رواية بين يدي الغامض الفصل العشرون 20 - بقلم رقية

قطع انسماجها رقم مجهول

= الحقينا يا إسراء

استغربت مين اللي بيتصل _مين معايا

اتكلمت أختها بعياط متقطع_ أنا نسمه الحقينا يا إسراء إحنا مرميين في الشارع

وقفت مصدومه من كلام أختها = انتوا فين يا نسمه ومين عمل فيكم كده

_ بابا

ضربت بإيديها على جبهتها = طب إنتوا فين ابعت حد يجيبكم

وصفتلها اختها مكانهم وقفلت

دخلت إسراء لجواد _ جواد الحقني

= مالك يا حبيبي وشك أصفر ليه كده

_ ماما يا جواد

=مالها فهميني

قالت وهيا بتعيط_ نسمه أختي رنت عليا قالتلي إنها في الشارع هيا وماما ولوحدهم ممكن تبعت حد يجيبهم

مسك وشها علشان تهدي= ممكن تهدي طيب حاضر هبعت لمازن يجيبهم هيا قالتلك العنوان فين

_ ايوه أهو

دقايق ورد = مازن بعتلك لوكيشن هتروحه دلوقتي هتلاقي والده إسراء واختها مستنيينك هاتهم وتعالى على شقه اسكندريه

قعدت تستناهم

————————

= انت هتخسره في أعز ما يملك ولا انت ناوي على اي يا عادل باشا

قهقه بسخريه_ أنا ناوي على كبير بس افوقله بس

= انت مش قد الضرغام

قال باستهزاء_ لا يامي خوفت انشف يالا مالك فيه اي انت لسه بتخاف من حته العيل ده

= قلبته وحشه يا كبير

_ على نفسه، اعمل زي ماتفقنا مستني رده بليل

___________________________

وصلت والدتها واختها اخدتهم إسراء بالأحضان سابهم جواد لوحدهم على انفراد

= هاتي يا ماما الشنطه دي عنك

اخدتها ودخلت لاوضتهم لاقيته واقف قدام المرايه بيسرح شعره حضنته من ورا ضهره بصلها في المرايه

ابتسم _ مبسوطه

هزت راسها = أوي ربنا يخليك ليا يا حبيبي ويباركلي فيك وفي عمرك

ابتسم على كلامها الحلو _ كلمه حبيبي طالعه منك زي السكر

ضحكت بصوت عالي = بجد ياعني مبطلش مقولهاش

اتعصب على صوت ضحكاتها العاليه _ ضحكتك دي ماتطلعش غير ليا أنا بس هااا اتلمي

كتمت ضحكتها= حاضر

عاد للي كان عليه بابتسامته = واه ماتبطليش تقوليها بس ممكن نجدد علشان منزهقش ياعني مره عيوني ومره قلبي ومره حياتي كده التغيير مطلوب برضه

بصت لعينه بكسوف _ طيب

حاولت تغير مجرى الحديث حضنته وقالت = ماما معجبه بيك أوي بتقول إنك جنتل مان بتقولي ربنا عوضك بالبطل الحقيقي

رفع حاجبه _ وانتي اي رأيك في كلام ماما

اتنهدت = ماما مبتغلطش

ابتسم وهو مبسوط إنه قدر يفرحها _ ربنا يباركلي فيكي واعيس وافرحك هو أنا ليا مين غيرك

= ربنا يباركلي فيك يا جوزي العزيز

قطع كلامهم صوت غاده وهيا بتنادي عليها

________________________

= هالو مامي اي اخبارك واخبار عمو اي

_ بخير حياتي انتي اخبارك اي انتي وجواد لسه برضه محنش ليكي

قالت بحزن = لسه مامي خلاص جواد اتجوز

قالت والدتها بخبث_ واي المشكله حياتي العبي عليه وحاولي تغريه الرجاله بتحب الحاجات دي

= للأسف مامي جواد مش من النوع ده مش اي واحده بتدخل دماغه وعمره ما لمس اي بنت في حياته

_ ههه بيضحك عليكي مايا حبيبتي مافيش حاجه اسمها عمره مالمس بنت في حياته دي غريزتهم كلهم

= I don’t No mamy

_ حياتي صدقيني اللي زي جواد الغمري ده مايتسابش الحقي كوشي على فلوسه قبل مراته ماتكوش على كله

قفلت مع امها قعدت فكرت ف اللي قالته

________________________

خرجت لأمها واختها قعدت معاهم خرج جواد بعد مده

= منوره يا حماتي، قال هكذا ثم نظر لإسراء وغمز بعينيه

بصتلله والدتها_ بنورك يا حبيبي والله

= إسراء تعالي عايزك

قامت إسراء وراه وصلت قدام باب الشقه

_ امسكي الفلوس دي لو احتاجتوا حاجه ولو خلصت انتي كده كده عارفه بقيت الفلوس فين، هبعت محمود باكل ليكم وأنا هنزل علشان اسيبكم على راحتكم

اخدت الفلوس منه وبصتله بصه شكر وامتنان فهم نظراتها باس جبهتها وسابها وخرج

= خلي بالك من نفسك لا إله إلا الله

بصلها _ محمد رسول الله

ابتسمت : ماغلطتش لما قولت إنك الجنتل مان بتاعي

دخلت لامها قعدت جمبها = معلش بقي يابنتي خضيناكم وجوزك مشي على ملا وشه

بصت بحزن _ اي يا ماما الكلام اللي انتي بتقوليه ده البيت بيتكم وجواد مش متدايق والله ده مبسوط إنكم هتقعدوا معايا، المهم لو عايزه تاخدي دش دافي في مايه سخنه جوا استحمي وغيري وتعالي نامي شويه على السرير

_____________________

= جواد باشا الحق فيه مصيبه

_ اي يا خالد!!

= صفقه الأسلحة اللي سلمنها من شويه طلعت مضروبه

قال بغضب وبنبره هجوميه – ياعني اي مضروبه ومن امتا واسلحتنا مضروبه

= معرفش يا باشا

_ اقفل اقفل أنا جاي المخزن

ضرب بايديه علي الدريكسيون وقال بحقد : ماشي يابن ستين كلب أنا هوريك الضرغام هيردهالك ازاي

_____________________

= طمني عملت اي

_ تم يا باشا اللي اتفقنا عليه

كان قاعد على كرسيه حاطط رجل علي رجل وشه مسلطه على شباك الأوضه دار بوشه

= تعجبني يا مون، امسك ال٥٠ ألف اهم مش خساره فيك

امسك بيديه وقبلها بقله عزه نفس

_ حبيبي يا عادل باشا كله من خيرك

= طب يا مون اتكل انت على الله

______________________

وصل لمخزن الأسلحه لقي الأسلحه نصها مضروب ومُهلكه

فهم مين السبب ورا كل الخراب ده = نهار ابوك اسود يا عادل الديب مبقاش راجل بشنبات ان ما حرقت قلب الديب عليك يا حيلتها

طلع من المخزن ووشه عليه علامات غضب راح ياخد حقه ويندمه على عملته دي ….