رواية اسرار القلوب الفصل الثامن والعشرون 28 - بقلم رانيا قنديل
البارت ٢٨★. اسرار القلوب★
وبينما هم جالسون على مائده الطعام توجه محمد للجلوس بجوار سلسبيل
محمد: قولى أنا عارف لما بتبقي نفسك تتكلمى شكلك هيطق احكى اللي مخبياه
سلسبيل: والله م حد بيفهمنى غيرك أنت أنا هقولك عشان ارتاح بعيد عنك بطنى هتنفجر وصوتها عليي...
خالد: سولي ايه تعبتى ثوانى هروح اجيبلك الدوا واجي
سلسبيل: لأ والله انت حد مسلطك على بطنى طب هو ممنوع انطق وااقول بطنى خالص ولا أنت مظبط الإرسال عليا
علي: يعنى هو غلطان علشان خايف عليكى والله عجيبه نفسي تبطلي تردى
سلسبيل: لايمان اتصرفي لافرقع فى وشكم والنعمه فين اللي اتفقنا عليه وقالتها بغيظ لايمان ونرمين
نرمين: اتفقنا على إيه مش فكرة ونظرت لايمان بغمزة
سلسبيل: هار مش فايت انتى جالك زهيمر دلوقتى مش لما كنا وقفين وبتبصو على خالد وسن.......... نرمين بسسسس ايه ي بت وطى صوتك
خالد: انتى بتقولى حاجه ي سولي .....
سلسبيل: شفتو مركز معايا ازاى والله حرام تخلوة ياخد اجازة من التقطيع وبصوت عالى ي جدى ي جدة
الجد رأفت: مالك ي بنيتى اتحدتى عم تندهي وأنا قبالك جولى
سلسبيل: هو فى مستشفى هنا .......؟
الجد رافت: خير ي بنيتى مالك بتتوجعى
سلسبيل: والنبي ي جدو كلم المستشفى قولهم على خالد هو دكتور شطورة ومقولكش عليه في التقطيع حاجه كده من الآخر ....
الجد رافت: ابااااى عيزاه يشتغل ليه ي بنيتى خليه يريح يومين عيزاه يشتغل ومجعتش معانا واصل
سلسبيل: اصله بيحب التقطيع وشغله وكمان بيحب البت س......نرمين خبرك هيبقي على أيدى أنا وهتعلم فيكى التشريح ... هوسسسسس واقطعى النفس
سلسبيل: وده ااقطعه ازاى ونظرت لخالد وبصوت واطى طب اتصرفي مع مع اخوكى أنا على أخرى منه وصالحينى وتحيلو عليا علشان ارد على...علي
وارتاح بطنى مش حمل انتفاخ ....
رحيق: تحبو تشربو ايه .....
الجد رافت: أنى شاي انتى خابرة طلبي
علي: وأنا شاى بس خفيف ويريت إذا بنعناع
خالد: وانا شرحه ........
البنات بصي ي رحيق كلنا هنشرب شاى بالنعناع ي قلبي
حمزة: طيب هقوم أنا اعملكم الشاي بالنعناع أنتم بتحبوة من ايدى
سلسبيل: يالهوووووى على العب لما يبهدل الرداله يا وهووووى
نرمين لايمان: الحقي شوفي اخوكى مسهم ازاى لأ وايه اتطوع يعمل شاي ونظرو لسلسبيل وابتسمو
سلسبيل : خليكو معايا هتكسبو أنا مكتشفه الغموض والله صالحونى مع الغتت علي علشان منتفخش منكم وعلشان نعمل خوطه لخالد وسندس
ايمان طيب تمام
سلسبيل: ومالك فرحانه اوى كده مش تزعلى على نفسوياتك ونفسوياتى وكمان خالتى نرمين تحسيها مبسوطه كده إحنا التلاته شكلنا وحش ......
محمد: تعالو نقعد فى الجنينه الجو برة جميل
خالد أنا هاخد جدى واطمن عليه وبعدين احصلكم
ودخل حمزة مع رحيق للمطبخ لعمل الشاي وتقدمت خلفه سلسبيل بمسافه بسيطه
فرات حمزة ينفخ وعلامات الضيق على وجهه
سلسبيل : ماله ده ودخلت للمطبخ كى تطلب اي شيء فنظرت رحيق تعالى يا سولي عايزة حاجه
سلسبيل: اااه لأ كنت عايزة اشرب فنظرت للداخل فرأت بعض الخدم باخر المطبخ ففهمت ضيق حمزة وتقدمت وأخذت كوب ماء
حمزة: عايزة حاجه تانيه ........
سلسبيل: لأ وظلت كما هى لا تتحرك .......
حمزه: إيه واقفه كده ليه مستنيه إيه ....
سلسبيل: مستنيه الاتوبوس مالك مش طيقنى ليه اصلي كنت عايزة أخد الناس اللى قعدين دول علشان يطلعو شويه فاكهه برة وكده
حمزة: اه وماله خليهم يطلعو اللي انتى عيزاه
سلسبيل: طبعا فرحان هتقعد مع الموزه بس على مين يانمس
فخرج الخدم لتقديم الفاكهه والماء سلسبيل سحبت كرسي وجلست فنظر لها حمزة بغيظ ونظر بطرف عينيه على رحيق
سلسبيل: لنفسها شيفاك والنعمه بس مش طالعه
رحيق: عامله ايه فى الشغل مرتاحه وفهمتى بسرعه ولا لسه بتتعلمى
سلسبيل: لأ مش بتعلم أنا أنا الأستاذ دهون ملففنى كعب داير من الارشيف للبوابه هيعينى حرس قريب
حمزة: انتى بتقولى فيها هيحصل وهوقفك ١٢ ساعه زى عمود النور
سلسبيل: وماله أنا مصدقاك تعملها ي جبار طيب ااقوم أنا علشان متكبرش فى رأسك وتشغلنى مع الأمن سللام
حمزة سلام والقلب دعيلك
سلسبيل : مش هتلحق تدعيلي الشاى بيغلي صبه وتعالى ورايا علشان المطار اها جدك وامى جيين
رحيق : هما هيوصلو الساعه كام
حمزة: كمان ساعه إن شاء الله يوصلو وبدأ حمزة يصب الشاى ورحيق تضع السكر
**********************
هناء: عمى اخدت العلاج ولا نسيت
الجد: اخدته ي بنتى متقلقيش
سميحه: أنا مصدعه حد معاه أى حاجه للصداع راسي هتنفجر
اميمه: معايا حببتى اتفضلي بس انتى منمتيش ولا ايه
سميحه : تغيير المكان خلانى منمتش كويس وكمان اخدلى يومين في البلد ربنا يستر
عثمان: المفروض نقعد يومين ونطلع على الغردقه الجو رائع هناك ويكون تغيير جو بجد
صالح: الاولاد اجمعو وخلاص المرة الجايا نبقي نروح الغردقه
عثمان: يفكر ي خوفى لا بابا يحن لجمال ولا جمال يحاول يكلمه لأ بس انا متأكد أنه مش هيتكلم علشان مبادئه وقيمه بس أنا لازم اكون واخد بالى
وكمان لازم اكلم نرمين واقنعها بالجواز ونظر لهناء وبتفكير لازم أكسب هناء لصفي وأنا عارف هى كمان ادخلها منين .......
صالح : اميمه انتى جبتى الطاوله معاكى ......؟
اميمه: اه بعتها مع الأولاد وجبتلكم دومينو كمان
هناء: ههههههههههههه إحنا هنفتح قهوة طاوله ودمينو وايه كمان....
اميمه: وجبت كوتشينه كمان خلينا نلعب ههههههههه
*************************
نرمين: حمزة جه اهو مع الشاى و رحيق معاه
إيمان: بتعجب امتى وازاى كل الحب ده حمزة منزلش اجازات ابدا من وقت دراسته بلندن فى الجامعه لحد ما رجع كنا إحنا اللي بنسافر ليه
نرمين: متستعجليش كله هيبان بس الخوف من سولي هتفضحنا والله البت هتطق تعالى نصالحها مع علي اهو تتلهى شويه معاه
حمزة: اتفضلو الشاي اشربو ويلا كلنا هنروح الديوان علشان نستقبل جدكم
علي : تمام يلا انجزو وكمان علشان نرتب الشنط
نرمين: ببغمزة لايمان علي ممكن هدنه أنت وسولى فى الاجازة وانتى ي سولى بلاش تتجنبي علي علشان الاجازة متبقاش بايخا
سلسبيل: هزت كتفها ووقفت لأ لأ أنا لا ممكن خلينى متجنباه كده احسن وفضلت إيمان ونرمين يتحايلو علشان الصلح وسولى ترفض
نرمين: يخربيت كده أنا تعبت إن شا الله ما اتصالحتى اووووف
سلسبيل: جاحظه عينيها خلاص انتى زعلتى علشان خاطرك انتى بس هكلمه
نرمين : علشان خاطرى أنا اتجنبيه أنا علطااااانه
سلسبيل: ااقعدى هنا وخلاص هكلمه ايه حقنه مصدقتى ......
إيمان: يعنى خلاص مفيش حاجه اسمها اتجنبه إذا كده يلا اتكلمو مع بعض وخلينا نخلص
سلسبيل: وقفت بجوار الكرسي أنا شربت الشاي وبصراحه تعبت وعايزة أنام علشان نسهر بالليل مع بعض
خالد: وصل وسمع سولى مالك تعبانه خدى الحبايه دى وهتكونى كويسه
سلسبيل: حبايه إيه دى وعلشان إيه انا هروح أنام مش عايزة دوا بيعملى حموضه
خالد بطلي دلع علشان كمان ساعه هتاخدى دول كمان وطلع كبسولاتان
سلسبيل: أنت بتتكلم جد هاخد كل البرشام ده ليه ده شويه انتفاخ منكم وهيروحو على طول لما اطلع كل اللي جوة بطنى
علي: تطلعى اللي جوة بطنك وايه بقي اللى نفخك كده
سلسبيل: أنت نفخنى وجيبلى حموضه ......
محمد: سولى ألف سلامه عليكى بتشتكى من إيه نظرت سلسبيل لخالد رد عليه واقوله بشتكى من ايه
نرمين: يلا ي سولى نروح الديوان نريح شويه على م الجماعه يوصلو
ايمان : يلا ي سندس بينا وكمان علشان اختك ترتاح بدل م هى عمله زى النحله....ومش مبطله زن
محمد: سيبو سولى أنا رايح للأرض وهى عايزة تتمشي إذا مكنتيش تعبانه طبعا
علي: لأ هى تعبانه وهتروح علشان فى علاج كمان ساعه يلا ي بنات ادخلوا المندرة ريحو لحد ما الجماعه يوصلو بالسلامه
سلسبيل: لخالد ممكن اتمشي ولا خطر على الجنين عايزة اشم هوا ممكن .....
حمزة: نظر لأخيه مش وقته أبقي اتمشي برحتك بعدين دلوقتى ريحى إذا سمحتى
سلسبيل: دبدبت على الأرض بغيظ وتمتمت فى سرها والنعمه م هريحكو كلكم وخصوصاً دكتور المشرحه ده ......
رحيق: بابا وصل ي حمزة اهو داخل من البوابه الحديد
حمزة: التفت للوراء فرأي عمه ينظر له وللجميع باشتياق فخطى حمزة عده خطواط تكاد تكون ركض سريع واحتضن عمه بكل حب واحترام إزيك يا عمى عامل ايه وحشنى كتير
جمال: وأنت كمان يا حبيبي وحشنى عامل ايه وصلتو امتى ....؟
حمزة : من حوالى ساعه أو اكتر وكنا مع جدى رأفت وفطرنا معاه
جمال: طيب أبعد ي بشمهندس خلينى أسلم على اخواتك أنا وأنت كنا مع بعض فى لندن أبتسم حمزة ربنا يخليك ليا لولاك كانت شركتى وقعت الفضل ليك بعد ربنا
جمال: بابتسامه أنت أبنى ي حبيبي ولما تحتجنى اسيب الدنيا كلها علشانك وعلشان اخواتك
وتقدم جمال لكى يسلم على أبناء أخواته
خالد: ازيك ي عمي واحتضنه بشوق ومحبه
علي: جاء عمه كى يحتضنه فابتعد وسلم باليد ازيك
جمال: بحزن من سلام علي وعدم محبته له الذي لا يعرف لماذا هو هكذا وهو الإبن الوحيد الذي لا يحدثه ولا يراسله مثل البقيه .....؟؟
حمزة : لاخيه إيه إللي انت هببته ده ازاى تعامل عمك كده وتبعده عنك
علي: الله أنا حر أسلم بالطريقه اللي تعجبنى او مسلمش كمان
حمزة: وطي صوتك وحسابي معاك بعدين لما نبقي لوحدنا ...
سلم العم جمال على البنات واحتضنهم وبالأخص سلسبيل فهى قطعه من أبيها فالشكل والروح الجميله وظلت سلسبيل بين أحضان عمها وحشنى ي عمو جمال امتى ترجع بقي وتكون معانا في القصر مع إنك بتيجى ديما الكليه تطمن عليا وعلى سندس بس نفسي تعيش معانا كمان وليه مش بتيجى القصر.....؟
جمال: بابتسامه بالرغم من جرح قلبه الذي ينزف دما على بعده عن احبائه وتحدث أنا بحب البلد هنا وحابب استقر هنا على طول
مها: حمدالله على السلامه يا حبيبي وصلت امتى
جمال: وتقدم نحو مها واحتضنها لسه واصل ي نن العين
مها: بس الولاد وقفين أنت نسيت نفسك ولا ايه
جمال: حد يشوف القمر ومينساش نفسه وابتسم بكل الحب الذي يكنه لها
سلسبيل: ي زيدى ي زيدى على الحب اتعلمو بقي اللي يمسكلى البوابه ويحبها بس طلع نمس والتانى شغال فى تهريب عيونه من البت
إيمان: والله انتى مش هترتاحي غير لما يسمعوكى وسعتها شوفى مين هيقف معاكى أنا عن نفسي ولا أعرفك....
سلسبيل: انتى هتشتريه م أنا عرفه بياعه بعتينى انتى والهانم لدكتور التقطيع وفلحين بس تضحكو عليا
إيمان: بطلى هوسسس ايه بلاعه وطفحت
سلسبيل: اها بلاعه ابعتيلي السباك يسلكها لحسسن ابخ فى وشكم الانسداد المعوي اللي عندى
ايمان: م إحنا صالحناكى على السباك استلميه يختى وفكك منى
نرمين: بحزن وهى تنظر لحب عمها وخالتها ليه بابا مش كده وتذكرت أمها فدارات عبراتها قبل النزول وقبل أن يلاحظها أحد
خالد: يلا بينا علشان عمكم يرتاح وكمان جدكم على وصول
حمزة: تمام يلا بينا واستاذنو وبدأوا يتجهون إلى المندرة
جمال: حمزه عيزك ثوانى ........
حمزة: نعم يا عمى اامرنى ......
جمال: الأمر لله وحده بس عايز منك طلب أو رجاء زى ما تحسبها
حمزه: حضرتك تامرنى خير محتاج إيه......؟؟
جمال: بتردد وتلعثم والدموع تترقرق فى عينيه عايز لما بابا ينام ادخله وابوس أيده من غير ما يحس بيا تقدر تدخلنى ي حمزة .....؟؟
حمزة: ي عمي نفسي تحكيلي إيه اللي حصل علشان أعرف أسعدك ونصلح كل حاجه وحياتى عندك
جمال: هتدخلنى لجدك ولا لأ ومش عايزك تفتح القديم مالوش أى لزوم سامع كل اللي محتاجه أشم ريحه أبويا عايز أحس أنى لسه عايش وطئ طئ رأسه وانهالت دموعه فوجه وجهه للاتجاه الآخر وخطى بضع خطواط بعيد عن حمزه وتحدث معه وهو موجه له ظهرة هتقدر .....؟
*************************
صالح: حمدالله على السلامه
الجد محمد: الله يسلمك هو فى حد من الأولاد مستنينا ....
صالح: أنا مردتش وخليتهم يبعتو العربيه بالسواق
الجد محمد خير م عملت يلا خلص الاوراق وخلينا نمشي الاولاد وحشونى...
اميمه: خلاص هتشفهم وتقعد معاهم لما تشبع لا فى شركه ولا مستشفى ولا جامعه
هناء: أه والله فعلا الاجازة دى هنشبع من الأولاد
عثمان: بخبث لهناء أنا مشفتش أحن منك وبتحبي الاولاد كلهم كانهم اولادك
هناء: من امتى بنقول ولادى وولاده صالح أو سميحه
كلهم ولادنا بس أنت الشغل خدك وخلاك مش شايف عمق العلاقه اللي ربيناهم بيها والحمدلله حافظو على الاسس والعادات والقيم والمبادئ وببهمس له في أذنه واللى أن شاء الله تتعلمها منهم وابتعدت عنه ونظراتها كلها تحدي ......
عثمان: وتكاد عينيه تضخ نار فى وجه زوجته التى اعلنت عليه الحرب والتحدي والله عال يا هناء هتقفي انتى كمان قصادى ولا إيه بس لأ صعب أنا هتبقي عينى على مين ولا مين لازم أراضيها واحاول معاها علشان تلين واكسبها في صفي
*********************
حمزة: زى ما قولت لحضرتك تامرنى بس بلاش حزنك وقهرتك تبان أنا عارف إنك ممنوع تدخل الديوان بأمر من جدى بس أنا هعمل اللي عليا فستدار جمال وأخذ حمزة في أحضانه أنا عارف صدقك وحبك للعيله ونظر له بس توعدنى تخلى بالك من نفسك مش عايز جدك يعرف إنك كسرت كلامه لأنه مش بيسامح وزعله وغضبه هيكونو بمنتهى القسوه
حمزة: متقلقش ربنا معايا إن شاء الله وطول ما أنا بسعي للخير فأكيد ربنا هو الحارس
علي: حمزة مش يلا علشان ترتاح قبل ما جدى يوصل
حمزة: انا جاى حالا واستاذن من عمه وتقدم نحو اخيه تذكر وأمسك ذراعه ممكن تفهمني أنت بتعامل عمك ليه بالجفاء ده عايز افهم ........؟؟
*********************
•تابع الفصل التالي "رواية اسرار القلوب" اضغط على اسم الرواية