رواية ذيب الغربية الفصل الثالث و العشرون 23 - بقلم طيبة وليد
Part 23
بــــســم الله الرحٌٌــــمـٰــان الرٌحٌـــــيــــم
$ ذيـب الغربيه
" لا تنسون العليق بين الفقرات والتصويت + متابعه لحسابي لطفآ "
""""
" عن شعور لمار "
.: جاي اخذ نفس
بس مدري وين يروح
وصلت للنفس واخواني مايدرون
يمعودين مانسي وكلت ناسي
وبراسي سوالف مالهن رداد
على ياساعه افرغ مخزن براسي.
"""""""
" لمار "
الفراش غرگان دم جاي انزف عطت بصوت عالي وروحي تطلع من الوجع ركض عمار جابلي شال يلبس بيه شالني وطلع روحي تطلع وبطني تتگطع دموعي ما وكفت ولا شهـكاتـي صعدني بالسياره وما تحملت الألم أغمى عليه وما حسيت بشي بعد..
من الريحـه عرفت انـي بالمستشفى فتحـت عيوني ببطئ الـم خفيف بـ بطني وايدي مشكل بيهـا كانويلا نزلت عيوني اباوع بـ ارجاء الغرفه شفت عمار كاعد على الكرسي يدخـن وهـدى واكفه على صفحه هي وأم عمار ..
عگدت حواجـبي باستغراب من حالهـم وهـمست - شكو!! شبيـة؟
رفع عيونه عمار عليه خزرنـي بقـوة وثبت عيونه على عيوني وعيونه تحس يطلع منهـم نار هـمست بخوف - شـ شكو!!
هـدى - عجـل يولـي تا ما تدرين؟
- شنو ادري!!
هـدى - هـين يولـي حامـل بس نزلتـي الطفل
وسعت عيوني مصدومه حامـلل!!
لمار- مااتتت؟
ام عمار - خيرهـا بغيرهـا يايمـة
هـدى - عـش هـج متفاجاه عجل تاماتعرفـين بنفـسج حامل؟ عجل ما هـو انتِ الي اجهـضتـي يولـي!
- شنوو!!
عمار - خليهـا تسوي روحهـا بريئه عبالهـا راح يشفعهـا!! وقسم بـ رب العالمين يا لمار إذا ما ربيتج انـي تگتليـن ابنـي!!!!
- شـ دتحجـي شلون اقتلـه ليش ما كنـا سوااا ! وهـو بس ابنك ابنـيي همم مستحيل اقتل رووح!!!
عمار - حجـي يفيدچ اطلعي من المستشفى وشوفـي.
نزرف كلبي زرف والخوف دب بـكلبي من كلامه شلون اقتل روح! وهـاي الروح من داخلي! أصلا ما جنت اعرف بنفسي !! شلون هم هيج يفكرون! ما حسيت غير على دموعي النزلـو على خدي يتسابقون منو تنزل اسرع؟
عمار - لا تبچين بچي لا تبچين لـا تخليني اطيح حضج هـنااا
حطيت ايدي على حلكي اخفي صوت شهـكاتـي وكلبي يتگطع تگطع روحي تنمرد وتنسحـن رجع الألم بـ بطنـي من كثر ما بچيت
عمار -لمـار اخـر مره احذرج صوووتـچ!! راح انعل والديـج!!
هـمست بصوت مليان حقد عليه - هـم زين مات وأنته مو ابو! الله اله بيهـا أراده عبالك مقهـوره لان مات؟؟ وحق الله وعظمته وجلالتـه ما مقهـوره ولو ذره هم زين مات وما صار ابنك شنو ذنبه يعيش بينـا ..
- اذا امـه مـا عرفـت تخـتار الشخـص الصـح هـو شنـو ذنبـه؟
عيونه جحظـت عليه وما زاحهـا ولا حتى رمش! رتعد كلبي بخوف من منضره بس كملت كل كلامـي وفعلا هاي الحقيقه شنو ذنب طفل راح يجي بين عائله لا بيهـا حب! ولا بيهـا امان! ولا بيهـا راحه! شنو ذنبه يجـي ويشوف ابو يضرب أمه! ويمكن حتى اله هم يضربه؟
مسح وجهـه بعصبيـه وتحولت نضراته للمگر وعيونه لسا ما نشالت منـي برم شاربه بـ حركه تفگير وهـز راسه يتوعد! طلع وطبك الباب وراه هـدى هـزت ايدهـا وطلعت بقت يمـي ام عمار كاعده على القنفه الموجوده بـ الغرفه تباوعلي ساكته عيونهـا تحجي وعيوني تحجـي
ام عمار - كلامـج صح شنـو ذنب الأطفال على سوء اختيار امهـم انـا گدامـج مثـال!! اتزوجـت ابو عمار وعندي شريچات خلفت منه أطفال وكل طفل أتلوع تلوع ! جنت صغيره وما افهـم من تزوجته يگعدوني بـ كتله وينومنـي بـ كتله كل طفل احمل بية اموت ألف موته ما اعرف جنس الطفل إلا لمـن يجـي وانـا حامل انضف واطبخ واربي أطفال وأخدم حوراء وهـدى رغم هن ما متراهـمات بس يطبگن ضدي كبرو ولدي وشوفي حالـي ! منو واگفلي منهـم! زهـراء ضيعتهـا من ايدي وقريت عنهـا السلام انگتب قدرهـا نفس قدري بس مو هـيج !! انـي جنت افگر هـيج بس الحقيقه " الإنسان يفگر ويخطط والقدر يضحك" قدرهـا اختلف تماما عن قدري حامل وزرجهـا احسن إنسان مرتاحه راحه أتمنى تدوملهـت طول حياتهـا وعمار ؟ عمار ضيعته من ايدي ضيعته !!
هي تحجي واني ابچـي وأحمد ربي نزل هل طفل رجعت كملت
- لا تبچين ولا تحجين لاحد! استعانـي بـ ربج بس هـو اليگدر يساعدچ !
- تعبـت تعبـت حسو بيً ما احبه وما أريده وما أطيق وجوده انچبرت على هـذه الزوواج انجبرت ولحد هـسه على كلشي يچيرنـيي تعـبتت!!
- " ولا تيأسو من رحمـه الله " لا تيأسين بيوم من الأيام لـ كل باب قفل!
- ما فهـمت ؟
- المغزى ؛ لكل مشكله حل والحل الصحيح بـ كل المشاكل تلتجئين لـ رب العالمين تعرفين شلون انـي جبت كل أطفالي؟
بلعت ريك وحجيت - شلون!!
ابتسمت بقهـر تحجيلي - جبت عمار وانـي انضـف مكان الحلال بقيت اطلك وحدي وأموت من الوجع والباب الداخليه حوراء قافلتهـا عليه وصوتي هـرج البيت وادري بيهـن يسمعني وفرحانات على كل صيحه اصيحهـا لحد ما أجه ابو عمار وجابو مرأه جانت تچيب النسوان بـ البيت جيبتنـي عمار ،، وچبت زهـراء وانـي مقفول عليه المخزن وبقيت اصيح واعيط وعبالهـم اصيح لان محبوسه وبعدين اجوي وجبتهـا بـ المخزن
تنهـدت وكملت - چبت ازل بـ شهـر السابع بـ سبب الضرب والشغل والتنضيف گعدت اطلك بـ نص اليل جبتهـا وهـي مريضه شربت مي الرأس وتمرضت وصارت عيشتهـا معجزه والحمدالله رزقني ربي بـ هل معجزه واجت ازل لهـل دنيا بعد المرض والتعب الله قاسملهـا تعيش،
مسحـت دموعي ابجي وهـي مبتسمه كملت - لا تعيشيـن معناتـي يايمـة حتى لو ابني ما أوكف ويا اني مريه مثلي مثلج
- خاله ما يقبل يعوفني ما يقبل شسووي !!
- خليهـا على الله يايمـه وادعـي ربج يقدم الـي بي خير الج وادعي ليل ونهـار وصلي " الاقدار تتغـير بالدعاء "
مسحـت دموعي بـ كف ايدي وحجيت خجلانه - سالـي هـواي ما مصليه من تزوجت عمار لسه .
- ليش يا يمه ليش؟
- خاله والله ما شايفه دربي تعبت كل أطرافي توجعني من الضرب روحـي هلكانـه قـبل جـسمـي .
ابتسمت تطمنـي بـ نضراتهـا - الله العاضر الله اقرب لانسـان من حبل الوريد واحـن من قلـب الأم الكـل يعرف حنـان الأم شنو؟ وبنضرب بي المثل فما بالج بـ حنان رب العالمـين؟ ارجعي صلي والتجأي لـ رب العالمين يرويحتـي
مسحـت دموعي امسح ويرجعن ينزلن مثل المطر يتساقطـن وحجيت - اسئلج سؤال؟
- اسئلي يـ عيوني؟
- انتِ مو تزوجتنـي عمو ابو عمار عن حب؟
عگدت حواجبهـا تحجي - منو كالج؟
- نبأ
- اي يمه هـذه ما تعرفه الناس والمخـفي مخيف
-شلون يعني؟
- لا تدوخين نفسج بهـل سوالف صيري زينه حبيبتي
ابتسمت وحجيت مستحيه - خاله عادي اسئلج كم سؤال؟ بخصوص الدين؟
- طبعا يعويناتي كولي
- هـسه اني صالي فتره طويله تاركه الصلاه رب العالمين رح يغفرلـي؟
- طبعا يا عويناتـي رددي هـذه الدعاء " الهـم انتً الملـك لا الله إلا انتً، وانـا عبـدك لمـت نفسي ، واعترفـت بـ ذنبـي ، فاغفـر لي ذنوبـي ، انـه لا يغفر الذنوب إلا انتً ، واهـدنـي لاحسان الأخلاق ، لا يهـدي لاحسنهـا الا انتً، واصـرف عنـي سيئهـا ، لا يصـرف عنـي سيئهـا الا انتً ، لبيـك وسعديك ، والخـير كله بـ يديك ، والشـر ليس اليـك ، تباركـت وتعاليـت ، استغفرالله واتـوب إليك ، هـذه الدعاء يغفر الذنوب كلهـا ويعلن التوبه .
مسحت عيوني المدمعه وهـمست - شكد مشتاقه لريحـه الام؟
رفعت انضاري الهـا ابتسمت بـ حزن وكالت - انـي أصير أمج شنو مو بعينج؟ سالي ساعه اعلم بيج بنات تالي وكت؟
ضحكت امسح بعيوني واحجي - لا طبعا بعيني هـنيئا لبناتـج على هـيج ام
تنهـدت تحجي - بس هـن ما يكولن هـيج ولا عمار ما ملاحظين كميه خوفي وحرصي عليهـم ياهـو الاحاجـي وكالي طفل انـي چا كلب الأم يعرف طفل؟
هـزيت راسي انفي - متبطرين على النعمه ما يعرفون هـاي النعمه إلا فاقدينهـا ..
مسحـت على شعري وحجت - عندج الـم؟
- لا زين خف
- الحمدالله
سگتت شويه ورجعت احجي - خاله تارك الصلاه شنو عقابه؟
تنهـدت تباوعلي مبتسمه - احجيلـج بس تلتزمـين وما تعوفيهـا؟ ومن تصلين ما تصلين بـ خوف لا صلي بـ خشوع
- متفقين
حطت ايدهـا على خدهـا وبدأت تسولفلي - ( عند لقاء ربـه ) إذا انشقـت السمـاء ، يأتيه ملك بيده سلسله ذراعهـا سبعون ذراعـا فيطلقهـا فـي عنقـه ، ثم يدخلهـا في فمه ثم يخرجهـا فـي دبره ..
بلعت ريك وحجيت - وبعد؟
- اكو هـواي راح اذگرلج الي اعرفهـم انـي ، ( عند الموت ) انً يموت ليليـا ، انً يموت جائعا ، ان يموت عطشانـا ولو سقـي بحار الدنـيا ما روئ ،
ام عمار - ( في القبر ) يضيق الله عليه قبره ، يوقـد عليه النار في قبره ، يسلط الله عليه في قبره ثعبانـا ، ليـس له حظ في دعاء الصالحـين
ام عمار - ( في الدنيـا ) تنزع منه البركه في عمره ، تمحـى سمه الصالحـين من وجهـه ، كل عمل لا يؤجر عليه ، لا يرفع عليه الدعاء في السمـاء ، ليـس له حظ في دعاء الصالحـين ، تخرج روحـه بغـير ايمـان .
بلعت ريك وهي تحجي دموعي تنزل -يعني كل هـذه راح يصير بيه ؟؟
- لا يايمـه مثـل ما رب العالمـين " شـديـد العقـاب " بس " غـفـور رحـيم " من كتلج رب العالمين اقرب الج من حبل الوريد معناهـا رب العالمين هوالعاذر وهو يعرف شنو داخلج وشنو ضروفج وانتـي تركتـي بس هـل فتره اقضيهـن وخلص لا تشيلين هم يروحيتـي .
ارتاحيـت من كلامهـا ملامحهـا مريحه جانت دائما بس ما تحجي وياي ماعرفت ليش بس هـسه دخلت لـاعماق كلبي وكلش حبيتهـا كلش كلامهـا مثل البلسم على الجرح وبين الإبر والمغذيات نمـت وغفيـت كلبي مرتاح من كلام ام عمار وتحفيزهـا ألي ..
بين النايمه والكاعـده احس بـ وجع فضيع بـ بطني وراسي الـم مو طبيعي والحراره تطلع من راسي واون ورجـع حاوطنـي السواد ..
فزيت ورجعت غمضت على صوت ام عمار الحنين وهـي تمسد بأيدهـا بحنـيه على راسي وتردد .
" الهــم يامـن شافـيت ايـوب وگشفـت عن ضـر يعقـوب اشفـي
كل مريـض يتألـم ولا يتكـلم ولا يعـلم بحـاله إلا انتً
الهـم انـي اسئلك الشفـاء لكـل روح عجـزت عن النـوم
بسبـب المرض رب ارح ثم هـون ثـم اشفـي
كـل نـفس لا يعلـم بوجهـا الا انتً انـك على كل شيئ قدير " يالله
حسـيت بدموعي تنزل بهـدوء على خدودي الواجـات نار من الصخونه صوتهـا حنين تمنـيت عندي ام تدارينـي هـيج تمنيت عندي اب يحمينـي ! ولو كان عندي جان ما صار كل الديصيـر!
دنگت باست راسي وهـمست وهـي تمسد على ايدي - شلونـج يايمـه؟
- زينـه
- عندج ألم؟
- لا زين بس احس بحراره كلش قويه
- اي يايمـه اليل كله تونين كلبي مردتنـي مرد انسحـنت روحي سحن
- شكرا خاله
- على شنو يابعد عيوناتـي؟
- على كلشي لان بقيتي يمي اليل كله ولأن انقهـرتي عليه ولأن دعيتيلـي وقريتي على راسي حبيتـج حيل
- انجـبي مابينـا ، بنيتـي انتِ.
ضحكـت امسح دموعي - حبيتـج حيل حبيتـج الله يكتبهـا الج بميزان حسناتـج داريتـي يتيمـه .
- انجـبي حبيبه يتيمه شنهـو ليش اني وينـي؟
- الله يفرحج بجهـالج وما يراويج يوم مو زين
- الله يسمع منج ، واشوفـج بمكان مرتاحـه بي
ابتسمـت وهـي حجت
ام عمار - انتِ مو يتيمـه ، انـا أمج وابـو الايتـام ابوج
-شنـو؟
- تعرفـين منو ابو الأيتام ؟
- لا، منو؟
- الامـام علـي عليه السلام ..
سكـتت شويه مبتسمـه وحجـت بـَ فخـر - شـوصفـك ياعلـي وانتـه ابنـك الـعبـاس
ابتسمتهـا وحجيت - انـي اعرف الائمه ومن كنت طفله كلش ماما جانت تسولفلي دائما عن السيده زينـب (ع) وعن اخوهـا العباـس (ع) وخوتهـم بس جنت طفله كلش وما اتعمـق بالمواضيع ومن رحـنا للمـيتم جانت رسل عدنـا ما نستنـا اياهـم أبدا أبدا وضلينا ملتزمين بالصلاه هم بس ما متعمقـين بالديـن هـواي .
دنگت راسي خجلانه من نفسي ومنهـا هـل كبري وماعرف اي شي متعلق بالدين غير كم شغله من جانت امـي تحجيلي جنت طفله كلش بس بقت شغلات متعلقه براسي مثـل السيده زينب وعفتهـا وشرفهـا ، وسترهـا جانت دائما امي تكلي اقتدي بيهـا بس هل شغله بقت متعلقه براسي
بأثناء تفكيري رفعت راسي بأيدهـا وهـمست - على شنو خجلانه مابيهـا شي هـسه اسولفلج والأيام جايه واگابلـج واسولفلـج اعذرينـي يامـي هـمتلج هـواي بس جنت على حداد على العوبـه
هـمست بصدمه اضحك - منو العوبـه؟
هـزت ايدهـا تحجي بـَ ضوجه - زهـراء العوبه ، سويت موتت روحي وراهـا وتالي متالي عايشه بالعسل الخاتون بالجذب ما كالت امـي اتصل عليهـا
لمار - انتِ هم اعذريهـا ترى انطيتوهـا فصليه؟ وهـي شنو ذنبهـا بافعال اخوهـا
حجت ام عمار بقهـر
ام عمار - هـي البنات واكعه بـَ كلشي ماعدهـم ذره رحمه عليهـن ولا كانـا الرسول وصـه بينا لا اهـتو لـ نبي ولا لـ بني ادم .
دنگت راسي دموعي تنزل بـَ صمت ماكدر احجي مدري شبيه احس الغصه واكفـه بـَ بلعومي رفعت راسي اباوعلهـا وهـي تباوعلي عيونهـا تحجي شكد متأثره بحالتـي وما راضيه على ابنهـا هـمست بـَ غصه
لمار - خالـه
- هـا يابعد خالتـج
- شـوكت ارتاح؟
تنهـدت تباوعلي عيونهـا مدمعه
ام عمار - مددي خل اقره على راسج بلگـت تهـود نار كلبج
رجعت راسي على المخده وهـي كاعده بجهـه اليمين مدت ايدهـا على راسي تمسد وتمسح علي وتهـمس بصوت حنين
" لا الله الا الله العظيـم الحليـم ، لا الله إلا رب العـرش العظيـم ، لا الله إلا رب السمـاوات ، ورب الأرض ورب العرش الكريـم ، الهـم رحمتـك ارجـو ، فلا تگلنـي إلا تفـسي طرفه عين ، واصلـح لي شائنـي لا الله إلا الله إلا الله سبحانك ، انـي كنت من الضالمـين ، الله لا أشرك به شيئا ، الهـم هـمه لا تفتـر ، وعزيمـه لا تهـدأ ، وخيرا دائما ، ورفيقـا داعمـا، نعوذ بك من وعثـاء الافكـار وگابـه الأقدار ، وشتآت الأحلام ، امنحنـا ربنـا حسـن القصـد ، وسمـو النفـس ، وطمئانيـه الحياه . "
نمـت بين صوتهـا الهادى ولكـن دائما ما تدومـلي الراحـه..
ياريت بقيت نايمـه .. وياريت بقيت بالمستشفى وما صار الي صار ..
حـسيت بأيد خشنه تمسح على خدي وتنقـر خدي نقرات خفيفـه فتحـت عيوني ببطئ
وشفت عمار عيونه كدام عيوني خازرنـي . مبتسم نصف ابتسامه عيونه تقره الشر دب بـ كلبي الخوف ايده على خدي يمسد بخفه ، والأيد الثانيه على شعري مثل ما كانت ام عمار تمسد عليه ..
بلعت ريك بـَ خوف ودورت بـَ عيوني على ام عمار بس ما لكيتهـا!! بسرعه حجه وكانمـا قره افكاري
عمار - عبالـج راح تفزعلـج تره تبقـى امـي لا تنسـين؟
نزلت دموعـي على خدي يحرگنـي حرك وهـو يحرك كلبي بـَ كلامه كمل كلامه بضحكـه
عمار - عبالـج إذا ابنهـا طلب منهـا تروح من المستشفى علمود يستفرد بـَ اليحبهـا ما راح تروح؟ هههههههههه لمار؟ انتِ شكد غبيه شكد احاول انطيج دروس بس انتِ غبيه ياخي غبيه
حجيت روحي مفرفحـه - لا تجذذذذب لا تجذذذب ما تعوفنـيي هـي !!
الايد الجانت تمسد على شعري قبضهـا على شعري كل قوته اجيت اصرخ وحط ايده على حلگي مانعنـي حتى من التنفس تقرب من اذنـي يحجي بـَ فحيح
- امـي هـي امـي ألي مو امـج الج لا تتوقعـين من احد من اهـلي يساعدج يبقون اهـلي ويگفون وياي ! لان هم الاهـل هـيج يوگفون ويا الابن مهـما يكون بس حقج ما تفهـمين بالآخير انتِ منيلج اهـل؟
بچيت واحس روحي تطلع على البطيئ
لمار - هـي هـي كالتلـي ماعوفـج هـي..
عمار - امـي نسخـه منـي على فكره كل اهـلي نسخ منـي لعد شلون اجيت انـا هـيج لان أشبهه امـي؟
باوعتله بـَ حقد وهـمست - لا تكذب ما تشبهـك ، النـار تخلـف رماد
اول ما حجيتهـا هـد ايده القابض شعري بيهـا وابتسم يهـمس - طالعلـج لسان سهـله سهـله
حجاهـا ومسح دموعـي كومنـي يلبني الحجاب والعبايه شالنـي وطلع بـَ السياره طول هـذه الوقت انـي مثل العابـه بأيده صعدنـي بـَ السياره طول الوقت اني ما سگتت دموعي من البجـي وهـو ما حجه حرف طول بـَ الطريق
بعد ما مرت تقريب الساعه على نفس الوضع وكف السياره كدام بيت صغيره الوحيد بالمنطقه لا بيه بيوت ولا جيران ولا حتى جن!!
دب الرعـب بگلبـي ورجليه وأيديه ارتعشـن من الخوف دموعـي تسابق على خدي درت وجهـي اله مبتسم ابتسامه مخيفـه بارزه اسنانـه
حجـيت بصوت مهـزَوز
- ويـن جايبنـي ويـن!!
عمار - لـجحـيمـج..!
- يتبع الفصل التالي اضغط على ( رواية ذيب الغربية) اسم الرواية