رواية ذيب الغربية الفصل الخامس و العشرون 25 - بقلم طيبة وليد
part 25
بـسم الله الرحـــمان الــــرحيم
$ ذيـب الغربيه
بقلم - طيبه وليد
" لا تنسون التصويت والتعليق بين الفقرات ومتابعه لحسابي لطفآ "
بعدني معَلعل بدُونك
شما كثرت عِلي عيون
فدوهَتࢪوح لعيونك
واذا وياي صاࢪوِ ناس
كُل عقلك يعوضونك ؟
لاتتوقع تخطيت
أنه بَكلبي ما أخونَك .
"""""""""""""""
" يمامه "
صرخت وخلت ايدهـا على بطنهـا مصدومه ثواني وعاطت بوجهـي
- تحررك
-شنو؟
- الطفل تحررك ابراهييييم
راحت تركض لابراهـيم اسمعهـا تحاجي
زهـراء - تحررك إبراهيم تحررك
إبراهيم - حبيبتي هو شي طبيعي هو طفل غير يتحرك؟
زهراء - ابراهـييم
ابراهـيم - اي حبيبتـيي تحررك تحررك شنووو هل معجزززه
وهـي تضحك وتحط ايده على بطنهـا ثواني ولمعت عيون ابراهـيم بـَ حب وباوعلهـا يحجي بـَ صوت يرجف
ابراهـيم - صدك تحرك!!
زهـراء - ههههه يا ابراهـيم لعد اضحك عليك؟
إبراهيم - تضحكين عليه وعلى عشيرتـي بت الأوادم
ابتسم وجرهـا يكعدهـا بصفه حسيت السالفه حمت طفرت بسرعه من المگان وصعدت لغرفتي تمددت على الجربايه احس حياتي فارغه بدونهـن فراغ مو طبيعي!
ابتسمت ودعيتلهـن يرتاحـن غفيت واني بمكاني من النعاس..
كعدت ثاني يوم واني كلي نشاط كلت بما ان ماكو احد بـَ البيت وبس زهـراء وحامل هم خل انضف البيت واساعدهـا
وفعلا سرفنـت رداناتـي وشديت شعري ذيل حصان عالي وبديت اچلف بالبيت واغسل اماعين وأنضف الصاله والاستقبال واعزل وألم الوصخ والجگاير بـَ اگياس الزباله
زهـراء يمي متقبل تخيليني اشتغل كتلهـا اني غريبه؟ وهـي اقتنعت وكالت روحي بعد احسن وفعلا كعدت انضف وحسيت حتى طاقتـي تچددت والبيت يلمع لمع وريحه النشافه تعط عط
ولو اني ما خليت شي ما ستخدمته شلگيت حطيت حتى كلور واخيراً وصلت لآخر فقره اروح اطلع اگياس النفايات لـ النفايه البره شلت كيس منا وكيس منا
وطلعت اسحول بـَ روحي تسحول وكدلتـي لازكه على وجهي وبجامتـي واحده مرفوعه وواحده نازله وفالينتـي مليانه ريحه كلور والعرق يصب من وجهـي صب
فتحت الباب اريد اطلع بـَ وجهـي شاب
معضل وأسمر والملابس والجمال والاناقـه والعطر يفوح فوح وحذائه يلمع لمع
صفن عليه مصغر عيونه وحجه
- عفوا تكدرين تصيحيلـي بابا إبراهيم
يمامه - نعم بابا! شنو؟
- حلو طلعتي عراقيه عجل هـيري صيحيلـي ابراهـيم
- انته من جماعه شاهين هيري وتيري ميري؟
صفن لحظات بوجهـي واني بملابسي المصخمـه وأكياس الزباله بأيدي وواكـفه احجي بـَ كل صلافه
تركتـه وطلعت ذبيـت النفايات وردت ادخل
- منين تعرفينـو؟
- منو؟
- عمـي شاهـين؟
- اهـا ، يصير زوج صديقتي
- هيـام؟
- اي
-عـش هي مو من تركيا؟
- اي اني هم من تركيا
- عجل شعتسـوين هين؟
-شعليـك؟
حجيتهـا مزعوجه ساله ساعه يسئل تحقيق هو!! واني كاتلني التعب والضيم اول تالي اصبر نادره واشتغل؟
- عجل انتِ هين مو مدبـره؟
- شنووو!!!
- لااا..
ما كمل كلامه واني حجيت
- اسمع لك سالي ساعه احجي وياك شعليك من امريكا من تركيا من السودان؟ أخت هيام امهـا بيبيتهـا شعليـك؟
حجيتهـا وسديت الباب بـَ وجهه لعبت روحي الدنيا طالعه من عيني وريحه الكلور حسيت راح اتقيئ معدتـي رگضت للحمام ركض ركض بدلت وشسورت وطلعت لغرفه زهـراء افتقدتهـا
بعدنـي اريد ادك الباب واسمع صوت زهـراء تبجي ما جان قصدي أتسمع بس بالصدفه مو اكثر بچت زهـراء بخنـكه وحجت
زهـراء -ويــنن ويــنن تردين توصليــن مو موتتتينـيي!!!
سگتت شويه ورجعت تبجي وتحجي
زهـراء - مو قسمتـج مو قسمتتتج!! شوكت تفتهـمممين!! لج لو اجيب الدنيا كلهها مو ابراهـيم هم ما يقتنعـوون!!!
سگتت هم تبجي وتشهـك وترجع تحجي
زهـراء - محححد كالج حبـيي!!! تدرررريــن نهـايه حبج انفصااال!!!!
عگدت حواجبي باستغراب وهي رجعت تبجي وتهـمس اموت من وراج راح تموتينـيي عبالي عقلت وگعدت وسگتت
زهـراء -دگـافـيي دكافـيي!! على أساسسس لو ما ناهـي عليج سجاد جان قبلووو بـيي!! لو الدنيـاا كلههها هم ما تنجمعـوون!!!
سگتت تبجي وتشهـك وبعد ما حجت شي ميلت زاويه فمي بـَ حزن ادخل لو اعوفهـا؟ اواسيهـا لو اتركهـا تفضفض؟
فضلت اواسيهـا شهـكاتهـا كانت مو نضافيه خفت يصير شي بيهـا او بـَ الطفل طرقت الباب ودخلت لكيتهـا تلف بـ حجابهـا باستعجال باوعتلي وحجت
زهـراء - يمـامـه اريد اروح لاهـلي ترحين وياي لو تبقين براحتج؟
شفت وضعيتهـا مو تمام وولازمه بطنهـا شلون اخليهـا تروح واحدهـا ومن جهـه ثانيه كلبي يرفرف اريد أشوف لمار وهيام
هـزيت راسي ورحت عدلت نفسي بسرعه لان ملابسي اساساً مال طلعه واني ما أحط مگياج فـ بس مشطـت ولبست حذائي
طلعنـا اني وزهـراء اخذنـا السايق ومشـه يدگ بينـا ويرجع ليوره ويدك ويدك بينا متت من التعب وتندمت اجيت بله هنه هذني يستاهـلن اجي واتعب هل تعب علمودهـن اوف يا يمامه كلبج مطيح حظج؟
اخذتنـي نومه وكعدت ولسه ما واصلين شويه ووكفت السياره واخيراً واخيراً وصلنـا لقصورهـم نزلت زهـراء المتوتره وطول الوقت حاطه ايدهـا على بطنهـا وتنزل دموعهـا على شنو؟ ماعرف!
دخلنـا لـ البيت وتللگتنـا ام عمار تبوس بـ زهـراء وزهراء بالهـا مو يمهـا اساسًا عافتني ورگضت ليفوگ باوعتلي ام عمار وجرتنـي تكعدنـي على التخم كعدت واني مستحيه
وخجلانه وهي تسولف وياي واني اجـاوب اجابات مختصره وبلكوه تطلع الحجايه
يمامه - خاله لمار وين؟
ابتسمت - طالعيـن هي وعمار
يمامه -صددك؟
- اي كالو هم أصلا ما طالعين شهر عسل مدري شنهـو وراح يطلعون هسه؟
- شهر عسل! وين يا دوله؟
- والله ماعرف يامي كالو طالعين وراحـو
تحجي مبتسمه وجهـا حلو ومريح بس مرتبكـه وتحمع الحروف بالكوه سمعت كلامهـا وارتاحيت امنـت على ام دميعه بخير ويا التحبـه
يمامه -زين خاله بيت هيام وين؟
- نهـايه الفرع بس قريب لان الفرع مسدود مابي مخرج
- اهـا ، لعد اروحلهـا واجي
ترخصت منهـا وطلعت توجهـت للبيت الأخير بيت حلو وجبير مثل بيوت عمو جاسر دگيت الجرس ومنتضره تطلعلـي واشبكهـا واضمهـا بين ضلوعـي بس!
بهـت وجهـي من طلعلـي نفس الشاب الاجـه الصبح.. وهو هم موسع عيونه صافن ومثل المـامصدك
يمامه - هـااي انتً؟؟؟ شجااابـك؟
- جابنـي الشـوگ ، عجـل هو منهـو الجـاي انـا ولا انتِ؟
زفرت أنفاسي بـَ ضوجه وحجيت
- تكدر تصيحلـي هيام؟
- لا ماكدر؟
- ليششش!!
- شنهـوو هو منهـوو انتِ امهـاا بيبيتهـاا؟
- شنو دتستهـزئ حضره جنابك فضهـاا صيحهـاا؟؟
- وداعـت ماي عينـج ماگدر يولـي
- هذذه شبي ليشش بابا ليشش؟
- انتِ شجابـج هين؟ عجـل موجنتـي بـَ بغداد؟
- هيااام هيااام صيحهـااا
- ما موجوده طالعه!
بهـت وجهـي شنو متفقات وطالعات؟
-شنو متفقات وطالعـات؟
-منو؟
-لمار هم ما موجوده وطالعه ويا عمار شهر عسل وهيام هم ماكو مسافرين سوا شنو؟
- لا ماي عينـي عمـي اخذ حرمتـو وراح يستفرد وحدو بيهـا
- انتً شبيك شو مدري شلونك؟
باوعاتله وهو بلكوه لازم ضحكته يحجي
-شبيه؟
- ماعرف مدري شبيك؟ بس أحسك مو صاحي لذالك راح اسكت؟
- عش يولي شعتسويت انـا؟
- متعرف تحجي بابا عرفه ولفه تكلي ماي عيني وعيني وداعتـج ومدري شنو؟
- عش يولـي تاتصيـرين اختو مرت عمومتـي؟
- مو اختهـا صديقتهـا
-عبالي بيبيتهـا
حجاهـا وانفجر من الضحك زفرت أنفاسي ضايجه وهـذه فارغ ويريد يسولف درت وجهـي ورجعت اريد اروح
وحسيت بي وراي عطت
- خيررر؟؟؟
- خـير اليصيـبج
-شعندك لاحكنـي؟
- ماي عينـي دحكـي ماعدنـا حريم يهـيرون وحيدهـم
- كمم مره كتلك لتحجـيي وياي بهـل اسلووب!!
- تاوصلـج تا ارجع لا تهتريـن
تركته ومشيت بسرعه متنرفزه دخلت بسرعه بدون لا احم ولا دستور ودخلت لـ البيت باوعتً لام عمار
ام عمار - ها شو ما تاخرتـي ؟
- ما موجوده معقوله طالعين هم ولمار وعمار سوا؟
رفعت كتفهـا ما تدري وجهـا بي معالم حزن رجعت ابتسمت وحجت
ام عمار - روحي فوك على جهه اليمين غرفه ازل زهـراء يمهـا
تشكرت منهـا وصعدت فوك خجلانه وصلت للغرفه الدلتنـي عليهـا وكفت من سمعت صوت زهـراء تحجي
زهـراء - ازل اعقلي ما تنجمعون انتِ ويا اتركي هسه
ازل - اتـرك منو؟ اترك عشيرتـي وما اتركـة!
صرخت زهراء مفرفحه بـ همس
زهراء - لتموتينـيي!! ازل خابري خابرري هسه خابرري!
وأزل ترد عليها بصوت بارد
ازل - اخابـر منو؟
طرقت الباب من حسيت بنقاشهـن صار حاد وعبالي راح يوكفن كلام
فتحتلي الباب ازل وهاي اول مره انتبهـه الهـا
بـنيـه جميـله ، شعرهـا لـُ وسـط ضهـرهـا ، عيونهـا كبـار ، شعرهــا بـي شقــار خفيــف ، ضعيـفه وبـَ نفــس الوقــت جسمهــا حلو ، وابتسامتهـا جميـــله ،
ازل - هـلا حبيبتـي تعاي اكعدي هنـا شعندچ وحيدج؟
يمامه - لا مو وحدي ردت اروح أشوف هيام وهم ماكو طالعات هي ولمار هم
سگتت تباوعلي بـَ توتر مثل العدهـا حجـي بس ماتكدر تطلـعه هـمست زهـراء بـَ صوت تعبان
زهـراء - ازل تعبـت كلش خابري هسه اريد اخلص من هاي السالفه اريد ارجع لـ بيتي
ازل - بيـتـج موو! الضاهـر احنه بعد منعجـب؟
استغفـرت زهـراء وأزل روحهـا حلوه تضحك وتتشاقـه عگس زهـراء المنتصجـوره
زهـراء - ازل خابري بسرعـة
عكدت حواجبي باستغراب من طفرت ازل من الجربايه وراحت لشباگ تحاول تفتحـه
زهـراء - هـااي شبيج تخبلتـي! وخري منا العالم
ازل - دوكفـي خل اجيب زاجـل واكتب بي رساله وادزهـا اله ؟ لج بابا منين أخباره من أبوي
كانت زهراء من مكانهـا وراحت على جنطتهـا المشموره على الجربايه تبحوش بيهـا وطلعت تلفونهـا وقدمته بايدهـا لازل
زهـراء - هـاج تلفونـي وخابري؟
حجت ازل بعدم اهتمام
- ما حافظه الرقم
زهـراء - ترددين تخبلينـيي مووو!!! حااافظظظه كلشـييي كلشـييي بس ليششش ليششش هيج تسوين بيه تعبتينـيي!!!! خابررري إذا عندي ذره معزه بكلبـج خلصينـيي!!!
ازل - كلت ما حافظه الرقم وصوتـج منا امـي
هـدئت نفسهـا زهـراء كعدت على الجربايه تتنفـس بهـدوء ازل خافت وجهـا صار اصفر بس ما بينت شويه واستقـر حال زهـراء
زهـراء - عبالـج لهـنا وخلص؟ اليوم ما اروح منا اذا ما تخابري
ازل - ايـي بعد احسن ابقي يمنا ويمامه هم نكعد نحضر اكل وهيج ونسوي سهره حلوه
باثنـاء كلامهـا دخلت ام عمار وهـي تسولف وتضحك قدمتلـي كيك وحلويات وعصير والزهراء ولازل هم سولفت شويه وترخصت وطلعت
راحت زهـراء تسبح وبقينـا اني وأزل بالغرفه كاعده على التخم الصغير الموجود بالغرفه وأزل كاعده على جربايتهـا لامه رجليهـا لصدرهـا وكل معالم الحزن تنقرئ بوجهـا
مدت ايدهـا لـَ المجـر البصفهـا وطلعت علاكـه صغيره كلش طلعت منهـا كلاده على شكل فراشه زرقاء صغيره وحلوه كلشش
رفعتهـا لشفايفهـا وباستهـا وشمتهـا وحضنتهـا على كلبهـا وهـمست - يردونـي اعـوفـك وانـي بروحـي اشوفـــك
ابتسمت وثار فضولي اريد اعرف شنو السر؟ ليش يردوهـا تعوفه؟ هو منو؟ يعني حب؟ لو شنو؟ ما فتهـمت اي شي وبـَ طبيعي استحي واخجل اسئل اي شي وما ادخل ابد رغم دموعهـا تنزل على خدهـا وكلامهـا صحانـي من صفنتي كلامهـا
ازل - تردين احجيلـج؟
يمامه - أكيد اسمعلج بـَ كل وقت
تنهـدت تحجي - اهـلـي ما فهـمونــي بلگت الغريــب يفهـمنـــي
زفرت أنفاسي ضايجه وحالتهـا قهـرتي والفضل قتلنـي
وهـي كامت من مكانهـا وجرتنـي من ايدي كعدتنـي على الجربايه وراحت قفلت الباب الغرفه واجت مدت ايدهـا تحت سريرهـا وطلعت تلفون صفنت عليهـا وهـي كعدت كدامي تراوينـي صور ولد
جمـيل لابعـد الحدود ، وجـهه لطيف وبـَي ايمُـان غريـب ،
عيــونه سـود وبينهـن لمـــعه خفيفـة ، ابيـض ،
صحانـي صوت ازل وهي تحجي
ازل -عـــيونج لا تحسددي
يمامه - احم لا بس شكله نورانـي
ازل - هــو شكله نورانـي ومن دخـل حياتـي نورهـا .
يمامه - ترا أنا لسه ما فأهمه هو منو؟
ازل - انشالله مرته
يمامه - يعني حبيبج؟
اول ما نطقتهـا فزت تحط ايدهـا على حلكي وتباوع على الباب وتحجي - اشششَشش
وخرت ايدهـا احجي
- ماكو احد شبيج؟
- الحيطـان الهـا اذان
- يعني شنو مو كلتي اسولفلـج؟
- مو هـسه بليل من ينامون نطلع بالحديقــه ونحجي
- ليش هو احنه نبقى لـَ اليل؟
- اي عيوني تبقين لـَ اليل وتباتيـن عجل منو يرجعكم؟
- عفيه لتگولين عجل وما عجل مو هستوج تحجين طبيعي
ازل - اي صح أصلا ماحجي بيهـا بس متعوده من هدى الهايشه أربعه وعشرين ساعه تعيط واني يأخذ لساني بس هاا لا اني ماغلط ولا احجي مثلهم
- اي ادري كالتلـي زهـراء متعودين تحجون مثل امگم بس كم كلمه هيج من اهـل ابوگم
ازل - لا انـي متعــوده مـن حبيـب روحـــي
ابتسمت وحجيت - متحمَسة اسمع قصتكم
ازل - انـي هم متحمسه احجيلـج انتِ اول شخص يسمع بـ قصتنا والله ثم والله بس خل يصير نصيبيُ اخلـي الدنيـاا كلها تحجي بقصتنـا وماخاف من احد
- ياعمَرري انشالله تصيرون من نصيب بعض وتنجمعون
ازل - اميييين امييين
ابتسمت على لهـفتهَها وحسيت بـَ شغف صار عندي فضول قوي اسمع قصتهم وحبهـا اله يستحق يا ترى؟
من بعدهـا طلعنا اني وياها تعشينا وضلينا كاعدين ابوهـا جدا صعب وما حبيته لا هو ولا هدى ولا حوراء رغم ما سمعني شي أبدا بس نضراتهن وكلامهن ويا زهـراء نرفزنـي
هدى - عجل زهيره تامتروحـين؟
زهـراء - ماعرف ، يجوز اروح باجر يجوز ابقى
شهگت حوراء وحطت ايدهـا على صدرهـا تحجي
حوراء - عجل ابراهـيم تركج؟ هـجستو مو هين تاذبـج علينـا؟ شعتسـوين؟ هسع؟
زهـراء - ماكو اي شي من الكلام الدتكولـي!! شلون يعني ميصير؟ ترا اني حامل ومن حق البنيه تبقى فتره بـ بيت اهـلها وبـ الأكثر بـ فترات الحمل؟ تكدر تحجي شي بابا؟
زفر انفاسه ابوهـا بـَ ضجر
ابو عمار - هسَع انـا فارغ؟ تـا تدخلونـي بسوالف الحريـم؟
حجاهـا وكام دفر الكرسي مالته وطلع حوراء وهدى يباوعن بشماته لزهراء وزهراء تجمعت الدموع بعيونهـا وام زهراء مدنكه تأكل وما حجت حرف وأزل تباوع لزهراء رافعه حاجب بـَ معنى " هـا شكـلت؟ " حجت زهـراء وعيونهـا مدمعه وتريد تبجي
زهـراء - مـامـ...
ام عمار - اكـَلا وسكُوت
نزلت دموع زهـراء تأخذ مجراهـا على خدهـا وأزل ابتسمت وكامت تحجي
ازل - اساساً جان استغربت لو مره واحده وكفتي ويا بناتج؟ خلصتي عمرج تركضين وتطمطمـين لسوالف عمار بس خل أشوف عمار العار يفيدچ بعدين
عمار - منو العار؟ ...
يتبع....
- يتبع الفصل التالي اضغط على ( رواية ذيب الغربية) اسم الرواية