رواية عشق بمذاق الجنون الفصل الثلاثون والاخير 30 - بقلم هايدي محمد
الاخيره انتظرونى فى الجزء الثاني أوجاع عشق
😃الحلقه30😃بقلمى هايدى محمد
☆صلى على اشرف الخلق
☆عشق بمذاق الجنون
متابعه اكونتى الشخصى(haydy mohamed)
ادهم::مش عارف اقولك ايه انا
تقطع كلامه تمارا::انا مش عايزاك تقولى حاجه انا عارفه كل اللى هاتقوله أن انا اللى سهله وانا اللى عملت كده فى نفسى وفرطت فيها بسهوله وعارفه انى استاهل كل ده يحصل وان مش مبرر أن امى وابويا بعاد عنى انا ضعفت وكان غصب عنى والله انا لحد دلوقتى بعاقب نفسى بس انا فهمت الدرس لو مش حابب تكمل معايا الطريق علشان اخد حقى عادى مش هازعل والله بس انا ماحبتش اك.ب عليك فى حاجه وحاكتلك كل حاجه
ادهم::انا ماكنتش هاقول اى حاجه من دى انتى ايوه كنتى غبيه بس
تمارا::بترقب بس ايه
ادهم وهو يمسك أيدها ::انا وعدتك انى مش هاسيب ايدك ابدا مهما كان تكفى نظره عيونك اللى كلها ندم واسف
تمارا بفرحه ::بجد هاتخلينى اخد حقى منهم
ادهم::اكيد وبعدين وهو يقلد صوت روبانزل انا وعدتك وعمرى عمرى لما بوعد اخلف وعدى عمرى
تمارا::بضحك على طريقته هههههههههههههه
ليسرح ادهم فى لون عيونها اللى اتغير مع ضحكتها وعلى رقتها
تمارا::وهى تمشى أيدها قدام وش ادهم هييي
ادهم::يتخض ها معاكى
تمارا::روحت لفين
ادهم::سرحت فى عيونك
تمارا::بخجل ادهم بلاش الكلام ده
ادهم::طيب قوليلى بقى عايزه تعملى ايه وايه اللى فى دماغك
تمارا::بتوتر مش عارفه اعمل ايه
ادهم::تمام خلاص نفكر بس مش دلوقتى لانى هاموت وانام
تمارا::خلاص وانا لازم امشى علشان الحق اميره فى الكوافير
ادهم::تمارا اخواتك اتصدموا اديهم عذرهم وماتزعليش منهم مش هاتستغنوا عن بعض
تمارا::كله بوقته
ادهم::ده يومهم ولازم تبقى جانبهم اركنى اى عتاب النهارده وافرحى وفرحيهم انتوا مش كتار على بعض
تمارا::حاضر امشى انا بقى
ادهم::استنى هنا انا هوصلك ولا شيفانى مش راجل
تمارا::هههههه لالا راجل بس يلا بقى علشان ماتاخرش عليهم
ادهم::اقولك حاجه انتى وانتى بتضحكى بتبقى حلوه اوى ياريت تفضلى كده على طول
تمارا::بخجل اعتبر ده ايه معاكسه
ادهم::بابتسامته الجذابه اللى تعتبريه بس بجد ماتحرمناش من الضحكه الحلوه دى
تمارا::وهى تصطنع التكشيره
ادهم::لالالا ابوس ابوكى بلاش اضحكى خلى الشمس تطلع والقمر ينور والنجوم تغار من جمالك والليل يحكى عن جمال عيونك وهى فرحانه
تمارا::بخجل ووجها يتورد باللون الاحمر ادهم لو مابطلتش الكلام ده هنزل
ادهم::خلاص خلاص سماح
تمارا::قلبها هايخرج من مكانه احساس غريب اول مره تحسه برغم انهأ حبت من قبل بس الشعور ده جديد عليها بقت تحاول تهدى نفسها وسرحت فى كلامه وابتسامته الجذابه العذبه مثل ماء النيل ومنظره وهو بينادى على أحبابه
ادهم::تمارا روحتى فين وصلنا
تمارا::باحراج ها تمام شكرا ليك
ادهم::انا اللى بشكرك على ثقتك فيا
تمارا::انت انسان كويس وبجد انا مبسوطه أن فى حد فى حياتى بالجدعنه دى
ادهم:: وهو يصطنع الخجل بس بقى اصلى بتكسف ويحط أيده على وشه
تمارا::هههههههه بجد انت مشكله الى يعاشرك غير اللى يتعامل معاك سطحى
ادهم::روحى ياشيخه الهى يجبر بخاطرك
تمارا::خلاص بقى انت جاى تشحت
ادهم::اشحت ايوه عارف انا الجو ده امشى بقى من هنا
تمارا::اوك باى
لتدخل تمارا ويذهب ادهم
تمارا::ايه ياعروسه
اميره::بفرحه وتجرى تحضنها ايوه بقى كده فرحتى هاتكمل تعالى شوفى تاليا وليلى
تمارا::بعدين ياحبى المهم دلوقتى نبعت نجيب اكل ليكوا علشان تأكلوا
اميره::ماشى ياتيموا لتسبها وتروح لتاليا وتمارا بتتصل تطلب الاكل ......وبعد ماخلصت بتلف علشان تدخلهم
لتوقفها وقوف تاليا قدمها
تاليا::انا
تمار::هشششش مالوش لزوم اى كلام دلوقتى
تاليا::ببكاء بس انا عايزه اتكلم معاكى
تمارا::بجموديه كلام ايه تانى عايزه تقوليه عايزنى امشى انا مش جايه ليكى
تاليا::,باسف بس انا ماقولتش كده ولا أقصد كده تمارا افهمينى حسى بيا
تمارا::بعصبيه وصوت عالى مليان حده وانتى ليه ماحستيش بيا لما جيتى وانا تعبانه تقولى مايلزمناش معرفتك ولا يشرفنا ماحستيش ليه بيا وانتى جايه بتطعنينى بسكين تلم ليه مافهمتنيش ليه ماحستيش بيا سبينى فى حالى وابعدى عنى علشان مالوثكيش اكتر من كده اعتبرى اختك ماتت ياتاليا انا جايه علشان خاطر اميره وليلى علشان افرح معاهم ويفرحوا معايا غير كده لا لو فكره انى جايه افهمك أو استسمحك تبقى غلط
تاليا::تمارا انا اللى بستسمحك علشان تسامحينى على اللى حصل منى انا وقتها ماكنتش فى فى وعيي ولا كنت مدركه اللى بيحصل
تمارا::ههههههههههههه بجد قولى تانى وايه كمان ها لا انتى مصدقه نفسك هههه لالا طيب مصدقه بوئك ده اوعى اوعى وزقتها ودخلت وسابتها واقفه مكانه مصدومه ضايعه خلاص اختها ضاعت منها
اميره::تيموا مالك
تمارا::وهى تبتسم وتدارى عيونها بعيد عنها انا تمام تمام اوووى كمان وبعدين ايه هانرغى كتير ولا ايه مش هايبدؤا تمحير فيكوا ولا ايه
اميره وليلى::ههههههههههههه تمحير ليه شقه
تمارا::اكتر يابنتى
ويعدى اليوم بين هزار وضحك تمارا واميره وليلى وحزن تاليا اللى بغابئها خسرت اختها
اميره::تمارا
تمارا::نعم
اميره::زاى مانا محتاجه حضنك تاليا كمان وحياتى عندك سامحيها تاليا متهوره فاكره بكده هى بتقويكى
تمارا::لو سمحتى يا
اميره::علشان خاطرى وحياه اى حاجه حلوه جماعتنا كلنا فيها
تمارا::حاضر ياميرا هاحاول ويلا بقى علشان تخلصوا
وقبل ماتروح لتاليا دخلت واحده
ياجماعه فين استاذه تمارا
تمارا::باستغراب نعم أنا
البنت::فى استاذ جابلك الشنطه دى وقالى اديهالك
تمارا::وهى بتاخدها منها وباستغراب شكرا حضرتك
لتفتحها تمارا وتطلع منها (فستان اسمر بشغل فضى من على الصدر والاكمام وديل الفستان وطرحه فضى مرصعه بلولى اسمر وحذاء اسمر وشنطه صغنونه من الفضه فى اسمر )
ليلى واميره::واو تحفه بجد
تمارا::وهى تفتح الشنطه الصغنونه تلاقى فيا ورقه تفتحها
(يارب الفستان يعجبك انا عارف انك مالحقتيش تجيبى حاجه تنفع الحجاب علشان كده بعتهولك ويارب ذوقى يعجبك .....ادهم)
تمارا::بجد مجنون
الكل لبس وخلص مكياجه
تمارا::وهى تقترب من تاليا وتقف قدمها
لتقف تاليا قدمها
تمارا::وهى تحضنها ماقدرش فى يوم زاى ده ماحضنكيش اوحتى ازعل منك برغم وجعى من كلامك إلا انتى بنتى اللى ماخلفتهاش ومستحيل الام تسيب بنتها فى يوم زاى ده
تاليا::وهى تحضنها اكتر انا بجد اسفه اسفه
تمارا::خلاص يابت بقى بلاش دموع علشان المكياج
تاليا::انا اللى زباله انتى بجد
تمارا::تقطع كلامها هششششش ولا كلمه يلا بقى عايزين نفرح خلونا نفرح
وبعد فتره وصل العرسان باجمل طله ووسامه وشياكه واخد كل واحد عروسته
مازن::يخربيتك ايه الجمال ده
تاليا::طول عمرى
مازن::ده الكدب بعينه
مهاب::ينهار اسوح ايه يابت ده هما بدلوكى بواحده حلوه اوى ازاى
ليلى::ماتتلم ياجدع انت بقى
مهاب::لا انتى هى بس ازاى لالا صح فعلا ماكذبش اللى قال امسح مكياج موزتك تلاقيها طلعت ابن عمتك
ليلى::لا بقى ياخويا انعدل احسنلك والله ماجى معاك واروح اكل احسن من وجع الدماغ ده
مهاب::بيئه بيئه بس شغال😉
احمد::وهو يقبل يدها ومقدمه رأسها على طول رقيقه ونعمه
اميره::بخجل شكرا
احمد::بحب فيكى جمالك ورقتك ونعومتك دى
اميره::خلاص ياحمد بقى
صوت زمامير وعربيه سمره مكشوفه تقف قدام الكل وينزل منها ادهم بوسامته وشياكته وهبته الانظار كلها تتسلط عليه ليقترب من اخواته ويحضنهم ويباركلهم ويتقدم من تمارا
ادهم::بصفير عالى لالا ذوقى طلع جامد
تمارا::اخص عليك وانا اللى فكره انى انا اللى حلوه
ادهم::وانتى برضوا ذوقى وبعدين يلا بقى الكل هايمشى واحنا هانفضل كده
تمارا::خلاص اروح اركب مع بابا
ادهم::وانا كيس جوافه يلا ياحلوه على العربيه
ركب الكل ومشيوا بين فرحه كل واحد أن وصل اخيرا لحبيبه
وبعد ساعتين من الفرح كل عريس اخد عروسته وراح بيها على عش الزوجيه ليبدؤا حياتهم من جديد
ويعدى شهر العسل وادهم وتمارا اتقربوا مع بعض جدا وبيخططوا ازاى ينتقموا من حسام وسندس وبرضوا لسه عايز يروح لدعاء ليكمل باقى قصتها هى وخالد
والكل نزل شغله
وفى يوم يرجع مهاب من شغله ويخبط على باب الشقه
لترد ليلى ::من ورا الباب مين
مهاب::أفسح التنين
ليلى::بابتسامه ايه ?
مهاب::العب باليه
لتفتح ليلى يامجنون مش هاتعقل خالص
مهاب::وهو يقترب منها وبحب انا مجنون بيكى وليكى انتى حياتى ودنيتى ويقبلها على شفايفه ويبعد مره واحده وهى مازالت فى دنيه تانيه ليقطع عليها الاحلام يلا ياحلوه انجرى اعمليلى الاكل
ليلى::ابو شكلك راجل فاصيل صح همك كرشك روح روح خد شاور على ماجهز الاكل
على جانب آخر
تجلس تاليا ويجلس بجانبها مازن
تاليا:قولى بقى يابرنس نفسك فى ايه
مازن::بتلقائيه نفسى ادخل على واحده بترضع ابنها وتقولى بااااس حماتك بتحبك 😂😂
تاليا::وهى تخبطه على كتفه تصدق انك قليل الادب على فكره
مازن::وهو يلوى شفايفه وايه الجديد عايز حاجه جديده ياختى
تاليا::ابو قله ادبك
مازن::وهو يغمز لها ماتيجى ياتاليا نجيب ليلى
تاليا::ههههههههههههه جديده دى
مازن بثقه::مع مازن تلاقى كل جديد
وياخدها ويدخلوا غرفه نومهم وتسكت شهرزاد عن الكلام المباح😱
وفى يوم جديد ينزل مازن من شقته وقبل مايركب عربيته يشده اربع رجاله يدخلوا عربيه تانيه ويخبطوا على رأسه ليفقد الوعى
وتخلص حلقتنا رايكوا يهمنى
لقراءة و متابعة روايات جديده و حصريه اضغط هنا
•تابع الفصل التالي "رواية عشق بمذاق الجنون" اضغط على اسم الرواية