رواية ذيب الغربية الفصل الثامن و العشرون 28 - بقلم طيبة وليد

Part 28

                                    

                                          

بـسـم الله الرحـــمان الرحـــيم 

$ ذيـب الغربـيه 

" لا تنسون التصويت والتعليق بين الفقرات ومتابعه لحسابي لطفآ " 

""""  منو كلك من محبتك راح امل..!

أنـي احبك باجر وهسه وقبل..

وشملــك اني مهوس بهواك..!.

آلـك حـــــب بكلبي ماشاله العقل .. 

""" 

" هيام " 

فزيت متعرقـه مشطت نضراتي بأرجاء الغرفه بخوف وروحي احسها تطلع 

حسيت على حضنه قويه 

لمنـي شاهـين احضنه يهـمس ايات قرأنيه 

-دحكـي أنا هين يمج 

هـيام - احتررررك!!! 

امشط نضراتي بالغرفه واصيح احترگ رغم كلشي ما محترك اباوع على الباب هاي مو جانت محروگه وامي صرخت واحترگت من طلعت منها! 

ارجع اباوع على الجدران الجانت لاهـبتهـا النار واصيح 

غطيت وجهـي بـَ صدر شاهين اشهك وابجي 

هـيام - منوو بقى الي حتى أبوي وامي ماتوو!! 

شاهين - انـا ابـوچ وامـچ وكل هلچ يابعد طوايف هـلي 

هيام - كلهم عافونـي وماتو!! 

شاهين - لحـد الحد وياج 

هيام - اريد امييي!! 

شاهين - انـا كل هـلج 

هـيام - رااح اموت اريدهااا 

شاهين - كل هـلي انتِ 

هـيام - حرگوهااا امييي!!! حرگوهاا كداممييي!! ماتتتت!! تدررري حمتنـيي وماتتت!!! تعبتتتتت!! ذلونـي ومرمرونـي من دونهـاا!! اريدهـاا والله عيونـي ما شافت الراحـه من بعدهـا 

يمـسد على ضهري ودافن راسه بشعري يشم بي ويقرأه آيه بـَ صوت عالي " الله لا الله إلا هو َ الحـي القيوُم لا تاخذه سنُه ولا نوم له مافـي 

السمُوات والأرض من ذا الذي يشفع عنده إلا بأذنه ، 

يعلـمُ ما بيـن ايديهـم ومِا خلفهـم ، ولا يحيطـو 

بشيئ إلا بعلمـه الآ بما شاء وسع كرسيه السماوات والأرض 

ولا يءودًه حفضهـا وهو العلـي العضيم " 

                        

                

يا الله يا الله يا الله 

انشالله ولا اله إلا الله 

اللهم مصلي على محمد وال محمد 

حسيت بروحي اهـدئ وانـي اباوع بعيونه شلون ايديه ترچف وهو يمسد وعيونه تباوعلي بخوف دفنت راسي بصدره ساكته اناشغ بهـدوء وهو يمسد عليه ويهـمس ادعيه 

رفعت عيوني اباوعله وهو يباوعلي اناشغ اخذنـي بـقبله طويله تسرسحت معت تصخمت نسيت الدنيا والبيهـا 

ثواني وابتعد وانـي أكح ما أتحمل ابقى بدون هـواء بسرعه أخذت قنينه الربو حطيتهـا بين شفايفي اشهـك نفس لحد ما هـديت وهو لسه لازمنـي ايد وره ركبتي وأيد على خصري 

دفعته من صدره خجلانه باوع على القنينه  ورجع نضره لعيوني 

شاهـين - الله ما جعلـو لشاهـين هوه تايعيش بين شفايفـج. 

عضيت شفتي من التوتر ودفعته من صدره وصحت 

- عيب عليك 

ضحك يباوعلـي حررنـي من بين ايديه كمت بسرعه دخلت الحمام 

امسح بدموعي واضحك غسلت وجهي وأيديه وجددت 

طلعت من الحمام ورحت فرشت المصلايه اصلي لبست جادر 

هستوني داوگف اصلي ولمحت شاهين صار كدامي 

ابتسمت وهو حضن وجهي وطبع قبله على كصتي يحجي 

شاهين - ولهـانج وداعـت خضار عيونـج .. 

مبتسم يتغزل بشگلي كل هذه لان لبست جادر وهذه تطور لـ الحجاب 

دفعته من كدامي اضحك بدأت اصلي وهو هم راح يجدد ويصلي حس بيًً اريد ابقى وحدي خلصت صلاه وبقيت كاعده دموعي تنزل على خدي وروحي موجره نار اشگي لربي بداخلـي 

ليش ما داگدر أنسى! 

ليش بكل مره احاول أتناسى واعيش يصير شي يرجعنـي الف خطوه! 

تعبت يا الهي ارحم بحالي وارحمنـي برد النار البـكلبي وبروحـي روحي مجمره مشتاقه لريحه امي حتى لابوي ووجوده مشتاقه جذب عن يصير بمكان اب الأب ما يتعوض مكانه ولا الام تعبت واني احاول أنسى 

نزلن دموعي يأخذن مجراهـن على خدودي بهـدوء 

- هم يجـي يوم وتبـرد نارچ ياروحـــي 

        

          

                

هم يجـي يوم وتنطفـي الجمره الصايره بوسط بلعومــي! 

شهـكت وكممت حلكـي ابچـي ما مسيطره على روحي احس الجمر متوسط روحي لا هو منطفي ولا هو صاير نار !! جمره متوسطه حنجرتـي وروحي وكلبي !! 

حسيت بشاهـين كعد بصفي وجرنـي كلي يكعدنـي بحضنه توسطت حضنه ودفنت راسي برگبته ابچـي واشهك النفس وهو ضامني وسط روحه 

هـيام - اريييد امي شاهين اشتاقيتلهااا حيييل والله ماكدر مو كتلك ماكدرررر!! 

ابچـي واشهك بهل لحظه ما ردت شي غير امـي شنو المغزى ليش حلمت بـ البيت محترگ! ليش تخايلتـي ريحانتـي وهي تحترك! 

بچيت اشهك واسمع صوته يحجي بس حتى ما رگزت بكل كلمه يكربها رددتت كلمه 

" موكلتك ماكدر موكتلك ماكدر" 

كل ما احجيهـا اكثر يضمني وسط روحه اكثر كانمـا يحذرنـي ماعيدهـا وهو ماراح يتركنـي 

رفعت راسي وعيوني تجري رفعت ردان الچادر ومسحت عيوني وباوعتله - جذبت عليك اني بهواي أشياء 

شاهين - اششششَ تاماريد اسمع حرف 

هـيام - والله جذبت عليك ونبي تذكر من كتلك انـي عقيمه وما يصير عندي أطفال؟ 

عكد حواجبه يباوعلي مستغرب هاي شجابها على هاي! ليش داحجي! حتى اني ماعرف أجوبه هل اسئله اريد ابجي واطلع كل الي بكلبي وبلحظه أجاني تأنيب الضمير 

هو من اول ليله كالي علاقتنا ماريدها تنبنـي على الجذب! وحجالي رغم شي حلو ولازم ما يخجل منه جان يحبني من طفولتي! 

واني لحد هسه ضامه علي فكره اني ما يصير عندي أطفال رغم اني كلشي. مابيه وبـَ وقتها ردت اي حجه يتركني بيها وحجيتها وتناسيتها مع الوقت 

شاهين عيونه ما نزلت من عيوني وما نطق حرف ما يريد يضغط عليه 

هـيام - جذبت عليك ، كلشي مابيه ردتك بس تعوفني! 

مو بس بهاي جذبت عليك اكو هـواي أشياء انته ما تعرفهـا 

جنت ابچـي خايفه من رده فعله اني الغلطانه فكرت يمكن يتخلى عني! 

بس جانت رده فعله لزم ايديه ، حاوط خصري بأيده ، كام وگف ، وشالني من الأرض بأيد وحده واني ابچـي واحاجـي 

رغم كلشي ما يفهم من كلامي لان لغتي صارت مثل الهـندي اخبط تركي وعربي وأنباري وبغدادي وابچي حتى الهندي ينفهم منه واني ما ينفهم مني! 

        

          

                

كعدني على الجربايه ينزعنـي الچادر واني ابچـي 

شنو الصار شلون انقلبت الأجواء مالتها بهل سرعه مادري!! 

نزعنـي الچادر بگل هدوء وهو ساگت وأكثر شي خوفني سكوته ليش ساكت ليشش! 

هـيام ببجـي - ليش ساكتتتت!! احجييييي شيييي!! 

شاهين - اششششَ صوووتجُ 

زدت بالبچـي وهو كدامـي واگف صافن عليه واني كاعده على الجربايه متربعه ابچـي وامسح بدموعي الصارن شلال قاطع صوت شهـكاتي وهو يحجي. 

شاهين - تايصيـر عدنـا زقچه عيونهـا خضر؟ 

رفعت ايدي مسحت عيوني اباوعله هستوه استوعب؟ وما ضاچ لان ضميت علي؟ 

لف ايده حول خصري وجرنـي عليه يگومنـي بهـدوء 

شاهين - دحكـي لايچه روحي تايصير عندي بنوته منج يالنبض. 

مسحـت عيني اباوعله 

هـيام - يعني انته هسه مضايچ لااان ضميت علييك؟! 

هز راسه لا وباوعلي من فوك ليجوه بمگر يهـمس - تاريدهـا نسخه من امهـا النبض نسخه من خضار عيونهـا وشعرهـا الحرير يولـي 

هـيام - بنت الذيب المفروض تسميهـا ذيبه مو بنت النبض. 

ضحك يباوعلي - هساااع هي وينها 

ضحكت وهو يبوس بوجهـي ولا كأنو هذيج الجانت تعوي بالصاله وتبجي وتصيح ياخذنـي ويا لعالم وحدنه بيه من كثر الحب والدلال الحسيت  روحي بي بچيت اشكر ربي على العوض القدمه ألي 

من شافنـي ابچـي جمد يباوعلي 

شاهين - دحـكي عش تبچين ؟ 

استمريت ابچـي وهو كعد يمي حاضنـي ويمسح بأيده على راسي وكتفي مخليني على راحتي مدري ماخذني على كد عقلي ! 

شاهين - وريتينـي ور عش اليوم تبچين جثير 

هـيام - الله عوضنـي بيك اني احبك هواي ترا ! 

شاهين - عايـش لخاطـر ادحـك لضحكتـج ، ميـت بعيونج ينبـضو لشاهـين 

ضحكـت وتدنـيت عليه اضم روحي جواه ضحك وجرنـي يبوس بخدودي 

شاهين - اكحزي يالهتره 

كلبت عيوني - ما أسمحلك اسمـي يالنبـض مو يالهـتره! 

        

          

                

ضحك يباوعلـي نمت واني متوسطه احضانه وهو متوسط وسط روحي 

ما توقعت بيوم من الأيام يجي شخص يعوضني ! ولا حتى توقعت راح احب واترك حتى تركيا واعيش بالعراق! بس كلشي يصير مقسوم النـا وره كل تعب عوض بعد كل التعب التعبته بعمر صغير ارتاحيـت وانـي بين أيدين شاهـين 

ما جان شخص مجرد زوج او حب طبيعي تعلقت بي بـَ فتره قصيره وأجذب إذا اكول ما عجبنـي من اول ما شفته لياقتـه وعطره ونضافته كلشي بس يجذب 

واهم شي كلامه وطريقه كلامه تسحر الشخص ومتخليـك تفگر بكل الأفكار الي تدور بعقلك بس تركز ويا 

رغم جنت أفكر بأمي والحريق بس كدر يطلعنـي من المود السئ الجـنت بيً ويخلص اليوم بسعاده تامه 

حسيت بذنب ليش هو ما يعرف ماضيي؟ وبعدين ارجع واكول هو مجرد ماضيي ليش أكوله هو شله علاقه؟ 

وقررت ما احجي اتعب من احجي 

كعدت على صوت شاهين وهو يصيح عليً 

شاهين - كومـي يولـي هـيري تانروح من هـين 

رجعت شعري المنثور على وجهي  ليوره اذنـي 

هـيام - وين نروح؟ 

شاهين - عجل تانبقـى هـين طول عمرنـا يالنبـض؟ 

هـيام - لاا بس مو من وكت خل نبقى بعد؟ 

شاهين - جؤ تاروح عدي شغل غادي 

عضيت شفتي ماريد ارجع ارتاحيـت هنا ما متعوده ولا حابه اي شخص من أهله غير زمرده وام شاهين بس مابيدي شي اسوي..! 

كمت من مكاني واخذت ملابس ورحت لـَ الحمام غسلت وبدلت وطلعت 

اباوعله بگشخته المعتاده العطر ، والمحابـس المزينـات اصابيعـه ، حواچبه الگثيفه ، وسواد عيونه ، 

باوعتله بطرف عيني ورحت كدام المرايـا امشط شعري بسرعه واضفر بي 

واحجي 

- شاهين انتَ شعجب ما تلبس مثلهم؟ 

باوعلي مستغرب عرفت ما عرف قصدي واردفت 

- يعني اقصد انتَ ما تلبس مثل اخوانك ولا مثل علي والبقيه بالعرس الشفتهـم 

شاهين - اكحـزي غادي تاماگضب لسانـج اشلعـو 

باوعتله بصدمه وهو يحجي ويلبـس بـَ الساعه بـَ غضب مگتوم ليش عصب؟ هسه اني شحجيت؟ هم حضي هذا 

هـيام - شكو شبيك ليش هيج تحجي وياي؟ 

حجيتهـا وكعدت على الجربايه امسح بعيوني على أساس ابجي وهو جذب ماكو أصلا دموع اريد دموع ماكو انقرضـن 

        

          

                

باوعلـي امسح بعيونـي وتقرب يمـي يباوعلـي بحرگـه سريعه صارت ايده وره رگبتـي وياخذ شفايفي بين شفايفه انگطع الهـوه عني وحسيت بطعم الدم الصار بحلكـي 

ابتعد عني يحجي 

شاهين - تاما تگولين أسم علـي مره ثانيه ! 

ابتعدت عنه اگح كل قوتي والنفس ماگدر أجره بنفس اللحظه رجعله الوعـي ادارگ الوضع بسرعه جابلـي القنينه الاوگسجين اخذت هـوه وتنفست بعمق الدموع تجري على خدودي حسيت بـَ نفسي راح اموت 

شفتي تچري دم باوعت لشاهـين لمن مد ابهـامه يمسح شفتي بأيده دفعت ايده وكمت احجي وأشرّ عليً 

هـيام - يعني هذه تصرف؟ ترا انته تدري انـيي مريضه واتحسس من أي شي !! مو تگطع عني النفس!! وكل هذه شنوو! لان جبت طاري ابن اخوك؟ ترا انييي مرت عمه!!! إذا ماعندك ثقه بيً طل... 

بعدنـي ما كملت الگلمه وحسيت بروحـي من شالنـي من خصري ولف ايديه حولـي واخذنـي بقبله أقسى من القبلهـا 

عيوني كامت تچري ورغم هستوني مأخذه نفس رجعت اختنگت ادفع بيً من صدره واريده بس يوخر وماكو 

حررنـي من بين ايديه وكعت بسرعه على الأرض رچليه ما شالتنـي اگح وابچي رجعت اخذ نفس من القنينه 

شاهين - تـا قبل ما تحجينهـا اگضب لسانج اكصو! 

هـيام - دشوف منو التبقى يمك!!!! 

ترگته وراي وطلعت ليبره افتح بـَ باب المطبخ ما ينفتح دفرت الباب وعطت بيً 

هـيام - تعااااال افتح الباااااااااب 

شاهين - صووتج لچ 

هـيام - افتحلي البااب كافي! يلا لهنا وانتهى كلشي ماريدك بعد! 

جنت منهاره كل انهـياراتـي طلعتهـا بهل لحضات ابچـي وادفر بـَ الباب اريد اطلع اختنگت مرتين ونوبه الربو تاخذ الروح وقسوه كلامه بـَ شعووور ثاني لان كلت أسم ابن اخو الي اني أصير مرت عمه!!!! 

عقلي مدايستوعب خلانـي اختنك مرتين علمود لان كلت أسم ابن اخو! 

يمكن ردتهـا حجه حتى ابتعد! يمكن شفت بابا بيً! 

أضرب بـَ الباب وابچي واصيح عليً بعصبيه رغم اعرف ميحب العصبيه والصوت العالي بس استمريت اصيح أريده يطلعني 

هـيام - شاااهيييين افتح البااااااب لتخبلنـييي موووو ما تريدددد اكووول آسم ابنننن اخووووك اييييي يلااااا خوووووش لعددد أصلا مراح اشوووووفه بعد ولا اشوووووفك افتتتتح الباااااااب اريد اشوووووف منووووو التبقى يممممك 

        

          

                

هـيام - انننيييي صوجيييي وثقت وتزوجتتتتت انيييي صوجييييي!!! ليشششش تزوجت ليششششَشش !!!! 

اجانـي صوت شاهين يحجي بهـدوء - اهـچدي يالنبـض 

تخبلت بالزايد اصيح واعيط يمكن طلعت كل الكتمان علمود سبب تافهـه!! 

هـيام - طلكنييي ماريددددك هسه ترجعننني منيييين ما چبتنـييي

وتطلگنيييي ماريددددد مارررريد !!! ارييييد اممممي شجابنـيييي يمكككككك ليششششَ عفتتتت امييييييي ليششششششَ!!!! 

حسيت بشاهـين چرنـي يضمني لصدره وهل مره مو مثل كل مره أغوص بـَ حضنه لا دفعته كل قوتي لان هو السبب الخلانـي افترق مده طويله عن امي 

هـيام - جذبت علييييه كتلييييي شووووكت ما ترددددين نرررروح لامج! وهسسسسه ويننننك!!!! حابسنـييييي هنااااااااا!!!! 

دفعته كل قوتي خارت قواي وحاوطنـي السواد كل جهـاتـي .. 

كعدت ورفعت انضاري اباوع بأرجاء الغرفه عيوني مغوشه من الدموع مسحت عيوني وتچيت راسي على تاج الچربايه 

عدت كل الأفعال السويتهـن والكلام بعقلي وصفنت ليش سويت هيج؟ اني أكله طلگني! غير أموت إذا طلگنـي؟ وسعت عيوني مصدومه من روحي وكانمـا جنت شخص ثاني وهسه شخص ثاني 

نزلت رچليه على الأرض ورحت كدام المرايا شفت الضفيره شصاير بيها! رجعت مشطت شعري وعفته مفتوح غسلت وجهي بالحمام وطلعت بـَ البيت أدور على شاهين خجلانه وخايفه من تصرفي شسويييت!' 

دورت بـَ كل البيت ما لگيته طلعت بـَ المطبخ اريد افتح الباب لگيته مقفول!! 

الباب مقفول والبيت فارغ بس اني بيً؟! 

عضيت شفتي بـَ فزع وخوف ورحت أدور بارچاء البيت واصيح شاهـين لا تسوي هيج اخاف 

وكفت بالبيت مصدومه من سمعت صوت رعيد قوي ومطر! 

هل مره خفت من صوت الرعيد ولأن وحدي بالبيت خفت تخايلتلـي اشباح وأصوات خفت من صار يگثر صوت الرعيد يهد البيت هد! 

من كثر خوفي كعدت بالارض ولميت رچليه سانده راسي على التخم وعيوني على الباب كاتمه صوت شهـكاتـي وتخيلاتـي لـَ الأصوات 

حطيت ايديه على أذني وغمضت عيوني بقوه ماريد اشوف! 

ضميت راسي بين رچليه وايديه على اذنـي ماريد اسمع اي شي بس ابچـي بكتمه 

وبـَ نص هاي الفوضه الصارت انطفئت الكهـرباء!! وكانمـا صارت صاعقه ضربت البيت 

        

          

                

كل ارجأء البيت ضلمه بشكل مرعب!! والبيت بعيد حيل ومابي اي جيران وأشخاص! طلعت صوت شهـكه مني وضميت راسي بين رجليه اكثر 

ابچـي بـَ صوت عالي ما تحملت اكثر الخوف الحاوطنـي من كل الجهـات واصوات الرعيد الرعدت كلبي رعد!! 

وبـَ نص كل هل أشياء رفعت راسي لمن انفتحت الباب دخل ضوء طفيف ضوء تلفون وهو بـَ طوله الفارع! 

من خرعتـي سويت المسافه البينـا خطوتين ورگضت اتعلـك بـَ رگبته ورچليه تحاوط خصره 

هـيام ببجـي - وييين عفتنـيي شاهييين ويييين؟؟؟ 

شاهين - يروح شاهين 

هـيام - خفتتتت راح اموتتتتتت 

شاهين - اه عش تخاف الهـتـره! 

بعدت وجهـي من ركبته ولسه ابچـي حاول ينزلنـي لان ملابسه مبللات كلش بس ما قبلت 

شاهين - الهـتره بس ابدل! 

هـيام - لااا لااا والله ما تعوفني 

رجعت ابچـي بصوت عالي 

شاهين - عش خايفه؟ 

هـيام - خاف يأخذوك الاشباااح!!! 

واني ابچـي ومنهاره ضحك ضحكه طلعت من اعماق روحه دخلنـا للغرفه وهو يحجي 

شاهين - اي يالهـتره الورتنـي ور اهـچدي ابدل

هـيام - تبدل كدامي!!!!!!! 

شاهين - اه عش مو حرمتـي؟ 

وبـَ نفس اللحظه طفرت ورحت خارچ الغرفه طبگت الباب وسندت نفسي عليها احجي 

هـيام - لا تسكت اخاف 

شاهين - أندر عليه 

هـيام - شاهين ليش الگهرباء طافيه؟ 

شاهين - عش اسمـي هج حلو بشفافـج؟ 

هـيام - عفيه خل يشغلون الكهرباء ترا اخاف 

شاهين - ميت بيج يولي 

هـيام - وين عفتنـي! ورحت 

شاهين - عجل اكو واحد يترك روحو ويروح؟ 

هـيام - مو عفتنـي لعد! 

شاهين - جؤ شغل غادي خلصتو واجيت لـَ الهتره ميت خوف عليها 

        

          

                

هـيام - مو تعوفني بعد!؟ 

شاهين - عجل اكو واحد يترك روحو؟ 

هـيام - لا 

شاهين - اكو واحد يعيش بدون نبضو؟ 

هـيام - لا 

شاهين - عجـل عـش تسألين؟

ابتسمت بفرحه وهمست - خلصت؟ 

شاهين - اي 

بسرعه فتحت الباب ماشوف اي شي كلها ضلام تام واني كلبي راح يوگف من الخوف وروحي رايحه وبس أريد أشوفه 

دخلت وما أجاني صوته همست بصوت خافت - شاهين! 

مجرد حجيتهـا حسيت بأيد حاوطت خصري عطت خايفه 

شاهين - انـا دحكـي عش خايفه! 

هـيام - ماشوف ضلمه 

شالنـي من خصري واني دافنه راسي بكتفه خايفه من الضلمه احجي - شاهين رااح نوكععع 

ضحك شاهين وحسيت كعد على الجربايه وحطنـي على رچليه وحتى رجليه متوسطه احضانه لميت نفسي نايمه على صدره وهو حاوطنـي كليي ودفن راسه بشعري يشم بيً 

هـيام - لا تعوفني بعد اخاف من المطر! 

شاهين - عش مو كتلتي روحج تا تطلعين بنص الزخ؟ 

هـيام - هذاك مطر لطيف هذا يخوف 

ضحك اكثر يشدنـي الله ويضحك يهـتز صدره 

هـيام - تضحك على مشاعري!! ترا الرعيد يخوف صوته! والبيت فارغ! وضلمه !شلون تريدني ما اخاف! بس هو انتً متحبني هو انتً لو تحبني مجان عفتني!! 

شاهين - شنهو انـا ما احبچ؟ يولـي انـا عاشگـچ ميت بيج ولهـانج وهـاويچ چن نبض بكلبي حبچ عايش 

برطمت ورفعت راسي اباوع بعيونه ضحك ونزل نفسه يطبع بوسات بوجهـي 

نزلت راسي ونمت بين احضانه حابه الدفو والشعور الفراشات الصاير بـبطني 

كعدت الصبح واحنه على نفس النومه أكيد تحرگت من مكاني بس شاهين رجعني هههه 

كمت بسرعه عنه وطلعت من الغرفه صفنت على المطبخ اريد اسوي اكل وكذا مثل المسلسلات 

طلعت زيتون وحطيته بماعون وطلعت دبس وراشي واچبان ومربى وعسل رتبتهـم بـ شكل دائري يخبل طلعت لـ الحديقه امشي بين الورود التاخذ العقل گطعت ورده صفره وحمره وبيضه وبنفسجيه ورجعت نثرتهـم على الطاوله

        

          

                

صار شكلها يأخذ العقل من الرقه والجمال الصار عاشت ايديييي 

تركت المطبخ ورحت لـ الغرفه اكعد شاهينـي 

شفته بعده نايم شكله بريئ وهو نايم عيونه حادات يصير يخوف من يخزر شخص تقربت كعدت على الجربايه بـَ حذر 

ثبتت ايديه على صدره مبتسمه وطبعت بوسه بخده ما تحرك ولا حتى حس ! 

حركت انفي على انفه وهم ما تحرك طبعت بوسه بـَ حنكه وخدوده وعيونه وحواجبه وحتى رموشه وما حسيت بروحي غير 

كلبني لهـذيج الجهه وصار فوگي واني اضحك كل قوتي فاحطه ضحك 

وهو مبتسم ومحاوط خصري يحجي 

شاهين - عش تتحارشـين يالنبض؟ 

هـيام - ايي بعد انتً وحد؟ اني هم زووجي واتحرش بي بكيفي 

ضحك ودنك يطبع بوسات دفعته وهو عاط - عجل كملي فضلـج يالمصگوعه 

دفعته عني اضحك تربعت على الجربايه ولسه لازمتني الضحكه 

لزمت ايده وحجيت 

- كوم اكعد سويتتتلك فطور 

- ريوك؟ 

- اييي 

ضحك وثواني بهت وجهه وكال 

- عش سويتينـو وانتِ مريضه يولي! وريتي ور وخدر العلويه . 

- اهوووَ ترا ما لمست الطباخ حته 

- عجل شلون سوياينـو؟ 

- تعااال وشوف 

كمزت من فوگ الجربايه وجريت ايده اسحل بي سحل وراي لحد ما وصلنا للمطبخ 

شاف الفطور الي هو يسمي ريوك ماكو فرق بس احنه نسمي فطور وطكهـا شاهين ضحكه 

برطمت بزعل واحجي زعلانه 

- هاي ليش هيج تضحك؟ ترا أصلا يخبل تعبت بيً!! 

لم شفايفه لداخل حلگه خافي ضحكته ورجع جر ايدي باسها بشوغه وجر ايدي الثانيه هم باسها تقرب طبع بوسه بخدي يحجي 

- عجل تا تحطيلـي سم آكلو وانـا الممنون يالنبـض 

ضحكت وصفگت بأيديه باوعتله يباوعلي من فوگ ليجوه خزرته وهو ضحك 

هـيام - عيوونك 

لف ايده حول خصري - منيـن ما يندار خصـرج كمت اميــل عاقلات عيونـي خصرچ هو اليعيـل 

        

          

                

ما كدرت ما ابتسم وفعلا ضحكت احب غزله الغريب ما سامعته ولا حتى مطروق على اذنـي معقوله اكو شخص يحب شخص لدرجه يصيحله النبض؟ تصير فراشات ببطنـي بكل مره يتغزل بيً وكانمـا اول مره 

رفع راسي يباوع بعيونيُ - عشگان عيونج وخدر العلويــة خضار عيونج چن بستان اتيهه بس اطبلهه 

هـيام - احبك حيل شاهـيني 

شاهين - احبچ ما توصف الحب حتى عشكانج ما تروي الحب البكلبي هـاويج چثيـر هـاويج شاريچ بدم كلبي 

دنگت متلافيه نضراته الاكلنـي اكل حسيت كل كلمه يحجبها تطلع من اعماق روحه وكلبه 

محاوط خصري وما يقبل يهـدني لحد ما عطت 

- شاهين راح اموت جوع 

ضحك وهدنـي كعد وكعدت بصفه مد ايده يصب چـاي لنفسه وهذه احلااا شي بشاهين ما يطلب مني اي شي وحتلو طلب بكل أدب ويجي يساعدنـي ما يستگف مني إذا طلبت منه اي شي يسوي احس روحي بحلم من كد السعاده . 

هـيام - تدري ما جنت متوقعتك هيج. ! 

عكد حواجبه بمعنى شنو 

هـيام - جان شكلك يوحي للخوف ملامحك حاده زياده وأساساً جنت اسمع من امي الناس الـي بـَ الغربيه ما يحبون نسوانهـم وكله ضرب وثار ودم جنت صغيره كلش وجنت ام لسان واسئلها ليش احنه مو بـَ العراق ؟ ليش معايشين يم عمامي وعماتـي وهيج جانت تكلي 

تمتم بكلمه وسكت ورجعت احجي 

هـيام - انتَ شكد عمرك؟ 

ضحك يباوعلي وسكت 

هـيام - انـا 18 سنه

شاهين - 35 سنه 

هـيام - عزااا شاييييييب 

خزرني وهو يضحك واني احجي 

هـيام - هاي شلوون راحت من بااالي المفروض اطلعها حجه هيهيهااااهيي 

ضحكت ضحكتي الشريره ومثل كل مره يباوعلي مصدوم ويضحك 

هـيام - وانـي اكول لحيتك بيها شيب طلعت شايب! 

        

          

                

شاهين -عش تجذبين يالهـتره اهـچدي 

هـيام - ونبي عندك شيب هو انتً أصلا شايب خدعتنيييي 

حجيتهـا وكمت من الكرسي من شفته كام ضحكت ضحكه الشريرات وفلتت من المطبخ شبخ شبختـين ووصل يمي واني سالي ساعه اركض! 

وكفت حاطه ايدي على كلبي من الرگض وهو بسرعه شالنـي من خصري بين ايديه يحجي - عـش تركضين؟ هساع شايل سيف اناا؟ 

كعد على الجربيه وحطني على رجله هدء تنفسي شويه وردت اكوم ما خلاني 

شاهين - چؤؤ حدرري هين 

هـيام - وخررر ترااا هسه ارجع اتخرربط وتحير بيييه 

شاهين - اهـچدي 

دفعته عني ورگضت اريد اطلع صار يمي رجع شالنـي من خصري وخزرنـي ما هتميت عيطت ونزلت للأرض 

وسع عيونه وكال - ما تخافين يولي؟ 

هـيام - لااا ماخااف 

أتقرب بخطوات ثكيله وهو خازرنـي واني تخصرت وهو فحط ضحك 

هو ضحك واني ضحكت بعده يريد يرجع يتقدم وركضت لصاله اسمع صوت ضحكه وهو يجرنـي من خصري ويحجي 

شاهين - لو الله يكولي وين خلصتو لعمرك أكولو خلصتو اركض وره المهـبوله النبض 

ضحكـت بقوه وحته بعد مابيه حيل ارگض بسرعه حاوطت رگبته مبتسمه ببرائه وهو يباوع بعيوني مبتسم 

هـيام - اي اركض وراي بلكت تضعف شويه جنك ث... 

كطعتهـا وكطعت وياها حتى النفس من الچفصه وهو رفع حاجب. وخزرنـي يهز براسه بمعنى كملي 

هـيام - جنك عسل 

ضغط على خصري يحجي - عجل انـا سمعت ثـ؟ 

هـيام - تؤتؤتؤ تسمع غلط!! شوف موكتلك شايب!! حتى سمعك ضعيف 

شاهين- شايب مووو؟؟ 

هزيت راسي اي بـَ كل صلافه بعدنـي داحجي وحسيت ياخذنـي بقبله عميقه ابتعدت التقط أنفاسي الهـابطه وكحـيت 

آيتسم شاهين ودنك يطبع قبله بـَ مكان النبض 

بعدته عني اضحك 

- أدغدغ من شاربك 

- أزينـو؟ 

ضحكت أهز براسي لا 

شاهين - عش؟ 

هـيام - احـبه احس يزيدك فخامه وحلو حيل لتزين لحيتك وشاربك ابددد كلش احبهم 

شاهين - عجل تا ما أزينهم يصير شوارب العكيد ابو شهاب 

ضحكت وكلت 

- المهم بقيهم مثل هذه المستوى ترا كلششَ احبهم 

شاهين - انـا هم عاشك عيونج وشعرج الحرير يالنبـض 

ابتسمت باوعلي وكال 

شاهين - هيري تانروح 

بهت وجهي - وين؟ 

تحسر - نرجع يولي عجل نبقى هين طول عمرنا؟ 

هـيام - حبيت هذه المكان حيل 

ابتسملي - نجي هين جثير هساع هيري يولي 

هزيت راسي ودخلت للغرفه لبست الملابس الاجيت بيهم ولميت شعري كبه رشيت من عطر شاهين وطلعت لازمه جنطتي بايدي 

شاهين - قبانو 

هـيام - يعني شنو؟ 

ضحك وجرني عليه لازم ايدي تمشي نريد نطلع وعيوني تفتر بالبيت اليكلك كعدت بي سنين احلا ايامً حياتي عشتهم هنا كلش حبيت هذه البيت 

هـيام - اءءء شاهيني بس ادخل للحمام واجي لبين ما تشغل السياره اجي طلقه 

هز راسه تركته ودخلت لـَ الحمام طلعت من الحمام وكفت اعدل نفسي ولفت نضري الباب الجان مقفول المفتاح موجود بيً!! 

تقربت منه بـَ خطوات بطيئه فضولي الطايح حضه اخخخ!! 

فتحت الباب شهگت من شفت الغرفه مليانه سلاح وأدوات تخوف!! ساطور! واسلحـه بجميع انواعهـا صغيره وجبيره وطلق... 

يتبع...