رواية نبض قلبي الفصل الخامس عشر 15 - بقلم هيام ختعن
دخل سالم لبس بدله رقص وطلع
سليم يالهووي اتصرف ي عز
عز. الله ابوك متقمص شخصيه شاكير
سليم مش وقت هزار احنا لازم نتصرف
نوسه. دخلت جابت طبله وجات تطبل وسالم نازل رقص هو ونهال
نوسه ايوه ايوه يلا هز هز يا سالم بيه
عز. واي لازمه البيه انتي بوظتي الهيبه خالص
نوسه. بس ي عز بيه سيبه يفك عن نفسه والنبي عسل
وفضل سالم ونهال يرقصوا وفشل عز وسليم انهم يوقفوهم ومن كتر الرقص ناموا ع الكنبه
سابم قام من النوم وكانت دماغه تقيله و لنفسه اي اللي نيمني هنا وبص لنفسوه
سالم يالهووي اي اللي انا لابسه دا
وبيهز نهال
سالم قومي ي نهال
نهال بتعب في اي ي سالم سيبني انام انا دماغي تقيله اووي
سالم قومي انا مش فاكر اي اللي حصل
نهال. فتحت عنيه. واتفجات باللي سالم لابسه اي اللي انت عامله دا وبتضحك
سالم. بعصبيه انتي بتضحكي ع اي انا مش فاكر اي اللي حصل
ونادا سالم ع نوسه
نوسه ايوه ي سالم بيه
سالم. اعمليلي قهوه
نوسه. ع ريق النوم كده طيب افطر الاول
سالم بعصبيه. اخلصي
نوسه. وهي رايحه اتجاه المطبخ سبحان من مغير الاحوال اللي يشوفوا امبارح وهو مفرفش مايشوفهوش دلوقت
عز. ويسلام لو عرف ان انتي السبب في المسخره بتاعت امبارح
نوسه خاضتني ي عز بيه انا كنت بوجب معاه المفروض يشكرني
عز. بيغمز لها احنا نحكي له ونشوف
نوسه بتضحك عيب ي عز بيه تفضحني وتجوله اللهي تنستر ستر النمله في جحرها والصرصار في بولعته تستر عليا
عز. هستر عليكي بس بشرط
نوسه اي هو
عز. ماتعمليش مصايب تاني
نوسه. دا البيت ميبجاش ليه طغم ولا شكل من غير مصايب
ولاقي عز الباب بيخبط
عز. بص لها عملتي مصيبه اي
نوسه بكل براءه ولا حاجه
وراح عز فتحت الباب واتفجا بواحد مضروب ومافيهوش اي حته سليمه
عز. خير
منتصر. يرضيك اللي اتعمل فيا دا
عز اكيد لا بس مين اللي عمل فيك كده
منتصر. نوسه ي بيه
عز. في نفسه الله يخربيتك جباره مش مخليه حته سليمه في الراجل وبص له انت اكيد عملت لها حاجه
منتصر. والنبي ي بيه ما عملت حاجه دي جات تاخد لبن وبيض فقولتلها الحساب 100 جنه قالتلي مش هدفع غير 20 جنه قولتلها انتي حره ماتشتريش الدنيا غلت وعينك ماتشوف الا النور عملت فيا كده
عز. طيب معلش حقك عليا انا هعاقبها
وفي الوقت دا طلعت نوسه واول ماشافت منتصر قلعت الشبشب ونزلت فيه ضرب
نوسه. اي اللي جابك ي حرامي ي نصاب عايز تديني 10 بيضات و2 كيلو لبن ب 100ج
عز بيدافع عن منتصر خلاص ي نوسه انتي اصلا مش مخاليه حته سليمه في الراجل
منتصر. والله ي بيه ماليا ذنب الدنيا غاليه
نوسه. لا داانت حرامي
عز. طيب هي اخدت الحاجه ولا
منتصر ايوه ومادفعتش حاجه
عز طلع الفلوس اتفضل حسابك
نوسه برقت لمنتصر وبتضغط ع شفايفها جامد
منتصر.بخوف لا ي بيه واحد انا همشي
عز. لا خدهم وماتخافش
نوسه. بصت لعز بنظرات مرعبه وبتجز ع سنانه وفر فلوسك ي عز بيه
عز. بص لمنتصر سامحني وبصوت واطي جنب ودانه دي جباره وانت مجرب دي مايقدرش عليها غير ربنا
منتصر بنفس الصوت والنبي ي بيه ماتخليها تيجي عندي تاني ابعت اي حد غيرها
نوسه. سمعتك انا هاجي غصب عنك واخد منك من غير فلوس وابقي وريني هتعمل اي
عز. خلاص ي نوسه يا اما احكي لبابا اللي عملتيه
نوسه بتضحك خلاص توكل ع الله انت ي منتصر
عند مي
رن هاتفها باسم سليم
سليم. الوو
مي الوو
سليم. صباح الخير ي روحي
مي صباح النور
سليم. يلا اجهزي عشان هاجي اخدك ونفطر بره
مي. معلش ي سليم اجلها مره تانيه
سليم. بقلق ليه في حاجه
مي. لا مافيش الموضوع ان الداده بتاعت نور ويوسف جايه النهارده ولازم ابقي موجوده
سليم. مم طيب ي روحي تتعوض مره تانيه
مي. ماشي
وانهت مي مع سليم المكالمه وتليفون نور رن باسم داده زينب
زينب. الوو
مي الوو
زينب. لما سمعت صوت مي حست انها اتلغبطتت في الرقم. مش دا رقم نور
مي. ايوه ي داده انا مي اخت نور
زينب. اهلا بيكي ي بنتي انا قدامي نص ساعه واكون في الموقف ونور قالتلي انها هتبعت ليا السواق
مي. ايوه هكلمه وابعته لحضرتك
وانهت مي المكالمه مع زينب ورنت ع السواق يروح لها وكانت مي قاعده وماسكه هاتفها وخرجت نور ويوسف ليها
نور ويوسف. احنا اسفين
مي رفعت راسها ليهم انا مش مستنيه منكم اعتزار انا بجد خايفه عليكم
نور انا ماكنش قصدي بجد اضايقك انا بحبك اووي ي مي
مي. وانا كمان بحبك وعايزه نكون صحاب مانخبيش حاجه ع بعض وهرجعكم التمرين تاني وخلاص كلها 10ايام والدراسه تبدا
نور ويوسف بنوعدك اننا نكون صحاب ومش هنخبي عليكي حاجه تانيه
وفي الوقت دا رن جرس الباب وكانت داده زينب
نور اول ما فتحت الباب وبفرحه داده زينب وحشتيني وحضنتها
زينب وهي بتبادلها نفس الحضن وانتي كمان وحشتيني
يوسف. جري علها وحشتيني ي داده
زينب بابتسامه وانت كمان وحشتني
نور. بصت لمي دي بقي اختنا ي داده
زينب بصت لمي اهلا بيكي ي بنتي
مي. بابتسامه اهلا بيكي ي داده
وقعدت معاهم وكانت مي مشغوله كانت بتكلم المدرسين وبتعرف المواعيد وكلمت الكابتن بتاع التينس و قالتلوا انهم هيرجعوا تاني التمرين
خبتت مي ع اوضه زينب
زينب. ادخل
مي. معلش قلقتك بس كنت حابه اتكلم معاكي بخصوص نور ويوسف
زينب بابتسامه لا ي حبيبتي مافيش قلق اتفضلي
مي انتي عايش معاهم من امتي
زينب. من حوالي اربع سنين جم من الامارات مع باباهم وجارتي قالتلي عليهم فوفقت والصراحه استاذ سمير الله يرحمه كان راجل محترم وانا حبيت نور ويوسف زي ولادي بالظبط
مي. بس هما ماكنش في رقابه عليهم
زينب. هزت راسها ايوه ي بنتي استاذ سمير كان طول الوقت في الشعل ماكنش بيقعد معاهم كتير وانا اتكلمت معاه كتير انه يقرب منهم وانهم في سن محتاج رقابه بس شغله كان واخد وقته وكمان كان تعبان وزاد تعبه في الفتره الاخيره ووقفوا تمرينهم حتي مستواهم نزل في الدراسه
مي. باذن الله كل حاجه هتتغير وانا هاخد بالي منهم وطبعا وانتي معايا
زينب انا معاكي في اي حاجه انا بحبهم ونفسي اشوفهم اسعد الناس
مي. ان شاء الله انا هسيبك تنامي
زينب تصبحي ع خير
مي. وانتي من اهلو
ودخلت مي اوضتها وقعدت ع السرير ومسكت النوته بتاعتها وكتبت كل مواعيد دروسهم
ومر ت 10 ايام سريعا مع اختلاف انهم نزلوا التمرين وبداوا الدروس وبدات مي تنشغل معاهم في المذاكره والدروس وبدا سليم يحس بان مي اهملته وكان الوضع مضايقه جدا وفضل يحاول يتكلم معاها بس في نفس الوقت كان بيفضل السكوت بس كل واحد فينا ليه طاقه وبتخلص وهو بني ادم ومن حقه ان حبيبته تهتم بيه ويعيش معاها كل حاجه حلوه بس للاسف كان حاسس بالوحده فقرر طبعا يتكلم
سليم. الوو
مي الوو
سليم. انتي فين ي مي
مي. وهي بتكلم نور امسكي الشنطه بتاعتك ورجعت ترد ع سليم نور ويوسف عندهم تمرين وانا مسحوله معاهم
سليم. مم وانتي مش شايفه انك بقيتي هملاني
وفي الوقت دا جاه الكابتن وطبعا مي ولا سمعت سليم بيقول اي
مي. طيب هكلمك تاني ي سليم باي
وانهت مي المكالمه
سليم كان في العربيه متعصب وعمال يهبد ع الدريكسيون بتاع العربيه
ورن هاتفه
سليم بعصبيه الوو
احمد. اي ي بني مالك متعصب ليه كده
سليم. بنفس العصبيه انا تعبت بجد طول الوقت هملاني كاني مش موجود في حياتها
احمد. طيب اهدي انت فين كده
سليم. في حاجات المفروض نروح نختارها عشان تشطيبات الفيلا وطبعا الاستاذه مش فاضيه عارف انا رايح لها التمرين اقفل ي احمد
وقفل سليم المكالمه مع احمد وكان زي البركان وراح لمي التمرين ويصدف القدر انه يروح وقت ما كانت مي بتتكلم مع الكابتن وبيهزر معاها وهي بتضحك
سليم. بص للكابتن بعيون مليانه شر وبيجز ع سنانه مد ايديه سليم سالم خطيب مي
الكابتن مد ايديه ليه اهلا بحضرتك وبص لمي طيب عن اذنكم
مي. بعصبيه اي الاسلوب دا
سليم. بنفس العصبيه عايزاني اعمل اي وانا شايف الاستلذ بيضحك وبيهزر وانتي مشاء الله مبسوطه
مي. وطي صوت ي سليم احنا في مكان عام والناس بتبص علينا
سليم. بص لها اللي فارق معاكي الناس وبيخبط ع صدره انا فين ي مي في وسط كل دا انا مبقتش موجود قوليلي كده تعرفي عني ايه وبيجاوب ع نفسه ولا حاجه طبعا بصي ي مي لو فضلتي كده يبقي خلاص خلصت
وسابها ومشي وهي كانت مصدومه من كلامه والحاله اللي هو فيها وفكرت في كلامه انا فعلا هملته من غير قصد انا كده بدات اهمله وبدات اخسره فوقي لنفسك ي مي حاولي تظبطي وقتك وحياتك
وفاقت ع صوت نور ويوسف
نور ويوسف. مي مي
مي فاقت من شوردها نعم
نور. بتبص حواليها هو سليم فين
مي. مشي عنده شغل يلا بينا عشان نروح
واخدت مي اخواتها وروحوا
في بيت سليم.
كان سليم قاعد في اوضته ومش طايق نفسه
نوسه كانت عامله يانسون وكانت لسه هتفتح باب اوضه سليم بس عز وقفها
عز استني رايحه فين
نوسه. التفتت لعز. سليم بيه مضايج جوي ي عز بيه جولت اعمله حاجه تهديه
عز. لا مالكيش دعوه بيه
نوسه. وسع من جدامي ي عز بيه
وفتحت الباب
نوسه. اتفضل يانسون ي سليم بيه
سليم. قام بعصبيه مسك كوبايه اليانسون رماها ع الارض مش عايز حاجه انا ماطلبتش منك حاجه امشي اطلعي بره
وخرجت نوسه وكانت بتعيط من رد فعل سليم رغم انه ديما بيزعق بس اول مره يوصل للحاله دي
عز. اهدي ي سليم في اي مالك
سليم. مسك دماغه باديه الاتنين مافيش سيبني لوحدي ي عز
وفي الوقت دا رن هاتف سليم باسم مي وكان التليفون ع السرير فشاف عز الاسم
عز. طيب اهدي ورود ع مي
سليم. بعصبيه مش عايز ارد ع حد واطلع بره وسيبني
وطلع عز من الاوضه وفهم ان في مشكله مابينهم
يتبع..
- يتبع الفصل التالي اضغط على ( رواية نبض قلبي ) اسم الرواية