رواية نبض قلبي الفصل الرابع عشر 14 - بقلم هيام ختعن

 

رواية نبض قلبي الفصل الرابع عشر 14 -  بقلم هيام ختعن

نور بصت لمريم وبتضحك دي غلبانه خالص انا نورين صحبيتي مصاحبه وبتحكيلي كل حاجه بتحصل مهاها هي وحبيبها

وهنا قامت مي واتعدلت وبصت لنور

مي بتحكي. ليك اي

وبدات نور تحكي لمي ومريم اللي نورين بتحكي ليها وكانوا الاتنين بيبصوا لبعض مصدومين انهم في السن دا وبيحصل كل الكلام دا

نو ر. وهي مندمجه في الكلام وشايفه ان الموضوع عادي نورين صحبيتي بتحب أسر صاحبنا هو اكبر منا بسنه بس هو امور الصراحه استنوا هوريكم صورته

ومسكت هاتفها وطلعت صورته من ع الانيستجرام ورتهم الصوره

مريم والله الواد حلو

مي بصت لمريم ومش وقت هزار ورجعت وجهت نظرها لنور كملي

نور وهي ماسكه الهاتف بتفتح الوتساب وبترد ع الرسايل اللي مبعوتلها هو بيقولها انه بيحبها واول مانخلص ثانوي هيخطبها وكان تركيزها في الهاتف اكتر

مي. سحبت منها الهاتف بعصبيه. ماتركزي معايا وكملي

نور. بكل برود في اي ي مي مالك الموضوع عادي ما في واحد صاحب أسر اسمه تيم عايز يرتبط بيا

مي. مشاء الله وانتي قولتيلوا اي

نور عادي قولتلوا سيبني افكر وبتسحب الهاتف من مي هاتي اشوف نورين باعته اي عشان متخانقه مع أسر

مريم. هما لاحقوا

نور. انا عارفه هي اللي مكبره الموضوع عايزها تروح تقعد معاه في بيته وهي رافضه

مي وانتي مش شايفه ان دا غلط

نور عادي ي مي ماهي بتقعد معاه في كافيه

مي مادا كمان غلط بس يعتبر الكافيه اهون من البيت الكافيه مكان عام ام البيت غلط طبعا

نور. انا شايفه انه عادي هما بيحبوا بعض يبقي ليه لا

مي. حاولت انها تكون هاديه لان رودود نور وتفكيرها غلط فلازم تكسبها كصديقه عشان تحكي لها ع كل حاجه ودا سن صعب جدا.

مي بصي ي حبيبتي مش شرط اي اتنين بيحبوا بعض يكملوا ولو بيحبوا بعض لازم يبقي قي حدود في التعامل غلط جدا انها تروح بيته

نور. كانت ماسكه هاتفها ونورين باعته لها فويس فيه

نورين أسر عايزني اتصور بلبس البيت وابعت له صور وانا رفضت ي نور ومش عارفه اعمل اي وهو قالي انتي كل حاجه رافضاها انتي مش بتسمعي كلامي من اولها يبقي خلاص كل واحد يروح لحاله وانا مضايقه انا بحبه اووي ي نور

طبعا مي ومريم كانوا سامعين الفويس ومصدومين من اللي بيسمعوا ومي كانت بتفكر فين اهلهم وفين الرقابه اللي عليهم دول في سن خطر دول في سن المراهقه بس رد نور فجاهم

نور بتبعت فويس. انتي نكديه ي نورين والولاد بيحبوا البنت المطيعه عادي لو بعتي هيعمل بيها اي واحد وعايز يشوف حبيبته في كل حالتها

مي غلط اللي بتقولي وبتفكري فيه اولا حرام ثانيا ممكن يكون ولد مش كويس ودا اللي انا متاكده منه وممكن يهددها بالصور دي مقابل اي حاجه او ينزلهم ع النت زي ما بنشوف وبنقرا

نور. ببرود اي التفكير دا انتي دراميه اووي ي مي

مريم بدات تتدخل لان مي بدات تفقد اعصابها من ردود نور البارده ولا مبالاه اللي عندها ومي كانت بتفكر كان فين ابوها في السنين دي ازاي كل حاجه عندها عادي ازاي الداده بتاعتها ماكلمتهاش في اي حاجه وكان في دماغها اسئله كتير

مريم. بص ي نور احنا دينا ومجتمعنا مايسمحش باللي بتقوليه دا وكمان انتوا لسه صغيرين اووي ع الحب والارتباط انتوا المفروض تركيزكم في الدراسه وتمارسي رياضه انتي بتحبيها وتعيشي كل حاجه في وقتها

نور. بس انا محدش قالي الكلام دا قبل كدا

مريم. طيب واحنا بنقولك وبنفهمك

مي. هي مامت نورين فين

نور. موجوده بس هي ع طول في الشغل ومش بتقعد مغاها

مي. معندهاش اخت بنت

نور لا برضو معندهاش اخوات خالص

وفي الوقت دا نورين بعتت فويس لنور

نورين. يعني انتي شايفه اني اوافق ي نور

مي اخدت الهاتف من نور وبعتت فويس لنورين

مي انا مي اخت نور وبقولك ماتبعتيش ليه حاجه لانه دا ولد مش كويس

نور. اتعصبت انتي ازاي تبعتي فويس لصحبيتي وتدخلي انا غلطانه اني حكيتلك حاجه

مي. روحي ع اوضتك ي نور

نور. بنفس العصبيه هاتي تليفوني

مي. بصوت عالي مافيش تليفون وروحي ع اوضتك

نور. بعصبيه وبصوت عالي انتي مالكيش دعوه بحياتي انا حره وهاتي تليفوني وانا همشي وهعيش في بيتنا ومش هعيش معاكي

مي. وانا بقولك روحي ع اوضتك وكلامي واضح ي نور ومن النهارده في حاجات كتير هتتغير

مريم. خلاص ي نور اسمعي الكلام

وطلعت نور من الاوضه وكانت متعصبه جدا ومي كانت دماغها واقفه في الوضع اللي هيا في

مي. اعمل اي ي مريم دي ممكن نتعرف ع ولد يضحك عليها في كلمه

مريم طيب اهدي لازم التعامل براحه معاها العصبيه مش هتفيد

مي ولا يوسف اللي ليل نهار ماسك الموبيل وفي اوضته ومالهوش دعوه باي حاجه انا ازاي الفتره اللي قعدوها معايا مافكرتش في الحاجات دي

مريم. كل حاجه هتتظبط

مي. اتجهت اتجاه باب الاوضه انا رايحه اشوف التاني

ودخلت مي الاوضه ع يوسف كان بيكلم صحابه وبيلعبوا بابجي

يوسف وهو ماسك الهاتف في اي ي مي مالك

مي مدت ايديها ليه وريني الموبيل دا بتعمل اي عليه

يوسف وهو في نفس الوضع وبيضحك اي السؤال الغريب دا هكون بعمل اي يعني ي مي بلعب بابجي

مي انت ليل نهار ماسك التليفون وقافل الاوضه عليك

يوسف. واي المشكله احنا في اجازه ومافيش حاجه نعملها

مي. انزل جيم ولا اتمرن اي حاجه

يوسف. ماانا ونور كنا بنتمرن تينس

مي. طيب كويس اي اللي خالاكم توقفوا

يوسف. لما بابا مات وجينا هنا ملاقناش حد مهتم فقولنا خلاص عادي بقي

مي. لا مش عادي هترجعوا التمرين تاني وفي حاجات كتير هتتغير ومدت ايديها ليه هات التليفون

يوسف ليه

مي كده ومن غير ليه مافيش تليفونات

يوسف. بدا يتعصب انتي مفكرانا اطفال ولا اي احنا كبار وفاهمين

مي بعصبيه. انتوا لا كبار ولانيله هات الزفت وماتناقشنيش

وفعلا اخدت التليفون وهما كانوا مضايقين ومي كانت مضايقه من الوضع جدا وقررت انها تركز معاهم اكتر من كده

مريم انتي لازم تكوني اهدي من كده

مي بجد انا حزينه عليهم دول ماعندهمش صح وغلط انا مش عارفه و ازاي ما علمهومش اي الصح واي الغلط انا خالو علمني دا ومامتك ليها دور طبعا كانت بتنصحنا احنا الاتنين

مريم بطبطب عليها اهدي ي حبيبتي وبراحه معاهم الجيل غير الجيل

مي ادعيلي ي مريم ربنا معايا واعرف اكون قد المسؤليه دي

مريم ان شاء الله تكوني قدها يلا انا همشي واجيلك بكره

مي. طيب ي حبيبتي

ومشيت مريم وقعدت مي في اوضتها وكانت بتفكر ازاي هو معرفهمومش الحلال والحرام والصح والغلط كان فين وازاي ما مكنش بيقعد معاهم ويتكلم وكان في دماغها كام سؤال وسؤال وغلبها النوم فنامت

في بيت سليم

كانت نوسه قاعده في اوضتها وماسكه هاتفها وفجاه دخل عز عليها مره واحده وكان بيتهرش

عز. وهو بيتهرش نوسه

نوسه بخضه يوه يوه ي عز بيه مش تخبط ع الباب افرض جاعده براحتي وانا واحده عذباء

عز. وهو بيهرش انتي غاساله الهدوم باي

نوسه. اي السوجالل دا اللي هكون غسالهم بايويعني اكيد بمسحوج انت مالك بتتهرش كده ليه

عز مش عارف رغم اني لسه واخد شور

نوسه. وقفت ع السرير ابعد ابعد الا يكون عندك جرب وتعديني

وفي الوقت دا دخل سليم وكان نفس وضع عز وبيتهرش

نوسه. ي ستار ي رب انت لاحجت تعدي اخوك

سليم انا من ساعه مالابست الهدوم وانا بتهرش

عز. هو بيهرش وانا كمان

سليم. انتي غاسله الهدوم ب اي

نوسه. بمسحوج اللي بغسل بيه كل مره

عز. وهو بيهرش لا لا انتي اكيد حاطه حاجه تانيه

نوسه. تعالوا اوريكم المسحوج

وطلعت نوسه من الاوضه وراح الحمام وفتحت الدولاب اللي في المساحيق وادوات التنضيف

نوسه. بتشاور ع المسحوق اهو

سليم. وقعت عينه ع ازازه فمسكها اي دا

نوسه. دي بضرت نمل ام حسين عطيهالي فرشيتها ع الفراشي وفي الدواليب

سليم. الله يخربيتك دي بضرت عفريت

نوسه. ماانا عارفه هي جالتلي مفيده للنمل

عز. كنت واثق ان في حاجه غلط

نوسه. لا غلط ولا صح الواحد غلطان انه بيجتلكم النمل

عز. انتي بتقتلينا احنا ي نوسه

سليم. انا مش هتعصب عليكي

وفي الوقت داه دخلت نهال وكانت بتضحك جامد جدا

نهال وهي بتضحك وناكشه شعرها الدنيا بمبي بمبي بمبي وتعالي جنبي جنبي جنبي

عز وسليم كانوا واقفين مزهولين من منظر امهم

نوسه بصوت واطي الله يخربيتك ي ام حسين انا جولتلك نفرفش الوليه مش نعبطها

نهال وهي في نفس الحال انتوا واقفين كده ليه يلا تعالوا وطلعوا بره الحمام وشغلت الاغاني وفضلت ترقص وعز وسليم بيحولو يوقفوها ومش عارفين

عز قرب من نوسه مشرباها اي

نوسه. ولا حاجه عصير فراوله

عز. متاكده

وفي الوقت دا طلع ابوهم بالبوكسر وبيقول ي جهاد انتي فين ي جهاد

نهال التفت ليه انا هنا يا سلامه ي حبيبي تعالي نرقص ونغني

سليم البت دي ورا اللي بيحصل دا انا متاكد

عز. انا سالتلها وقالت لا

سليم. وانت مصدقها

عز. بنفي لا طبعا

سليم. مشرباهم اي

نوسه عصير

سليم حاطه في اي

نوسه. هجولك انا جولت لام حسين انا حاسه ان مدام نهال وسالم بيه في حاجه مضايقاهم وعايزه افرفشهم وطلعت شريط برشام هلوسه

عز.مسك شريط البرشام الله يخربيتك دي حبوب هلوسه

سالم. انتوا مش بترقصوا ليه يلا بينا هوبا اوعي هوبا اوعي

عز منك لله ي شيخه ابويا الراجل المحترم اللي الكل بيحلف باخلاقه بيقول هوبا اوعي هوبا اوعي

نهال بتزرغط لولولولي وبيتصقف

عز. امي اتجنت منك لله

سليم. اعملهم اي عشان يفوقوا

نوسه. ماتسيبهم مفرفشين انت مالك نكدي ليه

عز دا لما يفوقوا هيفرفشوا عليكي جامد

ودخل سالم لبس بدله رقص وطلع

سليم يالهووي اتصرف ي عز

عز. الله ابوك متقمص شخصيه شاكير

سليم مش وقت هزار احنا لازم نتصرف

نوسه. دخلت جابت طبله وجات تطبل وسالم نازل رقص هو ونهال

نوسه ايوه ايوه يلا هز يا سالم بيه

عز. واي لازمه البيه انتي بوظتي الهيبه خالص

نوسه. بس ي عز بيه سيبه يفك عن نفسه والنبي عسل

يتبع..

• يتبع الفصل التالي اضغط على ( رواية نبض قلبي ) اسم الرواية