رواية ذيب الغربية الفصل الرابع و العشرون 24 - بقلم طيبة وليد
Part 24
بــسم الله الرحـمان الرحـيم
$ ذيـب الغربيه
" لا تنسون التصويت والتعليق بين الفقرات + متابعه لحسابـي لطفآ "
""""
" يمـامـه"
انـا يمـامـه وعـيت على نفـسي وانـا بالميتـم لا ام لا اب لا أخت لا أخ !
هـاي الحقيقـه عرفت لمار وصارت من اعز اصدقائي واخت ألي
وبعدهـا بـ مده عرفت هـيام ، ما كانت صديقه كانت اكثر من أخت
حبيتهـا تعلقت بيهـا جدا
كانت حالتهـا تعيـسه لدرجـه ما توصـف اول ما اجـت لـ الدار
حبيتهـا من عمق قلبي اگدر أوصف حبي الهـم
" حـب البنـت لامهـا "
ما عشت هـذه الشعور. إلا ويا اخواتهـا انخلقت وحدهـا بهـاي الدنيا
لا عندي سند ولا عندي احد "
الكلمـه الي ترددت بـ بالي دائما والناس يكولوهـا. ألي بـَ استغراب؟
" شنـو طالعـه من فـطر الحايط "
هـذه المثل غريب منو ممكن يصدك اكو احد يطلع من فطر الحايط ومستحـيل
بـس انـا ما كنت استغربه لأني فعلا طالعه من فطر الحايط
غريب صح؟
شخص لا يعرف أمه لا يعرف ابو لا يعرف عن لا يعرف خال ما يعرف هـو ليش بـَ تركيا رغم هو عراقي بحتـآ؟
وكانما فعلا طالعه من فطر الحايـط!
وعـيت على نفـسي وانـي بهـذاك الميتم وبهـذيج المنطقه وبين كل البنات كان الميتم عربي ويحجون بي عربي واكو ضمن من البنات تركيات
منو ممكن يصدك اكو هيج شي? بنت ماعدهـا احد؟ منو ولدها ؟ باسم منو تسجلت؟
عندي اب وأم فقط بالجنسيه وماعرفهـم وما اسامحهـم إذا كأنو بقبرهـم او على الحياه
وأفضل ان يكونون ميتين افضل بهـوواي من ما يكونو عايشين!!
ما راح اسمحهـم إذا كأنو بقبرهـم وتركونـي عند الميتم وما وصونـي عند أقارب او احد !
وما راح اسامحهـم إذا كأنو عايشين وبتهـم بالميتم!
الدنيا بكـفه ونار كلبي لكـفه
نار كلبي من اهـلي ما تبرد ما اعرفهـم أتمنى اعرف هم ميتين لو عايشين!
بس هـاي اريد اعرفهـا مو اكثر ماريد أشوف وجهـم إذا عايشين وما اريد أشوف قبرهـم إذا ميتين!
بكـل صلاه ألي ادعي ربي ما يجمعنـي بيهـم يوم!
أتمنى ربي يعوضنـي باشياء احسن منهـم
عوضنـي بخوات مثل لمار ومثل هيام!
ام مثل رسل
رسولتـي الاحبهـا
محد يعرف شكد احبهـا عمري فداء الهـا
ما انـسا سهـر عيونهـا عليه!
ما أنسا بجيهـا اذا تمرضت!
ما أنسا سهـرهـا وياي تدرسنـي!
ما أنسا حبهـا ألي!
ما أنسى كل الأشياء القدمتهـن ألي رسولتـي
يا ترى شلون راح يكون جزاء رسوله؟
وهـي بنت تعاستهـا على سعادتنـا!
عمرهـا خلصته تعتنـي بالايتام!
حجابهـا ما يوكع من راسهـا!
صلاتهـا وهـي تناجي ربهـا يغفرلهـا!
ولكـن!!
للان ما عرفت رسوله ليش تناجـي ربهـا يغفرلهـا؟
شنو الذنب السوته؟
لدرجه لحد هـذه عمرهـا هي تبجي على سجاده الصلاه وتاجي ربهـا يسامحها؟
لدرجه ضحت بـَ عمرهـا واعتنـت بالايتام؟
تشتري ملابس النا بـَ فلوسهـا مرات؟
علمتنـا على الصلاه والصوم واهـل البيت!
ولحـد الآن ماعرفت هـذه السر العظيم
بس الفضول يقتلنـي
شنو الي مسويته رسوله؟
بس دفنت هـذاك الفضول لخاطر راحتـي إذا كلت للبنات وضلينا ندور وراهـا راح نعرف
ماردت اخرب صورتهـا بـَ عيني ردتهـا تبقى الانسانه النقيه الصادقه النضيفه المؤمنه الجميله الي ضحت بشبابهـا لخاطر شباب غيرهـا؟
وفعلا بقت دفنت سرهـا وياي!
حبيتهـا حب " بنت لامهـا"
هـاي قصتي الطيفه ماعندي قصه غير اني بنت طالعه من فطر الحايط عاشت بـَ ميتم حتى تحمُي نفسهـا بَنت سور على تفسهـا وعلـى اخوُاتهـا
حياه لطيفه عشت بدون ذكريات سيئه مثل هيام ولمار مع اهـلهـن
بـَ كل مره كنت اسمع هـيام وهـي تبكي وتكوبـس بـَ ضرب ابوهـا
او لمار تكوبس بـَ موت امهـا وابوهـا وكلامهـم
كنت اكره الاهـل اكثر وأكثر
اكره اهـل لمار وهيام بسبب تشدددهـم عليهـن " ما يعـرف هـذه الشعـور اله العايـشـه"
كره عظيم لتشدد الاهـل وعدم ثقتتهـم بـَ بناتهـم !!
بـَ كل مره أتذكر ممكن اهـلي عايشين وانـا بـَ الميتم يصيبنـي حقد يعمـي عيونـي لدرجه ادعـي عليهـم ما يرتاحون يوم إذا عايشين !
رغم اهـل هيام واهـل لمار ميتين بس اكرهـم " ومـا على المـيت إلا المغفره"
اعرف هـاي المقوله بس ما اطبقهـا ابد ابد
الإنسان ممكن يسيطر على كلشي إلا على الحقد والكره والحب !
جربـت الحـقد والكـره بـس ما جربت الحـب ولا ناويه أجريه على كوله النـاس " ليـش تتأملـين كـلج واحده طالعه من فطـر الحايط "
ما اتأثر بكلامهـم ولا حتى يهـزنـي!!
الإنسان ليش يتأثر من الحقيقه!!
كـنت دائما فتاه ::
قـويه
شرسـه
قـد كـنت فتـاه مؤذيـه عنيـده ومشـاعري دقيـقه بأرده لا يحبنـي رجـل إلا ما كان شجاعـا
كنت دائما أنا المختلفه بين شلتنـا الثلاثيـه البسيطه
بـين أحلام لمـار الورديـه بأن يجيهـا فارس احلامهـا وينتشلهـا من الـي هي بي
وبين هـيام الـي عيونهـا بس تريد تشبع شوف من ريحانتهـا وبگد ما عيونهـا متعطشـه تشوف امهـا
متعطشـه تشوف دم قاتل امها
كنت انـا مختلفه اختلاف تام بين احلامهـن كل احلامـي
اكمـل دراستنـي وابنـي وضيفتنـي لنفسي "
بالوقت الـي الكـل يكول طالعه من فطر الحايط ما راح يگدر يكولهـا إذا صرت شخصيه وعندي فلوس ومهـنه محترمه !
" ونبقـى ضحـيه لهـلنـا على سوء اختيارهـم"
اريد ابني نفسي بـَ نفسي لا اريد فارس أحلام ولا اريد اهـلي ولا اريد اعرف اي شي!
كل الي أريده يكون عندي مهـنه محترمه اخلي الكل يحترمنـي منهـا!
" لـيس الفتى من قال كان ابـي انمـا الفتى من قال هـا انـا "
وانـي مثال على هـذه ماريد يكولون بنت فلان؟ زوجه فلان؟
اريد يكولون بكل فخر " الدكتـوره يمـامه"
حلمـي من الطفوله ادخل شي بـَ طب وتحقق من طلعت معدل يوصلنـي لـي لي أريده
فرحت وحلقـت بالهـواء وكانمـا جنـح حمامـه كان مصاوب لفتره وطويله وتعالج وحلق بالهـواء الطلق..
فرحنتـي انگسرت بزواج هـيام هـواي انگسرت
كنت أتمنى تبقى وياي نداوم سوا ونرجع سوا مثل كل سنه وكل يوم بس كان القدر رأي ثاني!
بنـت بيتهـا وبنت حياتهـا تزوجت شخص قلبهـا مرتاح اله وروحهـا تريده كذابه كانت ما تريد تعترف قلبهـا رجع نبض بعد كل هـذيج الفتره الطويله من موت امهـا لـ جيه شاهـين رجع نبض.. مثل الكان بـَ غيبوبه سنين وصحى..
فرحت،،
لكـن!!
فرحتنـي ناقصه راح أبقى وحيده وهـذه الصار
بقيت بـَ بيت عمهـا جاسر أنسدت الأبواب بـَ وجهـي بعد ما سدو القبولات
مع ذالك كلت يجوز بيهـا خير ونرجع أنا وهيام نداوم!
حياتـي صارت فارغه لدرجه مو معقوله احس بـَ حمل ثقيل عليه مو حمل أنا شايلته انـما احس نفسي محمله على بيت عمو جاسر
رغم هم ناس طيبين لدرجه مو طبيعيه زهـراء وياي تروح وتجي عمو جاسر يطلع هـواي وابراهـيم ماله حس
بس أبقى غريبه!!
شعور الغربه البـداخلي ياگلنـي اكل!
احس نفسي مثقله عليهـم لدرجه من اگعد على السفره ألاحظ اكـلي شگد واقـلل لدرجه نحفـت ما اكل قليل جدا ومن انام استحي مأخذه غرفه منهـم!
الغربه وإحساس الثقـل ينهـش بـَ روحي نهـش!
تمنيت ما جايه ولا حتى واصله تمنيت اخلص كل عمري بالميتم ولا اخلص ساعه واحده هـنا !!
زفرت أنفاسي بهـدوء وتقربت اطرق على باب مگتب عمو من اسر طرقات خفيفه لحد ما تخلد لـ مسامعي صوته وهـو يكول بـَ هـيبته المعتاده
- تفـضل
دخلت امـشي بـَ خطوات هـزيله تعبانه روحي موجره نار هـذه مو مكاني ولا هـذوله ناسي!!
نزلت انضاري للأرض مستحـيه وخجلانه منين ابدّي وشلون احجي
جاسر - تفضلـي بـابـا محتاجه شـي؟
يمامه - لا عمو بس اجيت اسئلك شوكت ارجع لـَ تركيا؟
عكد حواجبه باستغراب
جاسر - ليـش بابا ترجعين؟ احـد مسمعج كلام؟ ضايجـه من شي؟
نزلت راسي افرك بأصابعي خجلانه ومتوتره وكانـي واكفه كدام مديره المدرسه
- لا لا عمو صدگني مو مثل ما داتحجـي بس كل المواضوع..
سگتت محتاره شنو احجي احس بـَ نفسي ثقيله عليگم؟ لو حتى ما اشبع علمود ما اثقل عليگم ؟
تطرق صوته لمسامعـي وهـو يأشرلي باصبعه على الكرسي الموجود كدامه - تفضلي اكعدي واحجي الضاهـر السالفه مطوله؟
گعدت واخذت نفس وزفرته احجي بداخلي يمامه تخبلتـي هاي مو شخصيتج ارجعي يمامه العرمه وترد شخصيتي الثانيه عيب شلون تجاوبي هيج إنسان استضافـج بـَ بيته ومهـتم بيج احجي ويا باحترام
يمامه - عمو صدكنـي روحتـي ما الهـا دخل بيگم! والله مابيگم قصور وشكد ما احجي ما اكدر أوصف فضلگم واستضافتـكم ألي بس يبقى..
جاسر- يبقى؟
يمامه - يبقى البيت مو بيتـي واني ضيفه ونهـايه الضيف يرجع منين ما اجـا موصح؟ وانـا ما متعوده على العراق اوي ارجع لـَ تركيا واريد ارجع لـَ رسل واريد ابدي اجهـز لجامعتـي بـَ السنه الجديده
جاسر - يمـامـه بابا الميتم خلصت ورقتـج منه! إذا تروحين لـَ تركيا تگعدين بـَ بيت من بيوتنـا وانـا ما أمن عليج وحيدج هـناك بـَ بيت وحدج وانتِ صغيره مستحيل اقبل افضل تبقين لهـنا على الأقل لـ فتره معينه اسجلـج بـ سكن الجامعـي وترجعين هـناك شنو تكولين وياج القرار ألج ؟
سگتت محتاره الدموع تجمعت. بـَ عيني أنا يمامه المحد بجاهـا يبجينـي هيج موقف سخيف؟
مع ذالك اتماسكـت وما بچيت بس حزت بداخلي
بـَ الحالتين راح ابقى بجالهـم وبـَ حياتهـم وبـَ احد بيوتهـم لا ووحدي ؟ ماعندي مكان اروحله؟
زفرت أنفاسي بـَ تعب وحجيت
-لـَ فتره معينه وارجع ما ابقى هـنا سنه كامله لو سمحت؟
جاسر - هـاهـيه بابا ماكو مشكله ، هـذه البيت بيتج شوكت ما تضوجين أخذي السايق وبنتـي زهـراء وروحـي لـ يون ما تحبين اجيتـي لـَ العراق ولسه كلشي ما شفتي صدك جذب هـذه العراق العظيم؟
ابتسمت على كلامه ساكته هـزيت راسي وترخصت طلعت من المگتب صعدت لغرفتـي ودفنت راسي بالمخده روحـي موجـره نااار
ما تطفى هـاي النار غير لمن أشوف اهـلي محترگين بـَ نار جهـنم .
بچيت بـَ قله صبر وحيله رفعت راسي من المخده باوعتً على نفسي بالمريا امسح بـَ دموعي واحجي - انتِ يمامه مو اي احد! يمامه المـا فديوم ضعفت على شنو تبچين؟ فتره موقتـه وترجعين وخلص الموضوع خلص!!
مسحـت دموعي ابتسم وأقنع بـَ نفسي ماعندي شي ماكو شي خلص الموضوع هاهيه
ابتسمت ورحـت لـَ غرفه زهـراء ابراهـيم طالع دگيت الباب بـَ خفه سمعت صوتهـا من كالت - تفضل
دخلتلهـغ مبتسمه تلاشت ابتسامتـي مصدومه
من شفتهـا تبجي!!
تقربت من عدهـا امسح على ضهـرهـا بـَ خفه واحجي
يمامه - شبيج حبيبي ليش تبجين شكو !
باوعتلي وهي تبجي صاحت
زهـراء - اريد اكـل
- لعد متروحين تاكلين؟
زهـراء - لااا مو هـذه الأكل
- هـاي شبيج شفطتـي
زهـراء - لا اسمعي مو اني اشتهـيت اكل..
قاطعتهـا وانـي احجي - اي فتهـمتتت روحي أكلي شنو اشتهـينيي!
رجعت تبجي وتنحـب
زهـراء - ابراهـيمم ميخلينـيي
- شنو ميخليـج تآكلين لج زهـراء شنو هل جذب!
- انجـبي يلا
حجتهـا ودفعتني طلعت من الغرفه واني مصدومه هاي شبيهـاا صاحيه!! لحكتهـا اريد أشوف شبيهـا
لعبت نفسي من شفتهـا طلعت طاسـه وحطت دبس رمان وعسل وخبطتهـم وقطعت تفاح وتغمـس التفاح بـَ الطاسـه وتاكل!!
اجيت اتقيئ دبس الدمان حامض! والعسل! حلو وهـي تخبطهـم وتغمس تفاح بيهـم وتاكل مستلذه
رفعت راسي باوعتلي ومدتلـي التفاحه المغمستهـا وينقط منهـا دبس رمان وعسل واردفت ببرائه - تردين؟
لزمت حلكـي ورجعت ليوره احجي - لاا لا. ماريد
زهـراء - طبج مرض
بعد ما كملت من التفاح والخلطه العجيبه راحت طلعت سماگ ولامندوزي وقطعت ليمون قطع صغار وحطتهـم بوسط السماگ والامندوزي وتاخذ قطع قطع وتاگل مستلذذذه لابد درجه
واني اباوع بـَ تقزز يمكن لو اكلهـا يغمى عليه فزيت على صوت ورايه يحجي
ابراهـيم - وتـالي ويـا الفرخ الملطلط البـَ بطنـج؟
وزهـراء بـَ بسرعه حطت ايدهـا على بطنهـا تحجي بـَ قهـر
زهـراء - تحجـي على ابنـا وهـو بعده مچااي؟
إبراهيم - يله عمي غلطان انـي واعتذر
زهـراء - ميفيد الاعتذار جرحت مشاعر ابنـي الرقيق!
ابراهـيم - ابنج الرقيق؟ اتبرئ منه إذا طلع رقيق
زهـراء - ايي ايي إبراهيم اطلع على حقيقتك تريد تتبرئ مننننة
إبراهيم - حبيبتي چا رقيق شنو؟ ولد جيس حب بعدين اني ماريد ولد اريد بنوته احطهـا على كلبي وانام
وهـي بسرعه بچت
زهـراء - تحطهـهـا على كلبك موو!! لعد واننـيي وينـيي؟؟
ابراهـيم - انتِ ضامـج بين ضلوعـي.
زهـراء - لا متضحك عليه بهـاي سوالفك اننـي اعلمك بس يجي ابنـي هم أنيمه على كلبي
ابراهـيم - اطيح حضج وحط ابنج
زهـراء - شنوو شنوو! تطيح حضه؟ ليش احنه ممتفقـين نربي تربيه حديثثثة؟
ابراهـيم - اي ادللي اربـي تربيه حديثه إذا بنيه وإذا ولد اربي على التربيه القديمه من جانـو يكعدونـا على طابوگه محميه على النار
زهـراء - يمماا عزا! ماقبـل إذا اجـت بنيه اربيهـا على التربيه القديمه مو ابنـيي
حط أيديه بـَ جيوبه مترهـي وحجه
ابراهـيم - إذا انتِ مره مدي ايدج عليهـا
حجاهـا وطلع وزهراء قامت القيامه بـَ البچي وكل شويه وصاحت - يفرق يريد يربي ابنـي تربيه قديمه وبنته تربيه حديثه
يمامه - شبيج تخبلتـي! ليش بنته مو بنتج؟
زهـراء - لاا يربي ابنـيي تربيه حديثه ويحبه اكثر
رغم هي حامل وادري ما تعني كلامهـا بس انقهـرت وحجت بـَ تقزز
يمامه - شنو فرقج عن اهـلج لعد! هم ما تحبين بنتج وما تحتويهـا ؟ شوكت تنقرض هيج امهـات
حجيتهـا وصعدت لغرفتي ادري الحجيته شي مو زين ولا يليق بـَ زهـراء واعرفهـا شكد طيبه وخوش إنسانه بس مو بإيدي!! أتخيل امـي هم خاضت هيج نقاشات ويا أبوي وهم كانت تگرهـني ولذالك ذبونـي بالميتم
ويصيبنـي شعور ليش بـَ تركيا تحديديـاا؟!
التفـتت على صوت دگه الباب
يمامه - تفضل؟
دخلت زهـراء عيونهـا مورمه وتباوعلي خجلانه وضايجه ابتسمتلي وكعدت يمي على الجربايه
زهـراء -والله انـي مو هيج والله بس أغار على ابراهـيم كل مره يقهـرني ويكولي إذا اجـت بنيه احبهـا اكثر منج ، اضمهـا على كلبي اليل كله ، وين ما اروح اخذهـا وياي ، ويقهـر بيه يخليني ادعي يجينـي ولد والله انـي مو مثل اهـلي ولا راح أصير راح احتوي بنتـي وما اخليهـا تحتاج احد ابد
ضحكـت وكملت
زهـراء - على كوله ابراهـيم ازوجهـا من يصير عمرهـا 40 سنه
يمامه - شنو تبلون الرجال بيهـا
زهراء - مـا نزوجهـاا لعد ابد ابد
يمامه - عفيه حبي البنات محبوبات حبيهـن البنيه مالهـا غير امهـا ولو شما يصير الأب تبقى الأم أساس لـَ كلشـي لا تصيرين مثل اهـلنـا
ابتسمتلـي وباستنـي وكامـت تطلع
وهـي تضحك وتتشاقـه
نزلنـا انـي وياهـا على الدرج اندارت داتحجيلـي
زهـراء - اريد اسمـي بنتـي أسم غـ...
كملت كلامهـا بـَ صرخه...
_
———
فـي مكـان آخر
واكفه على نار منتضرتـه يجـي لحد ما شافته عيوني ارتاحـيت
- عمار حبيبي وين جت ليش تخيلينـي اقلق عليك دائما؟
قاطعتنـي وهـو يصرخ بـَ صوت عالي
عمار - ما تحبنـيي ليششش ما تحبنـيي ليشششش؟
كلبت عيوني احجي
- على الأقل احترمنـي مو زوجتك انـي؟
عمار - *** مصدگه روحهـا زوجتـي لج كلج خلك ***
- كافي شنو هل حجي لعبت نفسي
عمار - شنووو شنوووو! منوووو لعب نفسج لج؟؟؟؟؟
- انته لعبت نفسي انتضرك طول اليوم تجي حتى أشوفك وتالي تجي تحجيلي على مرتك شمتوقـع مني اواسيـك؟
ما حسيت غير على الراشدي على اثره وگعت على الحربايه اباوعله عيوني مدمعه
عمار - اسولفلـج اليعجبنـي واسوي اليعجبنـي وانتِ تسمعيني غصبآ ما على راسج
- ايي خوش
وخرت اريد أكوم من على الجربايه بس ما خلانـي...
ويدأت ليلتنـا المشـوقـه...
- يتبع الفصل التالي اضغط على ( رواية ذيب الغربية) اسم الرواية