رواية نبض قلبي الفصل الخامس و العشرون 25 - بقلم هيام ختعن

  ومر حوالي اسبوع والوضع زي ما هو وراح عز اتقدم لمريم وحدد معاد الخطوبه

مريم. : بتوتر حلو كده ولا في حاجه ناقصه

مي. : زي القمر ي حبيبتي

وفي الوقت دا رن هاتف مي باسم سليم وكان بيسالها خلصتوا لبس ولا لاء وجالوعز وراحوا الاوضه اللي فيها مريم ومي واول ما عز دخل الاوضه بدأت البنات تزرغت واشتغلت كاميرات الموبايلات لتصوير عز ومريم

عز قرب من مريم وعطاها بوكيه الورد وباسها من راسها

عز. : اي القمر دا

مريم : بكسوف شكرا

وخرج عز ومريم ووراهم البنات وجات مي تطلع من الاوضه بس سليم وقفها وقفل الباب

مي. : اي ي سليم

سليم. : اي ي سليم مافيش وحشتني ي سليم عقبال فرحنا ي سليم وانا اقولك ي رب يكون دلوقت

مي. : بتضحك وحشتني ي سليم

سليم. : بس كده من غير حاجه

مي. : ابقي احط للك عليها شوكولاته المره الجايه

سليم. : بس اي الحلاوه دي

مي. : بكسوف شكرا

سليم. : بيمسك مي من خدودها يالهوي ع الخدود اللي بتحمر لما بتتكسف ي ناس

مي. : بس بقي شيل ايدك ويلا بقي عشان ننزل

وجات تفتح الباب بس سليم وقفها وقفل الباب وكان محاوطه بايديه وكان باصص في عينيها اللي بتسحره وكانت نبضات قلبهم بدق جامد وكانت مي تايه في عنيه وقرب سليم من شفايفها وقبلها وهي كاانت نبضات قلبها بتزيد

مي. : بصوت خافت سليم ابعد

سليم. : قرب من شفتيها تاني وقبلها

سليم. : بصوت خافت بحبك اوي

مي : وانا كمان يلا بقي ننزل

سليم. : وهو مقرب وشه من وشها

سليم. : خلينا هنا

مي. : زقته فجاه يلا ي سليم بقي بطل جنان

سليم. : بيضحك انتي فصلان يلا

ونزل سليم ومي القاعه وكان الكل مبسوط لمريم وعز وكانت نوسه بتعيط

سليم. : مالك في اي

نوسه. : مش مصدقه أن عز بيه كبر وبجي عريس

سليم. : لا صدقي

ومر الوقت والكل كان بيرقص وفرحان وجات اخر رقصه سلو اللي بيرقص فيها كل اتنين مرتبطين ورقص سليم مع مي وكانت اغنيه خليني في حضنك ي حبيبي وكانت مي بين احضان سليم وكان باصص في عينيها

سليم. : بكل حب بعشقك يامي

مي. : وانا كمان

وخلصت الاغنيه وكانت مي وسليم في نفس الوضع وفاقواوع صوت الجميع وهما بيصقفوا

مرت الايام سريعا وكانت الشوارع مزينه بزينه رمضان والفوانيس وكانت الأجواء جميله وكانت نوسه وقفه في المطبخ

نوسه. : رمضان جانا وفرحنا له بعد غيابه اهلا رمضان اخير الواحد هياكل كينافه وجطايف الله بيبجوا حلوين جوي ونسمع بجي بكار ورشيده الله اله

عز. : انتي بتكلمني نفسك ولا اي

نوسه. : يوه يوه خضتني ي عز بيه كح ولا تف حتي

عز. : الله يقرفك ي شيخه عامله اكل اي

نوسه. : اي السوجال دا انت مش شامم ولا شايف ولا اي

عز. : انتي لمضه لي ماتردي ع طول ي ساتر عليكي

نوسه. : انا مش هرد عليك عشان ما شلش ذنوب بس لما أفطر هبجي ارد

عز. : لا ي شيخه دا من امتي دا

نوسه. : ستغفر الله العظيم اوعي تضعف ي لساني هانت كلها كام ساعه والمغرب يأذن وترد براحتك

وفي الوقت دا رن تليفون نوسه

نوسه. : ايوه ي بت ي سوسن كل سنه وانتي طيبه

سوسن : وانتي طيبه ي نوسه

نوسه. : شوفتي سعيد الحرامي عطاني الفراخ بكام

عز. : انتي متاكده انك مش عايزه ترتكبي ذنوب

نوسه. : ايوه ي عز بيه

عز. : اومال سعيد الحرامي دا اي

نوسه. : ماهو حرامي يرضيك يبجي عايز بديني الفرخه ب ٢٠٠جنيه

عز. : لا طبعا ازاي اومال جيبتها منين

نوسه : جيبت منه

عز. : دفعتي ال ٢٠٠ جنيه

نوسه. : لا طبعا سرجت الفرحه

عز. : يعني انتي عايزه تفهميني أن الفرخه دي مسروقه وبتاكلينا حرام وكل دا مش عايزه ترتكبي ذنوب

نوسه. : ما انا طلعت حاجه لله أكفر بيها عن الذنب

عز : لا شيخه دي اول مره ولا عملتيها قبل كده

نوسه. : عايز الحج ولا ابن عمه

عز. : الحق

نوسه : بتضحك عملتها كتير جوي جوي ي عز بيه.

عز : وانتي مالك مبسوطه كده لي دا انتي ليلتك سوده

نوسه. : ما انا بطلع تكفير ذنوب بيجولول اسعار غاليه جوي ي عز بيه فجولت لازم تفكري في حل ي بت ي نوسه لحد ما لاجيت الحل دا

عز : ي ريتك ما فكرتي ي شيخه منك لله بتاكلينا حرام

نوسه. : انا غلطانه اني بوفر لكم بس بجولك اي عز بيه

عز. : قولي

نوسه. : اوعي تجول لحد اللي عرفته عشان ماحدش يحسدني ع تفكيري وذكائي

عز. : كل اللي همك انك تنحسدي ومش همك انك بتاكلينا حرام

سوسن. : الو ي بت ي نوسه

..نوسه. : ايوه ي بت ي سوسن معلش نسيتك ع التليفون استني أما احكيلك ع اللي حصل معايا مع بتاع الكينافه

عز. : اي سرقتيها هي كمان

نوسه. : ههه لا ي عز بيه جولتله اني بصرف ع يتامه وان عندي ابني عز نفسه في الكينافه وغلبان يوحبه عين امه عنده تخلف عقلي

عز. : متنح شحتاها وبتربي يتامه وانا عندي تخلف عقلي

نوسه : ماهي غاليه ي عز بيه وانا نفسي فيها كنت عايزني اعمل اي بس انا بيني وبين نفسي كنت بجول سامحني ي عز بيه والنبي انت سيدي الرجاله

عز. : لا كتر خيرك وبالنسبه العصير جيباه ازاي

نوسه : بفخر فاصلت مع الراجل واخدته بالسعر اللي عايزاه

عز. : وهو وافق

نوسه. : ايوه ماانا ضربته وخاف فوافج انت مفاكرني هفيه ولا اي

عز. : انتي ماتنزليش تجيبي حاجه تاني انا اللي هنزل اجيب وكفايه علينا اكل حرام

نوسه. : بجولك اي ب عز بيه

عز : قولي

وفي الوقت دا رن جرس الباب

عز : روحي افتحي الباب

نوسه. : حاضر

وراحت فتحت نوسه الباب لاقيت واحد عايز حاجه لله

الراجل. : كل سنه وانتم طيبين

نوسه. : وانت طيب ي حح خير

الراجل. : اي حاجه ي بنتي اجيب فطار لعيالي

نوسه. : استني استني افتكرتك مش انت اللي بتجعد ع الشارع اللي ورانا

الراجل ايوه

نوسه. : مسكت الراجل من هدومه اطلع باللي لمته كله

الراجل. : بيسلك هدومه منها عيب ي بنتي سبيني

نوسه. : اسيبك دا انت اغني مني وجاي عايز فلوس اطلع باللي معاك

عز. : في أي

الراجل : خليها تسيبني ي بيه

عز سلك الراجل من تحت ايديها ومشاه

عز. : بتستقوي ع راجل غلبان

نوسه. : دا غلبان دا اغني مني ومنك

عز. : ي شيخه ارحمينا بقي

ومر شهر رمضان بكل اجواءه الجميله وكانت مي بتجهز حاجتها عشان الفرح وبتحجز الفستان وسليم كان بيكمل فرش الفيلا وبيحجز مكان شهر العسل وكان طالع عنيهم في التجهيزات واخيرا جاه اليوم المنتظر ليهم

مي كانت لابسه فستان بسيط جدا مبين جمالها مع ميكب هادي جدا كانت جميله بمعني الكلمه

مي. : انا متوتره اووي انا استعجلت صح

مريم. : لا مستعجلتيش ولا حاجه

مي. : لا لا انا غيرت راي

مريم. : ي بنتي ربنا يهديكى مش دا سليم قلب القلب اللي دوشاني بيه ليل نهار يلا بقي اتجوزوا وخلينا نخلص منكم

وفي الوقت دا خبط الباب وكانت شهد

شهد. : مشاء الله زي القمر ي حبيبتي

مريم. : انا رائحه اجيب حاجه وراجعه

وسابتهم ومشت

شهد. : سليم كلمني وقالي ه الفرح فجيت

مي. : كانت واقفه مش عارفه تفرح بوجودها جنبها في يوم زي دا ولا تزعل ولا تعمل اي بس قررت انها تفرح لأن اي بنت بتبقي محتاجه مامتها جنبها في يوم زي دا

شهد قربت منها وحضنتها ومي كمان بدلتها نفس الحضن وكانت اول مره تحضن امها وتحس بالمشاعر دي بجد طلع حضنها مختلف عن اي حضن تاني ولنفسها قدرتي ازاي تحرميني من الحضن الحنين دا والأمان بس انا هحاول اسامح بس ي رب ماتخليش عني تاني

وفي الوقت دا جاه سليم عشان ياخد مي وكان مبسوط لما لاقي مي حضنه شهد

سليم. : احم احم

شهد. : بابتسامه الف مبروم ي حبيبي

سليم. : الله يبارك فيكي

وراح سليم لمي وعطها بوكيه الورد وحضنها وكان مبسوط اخيرا جيه اليوم اللي هتبقي في معايا ع طول وفي حضني وتبقي ملكي انا وبس انا لو عليا عايز اخبيكي بين أحضاني وماحدش يشوفك ولا يقرب منك انتي الامان اللي عيشت ادور عليه طول حياتي

♥️♥️♥️♥️♥️♥️♥️♥️♥️♥️♥️