رواية عشق بمذاق الجنون الفصل الحادي والعشرون 21 - بقلم هايدي محمد
♤الحلقه21♤بقلمى هايدى محمد
☆صلى على اشرف الخلق
☆عشق بمذاق الجنون
متابعه اكونتى الشخصى(haydy mohamed)
ليلى::بجد شكرا ياتمارا على كلامك ده
تمارا::شوفى ياليلى البنت مننا بتبقى فاكره ان لما تتجوز او تتخطب يبقى كده هو ده دنيتها واول خلاف ويسيبوا بعض البنت بتموت حرفيا من بعده وده إللى انا فيه بس الصح خلي عندك كل خط أحمر فى كل حياتك علشان لاقدر الله لو حصل حاجه تقدرى تكملى مشوارك
تاليا::بس ازاى اقدر اعمل كده دى حاجه بتبقى غصب عننا
تمارا::لما تشغلى عقلك وقلبك وقتها هاتقدرى تعملى خطوط لكل حاجه وعلشان كمان وقتها عمرك ماهتخسرى حاجه منهم
تاليا::ازاى
تمارا::هاقولك ازاى دلوقتى انا وقفت قلبى وشغاله بعقلى بمعنى اصح كل حاجه بحكم عقلى اكيد هاخسر
تاليا::تخسرى؟
تمارا::ايوه هاخسر لانى وقتها مش هاقدر احس باللى حواليا لان مش هيبقى فى رحمه فى العقل بيفكر فى نفسه ومصلحته وبس فاهمه
ولو القلب كده بيشتغل بمشاعره بس وعمره مايقدر يفرق او يديكى فرصه تشوفى الصح من الغلط
ليلى::يعنى كل واحد لوحده غلط
تمارا::فعلا لان القلب غصب عنه مش هايقدر يتحكم فيكى فى الصح هو ماشى بمشاعره بس وعقلك بمصلحته بس لاكن لو الاتنين وقتها هاتقدرى تميزى بين الصح والغلط قلبك هايقولك هو صح عقلك هايقولك لا غلط وتحكمى الاتنين ووقتها هاتعرفى الحقيقه
تاليا::فعلا
تمارا::ممكن اكون مش عارفه اوضح اكتر بس حاولوا تفهموا إللى عايزه اوصلهلكم
ليلى::انتى احلى اخت فى الدنيا
تاليا::ربنا مايحرمنا منك يارب
تمارا::وهى تحضنهم الاتنين خلوا بالكم من نفسكوا مش عايزه اشوف حد فيكم زعلان او حزين عايزه الفرحه تملى وشكوا وقلبكم وبايدكم تقدروا تعملوا كده
ليقطع كلمهم دخول سناء
سناء::يابنات حضروا نفسكوا بكره معزومين عند عمكوا محمد
تمارا::بس
سناء::مافيش بس الكل هايروح يلا بقى اروح ارتاح انا
تمارا::اتقلوا شويه علشان يعرفوا قيمتكوا يلا تصبحوا على احلى فرحه
ليلى::تصبحى على راحه البال
تاليا::تصبحى على عدم الالم والوجع
لتبتسم لهم تمارا وتخرج
تاليا::تمارا جواها كبر اووى تحسيها بقت ست كبيره
ليلى::الحزن يعمل اكتر من كده بس عارفه بحسها مافوره فى حزنها
اميره وهى تفتح الباب الله الله جايبين فى سيره مين عايزه انم معاكوا
ليضحك الجميع
ليلى::ابدا بنتكلم عن تمارا انها مافوره فى حزنها يعنى 5 سنين ولسه زاى ماهى
اميره::عارفه ياليلى تمارا اتعلمت درس فى سن صغير اوووى وشافت إللى صعب حد يشوفه هى مش حزينه على الشخص تمارا حزينه على نفسها على قلبها وعلى ثقتها تمارا مابقتش تقدر تثق فى حد تمارا كانت بيور ماكنتش تعرف يعنى ايه ملوعه ولف ودوران ويعنى ايه خيانه ويعنى ايه وجع تمارا كانت عايشه فى دنيا تانيه ومره واحده بقت فى حته تانيه خالص زاى واحد كان منعزل عن الناس كلها ومره واحده اخدتيه رمتيه فى وسط ناس شعبيه اووى اكيد فى الاول هاينبهر بس مع اول خبطه هاتقضى عليه لانه ماعرفش يتصرف
تاليا::بس مش الخيانه الى تخلى واحده تنهى حياتها كده وتقف عند نقطه معينه ومش عايزه تتحرك
اميره::كل واحده تختلف عن التانيه ف انسان قوى يقدر يعيش ويتعايش فى انسان يبان انه قوى بس هو زاى القشه ضعيف جدا تمارا تبان انها قويه بس من جواها ضعيفه
ليلى::هى صعبانه عليا اووى وفى حاجات نقصه قدمنا فى حياتها
اميره::شوفى ياليلى احسن حاجه اننا مانعرفش كل حاجه لان لو عرفنا كل حاجه هانتعب اووى كمان
تاليا::انتى تعرفى كل حاجه عن تمارا ليه مش عايزه تعرفينا اكيد هى اختنا ووجعها وجعنا
اميره::تاليا هسالك سؤال لو انتى قولتى حاجه قدامى وانا عرفتها وروحت نقلتها من غير علمك هاتزعلى ولا لا
تاليا::هزعل بس احنا مش حد
اميره::هى لو عايزه تحكى اكيد هاتحكى وبعدين المهم ياعرايس ها هتجيبوا الفساتين امتى عايزين نفرح
ليلى::عقبالك يااميره يارب
اميره::يااااااااارب ياختى ياااارب
تاليا::انتى سوسه ياميرا
اميره::بابتسامه انا هاقوم انام سلام
♤♤♤♤♤♤♤♤♤
✍عشق بمذاق الجنون بقلمى هايدى محمد 🖎
♤♤♤♤♤♤♤♤♤
احمد::ياادهم حاول تهدى العصبيه مش كل حاجه البنت خلاص بقت فى ايدنا ليه كل ده
ادهم::يااحمد حاول تفهم الموضوع ده كان يوم وفاه امى يبقى اكيد هما ليهم ايد فى كده
احمد::هانعرف كل حاجه فى وقتها طيب السى دى وصلت ازاى ليك
ادهم::شوف الفيلا كان فيها كاميرات مراقبه وفى كاميره منهم صورت الحدثه بس كان من ظهره مش باين مين ده ووقتها عرفنا ان الكاميرا التانيه وقفت بفعل فاعل
احمد::طيب معنى كده ان إللى وقفها اكيد اخد السى دى ده
ادهم::المفروض بس السى ده كان موجود فى هدوم دعاء الخاصه وانا وقتها شلتهم منها واخدتهم فى حجاتى الخاصه
احمد::ازاى اخدتهم مش فاهم
ادهم::هى كانت فى الحمام وانت عارف انى بحبها قد ايه ووقتها هى كانت غضبانه غضب عادى فاشلتهم من وراها وشلتهم فى صندوقى ونسيتهم ومن وقتها ماشوفتهمش غير وانا بطلع الهدوم ولاقيته وقع منهم فى الصندوق
احمد::هانفهم منها كل حاجه بس نسبها يومين بس
ادهم::صح مازن ومهاب هايتجوزوا بعد اسبوعين
احمد::عقباااالى فى واحده مجننه اهلى بس ايه حاجه كده موزه مزمزه
ادهم::ياخى احترم نفسك بقى
احمد::بس هايتجوزوا مين
ادهم::تعرف عزت المنسى
احمد::ووشه اتغير ايوه
ادهم::بناته
احمد::بجد مين فيهم
ادهم::باستغراب انت تعرفهم
احمد::باحراج احم اه اعرف انسه اميره
ادهم::لا دول الاتنين التانين
احمد::ليه هما كام واحده
ادهم::4 بنات تمارا وليلى وتاليا واميره
احمد::طيب شوف بقى انا واقع فى عرضك وطولك وقتيلك النهارده
ادهم::فى ايه ياعم المتخلف
احمد::انا عايز اتجوز اميره هاموت عليها
ادهم::اتقل يا ض انت
احمد::هاموت عليها ياادهم ونبى ياادهم شالله خلاك ياخويا انا وحدانى وامى وابويا ماتوا وعريس لقطه تعالى نروح نجيب انكل ابوك ونروح
ادهم::بلاش جنان يااحمد بكره
احمد::عليا الطلبات ماستنا يلا ياادهم انا بقف معاك ماتبقاش واطى يامان
ادهم::الرحمه يارب مش كفايه الاتنين إللى عندى
احمد::يلا بقى ولا علشان انا ماليش حد بتعمل معايا كده واصطنع الحزن
ادهم::امرى لله بس الساعه 11 يااحمد
احمد::وايه يعنى يلا بقى اتصل عليهم وانا هكلم ابوك
ادهم::حاضر .....وبالفعل اتصل وطلب انه يروح لامر طارق ....وذهبوا اخدوا محمد وراحوا على فيلا المنسى وبعد الترحاب والسلام
احمد::شوف بقى ياانكل عزت انا عايز اتجوز بنتك اميره وهاتجوزها مع مازن ومهاب اشمعنا انا
عزت:"ههههههه يابنى خد نفسك طيب
محمد::باحراج احنا اسفين اننا جاين فى وقت متأخر كده بس احمد اصر وانا بعتبره زايه زاى باقى اولادى احمد والده ووالدته اتوفوا ف حادثه الله يرحمهم وكان عايش مع جده وتوفى من سنه وعايش حاليا لوحده واحنا بنعتبره مننا وهو كمان بيعتبرنا اهله
احمد::انا واخد فيلا جانب انكل محمد وبشطب فيها وقدمها كام يوم وتخلص ولو حضرتك وافقت هاخدكم تشوفوها لو فى اى تعديلات اغيرها انا الحمد لله زاى ماحضرتك عارف انى ظابط وعندى مشروع صغير وارثه من والدى وفى شقه برضوا وارثه من اهلى وطبعا بعد الجواز هاجرها
عزت::يابنى انت تشرف اى حد ويكفى انك صديق ادهم بس الرأى راى العروسه
احمد::طيب شوفها وتعالى
ليضحك محمد وعزت
محمد::نفس التخلف الى عندى
عزت::انت متاكد ان هو مش ابنك يامحمد
محمد::الحمد لله على البلاء
عزت::طيب ثوانى .....ومشى
ادهم::ايه يابنى واقع
احمد::انا لسه هستنا انا خللت ياعم
محمد::يابنى انت مجنون الله يكون فى عون البنت
لينزل عزت::مبروك يابنى بس بكره باذن الله نقرا الفاتحه
محمد::شوف يا حمد بكره عزت وعائلته معزومين بكره عندنا يبقى نقرا الفتحه بالمره وتنزل تجيب شبكتها
احمد::خلاص تمام إللى تشوفوا من النجمه هاكون عندكوا لالا نجمه ايه انا هبات معاكوا
محمد::هههههههه اهو المشرحه نقصه قتله وماله ياحمد نستاذن احنا بقى ياعزت
ليذهبوا الى فيلا الجارحى
احمد::انا هامشى والصبح هاكون هنا
ادهم::الجو اتاخر ما ينفعش تعالى بات معايا والصبح ننزل نجيب طقم بتاع الشبكه ليك
احمد::تصدق انت صح طيب يلا
ادهم::طيب قول لا اى حاجه
احمد::انا لما صدقت اصلا
ليدخلوا ويذهب كل واحد منهم فى ثبات عميق
وبعد الظلام يحل النور وبعد السكوت تاتى الاصوات اشاعه الشمس تظهر بريقها على جميع انحاء المكان تملئهوا دفئ ونور ومحبه محبه بلونها محبه بشكلها المبهج وصوت العصافير وهى تعلن عن صوتها العذب عن تسبحها للمولى عز وجل
تستيقظ ساره وتقوم بتجهيز اليوم من ترتيب المكان واكل وشرب
وفى غرفه ادهم يعلن صوت هاتفه عن رنينه ليستيقظ وينظر البه ويجيب بصوت نائم
اللواء سراج::ادهم احضر حالا لو تعرف مكان احمد هاتوا معاك
ادهم::تمام يافندم نص ساعه ونكن عند حضرتك
اللواء::فى انتظاركم سلام
ادهم::يااحمد انت يازفت انت ياحيوان قوم بقى
ليذهب وياتى بكوب من الماء ليرميه عليه
احمد::يالهوووى فى ايه
ادهم::يالهوى ههههههه يابنى انت متاكد انك ظابط اصلا
احمد::ايه المايه دى والسوسته بتاعت بنطلونك مفتوحه ليه
ادهم::ههههه ابدا كنت بحلم انى بعمل ببى وجات فيك هههههههههه
احمد::ليلتك مش معديه ايه ياعم الهزار ده
ادهم::ههههههه قوم هههههه اللواء سراج منتظرنا
احمد::استنى استحما من الغم ده اقسم بالله لو ماكنت فى بيتك كنت زعلتك راجل نتن 😏
ادهم::اتلم ياحيوان لاكمل والله
احمد::وهو خلاص هايرجع قام بسرعه
وبعد فتره وصلوا للواء سراج
اللواء::ازايكوا ياشباب
الاتنين::بخير حضرتك
اللواء::دلوقتى عايز اعرفكوا ان خلال ايام المهمه بتاعتنا هاتبداء
احمد::نهار اسوح انا جوازى بعد اسبوعين حضرتك
اللواء::حضرتك يااستاذ احمد ده شغل مش لعب لو مش حابب تكمل فى المهمه مع ادهم نشوف غيرك
احمد::خلاص يافندم
اللواء::وانت ياادهم
ادهم::حضرتك انا جاهز فى اى وقت
اللواء::تمام ده ملف فى كل حاجه عن القضيه وتقدروا دلوقتى تتفضلوا
ليخرجوا الاتنين
احمد::ه اعمل ايه
ادهم::ندرس القضيه وباذن الله يوم فرحك تحضره
احمد::نعم احضره امال عايزنى اتجوز وماحضرش كمان
ادهم::طيب بس يلا نجهز الحاجه بتاعتك
سناء::يلا يابنات الساعه بقت 10
تمارا::ياامى طيب احنا نروح الساعه 10 عند الناس ليه
سناء::يابنتى ساره إللى طلبت كده يلا بقى
تمارا::اوف حاضر
وبعد ساعه من تجهيزهم يذهبوا لفيلا الجارحى
ساره::ايه التاخير ده ياسناء
سناء::معلش انتى عارفه البنات ودلعهم
ساره::ولا يهمك خلينا نقضى اليوم من اوله
ساره: :يابنات خدوا راحتكم الجنينه من هنا
تمارا::طيب انا هدخل اتفرج عليها
باقى البنات واحنا كمان
ملك::السلام عليكم
الجميع عليكم السلام
ساره::دى بقى ملك بنتى
ملك::اهلا بيكوا
ساره::ملك خدى البنات فى الجنينه واتعرفوا يلا
دخل الكل الجنينه وبداوا يتعرفوا على بعض
اميره::باااااااس تمارا
الكل بانتباه::فى ايه
تمارا::ايه يامجنونه
اميره::عايزه اسمع منك اغنيه علشان خاطرى
تمارا::بس
البنات كلها وهما بيخبطوا على التربيزه عايزين تمارا تمارا تمارا
تمارا::خلاص خلاص
بدات تمارا فى الغناء
وانا اللى ببيع ياسمين يا ترى مين هيضم الورد
وانا اللى ببيع ياسمين يا ترى مين هيضم الورد
الصبر طيب يا عيونى على اللى راحوا وفاتوني
الصبر طيب يا عيونى على اللى راحوا وفاتوني
هيجي يوم يفتكروني
يا قاعدين ع القهاوي تشربوا شاي ولا كاكوي
يا قاعدين ع القهاوي تشربوا شاي ولا كاكوي
على فراقكم أنا ناوي
تعالى جنبي وفرحني ياللي كلامك ريحني
تعالى جنبي وفرحني ياللي كلامك ريحني
عشان بحبك تجرحني
ده انا اللى ببيع ياسمين يا ترى مين هيضم الورد
ده انا اللى ببيع ياسمين يا ترى مين هيضم الورد
يا بت عيب اتعصبي ضحكت ورخت اعصابي
يا بت عيب اتعصبي ضحكت ورخت اعصابي
عمر العجوز ما يعود صبي
انا اللى ببيع ياسمين يا ترى مين هيضم الورد
وانا اللى ببيع ياسمين يا ترى مين هيضم الورد
لتسمع صوت من خلفها بيغنى معاها ليلتف الكل للصوت ليتفجئوا ....
وتخلص حلقتنا رايكوا يهمنى
•تابع الفصل التالي "رواية عشق بمذاق الجنون" اضغط على اسم الرواية