رواية عشق بمذاق الجنون الفصل السادس والعشرون 26 - بقلم هايدي محمد

♤الحلقه26♤بقلمى هايدى محمد 

☆صلى على اشرف الخلق

☆عشق بمذاق الجنون

متابعه اكونتى الشخصى(haydy mohamed)

نزلوا كلهم وبداءت الليله بفرحه الكل ونظرات بعضهم لبعض 

وفاجئه النور يفصل و تظهر صور على شاشه العرض الكبيره تقلب الجو من ضحك وفرحه لصدمه الكل نظره بقى على تمارا 

تمارا::بانهيار وبكاء هستيرى ومره واحده يغم عليها 

عزت::وهو يجرى عليها  وكله قلق وخوف تمارا تمارا 

ادهم::تمارا حد معاه برفان 

ليلى تاليا واقفين مش مصدقين إللى بيحصل اختهم قدوتهم إللى كانوا يتمنوا يبقوا ربعها تبقى بالحقاره والانحطاط ده 

 

عزت::وهو بيشلها وادهم واحمد ومحمد ومهاب ومازن بيجروا وراه 

ادهم::احمد هاتلى إللى عمل كده بسرعه 

احمد::بس 

ادهم::بعصبيه من غير بس هاتلى ابن الكلب ده من تحت الأرض 

احمد::حاضر 

ادهم::انتوا ارجعوا علشان المعازيم وعرايسكوا يلا انا وبابا وانكل معاها 

مهاب:: ازاى 

ادهم::بعصبيه من غير زفت قولت كلمه يلا 

رجع مهاب وماز ن وركب ادهم وعزت ومحمد مع تمارا العربيه وفى اقل من نص ساعه وصلوا المستشفى بين خوف ووجع وحزن دخلوا وتمارا خدوها الممرضين غرفه الكشف 

ادهم::وهو يقف بجانب عزت .......ياانكل معلش سؤال 

عزت::وهو حانى راسه لقدام وبصوت مكسور قول

ادهم::هى تماارا كانت متجوزه جواز رسمى 

عزت::معلش يابنى سبنى دلوقتى وهى هاترد عليكوا وقت ماتقوم بالسلامه 

ليقطع كلمهم خروج الدكتور ووشه كله حزن 

ادهم::بقلق خير حضرتك 

الدكتور::اسف المدام عندها انهيار عصبى حاد  ودخلت فى غيبوبه ادعولها تقوم بالسلامه

عزت::طيب هاتفوق امتى من الغيبوبه دى 

الدكتور::دى حاجه فى ايدها هى هى رافضه الواقع اصلا ورافضه تتواصل معانا علشان كده 

ادهم::يعنى ايه اتصرف حضرتك 

الدكتور::إللى عليا عملته ياريت تشوفوا اقرب حد ليها يكلمها هى سمعاكوا بعد اذنكم 

ادهم::ينفع ادخلها 

الدكتور::بلاش اى حاجه تزعلها 

ادهم::اكيد 

احمد::وصل لغرفه الرقابه بتاعت الفيلا وبعصبيه انت يازفت انت بتعمل ايه هنا 

الشاب وهو متكتف امممم اممممم 

احمد::ركز وفكه ايه اللى حصل 

الشاب::حضرتك انا كنت قاعد ومتابع كل حاجه ومره واحده لاقيت حد ضربنى من ظهرى ودخل راجلين كتفونى وحطوا شريط وبعد كده مشيوا 

احمد::هو السيستم بتاع شاشه العرض انت اللى بتعمله 

الشاب::بتوع الفيديو إللى  بيصوروا قالوا يشتغلوا من هنا 

احمد::طيب شكلهم ايه 

الشاب::حضرتك فى هنا كاميرا بس دى متوصله على لاب الباشا 

احمد:تمام ....وسابه ومشى 

تاليا::يعنى ايه تمارا بالاخلاق دى 

اميره::اوعى تقولى كده تمارا ما فيش حد زايها فاهمين كل واحد ليه ظروفه ماتغلطوش قبل ماتفهموا ده جوزها وهى مكانتش بتعمل حاجه غلط ولما اقرب حد يقول كده الغرب يقولوا ايه 

ليلى::ببكاء يعنى ايه جوزها كتب كتابه عليها بس مافيش فرح حصل وايه يديها الحق تعمل كده ليه تكسرنا كلنا كده انا عمرى ماهسامحها بوظت علينا فرحتنا وكسرتنا وخلت عنينا فى الارض 

مهاب وهو يقترب مالك ياليلى تاليا فى ايه 

اميره::اولا انتوا مكبرين الموضوع وبعدين ده جوزها جوزها جوزها بلاش تخلف هو بيلوى دراعها علشان ترضى ترجعله  

مازن::ابن الكلب يعنى هو جوزها بجد 

اميره::ايوه طبعا جوزها تمارا عمرها ماتعمل الغلط بعد اذنكم 

مهاب::خلاص يابنات حصل خير 

تاليا::ببكاء ممكن تنهوا الليله دى 

فعلا اعتذروا والكل مشى وفضلوا هما قاعدين 

اميره؛:احمد لو سمحت ممكن توصلنى عند تمارا 

احمد::حبيبتى ارتاحى شويه وبكره 

اميره::لتقطع كلامه لا عايزه اروح حالا مستحيل اسبها كده 

احمد::حاضر حد هايروح معاها 

الكل........

اميره::يلا ياحمد بعد اذنكم 

ادهم::دخل لتمارا وفضل واقف جنبها وصورها مع حسام ظهره فى عيونه يغمض عيونه بوجع ويرجع يفتحهم تانى ويهز راسه ليخرج من الحاله دى ويقترب منها ويمسك ايدها 

ادهم::تمارا انا عارف انك سمعانى تمارا ايا كان إللى حصل ماينفعش تهربى من الواقع ماينفعش تهربى من الحقيقه لازم تقومى وتقفى وتخليكى قويه وتخدى حقك من إللى عمل كده انتى  ضعيفه واتوجعتى كتير وزاى ماقولتى مافيش  حد وقف معاكى ودايما كنتى لوحدك فى كل محنه كنتى بتبقى لوحدك 

تمارا انا بوعدك انك من النهارده مش لوحدك  وهافضل جانبك وايدى بايدك لحد مانجيب حققك بس لازم تفوقى لازم علشانى وعلشان كل إللى بيحبوكى انتى مش لوحدك انا واميره معاكى وعايزينك معانا مهما حصل 

ليحس باديها تضغط على ايده 

ادهم بفرحه .....يلا ياتيموا يلا قاومى علشان حقك ماتبقيش ضعيفه خليكى قويه قويه بيا وبايدى إللى عمرها ماهتسيب ايدك مهما حصل فتحى عيونك ياتمارا خلى الدنيا تضحك تانى فى  وشى 

الدكتور::بعد اذنك كفايه كده 

ليخرج ادهم ويحكى للدكتور على إللى حصل منها 

الدكتور::حضرتك هى حست بالامان والحنان فى ايدك وصوتك وواحده واحده هتلاقيها بتتجاوب  معاك بس الاهم نبره الصوت لو اتغيرت مش هاتتجاوب لازم تحس بالامان إللى مفتقداه فاهمنى حضرتك  

ادهم::شكرا لتعب حضرتك 

الدكتور:: بعد اذنك 

   

ادهم:: انكل عزت سبها على ربنا وبعدين اكيد هو الكلب جوزها إللى عمل كده 

عزت:: وهو حاطت راسه بين ايديه الاتنين حسام حسابه تقل اوى معايا 

ادهم::ايوه الكلب يوم ماشفنا قالها مش هاسيبك فى حالك 

عزت":وهو يعتدل وينظر لادهم باستغراب شافكوا وتمارا ماقلتليش ليه 

ادهم::مش عارف هو شافنا وانا عملت معاه الصح ماتقلقش 

عزت::ابن الكلب والله ماسيبه لازم اعلمه الأدب وانه ازاى يلعب مع بنتى 

ادهم::بهدوء عكس مابداخله انكل ممكن اطلب طلب بس اتمنى ان حضرتك ماترفضوش 

عزت::اكيد ياادهم ربنا يعلم انا بحبك كانك ابنى إللى مخلفتوش 

ادهم::انا عايز....

✍عشق بمذاق الجنون بقلمى هايدى محمد 🖎

احمد:: وهو سايق اميره ممكن تهدى 

اميره::ببكاء انا مرعوبه على تمارا انت مش عارف تمارا حساسه ازاى وممكن ايه يحصلها 

احمد::انتوا مش بتقولوا انه  كان جوزها 

اميره::مهما كان جوزها بس ازاى يحد يشوف جسمها كده ربنا يسترها عليها

احمد::ماكنتش اعرف انك بتحبيها كده 

اميره::وهى تمسح دموعها وتبتسم بحزن تمارا دى اختى وامى وصحبتى ماحدش ماحدش فى الدنيا دى بيفهمنى غيرها بتقدر تحتاوينى بتقدر تحسسنى بالامان والحنان إللى اتحرمت منهم تمارا بجد حاجه حلوه اووى بس بسبب غبائها او زاى ماتقول طيبه زياده عن الازم وثقه فى ناس ماتستهلش تمارا اتعذبت كتير اووى ماحدش وقف معاها ماحدش فكر فيها برغم انكل وطنط زاى مانت شايفهم بس الاول ماكانوش كده خالص كان كل واحد حياته وبس انكل كان لسه بيقف على رجله وحياته كلها كانت الشغل وازاى يجمع فلوس وطنط كل همها الاكل والشرب ماحدش فيهم قال بنتى اقرب منها احبها احسسها بالأمان ماحدش جه قالها مالك تمارا برغم وجود اهلها بس كانت واحيده خالص 

احمد::بحزن ياحبيبتى اى حد كده الناس تعمل ايه

اميره::بهجوم يعنى ايه يعملوا ايه امال بيخلفوا ليه علشان نعيش مع نفسينا ازاى عايزنا مانغلطش عايزنا نبقى متربين عايزنا ما فيش ذينا ازاى وانتوا مكبرين دماغكوا مننا الام من دول تتخانق مع جوزها تطلعه على ولادها طيب ذنبهم ايه الست جوزها يخونها ولا يبقى بخيل تجرى على بيت اهلها ويولعوا العيال ونفسيتهم المهم هي ازاى ابقى ام واعمل كده واشمعنا 

الجيل ده إللى كده زمان ماكناش بنسمع عن الكلام ده انا مابقولش ان الست تقبل بس فى مليون طريقه بعيده عن الاطفال بعيده عن نفسيتهم المفروض الواحده تفصل شويه بين حياتها وحياه اطفالها والراجل سى السيد يتجوز وبعد كام سنه يتهبل ويخون مراته طيب ياسى السيد عيالك ذنبهم ايه ان واحد خاين زانى يبقى ابوهم لما انت انسان وسخ كده بتتجوز ليه ليه تخلف وتتعب العيال معاكوا انت مش بنك متحرك انت ليك دور مع اولادك ومراتك 

قال الله تعالى: {الرِّجَالُ قَوَّامُونَ عَلَى النِّسَاء بِمَا فَضَّلَ اللّهُ بَعْضَهُمْ عَلَى بَعْضٍ وَبِمَا أَنفَقُواْ مِنْ أَمْوَالِهِمْ فَالصَّالِحَاتُ قَانِتَاتٌ حَافِظَاتٌ لِّلْغَيْبِ بِمَا حَفِظَ اللّهُ}.

يعنى الراجل ليه دوره والست ليها دورها كل واحد بيكمل دور التانى الراجل بيشتغل والست بتنظف وتغسل وتكوى وتطبخ وتذاكر وتربى وتخلف وتولد 

 

الراجل المفروض دوره فى احتواء مراته واولاده علشان يحافظ عليهم علشان مايبصوش بره 

احمد::عندك حق فى كل كلمه بتقوليها بس غصب عن الراجل الدنيا بتلهى 

اميره::الرسول كان بيفتح بلاد وينشر الاسلام وكان بيتشتم ويضرب ومع ذالك قدر يحافظ على علاقته مع اولاده ومراته 

احمد::عليه الصلاه والسلام....وصلنا 

لتنزل اميره بسرعه ووراها احمد 

✍عشق بمذاق الجنون بقلمى هايدى محمد🖎

مازن::ليلى ممكن افهم مالك 

ليلى::باندفاع يعنى نتفضح الفضيحه دى وتقولى مالك 

مازن::حبيبتى ده كان جوزها وانسان واطى 

ليلى::الله يخليك سبنى شويه لوحدى 

مهاب::تاليا ممكن تهدى 

تاليا::يعنى ايه اهدى اختى فضحتنا اختى الكبيره بتاعتنا طلعت شمال 

لتتفاجئ  بصفعه على وجهها لتنظر الى من ضربها 

تاليا::.........

تخلص حلقتنا رايكوا يهمنى