رواية ذيب الغربية الفصل السابع عشر 17 - بقلم طيبة وليد

Part 17

          

                

- گـافي شبيـج هــيام اول حادث كبالـج صار لا تخافـين هـاي مو يامور الضربه خفيفه راح تعيـش متعوفنـي اي اي 

متعوفنـي 

ادعـي من كل كلبـي بحركـه كلب ثوانـي ودخلت رسل للمستشفى باوعتلي واجت  يمي 

عيونهـا فائضات بالدموع ينزلن واحده وره الثانـيه وجهـا احمر من الطم 

باوعتلـي وحجت بصوت متشحرج 

رسل - هــيام ويـن يمامـه زينـه هـي مو؟؟ 

- مادري ؛ حجيتهـا بقهـر وروح طالعه گعدت بصفي تبجـي بهـدوء وانـي نفس الحال نبجـي بصمـت 

بقينا على هـل حال إلى ان طلع الدكتور كمزنـا ثنينـا انـي ورسل وهـو باوع النـا وحجـه بالتركـي - حالتهـا مستقره حاليا كـسر باليد اليمنـى وارتجاج بالجمجمة وجروح سطحـيه 

بس ماكو خطر على حياتهـا والحمدالله على السلامـه 

زفرت نفـس بهـدوء وكلبـي هـداء وكل جزء جان يرجف بيه هداء أخذت شهـيق وزفرته 

ورسل گعدت والابتسامه شگت حلگهـا اجـت يمي حضنتنـي بادلتهـا بقوه

باوعتلهـا وحجـيت 

هـيـام - اريد تلفونـج اريد اخابـر عمـي! 

هـزت راسهـا  وطلعت التلفون من جنطتهـا وانطتنـيا أخذته وترخصت منهـا دكيت على رقم عمي جاسـر 

اول رنه مارد ثلاث رنه رد اسمع صوته التعبان وهـو يحـجـي 

- السلام عليكـم ست رسل صاير شي هــيام بيهـا شي ؟ 

رديت عليٍ بصوت تعبان اگثر من صوته ومنبوح من البجـي - اني هــيام 

سكت شويه أنوب حجه - شكو شصاير شبي صوتج ؟؟ صاير شي ؟؟ 

هــيام - يمـامـه اندعمت بالسياره ، 

حسيت عليه اصوات صارت يمه مثل الي عدل كعـدته او كام وكـف وحجه بصدمه - شنـوو! شوكت !؟ ليش ماندري ؟؟ صار بيهـا شي ؟ 

ما تحملت وبجـيت شهـكت ورجعت احجي - قبل شويه اندعمت وجبناهـا بـ المستشفى يكول الدكتور 

ارتجاج بالجمجمة وايدهـ مكسوره تعالولـي حبابـيـن مابيـه حيل بعد اني مو بنت اخوگـم 

موامنگـم عليه اشتاقيتلـگـم والله اريدگـم يمـي ليش محد يسأل عليه عايفينـي  وحدي! 

احجـي وابجـي من القهـر واسمع تنهـيداتـه المستمره وبعد صمت حجه 

- هــيامـه انتـي مو بنـت اخوي انتـي بنتـي تدرينً بعمامـج كلهـم يحبوج وتردين لوما 

وصيه أبوج جان هـسه انتـي ببيتـي وگـل عمامـج يردوج ترجعـين وهـل كلام اعرف 

دا تحجـي من حركـه كلبـج على يمـامـه ادزلـج ابراهــيم ؟ 

سگـتت وهـدأء انفاسي ًرديت - اي وخيجـيب زهـراء هم 

- حاضر مو تدللل هـيامنـه . 

سلمت عليه وسديت التلفون منه وفعلا الي حجيتـه من حركه كلبي على يمامه وإلا شدخل الحادث 

بـيهـم يعنـي هم شدخلهـم بيمـامٰه قابل هـي بنتهـم هم عليهـم بس ببنتهـم الي هـي انا 

وتدخلهـم بـ سالفه لمار جانـت بس لان ابوهـا صديقه لعمو جاسر رجعـت يم رسل وانطيتهـا الموبايل 

شويه وطلعت الممرضه كمت من مكانـي وحجـيت ويا الممرضـه لهـدوء 

        

          

                

هــيام - لو سمحتـي هـل يمگننا رأيتهـا ؟؟ 

ابتسمت وحجت - هـي بخير يمكنكم رأيتهـا ، 

اتشكرت منهـا ورحت لرسل گعدت يمهـا احجي بفرحه - سـيـسـي نكدر نشوف يمامه تكول الممرضه 

رسل - الهـمً مصْلـيً علىً مـٓحـُمٰـــدّ واٍلً مـًحٍــمًـدًّ 

ابتسمت وفعلا رحت ركـض لبسونـي ملابس خاصه ادخل بيهـم علمود التلوث مدري شنو 

المهـم يتفيگـون هـنا مثقـفين بعد فتحت الباب ودخلـت عيونـي دمعت من شفتهـا نايمه 

وبأيدهـا المعذي معلكـي وراسهـا لافـي ببـاندج وايدهـا مصبوبـه ومعلگيهـا بركبتهـا نزلت دموعي وكعدت 

يمهـا على الكرسي ولمست ايدي ايدهـا وحجٰيت 

هـٰيام - يمٰامتٰي الحلوه ما تعوفنـي كلتلهـم انـي 

حجيتهـا وبـست ايدهـا رفعت راسي من شفت صوت ونيـن شفتهـا فاتحه عيونهـا ومن الفرحه بعد رجليه 

بعد ما تشيلنـي وانـي اريد احجـي دخلت الممرضه وحجت - لطفـآ حان وقت الخروج ؟ 

ابتسمت بنص دموعي وحجيت - فتحـت عيونهـا! 

القـت نضره على يمامه وابتسمت - اجـل هـي بخير . 

سگتت مبتسمه وطلعت نزلت الملابس الطونياهـا ورحت لرسل اضحك مثل الخبله - رسسسل فتحـت عيونهـاااااااا .. 

رسل - الهـم مصلـي على مـحـمد والً مـحـمـد .. 

سگتتت ضامه ضحكتـي بلكوه دك تلفون رسل باوعتً على الاسم وانطتنـيا وحجت - عمٰج 

ابتسمت واخذتـه منهـا فتحت الخط واجانـي صوت عمو - ها هـيوومه عمو ابراهـيم وزهـراء حجزر ويجون باليل 

هــيام - هـاهـيه عمو شكرا تعبتك وياي

- تعبـج راحـه بنيتـي انتٍ ، 

ابتسمت وسلمت عليه وسديتـه وضلينـا اني ورسل گاعدين مقابيل غرفه يمامـه ومع كل هـذه مبتسمين 

عيونـا تحجـي شكد فرحانـين ما صار عليهـا شي !! 

؛ 

لحد ما صارت ساعه ١١ بليل ضبط اجـو زهـراء وبراهــيم سلمت عليهـم 

وابراهــيم صاير احسن بهـواي 

ويضحك للهـوه الطاير عمي النساوين تغير لعد شعبالگـم 

هــيام - هـا هـا هـا برهـوم منو جان يكول ماريد أتزوج وشلـي بالمره ؟؟ 

ضحك بقوه وحجه - نجبـي غيـر راح أصير أب ! 

فتحت عيونـي مصدومه وعطت - زهـرررراااااءء حااااممممل ؟؟ 

اباوع على زهـراء صارت جنهـا طماطه عود خجلت وكذا باوعتلي وحجت - اي حامل . 

حجتهـا بعيون مدمعه وفرحه بصوتهـا واضحه وابراهـيم خزرنـي عود يأخذ دور ابن العم وگفت وحجه - صوتـج ! 

رجعتله الحزره وحجـيت - معليـك لك ، 

- احترمينـي بنت الأوادم مو راح أصير أب ؟ 

        

          

                

- الاحترام المحترم مو للجبـير ولا للـي راح يصير أب ولا بهـمنـي . 

- اخخخ ربـي كون الله يوكع هــيام چفـي چفـي على وجهـا ! 

فتحت عيونـي وانـي احجي - المعهـن الك ؟ 

حجه باستغراب - شنو هـنه ؟ 

- الگرون الابسهـن المعهـن ، 

حزرنـي وحجه - لا يا طايحه الحظ 

زهـراء - حبٰيبي شبيك لا تغلط گدام ابنـا هـيج بالمستقبل ترا يتعلم احنـا نربـي تربيـا حديثـه خوش ؟ 

- اويلييييي غيررر. تستقررر تربـي تربيه حديثثثه التربيه بدون نعال رسل ما تصيرررر 

ضحكـو هـم وسئلو على حال يمامه طمناهـم وابراهـيم راح يسئل الدكتور واجه وحجه - الدكتور يكول حاليا نايمه تحت تأثير العلاج وماكو اي شي أسبوع ويشيلون التجبـير وراسهـا 

ارتجاج خفيف الحمدالله فـ ماكو شي والحمدالله على سلامتهـا يله هــيام كومي نروح ؟ 

- خييير وين نروح ؟ 

ابراهــيم - نروح لبـيـت من بيوتنـا هـنا اخذنـا إذن من الميتـم ؟؟ 

- لا لا عيني ماروح ماروح ويمامه منو يبقه يمهـا ؟ 

رسل - اني باقيه هـنا انتـي روحي ميصير تعارضين 

- لا يصير ونص انتي تعبتـي روحي نامي ارتاحي 

ابراهــيم - هــيام لا تعاندين بس هـل مره أبوي وصانٌي اجيـبج ! 

بلعت ريك وتنهـدت وكمت بوست رسل وصيتهـا الف توصيه وطلعنا اني وابراهـيم وزهراء 

أخذنـا تكـسي ورحنـا وكفنـا يم بيت كلش حلوو من بيوتنهـم العمالقٰه طبعاا 

دخلنـا والبيت مابـي احد 

آخذت غرفه ولفيت راسي ونمـت من التعب 

گعدت الصبح على صوت زهـراء تگعد بيه وتصيح - كووومي ولللج انييي حااامل جثه خوما جثثثه دكووومي 

شنو جثه اوووف ميصير الفظ هـيح الفاط كدام الطفل ! 

- هـوووو وينه النعال الطفللل حيجـي من بطن أمه يكول جثثه وبعدين شخبصتينـا حامممل وحااامل 

انـي الحبلتـج ؟؟  

عضيت شفتـي من الجفصه وهـي فتحت عيونهـا وصاحت - اياًا ادبسزز

- أف ولـي شتردين ؟ 

- أحمم اسمعـي كومٰي ابراهــيم راح المستشفى وخرجو يمامه وكالي گعديهـا علمود تبدلين ومن يرجع ياخذج وهـسه هـو بالطريق كومي بسرعه ! 

نطزت من الجربايه والضحكه شگت حلكـي - الللهههه طلعتتتت طلعتتتت 

ضحكت زهـراء وطلعت بعدنٌي مملحكه أكمل فرحتـي واسمع الباب تدك دك لا مو دكه عاديه دكه قوييه لدرجه 

حسيت الباب راح تركع طفرت ورحت من جهه الباب فتحتهـا 

ماحسيت غير اندفعت بقوه ليوره وابراهــيم گدامي 

عيونه مطگگه من گثر العصبيـه 

وأيده لازم بيهـا ايدي ضاغط عليهـا لدرجه حسيتهـا حتنخلع بعدنـي بعز الصدمه وكلامه الصدمنـي اگثر 

ابراهــيم - ترررررديييييين تتتتززززززوجـيييييننننن شااااااهـين مووووو ؟؟؟؟ تررردين تتتززززززوجـين من العائله الگتـلت امـيييييي مووووووو !! اكتـلج وماخليج تزوجيه! 

مجرد نطق كلماته وانـي بعز صدمتـي طلع سلاح من جيبه واني ما تحركت من مكاني حتى 

لازمنـي بقوه مثبتـي سحب أقسام وصد صوت طلقه........