رواية نبض قلبي الفصل السابع عشر 17 - بقلم هيام ختعن
وفي الوقت دا رن جرس الباب وقامت زينب تفتح وخرجت مي من الاوضه
مي مين ي داده
زينب مش عارفه
والتقت عيناهم في نظره طويله ومي كانت سرحانه وبتفكر انا شوفتها قبل كده بس فين افتكري ي مي ايوه يوم خطوبتي كانت واقفه ع باب القاعه وعنيه جات في عنيها وكانت عنيها بدمع بس مش عارفه ليه طيب اي اللي جابها هنا
وفاقت من سرحانها ع صوت شهد
شهد. ازيك ي مي
مي. مستغربه انها تعرفها الحمد لله بس مين حضرتك
شهد. ممكن ادخل ونتكلم جوه
مي. تمام اتفضلي
وبالفعل دخلت شهد
مي تشربي اي
شهد لا شكرا انا جايه اتكلم معاكي وهمشي
مي. باصرار لا لازم تشربي حاجه
شهد. بصت لزينب طيب اعمليلي قهوه
زينب حاضر
وراحت زينب تعمل القهوه وسابتهم مع بعض
مي متسائله مره تانيه مين حضرتك
شهد. انا شهد
اول مي ما سمعت الاسم اول حد جاه في بالها امها مي بتفكر معقول هي بس ازاي بعد السنين دي ازاي جاتلها الجراه وجات وفاقت من شرودها ع صوت شهد مره تانيه
شهد. بدات دموعها تنزل ايوه انا اللي فكرتي فيها انا امك
مي وقفت مره واحده وبكل قسوه شاورت ع باب الشقه وبصوت عالي اطلعي بره
شهد وقفت طيب اهدي واسمعيني
مي. لا مش عايزه اسمع حاجه انا اعتبرتك موتي من زمان انتي اي اللي جابك
شهد. انا مقدره اللي انتي فيه وعارفه انتي حاسه باي انا عايشه بذنبك طول السنين دي وعيزاكي تسامحيني
مي. اسامحك ازاي وانتي سيبتين وروحتي عيشتي حياتك ومصعبتش عليكي
شهد. بتقرب منها انا هعوضك عن كل حاجه صدقيني
مي بتبعد عنها لا امشي
وفي الوقت دا جاه عمر
عمر. متفاجا شهد
شهد. وهي بتعبط كويس انك جيت ي عمر عشان تخليها تسمعني هي بتسمع كلامك
مي. وانا مش عايزه اسمعك
عمر. امشي دلوقتي ي شهد وسبيها تهده
شهد بحزن حاضر ي عمر وبترجي بس والنبي خليها تسامحني
ومشيت شهد وسابتهم ومي اترمت في حضن خالها وكانت دموعها نازلها زي الشلال
مي. اي اللي جابها بعد السنين دي انا شوفتها يوم الخطوبه ي خالو وجات عنيها في عيني وماعرفتش انها امي ولما جات النهارده ماعرفنهاش
عمر. طيب اهدي ي حبيبتي هي خلاص مشيت
وفي الوقت دا رن هاتف عمر باسم سالم
سالم الوو
عمر الوو
سالم. عامل اي
عمر. الحمد لله تمام انت عامل اي
سالم الحمد لله تمام بقولك اي ي عمر انا كنت عايز احدد معاد الفرح بتاع مي وسليم
عمر. طيب ماشي شوف امتي وانا جاهز
سالم. طيب يبقي الشهر اللي جاي
عمر. طيب ع خيرت الله
وانهي عمر المكالمه مع سالم
مي. متسائله في اي
عمر. سالم بيحدد معاد فرحكم الشهر اللي جاي
مي باستغراب بس سليم مااتكلمش معايا في حاجه
عمر. ممكن يكون عاملهالك مفجاه
مي. ممكن
ودخلت مي اوضتها ومسكت صورتها مع امها وهي صغيره وكانت دموعها نازله وبتكلم الصوره كنتي فين وانا بكبر كل يوم وبحتاجك كنتي فين لما كنت بنجح وبلاقي امهات صحابي معاهم وبشوف في عنيهم الفرحه بنجاح ولادهم وانا وحيده وفرحيتي ناقصه كنتي فين يوم خطوبتي عارفه كل فرحه ليا ديما كانت بتبقي ناقصه وانتي وهو السبب خلتوني ادفع تمن غلطه انا ماليش ذنب فيها ومسحت دموعها بس انا عمري ما هسامحكم ع كل وجع جوايا انتوا كنتم السبب فيه وفي الوقت دا رن هاتفها وكان سليم
سليم. الوو
مي. بصوت باكي الوو
سليم بقلق مالك
مي. مافيش حاجه انا كويسه
سليم. لا انتي شكلك معيطه
مي. بعدين هحكيلك
سليم طيب انا هعدي عليكي بكره ونفطر مع بعض وتحكي لي
مي. ماشي
وانهي سليم مع مي المكالمه ومارداش يضغط عليها اكتر عشان صوتها كان باين عليه انها مضايقه جدا
واتي نهار جديد باحداث جديديه
نوسه بتسحب الملايا بتاعت عز وهو نايم
عز. بخضه في اي
نوسه ماتتخضش ي عز بيه بلم الفراشي عشان اغسلها
عز. انتي مش واخده بالك اني نايم
نوسه. ماانا كنت بسحبها براحه انت اللي جلجت انا مالي بجي
عز. لا ي شيخه هو المفروض الاقي الملايا بتنسحب وانا نايم وما اقومش مخضوض
نوسه. وهي بتسحب الملايا لا ووسع بجي ورايا تنضيف
عز. مسك التليفون وبص في الساعه لاقها الساعه 6 الصبح
عز. الله يخربيتك الساعه 6 هو في حد ينضف بدري كده
نوسه. ايوه انا ورايا مشوار
عز. مشوار اي
نوسه. وانت مالك هو انا بسالك رايح فين وجاي متين
عز. الشهاده لله لا
نوسه. طيب انت كمان متسالش
وسابته وخرجت من الاوضه
سليم انتي اتجننيتي ي بت
نوسه. ليه الغلط دلوجت انا ورايا مشوار ولازمني اخلص اللي ورايا وانتم مشاء الله مابتقوموش غير الضهر
سليم. مشوار اي
نوسه. بصت لنهال عيالك دول اسالتهم كتير جوللهم ان كل واحد وليه خصوصيه
سليم انتي بتتكلمي كده ليه ي بت
نوسه وهي ماسكه الملايات بتاعت السراير ورايحه اتجها الحمام
نوسه. مش هرد عليك عشان انا اهلي مربيني
عز. والله ماشوفتي ربع ساعه ربايه
نوسه. دا ع اساس انت اللي متربي اووي
سليم. بتقولي اي ي بت عالي صوتك
نوسه. مابجولش حاجه روحوا ناموا بجي خنجتوني
سليم بيبص لعز اتعامل معاها ازاي دي
عز. ما باليد حيله دي جبروت وبيوطي صوته عارف انا ساعات بخاف اكلمها دي ممكن تحطلي حاجه في الاكل تجيب اجلي
سليم. انت بتهزر ي عز
عز. لا والله هي جبروت فعلا
نوسه. بتجول حاجه ي عز بيه
عز. هو انا اقدر دا انتي حبيبتي ي نوسه
نوسه. الهي تنستر ستر النمله في جحرها والصرصار في بولعته
عز بيبص لسليم. كفايه الدعوه العجيبه اللي بتدعيها دي
سليم. سابه ودخل اوضته
وبعد وقت نزلت نوسه من البيت وقابلته صحبتها
نوسه بتسلم ع صحبتها بالحضن والبوس ازيك ي شمياء عامله اي
شيماء. الحمد لله ي جلب شمياء وحشتيني ي بت ي نوسه
نوسه. وانتي كمان والله النهارده بجي هوديكي عند الواد عيلاء بتاع الميكياج تعملي شبينج بجي ونعملوا احلي ريفيون ونشهروا
شيماء. ايوه يلا وديني
نوسه انا جايبه من عنده بتاعه كده مخليه رموشي شبه المكنسه فظيعه ي بت ي شمياء ولا الروج ايشي الاحمر والبرتقاني والفوشيا ماجولكيش بجي ع اللون الفوشيا بيخليني جمر 14 ي بت تعالي دا انا هدلعك واجيبلك الوان هاديه زي اللي انا جيباها
شيماء. بفرحه ايوه والنبي ي نوسه دلعيني الا انا نيله خالص في حوار الميكياج و فرحي كمان اسبوعين وكنت عايزه اجيب جمصان نوم وارواب بقي لزوم الدلع والفرفشه
نوسه بفخر لا داانتي جيتي لصحبه الفرفشه ذات نفسها هوديكي عند ام صلاح عندها الاخضر والاحمر وكل اللي انتي عايزاه
وفعلا اخدت نوسه شيماء وجابت كل اللي هما عاوزينه وروحت شيماء مع نوسه
نوسه وهي بتفنح الباب لاقيت عز في وشها
نوسه. عز. بيه كويس اني لاجيتك عشان ناخد رايج في الحاجات اللي جبناها وبصت لشيماء عارفه ي بت ي شمياء عز بيه دا اللي باخد رايه في كل حاجه ومش بس كده. دا انا اللي بخنتار له لبسه
عز. مين دا
نوسه. اي ي عز بيه انت ناسي ولا اي وبصوت همس جنب ودنه اتفشخر بيا قدامها وبصت لشيماء. يلا تعالي جيسي الهدوم
ودخلت شيماء ولبست روب كله ريش لونه اخضر وطلعت
نوسه. طولي بالوانك المبهجه طولي
واول ما طلعت شيماء عز كان متنح
عز. اي الريش دا
نوسه. بفرحه زوجي واختياري
عز. حلو لون البرسيم دا عايزالك كام بقره تبقي تحفه
نوسه. بتضحك. ههه عرفت منين اني فعلا جبتلها لبس البجر وجولتلها انه هيليج وهيعجب جوزك كمان وبصت لشيماء مش جولت للك اني فانوشتا محترفه
شيماء. بفرحه. ايوه والنبي صدجت عارف ي عز بيه جابتلي سلوبته بشكل القرد تحفه لا ومش بس كده دي جابتلي كمان سلوبته بشكل الحمار الزيبرا
عز. لا ي شيخه اي كميه الانبساط اللي انتي فيها دي
نوسه. عروسه بجي ي عز بيه ولازم ندلعها
عز. دي مش عروسه كده دي متقمصه شخصيه الحيوانات وبص لشيماء والفرح في انهي زريبه اقصد مكان
شيماء. هعمله في الحديقه
عز. ايوه ما دا اللي انا كنت متوقعه ع اللبس دا
نوسه. ماسك مج خدي ي بت ي شمياء عملتلك كافيشتينو
عز. متنح لها عملتي اي
نوسه كافيشتينو
عز دا اللي هو اي
نوسه البرتمان اللي انت جايبه ي عز بيه
عز. روحي هاتي كده
نوسه وهي ماسكه البرتمان اهو
عز. ي ليلتك السوده ي نوسه انتي خلصتي نصه في يومين
نوسه ماانا بحط 7 معالج في المج الواحد
عز. بيحط ايده ع راسه ي خراب بيتك ي عز انتي عارفه دا بكام
نوسه. بتهز راسه بنفي لا بس كنت عايزه اسالك سوجال ي عز بيه
عز. حاطت ايده ع دقنه اسالي
نوسه انا لما بشر الكافيشتينو دا مش بعرف انام
عز. ما دا اكيد تنامي ازاي وانتي شاربه نصه
نوسه. وهي بتضحك اصل طعمه حلو جوي جوي ي عز بيه
عز. الف هنا ي نوسه
نوسه. اللهي تنستر…
عز قاطعها ماتكمليش الدعوه الغريبه دي ويلا روحي شوفي وراكي اي
مسك عز هاتفه وفتح واتساب وكانت مريم منزله صورتها استوري دخل عز علق لها عليه
عز. هو القمر بيطلع بالنهار
مريم انت بتعاكس بقي
عز. اكيد طبعا عايز اشوفك
مريم. لا
عز. اي الرد السريع دا فكري طيب
مريم. فكرت لا
عز. تمام نص ساعه واكون عندك
مريم. اهدي بس بلاش جنان
عز. مش جنان عايز اتكلم معاكي وانجزي بقي
مريم. ماشي
وانهي عز الشات مع مريم وراح لها
- يتبع الفصل التالي اضغط على ( رواية نبض قلبي ) اسم الرواية