رواية ذيب الغربية الفصل الثلاثون 30 - بقلم طيبة وليد
Part 30
بـســـم الله الرحمـــان الرحيــــم
$ ذيـب الغربيه
" لا تنسون التصويت والتعليق بين الفقرات + متابعه لحسابي لطفآ "
"""
على لسان ازل
: شَـيصير لو؟
متنهَه مَن الطفولة
وطِير مَن طيور الجنه صِرنا
شَـيصير لو عَشنه
اليتَامة بلا اهل
ولا عَشنه اليتامى بنُص اهِـلنة
"""""""
" يمامه "
مرت كم يوم طبيعي
بعد ما رجعنا من الأنبار استقريت دخلت زهـراء بأيدهـا تلفون
مدته ألي وحجت
زهـراء - يمـامـه حبي هذه إبراهيم جابه الج
يمامه - شنو هاي الزحمه شسوي بيً اني!
- اسكتي وأخذي ازل كرعت راسي تريد تحجي وياج
- ههههه ، لا بس والله ماله داعي
- غير تسكت وتأخذه اضل اقنع اليوم اني!
أخذته من عدها اضحك وهي هم تضحك رادت تطلع ورجعت تحجيً
زهـراء - يمـامـه التلفون مابي غير رقمي ورقم ازل ورقم بابا جاسر ورقم هـيام هم
- شاهين جابلهـا تلفون؟
- اي حبي
- ولمار لعد؟
زهـراء - مادري والله ماحجي ويا عمار ولا عندي تواصل ويا احد غير امي وأزل
- زهـراء شنو ماعندج تواصل! اخوج شبيَ؟ ضامين شي علينا؟ ترا عدنا بنيه يمه
ميلت شفتها بحزن وباوعتلي
زهـراء - والله مابي شي بس هو هيج طبعه بس هو يموت على لمار ميأذيها بتخافين
يمامه - طبعا ميأذيها لعد ماندري قايل احنه وين أكيد لمار تكللنـا !
- طبعا تكول حبي
يمامه - وهسه هم وين؟
- رجعو كلهم
- صددك؟
- اي والله خابرت ازل كالت عمار كايللهـم تعبت نفسيه لمار وره ما سقطت الطفل وهو مأخذها ومسافرين
- اهاا ، وين مسافرين لتركيا؟
زهـراء - لا لايران
- خوش الله يسعدهم
كعدت كدامي تمسد على ضهري بحنيه زهـراء شايله حنيه تخبل تحسها بيها حنيه ام ابتسمت وحجيت
يمامه - هنيال طفلج على هيج ام عندها حنيه ام !
زهـراء - هههه إبراهيم هم يكلي
يمامه - اي رغم اني مضايگه حنيه الام ولا اعرفها بس حسيت مثل حنيتج!
برطمت زهـراء حزينه رغم اني ماحب احجي ولا انقهر
بس من اسولف لاحد انقهر وأتندم واضل اندب بحضي
وبروحي ليش حجيت وليش وليش!
جرت راسي لحضنهـا
زهـراء - تعاي حبيبي اني اربيج ويا ابني!
يمامه - تربيني شنو محتاجه تربيه اني!!
ضحكت بصوت عالي وعدلت كعدتهـا باوعلي وحجت
زهـراء - اسئلج وجاوبي. بصراحه وبسرعه !
يمامه - تمام
- توقعت تكون رده فعلج على هـيام اقوه من هيج يعني سالچن فتره طويله انتن محاچيت سوه شعجب لسه ما اتصلتـي؟
- احس لازم أتعود على اختفائهن وحياتهن الجديده ماريد أكون طرف ثالث بين علاقاتهـم واحط نفسي بنصهم وين ما يورحون واتصل واسئل والح هـواي تبقى حياتهن الخاصه بيهن!
- تفتهـمين ، عندج فضول تعرفين اهلج؟
- لا
- لو طلع عند اهلج عذر قوي تسسامحيهـم؟
- لا
- تحبين هـيام لو لمار اكثر
- هـيام
-شكد صلفه عبالي راح تكولين ثنينهم نفس المعزه
- حبي اني ما اجذب بسرعه احجي ماضل امسلت
- المهم ، تحبين ازل؟
- اي
- تحبيني اني لو ازل اكثر؟
- ازل
-طاحضج المهم ، تعرفين بعلاقه ازل ومؤمن؟
- اي..
- عزا ، اي وشنو رأيج بيهم
- حلوين حيل انشاءلله يكونون من قسمه بعض
- اممم، شوكت ناويه تزوجين؟
- ما ناويه
- اممم، شتردين تصيرين؟
- دكتوره
- شنو نوع الورد المفضل الج
- ورد الأصفر
- اييع ، شنو لونج المفضل
- ايع بعينج ، الأصفر
- اييع! شنو مواصفات شريگ حياتج؟
- اهم شي أخلاق وخلص وهـاي بالمستقبل البعيد وإذا قبل احد يتزوجني
بهت لون وجهه تباوعلي
زهـراء - ليش محد يقبل يتزوجج شبيج ؟
ضحكت باستهـزاء
- ومنو يتزوج بنيه طالعه من جذر الحايط؟
- اوووف. هـاي ليش تحجين هيج ترا تخبلين منو بجمالج وهسه احنه شعلينااا باهـلناا ! وبعدين زعلتي من كلام عمار مو؟؟
يمامه - هـاي الحقيقه زهور ماكو داعي واحد يحجي حتى اعرف اني منو! وبنت منو! اني اعرف نفسي كلش زين ويكفي اني راضيه نفسي وربي وخلص مو بحاجه زوج ولا بحاجه اهل رب العالمين موجود..
برطمت تباوعلي وشبگتنـي
زهـراء - حبيتچن حيل انـي وانتِ اكثر واحده وبعدج لمار
- لمار ليش؟
- هي السبب بزواجي من إبراهيم
- الحمدالله الله عوضج
زهـراء - ويا محلى العوض من رب العالمين ..
ابتسمتلهـا وهي تحجي متحمسه ورجعت باوعتلي مبتسمه
زهـراء - منتضره اشوف رب العالمين شلون راح يعوضج!
- ليش اني بالذات! خوب لمار او هيام
زهـراء - لا حبي لمار خلص تزوجت وهيام الله عوضها بشاهين وتعوضو بس انتِ بقيتي
- تعتبرين الرجال عوض؟
-طبعا
- غلط تفگيرج! العوض الحقيقي من تلزمين شهادتـج رافعه راسج بالقسم التحبـي والرايدتـه! العوض الحقيقي من رب العالمين يحقق الي انت تتمناه مو شرط العوض رجال!
رفعت اكتافهـا بمعنى ما تعرف
زهـراء - مادري بالنسبه ألي عوضي بـَ إبراهيم يسوه الشهاده وابوهـا
- ههههه بس مو الكل مثلج اني متأكده هـيام ولمار يردن يأخذن شاهـيدهـن
تنهـدت بضيق تباوعلي
- تدرين بس ينفتح هذه الموضوع راح تقوم القيامه
- ليش!!
- عائلتنـا كلنا عمومتـي وبنواتهـن هم ما مگملين دراسه بس الولد يكملون والأغلب يبطلون امـا البنات يكملن ابتدائيه وهذيج من هذيج الي تكمل متوسطه وإعداديه
- يعني شنو!
- يعني منو يكول هـيام ولمار يخلوهـن يكملن؟
- شنووو!!!
- اءء لا يعني اكيد لابد هـيام تكمل
- ولمار؟
- احم لمار هم
- احسج دا تجذبين عليه ، بس تذكري انتِ هم عندَج أخت وتخافين عليها اعتبري هـيام ولمار خواتج تضمين عن أهلج إذا بينهم وبين ازواجهـم مشاكل!
تنهـدت تباوعلي بضيق مسحـت على بطنها وجاوبت
زهـراء - ونبي ماعرف اي شي بس داحجيلج انً عمومتي مايخلون بناتهم وچناينهـم يكملن دراسه واصلا كلششَ زين هم مخلصات إعداديه! ولا تخافين هـيام وراها الذيـبَ ولمار انشاءلله هم يخليها تكمل
- الله كريم انشاءلله كلشي يكون بخير ..
زهـراء - نكمل ؟
- تمام
زهـراء - دكتوره مال شنو تصيرين؟
- اريد أصير صيدلانيه
- حلوو، هم حبيتي قبل؟
- لاا
- من اعز شي عندج بالدنيا
- هـيام ولمار
- شنو مواصفات فارس احلامج وجاوبي لا بنعال
ضحكت وجاوبتها
- المهم الأخلاق
- اي يابـا الاخلااااق اهم شيي
ضحكت عليها وهي تسوي بأيدهـا حركه فلوس هزيت ايدي
وكتلها
يمامه - يعني تحبين ابراهيم علمود الفلوس؟
- حبي احنه حاله استثنائيه ، ترا ابراهيم يسوه كل اهلي تعرفين شنو معناها لو خيرونـي اهلي يموتون لو اترك ابراهيم اختار اهلي يموتون وما اتركه! وانتِ منا واخذي اني شكد احبه كلششَ احبه
- الله يديمگم وتكتمل ثمره حبگم بـَ طفلگم..
هزت راسها تمسح على بطنهـا سولفنـا شوي وهي طلعت
من اجه إبراهيم طلعت تلفوني بسرعه خابرت على هيام
جاوبتي بسرعه
هـيام - يميم شلووونج
- زينه رحمله والديج من تذكرتـي الچلبه الجايه وياج
- وحق هو الله أربعه وعشرين ساعه بكلبي انتِ وبالي هم مو تدرين بس البارحه جابلي شاهين تلفون وكتلهم يجيبولچ علمود نتواصل طول اليوم
- وين جنتي؟
هـيام - جنه بمزرعه انـي وشاهين
- شتسوون؟
- نلعب محيبس
- اهووو ، لا صدك
- يعني مزرعه حبي احجيلـج بالترگي؟
- لا راح انسه التركي أصلا
- حقج غير مگايله وجهه زهـراء
- لتحجـين عليها احسن منج
- عمتتتتت عيني علييييةة تاااالي وكت تصير زهـراء العوبةة احسن مننييي!
- بدأت الدراما
تحمحمـت وحجت بصوت متلهـف
- يميم
- ها
- راح تصيرين خالـة
سگتت ثواني استوعب حجم الگلمه وفعلا حسيت بـَروحي راح أصير خاله! وهيام راح تصير ام! هذيج الطفله التبچي على امها لسه راح تصير ام! غرغرت الدموع بعيوني ونزلن يأخذن مجراهـن على خدي
- دتبچين يميم؟
- دموع الفرح
- لا عوزچ اشلع عيونج إذا غير دموع
ضحكت عليها - هـيام راح تصيرين ام شوكت تعقليـن؟
هـيام - أخبلةة واخبل ابو ويا هيهيهاااهيييهي
- عابت لهل ضحكه الشيطانـيه
ضحكت على ضحكتهـا وسمعت صوت شاهين صاح - يولـي وخدر العلويه وريتي ور هساع بهاي ضحكتچ
وهي تضحك بدلع وتجاوبه - شاهينووو كول وريتونـي ور احجي بـَ الجمع حبيبي شنو ممحترُِم ابنـي؟
يمامه - احم نحن هنااا!!!! هل تسمعونـيي
ضحكت هـيام واسمعهـا تتحرك من مكان لثاني
يمامه - وين رايحه؟
- انزل الدرج
- اممم، مشتاقتلج هواي
- اضعاااف ، هسه اخلي ابراهيم يچيبج
- لا ترا مسالنـا ثلاث ايامً من رجعنا من الأنبار خطيه الولد ابتله بينا
- ابتله كلبي ابتله غير بت عمه هيااام
- مسگين هل إبراهيم
- ماكو غيرج المسگينه يماميم
- لقب جديد يماميم!
- حبي اسمج بيً طن تنمر أحير شطلع من القاب
سكتت شويه اسمعها تسولف ويا واحده
هـيام -زمزم اشتهـيت موز ونوتيلا اكو!
- هساع اودي علي
هـيام - لا زمزم خلي لعد عليمن نطلع الرجال
- لا لا هساع
يمامه - هـيام
- ها حبي
- إذا مشغوله روحي
- لا ماعندي شي ، عطاله بطاله هيهيهاهييي
- اممم
- شبيج؟
- احم، اءء هو شسمه منو زمزم؟
- شبيج زمرد أخت شاهين!
- اهـا ما عرفتها لان تصيحيلها زمزم
- اي
- هو ليش تصيحيلهـا زمزم؟
- داتشميـن نفس الريحه الاشمها؟
- يا ريحه؟
- ريحه عطاب مال ناررر الغيييره هيهيهاااهيييييييي
- انجـبي انجبـي
- ليش تأخذين كلمتـي؟
- سلامات دولي
ودعنـا بعض وارتاحيت من ناحيه هـيام حامل هم راح أصير خاااله بس ناحيه لمار ممرتاحـه كلششَ من شفت تعامل عمار خفت وأزل وزهراء يكولن عمار يحب لمار وهسه هم رجعو ليش مدا تتصل؟ مادري معقوله ملت من عدنا وتريد تبتعد عنا!
قاطع تفكيري صوت أشعار وصل لتلفونـي باوعتً منو؟ ازل!
ازل - ياحلوووو كاعد مشتاقتلك
يمامه - هـاا شنو مضيعه بين رقمي ورقم السيد
- لا ما مضيعه هو صح حلو بس انتِ هم حلوه بس هو احلى ههه
- عابت ، عبالي مضيعه شو تحجين وياي بصيغه ولد؟
- متعوده هيج مؤمن كل شويه يكلي ابني ساعه مشتاقلك ساعه كذا لذالك احجي هيج
- اهاا يعني تأثيرات السيد؟
- ههههه اي
- شلونكم؟
- زينين ، والحياه جميلة
- ايباااخ
- ههههههه لج يمامه ونبي راح اموت من الفرحه
- ليش! شكو!
- عمار اجـا وكالي حضري روحج
- على شنو حضري روحج؟
سكتت شويه وهمست بصوت خجول تضحك ببرائه
ازل - كالي حضري روحج ازفچ بأيدي
- عزاااااا يماااااا مبررررووووك واخيررررااااا
- هههههه لج ميتةةة فرح
- الف الف مبروك واخيرًا صرتو لبعض بالإحلال
- انشاءلله تصير
يمامه - اي لمار شلونها؟
- زينه
-بس؟
- اي حبي زينه مابيهـا شي جانت مسافره بـَ ايران ومرتاحين هل فتره كلها
يمامه - شلون جانـو مسافرين؟ غير عمار تعارك وياكم وهي كانت ما موجوده؟
- لا هو ماخذهـا ببيته الثاني لان سقطت الطفل وضاجت من حوراء والزبايل البقيه وقبل سبوعين مآخذها لايران من رتاحت شويه
- وهسه شلونها صحتها؟
- زينه شبيج مابيها شي بس متأذيه شويه أشوفها لازمه بطنها
- شبيهااا بطنهااا
- يمـامـه لان سقطت طفل شبيج!
- ترا الطفل ساله شهر ! شنو لسه يوجعها
- طبعا شمدريچ انتِ؟
- هيج تكولين
-اي
- خوش لعد تكدرين تخليني تحجي وياي؟
- يمـامـه مو تدرين هذه تلفوني مبدون بيً
- حبابه حتلو باليل كلش صيحليها بس احجي وياها
- تمام ادللي جم يمامه عدنا
- اروحلج فدوه
-اهووو شلون بينا بذوله المعجبين
- ايباااخ
- هههه المعچبين انتِ ومؤمنـي
- صار بيها مؤمني
- اي حب ، مؤمنـي وحبـي وعشقي الوحيد وسيـد قلبي ومحبوبـي الجميل
- الله يخليگم لبعض ويجمعگم بالحلال
- يارب ، والله احنه علاقته نضيفه ما رتگبنـا معاصي ابدد
- الله شكد حلو
- والله ابد ما فكرنا بـَ الحرام ابد ، سالنـا سبع سنوات سوه ولحد هاي اللحظه هو مشايف خصله من شعري ولا حتى يعرف لونه! تدرين ولا مره لامس إصبعي إصبعه! ولا حتى لامس بشرتي بشرته! امنيه حياتي الزم ايده
-حبيييي ، امنياتـج شكد بسيطه
- انجـبي ما تعرفين شنو الحب إلا من تحبين
- وعسانـي لا حبيت اشو منو الحب مارتاح
- بلعگس الحب حلو ويا الشخص الصح ، مؤمني دائما الشخص الصح مؤمن إسم على مسما قلب وقالبـآ هو مؤمن بـَ رب العالمين يجمعنا ودائما يكلي " للحد وياج " وكتلج سالنـا سبع سنوات واحنه من نلتقـي اصفن بوجهه وهو يدنك مو المفروض العكس؟ بس شسوي حبيبته خفيفه بس مًو حقي؟ غير يموت
- الله يحفظگم
-دوختچ بسوالفي بس ماعندي غيرج اسولف ويا لذالك انفتـك وياج ههههه
- انجـبي حبيبي سوالفج تخبل! اسمعلج ساعات عندي جدا عادي
- يابعد امي وابوي
- عمت عين الباميه
ضحكنا وهي رجعت تسولفلي على مؤمن ساعه على علاقتهـم ساعه على لقائهم لو تاخذ سكرينات وتدزلهـم ألي وتكتب " خليهم يمج لان احذف المحادثات اشوفهـم لأطفالي بالمستقبل "
- شسمه عادي اقراهـن؟
- ههههه طبعااا عادي
- استحي خاف عيب؟
- شوف هاييي لج هذه سيد حبي اقوه شي عنده حبيبتي احبج اريدج بالحلال ماعنده غير هذنـي
- ايباااخ وعلى أساس انتِ ابد ممأثره بيج هذنـي؟
- دطيري اخررب على الثكييييل
- خرب هههههه ازل راح اموتتتت لج انتِ شنووو؟ هههههه
- ونبي بس من يحجيهـم يصير هيج فراشات تطاير ببطنـي ومطايه تزاگط وجهي يبوخ ويصير احمر ومن مارد يكلي كومي اغسلي وجهج بمي بارد لان صخنتـي من الخجل وانـي اضحك واكوم اگمز يصنع يومي بكلمه منه اعشقه حيل حيل اموت بيً ممصدگُه راح ننجمع بالحلال!!
يمامه - الله موجود طبعا تنجمعون حبگم نضيف
- اي
- زين وابوج ما اله رأي؟
- لا الرأي الأول والأخير بأيد عمار إذا راد شي يسوي وميهـتم لاحد ابد
- وابن عمج الناهـي عليج؟
- هي هنا السالفه من كالي راح ازفچ بأيدي فـ طبعا عمار راح يجيب سجاد يفك النهوه عني ويخلصنـي
-سجاد ابن عمج؟
- اي عار ابن عمّي العار الوسطانـي
- ازل توبي يامعوده
- يمعوده هذوله عارات حتى ماعليهـم غيبةة
- شنو بگيفج
- طبعا اني اعرفهـم بس عمي الكبير الوحيد الزين وهم حرمته مو زينه بس هم ماعدهـم بنات ولا ولد لذالك يحبنا كلنا بس هو حنين اكثر واحد ومدللنـا كلنـا
- الله يحفظه الكم
- ويحفظج أليييي
- اوي ههه
تسالمنـا وسديت الاتصال منها ودخلت اقره المحادثات بينهم
متتت عليهم كلامه وخوفه عليها وشلون هي تدلع عليً
فد عجبونـي وحبيتهم ودعيت من كل كلبي الله يريحهم ويجمعهـم
ازل - مؤمن مليت مني!
مؤمن -ليش حاطه هاي السالفه براسج؟ كتلج ما أمل منج للحد وياج وداعـت عيونج
ازل - خايفه خاف تعوفني لا تعوفني ابد ضل وياي حاول وياهم هم
مؤمن - راح احاول علمودج مره ومرتين وعشره وحتى
لو المحاولات خلصت وتعبت راح ابدّي من الثاني احاول علمودچ
محبوبتـي تستأهل احارب الدنـيا كلها علمودها
ازل - احبك هواي محبوبي
مؤمن - الدنيا بكوم وانتِ بكوم حابچ حيل وداعـت ابو فاضل
ازل - احب حلفانـك مؤمني
مؤمن - ناويه تطلعيني من الإسلام؟
- هههه لا شلون منشاقه وياك؟
- تشاقي تشاقي جعل محد غيرچ يتشاقـة
- خجلتنـي سيييد
- ههههه يروحلچ فدوه السيد
- سيد مستهتر
- غادي تراب السيد يمج
- اهووو ، شوكت نتزوج
- شلون صلافه
- شنو صلافه ترا من جنت بكد إيدك احبك! المهم اريد عرس حبييير اني
مؤمن - وحك ابو فاضل اجيب مشيه تسد عين الشمس
-شلون ؟ احنه أقارب ميصير تجيب مشيه؟
مؤمن - تروحلچ فدوه كل القوانـين جوه رچليج اعارض الدنيا والبسها واچيبلچ مشيه تسد عين الشمس وعين الماردوچ الي
- فد متحمسسسه احرك بكلبهن اله اركص ركص اصفنهـم بيً
- انجـبي ماكو ركض ولا أغاني!
- لااااا بلا!!
- البدايه الترضي الله نهـايتها ترضينـا ، بدأيت حبنا رضينا رب العالمين ورب العالمين شاهـد عليه ما باوعتً عليج بطرف عيني بنضره سوء بس متلهـف عليج بالحـلال ومارايدچ بنضره بالحرام ، مثل ما الله ينطينا على كد مطالبنـا نضل على بدايتنـا وما نلوث نفسنا بالحرام باشياء ما تستأهل مثل الأغاني!
- قنعتنـي!
- الله ينطيني القوه واضل اقنع بيج طول عمري
- احبـك محبوبي هواي
- وحك داحي الباب احبج محبوبتـي
- إذن روح صلي وادعي يقرب زواجنـا
- بـَ كل صلاه ادعي بدون متحچين ناخي ابو فاضل بس اخذچ نذرت بـَ مشيه الحسين سلام الله عليه امشي من البصره لكربلاء ونذرت اذبح خمس خرفان
- خمس خرفاان! والخرفان شعليهاا يا مؤمن
- قربـان لطولچ الراح ينور بيتنـا
- أدلّلك دلال بس نتزوج
- شلون بله تدللينـي؟
- حبيبي الصبح اني ماكعد فـ تطلع بدون ريوگ هاي منتهـين منها غده تجيب وياگ وانتـه راجع لان بعدني ما كاعده والعشه اءءء
- اي شنو العشه؟
ازل - ارگصلك وتعوف العشه؟
-هههههه لچ انتِ شنوووو دروحي بويه روحي صلي الله يهـديچ
- مؤؤمن شنو كدامك شيطان؟
- ليش الهـدايه بس للشياطيـن ، الله يهـديج!
- بطلت مارگصلك
- لا بله؟
- صاير كلشششَ خوش سيد صيد سمج احسلك
- هههههه هاي منين تچيبين سوالفج
- من أمك
- لججج
- هاي شبيك؟ ترا والله عمتي تحشششَ عليگم تكول على ابوك حتى وهو جبير ما يكعد راحه وامي تكللها لا تحجين عليً سيد وهي تكل لامي صيد سمج احسن
- امي فضيحه بعد ، لا تتعلمين شي من امي بعد ، ولا تنقلين كلام
- وين نقلت كلام ما نقلت كلام اني!
- ادري بيج محبوبتـي بس اي كلام يصير ببيتگم لا تكولي الي
- تمام
- عفيه ببنيتـي السبعَه
- سبعه لو تسعه هههههههه
- شوف التفاهه يربي
- تفاهـه لو رمانه؟
- مو جانت برتقاله؟
ازل - بعد ازل لازم اغيررر ما ابقي شي نفسه هههه
- حتى انـي غيرتينـي
- شلون غيرتك؟
- انـي سيد الناس تحلف براسي الحمدالله شاب ومهـيوب كدام العالم إذا امشي بشارع وزلم كبار واگفين يوگفولـي وكدام عيونچ رچفت
- منو مالك انتً شاب؟
- عفتي حجيي كله ورگزتي على هاي؟ هم حضي هذه
- لا حبي ونبي احلا شاب بالدنياااا كلهااا تروحلك فدوه الشباب والشياب غير من نسل رسول الله
- الحمدالله ، اهم شي من نسل الحبيب
- عفت كلامي كله ورگزت على هاي؟ هم حضي هاذا؟
- هههههه اندارلچ فدوه محبوبتـي
- تعرف نقطه ضعفي هل كلمه ؟
- اعرف ، أنا هم نقطه ضعفي عاشكهـا تذكرنـي بيج بكل وكت
- احسن بكل وكت تذكرنـي
- ليش هو انـا ناسيچ؟
- لا تنسانـي ابد خليني بعقلك وبگلبك أربعه وعشرين ساعه بين عيونك خليني
- حتى إذا ميت اريدن اندفن وياچ بفد چفن وبفد لحد
- لتچيب طاري الموت على لسانك كافي ورانـا عرس ! وركص!
- عجل سالي ساعه شاحجـي أنا؟
- اءءء ها اي ماكو ركص صحيح بس ورانا عرس ومشيه وتوگلنـي كيك واوگلك كيك
- اهم شي بطنچ
- هههه مؤمنـيي اريد اروح شهر عسل
- عيوني إذا ترديهـن الچ ، اشري على دوله الرايدتهـا وتم
- اريد عيونك!
- ههه ادللي
- عاجبنـي لونهن
- كدامچ هن وصاحبهـن تحت امرچ
- اروحلهـن فدوة
- ازل!!! راح نطلع من الإسلام روحي بويه الله يهـديج روحي
- استغفرالله تعال خل احجيلـك عن العرس شويه
- اسمعلچ كلي أذن صاغيه الچ
- اءء اي اريد بدله طويله ومنفشـة
- صار
- وبيوم العقد تدخل توگلني كيك واوگلك وتشربني عصير واشربگ
- جوعانه حبيبتي؟
- اسمعنـييي
- اي صار
- اي ، واريد بيوم الحنه تدخل لحنتـي مثل شاهين
- هو محد عاجبنـي بهل عشيره الفاگسه غير شاهين تزوجلـو ترگيه وخلص وعارضهـم ولطمهـم على حلكهم فرهم فر الذيـب
- عراقيه ترا!
- اي عايشه بتركيا
- اي المهم تدخل لحنتـي!!! لضل تدور سوالف من جوه الكاع
- صار
- احم اي واريد زفه جبيررره
- صار
- اي واريد نروح شهر عسل بألمانيا
- صار
- واريد نضل شهر هناك مو يومين وتضحك عليه ترجعنـي!
- انـا اضحك عليج؟ عجل انـا يمتى ضاحك عليج؟
-ها لا والله مو قصدي عليك
-افتهـمتچ محبوبتـي وصار وتدللين چم ازل عندي أنا؟ كلشي يهون لخاطر عيونچ
- يعني قابل على كلشي؟
- قابل وانـا الممنون محبوبتـي
- عمرري ، يلا باي اريد اروح أحاجي صقيقتـي
- بعيدا عن مفرداتـج مادري بيا لغه ، منو صديقتج؟
- يمـامـه
- هاي المفرعه؟
- هههه اي هية
- استغفرالله انصحيها خل تلبس حجاب
- شعليك بالوادم
- استغفرالله راح اصلي
- روح صلي وادعي الله يجمعك بيه هنيالك عليه
- صدك هنيالي ، رايح ادعي دعائي المعتاد
-شنو هو؟
- " يارب الحـب رزق وانتً رزقتنـي حبهـا يارب اجعلهـا من نصيبي ويسر لنا الضروف وهيأ لنا الأسباب اللهـم سخر لنا اهلنـا وكل من وليته امرنـا
يا جامع بين السموُات والارَض اجمعنـي بهـا واجعلهـا من نصيبي وحلالي
وقر عيني بها وبشرني بها قريبا يا من لا يعجزگ شيئا اللهـم لا تخرجنـي من قلبها ولا عقلهـا اللهـم مثل ما علقتنـي بها علقهـا بيً واجمعنٌا بالحلال يارب "
- هاي شنوو تدعي اليه عليه؟
- هـاا
- شنو ها شنو علقها بيً واني اكول أشوف روحي مسودنه وكل ما انام أشوف روحي عروسه
- تشوفين نفسج عروس؟
- اي
- واني موجود لولا؟
- لا بس حتى ماكو ناس هواي بس زمرد واهـلهـا وما يركصون
- انشاءلله خير
- غير غير الموضوع
- رايح اطلعي حتى من دين الإسلام راح اطلعينـي
- ليش عيني شيطان كدامك؟
- ملاگ كدامي
- ضل اضحك عليه بهاي سوالفك
- شعندي غيرچ احبل اجيب
- اني احبل واجيب هم اجيب زعاطيط إلك
- شو دروحي شكد تچفصين
- والله مو صوجك
- احبج محبوبتـي
- اوووي ، احبك محبوبي
طلعت من المحادثه مبتسمه كلامهم يخبل وعلاقتهم حيل حلوه دزيت رساله لازل " عمت عين الجذب على أساس احبج واريدك بالحلال مضلوم هل سيد " دزتلي ضحك وياها رساله -" انجبـي لتگليله سيد هذه سيد كلبي بس اني " ضحكت وعفت التلفون تمددت مبتسمه آمنت على الكل وكلشي انحل هـيام حامل ومرتاحه وبدأت تتأقلم ولمار زينه ومرتاحه ورجعت وأزل مشكلتهـا انحلّت وراح يزوجون لفيت راسي ونمت..
""
لمار "
وصلنـا لـَ البيت واستقرينا كم يوم عمار يطلع من الصبح ويرجع لـَ اليل وما أشوفه هـواي انزل جوه اتسمم من الكلام وأصعب وأزل تضل تتعارگ وياهن
احاول انسى كلشي عشته .. بس مستحيل كل ألم عشته كل ليله
أتذكره واشبع بچي اثر الشفره ابطني لسه وكل جسمي للان يوجعني
مستحيل انسى كلشي عشته قبيح لابد الحدود كل شويه اصفن
كل جرح بجسمي وابچي رغم سالي سبوعين هنا وما رحت لهيام ولا شفتها حتى
ما اكدر اضم عنهـم شي ولا اريد احجي وياهن ما راح يجي
من عندي الهن غير لمشاكل خليني أتحمل نتيجه أفعالي .
ما انكر واكول شكد محتاجتهـن محتاجتهن حيل
مثل البنيه من تحتاج امها محتاچتهن ومشتاقتلهـن ومشتاقه انام بحضنهن
روحي مشتعله عليهن وموجره نار هم
لفيت الشال على ركبتي من الآثار البيها
ورحت لغرفه ازل
دگيت الباب ثواني وفتحتهـا متعرقه ومرتبـكه من شافتني زفرت
انفاسها براحه
ازل - هاي انتِ كلبي وكف صدك جذب!
- شكو حتى الباب ما دكيتها حيل
ابتسمت وجرتنـي من ايدي لداخل غرفتها طبگت الباب وراي
وكالت مبتسمه
- عمار شكالج؟
- شكالي؟
- يوووه ، احجييي
- ونبي ما كالي شي حتى ماداشوفـه
- اممم
بوزت وكعدت على الجربايه وكفت كدامهـا عاگده حاجبي
لمار - شبيج؟
- ماكو شي
- ترا دتبينيـن على نفسج كلشَشش هذاك اليوم كالي اني مرخي الحبل لازل
ازل - شنوووو!!!
- والله
- يمممةة عزااا
عضت شفتها بخوف وسكتتت لون وجهه مخطوف عافتني وطلعت دقايق واجت بيدها سجاده ولابسه جادر باوعتلها فرشت السجاده وكعدت تصلي وتدعي وتبچي
كعدت يمها وهي تناچي بصوت ناصي وتبچي مسدت على كتفها بأيدي
وهمست - الله يهونها عليج
ازل - ما تهون راح اموت
- تهون تهون وداعتج
- تعبت بعد ماعندي طاقه
- ربج قادر على كل شيئ
لمار - رغم ماعرف شنو السالفه ولا كلشي بس اعرف انتِ شنو واني احبج فـ بكل وقت راح اوگف وياچ
ازل - صدك؟
- طبعا
- هنيالي بيچن
ابتسمتهـا وهي تمسح بدموعهـا ويرجعن ينزلن ضحكت بدموعهـا بغصه تحجي
ازل - اضحك واشاقه ويا ويا الكل بس بداخلي نار ما تطفي
صعبه عليه اكثر من عليً اهلي متعبيني مراويني الويل
منين اتلگاها من أبوي الأشوفه مره بألسنه؟
لو من اخوي النچر الوده اخته فصليه؟
وأخته الثانيه ناهـين عليها بسببه؟
لو من امي الساكته أربعه وعشرين ساعه وما تحجي عرف؟
نزلت دموعي حتى ماعرف شحجي وشواسـي
حالتي أصعب من حالتها وحاسه بيهـاا
كملت كلامها وهي تبچي بهدوء
ازل - أريده اريد انجمع ويا ببيت واحد اريد اترس البيت جهال منه وكلهم يشبهوه ونسخه منه أربيهم خوش تربيه وماانقص عليهم شي احبهم وادللهم واي شي سوو الي اهلي راح اسوي الهم عكسه
لمار - رغم ماعرف منو ، بس الله يريحچ ويصير البالچ
- هيج ويصير البالـي وأتزوجه؟ ناخيه العباس والعباس مايردنـي
- انشاءلله مايردچ توكلي على الله وكلشي يصير زين
ضحكت وباوعتلي
ازل - صايره متدينه العفطيه
- مو دانحجـي مثل الاودام اله تاكلين نعل
- شسوي احب اگلج
- كبر لفج ولف اليحجي وياچ
- هههههه اكبر متناقضيـن بالعالم احنه هستونا جنه متحاضنين نبچي ثنينا
- دولي ولي ابجي اريد ازوچج وأخلص منج
- ايباااخ هو اني اريد اخلص منكم
- دروحي
غميتها وضحكت رحت لغرفتـي نزعت الشال
وكعدت على الجربايه صافنه
نبره صوتها ، غصتها بـَ الحجي ، دموعها ، تحط ايدهـا على كلبها من تحجي ، صوتها يرچف وشفايفهـا ترچف وهي تلهـج بالدعاء لخاطر يصير
من نصيبها ، هيج الحب؟
مافهمت شنو السالفه بس اعرف تحب واحد من زمان واهلها ما يردو
وابن عمها ناهـي عليها وخلص محد يفتح طاري هل موضوع
بس حوراء مرات تحجي وتنغزهـا بالحجي وعرفت انـي
اخذت ملابس ورحت اسبح بـَ الحمام الموجود بالطابق الثانـي
لان حمام غرفتـي مابي مي حار والدنيا بأرده
هستوني دخلت الحمام وسبحت
سمعت صوت الصايح قوي رچ البيت رچ من قوته
وصوت صايح ازل تصيح بعلو صوتها صوت متوجع
من الخرعه الاخترعتهـا لبست ملابسي شلون مچان وتركت حتى
الشال ما لبسه بعدني ما متعوده عليً وصوت الصايح خرعنـي
صوت صايح واحد متوجع مثل الصياح الچنت أصيحه..
نزلت اركض على الدرچ شعري مبلل وملابسي مبلله
والهـدوم متبلله ..
باوعتً على حوراء وجواهـر بنتها المتزوچه موجوده هنا.
لازمه ازل من شعرهـا تكتل بيها بكل قوتها وحوراء وياهـا
رگضت اريد افرغ ازل من بين ايديهن وأزل مفرفحه
من الصياح صياحها يسبب قشعريره .
اريد افرغ ازل منهـن وحوراء عتتنـي كل قوتهـا من زندي
اصابعهـا طبعن بزندي صحت اخخ
وأزل تصيح اريد الزم ازل ماكو لزمتها جواهر كطعتهـا تكطع
وأزل تصيح بعلو صوتها الكافر يشفق على صوتها وهن لا!
دفعتها كل قوتي ورحت على جواهر اريد ادفعها ضربتنـي راشدي وصاحت
- هساااع اجتمعووو الـ****
بلعت الغصه وكمت بسرعه بهـاي الأثناء دخل عمار
اجـا بسرعه موسع عيونه وعيونه عليً
جواهر تكتل بازل وحوراء لازمتنـي كل قوتها
اول ما اجه عمار فلتت ايدهـا مني
بنفس اللحظه جرنـي عمار من شعري كل قوته عطت بصوت عالي
وصار صوت صياحي وصياح ازل يرچ البيت
سحلنـي سحل لدراچ شعري تگطع بأيده فتح باب الغرفه وشمرنـي كل قوته وكعت بالكاع كأمشه بطني احسها نشگت شعري منثور نصه على الأرض
بلكوه أتنفس اشهك النفس شهك
عمار - طالععععه هييييج بتتتت***** لج رائددددد هناااااااا
وابووووووي هنااااااااا شلوووون تطلعييييين هييييييج
ملابسسسسسج ملزوكااااااتتتت لزززززك على جسممممج انعععععل روحج انعللللل حتى ***** ما توبين انتِ ما توبييييين والله اربيچ اليوووووم اربيج
تقدم يضرب بوجهي متخيل ويصيح - شحاجييييي انيييي شحاجييييي فوكاههههااااا بدووووون حجااااااب وكل جسمج بيييين انعلللل ابوج لابووووو الفاچ هنااااا بت ****
حضنت رچليه على بطني وايديه هم على بطني اريد بس احمي بطني ألألم يكتل كتل صوته وهو يضرب بيً ويسب ويفشر بفشار عمري وحياتي ما سامعته ولا اعرفه ولا مطروق لاذنـي يضرب دفرات على ضهري ويچر بشعري ويصيح
عمار - لچجججج انتِ حيوووان حيووووان ما تمشيييين غير بالضررررب غير بالضررررب ما تمشيييين مثلللج مثل المطييي نازللله تفرچيهم على جسممممج مووو؟؟؟؟
يضرب كل قوته بي صار طعم دم بحلكـي وعيوني غوشن بدأت عيوني تتگلب بهل أثناء مد ايديه وسحلنـي من شعري يدخلنـي لـَ الحمام سحل
شعري تگطع بأيديه ورچليه تنسحب سحب بالارض وهو يجر بيه من شعري شمرني شمر بالحمام ودفرنـي بضهري روحي شاغت وابچي واسهم والدم بحلگي وعيوني تتگلب اريد بس احرك ايدي ماكدر ..
ضربني راشدي كل قوته وكدامي منجانـه مي جر راسي من شعري ودخل وجهي بمنچانه المي حسيت هاهيه خلص راح اموت ولهنا وخلص
وبـَ هل لحظه تمنيت صدك اموت وأخلص من هل عذاب بس الروح غاليه كنت ارفـس برچليه بس اريد اطلع اريد أشم الهوه الهوه خلص وبلعت المي من ما تحملت شهگت شهگت طلعت من عمق روحي من طلعنـي من المي
بعدني اريد اخذ نفس ورجع رجعني للمي ونفس أالالم والوجع تنعاد عليه طلعتي مره ثانيه وضربني راشدي سحلنـي يطلعني خارچ الحمام من شعري وشعري متنگطع والمي بارد يصل صل وروحي انمردت مرد وبـَ هل لحظه ما طلعت من عندي غير جمله واحده
لمار - اريـد من الله يوكعـك بمصيبـة اقوه من مصيبـة زينب
عمار - هههههههه ***** انعل حتى ****
كفر كفران يقشر البدن بيً ومن يمي روحي طلعت بنفس اللحظه شمرني على الأرض وصار فوگي يشكك بملابسي بكل وحشيه وبدون رحمه بدون اي إنسانيه ولا كانً الكدامـهَ إنسان!
ومثل كل مره اكره نفسييي أضعاف أضعاف وهل مره جان ماعندي اي قوه وبس ابچـي وهو بدون رحمه بدون إنسانيه عافني بالارض قطعه ملابس ماكو عليً وابچي جسمي مليان قطع زرگ والضرب ومن كل مكان انزف
زحفت زحوف اجر بـَ الملابس عليً مجرد تحرگت من مكاني حسيت بجسمي طگ بچيت بسرعه وحسيت بيً من جرنـي من شعري
عمار - اشششَ لتبچين تعرفين شي؟ اكررره شعرررج اكررررة
حجاهـا يسحلنـي كعدنـي كدام المرايا وهو بأيده سچينه عيوني نجحظت راح يرجع يدچني؟
جر شعري من وره خصله خصله وقطعه بالسچينه!!!
كدام عيوني خصله خصله يقطع بيً وجر بي منا ومنا ويضرب بيً
ويدفرني وصوتي رچ البيت زچ
محد بيهم سمع؟
محد بيهم حن كلبه!
محد بيهم مال هاي يتيمه حرام الديصير بيها!
طبعا محد ..
شمرني بلارض بعد ما كمل شعري وصار لحد رگبتـي!
متگطع بطريقه تلعب النفس خصله صاعده وخصله نازله
واني شعري مثل الذهب هيج يصير بي !
وانـي المعتنيه بي!
ابچـي وحاضنه رچليه لصدري وروحي رايحه منضري
يصعب على الكافر ومهما كان عنده مشكله وياي راح يحن كلبه
باوع عليه عمار بنضره مسستهـزئه همست - شتريد!!! ليش هيج دسوي بيً؟
ضحك بصوت عالي يحجي مستهزئ
عمار - شـريـد؟ ليش هو شباقي بيچ ما أخذته؟
أخذت شرفـج
أخذت جسمچ
سچلتچ باسمي
ملكيتي بـَكل زوايـة بـَجسمـج
أخ...
حطيت أيديه على اذانـي اشهك وابچي ماريد اسمع ضحك وطلع
ابچـي بهـستيريه ودموعي على خدي شعري داير مداري واكع
وجسمي مليان دم
بهل أثناء دخلت ام عمار اجـت يمي وما حطت عينها بعيني
دخلتنـي للحمام وحمت مي وغسلتلـي واني بأيدهـا مثل اللعابه
لا ارمش ولا احجي حرف!
حتى دموعي جمدت وروحي جمدت والبرود استوطن روحي كلها
تحجي وياي وما أجاوب
تسوي كلشي وما حصلت رد فعل مددتنـي
وطلعت بره الغرفه
ثواني وسمعت صوت صايح عمار جوه صاح بـَ صوت عالي
عمار - الحاضـر يعلـم الغايب باچر عقد سچاد على ازل ..
يتبع...
- يتبع الفصل التالي اضغط على ( رواية ذيب الغربية) اسم الرواية