رواية المتخفي الفصل الثالث عشر 13 - بقلم ريم محمد
_اعرفكم بماري
*وقفت مصدومة ومش مستوعبه اللي حصل، يعنى ماري عايشة وجايبها كمان
عيني عينك كدا! *
*ابراهام اتكلم وقال*
_مبروك أنتم الاتنين لايقين على بعض، بس البشرية ماري كويسه؟
*جاك اتعصب وقال*
_ملكش علاقه بيها نهائي
*الجولة التانيه خلصت، وكل واحد روح لبيته، وابراهام
روحني البيت وقال*
_ممكن اشرب معاكي قهوة من حقك تعرفي مين ماري وايه حكايتها
_ممكن جدًا
^^^^^^^^^^^^^^^^^^
_جاك تخطى حدوده، مش عارف القواعد
_اهدي يا سمو الملكة، يمكن دا لصالحنا ووصلنا لماري وهتقع في الفخ
_انا خلاص قررت كل ثنائي مع بعض، وكل واحد هياخد عقابه
_اعمل حفلة، واعزمهم في القصر البديل وتكون تنكرية
_هتراقبيهم ازاي يا سمو الملكة، لسه مظهرتيش للعلن
_هراقبهم من غير ما حد يعرف أني هنا، لازم التوازن يحصل ما بين البشر والفامبير
_زي ما تؤمري سمو الملكة
^^^^^^^^^^^^^^^^^
_انا مصدومه وجاك مش عارف؟
_مرايه الحب عميه، تحبّي تعيشي كيوم فامبير؟
_مفكرتش بس موافقة
*طلعنا نتمشى في الغابة
وبعدين افتكرت ذكرياتي مع جاك*
“فلاش باك”
_ايه اللي طلعك على الشجرة؟؟
_حبيت اتسلق
_تتسلقي ايه هو جبل؟
_بتضحكي كمان، خليتِ شكلي وحش، انزلي
_لا حابة اقعد
_ايه دا قرد، أنا خايفة نزلني
_خليكِ، مش عملتي طرزان وطلعتِ
_جاك
_خلاص موافق، على شرط
_موافقة
_انزلي، وانا هشيلك
_هتعرف؟
_دانا محترف
_ونتسابق بالحصان
_موافق، فروسية يلا
“باك”
_جين، أنتِ كويسه؟
_ها؟
_جين؟؟
_اه اه كويسه، كنت بتقول ايه
_أنتِ مش مركزة معايا خالص
_معاك
_طيب كنت بقول ايه من شويه؟
_مش فاكره
_مش قولتلك أنتِ مش مركزة
_اعذرني
_في حاجه مضيقاكِ؟، اتكلمي أنا سامعك
*معرفش ليه فضلت افتكر جاك وكلامه، ليه! وليه لما ماري جت اضايقت!
ليه بفكر فيه!! *
_عشان مفيش مقاومين حتي الشخص اللي كان قاعد معايا انا وماما مطلعش أخويا مفيش أدريان
_بس في حاجه كويسه، ألا وهي إن مفيش حرب ضد البشر
_بس ليه أنا اللي هاخد الحكم ولقب الملكية؟
_صدقيني أنا معرفش حاجة غير، إن جاك مخدوع من مين معرفش بس ماري طرف في الخداع دا
_ماري يطلع منها كل دا!
_ماري شر متنقل
_وإن المقاومين مش موجودين واللي يقرر يحارب البشر هيتحاكم، الفسدة متكشفوش لسه
*ليه من ساعه ما ماري ظهرت وأنا مضايقة ليه؟؟، وكمان محستش بشعور دا تجاه إلياس كان مجرد اعجاب حتى
لما كنت في القصر محستش تجاه جاك بأي حاجه ورغم رفضه الصريح ليا مكنتش بضايق من كلامه ليه دلوقتي زعلانه ومضايقة ليه؟؟ *
*كل لما افكر في الموضوع اضايق ليه؟؟، فجأه حسيت بكمية المشاعر دي، فقت كالعادة على صوت ابراهام*
_مالك يا جين، أنتِ تعبانه؟
_لا مفيش
_كل شويه تتوهي كدا، ايه مزعلك؟
_ابراهام، حبيت قبل كدا؟
_منا بحبك يا جين، الحب بيجي فجأه مبيستأذنش كان جوايا غضب كبير اوي مفيش حاجه كانت قادرة تخمده
لحد ما جه قرار وقالوا الملكة الجديدة هتيجي وفيها براءة وملامح مُريحة بشكل جميل
لدرجة أنك مستعد تحارب عشان تفوز بيها
_أنا من زمان محبتش ماري دي، وحذرت جاك منها بس كأنه معمي في لغز في الموضوع دا هي وراها حد، لحد الان محدش يعرف مين أعداء المملكة غير سمو الملكة اللي حاكمة عالم الفامبير وعالم البشر هي اللي بتعمل توازن محدش يعرف شكلها ولا شافها ولا يعرف مكانها بس أكيد عارفه الفسدة اللي روجوا للاشاعات دي عشان الفساد بين الاتنين يتنشر وجاك عمره ما مال لبشرية بس يحب ماري والحب دا صعب في حاجه
_بس ليه بتسألي السؤال دا؟
_يعني حبيت اعرف الحب عبارة عن ايه
_مكنتش بسمع لكلام حد لحد ما أنتِ جيتِ عملت حساب لانتقامي وقولت مش هعيش في صراعات عشان خاطرك أنتِ، لازم أوفرلك بيئة أمنة
كدا كدا سمو الملكة هتحاسب كل واحد بيعمل شغب في المملكة
_ابراهام؛ أنت طلعت شخص لطيف وجميل أوي شكل وشخصية مكنتش متوقعة كدا
*ابتسم وقال*
_يمكن الحب غيرني
^^^^^^^^^^^^^^^^^^
_لونا، عايز اعترفلك بحاجة
_اتفضل يا إلياس
_بصراحة الاول مكنتش بحبك، بس بعدها حبيتك اوي أوي وعايزك تكوني شريكة حياتي وانا بحبك
_ما أنا خطيبتك
_عايز تكوني زوجتي وشريكة حياتي يا لونا
_ما احنا مرتبطين يا إلياس
_حبيت اعترفلك بحبي يا لونا
لاني عارف أنك جيه تدروي علي حد اسمه أدريان وفي الاخر ملاقتيش حد بالاسم دا أنتِ بتحبي أدريان مش انا، أنا وسيلة للوصول له، بس مين المحظوظ اللي بنتين بنفس جمالكم وقوتكم ايه يخليهم يجازفوا عشانه وفي الاخر طلع مفيش حد بالاسم دا
_صدمة مش كدا؟
_ايوا صدمة وكبيرة يعني سعيت علي الفاضي
واللي حبيته طلع شخص غريب مين الشخص اللي كان في بيت جين لما كانت في عالم البشر وضحك عليّ انا وجين!!
_متعيطيش حقك عليّ أنا من كل حاجة
_دموعك غالية عليّ
_تعبت مبقتش قادرة
^^^^^^^^^^^^^^^^^^
_كنتِ فين كل دا يماري وحشتيني
_غصب عني يجاك بعدت عنك مكنش بإرادتي
_أنتِ متعرفيش اتعذبت من بعدك كدا ايه يماري معرفتش احب من بعدك
_ماري بخبث:عارفة
_ليه مظهرتيش يا جين
_جين؟؟
_أنا قولت جين؟
_ايوه
_قصدي ماري
_أنت نسيت اسمي!!
_اتلخبطت
^^^^^^^^^^^^^^^^^^
*الجولة التالته والرابعه بدأوا وكالعاده ماري مع جاك
وجودها بيضايقني
وحماس جاك مش موجود مستسلم لابراهام
وابراهام اللي كسب*
*اللي متابع المباراة قال*
_بما إن جاك عصى الأوامر
_واتخذ بشريه رفيقته
_عقابًا له، هتكون جين الرفيقة
_بس ابراهام اللي كسب!!
_قرار نهائي قررته سمو الملكة
جين رفيقة جاك
يتبع…..
- يتبع الفصل التالي اضغط على ( رواية المتخفي ) اسم الرواية