رواية بين يدي الغامض كاملة بقلم رقية عبر مدونة دليل الروايات
رواية بين يدي الغامض الفصل الاول 1
أصوات في المطبخ الساعه 9 الصبح وصوت الراديو شغال علي الإذاعة القرآنيه
= إسراء يا إسراء يالا ياحبيبتي مش النهارده أول يوم شغل ليكي
_ والنبي سيبيني يا ماما مش عايزه أروح
= قومي يابت يالا بطلي دلع ماسخ بقي
_ طب خمسايه وصحيني تاني
= لا ياحبيبتي وعلي اي
قبل ماتكلم كان شبشب الام المصريه نازل علي دماغي
_ يا ماما حرام عليكي يا ماما أنا كبرت علي الكلام ده أنا بقيت عروسه
ردت بزعيق =قومي يابت يالا بلاش مناهده علي الصبح يالا أحسن تتكرشي من أول يوم
_ اوووف حاضر ياست
قومت غلست وشي وغسلت سناني واتوضيت وصليت ولبست وفطرت حاجه بسيطه كده
= اي يامريم فينك كل ده
_ انا نازله اهو انتي اللي فين ياختي
= أنا عند الموقف اخلصي يا رخمه
_حاضر اهو اهو جايه سلام
بعد ربع ساعه الهانم شرفت
= كل ده بقالك ساعه تقولي نازله
_فكك من كل ده تفتكري هنتقبل ولا اي؟؟
= ماحنا اتقبلنا ي اذكي اخواتك
_ أنا فاهمه يابنتي اقصد ياعني الاختبار اللي هيعملوه قبل مانشتغل علي طول ده
= ياعني إحنا نجحنا في اللي قبله مش هننجح في ده كلي كلي
_ انتي جايبه بتنجان وبصل ياشيخه حرام عليكي علي الصبح ناكل بصل كده لا والأنيل وإحنا رايحين الانترفيو
= هاتي والله مانتي طافحه يابعيده
_ منك لله على ألفاظك اللي علي الصبح دي
وصلنا مقر الشركه
ردت مريم= ماشاءالله شايفه يابت الشركه الحلوه إزاي ولا كإنها قاعه آمال من جوا هتبقي عامله ازاي
_بلاش شغل الحرمان بتاعك ده ولا كإنك اول مره تشوفي شركه ماتكسفناش قدام الناس بقي
= الله يرحم أبوكي يابت، انتي يابت مش وش شغل انتي وش بهدله كل يوم مع عم سعدالله اللي كل يوم يهينك ويمسح بكرامتك الأرض
_ ناااااعم ياختييييي مين ده اللي يمسح بكرامتي الاررررض انتي عبيطه يابتتتت ولا اي
= شردحي شردحي ياللي منك لله ياللي دايماً كسفانا كده اتنيلي ادخلي
طلعنا أول دور ناس كتير قاعده علي مكاتبهم منتظمين
: أهلا بحضراتكم أقدر اساعدكم إزاي
اتكلمت مريم= لو سمحت إحنا دلوقتي كنا مقدمين هنا علي شغل واتقبلنا والنهارده أول يوم لينا ولسه منعرفش فين مكاننا ولا اي حاجه
_ أهلا بحضراتكم ممكن تتفضلوا معايا
= آه آه أكيد
طلعنا الدور التاني دخل بينا في مكتب كبير وألوانه متناسقه عجبني الديكور والتصاميم اللي فيه
_ أستاذ عيسي الآنسات دول اتقبلوا في الانترفيو وأول شغل ليهم النهارده هيتعمل لهم الاختبار دلوقتي؟؟
= ايوه يامنعم تقدر تتفضل وتسيبهم متشكر جدآ
_ اتفضلوا جوا لمكتب أستاذ عيسي هو شريك في الشركه مع أستاذ جواد هيقدر يجاوب علي كل استفساراتكم
دخلنا لمكتب أستاذ عيسي
= مين اللي هتبدأ الأول علشان الاختبار
رديت وكإني مستنيه اتقبل مثلآ وقولتله أنا هبدأ
سألني 5 اسئله بالانجليزي عن إزاي ابيع واشتري واستثمر في الشركه وازاي اتعامل مع العملاء جاوبت بمهاره لإني شاطره جدآ في الإنجليزي وده اللي خلاني أقدم بالذات في الشركه دي
الحمدلله اتقبلت أنا ومريم
_ أحب أعرف حضراتكم إنه تم قبولكم كأفراد اساسيه في الشركه تقدروا تشتغلوا من دلوقتي
كل شهر بيبقى فيه ايفينت من رئيس الشركه أستاذ جواد هو مش بيجي بانتظام تقدروا تقولوا إنه شخص مجهول للشركه بس الأفراد المميزه هنا في الشركه هما اللي بيحضروا معاه الايفينت ده سواء في الشركه او خارج مصر علي حسب امتيازاتكم وشطارتكم
_ واستاذ جواد ده ليه مجهول ياعني مبيتكشفش علي بنات
= احمدي ربنا إن أستاذ جواد ماسمعش كلامك ده وإلا كان طردك برا الشركه حتى لو كنتي من أشطر العملاء اللي موجودين لإن دي حياته الخاصه
اشتغلنا واليوم مشي تمام ولسه لغايه دلوقتي مقابلناش صاحب الشركه
رجعت البيت وأنا مش قادره جسمي كله متكسر عايزه اشوف سرير وأنام عليه لمده سنه كده
= مساءالخير نورتي عملتي اي النهارده في الشركه
_ مش قادره يا ماما جسمي كله متكسر أنا اي اللي بلاني البلوه دي بس
= هو الشغل كده ياحبيبتي استحملي بقي
_ يالا مش مشكله المهم اسلي وقتي وفراغي
= طب يالا ادخلي اتوضي وصلي وتعالي علشان تاكلي
اتوضيت وصليت واتعشيت ودخلت اريح علي السرير شويه
_ عملتي اي في يومك النهارده ي بسبوسه
= اسكتي يانسمه اديوم كله عباره عن ضحك أنا والبت مريم بت فصيله
_ المهم ياعني مقابلتيش مدير الشركه ووقعتيله القهوه علي هدومه والشغل بتاع المسلسلات ده
= ام المسلسلات التركيه اللي لحسالك مخك دي يابت
_ اي يابت هو المدير وحش ولا اي
= مشوفتوش اصلآ
_إزاي يابت اومال مين قبلك في الشركه
= شريكه عيسي
_ طب عيسي حلو؟؟
= ابيضاني ملون عادي ياعني
_ وهو الأبيضاني وحش يابت
= مش بحب الراجل الأبيض بحس الجسم الأبيض ده مناسب للست مش الراجل، الراجل لايق عليه قمحاوي اسمر
الحاجات دي وبعدين أنا مالي دي خلقه ربنا
بليل الفضول اخدني وقررت ابحث عن المجهول
كتبت Gawad elhawary ظهرلي أول أكونت
دخلت الأكونت واتفاجئت من اللي شوفته!!!!!
- يتبع الفصل التالي اضغط على (رواية بين يدي الغامض) اسم الرواية