رواية ذيب الغربية الفصل التاسع و العشرون 29 - بقلم طيبة وليد
Part 29
بسـم الله الرحـمان الرحـــيم
$ ذيـب الغربيه
بقلم - طيبه وليد
" لا تنسون التصويت والتعليق بين الفقرات + متابعه لحسابي لطفآ "
"""
مِن كتلك حَيل احبك
والله مِن كلبي كلتهَا
زَاعَلت ناسَي علمودك
ولَجلك الدَنِيا عَفِتها
ردت بَس كَلبك يحبني
هية بَس هاي الردتها.
""""
" لمار "
ايامً باهته تمشي واحنه نمشي وياها جثث احياء .. مر اكثر من أسبوعين واحنه لسه بهل بيت توسلت بيً يرجعني ويخاف احد يشوف الآثار إلى ان بلشت تختفي ماعدا اثر البطنـي وأثر رجليه ..
حاولت أتحرك ما كدرت حاولت احجي ما كدرت نزلن دموعي بـَ كل هدوء
حسيت بـَ روحي جاي تطلع من ألألم ما تمنيت شي بـَ هل لحظه غير
الدعوه الدعيتهـا بـَ كلبي
" حسبي الله ونعم الوگيل اريـد من ربي يحاسبك حساب عسير
ما اريد تتهـنى بيوم من حياتك وتشوف أضعاف العذاب
الشوفتنـيا اريد من ربي ما يعيشك يوم سعيد!! "
غمضت عيوني كاتمه صوت شهـكتي ماكدر اشهك بطني احسها تتشگك
ابچـي بس دموع احس روحي مثلي مثل الحيوان
لا والله الحيوان ارحم من حالي على الأقل عنده اكل مي!! كافي لمار هو هذه حال الماعنده سند بهـل دنيا !! ينوگل
من كثر وجع بطني وجسمي ما كدرت حتى ارفع ايدي حتى اشوف بطني شصار بيهـاا
غلقت عيوني بخوف من نفتح الباب ادعي بداخلي وارچف رچيف السعف
كل الدعاوي والقوه الاتصنعهـا تختفي من يصير كدامي
صعبه حيل صعبه ماعندك اهـل ماعندك سند ماعندك احد تروحله !
تردد صوت عمار لاذنـي
عمار - يله كافي ان خلص عقابج سامحتچ كومي بدلي نرجع لـ البيت
فتحت عيوني وما كدرت انطق من حرف درت عيوني اباوعله بـَ توسل نطقت بـَ حروف متقطعـه
- مـ مـ مـي
هز راسه طلع شويه ورجع بأيده لفتين وكلاص مي رفع راسي بدون ما يحرك جسمي شربنـي مي واني ارچف كلي غمضت عيوني اردد " الحمدالله والشكر لالله "
فتحت عيوني وهو نزل نفسه يطبع بوسه انقرفتتت!!! وكتمت صوتي ما كدرت حتى احجي وروحي تلوب اريد اكل
رفع اللگمه يوگلني وخلصت اللفه الأولى والثانيه
وبعدني ما شبعانه
لمار - ما شبعت!
عمار - تمام رايح اجيب بعد من المطبخ
راح ثواني ورجع بيده لفه وكلنـي اياهـا ياله حسيت روحي أقوى شربت مي ورجعني تمددت
عمار - كومي نرجع كلتتت!!
لمار - ماكدر أتحرك بطني توجعني حيل
كلتهـا ورفعت التيشيرت أشوف بطني مضمده بس مو كلش وجع قوي
عمار - ترا الجرح ساله أسبوعين ومدري شكد شنو لسه توجعچ وين لكيتيهـا
لمار - اي والله لسه بيهـا الـم
رفع حاجب وهز راسه اي
عمار - خلصيني خل نروح مليييت كلش
ابتسمت مستهزئه مليت!! وانـي! الماكـو مكان بجسمي صاحي! وصلت بيك تدچني بشفره! ما مهتم حتى نضره ندم ماكو بعيونه
دخلت للحمام ابدل ملابسي النطاهـن الي هو.
وكفت كدام المرايا امسح بـَ دموعي على خلص انسي هل ايامً وين تروحين عندج مكان تروحيله؟ هـيام وتزوجت وإذا كتلهـا راح تصير مشاكل بينها
وبين شاهين! كلمن راح ينحاز لطرف!!
خلص انسي الموضوع هذه قدرج ونگتب عليج! نكتب اعيش هيج عمر
ويا عمار وكل الي صارلي استاهـله تحملي نتيجه أفعالج يا غبيه!!!!
فتحت الباب وطلعت امشي على كيفي وبطني تتگطع احسها
ما سئلت شي ولا حجيت حرف ماريد حتى احجي كلمه
ويغير رأيه ويبقى هنا
صعدنا بـَ السياره وانطلقـت السياره تمشي ساد الصمت بـًَ المكان كله
وما نطقت حرف واحد يدخن جگايرً وباوعلي وهمس
- تحبين ازل؟
- هـاا؟
- موووواحججججي وياااججج تحبين ازززل؟
بطني مغصتني من الخوف هزيت راسي اي
- اييي احبها
- امممم حاچيتلچ شي هي!
- شي مثل شـ شنـو!
- ماعرففف اي شي ؟؟
- لا ماعندي علاقه بيها تحجيلي اي شي واني أصلا وين لحكت
ما نطقت حرف وما أنطيت بأزل رغم كم مره سمعتها تخابر بـَ شخص
وتراسل هواي وعرفت شنو اليقصده بـَ كلامه وسكتت
عمار - برأيح انـي مرخي الحبل مو؟
- شنوو!
عمار - مرخي لحبل زياده لازل لازم اضبهـا اكثر
- ليش!
عمار - ليش مو ليش؟ من ورااااج من ورااااج كل يومييييه طالعتلـي
بـَ ساااالفه
سگتت ما مستوعبه الكلام الديحجـي ولا مستوعبه كلمه ازل شبيها!
كلشي مفاهـمه والألم البطنـي مدايخلينـي ارگز ولا كادره احجي شي
تعبت يا اللهي ارحم بـَ ححالـي
سكتت طول الطريق دكات كلبي ما هـدأت ولا وجع بطنـي هدء
تعبت وعيوني غوشـن ما تجرأت حتى اباوع لجهه عمار
خايفه من كلشي ومرعوبه أتمنى أوصل واشوف هـيام
وانام بحضنها واشوف يمامه ماريد شي بعد ..
" هيام "
شهكت بمكاني من شفت الغرفه المتروسه أنواع السلاح
حسيت بشاهين جرني بسرعه من ايدي يطلعني من الغرفه
هـيام - هاي شنوو!!!!
شاهين - اشششَشش حسچ
حجاهـا وجرني يطلعني برا حسيت انصعقت على راسي ما مستوعبه الموضوع شنو هايزالاسلحه كلها؟؟
قفل الباب وطلع من البيت فتح السياره ورگبني وصعد هو كل هذا
يسوي بكل هدوء وبدون كلام باوعتله وحجيت
هـيام - شنو هاي الاسلحه كلها!!!
ما رد عليه ولا حتى بإوعلي
هـيام - مووو داحجي ويااااك ليششش تسوي بيً هييييج
هـيام - وديني لبيت عمو جاسر ماريد ابقى يمممك ماريد
مجرد حجيتهـا نزل على الترابي وضرب بريك اجه ينرگع راسي
بالجامه باوعلي وصاح
شاهين - جممم مره كتلج لااااا تحجججين هل چلمممه
هـيام - احجيهـهاا إذا انتً ما تحجيلي
شاهين - دحكـي تانرصل البيت
هـيام - لااا هسه تحجيلي شنو هاي الاسلحه المنووو!! ليش بعده البيت طول الوقت جنت بهذه البيت وهو مليان اسلحه!!!!
شاهين - دحكـي ابوج تاجر اسلاح؟
هـيام - اي؟؟
شاهين - وعمامج ؟
هـيام - لااا عمامي من مات بابا تركو كل الشغل وهسه فلوسهم وكلشي نضيف
شاهين - وأملاكج مو بفلوس ابوج؟
هـيام - اي بس جابهم بتعب
شاهين - لا واحنه نركص ونجيبهم
خزرته وهو ضحك
هـيام - وهسه شنو يعني شدخل أبوي وعمامي؟
شاهين - تاحنى تجار سلاح يالنبـض
هـيام - اي ادري بس عمه سماهر كالت تركو من زمان!!
شاهين - لا ما تركنـا
هـيام - يعني من كتلي عندي شغل رحت علمود بضاعه سلاح!؟
حسيت بوجع بكلبي صار رجعت عليه كل الأفكار السوداويه
والأيام الوجع والتعب وضيم امي حسيت كله راح أعيشه
اليشتغلون بهل شغل ما يرتاحون ابد ما مستغربه
لان عمه سماهر كالتلـي وعمو جاسر هم بس كالولي تركو
وشاهين ماله اي علاقه بـَ الاسلحه
وهو عنده املاك وأراضي وبيوت وفنادق ومطاعم باسمه
مثل عمو جاسر بالضبط ما جنت ادري هو لسه
يشتغل وياهم .. ماما جانت عايشه بقلق دائم
وبابا اغلب وقته يطلع من البيت بشغل
ما جنت اعرف بابا شنو يشتغل من كبرت وكمت احجي لناس
عمامي اجو وفهمونـي الشغل مو قانوني
ومايصير نحجي بيً لناس وهم تركو
واني استوعب الموضوع بـَ كل بساطه
هـيام - شاهين دائما الي بهذه المجال يموتون!
رفع عيونه يباوعلي وتحسر غوشت عيوني من الدموع
الما اقبل أنزلهن رفعت ايديه أغطي وجهي وابجي
الباب أليم جهتي انفتح وشاهين جر ايديه من وجهي مبتسم
وضمني لصدره واني ضلمه وجهي بركبتيه اشهك
شاهين - عجل والله توالفتيلنـا يولـي تامايصير شي من أنا عمر12 وانـا عايش بين الاسلحه والموت عجل عش سموني ذيب الغربيه؟
رفع ايده يمسح دموعي
شاهين - وانتِ مرتو لذيب الغربيه ما تنزل دمعتج.
هـيام - ديربالك تموت وتعوفني
شاهين - شعتسوين؟
هـيام - أموتك
ضحك يهمس هتره مصكوعه مهبوله عبرتيهم كلهم يولي
ضربته بكتفه واني لسه عيوني بيها دموع
هـيام - اتركه لشغل عوفه انتً مو بحاجه فلوس وانـي هم عندي فلوس هواي نعيش منهن؟
خزرنـي يهمس من بين اسنانه - تاكصو للسانـج هـيااام
- شواربك حلوات
حجيتهـا ومديت ايدي على شواربه اباوعله صفن بوجهي رفع شفايفه وباس باطن ايدي
يهمس - اخخخ يالنبـض العايش علشانـو وميت بدونو
هـيام - لا تزعل مني من اجفص وياك بس ترا هو صوجك!
شاهين - اهاا شعسويت أنا؟
هـيام - انتً خليتنـي احبك فـ تحمل عادي
شاهين - اتحمـل شيجي من النبض حتى السم اتزوهـرو لخاطرچ يالنبض
هـيام - اوويييي
ضحك واني ضحكت ويا صعد بالسياره وحركهـا وكالعاده كدر يضحك على هيام الفاهيه بكلمتين واني مثل الثوله اضل اتبوسم من أتذكر كلمته
بس حقي كلماته حلوات حقي موو؟؟
يعني كل بنيه تحلم زوج مثل شاهين والله الدكول اريد مثله شسوي بيهااا
رجعت راسي علگشن ونمت ..
كعدت من حسيت شاهين شايلنـي حسيت راسي صار بالارض بسرعه طفرت وكفت على الأرض صافنه بعدها صفنه النوم بيه وفحأه كومونـيي
باوعتً لگيت روحي بصف السياره بنص الساحه مال البيت
وشاهين بصفي طبك الباب مالتـي يدردم
شاهين - عجل تامتگومـين انعل أمو وأبو اليطلعلچ بعد
برطمت اباوعله خزرته بزعل ودرت وجهي ودخلت للبيت
اول ما فتحت الباب شفت زمرد وسلوه وام شاهين
بوست ام شاهين بخجل بعدني ممتعوده عليها كلش بس احبها
وحضنت زمرد عصرتها عصر وهي تضحك وتهمس - حيرانه عش ما اخذتينـيي
باوعتً لسلوه لازمه بطنها لسه ما جابت ديلا على أساس عفتها سنتين وتجيب!
سلوه - هيام
هيام - ها حبي
سلوه - عد منهو سويتي سحرچ؟
هـيام - عد امج
انتفضت خازرتنـي وكامت من مگانها رفعت ايدهـا تصيح عليه وهي حامل والله بيها حيل
سلوه - والله ما مربايه إذا ما ربيتها انااا تكولين هج علياااا وعلى امييي
تاج راسج امييي يالبدون اهل يالماعندج احد وعش أنا هج احجي
هو انتِ ما متربيه منهو يربيـج؟ بتركيا والله ليعلم شعتسوين هناك
ما ضاله بنفس واحد...
ما كملت كلامها وشاهين صار كدامي ضربها راشدي كل قوته على اثره وكعهـا بالكاع
ولا انقهرت ولا رف كلبي عليها وحتى وهي حامل جلبـه أنانيه اني تكلي هيج!!
جرهـا من شعرهـا سحلهـا لصاله ونزل صگر من فوك طاير جر مرته من ايد شاهين وشاهين صاير نار حتى عيونه حمر وايديه ترجف من العصبيه
ويلومونـي من كتله ماريد ارجع لهذه البيت! بعدني ما لحكت اكعد ركبت العركه
طلعت مرت ابو وعمر ومرته وعلي من الغرفه كلهم يرگضون على صوت الصياح والعرگه
البيت كب بـَ لحضات ام شاهين لازمه بايد بشاهين تبجي وشاهين واكف كدام صكر يصايح ويا سلوه بالارض تبجي وشعرهـا مگطع وأصابع شاهين طايعه بوجهـا وخشمهـا يجري دم
عمر لازم صكر وعلي لازم شاهين وهم يتصايحون صاح شاهين
شاهين - عجل أنا تحاچي حرمتي هچ امها تاج راسي حرمتي؟
ههههه يولي امها تاج على قندرتي ما أحطها
صكر - عجل تطگ حرمتي!! شاهييين حرمتييي حامل بولدي!!!
شاهين - عجل خلها تلزم لسانها تامالزمو اكصو من جذرو
وخدر العلويه عضامهـا اصحنهـن إذا جابت سيره حرمتي على لسانهااا
رجع صكر يريد يهد على شاهين وشاهين دفع علي وضرب صكر راشدي فر وجهه فر
عاطت ام صكر
- الله لا ينطيچ يالترگيييه هـجولتييي الإخوان ياله ارتاحيتي
ام شاهين - عجل انتِ هامج الإخوان؟ هو منهو يعبي برأس صكر على اخو غيرج
دكت على صدرها مفرفحه - غدي انااا يالمسيچينه طالعلچ لسان من صارتلچ چنه تركيه
عفتهم كلهم وتقربت من زمرد من شفت وجهه صار احمر تنزع بالحجاب مختنگه لزمته
- زمرد حبي شبيج!!!
زمرد - مـ مختـ مختنگه هـ هـيام
جريتهـا لحضني اشربهـا مي وكعدتهـا على الكرسي وصوت الصايح بالصاله لسه كاب بين ام شاهين وام صكر وشاهين وصكر يتصايحون
وعمر وعلي واحد يكول لثاني اكمش عدل رغم عمر ابو وعلي يكله
الزم عدل يابويه شبيك اليشوفك يكول بكدي وهسه صرت شايب
وسلوه تبجي وتشكي وتغلط وتدعي عليه..
ندفع الباب ودخل ولد شاب اول ما لمحني ولمح زمرد رجع ليوره بسرعه
تحمحم وحجه بصوت عالي
- زمرد هـيروو تادخل شنهو هذه الصايح!
انفزعت زمرد بسرعه تلف بشالهـا وتعدل بروحهـا وتمسح دموعها
زمرد - تعال حــُـر ادخل هذول شاهين وصكر تايتعارگون
دخل حر باوع عليه ونزل نضره يستغفر بقيت باهـته بوجهه
على صوت الصايح ودخل بسرعه لصاله تقدمت زمرد
هم لصاله واني وكفت بـَ باب المطبخ الفاصل بين المطبخ
والصاله اباوع صافنه
دياتعارك ويا أهله علمودي!
سلوه عيّرتني! جنت ادري من البدايه راح أتعير!
شجابني على الحب والزواج شعرفني بيً!
ام شاهين هم تتعارك علمودي وام صكر وسلوه دعواتهـم تقشر البدن
باوعتلي سلوه بحقد ورفعت دشداشتهـا تدعي بـَ حقد وغل
سلوه - عسـاچ تبقيـن بـحسره الضنـه وتتحسريـن طول عمرچ على ريحه الطفل..
رجع شاهين يريد يهد عليها وعلي وعمر وحر لازمي وهو تخبل
بس يريد يوصلها وهي تزيد ما تنقص
سلوه - عساچ بسرطان الياگل افادچ اكل ..
دعائها يقشر بدني من تدعي عيوني صارت حمر من كثر ما حصرت الدمعه
كلهم لايفين على شاهين لان مد ايده عليها وهي حامل
ومحد حاجاها
وهي
عيرت يتيم بيتيمه!
ودعت عليً!
وصاحت سحر ما سحر واني أصلا ماعرف شنو معناها !
وغلطت وسبت!
واليكلك كاتله ابوها تدعي دعوه اخاف ادعيهـا على الكاتل امي وابوي..
سلوه - والله يا صكر عجل اذا تامتاخـد حگي هساع أنا رايحه لبيت أبوي هسااع
حر وعلي وعمر لازمين شاهين التخبل بس يريد
يلزم سلوه وهم كلهم محاوطي بلگوه
وصكر واگف بلنص يهوبز
سرق نضره مني خاطفه ورجع نضره على شاهين وأردف
صكر - تانتـه تطگ حرمتي وهساع اخذ حك حرمتي واطك حرمتك
وسعت عيوني بخوف وهو أتقدم عليً يرگض جرنـي من ايدي كل قوته حسيت ايدي انخلعت رفع ايده يريد يضربني وشاهين دفع علي كل قوته
وكعه بالكاع وصار كدامـي
لزم ايد صكر ولواهـا وره ضهره وبرجله دفره بين رجليه وكع صكر يتلوى بالارض وشاهـين دفره وخله راسه صار على الأرض رفع ايده ليفوگ وحصرهـا بينه وبين الميز وضربها بكل قوته
شهگت من سمعت صوت طگه ايد صكر انگسرت ايده!!
صرخ صكر كل قوته أحباله الصوتيه انشگت يمكن وام صكر تلطم على
وجها وتدعي عليه وسلوه نفس الحاله
ام شاهين وكفت مصدومه وزمرده صدمتها ما تقل عن
صدمه امها ولا عن صدمتي
بقيت باهـته بمكانـي وشاهين دفر صكر برجله وصاح
شاهين - وحــك ابــو راس الحــار ايــدو تنگسر اللَي يمدهـا على حرمتـي والله لخلـي يتمنى الله ما خلقــوَ ..
حجاهـا وجر ايدي وصعد فوگ فتح باب غرفتنا ودخل يلوب وكفت بمكاني دموعي تنزل بهـدوء وشاهين سند ايديه على الميز تفاحه ادم تنزل وتصعد
وضعه مندهـُور كعدت على طرف الجربايه وهمست بصوت خافت
- اسفه .
حجيتهـا بقهر وهو بسرعه گتبص كدامي رافع ايديه يمسح
دموعي عيونه تحجي هو شكد مقهور صدره ينزل ويصعد انفاسه ما
منتضمه
شاهين - لا بويه لا ديربالج تعتذرين هومه
اول ما كال هومه بچيت احب الأشخاص الحنينين وما صادفت هيج ناس بحياتي بس عمي جاسر وزمرد وام شاهين ويمامه ولمار
شاهين - عش تبچين؟ وريتيني ور وخدر العلويه
زدت باالبچي
هـيام - انتً مقهور! من وراي تعاركت ويا اخووك!!
شاهين - انعل ابو اخوي
هـيام - شاهين والله عيونك مقهوره..
شاهين -عجـل شلون تامتريدينـي انقهر واخوي راد يمد ايدو على حرمتـي اخخخ انـا يمدون ايدهـم على نبضي؟ والله تاگسرهـا وكسرتهـا هساع انـا انطيتچ چلمـه؟ وچلمتي ما اثنيهــا
هـيام - اي
شاهين - عش تبچين ايدو بس رفعها ما مدهـا عليج وكسرتها الو!
هـيام - ابچـي عليك أكيد مقهور!
جر خصله يشمها بحيره ويحجي
شاهين - مقهور عليج يالنبـض
هـيام - شكرا
شاهين - عش؟
هـيام - لان وفيت بوعدك ألي!
شاهين - چلمتـي تاماثنيهـا يالنبـض
ابتسمتله ابتسامه متوسعه كلشي يختفي ويتبخـر من يوصل
يم شاهين حتى حجي بعد ماعرف ارتب ولا اعرف احجي
أتوتر واربتـك رغم عمري ما ارتبك بالكلام ويا احد
بس شاهين مختتتتتلففففففف!!!!!! حيل مختلف
شاهين - هومـة
- ها؟
شاهين - عاشگچ
- شكرا
غم گصته وأخذ ملابس ودخل للحمام يسبح حگيت كصتي بغباء
غير آكله انـي هم شكرا شنو شبيج هـيام مطلعه معدل 98؟
بالسادس لچ هـيام السادس ما رچفچ وشاهين رچفچ والله وسفه
نجبـي يلا يستاهل ترچفين وتهزيله خصر هم
ضحكت على تفكيري وهزيت ايدي انتضرته يطلع من الحمام
وأول ما طلع درعمت للحمام بدون احم ودستـور
خلصت ولبست ملابسي وطلعت من الحمام
باوعتً على شاهين نايم وحاط ايديـه على عيونه
نزلت ايده من على عينه ونمت عليهـا عبرت ايدي على خصره
حاضنته ابتسمت من حسيته شدد على حضني
هـيام - الــدنيا كلهـا تخـوف وبس يمك الامـان .
شاهين - لهـدرجه تاتحبينـي يالنبـض؟
هـيام - اكثر مما تتوقع
شاهين - وخدر العلويـه عاشگچ غلاتچ بغلاه امي
ضحكت فرحانه وضميت وجهـي بصدره اضحگ وهو يشم
بشعري
هيام - ليش تحب تشم شعري؟
شاهين - ريحتـو تاخذ عقلي وتملي ريتـي وترجعلي روحي
هـيام - اوووييييي هههههههه
ضحكت بصوت عالي وهو ضحك وياي
رفعت عيوني اباوع بعيونه بنضرات بريئه بلع ريك وحجه
- تـا ما تباوعيلي هچ
- ليش!
- أضيع ..
- لهـدرجه تحب عيوني؟
- عشگان كلشي بيج وخدر العلويـه هيامـي بنيتـي نبضـي
- انـي هم احـبك هوواي هواي
- شكرا
ضحكت بقوه وهـمست
- شاهين
- روحـو
- زمرد منساع اختنگت وصار وجها احمر . راح اروح أشوفها
- هساع تاننزل
هزيت راسي وكمت فتحت الباب وطلعنا ثنينا سوا لازم ايدي
ونمشي سوا نزلنا جوه باوعتً لا صكر ولا عمر ولا سلوه ولا ام صكر
باوعتً لزمرد احجي
- وينهم؟
- راحو عمر اخيي وصكر وأمو للمستشفى وجهو صاير خريطه
وسلوه راحت لبيت أهلها وعلي بغرفتـو وامـي ارتفع ضغطهـا بغرفتها
- عززااا امج شبيهاا خل اروح اشوفهـاا
تركت زمرد ورحت بسرعه لغرفه اول ما فتحت الباب صارت بوجهي ام شاهين دخلت اباوع
لغرفه بيها ريحه تخببل وهـادئه وبارده وام شاهين
أمدده على الحربايه وشاهين بحضنهـا حاط راسه
ام شاهين - تتگاون ويا اخوك وتكسرلـو ايدو عشانهـا يشاهـين؟
شاهين - وخدر العلويـه اكسرلـو راسو وادفنـو وهو عايش
واكص لسانها لحرمتـو إذا جابت طاري النبض
شاهين - هسااع هذه حب يشاهـين خبال هاذا!
شاهـين - شعتگولين كولي مهبول مصگوك ميت بيها أنا عاشك النفس الي هي تاخذه والله ما تمسها چلمه وانـا اشم ألهوه
رجعت بسرعه سديت الباب بـَ خفه فراشات ببطني تطاير اريد
أسيطر على ابتسامتي ولهـفتي وفرحتي ما كدرت
كمت اكمز من الفرحه ركضت لزمرد حضنتها ابوس بيها
وهي ما كالت لا حضنتني هم قوي تبوس بيً غمزتلها احجي
هـيام - هـاا هـاا معوزه حب وحنااان؟؟؟
- ههههه چلبه والله انـا صوچي احضنچ
تقربت يمها وهي كاعده تخبط كيك احجي همس
- صح هيه موقتهـا بس مااخليها بكلبي ، اشو احس أوضاعج تخربطت
من دخل حر!
وسعت عيونها وباوعت على الباب ضربتني بكتفي
- نجبي لا تهـترين بالحجي
- اييي اييي مبين من الوجهه الصار طماااطه
- هياااام زلمـه متزوج وحرمتو الله ما يجرعهـا چفيني شرچ وشرهـا
- نجبـي ، بس صدك متزوج؟
- اي
- حرمااااتتتت
ضحكت زمرد تهز راسهـا بأسه منيً الادبسز
هـيام - احم هو شيصير منج؟
- هيااام
- اهووو شبيج هو سؤال طبيعي دجاوبي!
- ابن عمي
- احححا تدرين الابن عم ميصير يتزوج غير بنت عمه؟؟؟
- استغفرالله
ضحكت بكل قوتي زمرد أسم على مسمى زمرده صافيه
تخبل قلبـا وقالبآ احب أشوفها عصبيه وجها ينطن احمر
وتخجل بسرعه هـادئه ولطيفه خبله شويه وتچفص
تحجي منا تنسى منا كلامها بلسم على جروح الكل
حبيتهـا حيل من اول ما عرفتها حسيت اكو جاذبيه
بينه وبين حر ، حر نضراته الها غريبه وبيهن لمعه
مثل لمعه شاهين لا طبعا مو مثلها محد يوصل لشاهـيني!!
المهم وهي خجلت كلششَ وخلصتها تعدل بروحها
رغم بنص العرگه والضيم وشكلها يخزي
من الدموع والنحب وهي كانت تعدل بروحها وكذا وكذا
فـ حسيت اكو جاذبيه بينهم قويه واني اخذت وضيفه نيوتن
وقررت اكتشف الجاذبيه البينهـم بس مع الأسف
ما كدرت لان التفاحه طلعت متزوجه اقصد حر طلع متزوج ..
راحت تحمي الأكل لشاهين لان خطيه المسگين
كلشي مماگل بعد شيسوي الله بلاه بهيام.
طلعت الكيك من الفرن وسوت چـاي
بصينيه استاگانات وككوات وقطعت الكيك
وخلت صينيه ثانيه لغده مال شاهين
زمرد - هـيام هيري تاتشيليـن صينيه زلمتـج
هـيام - نجبـي لوج ، اني أشيل صينيه الكيك وانتِ شيلي مال سوچيي
ضحكت زمرد تقلد عليه شلون احجي
وكفت على الطباخ طلعت الصيخ من على النار وتطلع المشاري منه
تقربت يمهـا اهمس
- زمزم حبي
- ها؟
- حر يحب مرته؟
بالصيخ الابيدهـا ضربتي بيً بأيدي متدري بيً حار صرخت
بصوت ناصي اكمز جرتنـي حطت ايدي جوه المي
- لج حماررره هو سؤال ليش تحرگيني
- مادري ونبي عبالي بأرده
- لج صيخ غير جان بالنار شلون بارد
- والله عبالي بارد لان طلعت المعلاگ منه
- لج غير طلعتي المعلاگ بالسچينه شلون بارد
- والله عبالي بارد مادري
- لج حار غير جان بناررر
- عبالي بارد
- غير جان بلناررر
- وللج عبالي بارد والله
- شلون بارد غير جان بنارررر
- كافي لطشتـي شكل النت يمج ، والله عبالي بارد
خزرتهـا ودرت على ايدي جوه المي البارد
صفنت لحظات
مجرد صيخ جان بلنار ولمح ايدي وهيج توجعت
امي شلون تحملت تحترك كلها علمود تطلعنـي!
تحملت الوجع والألم وصريخها اليرن لسه بأذني!
صريخها اخخخخ يصريخها نار وتاكل بأذني !!!
فززتنـي زمرد من دفعتني من كتفي بخفه
- زعلتي؟
- لا عادي ادري مو قصدچ
ابتسمتلي وحضنتني
هـيام - جلبه حقيره تستوسـه
ضحكت
زمرد - تعودت على خبالج لا ترحين مره ثانيه
- اوووي
ضحكنـا وشلت صينيه شاهين وهي شالت الكيك وطلعنا
لغرفه ام شاهين فارشين بلارض وشاهين متمدد بحضنهـا
اول ما شافني ابتسم بس اني خزرته
ورجعت باوعتً لام شاهين تباوع لشاهين شلون يباوعلي
كام من حضنهـا يصفها كاعد حطيت الصينيه كدامه
وزمرد حطتها كدام امها
كعدنا اني وزمرد على الجربايه
باوعتً لزمرد ووركصت حواجبي الها
ورجعت باوعتً لشاهين بنضرات بريئه
هـيام - شااهين أختك التستوسـه حرگتنـيي!!
رفع نضره شاهين صافن علينـا نضره ينتقل بيني وبين زمرد
برطمت وهو بسرعه كام من مكاني
باوعلي وجر ايديه يكلي وين حركتج ! صدك حركتج؟ زمرد تخبلتـي!
جر ايدي يباوع بيهـن لحد ما وصل لطبع الصيخ طبع احمر
خفيف وسع عيونه وخزر زمرد تلاحگت الموضوع لان حمه
هـيام - جذب جذب اني صرت نادره وكلت
اسوي اني الأكل الـم وحركت روحي بالغلط
استغفر وخزرني جر راس زمرد باسه
شاهين - العزيزه الغاليـه تأدري بيهـا ذيبه ما تسوي الغلط
طول عمرها رفعه راسي جعل كل البنوات مثلچ زمرداتٌي
ابتسمت وهو جرهـا لحضنه يشاقيهـا وباسهـا براسها
ورجع باوع لطبع الأثر البأيدي وتحسر دنك وبأسه كدامهـمً
استحـيت وسگتت
شاهين - هسه يطيب
هزيت راسي وهو جرني يكعدنـي كدامه
كالي اكلي كتله ماشتهي سوالي لفات ويحطهـم كدامي
شاهين - ميخالف اكلي شوي
أكلت من ايده شويه وذبيتهـا باوعلي يأس
ابتسمتله ببرائه
هـيام - اشتهـيت كيك
هز راسه يضحك واني حولت على الكيك وام شاهين تأكل كيك
وتشرب جاي وتضحك عليها ساعه على زمرد ساعه عليه
ويا شاهين متحجي
هـيام - اشو قرقزيتنـا تقرقز لعد وأبنج محجيتـي شي عنه؟
ام شاهين - ياععع وهساع ابنـي شبي ذيب الغربيه هاذا يولي.
هـيام - واني مرته لذيب الغربيه
زمرد - وانـا اختـو
ام شاهين - ياععع ياععع شوف يشاهـين
ضحكنا اني وزمرد ولفنا الطاوله عليها وشاهين يضحك علينا
ام شاهين - وهساع حتى زمرد الفگيره صار الها لسان من عاشرت العرمه ام لسان الهـتره
هـيام - شووف شووف السمعه شاهين ترضاها انـيي عرمه!!؟
شاهين - اه ! عش حرمتي عرمه؟
ام شاهين - كم كمو من يمي لا بارك الله فيكم
ضحكنا كلنا وهي عصبت تحجي على شاهين توكف ويا مرتك
وهو يضحك ويگللها ترا هي بمعزتج وانتِ منا وقيسي شكد احبها
طبعا انـي اترچملگم وزمرد تترچملي
كملنـا اكل وشاهين أخذني وصعد َ
نامنـا وكعدنا واليوم مر هادئ جابو صگر بغرفته بدون صوت
وحتى امه ما حاجتنـي مدري شعجب ! وشاهين طالع
وام شاهين متمدده والطبخ كله واكع برأس المسگينه زمرد
واكفين انـي وياها وهي مشغله المفرغـه علمود ما يوصلني دخان
واني اسوي كريب اشتهـيت حلاه فجأه
هـيام - زمزم ديربالج تفگرين تزوجين ماكدر اعيش بدونج.
ضحكت
- نجبـي تابقـى على گلبج
هـيام - منو كالج باقيه على كلبي هو انتِ بنص كلبي
غطت وجها بأيديها خجلت بسرعه تضحك
- تاتخجلينـي باخلاقـج هيامه
هـيام - لعد شعبالچ اخلااااق انييي
ضحكنا واني كملت الكريب اكطع فراوله وموز
هـيام - احم زمزم
- ها
- اشو شفت بعيون حر شي مثل الحب
صفنت عليه ضربتني بكتفي واني اضحك
هـيام - اهووو شوف انوب صارت حمره سولفيليييي
- لاا تاصرت حمره من النار
- لا تجذبين سولفيلييي شبيج شنو مثقين بيً؟ إذا مثقين براحتج
- لا لا بس سالفه سالها دهر مدفونه عـش نطلعها؟
- عزااا يعني اكووو سالفةةة
ضحكت وكالت اي
- سولفييي سولفييي راح انفچر
اخذت نفس وزفرته تحجي بهـدوء
- من جنا صغار جانـو يكولون زمرد لـ حر وحـر لـ زمرد
كبرنـا واحنه عل هل چلمه حبينـا بعض من بعيد لبعيد
اقوا شي عدنـا ادحگلو بعيونـو
تالي عشكتـو بنت عمومتـي وانتحرت علشانـو وهو تزوجهـا
هساع انتهـت كبل لا تبدي وهساع عرفتي لا تقهـريني وجيبلي طاريو .
انقهرت وحسيت بحقاره يعني تدرين بيً يحبها وتحبه
وتنتحرين علموده ؟ شنو ماكو كرامه؟
انوب وهو شنو ماعنده لسان يرفض؟؟؟؟
هـيام - وهو شنو ماعنده لسان يرفض؟؟
زمرد - چلمه اهـالينـا ماشيـه هـين
نقهرت من كل كلبي من شفت دموعها نزلت
هـيام - لسه تحبي ؟
زمرد - متزوج حرمتو بنت عمومتـي خلو يطلع من راسي
تعبت والله تعبت انام أتحلم بيً اكعد أفكر بس بيً
وانـا اعرف طريقنا مسدود حرمتو عاشگتو
گطعت اوردتهـا علشانو وهساع تترگو؟
وانـا اعرف هو تامايتركهـا عش كلبي لساع متأمل؟
عضيت شفتي بقهر وهي تبجي وتحجي تمنيت ما كتلهـا احجيلي
ياخي زمرد بنيه تاخذ العقل من جمالها وادبهـا واخلاقهـا وخجلهـا
تحسها نازله من السما على كد ما صافيه ونقيه
هـيام - كافي لا تبچين لو الله قاسمگم لبعض تصيرون
لو مو تحبه زين هو يحبها؟
عضت شفتها بقهر تباوعلي متحسره
- تاماعرف مايكول
- يجوز مايحبها ويتزوچج !
- هساع انتِ تقبلين تـا وحده تتزوج شاهين؟
هـيام - زمرد لا تچفصين شاهين يحبني واني احبه
شدخل!
-اي صح
هـيام - تحبي؟
هزت راسهـا اي تمسح بدموعهـا كملت مالتـي الكريب
وحطيت نوتيلا وفواگه فوكاه صار شكله يخبل
وزمرد كملت صب واخذت لصكر وامه بغرفتهم
وأحنه بالصاله
كعدو كلهم يأكلون واني اخذت ماعوني وكعدت على التخمَ
اكـل مستلذه لان فعلا يمووت اسووي
رفعت راسي اباوع ام شاهين صافنه عليً
وزمرد تأكل
ام شاهين - عش ما تجين تأكلين؟
- اشتهيت حلاه وسويت
اباوعلهـا اشو هاي كومي وتعاي بوسيني تبوس بيً فرحانه !
هـيام - هاي شكو ؟
- هيومـه انتِ حامل
وسعت عيوني وشهگت
- لااا ترا مفتهمه غلط!
- لاا لااا الف الصلاه والسلام عليك يا حبيب الله محمد
ما قصرت يبو فاضل من زودت نسل ولدي
الحمدالله الحمدالله هيري تاسوين تحليل!
عافتني بصدمتـي وجرتنـي لغرفتها طلعت تحليل حمل وزمرد تضحك تكللها
زمرد - يما هساع تحليل الحمل شعتسوين بي انتِ؟
ضربتها ام شاهين خجلانه وزمرد خربانه ضحك
عفتهم ورحت لغرفتي ودخلت اسوي التحليل فرحه وخوف وخجل
وكل المشاعر جمعتهم بـ َ هل لحظه خفُت ما انكر
بس من أتذكر لهـفه شاهين افرح وارجع احس نفسي مو كد المسؤليه!
سويته بعد ما علمتنـي عليي ام شاهين
طلعت من الحمام وحطيته على الميز منتضرته
مر وقت وما صار خطين اخذت نفس براحه وزفرته
وترتنـي على الخالي بلاش
اخذت المشط شعري وانفتح الباب دخلت زمرد تكمز
من شافتني امشط صفنت بمكانهـا
زمرد - ها؟
- موحامل
- لاااااا
- وسم
- لااااا تاصيررر عمةة
- دنجـبي
تأفأفت وغمتنـي وصلت يم الميز ووسعت عيونها تباوعلي بصدمه
اخذت التحليل بأيدهـا تحجي بصدمه
- هساع خطين يعني حامل؟؟؟؟
ركضت اخذ التحليل من ايدهـا خطين حمر!!!
هـيام - لچ زمرد شسوويتيلـةة هستوه جان خط واحددد
اباوع لزمرد كامت تكمز وتهز جتف وتصير تاصيررر عمه
عافتني بأيدهـا التحليل ونزلت تركض
للحظه حسيت انطفئ كلشي اني مو جاهزه اجيب طفل!
اني امي بعدني ما مستوعبه موتها شلون راح ام واني بحاجه لام!
مو كد الحمل والطفل والمسؤليه اني!
وجامعتي!
وشلون راح أكملها ويا سلوه ومرت ابو شاهين!
ما فرحت وحزنت صياح زمرد جوه وام شاهين تهلهل
فتحت باب غرفتني ونزلت أتمشى بهـدوء وصلت للدرج
ويا وصلتـي شفتي باب الصاله انفتح ودخل شاهين
يباوع مستغرب خزر زمرد التگمز بنص الصاله
وزمرد ركضت علي رفعت تحليل الحمل بوجهه
وصاحت - حااامل
بهت وجهه شاهين ورده فعله خوفتنـي اكثر
يجوز هو هم ممستعد صح جان يريد بس ما توقعنا بهل
سرعه كل ضني بعد ما اخلص جامعتـي!
قبض ايده بعصبيه وعاط
شاهين - منهووووو حامل زمرررد ادفنـچ بمچانچ من منهوووو ..
بعده ديحجي وام شاهين قاطعته من حطت شيلتها
على وجها تضحك غاصه تحجي
ام شاهين - ولك يشاهين حرمتك حاامل ههههههه يمفلوك
تركت الحزن وكلشي وركزت بتعابير شاهين
العصبيه وهو يحاجي زمرد عباله زمرد الحامل " هههههه
ما اتخطئ صدمه زمرد وتعابير شاهين كعدت على الدرج
فاحطه من الضحك وزمرد تضحك مصدومه
وشاهين مصدوم بالخير مدري حزين مدري فرحان
تعابير وجهه جامده
واني اضحك بمكاني لجهه يباله زمرد حامل واني ما اجيت!
اباوعله بلع ريك وتقرب يصعد الدرچ كمت اوگف
جرنـي من ايدي يوگفنـي كدامه
عيونه تحجي لهـفته بهـل لحظه نسيت الطفل وكلشي
ركزت بس بفرحه شاهين
تعابير وجهه المتلهـفه ، رجفه ايده ، عيونه تتحرك بين عيوني ، تتسائل عن رده فعلي ، ابتسامته الماگدر يخفيهـا ، حبه الواضح وهو راح يصير عنده طفل من النبـض هـمس بصوت فرحان لهـفان متسائل
شاهين - حامل؟
هزيت راسي اي دموعي توكع ما توقعت رده فعله
تكون لهل درجه صوته يرچف رچيف وانـي ارچف وهو يرچف
وحتى الطفل يمكن يرچف
هـيام - اي النبـض حامل راح تجينـا زقجه عيونها خضر
على امها وذيبه على ابوها
جرنـي من ايدي يبوس راسي وام شاهين هـلهـلت وزمرد تبجي
شاهين - طشــرنـي التعب ، وخـبر حملـچ لمنـيَ ،
ضحكت بفرحه وبعدت راسي لان خجلت من ام
شاهين شنو هي عمييي عيب عصر ايدي وقربها
لشفايفه يبوسهـا وبحـركه سريعه باس عيوني ثنينهـم
يحجي
شاهين - انـا العَايـش عَلى عُيونـج
انـا المُايدري ويـَن يروح من دونج
يتبع...
- يتبع الفصل التالي اضغط على ( رواية ذيب الغربية) اسم الرواية