمره لا تأخذ ولا تنطي
واضح عليه شكد انـي صايره عصبيه وتعبانه ومتوجعه
من كثر ما عصبت حتى بطنـي مغصتنـي
كعدت على الحربايه حطيت أيديه على وجهي وكمت ابجي
من كل وعقلي ابچـي
ابچـي من ألألم ؟ لو ابجـي من الغيره؟ لو ابجـي من الكلام؟
لو ابجـي من نضرات رنين شلون تباوعله ؟ لو ابجـي
لان حط ايده على راسهـا ؟ كلشي تراگم عليَ
بهـل أثناء انفتحت الباب ما فتحت عيوني وباوعت منو
ولا تعبت نفسي استمريت ابچـي بس من العطر عرفته منو!
شاهين! جر راسي وضمني لصدره
دفعته عني وكمت احجي مفرفحٌه
هـيام - تحــط اييييدك على راسسسهها!!! لا وفرحااان وتضحححك هم!!!
وتسألها شلونج شخبارج!!! لو مگعدهاااا بصفك وحاضنهااا مو احسسن!
لو انـييي واحد يحط ايده على شعري شتسوووي!!!!
شاهين - اگضب ايدو اگسرلوياهـا
هـيام - جيييب إيدك اكسرههها لعد!!!!
رفع تك حاجب يضحك
شاهين - لا يولـي صدك طيـرُ الصاف تا يصير عنيف!
رجعت كعدت على الجربايه ابچـي وهو بكل برود يضحك
من شافني ابچـي ومحترگه لزمت بطني من كثر ما بچيت
من شاف حالتـي بهت وجه كنبص كدامـي يمسح بوجهي
ويسب بروحـهَ جرنٌي يمددنـي على الجربايه
بأيده يمسد على بطني والأيد الثانيه دفنها داخل فروه شعري
يحرك ايده بخفه لحد ما هدأت وبطلت بچي
سكتت وخف ألألم شوي تچبت راسي على صدره
مرتاحه همس بنبره ندم
شاهين - اسف
ما رديت علي طبع قبله بـَ راسي
شاهين -وخـدر العلويـة اسف بس انـا عاشق غيرتچ بوگت عصبيتـي غيرتچ تبردنـي عش تا سويـن بنفسج هچ؟ عجل مو تدرين انـا ما تحلى بعيني بنوه غيرج؟ يولـي انتِ النبض بمنهو ابدلچ؟ الدنـيا بكوم وانتِ بكوم
اسعـد بشر بـَ العالم انـا النبض وعاشگتنـي وحامل بزقچه مني!
سگتت متأثره بگلماته عبرت ايدي عل خصره احضنه
وهمست - احبـك هواية شاهـيني
همس بكلمـات اخذتنـي لعالم ثاني
نمت بين احضانه وما درينـا بالدنيا شصار
إلا وكعدنـا ثاني يوم الصبح وهم بوقت متأخر
شاهين - صايرة تنامـين چثير
هـيام - ما داسيطر على روحي حتى من ما نعسانه اريد انام
مو بأيدي والله
ام شاهين - عجل والله نساتچ صعبه يهيومـه تتنسـين على النوم
زمرد - عجل وين اكو هـج؟
ام شاهين - يمصگوعه يمفلوگه انـا من جنت حامل بيچ من اول شهر انام بلفراش وماكعد عجل عبالهم اتنعوص وتا ما يصدگوني وانـا بس اريد الوح المخده واحط راسي عليها
ضحكنا كلنـا دخلت سلوه للمطبخ تحجي
سلوه - ايمت يستوه الغده؟
هـيام - والله حبي ما كاعده لمطعم وتچين للكراسيـن تگليلهم تأخر الطلب!
شوكت ما يستوي نصب شنو نضمه عليج؟
شاهين طگها ضحكه وام شاهين بلكوه كتمتهـا وزمرد أصلا
من اول كلمه وكعت بالكاع من الضحك
خزرتنـي وطلعت حجت زمرد بضحك
زمرد - احتاج لسان هـيام بس يومين واردو مرچفتهـم هههههه
امـس خلتهـم يطافرون ويتعارگون وراحت تنام ههههههههه
ضحكو همَ واني باوعتلها
هـيام - لا أصير مثلج الفاهـيه من خزره تموع روحج
ام شاهين - والله صدگ زمرد فگيره رچلو الدچاجه ما تحلها
هـيام - شتسوي حاله رجل الدچاج مو تعرف تطبخ دجاج وتمن
ولحم هم!
ضحكو عليَ ودمغتنـي زمرد على راسي ضرب ايدهـا شاهين
وهي برطمت وراحت كعدت يم ام شاهين كعد شاهين مقابيلهـا
يباوعلها وهي على أساس زعلانه جر خدها وباس اصابيعه
يضحك ويشاقه بس ما تجاوبت ويـا لحد ما لزم ايدهـا وبأسها
راضاهـا وحضنها وهي بسرعه شبگته
هـيام - عمه شعجب خلفتـي بس ولد واحـد؟
- قسمتي ييمـه
هـيام - لا لا عمه ما مرچيه منج ابددد ابد
- شنهو!
هـيام - لازم يكثر انتاچج لازم بتگاثرون أمثال شاهين
رفع شاهين راسه مبتسم ومنتصر وكلمه مني غيرت يومه كله
زمرد - هو واحد يسوة عشر ولد يولـي هذه ذيب الغربيـة
هـيام - هـاي شنو زمرد!!!
زمرد - شكو!
هـيام - صايرةةة تعرفييين تحجييين!!!
ضحكـت ام شاهين وشاهين غص باچاي وزمرد رجعت دمغتنـي على راسي
هـيام - اووي ، راح ازوع الطفل من حلكي على كد ما ضربتيني!
زمرد - شنهو البزر كاعد براسج!
هـيام- معليج حبيبتي هاي سوالف مال ناس كبار مو مالتچ
غمتنـي وشاهين وأمه فاطسين ضحك علينا
كمت لـَ الثلاچه اباوع عليها اريد شي بس ماعرف شنو!
باوعتً منا منا شفت جبن طلعته وسويت لفه وحطيت طماطمه
فوك الچبن وحطيت عسل ولفيتهـا وكعدت اكلهـا وهم صافنين عليةَ
زمرد - الچبن مالح! العسل حلو! والطماطمـه شنهو طعمها نسيتو؟ انتِ صاحيه عش هج تاكليهااا؟
هـيام - معليجُ بابا عود من تصيرين حامل اذگرج بكلامچ
شاهين - احم
تحمحمت بنبره حديه مسگتنـي لان بديت امسلت
وام شاهين ضحكت وزمرد اصفرّت واحمرت واخضـرت
من كثر المستحـه اخذت كوب شاهين اخذت منه رشفه ورجعتـه
وهو شرب وراي
ام شاهين - عش؟ شربتو ؟ عجل تا تلعب نفسج من يشرب وياك احد؟
شاهين - حرمتي مو احد!
مر الوقت إلى ان صار العصر وزمرد من الصبح لـَ
العصر تزن برأس خاله وشاهين تريد تطلع
تشتري فستان لعرس ازل بنت عمها
لان قريبه عليها وتحبها تريد تفرح
وام شاهين متقبل لان شاهين ميقبل
هـيام - ترا هو عرس ليش متقبل؟
زمرد - اي احجي هيامه
هـيام - ترا والله هل زمرد مضلومه لاحد يشتريلها لاحد يطلعها
مضلومه والنبي أنوب تستحي وتركض منا ومنا تخبل
تنحط على الجرح يطيب وانتوا ما مقدرين هل نعمه العدگم
عيب عليكم لحظه لحظه اتذكرتتت!! حتى بعرسي زمرد ما لبست
فستان مال أعراس ولا ركصت ! يعمررري يا زمرد
يا مضلومه يا حبيبتـي الله بلاچ بهيج عائله
أربعه وعشرين ساعه تفرفريلهـم وتطبخيلهم وما مغـ...
ام شاهين - يباااااو تاااا ناخذهاااا يمة اسكتتي يمه رااسي
ضحكـت ضحكه شيطانيه وشاهين صافن وزمرد كامت تكمز
حولت للبرائه وحجيت
هيام - شاهين اريد اروح وياهم هم اشتري فستان
هز راسه بمعنى اي وكال العصر وهو يأخذنا
زمرد طفرت تبوس بيَ وتحضن وتضحك
صعدت لغرفتي اضحك عليها
باوعتً لكيت شاهين مدد بمگانه تمددت يمه
وهو جرنـي لحضنه
شاهين - هومـه ممنوع قصير! ولا گصيف! طويل! ومستر!
واي شي من جسمج ما بارز! وكعب ماكو! مكياج ماكو!
تصوير ماكو!
- خوب كلي لا ترحين!؟
ضحك وكال
- وحك هو علي اموت اشتعل
انداريت عليَ ارسم دوائر على صدره وإباوع بعيونه
هـيام - حبـيَ هـو بس نسوان!
- لا عوزنـا للزلام
كتمت ضحكتي وجاوبته
- حبـي بليز ماكدر هيج اختنق؟
- ماكو
دفعته من صدره بحقد باوعلي مصدوم خزرته ودرت وجهي
عنه لجهه الثانيه تحسر يحجي محروك دمه
شاهين - وخدر العلويه مو هـين زعلچ بس ماكدر اشتعل اشتعل
بقى يقنعنـي واني بقيت ساكته شويه وحضنـي ما انداريت
عليَ ولا باوعتله باسنـي هم ما انطيت رد فعل!
ضل يحاول وماكو رد مني إلى ان جزع وصاح
- هيااام
من يكول اسمي بدون هومـه ، هيامه ، النبـض ، طير الصاف ، هيامـي
معناها وصلت حدها ويا وما يتحمل اكثر وادري بيَ اكثر شي يزعجه
من ما ارد عليَ يضوج وينقهر
هـيام - ها
- شعتسـوين هساع؟؟
- كلشي ممـسويه شمسويه!
استغفر خفت عليَ وجهه صار احمر كعدت على حيلي افهـمه
- يعني هو بس نسوان! والكل مبدل ولابس فساتـين، مالها معنى تغار
تغار من نسوان! ما معقوله ما داتدخل براسي؟ وبعدين يعني هو عرس
إذا ما أحط مكياج والبس كعب وفستان واركص شعندي رايحه؟
أضل كاعده حالي حال البومـه وإذا كالولـي تعاي اركصي
أكلهم ذيـب الغربيه مااايقبل!!
أصلا ماروح بطلت.
سكت عني واني كمت من يمه متنرفزه
نزلت يم ام شاهين اشگيلهاا
هـيام - يعني هوونسوااان يعني شنوو يغاار من نسوان مداتخـش بعقلي
غير عرس لعد شلبـس؟
ام شاهين - يمة حرمتو ومنو حقو يغار
برطمت وحجيت - والله ميصير توگفين ويا ابنج ترا اني يتيمه ماعندي ام توكف وياي!
تغيرت ملامحهـا كلها جرت راسي تحضنـي
وهي تـسبَ بشاهين ضحكت وكتلها
- يلا عادي ماروح
- لا والله هساع تروحين وتشترين اليعچبچ
عافتنـي بصدمتـي وصعدت لشاهين واني وزمرد
واحده صفنت بوجهه الثانيه
شويه ونزلت كالت كومن بدلن نروح للسوك
طفرنا ثنيناا صعدت للغرفه شفت شاهين لسه بمكانه متمد
كلبت عيوني وما حاجيته رحت للگنتـور طلعت
ملابـس مستره وطويله دخلت للحمام
بدلت وطلعت امشط شعري
شاهين - لبسي حجاب
تجاهـلته وكملت تمشيـط ضفرت شعري ودخلته جوه التيشيرت
رحت للكنتور طلعت شال وشمرته على شعري ماعرف البسـه
وما متعوده عليَ
هستوني اريد اطلع وجرنـي من ايدي
حطنـي كدامه يباوع بعيونـي وأيديه تضم بشعري
ويلفـه عدل
شاهـين - الحجـاب إذا بيـن شعرچ چن صلاه بدون وضوء
انداريـت اباوع بالمرايـا حبيت شكلي كلشَ
طالعه حلوه وشعري ما طالع ابد ولفـه لايگتلـي
شاهين - مره ثانـيه تا لا تدزيـن احد يقنعنـي
محد غيرچ يگدرلـي .
ابتسمت وطلعت يم زمرد لابسـه عبايه ولفه الحجاب
مثلي تخبل طالعه وام شاهين نفسها
صعدنـا بالسياره ام شاهين كدام وأحنه وزمرد
وره وصلنـا للسوك ونزلنـا اني وام شاهين
وزمرد وشاهين بقه بالسياره
دخلنا محل فساتيـن
زمرد اختارت فستان چويتـي مستر كلش وطويل
وحلو يخبل وانـي اجت عيني على فستان احمر
بيَ فتحه من الفخـذ لحد الرجل وبـيَ فتحه من ناحيه
البطـن وصارخ واحمر صاروخـي وساده يموووت
اشرت لام شاهين علي باوعتله وعاطت
- ياااع ياااع ولج يمفلوگه هاذ كلشي ما ساتر عبـن كلشي لا تلبسيـن وروحي احسلچ
- لا والله مالبسـه للعرس طبعا بس اخذه عجبنـي
ام شاهين - اها عبـن تا تريدين ترضين ولدي اي إخذي أخذي
عضيت شفتي مستحيييه أنوب فضيحححه
وزمرد تضحك ومن يمهـا صارت حمره غميتها ورحت اشوفلـي
فستان مستر لللعرس شفت فستان زيتونـي وردانـه بيض
يخبل ونازك كلش أخذته للعرس هزت راسهـا خاله راضيه
اخذناهـن ورحنه للسياره هستونـا وصلنه لسياره گفختنـي ريحه
معلاگ باوعتً وراي اكو مطعم معلاگ وكباب ومشويات
باوعتً لشاهين يباوع عليه تمشينـا ليمه واني اخذت روحي
ريحه المعلاگ اول ما وصلنا يمه حجيت
- شاهييين اريد معلاگ راح اموووت
- صار
حجاهـا وفتحلـي باب السياره صعدت وزمرد وام شاهين صعدو
يضحكون عليَ واني راح اموتتتتت عليَ
شويه واجأ بايده علاگتيـن حط واحده بحضني وهمس
- بالعافيه يالنبـض
والثانيه حطها بـَ إيد امه - جبتها الچ تا ادري تحبينو
وأمه مطرتـه انواااع الغزل والحب فتحت علاگتي ما تحملت
واگلته كله بدون خبز حتى أكله متلذذه واحس منتصره
وطعمه يجنننن احس اول مره آكله
زمرد - تا تختنگييين!!!
ضحكو عليَ وشاهين خزر زمرد وهي انبلعت
هـيام - ومن اكول من خزره تموع روحج يلمونـي!!
خزرتني - تا ما صاير مثلج عرمه
- لجججج چلبةة احترمينييي مرت اخوووج اني!
- هـتره
- اياً نعال
- مصگوعه
- راح اطيح حضج
- مفلوكـه
كفشتها من عبايتهـا وعضيتهـا بأيدها كامت تصيح
عاط بينـا شاهين بلعنـا العافيه وسگتنا
أصلا اني ماخاف بس زمرد تخاف وامثل عود خايفه مثلها ههههه
وصلنـا للبيت وبوجهنا بدلنـا ركض
رحت بدلت لبست فستانـي يخبببل طلع علية
وحطيت حمره بناتـيه ومسكارا وحبيت آجرب
أحط كحله خطيت الكحـله بعيني وباوعت لروحي
تمووووت!!!
دخل شاهين يباوعلـي عض شفته الچوه وهمس
- وين اضمـج من عيونهـن!
- طالعه حلوه موو؟
جرنـي من خصري وأيده تنزعنـي الحجاب
ابتعدت بسرعه
- جؤؤ جؤ شاهينووو راح اتأخررر
- اشششَ ، شنهو هاي الحمره؟
- شبيهاا خفيفه كلشششَ!
شاهين - امسحيهـا
- مااا
خزرني - امسحيهااا
- مـاا مااا مـ..
شاهين - انـا اعرف تا شلون امسحهااا
حجاهـا وجر راسي من وره ياخذنـي بقبله عميقققه
ايده تلتف حول خصري ، تعصر خصري بهدوء،
وأيده الثانيه وره رگبتي يچذبنـي اله اكثر ،
ابتعد عني يلتقط انفاسه بس انـي ما كدرت االتقـط انفاسي
كحيت بقوه وجريت قنينه الاوگسجين اجر نفس
باوعتله بعصبيه وحجيت
- شاهيين هوو هيج!!!
- مو حلـوه إذا مابيهـاا گطعه نفس يولـي
خزرتـه ودرت وجهي أشوف وجهي الحمره رايحه كلها
ومتلخمطـه على خدودي وحنچي صحت
- اشكككك هدوميييي هسسسه
شاهين - شكيهـن احلا من يشك هدومه
خزرته ورحت للحمام ماكو هيج بشر مستهههتر
غسلت وجهي وعدلت حجابي ونزلت اركض
ضحك وصاح وراي
- مهـبوووله
وصلت يم ام شاهين اللهـث غمتنـي وحجت - هتره وصارت ام
- ياااا ونبي نسيت انـي حامل! شو ابنـي نايم لا يتحرك لا يصخخم شبيك يحظي؟
- ياااع شوف ولچ يمفلوگه بعدو بكد حبايه الفاصولـيا
- صدك؟
- اي
- اي يلا امشي تاخرنـا صايره هـواي تحجين انعديتي من سلوه ونجلاء
غمتنـي تضحك وطلعنـا كلنـا سوه أهل شاهين كلهم بفرع واحد كلهم حتى عماتهم وكلهم فرح واحد سادي من من بدايته لنهايته ماكو غريب بينهم
حتى اليتزوچ بيت وحد ينطو قطعه يبنـي بينهم وهذه السبب
ان ويردون غريبه بينهم يردون الورث يبقى بينهم ومايطلع غير
للـ احفاد گطيعه اليسمع مشايفين فلوس
وصلنـا اكوو هـواي هـواي زلم بـَ البيت وهوسه وضوضاء ...
" لمار "
فز كل شعور بداخلي من سمعت صرخه ازل
تحجي بحركـه كلب
ازل - لوو امووووت على جثتتتتي!!!! ما اتزووووج سجااااااد
نزلت ارگض متجاهـله الم جسمي وكلشي بيَ
باوعتً على ازل الي كاعده بلارض
خشمها ينزف دم من ضرب جواهر
وعمار كاعد على التخم وأبو بصفه
ورائد هم .
ضحك عمار مستهتزئ بكلامها
- نص حرف ما تحجـين باجر العقد والسلف كله يدري ومعزوم هين
ازل - انتتتتتتت شتحجيييييي!!!!! ماتزووج لووو اموتتتتت
عمار - ليش ما تزوجين خاتون؟
نزلت دموع ازل تأخذ مجراهـا على خدها
بتعب كامت من مكانهـا وراحت يم رچلين ابوها
تتوسل بيَ
ازل - الله يخليك الله يخليك بابا انـا مو بنتك؟
لا تزوجني الله يخليك ماريد ماحب سجاد
ماريده الله يوفقك ماريد انـا بنتك؟
الأب ما يكسر بناتـه
ليش تگسرنـي.!
ابو عمار - اششششَ لدوخيني باجر يتزوچج ونخلص وفاركي هساع
دفرها عنه كل قوته ارتدت ليوره وهو يسبَ ويغلط عليها
وعلى الساعه الخلفها بيها
ابو عمار - انـااا اكررره البنات عـش تجيني بنوه؟؟؟؟
كتلهااا لامج ذبيها ذبيها ما قبلت
اكرهج من يوم النحـس الانودتـي بيَ احد هذه عمرج
انتضر يوم يوم تروحين ونخلص منج
ولو ما مؤمن جان من عمر 15 زوچتج وخلصت منج
حجاهـا وطب بغرفته ازل صافنه على وضعها
عمار يضحك ، جواهر وهدى وحوراء مرتاحات ومبتسمات ،
ام عمار ما فتحت حلكها ولا مبين اي شي على ملامحها ،
حجت ازل بصوت عالي برچف وراحت تدك على باب غرفه أبوها
ازل - مو تريد تزوجنـي وتخلصصص مني!!!
زوجنـي لمؤممممن لا تسووووي بيَ هييييج
لا تكسرووووني هل كسرررره تعبببببت وحق الله تعبت
ماعشت يووووووم حلوووو ويااااااكم خلوني أتزوج الاريده
الله ينطيگم زوجونـي لمؤمن لا تكسرونـا هل كسره.
بچت بضعف ودكت على الباب بقهر صاحت
ازل - لينـطي بنتـة عل ما تريــده كون علة خوطـة چـاي ما تگـدر ايده
راحت تزحف زحوف لعمار حاوطت رچليه وبچت تشهك
شهگات كلبها انخسـف روحها ممروده تتوسل بيهم تواسيل
ما يكسروهـا ويزوجوهـا
ازل - عمـار انتَ مو اخوي؟ لا تسوي بية هيج لا تكسرنـي هل
كسره الله يوفقك ويخليك لا تسويي بيَ هيج لا تكسرونـي
والله ما اروايگم وجهي زوجونـي لمؤمن الله يخليگم ...
ما خلاهـا تكمل كلامها ودفرهـا شالهـا من شعرها
شعرها تگطع بأيديه وخصل منه بدأت تتناثر على الأرض
عمار - تررررردين ***** موووو؟؟؟؟؟
والله تحلللممييين تحلمممممين ازوججج لمؤمن
السيـد المتديـن هههههه هم يحب
والله باجر عرسسسج ازززل إذا قبلتي لو لاااا باجرررر عرررسج
ازل - لوووووو امووووت ماتزوجــه لوووو امووووت
واندفـن ما اتزووووجه مااااا اكسسسسرررر مؤمن لووووو اموووووت
عمار - لا تكسري اني راح اكسرچ اليوم
حجاهـا وضربها راشدي كومها بلگاع دفرهـا بـَبطنها كل قوته
ركضت عليها رغم حيلي الباد وروحي الرايحه
احاول أجره منها دفني عنه اردتـديت ليوره وانركع ضهري بالكاع
شلبثـت إيديه برچليه بس أريده يبطل ادفر بازل
لمار - عماررر كاااافي راح اتمووت عماااااررررر
صحت وأزل تصيح حاولت أجرها جرنـي من شعري وضربنـي
راشدي حسيت راسي انسـطر الرؤيه تغوشت من الدموع
بجيت بضعف حوراء وهدى وجواهر ما تدخلـن ابد
وام عمار حاولت تطلع ازل ودفعها وأبو ازل
أصلا ماطلع من الغرفه
ازل - مووووووتني موووووتني اضرررررب اقووووه
اضررررب اقووووه .
جرها عمار من شعرها يسحل بيها سحل للغرفه الفوگ
رحت وراه اركض واجرجر بأيده بس اريد اخلص ازل
بس لا حياه لمن تنادي ..
دخلها للغرفه وقفل الباب كعدت وره الباب
حيلي مهدود ادك بالباب واصيح
واسمع صوت عمار والضرب
لحد صرخت ازل
ازل - مسستحيل لا لا لا مستحيل ما تسويههها موصح؟؟؟
عمار - أسويها واسوي أبوها باجر إذا قبلتي بـَ الزواج
راح تزوجين بـَ الحلال أما إذا ما قبلتي راح تزوجين بالحرام!
ازل - انتَ شتحجـي!!!!! شـَ شـ شنو قـ قصدك!!؟
عمار - ما تعرفين اعلمج؟ ادللي هسه اعلمج هههه
ضحك عمار بصوت عالي انفتح القفل باوعلي واني كاعده
بـَ الأرض حيلي مهدود وروحي رايحة جر ايدي يدخلنـي داخل
الغرفه باوعتً على ازل وهي مگرفصه بـَ الزاويه
خشمهـا ينزف، سنونها مليانات دم، عيونها مورمه وجوه عيونها لون بنفسجي ، ايديهـا حمر ،
لحظات حسيتها مثل السنين عمار يضحك وأزل وجها مخطوف
ما مستوعبه الموضوع ولا انـي مستوعبه كلمه من الحجا عمار
كلشي توقعت إلا الصار!
لحظات كانت أشبة بدهـر مو سنين حتى!
جرنـي عمار من ايدي يبوس بشفايفي بقوه
حسيت بلعبان نفس واني روحي رايحه من الضرب
دفعته وضربت صدره بس ماهتتز!
شدد قبضه ايده على شعري والأيد الثانيه شكك ملابسي
بأيده كدام ازل!!! الـي صارت تصدر صوت شهكاتهـا ..
نومنـي على الأرض واني اصرخ ردت اكوم
ضربته صرخت بس كلشي ما فاد..
نزل نفسه يبوس برگبتـي بـَ كل وحشيه
وكانمـا حيوان ما يهمه ألم الشخص المقابل اهم شي يشبع غريزته الحيوانـيه.
" وهـل مره تم اغتصابي كدام اخته بـَ كلُ وحشـيه"
وكلماته ما تروح من بالي وهو يحجي
" صيحي صيحي شنو ما متأذيه؟ "
" اي اي صيحي بعد اكثر اروح فدوه لهل صوت "
" تعلمتي ازل ؟ "
حجه هاي الكلمه اخير كلمه ولبس ملابسه وطلع
تركنـي جثه هـامدة على الأرض مجرد نفس يصعد ونفس ينزل
كل جسمي قطعه زرقاء ..
كامت ازل وهي تبجي وتشهك جابت ملابس تلبسنـي
وتبچي وتصيح وتسبَ بروحها راحت تركض تريد تفتح
الباب لكتها مقفوله حارت شتسوي نزلت لـ الأرض
تلطم على وجها بأيديها تمنيت عندي قوه وأروحلها احضنها
بس حتى مستحيه اباوع بوجها
لمار - ازل حبابه كافي
ازل - راح يزوجونـي! راح يدفنوني مو يزفونـي!
- خليها وره الله
ازل - انتِ ما تعرفين سجاد شنو!! سجاد خبل موصاحـي
سكـير ويشرب وملاهـي وممخلـي وحده تعتب عليَ
ولأن ما انطيته وجهه هيج مستقتل علي!
اموووت ماكدرررر امووووت
- از...
ازل - ومؤمن!!!! شلون اكسسسررر مؤمن شلووون ؟؟؟؟
لج محبوبـي هذه حبيب روحي؟
لا يرررربي دخيييييلك لا تسويهاااا بيَ دخييييلك
ليشششش هييييج اهلييييي ليششششششش!!!!
انيييي سامعه الأهل يوكفوووون ويا بناتهههم
شفتيييي!!! شفتي الماعنده غيرة؟ يكلي ياخذج بـَ الحرااام!
خلونـي بين ناريـن!
كعدت تبچي وتلطم حتى كلام ماعندي اواسيهـا
روحي مورمه جروح جسمي موتتنـي الـم
نمت بدون ماحـس
فزيت على صوت طكه المفتاح باوعتً لـَ لازل نايمه
بمگانها متچيه راسهـا على الحايـط ونايمه
دخلت ام عمار وكعدت ازل تباوع لامهـا متوسلـه
ازل - انحل كلشي مو؟؟ اقنعووو مووو؟؟؟ ما يزوجونـي!!!
ام عمار - كومي ازل خل نجهزچ لا تتعبينـا
كامت ازل موسعه عيونها الدموع متجمعه بيهم
روحها رايحه صاحت بحركه كلب
ازل - ولـچ انتِ امي؟ تعرفين شنو ام؟
يجوز تعرفين بس انـي ماعرف والاصعـب من هذه تدرين شنو؟
ماعرف شنو الأم وامي عايشـه!
امـي وابوي عايشيـن بس وحق هو علي انـي من يتامـه علي.
بحركـه سريعه رفعت ايدهـا ام عمار وضربتهـا راشدي
نزلت دموع ازل تحجي
ازل - انـي من ايتـام علـي واريـد من الامـير المؤمنين يأخذ حق يتيمتـه منگم مسلمتگم بيده واحد واحد الله يراويني بيكم يوم تموتون بأبشع طرق الموت وما يرف جفني على واحد منكم
عافتنـا وطلعت اجـت عمار عمار كومتنـي والبيت مهوس
هدى وجواهر وحوراء وام عمار يتراگضن تروگض
اجـت ام سجاد وأخته يساعدن
وكلهن حيايـة
صعدو ازل وحلفولهـا ويجهزون بـَ جسمهـا ويخفون
أثار الضرب جابتنـي ام عمار وكعدتنـي
وكعدت تحط على جسمي وتخفي آثار الضرب
وتعدل كصة شعري وترتبـه
ولسان ازل ما بطل دعاء عليهم
ازل -ما مسامحتكـم يمـة ما مسامحتچ ولا مسامحه ابوي!
ام عمار - محد طالب السماح من حضره جنابچ
خلصنـا وجابوا فساتين مستره لبست واحد
وأزل لبست قفطان ساده ابيض وبي من وره
بركـع ترچف رچيف السعفه ما عافونـا ولا لحظه وحدنـا
صفنت شوي وكالت
ازل - الله شلون راح يسامحهم على حركه كلبي؟
لمار - ما يسامحهم انشاءلله
دموعي تنزل ويا دموعها اجـت النسوان والزلم والهـوسه
لكيت هـيام وزهراء ويمامه ما جان بالي ويا اي واحده منهم
حضنت هـيام وكعدت نسولف وبالي مو يمهـا
اجـا وقت العقد كامت ازل ترچف كعدت
سألها إذا قبلتـي فـ قولي نعم سكتت وما جاوبت
كرر السؤال وامها كرصتهـا
جاوبت
ازل - نعم قبلت وانتَ وكيلي
كررتهـا ثلاث مرات بدأت النسوان تهـلهـل وام عمار تهـلهل رفعت
راسهـا ازل وهـمستهـا
ازل - يمـة هـلهـولچ چن هلهـوله ام على ابنها الشهـيد.
ام عمار - جنت حامـل بيچ كلولـي ذبيها ، شكد تندمت لان ما خذت بحجيهم
نزلت دموع ازل وامها عافتها وراحت مرات كم دقيقه ودخل
سجاد من شفته زادت صدمتـي
اكرع ، وسمين ، ويباوع مبتسم وكل شويه يلمسهـا كدام الكل بدون ميستحـي
ساعه يكمش شعرها وهي تبجي بهـدوء وتمسح دمعتها اخذولهـم صوره وهـي مبتسمه وهو ايده على شعرهـا منو اخذتها؟ أخت سجاد
طلع العريس والهـوسه والزلم ما خلصت لان راح يسوون
عشه للكل وراهـا يأخذون ازل ويرحون
اشرتلـي أجيها
ازل - خل نصعد لغرفتـي!
هزيت راسي واخذتها الدموع متجمعه بعيوني وعيونها
الكل عبالهم احنه نحب بعض وهي راح تترك أهلها
فـ طبيعي تكون مدمعه وتبچي
صعدنـا غرفتها اول ما دخلنـا شمرت البرگع
وعاطت
ازل - مااااكدرررر ياااارب اخذننننييييي دخيييلك ياررررب
ليششششَ ليشششش هيج يصير بيَ شمسويه عندك؟
ملخت روحها تملخ راحت تمشي مدت ايدهـا جوه الجربايه وطلعت
تلفون دخلت على محادثه بيها ألف رساله كاتبه عليَ محـبوبي المؤمن
رجعت لبدايه المحادثه كاتب الها
- السمعتـه صدك؟
- مستحيل ما تقبلين مو؟
- يجذبون عليَ
- ليش ما تررررردين جذذب موووووو؟؟؟؟؟؟
- ولـچ ازل اريد اچـي ابوي قافل الباب علَي شسوووووي جاووووبي
- هستوووووني دررررريت هستوووووني ولللللج شنووووو يزووووجون روووووحي محتررررركه ولج ما خليت شي
ما سوووووويته شسوووووي
- ولـج ازل يكلولـي انتِ قابـله؟؟؟ ولـج يكلولـي محبوبتـك رايدتـه وما رايدتك كتلهم تربايتـي ما تسويها سويتيهـا؟
- ازل بداعــة يتامـة علـي لا تعوفينـي وتقبليــن
- بس اصبريلـي الباب حديد ماجاااااي اكدر افتحهاا ابووووي ابوووووي ابووووي شسوووووة بيَ ابووووووي اخخخخخخخ
- ازل حبيبتـي محبوبتـي لا تقبلين ديربالج
- ازل شو اكو صوت هلاهـل ما قبلتـي مووو!!!
- ازل هاي الهـلاهـل مو الج مو؟
- ازل ما تسويها بيَ تربايتي انتِ
- ليششششَ دايهـلهن كلبي بعد ماتحمل والله ما استاهل كل هذه
شسوي وينج بويـه جاوبيني الباب ما ينفتح شسوي
ما خليت شي ما كسرته بيَ شسوي بـس ادري هاي الهلاهل مو الج
- يكولن بت الشيخ لابن الشيخ جبنها عدكم عرس؟
عرس منو؟
- سويتيها يبـت كلبـي؟
- وصلـت بيَ اتعثـر واصيـل الريـَل ، بعـز شبابـي ومات بيَ الحيل
ازل تبچي وادك وتلطـم ويا كل رساله
وره 20 دقيقه داز رساله طويله
مؤمن - علـى يا اسـاس دينـج كمل بعدي ، وحبيبـج ضيع
القبلـة؟
على يا اسـاس وعلـى يا اسـاس كبرتـي بساع وانـا
الحاسبـج طفلـة
ولـو سامع الـ ماريدك من لسانـج اتخطئ واضـن
سهـلـة
ولـو راجـع لبيتـه جنازه وممدود ولا راجــع بهـل
فشلـه
ولـو شالع فصوص عينـي ولا شايـف ضحكتج
بـَ صوره
مو تدرين اغـار عليج من روحـي؟
على
يـا اسـاس بيدة يلملـم الكذلـه .
مؤمن - مو زلمه واكعد بين الدواويـن والحبيتها راحت لغيري
- ما وفيت وياج بوعدي الج
- ولـج لو راجـع جنازه ولا راجـع وانـا مفشلـج
- الله لا يوفقك ابوووي الله لا يوفقة اهلج الله لا يوووووفقني
آخر رساله دازهـا كاتب
مؤمن - انـا بحضـن الجنازه اليوم يخلونـي ، وليلـة على كلبچ ارسم عيونـي
رايد من الله محد يتهـنى من دونـي ..
حسيت بهوسه صارت بره اخترعنـا ونزلنـا
ركض ازل تركض وتتعثـر بـَ القفطان تنزل وتبچـي وتشهك
وتصيح - لاااا مؤمن ما يسويهااا سيد هووو سيد
نزلنـا ركض روحي راحت النسوان كلهم كايمات
وهوسـه الزلم والناس وكلشي ما مفهـوم
طلعت ازل تركض لباب المطبخ تفتحها
شافت زلم ما هتمت طلعت تركض لشارع.
اول ما طلعت الشارع لمحنـا الهوسه الصابره كدام
بيت مؤمن عبـاره عن نـار غمضت عيوني من قوه رهبه الموقف مطلعـين مؤمن من داخل البـيت ومخلي خارچ البيت بـَ الأرض
متلمـين عليَ كلهم وهو بنـص عباره عن قطعه فحـم..!
صاح رجال
- لا اللـه إلا اللـة انَ لالـله وأنه اليه راجعـون مؤمن انتقل إلى رحمه الله ..
" وانتهــت قصـه ذالـك السـيد الـذي خلـق من نـسل رســول الله
صائمـا مصليـا يخـاف الله ولا يرتگـب المعاصي بـَ منتحــر "
...
عبـار عن قطعه فحم 💔
- يتبع الفصل التالي اضغط على ( رواية ذيب الغربية) اسم الرواية