رواية عشق بمذاق الجنون الفصل الثاني والعشرون 22 - بقلم هايدي محمد
♤الحلقه22♤بقلمى هايدى محمد
☆صلى على اشرف الخلق
☆عشق بمذاق الجنون
متابعه اكونتى الشخصى(haydy mohamed)
لتسمع صوت من خلفها بيغنى معاها ليلتف الكل للصوت ليتفجئوا بدخول ادهم وأحمد وادهم بيغنى مع تمارا وبيعدها من جديد ليعملوا دويتوا سوا وبعد انتهاء الاغنيه يصفق لهم الجميع
تاليا::حضرتك صوتك حلو اوووى
ادهم::انتى اختى ومرات اخويا ومافيش بنا حضرتك دى اسمى ادهم او لو تحبى تقولى ابيه
تاليا::لالا ابيه ايه انت صغير على الكلمه دى
ليلى:؛لا بس بجد صوتك حلو اوووى
ملك::ابيه ادهم لو سمحت غنى بس المره دى لوحدك بليز
ادهم::لالا معلش
تمارا::غنى صوتك حلو فعلا ممكن
ليهز ادهم راسه بالموافقه ويبداء يغنى
يا موج خدنى معك يابحر غرقنى لان محبوب القلب بهل ساعه فارقنى
يا موج خدنى معك يابحر غرقنى
لان محبوب القلب بهل ساعه فارقنى
يما نيران الهوا بالصدر تحرقنى ضل انا للقهر والحسره عليا
يما ومال الهوى يما بالنيه شريان قلبى انقطع من نظرتك ليا
يما ومال الهو ويما مال ليا شريان قلبى انقطع من نظرتك ليا
اول مابيحكى كلمه ياناس بدوبنى وانطر عيونه المسا لتضوى عليا
يما ومال الهوى يما يابنيه شريان قلبى انقطع من نظرتك ليا كل ماعنى بتنبعدى والشوق يبكينى انادى طير المسا وعجناحه يودينى وانزل مطر يابه بالدمع ترقينى واصحى من تالى حلم وريحتها بايديا
يما ومال الهوى يما يابنيه شريان قلبى انقطع من نظرتك ليا
تمارا::بجد الاغنيه بتجنن وصوتك فيها كمان حلو اووى ولهجتك إللى اتغيره من مصرى لخليجى حلوه اوى
ادهم::شكرا للمجامله الحلوه دى
ليلى::تمارا مش بتعرف تجامل وفعلا صوتك حلو اووى
اميره::بجد انت ازاى مافكرتش انك تغنى
ادهم::ههههههه لا ماليش فى الشغل ده
ادهم::بعد اذنكم هاطلع اغير وانزل على طول
وذهب
احمد::انا اعرفكوا بنفسى احمد صديق ادهم وخطيب اميره
ملك بصدمه خطيب مين
احمد::اه اصلى روحت بليل وخطبتها والنهارده هاننزل نجيب الدهب
ملك::بعد اذنكم هاجيب حاجه وقامت بسرعه
تاليا::وهى تنظر لليلى واميره قوموا نشوف مالها
وهما بيقوموا يدخل مازن ومهاب بصوتهم العالى
مازن::الجميل رايح فين
ليلى::ثوانى وجايه
ليذهيوا البنات خلف ملك
ويدخل مازن ومهاب واحمد يقعدوا مع تمارا
تمارا::انا بجد مبسوطه ليكوا واتمنى انكوا تفضلوا كده مبسوطين
احمد::عقبالك
تمارا::ربنا يسهل انا اخواتى هما حياتى خلوا بالكم منهم
مهاب::اكيد مش محتاجه توصيه
مازن::دول فى عيونا
تمارا::انا عايزه اتكلم معاكوا شويه ممكن
الكل اكيد انتى اخت لينا
تمارا::انا ممكن اصغر منكوا وممكن اكون قدكوا وممكن اكون اكبر بس فى كل الحالات دى انا لازم اتكلم معاكوا وانصحكوا لاهم حاجه بتبقى فى البنت البنت مننا لما بتحب بتثق فيك علشان شايفه فيك كل حاجه بتكملها ممكن تكون غلط وممكن تكون صح حتى لو غلط لو جات فى يوم وتعدت حدودها دى مش معناها انها قليله الأدب هى بتعمل كده خوف على زعلك خوف انها تخسرك هى اه خسره نفسها وكرامتها انها تتجاوز حدود دينها حتى لو بلمسه بكلمه بنظره
البنت::عايزه السند ليها عايزه تحس ان مرغوب فيها تحس انها مركز اهتمام الراجل الراجل لو ملى عيون حبيبته من كل حاجه حب وعطف وحنان واهتمام هاتموت فى عيونها اى راجل غيرك
الحب مش بالكلمه الحب بالفعل الاهتمام انك تسالها وتسمعها عن كل إللى جواها العطف لما تكون محتجاك تبقى موجود جنبها تاخدها فى حضنك تحسسها بوجودك
الحب حاجه حلوه اووى بس للي يفهمها
انا اخواتى فى منهم إللى كانت بترفض عرسان كتير وفى منهم إللى كانت رافضه المبداء خايفه تقرب من حد وتكون اسره عيله صغيره وتموت او او الاب يموت واولادها يعيشوا تعبانين طول عمرهم عارفين دى مين
الكل بانتباه مين
تمارا::اميره اميره خايفه تعيش اولادها نفس إللى عاشته اميره مش اختنا اميره بنت خالنا وعمتنا الاتنين كانوا فى رحله فى مركب فى وسط البحر وللاسف الاتنين ماتوا وسابوها لوحدها معانا اميره اتظلمت واتحرمت من الحب والامان وحنان الام قولى يااحمد هاتقدر توفر لاميره ده
احمد::اكيد انا بحبها بجد
تمارا::اتمنى كده مش كلام اتمنى انك فعلا تقدر تحافظ عليها وعلى مشاعرها
عارفين::ليلى كان بيجلها ناس كتير كانت بترفض مش رخامة لا ، هى بتكون بترفض عشان مستنيه حد معين مش شرط تكون تعرفه بس جواها مرتبط بيه ومش قادره تشوف غيره ممكن جدا متعرفش توصف هى عايزه ايه بس هى من جوه عارفه وحاسه وبتتكلم معاه و حافظاه واكيد اول ما تشوفه هتحس بيه ، هاتحس انه نصها التانى زاى ما حصل معاك يامازن ليلى ممكن يبان ان لسانها طويل ونصحه بس هى مش كده ليلى من جواها طفله بتفرح باقل حاجه وبتزعل من اقل حاجه ليلى بتعشق الروايات علشان بتلاقى نفسها فيها نفسها تحس بالحب الحقيقى زاى إللى بتشوفه فى الروايات مش بتاع الايام دى
مازن::ليلى بجد فى عيونى وقلبى
تماار::تاليا بقى دى حاجه تانيه خالص وحكايه وقصه غير الباقى تاليا بتحب تفهم كل حاجه بتغير اوووى اوووى على اللى يخصها مندفعه جدا عصبيه وبارده هههه عكس بعض بس حنينه اووى عمرها ماتتخلى عن اى حد قربت منه بس يوم مابتبيع عمرها مابترجع تانى ولا حتى تفكر ترجع تاليا انسانه طموحه واضحه مجنونه بس وقت الجد جدعه اوى بتقف بميت راجل
صدقونى والله والله
لسه فيه بنات نضيفة ع فكرة ، لسه بتخاف ربنا مهما حصل ، محافظة ع جمالها لنفسها و محافظة ع نفسها لنفسها ، لسه فيه بنات تتساب وسط تسع رجالة تبقي هي العاشر بتاعهم ، فيه بنات تتآمن ع فكرة ، بتتضايق لو حد عاكسها ، و لو حد طلب يكلمها بتصده مش معقدين ، دي ناس قلبها نضيف ع فكره 😉
دى بقى تبقى ليلى وتاليا واميره خلوا بالكم منهم دول اخواتى واصحابى وكل ماليا
ادهم::من خلفها وانتى ياتمارا
الكل باستغراب هى
تاليا::وهى تمسح دموعها انا مش عارفه اقول ايه ولا اعمل ايه بجد ربنا يباركلى فيكى
وليلى::انا بحبك او ى
اميره::انتى احسن حد فى الكون ده
الشباب::احنا هانقلبها دراما ولا ايه قوموا ناكل بقى
البنات::ياريت
وخرجوا كل واحد مع خطبته تمارا وهى خرجه
ادهم::انتى ليه كده وازاى كده انتى ازاى بتتكلمى عن الحب وانتى مكسوره ازاى بتتكلمى عن الفرحه وانتى حزينه انتى انسانه ضعيفه ضعيفه ومكسوره وحزينه وللاسف انتى عامله كده فى نفسك
تمارا::بعصبيه واندفاع وانت ايه قبل ماتحاسبنى حاسب نفسك قبل ماتقولى كده قول لنفسك انا تعبانه تعبانه من كل حاجه جوايا انا لوحدى وطول عمرى لوحدى ......وهى تضع يدها على وجهها وتجلس على الارض وهى تبكى
ليه ما فيش حد بيحس بيا ليه الكل واقف ضدى ليه الكل شايف انى اوفر وهايفه وانى واقفه مكانى لييييييه
ادهم::وهو يمسك كتفايها ويوقفها امامه ممكن تهدى تعالى نخرج نروح نقعد على البحر انا هاستاذن طنط اركبى العربيه على ماجيلك
لتهز راسها ويذهب ويستاذن سناء وتوافق بعد ضغط منه ومن ساره
ليخرج ويركب ويذهب الى البحر الى مكانها المفضل لينزلوا ويجلسوا
ادهم::ليه كل ده ليه الضعف ده
تمارا::انا اتوجعت كتير اووى انا اتخنت انا اتهنت انا اترميت فى بلد غريبه بعيد عن اقرب الناس ليا فى اكتر وقت كنت محتاجه ايد تمسكنى تقولى اقوى انتى غلطتى بس لازم تقفى انا تعبت واتشليت وملاقيتش حد معايا غير الداده عارف يعنى ايه تقعد 6 شهور على كرسى متحرك مش قادر تدخل الحمام مش قادر تغير لنفسك ولا تعمل اى حاجه لنفسك وده اكتر وقت بتبقى محتاج تحس بقوه ومتلاقيش حد يديك الدافع ده عارف يعنى ايه اقعد 4 سنين من غير ماسمع صوت امى ولا اخواتى ولا اشوفهم عارف يعنى ايه ترجع تلاقى اخواتك بيتعاملوا احسن منك باباك مصاحبهم والوقت إللى كنت محتاجه مش لاقيه مامتك تحس بالغريبه عن بنتها اخواتك إللى من دمك مش حاسين بيك والغريبه هى إللى حاسه بيا الكل بيقول انى اوفر انا مش اوفر انا اتظلمت وتعبت كتير اووى اتحرمت من كل حاجه بسبب غلطه فى وقت كنت فى عيله مراهقه مش عارفه الصح من الغلط كنت لوحدى الاب فى شغله وحياته والام البيت وشغله وانا لوحدى خالص دوره بره على الاهتمام كان غصب عنى والله كان غصب عنى ليه الكل مش ببحس غير بنفسه بس فين الرحمه فين
ادهم::ممكن تهدى ممكن انتى اقوى من كده مش لازم تضعفى
تمارا::انا اسفه ممكن تروحنى
ادهم::مخلصناش كلام
تمارا::وقت تانى كله فى اوانه بس بليز كلامنا ماحدش يعرفه
ادهم::اكيد يلا اجبلك شيكولا ايه رايك
تمارا::بابتسامه بين دموعها اكيد موافقه
ادهم::طيب ثوانى وراجع
ليذهب ادهم وبعد فتره قصيره يرجع ومعاه شنطه كبيره
ادهم::اتفضلى ياست الكل
تمارا::ايه ده كله
ادهم::وهو يفتح باب العربيه اركبى وبعد كده شوفى ايه ده
لتركب تمارا وتفتح الشنطه
تمارا::بجد شكرا كل ده ليا
ادهم::اكيد ليكى مش كفايه ب
دموعك الى نزلت دى اتمنى ماشوفهاش تانى
تمارا::انت بتعمل معايا كده ليه
ادهم::
لتخلص حلقتنا رايكوا يهمنى
•تابع الفصل التالي "رواية عشق بمذاق الجنون" اضغط على اسم الرواية