رواية عشق بمذاق الجنون الفصل التاسع عشر 19 - بقلم هايدي محمد
♤الحلقه19♤بقلمى هايدى محمد
☆صلى على اشرف الخلق
☆عشق بمذاق الجنون
متابعه اكونتى الشخصى(haydy mohamed)
ياجماعه لو فى بنات بسن صغير احب اعرفهم ان إللى بيحصل خيال مافيش كده فى الواقع او فى بس بطريقه اخرى
محمد::دى على كلامنا احنا لاكن دى بقى تبقى رسمى
عزت::طيب ثوانى بعد اذنكم
ذهب عزت لغرف بناته
عزت::ليلى
ليلى::نعم يازوز
عزت::يابنتى احترمى انى ابوكى
ليلى::ياعم خلى البساط احمدى
عزت::عليه العوض ومنه العوض فيكى
ليلى::هاتفضل ترغى كتير ومش هاتقول عايز ايه بطل بطل حرق بنزين
عزت::والله اضربك اتعدلى المهم
ليلى::ايوه رجع المهم ده
عزت::صبرنى يارب يابنتى والله انا ابوكى مش واحد من الشارع
ليلى::لا حول ولا قوة الا بالله ياعم عزت ادخل فى الموضوع
عزت::بنفاذ صبر شوفى يااخر صبرى مازن عايز يتجوزك
ليلى::بفرحه ايوه بقى يازوز ياجامد هى دى الأخبار ولا بلاش
عزت::باستغراب يابنتى انتى المفروض تتكسفى ووشك يحمر زاى باقى البنات
ليلى::ليه يعنى انا ماصدقت اصلا الاقى فارس احلامى بطل رواياتى حاجه كده هييييح
عزت وهو يقلع الشوز ويمسكه ويجرى وراها وهى تصوت
عزت::والله لاربيكى يابنت الكلب بقى تقولى ليا انا هيييح
ليلى::وهى تجرى يعنى الواحد مايعرفش يقول كلمه حق اعمل ايه فى العالم دى يارب
عزت::طيب انا هاوريكى تعالى ياليلى
ليلى::لا بقى علشان تضربنى لا ياعم انت مش مضمون
عزت::بس تعالى هفهمك غلطك براحه
محمد:: فى ايه ياعزت نازلين تجروا ليه
ليلى::يرضيك ياانكل بيسالنى على راى قولت وبكل صراحه ووضوح
عزت::دى مش صراحه دى وقاحه يابنت الكلب
محمد::طيب اهدى بس ياعزت وروح شوف تاليا وسيبلى انا ليلى
عزت::يامحمد دى مجنونه
محمد::طيب بس شوف انت التانيه وانا هاعرف اتصرف معاها
عزت::بنفاذ صبر ماشى وطلع لتاليا وخبط ودخل
تاليا وهى ماسكه الفون على انه مايك ووقفه فوق السرير وحطه الهاند فيرى فى اذنها وعماله تغنى بصوت عالى
عزت::ياتاليا
.....
عزت::ياتااااااليا
ولا الهوا شدها من ايدها
تاليا::زيزو منور اوضتى المتواضعه
عزت::الرحمه يارب تعالى يابنتى عايزك فى موضوع مهم
تاليا::هههههه وده من امتى يازيزو ايه هاتتجوز على سوسو ولا ايه
وهى تنزل من على السرير وتقف بجانبه وتضع يد واحده حول عنقه والثانيه وهى ماسكه ايده
تصدق بالله يازيزو تبقى عملت فينا معروف دى ست اعوذ بالله
عزت::امشى من هنا يابنت الكلب
تاليا::ياباشا انت فى اوضتى وبعدين بطل تشتم فى نفسك يازيزو
عزت::تصدقى انا راجل وسخ اصلا انى خلفتكوا
تاليا::هههههه وانت لسه عارف
عزت::وحياه امك لاهربيكوا ياشويه كلاب
تاليا::زيزو قول المهم وبعد كده نشوف التربيه بعدين
عزت::شوفى ياحيوانه مهاب عايز يتجوزك
تاليا::ههههههههه ماتقول كده من بدرى ايه لزمه الحوارات دى
عزت::الرحمه من عندك يارب ايه رايك يابنتى
تاليا::وهى تضع يدها كما كانت حول عنقه شوف يازيزو هو الواد حليوه ودمه عسل كده وبصراحه مش عارفه اقولك ايه بس فى عيب واحد تحسه كده مش زايي تقيل تحسه مجنون
عزت::بجد وربنا وانتى بقى البت العقله صح
تاليا::بتاكيد طبعا وبعدين بقولك ايه انا موافقه ماحدش لاقى دلوقتى عرسان حلوين كده
عزت::اه ياولاد الجزمه بقى تقولوا كده عينى عينك ايه البجاحه دى يابنتى
تاليا::مالك بس يسطا خليك فرى كده ده بس يبينلك انى بنتك وهى تغمز له
عزت::ياااااارب الصبر من عندك
وسبها وهايخرج
تاليا::ياعزت بقيت نرفوز اووى وده غلط هايجيلك شوجر
عزت::وهو يحدفها بالزهريه شوجر فى نفوخك اتفوا
وينزل يبلغهم بالموافقه لتعلى الزغاريط والتهانى بينهم ويحددوا موعد كتب الكتاب والفرح
محمد::مبروك ياولاد وربنا يهديكوا
مازن::عااااااا اخيرا هاتجوز
مهاب::يالهوى ياناس على اخر الزمن انا اتجوز
عزت::الحمد لله الرجاله والبنات عليه ومنه العوض مجانين ربنا يستر على خلفتهم
محمد::يارب ياخويا يسترها
وفى يوم جديد يذهب ادهم ويستلم شغله فى سريه تامه وذهب على الشركه بتاعته
وهو يجلس يتذكر ما حدث فى السى دى ليكور قبضه يده بعصبيه ويخبطها جامد على الطرابيزه لتنكسر لتدخل تمارا بسرعه
تمارا::بقلق وتوتر مستر ادهم ايه إللى حصل
ادهم::بعصبيه مكتومه مافيش واتفضلى على مكتبك
لتنظر تمارا اليه وهى تلف لتخرج تلاحظ دم على يده لتذهب إلى مكان صغير بيه ادوات اسعافات أولية وتاتى بيها وتبداء تعمله الاسعافات
ادهم::قولتلك على مكتبك ياانسه
تمارا::حضرتك مش وقت عند انت مش شايف منظر الدم لازم يقف ونشوف اتفتحت ولا خدش
بسيط لتمسك يده قشعريره تتسرب فى جميع أنحاء جسمها سرعه دقات قلبها احساس غريب وصلها اول مره تحسه سعاده توتر حاجات كتير متداخله فى بعضها
ادهم::بمجرد لمست ايدها ايده اتوتر جدا العصبيه إللى جواه اختفت حاجات كتير اتحركت بس هو مش فاهم ايه ده لينظر لها بتامل وهى تسعفه
حتى انتهت تمارا وهو مازال ينظر لها بعيون لامعه
تمارا::بتوتر احم حضرتك خلصت وهابعت حد ينظف المكتب بعد اذنك
ادهم::هز راسه بدون كلام
خرجت تمارا وبعتت العامل لينظف المكتب فضلت تفكر فى وفى توترها ولمسته
تمارا ::فوقى انتى ماتنفعيش لاى حد انتى خلاص ادمرتى ابعدى مادمريش حد تانى معاكى بسبب غبائك انتى خلاص بقيتى كارت محروق ماينفعش استعماله
ليعدى الوقت وتذهب تمارا وتجلس فى مكانها المفضل وتكتب فى كتابها المفضل الأقرب اليها
*أحياناً يجرح القلب من أقرب وأحب الناس له وذلك لأنه بلا شك الإنسان الواثق لا يمكن أن يجرحه شيئاً إلا الأحباء لأنه يضعف امامهم، فيصدر القلب كلمات حزينة
مررت بالصدفه بالاحزان وجدت حلم تائه الخطوه واللمعان كان يبحث في أشلاء الزمان عن نبض سرق امام العينان يعود بالذكرى لعالم الاشجان يقلب صفحاتٍ طواها النسيان لحظات نبعت من بئر الحرمان لتغرق القلب باليأس والهوان تحيه نبض الانسان لمشاعر الاحزان تحيه ليل الآسى لدموع تغرق العينان*
لتنظر بجانبها لترى قدم شخص ما لترفع عينيها الى الاعلى لتصتدم بعيون رماديه صافيه يعلوها سحابه حزن والم
لتقف تمارا وهى تتحدث ادهم اااقصدى مستر ادهم
ادهم::وهو يجلس ممكن اقعد معاكى
تمارا::فى حاجه وانت عرفت مكانى ازاى
ادهم::وهو ينظر الى البحر انا كنت جاى اقعد شويه شوفتك قولت اجى اقعد معاكى ممكن
تمارا::بقلق وماله وجلست هو ممكن اسالك سؤال
ادهم::بابتسامته الجذابه عايزه تعرفى حصل ايه خلانى اتعصبت وكسرت الترابيزه كده صح
تمارا::باحراج يعنى لو مش حابب عادى
ادهم::بحزن انا تعبان اووى ومش عارف ومش قادر اتكلم مع حد ومش بعرف ابان ضعيف قدام حد كل حاجه لازم ابقى قوى انا الكبير كل الحمل عليا كل حاجه فوق راسى تعبت من المسؤليه وتعبت اكتر من المشاكل كل ماقول اتحلت الاقيها اتعكت اكتر وللاسف ماقدرش اتكلم مع اصحابى لانهم مهما حصل ماينفعش ابان ضعيف قدمهم
تمارا::حضرتك فاهم الموضوع غلط مش معنى انك تفضفض وطلع كل الى جواك تبقى ضعيف حضرتك تفكيرك غلط لازم الانسان يخرج كل إللى جواه علشان يقدر يكمل ويستحمل كان واحد معاه أكياس كتيره اووى ومش قادر خلاص يمشى واخيرا وصل حطهم ونزل علشان يجيب غيرهم لازم نحط إللى جوانا علشان نجيب غيره
ادهم::مش عارف اعمل كده مش لاقى نفسى كده مع حد صدقينى انا تعبت من كل حاجه
تمارا::باشفاق انا ممكن اسمعك لو حابب وصدقنى ولا كلمه هاتتعاد او حتى هاتتكرر بينى وبين نفسى
ادهم::مش دلوقتى كله بوقته بس صدقينى انا اسف انى دوشتك وانى ماقدرتش ماسكتش انا هاقوم تحبى اوصلك
تمارا::لا شكرا
ادهم::شكرا
تماارا::على ايه انا ماعملتش حاجه
ذهب ادهم وهو جواه مرتاح مش عارف ليه علشان اتكلم وطلع جزء من إللى جواه ولا علشان قعد معاها وسمع صوتها اللى بقى مصدر لإسعاده له ليفوق على سماع صوت عالى لينظر خلفه يرى.......
تخلص حلقتنا رايكوا يهمنى
•تابع الفصل التالي "رواية عشق بمذاق الجنون" اضغط على اسم الرواية