رواية تكسرات الروح كاملة بقلم نادية شعيب عبر مدونة دليل الروايات
رواية تكسرات الروح الفصل الاول 1
إذا اجبرتك الحياة ان تسير في دروب الحزن والمعاناه فاختار الرفيق
فهناك رفيق تهون معه الدروب ويملأها لاجلك بالورود والازهار والفراشات ويزرع على جدران قلبك الرياحين وازهار الياسمين ويطارد معك أحلامك حتى يحققها لاجلك واحدآ تلو الآخر
وهناك رفيق يجعل طريقك الممهد بالورود والازهار وكأنك تسير علي حد سيف بتار يدميك فى كل خطوة وتركض وراءك اسود الندم من كل اتجاه وكأنها تركض وراء غزالة لا صاحب لها ولا مأوى
فاذا اجبرتك الحياة على طريق فاختار الرفيق الذي يقف حارس على باب أحلامك وينثر اللآلىء على دربك المستحيل
-------------------
صباح يوم بلندن يستيقظ تميم القاضي
(تميم هو مهندس متخرج من احدى جامعات انجلترا 29 سنه سريع البديهه عقلاني يحلل كل شيء قبل اتخاذ كل خطوه مراوغ في الحديث ذكي حاد الطباع طويل القامة عريض الكتفين قوي البنيه كانه بني من صخر عيون بني وشعر بني طويل وذقن كثيفه وشارب كثيف يتميز باناقته الشديدة ولا يؤمن بالحب ) ياخذ شاور ويرتدى ثيابه الكلاسيكية ذات الماركة العالمية وساعته الباهظة الثمن
تدخل دادة مديحة
(دادة مديحة مربية تميم منذ ولادته جاءت معه من مصرلتهتم به طوال فترة دراسته )
تنظر فى ارجاء الغرفة ثم تصيح فيه بغضب هو كل يوم ياتميم الارف ده هيجرى ايه اما تتجوز بدل اللى انت بتعمله ده وتخلف عيلين تلاته
تميم:صباح الخير الاول يا ديحة
مديحة :صباح النور ياحبيبي انت عارف لو جدك عرف اللى انت بتعمله هيعمل فينا ايه ده مش بعيد يبعت حد يقتلنا ويدفنا هنا يرضيك كده اندفن بعيد عن بلدى
تميم :بعد الشر عليكى يا ديحة
مديحة :متهربش من الكلام انت لازم تتجوز وتسيبك من بريل بتاعتك دى
يضحك تميم بكامل صوته بيرلا يا ديحة بيرلا احفظى الاسم بقا
مديحة :بريل ولاغيرها المهم انا شايفة انك تتجوز وتخلف انا نفسي اشوف ولادك
تميم :اتجوز ايه بس ياديحةويكمل بثقة انا عمرى ما شوفت بنت تستاهل انها تشيل اسمى انتى علشان مبتخرجيش من الفيلا متعرفيش البنات عاملة ايه مفيش بنت لها امان
مديحة :بنات الحلال كتير بس مش هنا هناك فى مصربس احنا نرجع وانت هتلاقي كتير
تميم :أوعدك يا ديحة لو لقيت البنت اللي بتحكي عنها دى هجيبها من ايديها لحد عندك ولو عجبتك هتجوزها تمام كده يا ديحة
مديحة :لو الست فريدة هانم سمعتك وانت بتقول كده كانت قتلتني تاخد رأيى انا فى العروسة
تميم طبعا يا ديحة ولو معجبتكيش عمرى ما هتجوزها ينظر تميم فى ساعته كده هتاخرينى واحنا بنتكلم عن بنت مش موجودة فى الدنيا كلها انا ماشى سلام ياديحة ويتجه إلى باب الغرفة تحت نظرات مديحة ودعواتها(ربنا يبعتلك بنت الحلال تستاهلك يا حبيبي )
يخرج تميم من الفيلا يفتح له الحارس باب السيارة يركب ويتجه إلى شركته وتسير خلفه سيارة الحراسة التى ارسلها له جده
فى مصر
منزل متوسط الحال فى أحد أحياء القاهرة
تستيقظ ليلى( طالبه في اخر سنه كلية هندسه جميله جدا شعر بني طويل الى اخر ظهرها ممشوقه القوام عيون بلون العسل المصفى وبشره بيضاء مثل بشره الاطفال تستيقظ مبكرا كالعاده تدخل المطبخ لتعد الطعام الفطار وتضعه على السفره وتنادي يا تيته يا تيته الفطار جاهز يلا يا عالم الكل يصحى
(الجده خديجه جدتها للام مريضه منذ وفاه ابنتها ام ليلى)
(نور اخت ليلى طالبه بالصف الثالث الثانوي بريئه متمرده لطيفه جميله تحب الجميع طموحه رغم قسوه الحياه معهم قصيره ذو شعر اسود متوسط الطول عيون واسعه سوداء تنم عن ذكاء شديد وبشره بيضاء ووجه مستدير وانف دقيق)
نور: هقوم يا ليلى بس سيبيني شويه انا كنت سهرانه بذاكر طول الليل
ليلى: ما انا كنت سهرانه معاكي وصحيت وحضرت الفطار قومي يا ستي الفطار هيبرد
نور: حاضر يا ليلى قمت اهو تجلس ليلى والجده ونور لتناول طعام الافطار وبعد عده دقائق
ليلى: الحمد لله انا شبعت همشي علشان عندي محاضره بدري ما تنسيش يا نور تدي الدول تيته سلام سلام
الجدة مع السلامة يا حبيبتي ربنا يوفقك يا ليلى واشوفك احسن مهندسة فى الدنيا
فى أحد المدن الجديدة بمصر قصرعظيم مبني على طراز قديم يشبه قصور العصر الملكي على مساحه شاسعه وكانه مدينه كامله قصر عائله القاضي
في غرفه بيسان القاضي تدخل عايده اخت مديحه الى غرفه بيسان
عايدة : تجلس على طرف السرير جانب بيسان وهي نائمه وتمسد على شعرها بحنان اصحي يا بوسي علشان جدك مستنيكي على الفطار
بيسان : سيبينى خمس دقائق بس انا نمت امبارح متاخر والله
عايدة : قوم يا بوسي جدك مستنيكي وكمان انت عندك محاضره بدري قومي يا كسوله انا حضرتلك الحمام وحضرتلك هدومك كمان تدخل فريده هانم ام تميم وبيسان
( فريدة هانم شخصيه مغروره متعجرفه لا تهتم الا بالمظاهر تمتلك شركه لاستيراد الاجهزه الطبيه جميله الوجه ترتدي افخر الملابس تهتم بجمالها واناقتها ولا يبدو عليها التقدم في السن)
فريدة : تصرخ بوجه عايدة بغضب شديد انت ازاي تقولي بيسان من غير هانم اوعى اسمعك تقولي كده تاني احسن صدقيني هتصرف معاكي تصرف مش هيعجبك
عايدة : حاضر حاضر يا ست هانم
فريدة : وانت يا بيسان ازاي تسمحي لها تقول لك كده ما يصحش ترفعى الالقاب مع الناس اللي شغالين عندنا انت سامعه ولا لا المره الجايه هتتعاقبي يا بيسان قبلها
بيسان : بصوت مخنوق بالدموع حرام عليك يا مامي دي هي اللي ربتني من وانا..
تقاطعها فريده بصراخ: هي اللي ربتك امال انا كنت بعمل ايه اوعي اسمعك تقول كده مره ثانيه الناس تقول علينا ايه لو عرفوا ان الخدامة هي اللي ربتك انا اللي غلطانه من الاول اني سبت العلاقه توصل بينكم لكده المهم دلوقتي البسي بسرعه وحاصلينى على الفطار تخرج فريده من الغرفه وتترك عايده وبيسان يبكيان باحضان بعض
بيسان : ببكاء ما تزعليش يا دادا انا اللي غلطانه حقك عليا لو كنت صحيت معاكي بسرعه ما كانش حصل كل ده ارجوكي سامحيني انا بحبك قوي والله يا دادا
عايدة : ما تعيطيش يا بوسي انا مش زعلانه ولا يهمك انا عندي حل حلو قدام الست فريده هقول لك يا هانم ومن وراها احنا حرين مع بعض هو احنا بنشوفها في القصر يعني دي يا اما في الجمعيه يا اما في حفله يا اما فى الشركةيلا يا بوسي علشان تجهزى جدك تحت مستنيكى
في غرفه الطعام غرفه بها سفره تمتد لتتسع لاكثر من 24 كرسي يجلس عليها الجد زين القاضي على راس الطاوله
( زين القاضي صاحب اكبر شركات ومن اغنى واهم رجال الاعمال في مصر يمتلك شركات مقاولات ومصانع السيراميك ومصانع للاجهزة الكهربائية رجل طيب حاد الذكاء حكيم متواضع محب الخير للجميع يتعامل مع البسطاء بمنتهى الطيبه ليس له احفاد سوى تميم وبيسان ولا يهتم لشيء الا لامرهم يضع الخطط لكل شيء ولا يوجد ما يحدث بالصدفه مراوغ فى الحديث يتفادى الاجابات المباشرة تحركاته محسوبة بعناية )
تدخل فريده هانم تجلس على الطاوله وتقول صباح الخير يا عمي
زينو: صباح الخير يا فريده صوتك عالي على الصبح وبتزعقي ليه
فريده : ما فيش يا عمى دي حاجه بسيطه كده
زين ما الحاجه البسيطه بتعملي منها كارثة يا فريده ارحمي بنتك بدل ما تطفش على لندن هي كمان احنا مش عارفين نرجع تميم من سنين
فريده : يعني انا السبب في سفره يا عمي يعني انا ام وحشه
زين خلاص يا فريده البنت نازله
بيسان صباح الخير يا جدو
زين صباح الخير يا بيسان افطري يا حبيبتي عشان تلحقي المحاضره يبدا الجد وفريد وهو بيسان في تناول طعام الفطار
بيسان : مامي ليلى صاحبتي هتيجي النهارده تذاكر معايا شويه
فريده : وانت ما تعرفيش تذاكري لوحدك
بيسان : لا يا ماما في حاجات انا انا مش بفهمها من الدكتور وليلى بتشرحها لي احسن من الدكتور
فريده : هي ليلى دي احسن منك في ايه علشان هي تطلع الاولى على الدفعه كل سنه وانت لا قولي لي وانا اجيب لك احسن دكاتره في مصر تشرح لك اللي انت مش فاهماه وسيبك من الليله دي وبعدين لو حد من صاحباتي شافها ولا حد من العيله وهي بتشرح لك يقولوا علينا ايه
بيسان : والله يا مامي هي بتشرح احسن من الدكاتره
فريده: هو انت بتديها فلوس علشان تشرح لك بنظره خبيثه
بيسان : لا والله يا مامي هي بتشرح لاي حد عاوز منها حاجه مش انا بس هي كده متعاونه مع كل الناس
فريده : تمام يا بيسان بس دي اخر مره المره الجايه قولي لي وانا اجيب لك احسن اساتذة في مصر وبلاش تقعدوا في اوضتك اقعدوا في الجنينه او اي حته تانيه احسن تمد ايدها على حاجه كده ولا كده
زين : يخبط بكل قوته على السفره ويقول بعصبيه كفايه يا فريده كفايه انت خلاص حكمتي على البنت انها حراميه ليلى بتدخل القصر من اربع سنين وعمر حاجه ما اتسرقت منه بس حضرتك ما كنتيش واخده بالك مين بيدخل يذاكر لبنتك وكمان بنتك هي ايه اللي محتاجاها يعني احنا اللي بنستفاد منها كثر خيرها ان هي سايبه اللي وراها وجايه تذاكر لبوسي بدون مقابل ولا علشان هي فقيره ومش بتلبس براندات عالميه مش عاجباك البنت
فريده خلاص يا عمي كفايه كل ده عشان اللي اسمها ليلى
زين : خليها تيجي يا بيسان وذاكروا في مكتبي بلاش تدخل اوضتك وينظر لفريده بطرف عينيه ويقول بتهكم احسن حد يلبسها مصيبه
فريده في نفسها هو انت ما بتنساش حاجه بعد العمر ده كله ولسه فاكر
بيسان : ليلى طيبه قوي والله يا مامي دي صاحبتي الوحيده وحضرتك ناسيه ان تميم مانعني اصاحب حد في الجامعه
فريده خلاص يا بيسان هو انا غلطت في ملكه بريطانيا انا شبعت وهقوم علشان عندي ميتنج مهم
بيسان انا شبعت يا جدو انا كمان هقوم علشان عندي محاضره مهمه وليلى هتستناني قدام الجامعه الجد مع السلامه يا بوسي في الجامعه تصل ليلى امام باب الجامعه في نفس الوقت تصل سياره بيسان لينزل منها الحارس الخاص يفتح لها الباب ويدخل وراءها الجامعه تقابل ليلى
ليلى : صباح الخير يا بيسان بيسان: صباح النور يا ليلى
ليلى : ايه يا بنتي الضلفه اللي ماشي وراكي دي ده الطلبه والدكاتره بيخافوا منه ده اسمه ترويع آمنين حرام عليكم
لتضحك بيسان اعمل ايه يا ليلى تميم اخويا مصمم ما اخرجش من السجن قصدي القصر من غيرهم امال لو شفت الاثنين اللي في العربيه التانية ده أقل واحد فيهم
ليلى : نلحق المحاضرة احسن الدكتور مش هيدخلنا
بيسان : متخافيش لما يشوف الجارد هيدخلنا على طول تضحك ليلى وبيسان فى طريقهم إلى المحاضره
فى القصر
زين : انا عاوزك يا فريده في موضوع مهم
فريده : ممكن اما ارجع يا عمي علشان عندي ميتنج مهم
زين : الغي الميتنج يا فريده
فريده : ازاي يا عمى ده مهم جدا
زين : وانا بامرك انك تلغي الميتنج وتلغي الشراكه كلها مع زياد المنشاوي
فريده بصدمه هو حضرتك بتراقبني يا عمي ولا ايه
زين : طبعا يا فريده براقبك امال انت فاكره ايه انا عارف كل ورقه في شركتك رايحه فين وجايه منين وعارف كل عملائك وكل موظفينك موظف موظف وعارف كل قرش بتكسبيه كمان
فريده : ليه كل ده يا عمي هوحضرتك بتخاف مني ولا ايه
زين : يضحك بكامل صوته انا اخاف منك انت يا فريده انت لسه ما تعرفيش
زين القاضي ولا ايه انا سايبك تلعبي بالشركه بتاعتك علشان تنشغلي عن بيسان وما تضيقيش الدنيا عليها زي ما عملتي مع تمايم وخليتيه طفش من مصر كلها
فريده : وحضرتك عاوزني الغي الميتينج ليه
زين : انت مش هتلغي الميتنج بس انت هتلغي الشراكه مع زياد المنشاوي ولا تتصلي بيه ولا حتى تردي على تليفوناته
فريدة : بس يا عمي الصفقة دى ...
يقاطعها زين بحده ساعتها متلوميش غير نفسك لأنك هتصحى تلاقى شركتك فى خبر كان
فريدة بخوف:خلاص يا عمى هعمل اللى تقول عليه بس هو زياد مزعلك فى حاجة
يخبط زين على الطاوله بكامل قوته لتشهق فريده بخوف ويصيح بها شكلك كبرتي وخرفتى يا فريدة ونسيتى ان محدش يقدر يزعل زين القاضى
تقوم فريدة وهى تعتذر لتخرج باتجاه سيارتها وتحدث مديرة مكتبها لتلغى الميتنج
فى مكتب زين القاضي
يتصل زين بحفيده تميم
زين : الو ايوه يا تميم عامل ايه يا حبيبي
تميم : الحمد لله يا جدو وحشتني والله حضرتك بخير وبيسان اختي عامله ايه وحشتوني جدا
زين : بخير يا حبيبي هتنزل مصر امتى
تميم : خير يا جدو انا ورايا شغل مهم ومش هعرف انزل
زين : انا عاوزك ترجع تستقر فى مصر على طول
تميم : انزل ليه يا جدو واستقر عندك ليه انا مرتاح هنا وشركتي بتكبر يوم عن يوم
زين : انا محتاجك هنا معايا جنبي يا تميم صفى شركتك وانزل الشغل هنا كويس وبعدين الشركات دي كلها لك من بعدى يا تميم عاوز ارتاح وخايف اموت واسيب بيسان لوحدها
تميم : بعد الشر عليك يا جدو وبعدين لوحدها ليه فريده هانم فين
زين : فريده هانم مش فاضيه الا لشركاتها وحفلاتها وجمعيتها و خروجاتها مع وتزعق لعايده والخدامين وبس
تميم : هفكر يا جدو مع ان الموضوع صعب
زين : بصرامة ترد علي بكرة ويغلق الخط دون أن ينتظر رد
يا ترى تميم هينفذ كلام جدوه ولا هيكون له رأى تانى ؟
البارت التانى هنعرف الاجابة 🤍🤍🤍
- يتبع الفصل التالي اضغط على ( رواية تكسرات الروح) اسم الرواية