رواية ذيب الغربية الفصل الثامن عشر 18 - بقلم طيبة وليد
Part 18
بـٓسٍٰم الله الٰٓـرٍحـٓمًٰاًنٍ الرٍحـٓيَٓـمً
$ ذيـب الغربـيه
" لا تنـسون التعليق بٍين الفقرات والتصويت ومتابعه لحسابـي لطفآ "
هِي مَلامِح وِجهَك تِخبُل
وفوگَاهَـا عِيـونَك خَذت كًْلـٓبّي ..
‼️عذرآ يا سيدي ابـا عبدالله ماردت انزل بارت مثل هـذه
بمحرم بس نزلته بطلب منگم
"""""""""""""""""""""
هــيام "
صد صوت الطلقه ضربهـا بالسگـف من زهـراء صارت مقابيلي تحمينـي منه!!
باوع على زهـراء وعيونه منطنطه واحسه مو بوعيه وحجه - ليشششش تحميهـاااا ليششش جنتـي تدرررين راااح تزوووج ابن عمج مووو ؟؟؟؟
فتحت عيونهـا زهـراء وآثر الصدمه بعده بيهـا واصلا بعده بيـه اني هم وحجت زهـراء - شدتحجـي ابراهـيـم انتً واعـي ؟؟ أصحى أصحى تراا ردت تگتـل هـياااام ..
ذب السلاح على التخـم وفتر بالصاله ايديـه على وجهه يفرك بيه بقوه وحجه يحاول يتصنع الهـدوء - هــياام يـا هــياام سولفـي سولفـي شصاايـر ؟؟
بلعت ريك وأطرافي ترجف من هول الموقف وحجيت بتقطـع - شٰـ شصاـير؟
طك إيد بأيد بقوه وحجه بصياح - تستغبـيييين حضررره جنااابج احجـيييي شمسووويه من ورانـاااا
احجـي لو ترديـن انـي احجي ؟؟
سكتت فاتحه عيوني على وسعهـم واحس بصعوبه من كلامه - احجـي!
مسح وجه بقوه وكعد وحجه - صلفـه ادور صلفه تردينـي احجـي ؟؟
خرجت عن صمتي وحجيت - شبيك اجيت مثل الثور الهـايج ترا اجيت تكتلنـي إذا مستوعب ولو جايه الطلقه جان صارت بزهـراء مستوعـبيب ؟؟؟
دار عيونه على زهـراء الي صارت حمره من البجـي كـام وكف وراح يمهـا اخذهـا لحضنه
يمسد على راسهـا وهي تبجـي ضامه راسهـا بحضنه وحجـه هو
ابراهــيم - زهـرتـي الحـلوه يـابـا شبـيـج ليٰش تبجـين من الله يطيـح حضي لاُن بچـيتـچ .
وخرت راسهـا من حضنه ومسحت ادموعهـا وابتسمت وحجت - صمله عليك حبـيبـي بس خفت لا يصير شـي بأبنـه!!
حجتهـا ولزمت أيد ابراهــيم حطتهـا على بطنهـا ورفعت روحهـا باستـه بخده
فتحت عيوني وعضيت شفتي فلا يستحون وحجيـت - اححححمممممممم
نزو ثنينهـم وابراهـيم كلب عيونه وزهـراء ضحكت يممه يمممه فلاتستحـي
هـدء ابراهــيم وكعد على التخـم وحجه - هـياام احجـي فضيهـا!
- غير افهـم شكوو ؟؟
رفع.راسه عليه خازرنـي وحجه - تستغٰبٰيـن ؟؟؟
اجـت يمه زهـراء كعدت أخذ ايده خلتهـا على بطنهـا وحجت تتنعوص - حبـيبي بالهـداوه بالهـداوه موزين عليه ولا على الطفل..
أخذ نفس وزفره وصبر نفسه وحجه - شاهــين!
بلعت العافيه يمكن مع العلم ممسويـه شي تراا متزوجه على سنه الله ورسوله والله يا الله
حجـيت بارتباك - احٌم اي شبـي شاهين؟
حزرنـي وحجه - شاهـٰين جايب عمامـه وشيوخ وساده وعالم الدنـيا كلهـا وجاي لبيتنـا يطلب إيد هــيام !!
يمممه شو هاي صارت صددك عمي جنت اشاقةةةة حجت زهـراء
زهـراء - ويـن المشكـله ؟
يمكن الله دزلي زهـراء همزين اهـلهـا وتدافع وكذذا الحمدالله
ابراهــيم - المشكله يا عيونـي ابن عمج كتـل امـي ومـا نخلي روابط بينـا وبين عائلتـج!
فتحت عيونهـا وحجت - روابط!! چـا.واحنـا شنوو!! اني وياك متزوجـين ومنتضريـن طفلنـا ؟؟ لمار وعمار متزوجـين ؟؟ كل هـاي مو روابط !! بس من وصلت لشاهـٰين صارت روابط !!
إلى شويه واكوم ابوسهـا يعني صدك كل هـاي مو روابط من وصلت لهيام صارت. روابط وبعدين شنو.روابط مال برامـج ؟؟ باوع عليهـا ابراهــيم وحجه
- انـي وياج نختلف!
زهـراء - ليش نختلف !! اهـااا حقكك نسسسيت انـي كلـي خلك فصلييييه موووو ؟؟؟؟ هـذه الترررريدددد توصله ؟؟
ابراهــيم - لا أضلـين تفسرين وحدج وصوتـج لا تعلـي!
دفعت ايده الي على بطنهـا طول العركه محد وخرهـا حتى هـيبه العركه سارت المهـم وكامت زهـراء شايطه من العصبيه بعدهـا بالصاله ومانشوف غير اغمى عليهـا؟؟
يبووو صارت هـيبه العصبيٌه الدوور؟؟؟
كمزنـا اني وابراهــيم بنفس الوقت هـو شالهـا واني ركضت على المطبخ اصيح ويـن الكولانـيااااااا رد عليه ابراهــيم - وكتتتت سوالف الاتررااااك جيبـي ليموووون بت التركـي .
سكتتت عنه وجبت ليمونه قسمتهـا بالسجينه واخذت القسميـن ورحت يمهـم أخذ ليمونه نص وحجه - شنو هاي ؟
- شنو شنو ؟
- ليش قاسمتهـا غير تجيبيهـا على كامليتهـا نشممهـيااا يعني هسه شلون اعصرهـا على وجهـا وتكوم؟؟
- اهووو شبيـك شممهـيا من الجههه الثانـيه !
استغفر وشممهـيا ويضرب بوجهـا ومدري شيهـمس إلى أن گعدت فتحت عيونهـا ببطئ وحجت - ويـن انـي ؟
هــيام - انتـي بالجـنه وانـي حورالعـين وابراهــيم هم حورالعـين بس خاص الج لان انتـي كلتـي اريد رجلي بالدنـيا وبالاخره ماريد حورالعين غيره ،
هـزت راسهـا تنفي - لا لا حورالعين غيره اريد ..
هـي حجتهـا كعدت على الكاع فاحطه ضحككك متتتت بعدم ماكدر أتنفس حتى من الضحك خوب رده فعل ابراهــيم موتتنـي جان حاط راسهـا على رجليه ويگعد بيهـا من حجت هــيج كام وانركع راسهـا بالتخمم عاطت
متألمه وفزت وحجت مستوعبه شحجـت قبل شويه كامت تمـتٍمـت - هـا اااااا شسمه مو قصدي والله
باوعلهـا ابراهــيم مصدوم وحتى نسه سالفه شاهــين وحجه - ترديـن حوالعـين مووو؟؟؟ دصبريلييي صدك راح اوديج للجنـه .
باوعتله عيونهـا مدمعه وعاطت - حااااااااااممممل واذذذذذذااا !!
ابراهــيم - بكلشي وصاحتتت حاااامل حااامل الحامل شدخلهـااا تردين حوالعين شنو يابـه تتنـسيـن على حورالعٰين ؟؟
برطمت وسگتت وايراهــيم راح للغرفه يكامز يشيل بروحه ويركعهـا طول هـاي العركه واني فاحطه من الضحك يايابـااااا شكدد ضحكتتت
بالأخير اندارت عليه وحجت
زهـراء - ووجع
- اياً نعال والله لومـا حامل جان عرفت شسوي .
- نجـبي انتٍ وابن عمج عليه هـسه تزوجين ابن عمي واصير اني ويا عليج ههههههااااي
شمرت شعري بغرور واردفت - عفوا وانتـي شكوو بزوجـي وتصيرين ويا ؟؟ ما اسمحلج حتى تجمعـين ويا بنيه بنفس الجمـله .
فتحت عيونهـا وصاحت - عزززه تغاااريـنن ..
سبلـت عيوني بغرور وحجيـت - انـي انـانـيـه بالنـاس الاحـبهــم ..
بعدهـا ما مستوعبه الصدمه الأولى واجيتهـا بالثانـيه والمشكله حتى اني جفصـت هـووو انييي شوكت لحكت احبببه اخخخخ من هـل لسااان .
زهـراء - تحبـي؟؟؟؟؟؟
- يعنـي بدايـات
حركت راسهـا وحجت تقلدنـي شلون حجيت يعني بالتركـي - ياااااعـنـييي
- انجـبي انجبـي
- اللههه حتصـيرين مرت ابن عمي هو اني صح ماجـي لبيت أهـلي بس عادي ماريد أخوفج بس كله حيايـه جااان حوراء وهدى نسوان ابـوي مكرهـاتـي بالعيشه تخيلي فددد فرحن من كالو زهـراء تروح. فصليه وامي ما حجت خلصت عمرهـا ساكتـه ومدافع على اي احد جانت حوراء تكلي راح تروحين فصليه تشبعـين كتل واهـانات بس الحمدالله الله ما يگطع شبعت دلال وحب يم اهـلي ما شفته . اخخخ ما تدرين شكد احـب ابراهــييم من اول ما شفته عجبنـي ومن تعرفت عليه متتت بـيٍ وهـسه الاحسااس يجننن شايلـه ثمـره حبنـا انـي ويا ببطنـي ..
حجت اخير كلمات مغرمه گزگزت وحجيت - اللهههه عندي ولد عم هواي بس ابراهـيم أقوه واحد عندي علاقه بـي لان كان عمي جاسر يزورنـي هـواي هـواي وبقيه عمامـي ميجون بس يدزون هـدايا كومه وكل فتره طويله يعني يمرون .
ابتسمت - يحـبوج عمامـج وعماتـج حيييل حيييل بس عندج عمه هـاي الي من تعاركتـي بالفاتحه كانمت تصيح عليج مدري شلونهـا ؟
كلبت عيوني وحجيت - عمه سماهـر كاتله ابوهـا انـي ..
- صددگ؟؟؟
- اهوووو دنجبـي وروحـي لرجلج صالحـي مو تحبـي لو الحب بس أقوال مو افعال .؟!
- لا لا افعال مثل افعال ابن عمـي سوده عليه جايب شيوخ وساده والدنيا كلهـاااا علمود هـاي العووبـه .
- اكلـي تبـن .
- راح احترمـج لخاطر ابن عمج زوجي قره عينٰي واولادي سعادتـي .
- عوووووع
حجتهـا بضحك ومن كلت هوه فحطت من الضحك راحت للغرفه تضحك
شفت الليمون الي قطعتـه على التخم كبرر والله مو صوجگممم صوج اليقطعلگـم ما ماگلته أخذته وگمت أكل باليمونـه ولا اتوب بلعومـي يتشحرج من الحموضٰه وما اتوب شسوي اووي احبـه
متتت من الممل افتر بـ البيت وهـذوله المايستحون طبـو وبعد ما طلعو
گعدت على التخم اهزز برجلـي متوتره من شنو مادري!
يعني هـو جاب شيوخ وهـاي كلهـا علمودي ؟؟
زين هـو كال حيقنعهـم ؟؟
وابراهـيم ليش ما قابل ؟؟
هو شاهين شعليه بـ الي كتـل عمه خديجه مو اخذو حق عمه خديجه ؟؟
على الأقل مو مثل امي مات ثارهـا وياهـا ومحد اخذه ؟؟
زين زين اني متأكده اكدر أتزوجه ؟؟
اي اگدر هـو اني احـ لا لا معجبه معجبه بـي مو اكثر ؟؟
بوسط عاصفه تفكيري قاطعهـا فتحه الباب مال غرفه زهـراء وابراهــيم اني كاعده على التخم الي صاير غرفتهـم من جهه اليسره مقابيلي
طلع ابراهــيم يخابر والحاجب معكود شبـي هـذه ؟؟
من لمحنـي كاعده حجه بالتلفون - اي اي هـاي اصبر افتح سبيگـر واخليك تحاچيهـا!
گلبـي كام يدك طبول من فتح اسبيـر واجانـي صوت عمي جاسر يحجي
- بوٍيه هــيام شاهــين جابً مشيـه عليـج وانتـي تعرفـين طبعا نتغاضى عن تصرفاج هـذه حاليـا انـي وعمامج وعماتـج مجتمعـين علمود ما تكولين ما اخذتـو رأي ومدري شنو بـابـا شنو رأيج ؟؟ توافقـين على شاهــين ؟؟ واحنـا راح نمشـي حسب قرارج انتـي راشده مو طفله ..
الحراره صعدت لراسي كلامه كله يحجي بنبره هـادئه مبطنـه بالغضب يجوز لان ضميت عليهـم بس هو كال اقنعهـممم ؟؟ عفت كل افكاري على صفحه وحجـيت
- مـوافـقـه
اسمع الهـوسه الصارت يمه وعمامـي كلمنً يحجي شكل لما اجـا صوت عمه سماهـر الجمهـوري كلت راح تلوصهـا بس خيبـت ضنـي وصدمتنـي من كالت - شعليگـمم تدخلـون روحگـم بحياتهـا هـسه صرتـو حنـان مو جانت بـ الميتـم محد سائل عليهـااا؟؟؟
جابر - سماهـررر اختـي الجبيـره ماريد أتجاوز عليج منو المـاسائل عليهـااا كل فتره نروح نشوفهـا ومحد عايفهـاااا ..
اسمع صوت عمه تماره تحجـي - لومـا وصيه ابوهـا جان خليناهـا على روسنـه خلانـا مربطيـن لا هـو الخلاهـا بـ ميتم بلـعراق ولا هـو الخلانـا ناخذهـا الله يرحمـك يخوي.
ضحكـت عمه سماهـر بصوت عالـي - وصيه على أساس متگدرون تخالفوهـاا موو ؟؟؟ لحددد يدخـل انـي انطيت موافقتـي ينسـد لنقاش وهـل سبوع يتـم الخطبه والعرس ..
عم الهـدوء على اثر كلامهـا مو بس بالمگـان حتـى بعقلـي .
حسـيت صرت هـادئه معقوله تسرعت بالقرار؟؟
انجـبي هـو حلف يحبنـي حتى مو حب كال عاشگچ ؟
سد السبيـگـر ابراهــيم وانـي مدري شصار بيه يمكن تحسستت بسرعه نزلت دمعتـي رفعت ايدي مسحتهـا ورفعت راسي شفت ابراهــيم لانٌت ملامحه ويباوع بقهـر حسيته باوع وحجه
ابراهــيم - الله يسعدچ ويـا تستاهـليـن كل خـير هـيومه .
- ليش هـيج تحجي مو جنت رافض وردت تگتلنـي ؟؟
ابتسم وگعد مقابيلي وحجه - اولاً ما ردت اگتلج انـما ردت أخوفج وبلغلط صغطت على السلاح . اسـف ثانـيا احجـي هـيج لان اتمنالـج السعاده من كل گلبـي هـواي تعبتـي انتـي تستاهـليـن تستقـرين وتذگري دائما انـي اول واحد بضهـرج حتى قبل عمامـج!..
مسحت دموعـي مدري شبيه صرت حساسه جنت احجي وأكول ام دميعه وصرت مثلهـن حجيت - ماعندي غيرگـم واريد أبقى بدونگـم
- واحنٌا ماعدنـا بنات غيرج والله .
ضحكـنا ثنينـا وبديت استرجع الشعور الحلو الصابنـي وهـو يشجعنـي ويهـدينـي ويضحكنـي باوع على الساعه وأردف - كومـي اوصلج لـ يمامه وأخذي اغراضج من الميتـم باجر نطلع .
- ويـن نطلع ؟
ابتسم - بطلي غباء نسافر نرجع للعراق تزوجـين همن وبعد مترجعـين لهـناااا.
هـزيت راسي ماريد اجفص بالگلام واتمرمططط
راح لغرفته وصه زهـراء ودعتهـا وطلعت رگبت بالسياره وحجيت - لعـد ويمـامـه ما تحظر العرس ؟؟
ابتسم - گـبرتـي يـابـا وصرتـي عروسُ .
خجلـت وسگتتت يبوووو الخجـل الصابنـي والله يا الله تالي وكت هــياام تحجببل اخخخ فززنـي صوته وهـو يحجي
- يمـامـه مابيهـا شي بس ايدهـا صابيهـا وطلعوهـا من الصبح راح نروح هـسه وأحاجي الاداره تروح ويانـا يجـوز تخلص الاجازه هـناك احسـن لگولهـا رجـل بـ الغربيـه كلجـن تزوجـتن بالغربيـه بقت على هـل مكروده .
خزرتٰه وحجيت - هـم يبسمـر هـو لو ما انـي انته تتزوج زهـراء ؟؟
- هـي بس هـل شغله سويتيهـا براسهـا حظ .
خزرته رجعت وسگتتت بقه يدردم وحده وصلنـا للدار وخيررااا
رگضت ليجوه وصعدت فوك بسرعه بسرعه لگيت يمامه صدك جنهـا حصان ولا جن وگفت گلبـي حضنتهـا بقوه وهـي حجت
يمامه - والله كلت هـسه هـيام شگگت هـدومهـا عليه تالي طلعت سايبـه اخخخ .
- نجبـي نجبـي وكف كلبـي وعلي غير ابراهــيم راد يگتلنـي وحط السلاح براسي واجت زهـراء عود صارت فاندام تحامينـي وصارت الطلقه بالسگف
وادور خابرو عمامـي شاهـين موديلهـم زلم شيوخ ومدري شنو وعمه سماهـر كالت تزوجين وراح نسافر باجر نرجع واتزوج .
فتحت عيونهـا على وسعهـم وگعدت بصفـي ويا كل كلمه تفتح عيونهـا اكثر واني مدري شبيه انهـديت مدري ردت أشوف توسع عيونهـا ليويـن يوصل ؟
يمامه - يمممه گل هـذذذه صايرررر بهـللل يوووم .
- لج لا گل هـذه صار بهـل صبحيه والضهـريـه .
- يعنـي حتزوجـين .
- اي راح أتزوج .
- فرحاانـه المستهـتـره .
- انجبـي باجر حتروحـين ويانـا ترا حضري روحج ،
- وين شعندي موليه ارگصلـج بتـك أيد ،.
- اكـلي نعل واكرصيهـا المـن تركصـين .
- لا لا ماروح
- ابطل ماتزوج
- بعد احسن
- ما تردينـي اتزوج
- لا تزوجي
- ماتزوج بدونج
- اوووي خجلتينـي يله لعد اروح .
حضنتهـا وگعدت اسولفلهـا كلشي كلشييي حرفيـااا.
وهـي تندمج وياي وتسألنُـي واني أجاوب بعدين ضلينـا نحشش
نزلت ليجوه شفت سيـسي وگعدت اسولف وياهـا وهـي تحطنـي وتبوس بيه وعيونهـا مدمعه تصيح - يمممه بنيتـي راح تصيرو عررروسسس
واني اضحك الله ذب عليه الضحك
صعدت ليفوك بدلت ونمت نومه عميقه من التعب والتفكير اليوم
گعدت الصبح كالعاده يمامه جانت تضرب بأيدهـا هـسه صارت تدفر
فعلا گعدنٌا تريگنـا ورسل تفتر منا ومنروح منا وعيونهـا مدمعه
رحنـا بدلنـا اجـا موعد اجـا علينـا ابراهــيم صعد الجنط بـ التگٰسي
ورجعت اريد أودع رسل شفتهـا واكفه بالباب ما مسيطره على دموعهـا اول ما شافتنِـي بچـت ما سيطرت على دموعـي وحضنتهـا وبجـيت وياهـا وهـي تحجي - ديري بالج على روحج انـي أمج مو تنسـين تعالـيلي دائما لا تعوفنـي ما طلعت من الدنـيا بغيرجـن يمه صيري عاقله راح تتزوجـين
- ههه تدللين ماعوفج والله كل فتره اجـي
ودعتهـا وهـي ودعت يمامه وانـي دموعـي ما وگفت صعدت بالسياره اني ويمامه وزهـراء بالنص وابراهــيم ليگدام ولسه ابجـي
حجه ابراهــيم - يابـا شبيج كل فتره تجـين
سگتتت ومسحت دموعي أش راح تبدين حياه جديده خاليه من كلشي موحلو حياه سعاده وحب بدون مشاكل وبدون موت وبدون تعب وبدون تفكـير .
نزلنـا يم المطار انتضرنـا بـ المطار وصعدنـا للطياره انٰي ويمامه سوا وزهـراء تخاف لازمه ابد ابراهــيم وما خلت دعاء ما حجتـه وابراهـيم يضحك عليهـا
واخيرررااا وصلنٌااا العراق نزلنـا من الطياره وگفنـا على ارض بلدنـا هـمست يمامه
- هـاي ثانـي مره نجٰي سوه بس مراح نرجع سوا
- يجوز انتـي هـم مترجعـين نلگالج رجل
خزرتنـي - گـام ادور رجوله ست هــيام
ضحكـت وصاحنـا ابراهــيم اجر تگٰسي وتوجهـنا لبيت عمي جاسر الگـل مجتمع هـناك عماتـي وعمامـي
فعلا وصلنـا نزل ابراهـٌيم الجنط ودخلنـا البيت ويمامه حجت - هـسه انتو اهـل بيناتگـم انـي شكوو؟؟
زهـراء ضحكت باستهـزاء - على الأقل مو فصليه وكل شويه حيكولون .
هــيام - منو يكول مستحيييل عموو جاسر ؟؟
- لا بس مرات يجـن كرايـب عمه خديجـه وما اقدملهـن شي يضلن يذبٰن سمهـن
- يامعوده عرفه ولفه والله يا الله
سگتنـا ودخلنـا تلگتنـي عماتـي يسلمـن ويبوسـن ويحضننن ويحجن - يممه راح تصيرين عروسٰه
واني اضحك وياهـن رحبو بـ يمامه وهـي راح تموت من المستحه
شويه وترخصت منهـن اريد انام افتهمن واتفقنـي الرأي
أخذت يمامه ورحت للغرفه فتحنـا الجنط وهـي ترزل مدري شبيهـا
دخلت الحمام بدلت ملابـسي وطلعت بسرعه على الجربايه
ونمت بعد ما دريت الدنـيا طشت رشـت گعدت على صوت يمامه الادبسزز
- كوومـي عماااتـج يرردنـج وعمـامـج كوومـي .
فزيت من سمعت طاري عمامـي - يمممه شيرردووون ؟؟
- اسگتـي وانزلي يله
سگتت وعدلت ملابسي مشطت شعري وسويته ضفيره ورجعته وره ضهـري ونزلت بگل ثقه
من نزلت تلگونـي عمامـي طبيعي بدون اي حزازيات بوسونـي وتحمدو ليمامه بـ السلامه وهـي ترد خجلانه شويه استقرينـا وحجه عمو جاسر
جاسـر - اتفقنـا الجمعه الزفه والخمـيس الحنـه والأربعاء العقد ..
فتحت عيوني مدهـوشه وحجيت - ليـش! يعني ليٰش بهـل سرعه!
- شأهـٰيـن يريد هـيج والگـل وافقـو الرأي وانتـي مدام قابله ماگـو اي عائق إذن!
هـزيت راسي ودنگت معقوله استعجلت لا اگيد مجرد خوف يصيب اي عروس طبيعيه الشغله قنعت نفسي
ومر الوقت كل يوميه نروح اني ووحده من عماتـي نحضر النيشان وعمه تماره تخبببل تدور أشياء مشخلعه تمووت ضحككك وفعلا إلى ان اجـا يوم
الأربعاء
واگـفه گدام المرايـا لابـسه قفطان ابيض بسيط عباره عن قفطان ابيض ساده وبـي ذهـبي من جهه الردان كلش حلو متميگيجه مگان بسيط ويخبل طلع ويا القفطان وحذاء ابيض كعب وتسريحه شعري هـو طويل فـ اكوي وأعوفه مفلول وفعلا هـيج سويته كلشـي بيه بسيط وحلو المچوهرات مزينـه القفطان وزايدتنـي جمال فاتتت يمامه تباوع عليه ضحكت وحجيت
- كافـي تباوعـين على روحج راح تحسدين روحج عيناي ..
- حتراجـع ..
- ترا اليوم مو الزفه لا تخافيـن!
- ادبسززز.
- كبرر. امشي ولـي اجو اهـل العريس ترا والسيارات بره تتراكع على فكره علگـو الجو علك .
- ولمار؟؟
- ما اچت لسه
- ليش ؟
- شمدريني ،
- احجـي عدل وياي ترا عروس .
- ايبببااااه
- انجـبي انجبـي
واحنـا دانحجي انفتحت الباب ودخلت لمار مبتسمه باوعتلنـا ورگضت حضنتنـي انضمت النـا يمامه
لمار - اوووي حبيبي الحلووو حيتزوووجججج
- انجبـي انجبـي
- هـاي لسه لازمه على هـل كلمتـين
- على أساس صار قرن من شفتيني
راحت ليمامه شبگتهـا وباوعت على ايدهـا وحجت
- والله فدد بچيييت شبعتتت بجـي يابو بجـي ادور انـي ابجـي وشاهــين يصيح هـييااام بيهـااا شيييي كتله يمامه اندعمت وعمار كام يصيح يكله نرجع
وهـو يصيح مابيهـااا شيييي خل اروح أتصخممم اتزوججج
- ضحكنا كلنـا وصاحونـي اعقد يممممهههه رجليه بعد متشيلنـي ولكممم اني هـياممم القويييه هيييااام على سننن ورمح كمت ارجففف يبووو
نزلت ليجوه وتلگتنـي نسوان هـواي جرتنٰي مره جبيره بوستنـي بوسات هـواي وتباركلـي - انـا امـو لشاهــين
ابتسمتلهـا وصاحونـي اعقدد گعدت على الكرسي وحطو على راسي شال وحطو رجليه بـ الماي وحجه الشيخ - هـل تقبلـين بـ شاهــين زوجا لكـي إذا قبلتـي فقولـي نعم وانتً وكيلي
سگتت اول مره خفت مدري شصار بيه ثانـي مره ندستنـي عنه بسرعه حجيت - نعـم وانتً وگـيلٰي .
رددتهـا ثلاث مرات ورجع عليه جاوب بسرعه وبارگلنـا الشيخ علت اصوات الهـلاهـل والچگليت والگـل يبارك هـواي عالم وهـوسه رحت گعدت على الگوشه المرتبيهـا بنص الصالـه گعدت عليهـا وفكري شارد هـاهـيه صوت مرتـه وااااي
ثوانـي وصاحو راح يطب العرس
فعلا انفتحت الباب ودخل شاهــين بـ طلتـه الحلوه قاط اسود ويا حذاء اسود يلمع وبياضه والساعه البـيده وشعره مرتبه ومزينـه اندارت نضراته عليه مدهـوش مصدوم عيونه لمعت بفرحه تقدم ليمٰي وانـي واگـفه گدام النسوان گلهـا حط ايده جوه حنگـي رفع راسـي وباسـه جر ايدي وباسهـا يبوووو وجهـي دخـن فلا يستحـي وبده التبسيس بينهـن جابـت بنيه شابه حلوه وجهـا بشوش ذهـب هواي ابتسمتلـي بفرحـه رديتلهـا الابتسامه حطت الذهـب على مكان الطاوله الگدامٰي
رفع حلقه لبسنياهـي وحجه - يولـي من اليـوم انتٍ النبـض .
سگتت بعدين عود استفسر بس صابنـي شعور حلو حسيت غزل ههه
أخذ كلاده لبسنياهـا ولمس رگبتـي بالغلط على أساس وخرت عنه ولبسه الحلقه وانـي احجي
هــيام - باجـر تجـي للحنـه ؟
- لا يولـي تاروح لحنـه الشبـاب ،
- يعنـي متجـي تحتينٰـي ؟
ارتفعت شفته بابتسامه برزت اسنانه وحجه - لا
رديت الابتسامه وحجيت - بعده الشـيخ هـنا موو؟؟
- شعتسـوين بشـيخ يولـي ؟؟
- نفـسه الشيخ الزوجنـا يطلگنـا مدام بعدنٰا بالبدآيه إذا باجر متجـي!
خزرنـي وحجه - وريتٰينـي ور يولـي تاتصيرٍين الـي واطلگـج بالحلام ما تصير!
- خوش لعد باجر تجـي ،
- هــين باجر نجـي باجر نجـي
حجاهـا وخلصنـا تلبس الذهـب وطلع طلعو گلهـم من البيت وعماتـي بارگـلي وزهـراء تگمزز منا وتجـي منا شافت امهـا اخخخ يامـي وينـج عنـي ؟؟ اليوم عرس بنتج ؟؟
راحت لمارهـم بقينـا اني ويمامه صعدت ذبيت الذهـب ونزعت ملابسي وطبيت سبحت طلعت ميتةةةة تعببب اخخخ لفيت راسي ونمت
گعدت ثانـي يوم الصبح نفس الشي مگياج وتعب بس هـل مره تختلف لبست فستان احمر طوخ وبرزتـه بحمـره مارونـي اجـت توب ويا مكياجـي
حذاء اسود كعـب
وتچهـزت نفس مبارحه مجرد اليوم يصير جلـي مدري شلون المهـم اني لبست احمر متعوده بعد تركٰيه اني سًويت رفعت الجزء العلوي من شعري
والجزء السفلـي نازل على ضهـري واگتافـي نزلت على الدرج ويمامه بصفـي ولمار ورانـا هـي وزهـراء نزلنـا تلگتنـا ام عمار بارگتلي ورگضت على بتهـا تشم بيهـا وتبوس بيهـا وببطنهـا صفنت لحضات وحـز الموقف بخاطري اريد امـي حتى ماعندي احد ابجـي عليه غير يمامه!!
وانـي افگر انجريت من ايدي من ام شاهــين مره جبيره بس قويه وروحهـا رياضيه باوعتلي وحجت - ول هـسع نعرف ليش مدهـونتـو لهـل زلمه بهـل طول والخصر والعيون الخضره ..
ابتسمت وحجيت - شكرا بس ابنج وين ترا اطلگ إذا ماجـه حنانـي !
ضحكـت وحجت - ول غيـر هسع بيـنت السالوفـه اكولـو مايصير تدخل حريم يكـول حنتـي . اخخخ يبـن بطنـي يعاند التقاليد والعادات عشانـج .
سگتتت وابتسمت ورحت گعدت كل شويه تجي واحده شكل تبارك لحد ما اجـت نفس البنـيه مبارحه القدمت الذهـب وگفت كدامـي وحجت بابتسامه بشوشه - انـا اختـو لشاهــين .
- اهـلا وسهـلا بيج كلبـي تعاي هـنا اگعدي يمـي .
جريتهـا يمـي اكعدهـا استحت وانـي هـم استحيت اهمدانـي
- شسمج ؟
- زمــردةَ
- اسمج حلو عاشت الاسامـي
- ول غيـر اسمـج يرعطط رعطط
عكدت حاجبي وحجيت - شنو يعنـي!
ضحكـت هـي وكالت - تتعلمينهـا لهـل لهـجه
ابتسمتلهـا ومرت هـيج النسوان والبنات حرگنهـا حرك بالركص حتى لمار وعماتـي ويمامه وزهـراء حركتهـا حرك
حزت بخاطري ما اجـا مرت ساعه وعبرت الساعه وهـو ما اجـا أيست وندمجت ويا الناس والبنات ثوانـي وصاحت ام شاهـين
- تستـرو تـايـدخـل شـاهــيـن
ضهـرت علامات التعجب على وجهه النسوان وگامت يتبسبسن وحجت مره جبيره - من شوكـت يدخلـو للعريـس لحنـه العروس ؟؟
رديت عليهـا - مـن اصـير انـي مرتـه يدخـل لحـنـتـي ،
انلصمت على حلگهـا وسگتت فعلا افتح الباب ودخل شاهــين باوعلـي وماقلت عن صدمه البارحه تقرب يمـي كعـد وحجه - ول يابـه وريتـينـي ور بچمالـج .
سگتتت وخجلت رغم ماعرف معناهـا بس مبين شي حلو
حنانـي وخلص وطلع وهـيج انتهـت الحفله وخلصنـا وكلمن راح لبيته واخيرراااا متتتت من التعبببب صعدت لغرفتـي بمساعده يمامتـي فليست تسريحتـي ونزعت الفستان ومسحت المگياج لان مابيه حيل اسبح
ونمت چفـي على وجهـي
گعدت الصبح على دفرات عماتـي ويمامه سفطـن سوا گمزت بسرعه جابـو ماگيـره للبيت سوتلـي تسريحه ومگياج برز ملامحي ووجهـي لبست البدله
وشفت. روحـي بالمرايـا دمعت عيونـي وبسرعه صاحت يمامه
- المكييياااج راااح يخرب
- اريد امـي!
بهـتت ملامح وجهـا وتحولت للحزن شبگتنـي وهـدأتنـي
نزلت ليجوه وصاحو اجـت الزفه اجتتت النسوان واهـله والجگليت حطتلـي عماتـي برگع علمود فتحه الصدر والمگياج
وفعلا ثوانـي واشتعل الجو بالطلق لا يتوبـون ولا يأخذون عبره
والهـوسه الي اشتعل بيهـا الجو بره هـي
" اليـوم يـومـك يابطل "
" جان صاحبهـا وخذاهـااا"
ثوانـي وطب عمو جاسر وعمامي گلهـم حاوطونـي ورلدهـم بـ 15 واحد دخلو گلهـم عمي جاسر وجابر من ايدينـي كامشينـي ماگدرت اشوف اي شي بسبب البركع طلعنـا ليبره الجـو مشتعل بالهـوسات والطلق حتى خفت
لمحت صوت شاهـين من گدامـي يجي لحد ما وضح الصوت جرنـي عمي جاسر صرت مقابيله رفع البرگع وباس راسي ونزلت دمعته ونزلت دموعي وياه ضحك وحجه بهـمس - لا تبجـين لا يطلع جبار والرجال يخترع .
ضحگت ونزل البرگع هـو جرنـي من ايدي حط ايدي بأيد شاهــين وهـو يحجي - لا تفگر بيـوم هــيام يتيمـه هـيه الحفيده الوحيده يعنـي كلهـا وراهـا وبضهـرهـا وراهـا اسود يا شاهــين !!
شاهــين - ولـ يابـا الأسود والذيابـه ما يتوالمـون وما فگر هــيام يتيمه حرمتـي وبنوت گلبٌي من جذرًو .
جر ايدي فتح الباب ودخلنـي بـ السياره ودخل هـو واشتعل الجو فوك ما هـو مشعول والسايق يصيح - ولللللل عرررررسسس ذيييييب الغررربيه ولـ خللل تدرررري الغربيـه كلهـاااا
وضرب طلق بالچـو حسيت طبله راسي انزرفت من گد ما لعبت روحـي من الطلق
لحد ما وصلنـا گدام بيت عملاققق نزلت اليرگع وفتح الباب شاهــين ما شفت اكو احد امٰشي وراه صعدنـا دراج وصلنـا گدام غرفه فتحهـا ودخلنـا
جريـت البركع اختنگت منه وذبيـته على الجربايه صفنت بالغرفه شگددد حلوه گلهـا ابيض وبيهـا لون فضي ولمسات تجننن
حك راسـه صافن بيٍ ارتبگت من نضراتـه وهـو حس وأردف وهـو يطلع ملابـس - تاروح اسبـح
فعلا دخل الحمام وانـي التوتـر اگلنـي اكـل يبوووو هـسه اني ليششش ازوجـتتت شويه وطلع لاف المنشفه على خصره بس بدون ملابس!!
رحت ادور بالجنط الموجوده هـنا وشفت الخزي من عمه تماره ملابـس يبووو استحـي البسسهـا ويا روحـي تالـي لگيت واحد مستر وحلو ،
أخذته ورگضت للحمام دخلت وبسرعه نزعت البدله والحمدالله ما واچهـت مشگله بيهـا ودخلت اسبح سبحت وخلصت مشطت شعري ولبست كان عباره عن فستان طويل مابـي أكمام او فتحات لبست الروب مالته وشديته
من ناحيه الخصر عفت شعري مبلل ومنثور على اگتافـي وسميـت بأسم الله وطلعت
شفته مبدل ملابسـه لبجامه سوده وفانيله نص ردان سوده كان وگف وصفـن عليه نضراتـه تنتقـل لگـل جزء بيـه توتـر ومسح العرق الي بده يصب منه
واشرلٌي اگعد گدامـه
گعدت وانـي نضراتـي مستغربـه گعد وحط ايديـه على رجليه وحجه الشي الصدمنـي وخلانـي ارچـف - لازم تعرفـين شي تأمريد شي اتـمـم زواجنـا من دونـو وينبنـي على الچـذب انـا .....
- يتبع الفصل التالي اضغط على ( رواية ذيب الغربية) اسم الرواية